مشاهدة النسخة كاملة : مدونة قصص دينا عماد
ايام عمري
03-05-2014, 03:03 PM
هذه قصة للكاتبة دينا عماد
http://mamietitine.m.a.pic.centerblog.net/cyndelle-Cyndelle124509360615_art.gif
جريمة قتل
الحلقة 1
اقدام رجل تصعد السلالم والادوار المتتالية
يمشى فى احد الادوار.. يقف امام باب... يخرج من جيبه مفتاح
نرى الباب وبجانبه مكتوب
د. عاصم فواز
جراحة عامة
يد الرجل تفتح الباب بالمفتاح
يدخل ...يفتح النور... يبص فى الساعة
الساعة تدق 7 ... مساءا
يمشى فى العيادة ويفتح الانوار
يصل لاوضة الكشف... يفتح الباب
محتويات المكتب مبعثرة
كرسى من الكرسيين اللى قدام المكتب مقلوب
اباجورة المكتب واقعة ع الارض
الفازة مكسورة وعليها دم
درج المكتب مفتوح
اثار الدم تملا المكان
وجنب المكتب... جثة
جثة دكتور عاصم فواز
http://mamietitine.m.a.pic.centerblog.net/2de774d4b0173db29c338895907c4dfc.gif
قبل سنة
فى المطار...لبنى خارجة من المطار وفى ايدها ابنها ادم
لبنى عندها 30 سنة واللى يشوفها يفتكرها اصغر من جمالها
وشياكتها ومظهرها الاوربى ...ادم 4 سنين
مايسة"لبنى اهى يا حسين"
تشاور مايسة للبنى...لما تشوفها تشاورلها
لما يقربوا...حسين يحضن لبنى بشوق...وبعدين ادم
مايسة تحضن لبنى بفرحة ... ياخدوا الشنط ويروحوا على العربية
فى الطريق لبنى بتحضن بعنيها كل شبر فى ارض مصر
حسين"ماما مستنياكى على نار"
مايسة"انا نضفت لك شقتك وخليتها زى الفل"
لبنى بابتسامة لامبالية"ميرسى يامايسة...مكنش له لازمة
تتعبى نفسك"
مايسة"وانا ف ده اليوم لما تيجى وتنورينا"
حسين بيبص فى المراية على لبنى...لبنى بتبص بره
حسين"هنطلع ع المنصورة على طول"
لبنى"اه "
حسين "ايه مالك؟"
http://mamietitine.m.a.pic.centerblog.net/2de774d4b0173db29c338895907c4dfc.gif
لبنى"سلامتك ياحسين مفيش حاجة"
حسين"انتى لسه زعلانة منى"
لبنى"لا طبعا...خلاص ياحسين دى حاجة فاتت عليها سنين"
وبصت مايسة لادم"كله يهون علشان خاطر ادم"
حسين"مكنش ينفع اطاوعك واساعدك تتطلقى وابنك يتربى
مفارق ... وبعدين جوزك مش وحش للدرجة اللى انتى
وصفتيها لما جيتى عايزة تتطلقى"
لبنى بعينين اغرورقت فيها الدموع
"خلاص ياحسين... انا من بعدها مفكرتش فى الطلاق تانى"
"طيب بذمتك هو بيبخل عليكى ف حاجة"
لبنى بابتسامة بدموع"عمره ما بخل عليا فى فلوس"
حسين"طيب عايزة ايه اكتر من كده... ده اللى يشوفك
يفتكرك واحدة خواجاية من ايطاليا اللى عيشتى فيها بس 5 سنين
ولا كأنك بنت المنصورة اللى عشتى فيها 25 سنة"
مايسة"صلى ع النبى ياحسين... ماشاءالله عليها زى القمر
وبعدين لازم تتزوق وتبقى قمر كده اومال يعنى الدكتور
وهو فى بلاد بره يبص لخواجاية ويقول اصلها حلوة...
جدعة يا لبنى انتى بقيتى احلى من بنات بلاد بره"
http://mamietitine.m.a.pic.centerblog.net/2de774d4b0173db29c338895907c4dfc.gif
حسين ماسك موبايله
"خدى يالبنى اتصلتلك بماما ..طمنيها عليكى"
فى كافيه ... وعلى ترابيزة فى ركن بعيد
"الله يافريد حلو اوى المكان هنا"
"هو حلو فعلا"
سلمى قاعدة ماسكة المينيو... وفريد بيبص لها
"انا هشرب اى عصير"
وسابت المينيو من ايديها...ووصل الجرسون طلب
فريد 2 عصير
"ها قولى بقى ايه الموضوع اللى بقالك
يومين متردد فيه"
"خايف"
"خايف من ايه"
"خايف يكون كلامى صعب او جارح بس انا فكرت كتير"
مالت سلمى لورا وسندت على الكرسى وشبكت
ايديها وردت بترقب
"اتكلم يافريد قلقتنى"
"انا عارف ان كلامى هيزعلك بس زعل دلوقتى احسن
من زعل بعدين"
http://mamietitine.m.a.pic.centerblog.net/2de774d4b0173db29c338895907c4dfc.gif
سكت فريد... وسلمى ساكتة... بدأت تفهم ...وعينيها دمعت
"انا مش عايز اظلمك معايا... من شهر من يوم مااتخطبنا
وانا خايف اظلمك وده شعور بيقتلنى وانا اتعودت
اكون صريح معاكى"
"وانت كده بتقتلنى...ياريتك ماكنت صريح معايا"
"انا بجد اسف"
وقامت سلمى... وقلعت دبلتها وسابتها قدام فريد وهى بتعيط
"واضح انك لسه بتحبها... كل السنين دى مقدرتش تنساها"
فريد ساكت مبيتكلمش وهو مقدر شعور سلمى
"معقول تكون بتحب واحدة سابتك واتجوزت واحد اكبر منها
ب15 سنة علشان مركزه اكبر وجاهز وانت كنت لسه
فى البداية"
"لبنى انتهت من حياتى من زمان زى ماحكيتلك"
"يمكن انتهت من حياتك...انما لسه ف قلبك"
سابته سلمى ومشيت...جه الجرسون بالعصير
قام فريد دفع الحساب ومشى بعد مااخد الدبلة من ع الترابيزة
http://mamietitine.m.a.pic.centerblog.net/2de774d4b0173db29c338895907c4dfc.gif
فى اوضة نوم ... مايسة ولبنى قاعدين على السرير
"هاتى اساعدك تحطى الهدوم فى الدولاب"
"لا استنى لما اطلع الحاجات اللى جيبهالكم الاول"
فتحت لبنى شنطتها طلعت علبة سجاير وولاعة...ولعت سيجارة
"بصى الشنطة الصغيرة دى كلها ليكى انتى وحسين وحمادة...
انا علشان مشفتوش من زمان بقيت اطلب الهدوم واقول
لولد عنده 9 سنين ...مظبوط"
مايسة ببطء"اه مظبوط... انتى بتشربى سجاير يالبنى"
لبنى وهى بتنفث دخان سيجارتها"ايوه"
"ليه"
واخدت لبنى وضع دفاع واتعدلت وهى قاعدة
"بتسألينى ليه...انتى يامايسة اللى بتسألينى...
اقول ايه ولا ايه ... وعلى فكرة مش بشرب سجاير
بس انا كمان بشرب خمرة"
"يا مصيبتى... ايه يالبنى اللى غيرك كده"
وردت بدموعها
http://mamietitine.m.a.pic.centerblog.net/2de774d4b0173db29c338895907c4dfc.gif
"اللى غيرنى انى عايشة مع راجل اكبر منى
ب15 سنة واتجوزته وانا مبحبوش وكمان اخدنى وبعدنى
عنكم وبقيت لوحدى فى ايطاليا وانا معرفش حد .
.اتعرفت على جارة ليا هناك هى اللى علمتنى السجاير
ومع الوقت انا اللى لجأت للخمرة علشان اتسطل
ومحسش وانا معاه وبين ايديه باحساس الالم
والندم والحسرة"
"يااااااه يا لبنى...كل ده جواكى"
وردت وهى بتعيط
http://mamietitine.m.a.pic.centerblog.net/2de774d4b0173db29c338895907c4dfc.gif
"لما جيت هنا وانا بولد ادم وقلت لحسين انى عايزة اتطلق
كان عندى امل انى ابدأ حياة جديدة وانسى حياتى مع عاصم.
..بس للاسف محدش وقف جنبى لا حسين ولا ماما"
"بس دكتور عاصم انسان محترم ووقور ودكتور معروف
هنا فى المنصورة يعنى بنات كتير تحسدك عليه"
"انا منكرش انه محترم ووقور وكريم معايا فى الفلوس وف اى
طلب بطلبه وبيعاملنى كويس... بس انا مش قادرة ابقى
سعيدة معاه لانى مبحبوش"
http://mamietitine.m.a.pic.centerblog.net/2de774d4b0173db29c338895907c4dfc.gif
"يبقى المشكلة فيكى انتى يا لبنى...مش ذنبه انك مش
عارفة تحبيه وبعدين هو بقى ابو ابنك دلوقتى يعنى
حاولى تحبيه ومتستسلميش للكلام ده"
سكتت لبنى لحظات...وسألت مايسة بتردد
"متعرفيش حاجة عن فريد"
"فريد بعد جوازك ساب المنصورة ومن يومها متصلش
بحسين خالص ولا ف اى مناسبة ولا نعرف عنه حاجة"
هزت لبنى راسها بعد فقدانها الامل انها تعرف
اى حاجة عن فريد
وسألتها مايسة
http://mamietitine.m.a.pic.centerblog.net/2de774d4b0173db29c338895907c4dfc.gif
"بس قوليلى ايه الجاية المفاجئة دى...اجازة طويلة ولا قصيرة ولا ايه"
وفتح حسين باب الاوضة عليهم وهو ماسك موبايل لبنى
"موبايلك كان بيرن بره...دكتور عاصم بيتصل"
اخدت لبنى التليفون من حسين... وهى بتقول لمايسة
"هخلص المكالمة واحكيلك انا جيت ليه"
الله الله ايام عمري على هل القصه
الحلوه والمشوقه ويا ريت تكون باقي القصه
جميله انا متشوق لا سماعها الا الاخر
مشكوره على هل المجهود الرائع والحلو
وتقبلي شكري العاشق حمام من القلب
5/3/2014
https://encrypted-tbn1.gstatic.com/images?q=tbn:ANd9GcR3vlYn9mZMwDPwXeCfMXjFJv2cuSj0x e75AJjglaQdMNY5YOhcDQ
ايام عمري
03-06-2014, 04:38 PM
بشكرك على مرورك اسمر
انا من محبي متابعة القصص
بتمنى فعلا تعجبكن
ورح نتابع اكيد مع الحلقة الثانية
ايام عمري
03-06-2014, 04:48 PM
جريمة قتل الحلقة 2
http://mamietitine.m.a.pic.centerblog.net/5f8a0dc15252.gif
اخدت لبنى الموبايل من حسين..وردت
"الو... الحمدلله...ايوه وصلنا من شوية.. كلهم كويسين
بيسلموا عليك... ادم كويس ... عند ماما وانا جيت
شقتى... مش هنقعد فيها...طيب هروح بقى اقعد عند
ماما... قدامك قد ايه... لما تحجز قولى...مع السلامة"
قفلت لبنى...بصت لها مايسة
"ايه بقى احكيلى...جاية اجازة ولا على طول"
لبنى بفرحة"على طول الحمدلله... عاصم هيفتح
مستشفى فى القاهرة علشان كده قرر اننا نرجع"
"ماشاءالله ماشاءالله ...مستشفى فى القاهرة...وانتى
اللى زعلانة على حالك؟"
http://mamietitine.m.a.pic.centerblog.net/5f8a0dc15252.gif
"مش بتاعته لوحده ده له شركاء هما اللى هيدفعوا
الفلوس وهو الوحيد اللى دكتور علشان كده شريك بالادارة
بس"
"ياستى اهو برضه اسمه هيبقى صاحب مستشفى...
والشركاء دول مصريين"
"لا ايطاليين"
"ومجاش معاكى ليه... وهتعيشى هنا ولا فين"
"هو مصمم انى اقعد معاه انا وادم فى القاهرة ...وانا كنت
مستعجلة على الرجوع اوى فلما خلص كل شغله هناك كنا
هننزل مع بعض هو اتعطل وانا مقدرتش استنى فسبقته
وجيت"
"كويس ده انتى وحشانى اوى يا لبنى...انتى مش اخت
جوزى بس ده انتى صاحبتى من قبل مااعرف حسين"
"وانتى الوحيدة اللى كنتى عارفة الحب الكبير اللى كان
بينى وبين فريد"
http://mamietitine.m.a.pic.centerblog.net/5f8a0dc15252.gif
"ومع ذلك وطول السنين دى مجبتش سيرة لحسين ان
فريد صاحبه بتاع زمان يبقى حب حياتك الوحيد... انتى
تعرفى ان حسين كتير كان بيقعد يسأل فريد اختفى وراح
فين ولا بيسأل ولا حاجة وطبعا انا كنت فاهمة ان بعد
مااتجوزتى هو بعد عننا خالص"
"حسين مفكرش يسأل عليه ولا راح بيت مامته يسأل"
"فريد اصلا قال لحسين انه هيسافر مصر يدور على شغل
وبعدها بقى غير تليفونه ولما حسين راح البيت عرف انه
سافر ومامته راحت معاه"
"سافر فين بره مصر ولا جوه"
"معرفش...ده بالتفصيل اخر حاجة اعرفها"
وفتح حسين باب الاوضة تانى
"ايه الريحة دى ... ريحة شياط"
http://mamietitine.m.a.pic.centerblog.net/5f8a0dc15252.gif
مايسة بصت على الطفاية اللى فيها اخر جزء فى تالت
سيجارة ولعتها لبنى من وقت ماقعدوا
شاف حسين الطفاية
"ايه ده...سجاير"
"ايوه يا حسين سجايرى"
"طيب انا قلقت من ريحة الشياط"
قفل الباب وخرج.... مقدرش يتكلم معاها رغم انها اخته
الصغيرة بس دايما كانت بتساعده وتبعتله فلوس
هو ومامتها
فى مكتب فى القاهرة
http://mamietitine.m.a.pic.centerblog.net/5f8a0dc15252.gif
خالد فى مكتبه...قدامه رجلين
"معلش ياجماعة الباشمهندس فريد قدامه 5 دقايق
ويوصل"
رجل 1"وهو مينفعش نتكلم معاك يابشمهندس"
رجل2"ماانت الخير والبركة برضه"
خالد"هو ينفع طبعا فى العادى هو شريكى فى المكتب
بس انا معايا شغل لفترة طويلة والباشمهندس فريد هو
اللى هيمسك الشغل بتاعكم علشان الشغل اللى معاه
هيخلصه بكره ولا بعده"
ودخل فريد...
"انا اسف على التأخير يا جماعة"
وقعد معاهم فريد واتكلم مع الموجودين وهما اصحاب محل
وعايزين يعملوا تجديدات فيه المحل بتاعهم واتفقوا مع
فريد من خلال مكتب الديكور اللى فاتحه مع خالد صاحبه
وبعد الكلام فى التفاصيل قاموا مشيوا..وبعد ما مشيوا
"ايه يافريد اللى اخرك كده"
"كنت بخلص موضوع سلمى"
"برضه سيبتها"
http://mamietitine.m.a.pic.centerblog.net/5f8a0dc15252.gif
"كنت فاكر انى هبقى سعيد معاها لقيت نفسى مش
مبسوط ولا قادر اسعدها ...يبقى على ايه بقى"
"بس انتوا كنتو مرتبطين من قبل الخطوبة"
"بص ياخالد انا كنت برتاح معاها فى الكلام وحتى حكيت
لها على كل اللى فات وصدمتى فى اللى حبيتها ومع ذلك
هى فضلت تقولى هتنساها وانا اقدر اخليك تنساها وبعد
تفكير قلت يمكن فعلا لما اخطب واتجوز اقدر انساها...
مقدرتش ياخالد... كنت كل يوم بفتكرها...بحلم بيها كل
يوم...صورتها مش بتفارق خيالى"
http://mamietitine.m.a.pic.centerblog.net/5f8a0dc15252.gif
"ياعم فريد محدش بيحب كده"
"اهو نصيبى بقى احب كده... ولو انى متأكد انها اكيد
نستنى وعايشة مع جوزها مبسوطة لانه اكيد حقق لها كل
اللى مكنتش اقدر احققه وقتها"
فى شقة اهل لبنى فى المنصورة... بعد 10 ايام من
رجوعها
على السفرة قاعدين بيتغدوا...لبنى وعاصم وحسين والام
ومايسة وادم وحمادة
عاصم"تسلم الايادى"
حسين"بالهنا والشفا يادكتور... منورنا والله"
عاصم قايم من ع الاكل
مايسة"لالالا يا دكتور مينفعش كده انت مأكلتش حاجة"
عاصم"لا ازاى ده انا بقالى سنين مأكلتش أكل حلو كده"
الام"يا خبر... وانتى مبتعمليش اكل لجوزك ليه يالبنى"
عاصم"وانا معقول كنت هخليها تتعب برضه... احنا كان عندنا
شغالة هى اللى كانت بتعمل كل حاجة"
مالت مايسة على لبنى
http://mamietitine.m.a.pic.centerblog.net/5f8a0dc15252.gif
"شغالة كمان... وبتشتكى ياعينى علينا"
عاصم كان فى طريقه للحمام يغسل ايديه
الام"قومى يا لبنى شوفى جوزك محتاج حاجة"
وقامت لبنى... وقفت عند الحمام... وهو خارج من الحمام
"مش عايزة حاجة منى قبل مااسافر"
"انت مسافر دلوقتى"
http://mamietitine.m.a.pic.centerblog.net/5f8a0dc15252.gif
"اه يدوب هروح استلم المستشفى.. وعاملك مفاجأة "
قاموا كلهم من الغدا تباعا... وبعدين سلم عليهم عاصم
وهو نازل... قال للبنى
"لبنى ...يومين تلاتة بالكتير اتصل بيكى تيجى"
وصلت لبنى وادم القاهرة بالسوبر جيت
كان مستنيها عاصم...بعربية جديدة
"ايه ده ياعاصم...انت جبت عربية"
"اه دفعت مقدمها واستلمتها امبارح"
بصت لبنى للعربية... عجبتها
"حلوة اوى"
"وهاخدك تشوفى واحدة ليكى"
لبنى بفرحة"بجد ياعاصم"
"طبعا ياحبيبتى... اركبى بقى علشان نروح الشقة اللى
اجرتها مؤقتا لحد مانروح الفيلا"
"فيلا يا عاصم؟؟"
رد عليها بعد ما ركبوا العربية وبدأ يتحرك
"ايوه هى دى المفاجئة"
"فيلا ازاى يعنى"
http://mamietitine.m.a.pic.centerblog.net/5f8a0dc15252.gif
"ايه ..فيلا يا لبنى هنعيش فى فيلا...ايه الغريب فى كده"
"الغريب ان بقالنا سنة حياتنا اتغيرت تماما... احنا كنا
عايشين هناك مستورين يدوب دخلك من المستشفى كان
مكفى المصاريف .... انا عارفة ان مصريفنا كانت
كبيرة...يعنى مكنتش بتوفر حاجة...فجأة كده لما جينا عربية
ع الزيرو ليك وعايز تجيبلى عربية ... ومستشفى وفيلا...
كل ده منين"
http://mamietitine.m.a.pic.centerblog.net/5f8a0dc15252.gif
"ما انتى عارفة انى مش دافع حاجة فى المستشفى"
"انما العربية والشقة اللى أجرتها... والفيلا جبت فلوسهم
منين"
"هيكون منين يعنى من شغلى"
"ايه اللى اتغير فى شغلك علشان تكسب
الفلوس دى كلها"
"جرى ايه يا لبنى بدل ماتفرحى ان ربنا فرجها علينا اوى"
"لو كان كل ده جه بالتدريج ماشى انما ده جه فجأة "
"مش فجأة ولا حاجة انا بشتغل من زمان
وطبيعى يكون ده مستوايا دلوقتى"
وقف بالعربية
"الشقة اللى أجرتها هنا... هننزل الشنط ونروح تتفرجى
ع الفيلا"
نادى على البواب... اخد البواب الشنط وطلع معاه عاصم
بعد مانزل عاصم...ركب العربية وراحوا على الفيلا
"بعد ما نروح الفيلا هروح لخديجة هتيجى معايا"
"لا"
http://mamietitine.m.a.pic.centerblog.net/5f8a0dc15252.gif
"ليه ماتيجى معايا"
"مش عايزة"
"براحتك"
وصلوا للفيلا... الفيلا كانت قديمة والجنينة بتاعتها مهملة
"ايه ده ياعاصم... احنا هنعيش هنا"
"هنعيش هنا بس اكيد مش هنعيش فيها بالشكل ده...
هتتوضب الاول"
فتح عاصم بالمفتاح باب الفيلا
دخلت لبنى...الفيلا من دورين وواسعة وكبيرة وفاضية
تخيلتها لبنى بعد التوضيب....فرحت بيها
"حلوة اوى ياعاصم"
http://mamietitine.m.a.pic.centerblog.net/5f8a0dc15252.gif
"لسه فوق كمان...تعالى"
وهما طالعين ع السلم رن موبايل عاصم...رد
"الو... اهلا اهلا... تمام كله تمام...قريب اوى طبعا... اسمه
ايه؟؟ شهاب...طيب خلاص ..هو فاهم يعنى...
ماشى ..مع السلامة"
"مين ياعاصم"
"مكالمة شغل... ها ايه رأيك؟؟"
"حلوة اوى"
رن جرس الفيلا... هما فوق
نزلوا... وعاصم بيسبق وبيقولها
"جه فى معاده مظبوط... مهندس الديكور اللى هيعملنا
الفيلا"
نزلت وراه لبنى...ماشية وراه لحد ما وصل للباب
فتح الباب... ظهر فريد
http://mamietitine.m.a.pic.centerblog.net/5f8a0dc15252.gif
لمحته لبنى... حست ان روحها بتتسحب منها
مش متوقعة انها هتقابله... وكمان بتقابله فى وجود عاصم
لفت بسرعة اتجاه تانى قبل ما يشوفها فريد
ولحد ما تحاول تظبط اعصابها فى الموقف الصعب ده
"اهلا يا بشمهندس اتفضل...مواعيدك مظبوطة"
"اهلا بحضرتك يافندم... طبعا لازم مواعيدنا تبقى مظبوطة
زى شغلنا بالظبط"
"لبنى... تعالى...بشمهندس فريد مهندس الديكور اللى
هيعملنا الفيلا... مدام لبنى مراتى هى اللى هتختار كل
حاجة فى الفيلا على ذوقها"
اضطرت لبنى انها تعدل وجهتها ناحية فريد وهى بتاخد
نفسها بصعوبة... اول ما لمحها فريد... بص لها لحظة...
وبص لجوزها وكأنه افتكر وجوده...اعصابه توترت بشكل
كبير... حس انه فى حلم لما قابل لبنى.... ايديهم الاتنين
بترتعش وكل واحد فيهم بيسلم على التانى
http://mamietitine.m.a.pic.centerblog.net/5f8a0dc15252.gif
http://mamietitine.m.a.pic.centerblog.net/5f8a0dc15252.gif
ايام عمري
وااااااااااااااااااااااااااااو بجد حلوه شكلها هتكون قصه حلوه وبتجنن
ان شاء الله ربنا معاكى فى باقي الحلقات ومستنياها على نار
مشكوره على تعبك
وتقبلي مروري
العاشق حمام من القلب
6/3/2014
http://mamietitine.m.a.pic.centerblog.net/5f8a0dc15252.gif
هههههههه ايام عمرى
عيشتينى معك بالدور
بسرعه يلا نشوف الباقى هههههههههههه
ايام عمري
03-07-2014, 12:50 PM
هههههههههههههههههه
حمام وشهد نورتوني بجد
شكلك يا شهد لازم تقري القصة بعدين
وانتي مغمضة عيونك
بس كل الحق على الكاتبة
علي النقل فقط
ههههههههههه
يلا نتابع الحلقة 3
ههههههههههه ايام عمري
من الصبح وانا بنتظر الحلقه التالته
عليكي خصم اليوم 20 مشاركه لانك اتاخرتي
علينا واحنا ننتظر متشوقين لا سماع الجزء
الثالث
بس يا ايام لا تعملينا ايام مسلل تركي يكون مليون حلقه ههههههههههههههه
حمام من القلب
7/3/2014
ايام عمري
03-07-2014, 01:00 PM
جريمة قتل الحلقة 3
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
لحظة تلامس ايدين لبنى وفريد بالسلام
رن موبايل عاصم...راح بعيد يرد
لقطات سريعة مرت فى خيال الاتنين
يوم ماشيين فيه والدنيا بتمطر وايديهم فى ايدين بعض
يوم قاعدين فيه فى سينما وايديهم فى ايدين بعض
يوم الفراق ودموعهم فى عينيهم وايديهم فى ايدين بعض
كل ده مر فى لحظات ولسه ايديهم فى ايدين بعض
سحبت لبنى ايدها لما حست بدموع فى عينيها
رجع كل واحد منهم خطوة لورا... لبنى مسكت ادم
فريد وقف بعيد وضهره للبنى وعاصم الابعد منه
علشان يحاول يضبط اعصابه
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
خلص عاصم المكالمة
"انا اسف كان تليفون شغل ولازم امشى حالا... اسيبك يا لبنى
تتفقى مع البشمهندس على كل اللى انتى عايزاه"
لبنى"لا انا مش قادرة استنى عايزة اروح"
فريد"مفيش مشكلة يادكتور اى وقت تحت امرك...بعد اذنك"
وسلم فريد على عاصم... وهز راسه للبنى...وخرج بسرعة
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
فريد خرج بسرعة وكأن ذكرياته بتطارده
حاول يهرب منها...بس صورة لبنى الجديدة مفارقتش خياله لحظه
عاصم بعد ما خرج فريد...اخد لبنى يوصلها ولما وصلوا عند البيت
"انا رايح المستشفى اقابل دكتور جديد علشان خلاص هنفتتحها
قريب وبعدين هروح لخديجة وورايا كام مشوار متقلقيش لو اتأخرت"
هزت لبنى راسها من غير ماترد...لبنى عايزة تبقى لوحدها علشان
تسترجع لحظة لقائها بفريد تانى وتالت ورابع
عاصم راح على المستشفى... مبنى كبير وجاهز حتى الاسم مكتوب
عليها...بس الباب كان مقفول والامن قاعد جوا...لما شاف عربية عاصم فتح له
"فيه دكتور هييجى يسأل عليا اسمه شهاب...خليه يطلع لى المكتب"
"جه يادكتور ولما عرف انك مش موجود قال ربع ساعة وهييجى تانى"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
عاصم فى مكتبه... مكتب فاخر جدا وعلى المكتب مكتوب
"د.عاصم فواز...... مدير المستشفى"
بعد حوالى 5 دقايق ...سمع صوت حد طالع السلم
وبيقرب من المكتب... الباب كان مفتوح
ظهر شاب فى نهاية العشرينات...مظهره بيدل على انه
متوسط اجتماعيا يميل للفقر
"مساء الخير يادكتور "
"مساء النور...اتفضل"
قعد شهاب قدام المكتب وهو مرتبك
"سلطان كلمنى وفهمنى انك عارف وفاهم
هنعمل ايه بالظبط"
"عارف يادكتور"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
"العمليات دى محدش هيعرف عنها حاجة غير انا وانت بما انك دكتور
التخدير وخلاص طقم التمريض اللى هيبقى معانا فى العمليات دى اختارته ...
غير كده المستشفى هتمشى طبيعى زى اى مستشفى تانى"
"ان شاءالله... احنا هنبدأ شغل امتى"
"افتتاح المستشفى هيكون كمان 3 ايام... هيحضره وزير الصحة وشخصيات
معروفة كبيرة... وهنعمل اعلانات فى الجرايد والتليفزيون...
احنا عايزين المستشفى تبقى عادية جدا وتتزحم علشان شغلنا
يدارى فى الزحمة"
"ان شاءالله يادكتور"
فتح عاصم درج المكتب... طلع 2 باكو فلوس
"خد دول 20 الف جنيه... ظبط مظهرك على قد ماتقدر وبعد مانبدأ شغل
ابقى جيب عربية ...مظهرك مهم علشان انت واجهه للمستشفى"
قام شهاب وقف وهو بياخد الفلوس.. نظراته للفلوس نظرة محروم
"انت ساكن فين ياشهاب"
"فى شقة ايجار فى السيدة زينب"
"انت مش من هنا"
"لا من قرية صغيرة تبع الغربية"
"طيب انا هخليهم يجهزولك سكن هنا فى المستشفى لحد ما
تسكن فى مكان ارقى من كده..عندك مانع"
رد شهاب بفرحة
"مانع ايه... ياريت طبعا"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
عاصم بيرن جرس باب... الباب بيتفتح
ست فى الخمسينات بتفتح الباب
"عاصم... اهلا وسهلا...اهلا اهلا"
ويسلموا على بعض بحرارة...يدخل عاصم لبيت يعرفه كويس
"ازيك ياخديجة... وحشتينى اوى"
"انت كمان ياعاصم... حمدالله ع السلامة جيت امتى"
"لسه من يومين بس... وهستقر هنا فى القاهرة"
"بجد... كويس علشان ابقى اشوفك...واحشنى والله"
"وانتى كمان ياخديجة...ازى صحتك عاملة ايه"
وبص لصورة محطوطة فى برواز صغير على ترابيزة صغيرة بين الكنبة
اللى قاعد عليها واللى عليها خديجة
"الصورة ابيض واسود لاب وام وطفلين"
مسك عاصم الصورة
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
"يااااااه...الله يرحمه ...اومال ولادك اخبارهم ايه"
"الحمدلله...استنى انادى على سمر...بقالها كام يوم قافلة على
نفسها ومش بتكلمنى ولا بتاكل معايا....زعلانة ومخاصمانى علشان
رفضت عريس اتقدم لها...طيب بذمتك انت اقبل واحد جاى يتقدم لها
ولا عنده شقة ولا معاه يجيب ولسه بادئ يشتغل"
خديجة حكت الكلام كله ورا بعض من غير ما يسألها
هى دى طبيعتها... وخصوصا مع عاصم
من وهما صغيرين وهما يعتبروا زى الاخوات
هى بنت عمته بس اتربوا فى بيت العيلة رغم انها اكبر منه بشوية
بس كانوا وهما صغيرين قريبين من بعد... وبعد مااتجوزت وسابت
المنصورة بقى كل اللى بينهم زيارات حسب الظروف
قامت خديجة...وهى قايمة بتنادى على سمر
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
دخلت اوضة سمر لقيتها ممدة على السرير والاوضة ضوءها خافت
حاطة السماعات فى ودنها...وبتعيط
"قومى سلمى على خالك عاصم"
مسمعتهاش سمر...قربت منها وشاورت على السماعات...
شالت سمر السماعة اليمين من غير ما تقفل الاغانى
"فى ايه"
"قومى سلمى على خالك عاصم"
"هو رجع من بره"
"اه ...قومى اغسلى وشك وغيرى هدومك دى...وافتحى الاوضة
خليها تتهوا شوية بدل الكتمة دى"
قامت سمر وهى بتنفخ...دخلت الحمام ورجعت تغير هدومها
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
خديجة وعاصم قاعدين بيفتكروا حكايات قديمة
دخلت عليهم سمر وبفرحة حقيقية
"ازيك ياخالو...حمدالله ع السلامة"
واتفاجئ عاصم
"مين دى...مش معقول... سمر"
وسلم عليها وهو بيبص لها وبيتفحصها من راسها لرجلها
"انا مش مصدق... القمر ده سمر العيلة الصغيرة"
سمر"عيلة ايه انا مخلصة جامعة من سنتين...انت اللى مش بتجيلنا من زمان"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
عاصم"تعالى اقعدى واحكيلى خلصتى ايه وبتعملى ايه"
خديجة"اقوم انا احضر العشا...علشان نتعشا مع بعض"
ولما قامت خديجة وبقت فى ضهر سمر
شاورت لعاصم...بمعنى علشان سمر تاكل
عاصم بيبص لسمر وهو مبتسم
"مستغربنى ليه بس ياخالو"
"متفاجئ بيكى مكنتش فاكر انك بقيتى بالجمال ده"
ووطا صوته وقرب عليها
"مامتك وهى صغيرة كانت حلوة بس بعد ماشفتك اثبتى ان
مامتك كانت وحشة جنب القمر ده"
سمر بتضحك فرحانة
"ربنا يخليك"
"ها احكيلى بتعملى ايه ف حياتك"
واتنهدت سمر بضيق
"ولا حاجة...قاعدة اللى ابات فيه اصبح فيه لما بقت عيشة تخنق"
"مش بتشتغلى ليه"
"دورت كتير ملقيتش لحد مازهقت وبطلت ادور"
"انتى خريجة ايه"
"تجارة"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
"تشتغلى معايا"
"اشتغل ايه"
"فى المستشفى بتاعتى...تبقى سكرتيرتى بالمرتب
اللى تحدديه...ايه رأيك"
جت خديجة على الجملة الاخيرة
"شغل بصحيح والنبى"
عاصم"بصحيح يا خديجة"
خديجة"طيب قوم واحنا بناكل ابقى احكى بالتفصيل"
سمر"قبل ماتحكى انا موافقة على الشغل حتى لو من غير فلوس
خالص انا زهقانة اوى من قعدة البيت"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
بعد يومين من مقابلة فريد ولبنى
فريد من لحظة ماقابلها وهو حاسس احاسيس متلخبطة
فرحان انه شافها ومتضايق لانها بعيدة اوى عنه
بيفكر يسيب الشغل معاها بس الشغل ده مش قراره لوحده ده
شغل كبير وجاى للمكتب وميقدرش يرفضه
كل دقيقة بتمر بيتمنى تتصل بيه علشان يشوفها تانى حتى
لو مقابلتهم هتكون فى شغل بس...يكفيه انه يشوفها تانى
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
لبنى من لحظة ماقابلت فريد وهى فرحانة انها شافته واتطمنت عليه
وندمانة انها بعدت عنه ووافقت على عاصم فى لحظة ضعف
من لحظة مااتقابلوا وهى بتسترجع الدقايق البسيطة اللى اتقابلوا فيها..
.حفظت كل ثانية مرت فى الدقايق البسيطة دى
حيرانة ومش عارفة تكلمه ولا متكلموش...هى مشتاقة انها تكلمه بس
خايفة ومش عارفة ممكن يتكلموا ازاى وهما بقوا اغراب عن بعض
حسم تفكيرها...عاصم
بعد يومين تفكير
"عملتى ايه مع مهندس الديكور"
"معملتش حاجة"
"وده اسمه كلام يا لبنى... يومين معملتيش اى حاجة ولسه
لحد ما الفيلا تخلص هتاخد وقت...شوفى انا ف يومين عملت ايه
وانتى بتقولى ولا حاجة...فى يومين خلصت اللى ناقص فى المستشفى
وجبت لك الشغالين اللى طلبتيهم...وانتى مش قادرة تتحملى
مسئولية الاشراف على توضيب الفيلا"
"خلاص ياعاصم انت مكبر الحكاية كده ليه"
"عايز استقر فيها بسرعة انا اخدت الشقة شهرين ومش ناوى اطول
عن كده...بقولك ايه خلى المهندس يجيب عمال يشتغلوا ليل
نهار علشان نخلص"
"حاضر"
"اتفضلى اتصلى بيه دلوقتى"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
ايام عمري
03-07-2014, 01:09 PM
هههههههههههه حمام مارح قلك
المسلسل من كم حلقة
من شان ما احرق طابع التشويق
بس اكيد مارح يكون تركي
بتمنا جد تعجبكن
ايام عمري
03-08-2014, 07:28 PM
جريمة قتل الحلقة 4
مسكت لبنى الموبايل....وهى بتبص لعاصم..
.واتصلت بايد مرتعشة بفريد
فريد كعادته طول اليومين بيمسك تليفونه يبص فيه كل شوية
على امل اتصال من لبنى...رغم انه ميعرفش رقمها بس
اى اتصال برقم كان بيرد بلهفة
لبنى مستنية اول رنة وهى خايفة ومش عارفة هتقول ايه
http://angebleue68.a.n.pic.centerblog.net/cfefcf90.gif
رن الموبايل فى ايد فريد ...برقم من غير اسم..رد بسرعة
"الو... مساء الخير يا بشمهندس... انا مدام د.عاصم"
"اهلا يامدام... اؤمرى"
"كنا عايزين نبدأ شغل الفيلا"
"تحت امرك اى وقت"
"فاضى بكرة"
"انا فاضى لشغل الفيلا ومتفرغ له
"بكرة الساعة 2 فى الفيلا يناسبك"
"ان شاءالله هكون هناك"
قفل فريد...ومسك الموبايل واول حاجة عملها
سجل رقم لبنى باسم "حبيبتى"
قفلت لبنى... وعاصم بيقولها
http://angebleue68.a.n.pic.centerblog.net/cfefcf90.gif
"تمام كده... حضرى نفسك بعد بكرة افتتاح المستشفى"
"بسرعة كده"
"علشان تعرفى انى مبضيعش وقت"
"مبروك"
"الله يبارك فيكى...و العيادة مش هتخلص قبل شهر"
"مقلتليش يعنى انك هتفتح عيادة"
"ماانا بقولك اهو"
"والعيادة جبتها منين"
"الشقة ايجار والتجهيز من معايا...اى اسئلة وتحقيقات تانى"
سكتت لبنى وهى بتقول لنفسها... انا مالى
http://angebleue68.a.n.pic.centerblog.net/cfefcf90.gif
طول الليل ولبنى بتفكر هتقابل فريد ازاى
هتتكلم معاه ازاى.. هتقوله ايه... هتلبس ايه وهى رايحة تقابله؟؟
فريد طول الليل بيفكر ان الحب الكبير اللى ف قلبه للبنى هو
حب من طرف واحد... حبها لسه ف قلبه... وحبها ليه انتهى
من زمان بدليل الطريقة الرسمية اللى كلمته بيها
وقرر انه يتعامل معاها بمعاملتها
فى معاد المقابلة... وصل فريد وقف قدام باب الفيلا المقفول
بعد دقيقتين... وقفت عربية احدث موديل قدامه...ونزلت منها لبنى
قربت منه وهى بتتجاهل النظر ليه
"اتفضل يابشمهندس دى مفاتيح الفيلا واسفة على التأخير"
http://angebleue68.a.n.pic.centerblog.net/cfefcf90.gif
اخد منها فريد الفاتيح وفتح الباب الخارجى... ودخل وهى وراه
وصل للباب الداخلى ...فتحه ودخل وهى وراه
"طلباتك يامدام"
"معنديش حاجة معينة... اعملها كلها على ذوقك وانا واثقة فى اختياراتك"
الاتنين بيتجاهلوا يبصوا لبعض...فرد فريد كتالوجات كانت معاه
"اتفضلى اتفرجى وشوفى اللى يعجبك نعمله...
دى تصميمات للدور اللى تحت بس"
قربت لبنى تبص على التصميمات اللى ماسكها فريد...
عينيها بتدور على دبلة فى ايده وهى خايفة... لاحظت علامة
خفيفة من اثر دبلة فى ايده اليمين
"اتجوزت؟؟"
اتفاجئ فريد بسؤالها...رد وكأنه مش مهتم
"لأ لسه"
"كنت خاطب؟"
http://angebleue68.a.n.pic.centerblog.net/cfefcf90.gif
"ايوه"
"حبيتها"
واتضايق فريد من اسئلتها.... ليه افتكرته دلوقتى وبتسأله
"وانتى بتسألى ليه"
ملقيتش لبنى اجابة تجاوبه بيها... مقدرتش تقوله انها لسه
بتحبه ومنسيتوش ولا لحظة
"اه صحيح ... ابنك ربنا يخليهولك شبهك اوى واضح ان انتى والدكتور
بتحبوا بعض اوى... ربنا يسعدك هو فعلا انسان يتحب كفاية اللى
بيعمله علشانك...فيلا على ذوقك وعربية احدث موديل وانتى
بقيتى ولا الاميرات... ربنا يسعدك"
مقدرتش تمسك دموعها
"يسعدنى؟؟ انا اتعس واحدة فى الدنيا بسببك"
"بسببى انا...انا اللى سيبتك وروحت اتجوزت فجأة... انا كل ما بفتكر اليوم
اللى قابلت فيه حسين وقالى انك اتقرت فاتحتك وهتتجوزى
وتسافرى ببقى هموت ...يومها حسيت بالقهر والخيانة الموت
كان اهون من احساسى يومها...فجأة يقولى اتقرت فاتحتك"
http://angebleue68.a.n.pic.centerblog.net/cfefcf90.gif
"انت مش قبلها بأسبوع قلتلى انا مش هقدر اكمل معاكى ومفيش
اى امل انى اقدر اتقدملك... وكل مااكلمك كان تليفونك مقفول"
"فترة يأس واحباط مرت عليا لاكنت لاقى شغل ولا معايا فلوس ولا فيه
اى حاجة تبشرنى انى ممكن ارتبط وافتح بيت زى اى حد وتليفونى انا
ايامها بعته لان مكنش معايا فلوس مش علشان مردش عليكى"
"انت يأست وانا ضعفت"
"ضعفتى طبعا قصاد العريس الجاهز"
"لا ضعفت بتخليك عنى ... انا عايشة مع عاصم فى عذاب من اول لحظة..
.كارهه عيشتى معاه"
"وايه اللى صبرك كل ده"
"انا رجعت قبل مااكمل سنة علشان اولد هنا وانا مقررة انى مش راجعة
تانى... سالت عنك قالوا سافر... وحسين رفض انه يقف جنبى ويطلقنى منه..
.ولتانى مرة الاقيك اتخليت عنى رجعت له وانا بحاول انساك وقلت
هعيش علشان ابنى"
"انا مقدرتش اقعد هناك بعد ما سافرتى كل حاجة كانت بتفكرنى بيكى...
بعدت علشان مش عايز اعرف عنك حاجة يمكن انساكى"
http://angebleue68.a.n.pic.centerblog.net/cfefcf90.gif
"انا لما رجعت اول حاجة عملتها سألت مايسة عن اى خبر عنك"
"من يوم مامشيت من المنصورة وانا مرجعتش خالص "
"نسيتنى يا فريد"
"للاسف مقدرتش انساكى ابدا"
دموع لبنى كانت على خدها من شدة الحب والحنين لفريد
"مش عايز اشوف دموعك"
مسح لها دموعها...بصت له وحضنته بكل شوق
"انت وحشتنى اوى اوى اوى يافريد"
وحضنها فريد بحب ولهفة وشوق سنين الفراق
http://angebleue68.a.n.pic.centerblog.net/cfefcf90.gif
عاصم وهو فى مكتبه فى المستشفى
وكتير من موظفين المستشفى بيوصلوا ورا بعض لتنظيم الشغل قبل الافتتاح...
كل الاقسام بقت موجودة وجاهزة للشغل
اتصل عاصم بسمر...وقالها تيجى المستشفى
وصلت سمر المستشفى ودخلت على اوضة عاصم
كان شهاب عنده بعد مااتغير مظهره ولابس جينز وتى شيرت اشيك كتير
من القميص والبنطلون اللى كان لابسهم المقابلة اللى فاتت او بمعنى
ادق اللى كان بيلبسهم فى كل مقابلاته
عاصم"اهلا اهلا تعالى ياسمر"
سمر"ازيك ياخالو"
شهاب وقف لما دخلت سمر...واستأذن لما حس انها زيارة عائلية
"بعد اذنك يادكتور"
عاصم"استنى ياشهاب...سمر هتبقى السكرتيرة الخاصة بتاعتى...
د.شهاب ياسمر دكتور تخدير والمساعد بتاعى هنا فى المستشفى"
سمر"تشرفنا يادكتور"
http://angebleue68.a.n.pic.centerblog.net/cfefcf90.gif
شهاب"الشرف ليا ياانسة... بعد اذنكم"
قعدت سمر قصاد عاصم
"ها ياخالو... نتكلم فى الشغل بقى... انا هعمل ايه بالظبط"
"قبل ما نتكلم فى الشغل... انا اصغر من مامتك بكتير ليه
عايزة تكبرينى يا خالو ياخالو"
سمر باحراج"زى مااتعودت وانا صغيرة"
"بس انتى دلوقتى مش صغيرة... انا شايف عروسة كبيرة قدامى..
.انتى تعرفى ان مراتى سنها قريب من سنك"
"هى فين صحيح مجتش معاك ليه عندنا البيت"
"هتشوفيها بكرة فى الافتتاح هى وادم"
"ان شاءالله... طيب يادكتور هعمل ايه"
"هتقومى معايا دلوقتى ننزل نروح مشوار"
"فين؟؟"
"تعالى بس وهتعرفى"
قام وخرج من مكتبه وهى نزلت وراه
شهاب كان واقف فى شباك مكتبه لما شاف سمر بتركب مع عاصم
http://angebleue68.a.n.pic.centerblog.net/cfefcf90.gif
اخدها عاصم وراحوا مول
"احنا جايين هنا ليه"
"اجيبلك شوية حاجات"
"حاجات ايه...لالالا ميرسى يا خا...ميسى يادكتور"
"لازم تبقى اشيك واحدة فى الافتتاح بكرة... انتى سكرتيرتى
يعنى هتبقى معايا فى كل حاجة"
واخدها واشترى لها اطقم كتير وكل ماتقوله كفاية يجيب تانى
بعد ما خلصوا...نزلوا وهما فى العربية
"ميرسى يادكتور على الحاجات دى كلها...ده كتير والله"
"مفيش حاجة تكتر عليكى ابدا.... قوليلى انتى لسه زعلانة مع مامتك"
وردت وهى بتتنهد
"بصراحة حكاية الشغل دى جت لى نجدة من عند ربنا...
انا كنت متضايقة والشغل خفف عنى كتير"
"كل ده علشان عريس مش مناسب"
"ماما اللى صممت انه مش مناسب... هو لسه فى البداية
اكيد يعنى هتبقى ظروفه وحشه"
"انتى لسه بتكلميه"
http://angebleue68.a.n.pic.centerblog.net/cfefcf90.gif
"لا خلاص ماما حلقتنى وانا وعدتها اننا مش هنتكلم تانى"
"كنتى بتحبيه"
واتكسف سمر ودورت وشها
بص لها عاصم... مسك وشها ولفه ناحيته
"متتكسفيش كنتى بتحبيه"
"يعنى... بس دلوقتى خلاص مفيش اى حاجة بيننا"
"سيبك انتى... واحدة زيك تستاهل اللى يتاقلها بالدهب"
"انا مش عايزة الدهب انا عايزة الحب"
"وهو يعنى يا الدهب يا الحب... مش ممكن يكون الاتنين"
"ان شاءالله يادكتور... هتيجى تتغدا معانا"
"لا هعزمك انا ع الغدا... بس ليا عندك طلب"
"خير"
"بينى وبينك بلاش دكتور دى... دكتور خليها فى المستشفى"
"ازاى يعنى... ولا خالو ولا دكتور ...اقول ايه طيب"
"انا مليش اسم ولا ايه"
قالها وضحك... سمر استغربت... مش فاهماه
مردتش... وهو اتحرك بالعربية... وهما ماشيين
"بصى الفيلا بتاعتى فى الشارع ده"
وحود بالعربية...
http://angebleue68.a.n.pic.centerblog.net/cfefcf90.gif
"عربية لبنى واقفة... اكيد هى جوا مع المهندس...
تعالى اتفرجى على الفيلا واتعرفى على لبنى"
"اوك"
وافقته سمر من غير ما تقوله اى لقب.... ركن العربية قدام الفيلا
ونزل هو وسمر ... ودخلوا من الباب الخارجى للفيلا
http://angebleue68.a.n.pic.centerblog.net/cfefcf90.gif
ايام عمري
03-08-2014, 10:49 PM
جريمة قتل الحلقة 5
http://mamietitine.m.a.pic.centerblog.net/1083306h0hj6supq4wl8.gif
لبنى فى حضن فريد
وبعد لحظات الحنين...بعدها عنه فريد برفق
"لبنى انتى دلوقتى مرات راجل تانى"
"انا مش مصدقة اننا رجعنا لبعض تانى يافريد... فرحتى بيك نستنى كل حاجة"
"بس مش ممكن انس انك متج... ايه ده؟؟صوت الباب الحديد"
راح فريد يبص من شباك على الجنينة... بص للبنى"ده جوزك"
وبكل ثقة ردت لبنى
"وانت قلقان ليه...مش هو اللى خلانى احدد معادنا ده؟؟؟
متقلقش احنا مش بنعمل حاجة غلط"
وصل عاصم وسمر للباب الداخلى للفيلا
فتحت لبنى قبل ما يخبط
عاصم"انا شفت عربيتك بره قلت لسه ممشيتيش.
ازيك يا بشمهندس... لبنى عارفة مين دى؟"
فريد رد السلام على عاصم بصوت واطى بيرتعش
لبنى بتبص لسمر مبتسمة"لا يا عاصم...مين؟؟"
عاصم"دى سمر بنت خديجة"
سمر سلمت على لبنى بحرارة
سمر"حمدالله على السلامة"
http://mamietitine.m.a.pic.centerblog.net/1083306h0hj6supq4wl8.gif
لبنى"الله يسلمك يا سمر... ازى مامتك"
سمر"الحمدلله...ياريت تبقى تيجى تشوفينا"
لبنى"ان شاءالله"
عاصم"سمر هتشتغل معايا فى المستشفى بعد ماخلصت وقعدت فى البيت..
يا بشمهندس انت معزوم على افتتاح المستشفى بكرة"
فريد"ان شاءالله"
وعرف عاصم"كنت هنسى اعرفكم ببعض...بشمهندس فريد
مهندس الديكور اللى هيعملنا الفيلا...سمر قريبتى وسكرتيرتى"
تمتم فريد وسمر بعبارات"اهلا وسهلا...تشرفنا"
عاصم"ايه انتوا بتعملوا ايه مش شايف شغل يعنى"
فريد بارتباك"اصل المدام لسه مختارتش التصاميم"
لبنى"متقلقش ياعاصم هتفق مع الباشمهندس كله يخلص
فى الوقت المناسب زى ما طلبت"
عاصم"طيب يالا احنا ياسمر...هتتأخرى يالبنى؟؟"
لبنى"مش عارفة لسه لما اشوف واختار هننفذ ايه علشان نبدأ شغل"
عاصم"طيب براحتك... معلش يا بشمهندس عندى شغل"
http://mamietitine.m.a.pic.centerblog.net/1083306h0hj6supq4wl8.gif
فريد"ولا يهمك يادكتور"
وخرج عاصم مع سمر... واستنت لبنى مع فريد
فريد واقف سرحان وهو بيبص على عاصم من الشباك
وهو خارج من الباب الخارجى وبيركب العربية مع سمر
قربت منه لبنى ولفت ايدها حواليه بتحضنه
نط فريد لبعيد من لمستها"ايه يافريد مالك"
"انتى بتعملى ايه؟؟ جوزك كان هنا هو جاى
مع واحدة وسابنا عادى كده وخرج"
ضحكت لبنى ... ضحكت اوى وهى بتطلع سيجارة بتولعها...
وبتدى لفريد سيجارة
"انتى بتضحكى؟؟؟"
اخد منها السيجارة وولعها وهو بيبص لها مستنى رد
"انت بتتكلم فى ايه يافريد... عادى يعنى"
"هو ايه اللى عادى"
"انه ييجى مع قريبته... وانه يسيبنى معاك هنا"
"للدرجة دى عيشتكوا بره خليتكم زى الاجانب"
"مش بالظبط...بس تقدر تقول غيرتنا كتير "
"ماهو واضح"
"احكى لى مامتك عاملة ايه؟؟ واتعودت على هنا ولا لا"
"ماما توفت من سنتين"
http://mamietitine.m.a.pic.centerblog.net/1083306h0hj6supq4wl8.gif
"البقاء لله يا فريد... وانت عايش مع مين... وازاى اشتغلت..
.احكى لى عن السنين اللى فاتوا"
"باختصار كده ان بعد ما جينا هنا وبعنا بيت المنصورة جبنا شقة معقولة
هنا واشتغلت فى مكتب ديكور ... كان صاحب المكتب بيشغلنا
احنا وياخد هو الفلوس ويدينا نسبة بسيطة...اقترح عليا زميلى
خالد اننا نتشارك ونفتح مكتب ونبدأ بعلاقاتنا لاننا كنا شغلنا اتعرف
الحمدلله بس من 4 سنين فتحنا المكتب والحياة مشيت معانا تمام ...
بس مكنتش سعيد برضه... بدأت سلمى اللى كانت سكرتيرة فى
المكتب تهتم بيا كتير وكان الكل ملاحظ انها بتحبنى ...
حاولت اقرب منها... ارتبطنا حوالى سنة علشان اقدر اخد قرار انى اخطبها..
. حكيت لها عنك وانك حبى الوحيد... خطبتها من شهر ونص...
وسيبتها من اسبوعين"
"يا حبيبى يا فريد... الحمدلله اننا اتقابلنا تانى"
"اتقابلنا اه... بس بيننا حدود كتير... انتى متجوزة يا لبنى"
"اتطلق"
http://mamietitine.m.a.pic.centerblog.net/1083306h0hj6supq4wl8.gif
"تتطلقى بجد؟؟وهتقدرى تسيبى كل ده"
"طبعا...انا اسيب الدنيا كلها علشانك"
"وابنك"
"الا ابنى... علشان كده هستنى لما اشوف سبب مناسب واطلب
الطلاق من عاصم... وكمان احاول افهم ادم ان الانفصال احسن"
"ابنك هيفهم؟
"يعنى على الاقل اخليه يبعد عن عاصم وافهمه انه مش بيحبه
علشان لما اطلب الطلاق ميتعبش ويتأثر"
"ولحد ما يحصل الطلاق هتفضلى انتى مع جوزك"
وحضنته لبنى
"معلش ياحبيبى... انت هتغير عليا ولا ايه؟؟ كام شهر بس
لحد ما اتطلق منه ونبقى نتجوز"
وحضنها فريد بتردد
"مضطر استنى ومعنديش حل تانى"
"انا همشى بقى علشان ادم مع الدادة... اشوفك بكرة فى الافتتاح"
"طيب بس خلينا نبدأ شغل واختارى"
"اوك وابدا من بكرة وهبقى معاك كل يوم"
http://mamietitine.m.a.pic.centerblog.net/1083306h0hj6supq4wl8.gif
بعد شهر ونص
سمر فى مكتبها... دخل شهاب
"صباح الخير...دكتور عاصم جوه"
"لا مش موجود"
"اول ما يوصل قوليله ان القسم الاقتصادى بقى جاهز"
"اه صحيح نسيت اقولك مبروك... سمعت انك هتبقى مدير القسم الاقتصادى"
وابتسم لها شهاب
"الله يبارك فيكى... وشك حلو عليا...على المستشفى يعنى"
"ههههه ماشى ميرسى على المجاملة يادكتور"
وقعد قدامها
"مش مجاملة خالص على فكرة... انتى صحيح هتشتغلى
مع دكتور عاصم فى العيادة بتاعته"
"مش عارفة لسه بفكر... هو عايزنى معاه"
"ماتخليكى هنا وبلاش العيادة"
"على فكرة دكتور عاصم عايزنى فى الاتنين ..
.يعنى لو روحت العيادة هبقى هنا كمان"
"انا فاهم... بس انا عايزك هنا طول اليوم"
دخل عاصم مع جملة شهاب الاخيرة
"صباح الخير"
http://mamietitine.m.a.pic.centerblog.net/1083306h0hj6supq4wl8.gif
وردوا الاتنين "صباح النور"
"تعالى يا شهاب عايزك"
دخل عاصم مكتبه...ودخل وراه شهاب وهو مرتبك وبيبص لسمر
سمر بتشاورله بمعنى مالك... لف ودخل المكتب وقفل الباب وراه
"ها ... القسم الاقتصادى جاهز"
"اه تمام وبدأنا حملة دعاية اننا هنجيب دكاترة من بره باسعار بسيطة
وممكن نستقبل حالات مجانية"
"مظبوط... طبعا انت فاهم الحالة اللى تلاقيها تنفعنا تاخد كل
البيانات وتحطها فى ملف خاص بشغلنا"
"حاضر"
"انت كنت بتقول لسمر ايه؟"
رد شهاب بارتباك
http://mamietitine.m.a.pic.centerblog.net/1083306h0hj6supq4wl8.gif
"مفيش كنا بندردش عادى وبسألها صحيح تشتغل
فى العيادة بتاعة حضرتك"
"اه هتشتغل معايا فى العيادة.... علشان متلاحظش حاجة وعلشان
يبقى عندنا وقت للعمليات بتاعتنا متبقاش كلها بالليل
علشان متثيرش شكوك"
"حاضر"
"بقولك ايه كمان"
"افندم"
"نبه عليهم فى الطوارئ اى حد ييجى ف حادثة وحالته خطيرة
يستقبلوه حتى لو مش هيدفع فلوس"
"حاضر بس حتى لو مش هيدفع"
"طبعااا... احنا لازم ننقذ المريض ...لو عاش هينفعنا ولو مات هينفعنا برضه"
"ازاى لو مات"
"جرى ايه يادكتور... يعنى هو لو مات واحنا اخدنا اللى
يلزمنا وعملنا هنا كل الاجراءات وكفناه...علشان ناخد ثواب طبعا...
حد هيدور ورانا ويفك الكفن يعنى"
"لا ده حتى الميت له حُرمة"
"ههههههه تعجبنى يا شهاب"
http://mamietitine.m.a.pic.centerblog.net/1083306h0hj6supq4wl8.gif
"احنا بنتعلم منك يادكتور... تأمرنى باى حاجة"
"لا ابعتلى سمر وانت خارج"
خرج شهاب ودخلت سمر
"حضرتك عايزنى"
"طبعا مستغناش عنك...اقعدى"
وقعدت سمر ... وقام عاصم من مكتبه... وقف ورا سمر
التفتت له باستغراب
"خليكى زى ماانتى...بصى قدامك اوعى تبصى وراكى "
وطلع من جيبه علبة قطيفة صغيرة... فتحها وطلع منها سلسلة
لبسها لسمر وهى قاعدة
"ايه ده"
"دى هدية عيد ميلادك كل سنة وانتى طيبة"
"بس لسه عيد ميلادى بعد يومين... وكده كتير"
"مفيش حاجة تكتر عليكى... وانا عارف انه بعد يومين بس
حبيت اكون اول واحد يفتكره"
http://mamietitine.m.a.pic.centerblog.net/1083306h0hj6supq4wl8.gif
فى الفيلا... فريد بيفتح الباب بالمفتاح
"غمضى عينيكى ولما اقولك فتحى تفتحى"
سمعت لبنى كلامه...ولما دخلوا وقفل الباب
"فتحى"
فتحت لبنى عينيها لقت الفيلا بقت حاجة تانية خالص
"الله ...تحفة يافريد...مش معقول...تجنن"
"عجبتك"
"طبعا... علشان كده الاسبوع اللى فات خليتنى
مجيش هنا وكنا بنتقابل بره"
"ايوه علشان تتفاجئى بيها واشوف النظرة دى ف عينيكى"
"يا حبيبى ربنا يخليك ليا"
"تعالى اتفرجى على الدور اللى فوق"
طلعوا واتفرجت على الاوض... ولما وصلت لاوضة النوم الرئيسية
وقفوا الاتنين على الباب... يبصوا للاوضة
وقالت لبنى بصوت اقل حماسا
"حلوة اوى...تسلم ايدك"
"اكتر حاجة كنت متضايق وانا بعملها"
"ليه"
"علشان هتنامى فيها مع راجل تانى"
وعيطت لبنى وهى بتحضنه
"انا بحبك انت"
وحضنها فريد... قبلات حارة متبادلة بينهم
شالها فريد... قفل الباب برجله... وحطها على السرير
http://mamietitine.m.a.pic.centerblog.net/1083306h0hj6supq4wl8.gif
احلى ايام العمر
03-08-2014, 11:26 PM
كتيرررررررررررر حلوة تسلم ايديكي حبيبتي وشوقتينا اكتر
ناطرين الحلقة بعدها موااااااااااااااااه
http://1.bp.blogspot.com/-CassJeGdKxg/USEKVtRR7aI/AAAAAAAABDM/h2yBlpw7_EE/s1600/37093_410615742356940_223264258_n.jpg
بجد حلوة هل القصة ايام عمري بتجنن
مشكووووووووووووورة يا رب
ايام عمري
03-10-2014, 10:54 AM
هههههههههههه احلى ايام
وانا على قد ما كنت متشوقة
خلصتها انتي عارفة الفضول
ان شاء الله هنزل كل يوم حلقة
نورتيني حبيبتي
ايام عمري
03-10-2014, 10:55 AM
الله يسلمك يا حلا نورتيني حبيبتي
ويلا نتابع مع حلقة جديدة
وابقو تفتكرو انتو مين الي قاتل
ايام عمري
03-10-2014, 11:01 AM
جريمة قتل الحلقة 6
http://mamietitine.m.a.pic.centerblog.net/0_6863b_db39833b_L.jpg
فريد قاعد على السرير وقميصه مفتوح كله...
وبيبص على لبنى وهى بتكمل لبسها
بيولع سيجارة... جت لبنى قعدت جنبه... واخدت منه
السيجارة وبدأت تقفله زراير القميص
بتبص له...وبيبص لها
"ايه بتبص لى كده ليه"
"مكنتش عايز يحصل بيننا كده"
وبعدت عنه شوية وقلبت وشها
"وانت كنت ضربتك على ايدك"
"انا مقدرتش امسك نفسى وانتى بين ايديا"
قربت منه وحطت ايدها على كتفه وهى بتبص له
"خلاص زعلان ليه"
"انتى مش ندمانة انك خنتى جوزك"
"ماهو ياما خاننى ومتكلمتش"
"خانك؟"
كملت بعد ما قامت تسرح شعرها وتبص له فى المراية
"اه...كان كل شوية مع واحدة وكنت بعمل نفسى مش عارفة حاجة..
.كنت ساكتة لان مكنش عندى اى امل انى اطلق ولا انى الاقيك"
"خنتيه هناك"
http://mamietitine.m.a.pic.centerblog.net/0_6863b_db39833b_L.jpg
لفت له وشها وهى بتبرق له
"انت اتجننت... انا بحبك انت وعمرى ماحسيت بالحب
الا معاك وعمرى ما اتمنيت ان اى راجل يلمسنى غيرك انت...
حتى جوزى كنت بسلمه نفسى وانا قرفانة...انت حاجة تانية"
وقربت منه وبدلع انثوى
"اقولك حاجة... معاه كنت بتعذب هو انانى ومبيفكرش غير فى
متعته لوحده انما معاك انت ... المتعة كلها والحب وانا معاك"
حضنها بعد ما خلصت كلامها
"اتطلقى منه فى اسرع وقت يا لبنى...
انا مش هقدر ابعد عنك كتير بعد كده"
قبل 6 شهور من الحادثة
"انا مكنتش متخيلة ان وجود عاصم فى حياتى هيغيرها كده...
ظهر لى ف وقت كنت يائسة ومحبطة... ياااااه قد ايه هو حنين
وطيب وغير كده مركز مرموق واى بنت تتمناه... خايفة اكون
بفسر تلميحاته غلط وانى بحبه من طرف واحد وهو يكون بيعاملنى كأب ..
. هو اه اكبر منى بس ايه اللى يمنع ماهى مراته كمان اكبر منى
بحاجة بسيطة وعايشة معاه ومبسوطة... ياريت يكون
بيحبنى زى ما بحبه... بس ياترى ماما هتوافق..
. وترفض ليه مش معقول هتقول على الفقير لا وعلى الغنى كمان لأ..
. يمكن ترفض علشان متجوز.. مش عارفة...
ومش عايزة افكر غير فى انى بحبه وبس ويارب يكون بيحبنى
هو كمان ولو مش بيحبنى كفاية عليا انى طول
الوقت معاه فى العيادة والمستشفى"
http://mamietitine.m.a.pic.centerblog.net/0_6863b_db39833b_L.jpg
دخلت ام سمر عليها الاوضة وهى قاعدة على المكتب
وبتكتب فى اجندة ...سمر لما شافت مامتها قفلت الاجندة وحطيتها
فى درج المكتب وقفلته بالمفتاح
"بتعملى ايه ياسمر"
"مفيش ياماما... عايزة حاجة"
"انا مش عارفة كل الاجندات اللى بتكتبى فيهم دى ايه"
"مذكراتى ياماما"
"وايه لازمتها يعنى"
"مفيش اهو اتعودت عليها من وانا ف اعدادى لحد دلوقتى...
سيبك انتى من المذكرات ...كنتى عايزة حاجة"
"لا كنت عايزة اسألك يعنى لو شغل المستشفى والعيادة
كتير عليكى بلاش يابنتى علشان ترتاحى"
"لا ياماما مش كتير وانا مرتاحة كده"
"طيب يا سمر اللى يريحك... تصبحى على خير
فى العيادة... سمر دخلت لعاصم
"لسه فى حد بره"
"لا خلاص اخر كشف اللى مشى"
"طيب اقعدى عايزك"
"خير"
http://mamietitine.m.a.pic.centerblog.net/0_6863b_db39833b_L.jpg
وقعدت على كرسى المكتب قدامه...قام وقعد قدامها
"خديجة كلمتنى من يومين وقالت انى بتعبك فى الشغل"
"لا ازاى ماما تقول كده...انا مبسوطة فى الشغل"
"انتى تعرفى انى اقدر اجيب حد تانى بس انا مش عايز حد غيرك"
"انا مشتكيتش لماما بالعكس انا قلتلها انى مرتاحة"
"وانا راحتى فى وجودك جنبى هنا وفى المستشفى"
فرحت سمر من كلامه... معرفتش ترد غير بابتسامة
"انا عايز اقولك حاجة وعارف انك هتستغربيها"
"لا... قول"
"انا بحبك من اول لحظة شفتك فيها ... انا حسيت
كأنى بشوفك لاول مرة نسيت انك الطفلة الصغيرة بتاعة
زمان مشفتش غير عروسة حلوة قدامى خطفت قلبى
وعقلى ونستنى فرق السنين"
سمر قلبها بيدق ومش مصدقة اللى بتسمعه
"لو قلتى انك مش حاسة بيا ومش بتحبينى
هتبقى صدمة كبيرة بالنسبة لى
"اقول مش حاسة...انا كنت خايفة تكون انت اللى مش حاسس بيا"
"يعنى بتحبينى زى ما بحبك"
"اه طبعا... بس فيه مشاكل لازم نحلها الاول"
"زى ايه"
http://mamietitine.m.a.pic.centerblog.net/0_6863b_db39833b_L.jpg
"مراتك وماما"
"اكيد هتقابلنا مشاكل كتير بس مش لازم نتخلى عن حبنا ونصمد
قدام اى مشكلة... هتستحملى معايا ولا مش هتقدرى"
"لا هستحمل طبعا"
"طيب بمناسبة حبنا بقى ايه رأيك تيجى معايا ايطاليا"
"ايطاليا...ازاى"
"عندى كام مقابلة شغل كده مع شركائى هناك ومنها افسحك"
"طيب وماما"
"سيبى ماما عليا...اهم حاجة متبينيش حاجة ليها دلوقتى
على الاقل لحد ما نيجى من السفر"
"بس..."
"بس ايه....مش عايزة تتفسحى وتشوفى الدنيا معايا"
"كفاية انى هبقى معاك"
"خلاص اتفقنا"
http://mamietitine.m.a.pic.centerblog.net/0_6863b_db39833b_L.jpg
فريد على السرير... ولبنى بتحط ماكياج
"انا هنزل بقى علشان انا هنا من بدرى"
"لسه برضه متكلمتيش مع جوزك"
"لسه"
"ليه؟"
"مستنية وقت مناسب"
"والوقت المناسب ده هييجى امتى"
"عايزة اطلب منه الاول يكتبلى الفيلا ولا اى حاجة يا فريد...
يعنى سنين عمرى اللى قضيتها معاه دى تضيع هدر"
"وافرضى رفض"
"هحاول معاه بكل الطرق"
وزعق لها
"بكل الطرق اللى هيا ايه يعنى"
وقربت منه
"بتغيرى عليا يا حلوة"
"انا مش بهزر... انتى قلتى هتسيبى الدنيا علشانى...
فين بقى الكلام ده"
"انت عايز ايه؟؟احنا مش مع بعض اهو"
"مع بعض فى الخفا... انا واحد من الجيران لمح لى ان الناس
ملاحظة انك بتيجى عندى...يا لبنى لو حد بلغ عننا نروح ف داهية"
"دى شقتك وانت حر فيها تستقبل اللى انت عايزه"
"بس الناس بتتكلم ومبتسكتش... لو بلغوا بوليس الاداب واتمسكنا تبقى كارثة"
"ايه الخوف اللى انت فيه ده... خلاص انا مش جاية هنا تانى"
اخدت شنطتها... وخرجت من الاوضة...جرى وراها فريد ولحقها
http://mamietitine.m.a.pic.centerblog.net/0_6863b_db39833b_L.jpg
"انا خلاص يا لبنى مبقيتش اقدر استغنى عنك خالص"
"يبقى تعرف جيرانك انك اتجوزت وانى مراتك ...
وده طبعا تقوله لحد منهم والناس هتعرف بعضها"
"حاضر بس حاولى تنجزى فى موضوع الطلاق ده"
"عاصم مسافر ايطاليا كمان كام يوم ولما يرجع هفاتحه فى موضوع الفيلا"
"خلاص يا لبنى اللى تشوفيه ياحبيبتى"
"متقلقش يا حبيبى انا عايزة اخلص منه النهاردة قبل بكرة بس
برضه مينفعش اطلع من المولد بلا حمص بعد ما ربنا فتحها عليه"
سمر فى الطيارة جنب عاصم
"تعرف انى اول مرة اركب طيارة"
"ومش هتكون اخر مرة...انا هفسحك فى العالم كله"
"انا لحد دلوقتى مش عارفة انت اقنعت ماما ازاى انها تسيبنى اسافر معاك"
"هههههه انا عندى مدخل لكل حاجة"
"قولى دخلت لماما منين"
"اولا من ناحية انى عايزك معايا كسكرتيرة...ولما لقيتها مترددة قلت لها
انك فى امان ومش هسيبك خالص فاتطمنت"
ابتسمت سمر بفرحة...وانبهار
انبهار بالهدايا اللى اغرقها بيها عاصم من اول ما عرفها
http://mamietitine.m.a.pic.centerblog.net/0_6863b_db39833b_L.jpg
انبهار بالمعاملة الحلوة اللى بيعاملها بيها عاصم
انبهار بالمستوى العالى اللى عمرها ماكانت تحلم بيه
نزلوا من المطار... كان فيه عربية مستنياهم
ركبوا العربية... واتكلم عاصم فى التليفون ومفهمتش سمر
اى حاجة من المكالمة... بعد ماقفل
"انا النهاردة مش هروح اى مقابلات شغل...
النهاردة علشان تتفسحى وبس"
فرحت سمر اكتر... قبل ما يكمل
"احنا هننزل والسواق هيوصل الشنط "
"انت تعرفه"
"اه متقلقيش خالص"
اليوم كان اجمل يوم شافته سمر فى حياتها
اتفسحوا طول اليوم وفرجها على اماكن عمرها ماشافتها فى الخيال
اخدوا تاكسى... ووصلوا قدام بيت من دورين
سمر ماشية ورا عاصم...شافته بيفتح البيت
"احنا جايين هنا ليه؟فين الفندق اللى هننزل فيه"
"فندق ايه؟؟هنزل فى فندق وانا ليا بيت هنا"
"بس... "
"بس ايه؟؟البيت كبير زى ماهتشوفى وابقى اختارى
الاوضة اللى تعجبك تنامى فيها"
"بس كده هنبقى لوحدنا"
"لا الناس اللى بيشتغلوا فى البيت هييجوا الصبح متقلقيش"
http://mamietitine.m.a.pic.centerblog.net/0_6863b_db39833b_L.jpg
دخلوا البيت وكانت الشنط فى مقدمة البيت اخد عاصم شنطتها ..
.وفرجها على البيت...ولفت نظرها بار كبير فى البيت مليان قزايز خمرة
طلعت الدور اللى فوق مع عاصم
"اختارى الاوضة اللى تعجبك ونامى فيها ثوانى واجيبلك
عصير تشربيه قبل ماتنامى"
سابها عاصم ونزل... دخلت اول اوضة قابلتها رجع عاصم بعد 5 دقايق ..
.بصينية عصير سابها لها ونزل
بصت فى الساعة كانت 1بالليل
غيرت هدومها... واول ما شافت السرير... رمت نفسها عليه
من تعب ولف طول اليوم... شربت العصير اللى جنبها
وهى بتستعد للنوم...ونامت
عاصم قاعد فى البار... بيشرب
بص فى الساعة كانت 2بالليل
ابتسم وفى ايده علبة اقراص... وسرح وافتكر وهو بيحط قرص فى
العصير قبل ما يطلعه لسمر... وافتكر حواره مع دكتور صيدلى فى المستشفى
"بقولك يادكتور عايز مهدئ يكون مبيفقدش الوعى"
"اتفضل...المهدئ ده تبقى شايف وسامع وحاسس بكل اللى حواليك
بس معندكش قدرة على اى رد فعل...انت عايزه ليه يادكتور"
"لواحد معرفة...متشكر يادكتور
ضحك وهو بيشرب الكاس لاخر قطرة فيه
وطلع الدور التانى...وفتح باب الاوضة اللى نايمة فيها سمر
http://mamietitine.m.a.pic.centerblog.net/0_6863b_db39833b_L.jpg
ايام عمري
03-11-2014, 10:10 AM
جريمة قتل الحلقة 7
http://mamietitine.m.a.pic.centerblog.net/00b246653b59.gif
صحيت سمر من النوم وهى نايمة على جنبها
بتتعدل علشان تقوم... شافت عاصم جنبها
بتمد ايديها تصحيه وهى مستغربة...حست ان كتفيها عاريين
نظرات الفزع وهى بتبص لعاصم اللى نايم جنبها
وهدومها اللى كانت لابساهم قبل ماتنام على الكرسى
بتصحيه وهى بتعيط... ومشاهد بتيجى فى ذاكرتها
مشاهد ليها مع عاصم... هى فاكرة كل حاجة
عاصم دخل الاوضة... صحاها... وبدأ يتقرب منها
سمعت منه كلام جميل عن حبه ليها وعن اشتياقه لها
استسلمت لكل ما فعله بها وهى راضية غير قادرة على الرفض
"عاصم...عاصم"
بتصحيه بقوة وهى بتعيط... الاف الاسئلة بتدور فى دماغها
http://mamietitine.m.a.pic.centerblog.net/00b246653b59.gif
ازاى استسلمت له قبل مايتجوزها
ازاى هى فاكرة كل اللى حصل ومش فاكرة انها حتى قالت لأ
"صباح الخير يا حبيبتى...بتعيطى ليه"
ردت وهى بتعيط
"ايه اللى حصل... ازاى كده"
"ازاى ايه؟؟انتى نسيتى ياحبيبتى مش كل حاجة كانت برضاكى"
"ليه... ايه اللى خلانا منستناش لما نتجوز"
"اهدى انتى مكبرة الحكاية كده ليه... عادى ياسمر احنا
بنحب بعض وهنتجوز وده عادى "
"عادى لما نتجوز مش عادى دلوقتى"
قام عاصم...
"انت رايح فين"
"هروح اخد دش وانزل عندى مواعيد شغل النهاردة وهرجع بالليل"
"وهتسيبنى هنا لوحدى"
بص فى ساعة الحائط وشاور عليها
"زمان الشغالين وصلوا ومش هتبقى لوحدك"
"وصلوا امتى وازاى"
http://mamietitine.m.a.pic.centerblog.net/00b246653b59.gif
"معادهم هنا 8 الصبح يعنى موجودين من ساعتين امبارح السواق
فات عليهم وعرفهم انى هنا وادالهم مفتاح باب المطبخ"
دموع سمر متواصلة.... استنت لما عاصم خرج من الاوضة
وقامت تلبس هدومها
لما نزلت سمر بعد ما خرج عاصم
شافت طباخ فى المطبخ... فهمت من لهجته انه ايطالى
وست فى منتصف الاربعينات كانت بتنضف البيت حاولت تتفاهم
معاها بالانجليزى وفهمت منها انها فلبينية
اتصلت سمر بخديجة...واول ماسمعت صوتها عيطت
"ازيك ياماما... عاملة ايه لوحدك... لا مش بعيط... انتى بس وحشتينى...
مش عارفة هرجع امتى ... ادعيلى ياماما... متزعليش منى..
انا اقصد يعنى علشان سيبتك لوحدك وسافرت... لا دز عاصم مش هنا..
. لا متخافيش مش لوحدى احنا فى بيته وفيه ناس... حاضر مش
هخرج لوحدى...اوعدك هخلى بالى من نفسى...مع السلامة"
http://mamietitine.m.a.pic.centerblog.net/00b246653b59.gif
قفلت سمر مع مامتها وهى بتعيط اكتر... مامتها خايفة عليها تخرج
لوحدها ومأمنة عليها فى البيت مع عاصم
احساسها بالذنب كان هو اللى بيؤلمها
هى اللى سلمت نفسها لعاصم واكيد لو كانت قالت له
لأ مكنش حصل اللى حصل
بتلتفت وهى قاعدة شافت البار... وعليه قزازة فاضية وكاس
وجنب الكاس علبه صغيرة
الفضول او الفراغ خلاها تقوم تشوف ايه العلبة دى
مسكت علبة كانت علبة دواء... استغربت
هو عاصم تعبان وبياخد دواء ليه؟؟
مسكت الروشتة اللى جوه العلبة... قلبت فيها على الجنبين
كانت مكتوبة بالانجليزى والفرنساوى ومفيش عربى
حطتها تانى وقفلت العلبة وسابتها مكانها
فضلت طول اليوم لوحدها فى البيت لحد ماعاصم رجع الساعة 10 بالليل...
قعدوا اتعشوا مع بعض ...وبعد ماخلص عاصم
"عاصم انت تعبان"
http://mamietitine.m.a.pic.centerblog.net/00b246653b59.gif
"لا انا كويس...ليه فى حاجة"
"شفت ع البار علبة دواء فقلت اسألك"
"لا ده شوية صداع من الشرب اخدته مسكن وخلاص"
http://mamietitine.m.a.pic.centerblog.net/00b246653b59.gif
هزت سمر راسها ... دخل عاصم مكتبه ودخلت وراه
"انت عندك شغل بكرة برضه"
"اه بكرة وهنرجع بعده"
"طيب جبتنى معاك ليه بدل سايبنى لوحدى"
بص لها بعتاب
"علشان وجودك جنبى بيسعدنى وكنت فاكر انك كمان عايزة تبقى معايا"
"متزعلش منى مقصدش اضايقك... انا هطلع انام واسيبك تشتغل"
"وانتى من اهله"
http://mamietitine.m.a.pic.centerblog.net/00b246653b59.gif
طلعت سمر...دخلت الاوضة... وقفلت عليها من جوه
عاصم وسمر فى العربية بعد مارجعوا من المطار
هما الاتنين جنب بعض ورا وعربية عاصم بسواق
مالت عليه سمر
"عاصم انت هتكلم ماما امتى فى جوازنا"
"ده وقته نتكلم هنا... لما نبقى لوحدنا"
سكتت سمر...وصلها للبيت وهى نازلة
"اشوفك بكرة الصبح فى المستشفى"
هزت راسها ... وطلعت مع السواق بيوصلها بالشنط
اول مادخل عاصم الفيلا
جرى عليه ادم... واستقبلته لبنى بكل شوق وحب
"حمدالله ع السلامة ياعاصم...وحشتنى"
سلم وعليها وهو بيحضنها
"وانتى كمان وحشتينى..عاملين ايه"
"مش كويسين من غيرك"
طلعت معاه اوضتهم وهى ماسكة ف ايده من لحظة ما وصل
بتساعده وهو بيغير هدومه...ولما خلص
"اقولهم يحضروا الغدا"
http://mamietitine.m.a.pic.centerblog.net/00b246653b59.gif
كانت هتخرج من الاوضة...شدها من دراعها برقة
"تعالى... انتى واحشانى "
وبضحكة انثوية ودلع
"لا انا زعلانة منك"
"منى انا ليه"
"عيد جوازنا كان امبارح وانت مفتكرتش حتى تقولى كل سنة وانتى طيبة"
"عيد جوازنا؟؟"
"اه..عيد جوازنا"
"بس احنا من يوم مااتجوزنا وانتى عمرك مااهتميتى بالحاجات دى"
"شفت ياعاصم تبقى مش بتحبنى... انا مخصماك وهسيبك
لوحدك هنا واروح اقعد عند ادم"
"ههههههه تسيبينى وتقعدى عند ادم... وانا اقدر استغنى عنك برضه"
"صالحنى"
قرب منها يبوسها...بعدت عنه ودخلت الحمام وهى بتقوله
"مش تصالحنى كده"
عاصم قاعد يفكر هى تقصد ايه... خرجت من الحمام وهى بالبرنس
قعدت تسرح شعرها...ومش بتبص لعاصم خالص
قام عاصم قرب منها وهو بيحضنها من ضهرها
"حاسب يا عاصم انا زعلانة بجد"
"وانا مقدرش على زعل حبيبتى"
اخد منها المشط ورماه على التسريحة
اخدها من ايدها وقربها منه وهو بيحضنها
"لما تصالحنى بهدية الاول"
"كل طلباتك اوامر"
"الفيلا"
"الفيلا؟؟"
http://mamietitine.m.a.pic.centerblog.net/00b246653b59.gif
"اه...تكتبلى الفيلا ولا مستخسرها فيا... لو مستخسر حتة فيلا
يبقى انا كمان استخسر نفسى فيك"
وقامت اخدت هدوم من الدولاب... ودخلت تلبسها فى الحمام
عاصم قاعد يفكر... خرجت من الحمام
مكلمتوش وهى بتفتح الباب
"لبنى... انا موافق اكتبلك الفيلا"
وقفت لبنى وهى ضهرها ليه ووشها للباب... ابتسمت ابتسامة انتصار...
سابت الباب ورجعت لعاصم
"بجد يا حبيبى"
"اه طبعا... ايه يعنى لما الفيلا اكتبها لمراتى حبيبتى ام ابنى...
ما انا وانتى واحد...بس عايز اسألك سؤال"
ردت بترقب
"اسأل"
"اشمعنى دلوقتى بالذات طلبتى اكتبلك الفيلا"
"مفيش سبب... مجرد انى احس انك مش مستخسر فيا حاجة
وكمان تبقى هديتك ليا فى عيد جوازنا... هتعمل الاجراءات امتى
علشان انا عارفاك هتنشغل وتبقى مش فاضى"
"هتصل بالمحامى حالا يعمل عقد ابتدائى وبكرة يسجله فى
الشهر العقارى... حلو كده؟؟"
"حلو اوى"
"صالحينى انتى بقى"
وضحكت لبنى ...ضحكت بفرحة من قلبها انها قدرت تحقق اللى عايزاه
http://mamietitine.m.a.pic.centerblog.net/00b246653b59.gif
فى المستشفى تانى يوم الصبح
وصلت سمر قبل عاصم... اول مادخلت لقيت شهاب مستنيها
"صباح الخير يادكتور"
"صباح النور...حمدالله على السلامة ياسمر"
"الله يسلمك"
قعدت سمر على مكتبها... وشهاب قاعد قدامها
"فى حاجة يادكتور"
"لا ابدا... انا كان عندى عملية ولسه مخلصها فقلت استناكى ونفطر مع بعض"
"افطر انت انا سبقتك"
"كنت عايز اتكلم معاكى شوية"
وسابت سمر اللى فى ايدها وانتبهت له
"خير يادكتور"
وبتردد بدأ يحكى
"كنت عايز اقولك انى هسيب السكن هنا فى المستشفى ...
انا اشتريت شقة جديدة وبفرشها بسيط كده لحد ما تيجى
العروسة وتفرشها على كيفها"
وقالت سمر فى بالها
"وانا مالى بيحكيلى ليه"
وبصوت مسموع
"مبروك يادكتور ...ربنا يتمم بخير"
"يتمم على ايه؟"
"انت مش بتقول اشتريت شقة وهتتجوز فيها والعروسة هتفرشها"
"لا انا بقول باعتبار ما سيكون يعنى... انا لسه مخطبتش"
http://mamietitine.m.a.pic.centerblog.net/00b246653b59.gif
"ربنا يرزقك ببنت الحلال ان شاءالله"
"ماهى موجودة بس مش حاسة بيا خالص"
وبنفاد صبر
"دكتور شهاب انا دلوقتى ورايا شغل... لو عايز تحكى وتتكلم
مع حد شوف حد فاضى"
وباحراج قام شهاب
"انا اسف ...مكنتش فاكر انى مضايقك اوى كده"
وباحساس بالذنب... حست سمر انها كانت سخيفة
"يادكتور انا اسفة ...متزعلش انا بس حاسة ان ورايا شغل كتير بسبب
سفرية ايطاليا دى...وده مخلينى مرتبكة شوية"
"انا اسف ...انا يمكن اخترت الوقت غير المناسب"
وبابتسامة بتحاول تصلح بيها الموقف
"على فكرة ممكن فى البريك نقعد نتكلم مع بعض واحنا بنتغدا
وتحكى كل اللى انت عايز تقوله"
"بجد؟؟ مش هبقى مضايقك"
"لا بجد مش هتبقى مضايقنى"
"انا هطلع السكن انام شوية وابقى انزل على معاد البريك"
"اتفقنا...تصبح على خير"
خرج شهاب من المكتب وهو فرحان من الامل اللى حسه فى كلام سمر
سمر قعدت تكمل شغل وهى حاسة ان كلامها الاخير مع شهاب
كنوع من التكفير عن احراجها ليه وهو بيتعامل معاها بكل ذوق.
http://mamietitine.m.a.pic.centerblog.net/00b246653b59.gif
ايام عمري
03-12-2014, 09:40 AM
جريمة قتل الحلقة 8
http://mamietitine.m.a.pic.centerblog.net/c6d122be.gif
لما وصل عاصم المستشفى كان عنده عمليات ...
ولما خلصهم راح مكتبه نادى لسمر
"حبيبتى عاملة ايه النهاردة"
"كويسة الحمدلله"
"شايفك كده مكشرة من ساعة ماجيت الصبح ومش
انتى سمر اللى اعرفها"
"مش مكشرة بس بفكر"
"بتفكرى ف ايه"
وقربت منه وهى بتبص حواليها رغم ان المكتب مقفول عليهم
"هتكلم ماما امتى"
"ده وقته ولا مكانه هنا"
"طيب هنتكلم امتى"
"بقولك ايه شوية كده اخلص اللى ورايا وننزل مع بعض نروح
نتكلم فى اى حتة براحتنا"
"اوك.. انا كمان هروح اكمل شغلى"
http://mamietitine.m.a.pic.centerblog.net/c6d122be.gif
بعد ساعة تقريبا... خرج عاصم من مكتبه وكانت سمر خلصت شغلها
"خلصتى؟"
"اه"
"طيب يالا"
نزلوا مع بعض... وعند مدخل المستشفى
"عاصم ثوانى نسيت الموبايل فوق"
"معقول كده"
"معلش ثوانى هجيبه واجى"
"بسرعة...هستناكى فى العربية"
طلعت سمر وهى داخلة مكتبها قابلت شهاب
"انتى فين كنت بدور عليكى"
"اه معلش انا هنزل دلوقتى وابقى اطلع على العيادة...
كنت عايزنى ف حاجة"
"مش اتفقنا هنقعد نتكلم مع بعض"
"انا اسفة يادكتور مش هينفع النهاردة...
بس ملحوقة اى يوم تانى"
ورد شهاب بخيبة امل
"ولا يهمك"
http://mamietitine.m.a.pic.centerblog.net/c6d122be.gif
فى العيادة... دخل عاصم وسمر وهى فاضية
"كويس اننا هنتغدى هنا علشان نقعد مع بعض براحتنا "
"اهم حاجة ...هتكلم ماما امتى"
"انتى مستعجلة على ايه يا سمر... قلتلك هكلمها بس
سيبينى اشوف الوقت المناسب...متنسيش اننا هنقابل مشاكل
كتير اولهم فرق السن وانى متجوز يعنى حاجة مش سهلة"
"يعنى ايه؟؟؟ لسه وقت كتير"
"ياحبيبتى اهم حاجة احنا مع بعض وحبنا اكبر من اى حاجة واكيد
هنتغلب على اى مشكلة تواجهنا"
"ارجوك ياعاصم... حاول تحل اى مشاكل بسرعة...انا بقيت خايفة اوى"
"اوعى تخافى وانا معاكى... انا عمرى ما هسيبك"
حضنها عاصم...حست بالامان فى حضنه
بعد لحظات
"يالا مش هنتغدا بقى...هاتى كوبايات علشان الحاجة الساقعة"
راحت جابت كوبايات... ولما رجعت
"معلش يا سمر نسيت اقولك هاتى مياه"
راحت سمر تجيب مياه... صب عاصم الجاجة الساقعة فى الكوبايات...
وقرص من نفس المهدئ فى كوباية سمر قبل ماترجع
http://mamietitine.m.a.pic.centerblog.net/c6d122be.gif
تانى يوم
فريد بيفتح الباب للبنى
اول ما فتح الباب... سابها ودخل اوضته
قفلت الباب ودخلت وراه
"ايه المقابلة الوحشة دى"
"3 ايام يالبنى لا اشوفك ولا اعرف اكلمك...للدرجة دى نسيتينى"
قربت منه وهى بتحط ايدها على كتفه والايد التانية بتشاور على عينه
"طيب غمض عيونك الحلوة دى وانا اصالحك"
"مش وقته يالبنى...انا لازم انزل عندى شغل"
"شغل وتسيبنى انا والمفاجئة"
"مفاجئة ايه"
وبصوت كله فرحة
"عاصم كتبلى الفيلااااااااااا"
وضحك فريد وضحكت لبنى من الفرحة
"علشان كده مكنتش عارفة اقابلك ولا اكلمك الكام يوم اللى فاتوا دول..
.اول امبارح عاصم جه من السفر وامبارح كنت مع المحامى
وهو بيخلص الاجراءات ومكلمتكش علشان اعملهالك مفاجأة"
"مبروك يا حبيبتى"
"مبروك علينا احنا الاتنين"
"انا فرحان علشان كده هتطلبى منه الطلاق"
"ايوه هطلبه بس مش دلوقتى طبعا مش معقول يكتبلى الفيلا
النهاردة وانا اروح اطلب منه الطلاق بكرة"
"يعنى امتى"
"انت مستعجل على ايه؟؟احنا كده كده مع بعض"
قالها وهو بيقرب منها يقبلها فى اذنها
"مش قادر ابعد عنك اكتر من كده"
وبادلته القبلات وهى بتهمس
"انا بحبك انت بس"
http://mamietitine.m.a.pic.centerblog.net/c6d122be.gif
عاصم فى العمليات... وسمر فى مكتبها بتعيط
بتفتكر استسلامها ليه تانى امبارح فى العيادة
كل مرة بتلوم نفسها ومع ذلك بتستسلم له برضاها
دخل شهاب...مسحت دموعها بسرعة
"ايه ده؟؟انتى بتعيطى"
"لا
"لا ايه بتعيطى اهو"
"مفيش حاجة يادكتور "
"لو حاجة مضايقاكى او حد مزعلك قوليلى"
"ابدا قلتلك مفيش"
"انتى ليه بتصدينى كده"
"اصدك؟؟ تقصد ايه"
"كل مااحاول اتقربلك تبعدينى عنك..ليه؟؟"
"مفيش حاجة وانا عمرى ماعاملتك وحش"
"انا مقلتش بتعاملينى وحش بقولك بتصدينى"
"اكيد بيتهيألك"
"يعنى انتى حاسة"
وفهمت سمر تلميحاته... اللى عمرها ما اخدت بالها منها قبل كده
مكنش قدامها غير انها تستمر فى التظاهر بعدم الفهم
"انا مش فاهمة تقصد ايه"
"انا بحبك يا سمر وعايز اتقدملك"
"تتقدملى؟؟"
"اه.. انا عارف انى مش قد المقام وانتو عيلة كبيرة وانا راجل على قدى"
"لالالا مش كده خالص...احنا عاديين جدا على فكرة"
"يعنى موافقة اكلم دكتور عاصم "
"لا انا مقلتش موافقة واوعى تكلمه... انا بس بوضحلك ان المشكلة
مش حكاية مستوى وكلام من ده"
"يعنى فيه مشكلة"
"المشكلة ان مفيش مشاعر بيننا تخلينى اقولك موافقة"
"بس انا بحبك من اول ما شوفتك"
"وانت بالنسبة لى زميل بس"
http://mamietitine.m.a.pic.centerblog.net/c6d122be.gif
"ماشى انا موافق ابقى زميل بس دلوقتى... انما ادينى فرصة نقرب
لبعض يمكن لما تعرفينى اكتر رأيك يتغير"
"مينفعش يا شهاب"
"ليه مينفعش"
ولقت نفسها بتحاول تلاقى اى مبرر وبعد تفكير سريع
"اخاف نقرب لبعض اكتر ومشاعرى تفضل زى ماهى يبقى انا كده ظلمتك معايا"
"لا مش هتظلمينى ولا حاجة انا هكون سعيد وانا بقرب منك"
"احنا زملاء ومش...."
انقذها دخول عاصم... دخل مكتبه ووراه شهاب
وقبل ماشهاب يدخل مكتب عاصم... راحت وراهم سمر
وشدته وهما ع الباب من بره
"اوعى تقول حاجة لدكتور عاصم"
"حاضر حاضر"
دخلوا ورا عاصم وقعد عاصم فى مكتبه
"سمر لما اخلص مع شهاب ابقى تعالى عايزك"
خرجت سمر...وقعد شهاب قصاد عاصم
فتح عاصم درج مكتبه وطلع شيك
"خد ياعاصم... ده حسابك فى العمليات الاخيرة...
ده شيك ب50الف لل5عمليات اللى فاتوا"
"متشكر يادكتور...انا خلصت شقتى وهنقل من السكن"
"ماشى بس خلى بالك اى وقت هحتاجك فيه تكون موجود"
"متقلقش يادكتور تحت امرك اى وقت"
http://mamietitine.m.a.pic.centerblog.net/c6d122be.gif
"النهاردة مفيش عمليات لو عايز تروح دلوقتى اتفضل انت كنت سهران طول الليل"
"بعد اذنك يادكتور"
"اتفضل... ابعتلى سمر وانت داخل"
خرج شهاب ودخلت سمر بعد دقايق
"عينك عاملة كده ليه...انتى هتفضحى نفسك كده"
"ياعاصم ارجوك اتصرف وكلم ماما بسرعة بقى"
"احنا هنعيده تانى مش لسه متكلمين امبارح فى الموضوع ده"
"انا مكنتش فاكرة اننا هنكرر اللى حصل ده... انا خايفة ومتضايقة اوى"
"متخافيش ولا تتضايقى... المسألة مجرد وقت"
"قد ايه"
"هبقى اقولك... ابعتيلى مدير الحسابات وروحى كملى شغلك"
خرجت سمر بعد ماقفل عاصم الكلام
http://mamietitine.m.a.pic.centerblog.net/c6d122be.gif
بعد اسبوع
عاصم وسمر وهما رايحين العيادة...راح عاصم وقف قدام نفس
العمارة اللى كان مأجر فيها الشقة لما رجع من السفر
"تعالى اوريكى الشقة"
"شقة ايه"
"الشقة اللى اشتريتها علشان نتجوز فيها"
"مش لازم دلوقتى"
"يالا احنا جينا خلاص... وبعدين لازم تشوفيها علشان دى
هتبقى شقتك وهكتبها باسمك"
وفرحت سمر
"بجد؟؟"
"اه طبعا ...يالا "
ونزلت سمر مع عاصم من العربية... دخلوا العمارة
جه البواب
"اهلا يادكتور....اتفضل"
وبص لسمر
"ثوانى ياسمر...تعالى يا سيد عايزك"
واخد البواب على جنب...طلع من جيبه فلوس
"خد دول ليك يا سيد"
"خيرك سابق يا باشا"
"بص دى المدام الجديدة... مش عايزها تعرف انى كنت قاعد
هنا مع المدام قبل كده ولا ان الشقة دى ايجار...مفهوم
رد سيد وهو بيبص لكومة الخمسينات اللى ف ايده
"مفهوم طبعا كل كلامك اوامر"
"وطبعا انا مكمل فى ايجار الشقة"
"واحنا هنلاقى احسن من سعادتك"
مشى عاصم ناحية سمر واخدها ودخلوا الاسانسير
http://mamietitine.m.a.pic.centerblog.net/c6d122be.gif
اول ما دخلوا الشقة انبهرت سمر بيها
فرجها عاصم على الشقة...وشاف مدى انبهارها
لما وصلوا لاوضة النوم...وقفت سمر على الباب من غير ماتدخل
"اه حلوة اوى... يالا بقى علشان نلحق العيادة"
ودخل عاصم مدد على السرير وهو بيقلع الجاكيت
"مستجلة على ايه... وهيحصل ايه لو قعدنا شوية"
فضلت سمر واقفة ع الباب...
"تعالى اقعدى جنبى"
راحت قعدت جنبه وهى مترددة
بدأ يقرب منها ويلمسها...بعدت عنه وهى قاعدة
"لما نتجوز ياعاصم...كفاية كده بقى"
"مااحنا كاننا متجوزين وزى ماقلتلك مسألة وقت"
"لو مسألة وقت يبقى نستنى"
وقام من مكانه وبصوت اعلى من اللى كان بيتكلم بيه
"اسمعى بقى انا محبش العند ولا احب مراتى تمشى كلامها عليا...
لو انتى مش هتسمعى كلامى يبقى بناقص من دى جوازة"
وبدأت سمر تخاف وتعيط
"بناقص من دى جوازة؟؟؟ واللى حصل"
"ما اللى حصل حصل هتنقصى ايه دلوقتى لما تسمعى كلامى"
معرفتش ترد كانت بتعيط...لبس عاصم الجاكيت وخرج من الاوضة وهو بيقولها
"لاااا هو من اولها نكد... مكنتش فاكرك كده واضح اننا مش هننفع مع بعض"
http://mamietitine.m.a.pic.centerblog.net/c6d122be.gif
ايام عمري
03-13-2014, 11:18 AM
جريمة قتل الحلقة 9
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
جريت سمر ورا عاصم اول ما خرج من الاوضة
"انا اسفة... والله ما عايزة ازعلك بس انت كمان حس بيا"
وبنفس نبرة الصوت العالى
"احس اعمل ايه اكتر من كده... جبتلك شقة وبقولك هكتبهالك..
.ومستنى احل المشاكل اللى هتقابلنا وانتى ولا بتحسى خالص وكمان
هتعيطى وتقوليلى لآ ولما نبقى نتجوز... ماانا مستنيتش وبعاملك
على انك مراتى من دلوقتى"
قالت وهى بتمنع نفسها من العياط
"خلاص ياعاصم...انا اسفة بس متزعقش علشان خاطرى"
وبصوت اهدا
"بصى ياسمر... انا محبش مراتى تعارضنى هتمشى على طبعى ماشى
مش هتقدرى قولى من دلوقتى ويادار ما دخلك شر"
"انا اسفة ياعاصم... انا والله مش طبعى انى اعارض بس خايفة"
"يووووووه هنرجع لنفس الكلام تانى"
"خلاص خلاص...متزعلش نفسك ومتزعلش منى"
لما شافها بتعيط... وحس انها بقت جاهزة للطاعة العمياء
قرب منها وبكل رقة وحنان مصطنع حضنها
"متزعلينيش منك تانى... ولما اقولك حاجة اوعى تعارضينى فيه
ا علشان مزعلش منك"
"حاضر"
"يالا ادخلى اغسلى وشك وتعاليلى"
وراحت سمر ناحية الحمام... وقبل ما تدخل طلع شريط من جيبه
"سمر... ابقى خدى كل يوم حباية من الحبوب دى"
"ايه دى"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
"دى حبوب منع الحمل...مش عايزين يحصل حاجة مش مستعدين لها"
"حاضر
لبنى فى اوضتها ...قاعدة على السرير بتتفرج على مجلة ازياء
رن موبايلها
"الو... ازيك يا حسين... وازى ماما ومايسة .. ايه؟؟ازاى ؟؟امتى؟؟
الف سلامة عليه... طيب هكلم عاصم اسأله وارد عليك...
حاضر ...حالا طبعا..سلام"
قفلت مع حسين واتصلت بسرعة بعاصم
"الو... ايوه ياعاصم انت فى العيادة؟.. حسين اتصل بيا وبيقول ان حمادة
تعبان ولما راح للدكتور قاله انها زايدة.. بيقولك ترشحله حد كويس
يعمله العملية.. بجد؟؟ حاضر هقوله... هكلمه وارجع اكلمك تانى... سلام"
وقفلت مع عاصم واتصلت بحسين
"ايوه ياحسين... عاصم بيقولك هات حمادة دلوقتى على المستشفى
بتاعته وهو بنفسه هيقف معاه فى العملية... عادى ياحسين مش
متأخر ولا حاجة وعلى ماتوصل القاهرة يكون عاصم خلص العيادة...
يالا متتأخروش هو قال هيكلم المستشفى وهيحضروا كل حاجة...
انا كمان هسبقكم على هناك... لو حصل انى اتأخرت وانت وصلت
قبلى بيقولك اسأل على دكتور شهاب... حاضر ياحسين شوية وهروح ..
.هستناكم هناك...يالا مع السلامة"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
وصلت لبنى المستشفى وراحت على مكتب عاصم
شهاب كان قاعد على مكتب سمر
"مساءالخير"
"اهلا وسهلا... ازيك يامدام... انا شهاب لو حضرتك فاكرانى
اتقابلنا يوم الافتتاح"
"اهلا يادكتور... هو عاصم مجاش"
"لا لسه بس كلمنى وحضرنا احسن سويت فى المستشفى ...
تعالى اتفضلى فى مكتب د.عاصم"
دخلها شهاب مكتب عاصم... قعدت
"تحبى ابعت لحضرتك ايه؟"
"ولا حاجة ميرسى"
"طيب بعد اذنك"
خرج شهاب من المكتب... طلعت لبنى علبة السجاير والولاهة قدامها
والموبايل... بصت فى الموبايل الساعة كانت 12بالليل
ولعت سيجارة واتصلت بحسين
"الو ...ايه ياحسين اتأخرتوا ليه... وصلتوا... طيب انا موجودة اطلعوا
على مكتب عاصم...مع السلامة"
وصل حسين ومايسة وحمادة...ومعاهم مامة لبنى
كان الاهتمام سريع بحمادة وتحضيره للعمليات
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
خلصت العملية الساعة 4 الفجر
لبنى"يالا ياماما...قومى نروح ونبقى نيجى بكرة"
الام"مش لما نطمن على ابن اخوكى"
لبنى"هو فاق اهو بس لسه تعبان بكرة نبقى نيجى نطمن
عليه...يالا ياحسين
مايسة"لا خليك معايا ياحسين يمكن نحتاج حاجة"
لبنى"اطمنى يامايسة اى حاجة هتحتاجيها هنا هتلاقيها والدكاترة
كلهم عارفين ان حمادة قريب صاحب المستشفى يعنى معاملة واهتمام خاص"
مايسة"معلش برضه.. خليه معايا"
لبنى"براحتكم...يالا تصبحو على خير وهجيلكم بكرة ان شاءالله"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
فى نفس الوقت فى مكتب عاصم
عاصم قاعد مع شهاب وماسكين التحاليل
وبضحكة سعادة
"حمادة ده جالنا فى الوقت المناسب"
"فعلا ...التحاليل والانسجة ملائمة تماما"
"جدااا... بقولك ايه خد رقم سكرتير الشيخ عبدالله واتصل بيه قوله
لازم يجيب ابنه ويكون هنا فى اقرب وقت"
"حاضر"
"قوله لو حتى ياخد طيارة خاصة وييجى...احنا ماصدقنا ان لقينا كلية
مناسبة لابنه وده زبون جامد ومتوصى عليه من الجماعة بتوع ايطاليا"
"هههههه ربنا كبير يادكتور... فرجها فى الوقت المناسب...
بس يعنى ده قريب المدام وممكن تزعل لو عرفت"
"وهى ايه اللى هيعرفها... الواد صحته كويسة وكده كده احنا
عملنا الزايدة فعلا...وهنوريهالم يبقى اى حاجة تانية مش مسئوليتنا"
"تفتكر لو عرفوا ممكن يبلغوا"
"تفكيرك بيروح لبعيد اوى يا شهاب... كبر مخك بقى واللى يقدر
يثبت علينا حاجة يثبتها... ده لافيه فاتورة هتتدفع ولا اسمه هيتكتب
فى دخول وطقم الدكاترة بتاعنا"
"ماشى يا كبير... اطلع اخطفلى كام ساعة قبل مايطلع الصبح"
"وانا هقوم اروح واجيلك الصبح... اوعى تنسى تتصل بالراجل"
"لا طبعا ..حالا...حد ينسى أكل عيشه"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
تانى يوم فى المستشفى كانوا كلهم موجودين
وحمادة بيتحسن وبيتابعوه كل الدكاترة
لبنى"مالك يامايسة"
مايسة"انا مش عارفة راحت فين ... مش لاقية شنطة هدومى
وقاعدة من امبارح بنفس الهدوم وبقيت مش طايقة نفسى"
الام"الشنط كلها كانت فى العربية... شنطتك رجعت معايا
على بيت لبنى"
مايسة"انا ازاى انسى اخدها وانا طالعة"
لبنى"انتى كنتى ملبوخة بابنك... بقولك ايه قومى تعالى معايا الفيلا
تاخدى دش وتغيرى هدومك وترجعى... ومتخافيش ماما وحسين هنا"
الام"قومى يامايسة... انا هنا متقلقيش"
قامت مايسة راحت مع لبنى...اخدت دش وغيرت هدومها بسرعة واخدت
شنطتها اللى نسيتها
"يالا يالبنى علشان منتأخرش على حمادة"
وهما رايحين المستشفى...بتفتح لبنى علبة السجاير
"يووو سجايرى خلصت"
"انتى لسه برضه"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
"سجاير لسه بس بطلت شرب خمرة"
"الحمدلله..ربنا يهديكى وتبطلى السجاير دى كمان"
"ثوانى يامايسة هنزل اشترى سجاير "
وقفت لبنى قدام كشك... نزلت تشترى سجاير
رن موبايل لبنى ...وهو فى العربية
مايسة خافت على ابنها ليكون تعبان... مسكت تشوف مين
لحظات عدم تصديق ومايسة مبرقة عينيها والموبايل بيرن باسم فريد..
. جت لبنى وشافتها مبرقة كده
"ايه فى ايه مالك"
"تليفونك بيرن"
مايسة بتدى الموبايل للبنى والاتنين بيبصوا لبعض
مايسة بتبص باستغراب...ولبنى بتبص بارتباك
اخدت لبنى التليفون بعد ماركبت العربية
"الو... ازيك يافريد... كويسة الحمدلله... بعدين... لا مش هينفع...
بعدين نتكلم... يمكن معرفش النهاردة ولا بكرة... حسين وماما
ومايسة عندى... طيب.. متتصلش انت انا هبقى اتصل... مايسة
معايا اهى ...ماشى مع السلامة"
خلصت المكالمة ودورت العربية وساقت
مايسة بتبص لها ومستغربة من المكالمة اللى حصلت قدامها دى
"هتفضلى تبصى لى كتير يامايسة... اظن كل حاجة واضحة"
"انا مش عارفة انطق من ساعة ماشفت اسمه على التليفون...
عرفتى طريقه منين ولا بيكلمك ليه وانتى نسيتى انك زوجة وام"
لبنى ساكتة...ومايسة مستنية لبنى تتكلم
"ردى عليا يالبنى... ايه اللى بينك وبين فريد"
ردت لبنى بعصبية وهى بتولع سيجارة
"اللى بينى وبينه انتى عارفاه من زمان"
"معدش ينفع يالبنى... معدش ينفع تحبى واحد وانتى متجوزة
واحد تانى... افرضى جوزك هو اللى كان معاكى"
"عاصم يعرف فريد"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
"يعرفه ازاى... وانتى ليه بتكلميه طيب"
"بكلمه علشان ناوية اتطلق من عاصم ونتجوز"
"تتطلقى ازاى؟؟ تفتكرى عاصم ولا حسين هيوافقوا"
"حسين مالوش كلمة عليا ...عاصم كتبلى الفيلا ولما اتطلق
هقعد فيها مع ادم وفريد طبعا"
"لااااا انتى احكيلى وفهمينى عرفتوا طريق بعض ازاى ...
وانا مش مأيداكى فى حكاية الطلاق"
"ده قرار نهائى خلاص يا مايسة... وهحكيلك اتقابلنا ازاى"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
قبل شهر من الحادثة
عاصم بيلبس ورايح المستشفى
ولبنى صاحية... وواقفة له على باب الاوضة
"عايزاك فى موضوع مهم قبل ماتنزل
"ملاحظ انك بقالك اسبوع كده مبوزة ف وشى على طول وكل
ما اقربلك تبعدى وتتحججى بحجج فارغة... فى ايه"
"بص ياعاصم انا الفترة اللى فاتت دى كنت بفكر فى قرار مهم... انا عايزة اتطلق"
"تتطلقى؟؟"
"ايوه... حياتنا مع بعض مش هتنفع"
"ليه"
"انت على طول سايبنا انا وادم وانت من المستشفى للعيادة
"والله... ودى حاجة جديدة عليكى مااحنا من يوم مااتجوزنا وانا
بشتغل طول اليوم ودى حاجة عمرك ما اشتكيتى منها"
"زهقت ياعاصم ومش قادرة اكمل"
"عندك اسباب تانية"
"فرق السن اللى بيننا"
"وده اتفاجئتى بيه دلوقتى؟؟؟ ومتهيألى فرق السن اللى بيننا ده
مش مأثر على حاجة بيننا ...ولا ايييييه؟؟"
"ده قرار ياعاصم... انا مش قادرة اكمل حياتى معاك"
"بس انا مش هطلقك يالبنى"
"اوك... هتتخلع"
"هى وصلت للدرجة دى... عموما فكرى تانى "
"ده قرار نهائى"
"انا هسيبك تفكرى اسبوع كمان ...ومهما كان قرارك انا راضية"
خرج من الاوضة وهى وسعت من طريقه..ومنزلتش وراه
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
عاصم فى العربية... بيضحك وبيكلم نفسه
"تتطلق... وبعد ما كتبتلها الفيلا دى بتحلم"
مسك موبايله وهى بيسوق...واتصل
"الو... سلطان باشا ازيك... معلش بكلمك ع الصبح كده... بس كنت
عايزك فى موضوع مهم وخاص... الامر لله ... كنت عايز 2 من رجالتك
تكون بتثق فيهم كويس... من النهاردة ومن دلوقتى محتاجهم..
. مسألتنيش يعنى عايزهم ليه؟؟؟ يعنى يقدروا يعملوا اى حاجة...
طيب انا عايزهم يراقبوا مراتى... ايوه مراتى... عايزهم يراقبوها
زى ضلها ويقولولى تفاصيل تحركاتها بالظبط وبالصور كمان لو ينفع...
اكتب عندك العنوان ورقم عربيتها ... هبعتلك صورتها فى رسالة...
هى دلوقتى فى البيت... يعنى خلال ساعة هتكون جبتهم؟؟
انا مش عارف اقولك ايه؟؟ متشكر جداا... لالا محدش يجيلى
ابقى خليهم يتصلوا بيا وانا اقولهم يعملوا ايه؟؟ طلباتهم اوامر واللى
يطلبوه هياخدوه بزيادة كمان... متشكر ... متشكر جدا..
. فى رعاية الله... الف سلامة"
http://mamietitine.m.a.pic.centerblog.net/1851425000fd6d3baceb871aedcc4494bc77877ad6.gif
ايام عمري
03-14-2014, 11:00 AM
جريمة قتل الحلقة 10
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
سمر وصلت مكتبها...ولسه بتقعد سمعت صوت وراها على
باب المكتب بيقول
"وحشتيييييينى"
التفتت شافت شهاب ...ردت وهى بتضحك
" شهاب حمدالله ع السلامة... انت جيت امتى"
"الله يسلمك ... لسه جاى حالا"
قعدت على مكتبها وراح قعد قصادها
"مقدرتش افضل هناك اكتر من كده"
"ده انت لسه كنت مسافر امبارح انا افتكرتك هتقعد كام يوم"
"ماهو انا مسافر ليه؟؟مش علشان فرح اختى... الفرح خلص .. اقعد ليه بقى"
"بس لما كلمتنى امبارح بعد الفرح مقلتش انك جاى بسرعة كده"
"امممم بصراحة مقدرتش... اتعودت اشوفك كل يوم و.."
وقاطعته سمر
"احكيلى الفرح كان حلو"
"اه الحمدلله... هو انا لسه مجرد زميل يا سمر"
"شهاب انا مضحكتش عليك ارجوك متضغطش عليا"
"خلاص ياسمر... بس انا لسه عندى امل برضه... على الاقل قربنا من
بعض الفترة اللى فاتت شوية وده بالنسبة لى كان حلم... ومش هيأس لانى بحبك بجد"
سكتت سمر ... وسكت شهاب
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
صمت قاتل ... قام شهاب
"طيب انا هنزل الكافتيريا اشرب شاى..ابعتلك حاجة"
"لا ميرسى"
فى الشقة المفروشة... وفى اوضة النوم
سمر لابسة قميص وروب... وعاصم لابس بدلته
قاعدين على السفرة بياكلوا... وعلب الاكل الجاهز ع السفرة
"احنا هنفضل كده كتير ياعاصم؟"
"كده ازاى؟؟"
"عايشين متجوزين من غير جواز... كل يوم بين المستشفى والعيادة
بنيجى هنا وماما فاكرة انى كل ده فى الشغل"
وبكل ثورة وعصبية وصوت عالى
"انا فيا اللى مكفينى ومش ناقصك... مش عايز السيرة
دى تانى انتى فاهمة"
وعيطت سمر
"ازاى مش عايز السيرة دى تانى... يعنى ايه؟؟ اعمل ايه واتصرف ازاى"
"اخرسى بقى مش عايز اسمع صوتك"
وقام وراح ع الباب علشان ينزل وقبل مايفتح الباب
"بقولك ايه... شكلك اعصابك تعبانة خدى كام يوم اجازة من
المستشفى والعيادة وهنا كمان"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
نزل وسابها مش فاهمة حاجة من ثورته وعصبيته وكلامه
بعد يومين
عاصم فى كافيه قاعد وبيبص فى ساعته
جه واحد قرب منه
"عاصم باشا؟؟"
"ايوه"
"انا مرزوق من طرف سلطان باشا"
"اه.. اه... اقعد... هاااا قولى بقى الاخبار ايه"
قعد مرزوق وحط ظرف ورق قصاده
"بس ياباشا الست اللى بنراقبها دى طول اليومين اللى فاتوا مفيش
غير مكان واحد بس بتروحه وبتطول فيه ... شقة فى عين شمس
ولما سألنا واطقسنا عرفنا انها شقة واحد اسمه فريد بيشتغل
مهندس وان الست دى تبقى مراته"
"مراته؟؟"
"ايوه يا باشا الناس هناك عارفين انها مراته"
"وبتروح فين تانى"
"اماكن عادية تشترى اكل تشترى سجاير تروح كوافير... مفيش
اكتر من كده فى اليومين دول"
"وهى فين دلوقتى"
"رجعت من عند فريد على فيلتها"
"تقدروا تدخلوا الشقة دى؟؟"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
"لو عايزنا نخلص عليهم نقدر مفيش حاجة تقف قصادنا...فى الشقة او بره"
"لالا انا مش عايزكم تدخلوا وهما جوا"
"اومال سعادتك عايز ايه لامؤاخذة"
"انا عايز حد يدخل الشقة يحط فيها كاميرا ... فى اوضة النوم"
"بس..."
"بس ايه؟؟ صعبة"
"لا مش صعبة اننا ندخل الشقة... بس انا وفهمى اللى معايا
منعرفش حاجة فى الكاميرات والحاجات دى"
"يعنى لو جبتلكم الكاميرا واللى هيركبها هتتصرفوا وتأمنوه"
"طبعا ياباشا"
"عايز حاجة تانية"
"اؤمرنى"
"عايز طبنجة"
"دى تستنى عليا شوية علشان استلقطلك حتة كويسة
ونضيفة مش متزفرة "
"ماشى ...وميهمكش التكاليف"
وطلع دفتر شيكاته... وكتب شيك لمرزوق ب10الاف جنيه
"من يد مانعدمها يا باشا"
"انا بحب الرجالة الجدعان اللى يحافظوا ع الاسرار"
"عيب ياباشا السر فى بير...واسال سلطان باشا عليا هيقولك"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
"ماشى يامرزوق... هظبط حكاية الكاميرا واكلمك"
"تؤمرنى ... نكمل مراقبة ولا نوقف كده"
"لالالا كمل واعرفلى خطواتها بالمللى"
قام مرزوق وهو بيقول
"تحت امرك... اى خدمة تانى"
"لا شكرا"
سمر فى اوضتها وعلى مكتبها وبتعيط وهى بتكتب
"طول اليومين اللى فاتوا وعاصم مكلمنيش خالص من ساعة مانزل
من الشقة انا مش عارفة اعمل ايه وكل ما اكلمه يااما ميردش عليا
يااما يرد ويقول انه مشغول... ماما لاحظت انى مش طبيعية وزعلانة
وانا قلتلها انى مضغوطة من الشغل علشان كده اهدت اجازة...
الغريب ان شهاب مبيبطلش يسأل عليا ومهما بصده مبيزعلش منى
وكلمته اللى بيقولها دايما مش هفقد الامل... يمكن لو مكنش عاصم
فى حياتى كنت هفرح جدا بحب شهاب ليا ويمكن كنت حبيته لانه
انسان طيب ورقيق وحنين اوى... بس خلاص مينفعش اى حاجة
من دى لانى مرات عاصم"
دخلت خديجة على سمر الاوضة... قفلت سمر الاجندة وحطيتها
بسرعة فى درج المكتب وقفلته
"بتعملى ايه..بتكتبى برضه"
"اه ياماما عايزة حاجة"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
"قومى تعالى اقعدى معايا عايزاكى"
خرجت الام راحت ع الانتريه وراحت وراها سمر
قعدت سمر على الكنبة... وقلبت جابت على قناة اغانى
"اطفى القرف ده عايزة اتكلم معاكى"
طفت سمر التليفزيون وبصت لمامتها
"نعم ياماما"
"ام حسام اللى تحت كانت عندى من شوية وطبعا انتى
ولا دريانة مين جه ومين راح"
"وانا مالى ياماما ...ايه المهم يعنى"
"عايزاكى لحسام ابنها... حسام بيشتغل فى شركة كبيرة وشقته
جاهزة من مجاميعه وجاهز يخطب ويتجوز خلال كام شهر..
. وانتى جاهزة من كله يعنى مناسب علشان افرح بيكى"
"وانا مليش رأى يعنى"
"وهو حسام يتعيب ولا نسيتى زمان"
"زمان ايه ؟؟ وانا صغيرة لما شفتينى واقفة معاه ع السلم يعنى..
. كنت مراهقة وبفرح من كلمتين حلوين وخلاص ولما قلتى مكلموش
تانى مكلمتوش ولا فكرت فيه تانى"
"طيب سيبنا من زمان... هو دلوقتى اتقدملك اهو وانا شايفاه مناسب
وكويس وعلى الاقل متربى قدامنا وعارفين اخلاقه"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
"بس انا مش عايزاه"
"ليه...فى ايه علشان ترفضى واحد كويس زى ده"
"مفيش حاجة"
"يعنى اقولهم موافقة"
"لا مش موافقة"
"ادينى سبب يخليكى مش موافقة من غير ماتفكرى"
وكأن كلمة تفكرى كانت الملاذ الوحيد لسمر
"صح.. افكر... سيبينى ياماما افكر"
تانى يوم راحت سمر المستشفى من غير ماتقول لعاصم
اول ما دخلت لقت على مكتبها واحدة تانية
"مريم؟؟؟"
"سمر ازيك... كويس انك جيتى انا من ساعة مادكتور عاصم قالى
انك سيبتى الشغل وانى امسك مكانك من النهاردة وانا محتاسة
مش عارفة اتعامل خالص"
"هو قالك كده امتى"
"اول ما وصل النهاردة قال انى استلم مكانك"
"طيب انا هستناه فى مكتبه ولما ييجى هبقى اقعد
معاكى افهمك الشغل"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
"ماشى ياسمر بس قوليلى الاول عايزنى ادخل ملف العمليات
الاخيرة على الكمبيوتر ومش عارفة الملف ده فين"
"هشوفهولك جوه...انا كنت اديتهوله من كام يوم"
دخلت سمر وقعدت تدور على الملف فى الادراج
لقت الملف...ولفت نظرها علبة الاقراص اللى كانت شافتها فى
ايطاليا ع البار... مسكت العلبة... لقت انها ناقصة قرصين بس
استغربت كل الفترة دى ومخدش من دوا الصداع غير قرصين؟؟
بحركة لا ارادية اخدت العلبة حطتها فى شنطتها وقعدت تستناه
وصل عاصم بعد ربع ساعة وكان معاه شهاب
عاصم اول ماشافها... قلب وشه وكشر
شهاب اول ما شافها... ابتسم وفرح
"اهلا ياسمر... شهاب لو سمحت عايز ملفات القسم الاقتصادى دلوقتى"
نزل شهاب وهو فرحان بوجود سمر
قعد عاصم على مكتبه... واهمل وجود سمر
"مفيش حتى كلمة وحشتينى"
"ده مكان شغل ياسمر مش وقته"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
"انا جالى عريس امبارح وماما بتحاول تقنعنى"
"بجد..لو كويس وافقى ياسمر والف مبروك"
كلامه خلاها تعيط وهى بتضحك بسخرية
"الف مبروك... الف مبروك ازاى...هو انا ينفع اتجوز حد تانى"
"ومينفعش ليه...بصى ياسمر احنا يمكن اتسرعنا شوية والحمدلله
اننا عرفنا غلطنا بدرى...انتى محتاجة شاب فى سنك "
"انا مش فى محتاجة ايه... انا مشكلتى انى مينفعش اتجوز غيرك"
"وانا متجوز ومش هينفع اتجوز تانى"
"يعنى بتتخلى عنى"
"لا طبعا مش هتخلى عنك... بصى عملية صغيرة تعمليها ترجعى زى
الاول وتتخطبى للعريس اللى جالك وتتجوزى وكأن محصلش حاجة"
خرجت سمر تجرى وهى بتعيط
اتخبطت فى شهاب وهو داخل المكتب بالملفات
شهاب شافها بتعيط...ساب الملفات لمريم وجرى وراها
ركبت سمر الاسانسير قبل مايلحقها شهاب
وعلى مانزل فى اسانسير تانى كانت سمر بتوقف تاكسى
من قدام المستشفى
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
لحقها شهاب على باب التاكسى... ركب معاها
"مالك ياسمر...بتعيطى كده ليه"
كانت بتعيط كتير ومش عارفة ترد على شهاب
بتعيط من صدمتها فى عاصم
بتعيط من كلامه عن العملية بسهولة
بتعيط من استسلامها ليه الفترة اللى فاتت
"ياسمر اتكلمى مالك... ايه اللى مزعلك كده"
وبعد سكوت ومحاولة انها تمسك اعصابها
"اصل اتقدملى عريس وماما مصممة عليه وجيت اشتكى لدكتور عاصم
علشان يقنع ماما لقيته هو كمان مأيد كلامها"
"عريس؟؟ عريس ايه؟؟ومين ده؟؟ انا بحبك ياسمر وعايز اتقدملك
وهرجع اكلم دكتور عاصم واقوله انى عايز اقابل مامتك واخطبك"
http://mamietitine.m.a.pic.centerblog.net/4c93a7eb9c5a52960b8dac5cd575fdb1_1.gif
nabila
03-15-2014, 06:58 PM
http://im89.gulfup.com/WDMaL.gif
http://im67.gulfup.com/ISyqX.gif
http://im90.gulfup.com/h9YXf.gif
http://im81.gulfup.com/sjRpm.gif
http://im82.gulfup.com/z1RtI.gif
http://im68.gulfup.com/CE3aW.gif
http://im68.gulfup.com/UUwfA.gif
http://im47.gulfup.com/7I5Gi.gif
http://im82.gulfup.com/UpMM1.gif
http://im62.gulfup.com/aCRnv.gif
https://lh5.googleusercontent.com/-wXFrViKER_Y/Uvz92San0UI/AAAAAAACaDo/tWWjb55VyFE/s630-fcrop64=1,0000271affffb7e6/8bvcwib36ly.gif
ايام عمري
03-17-2014, 02:52 PM
حبيبتي الحل عندي اكيد يا بلبل
بوشك على اقرب دكتور عيون يا قلبي
ههههههههههههههههههه
اشكرك على المتابعة حبيبتي
يلا راح الكتير وبقي القليل
وتفتكري مين القاتل بقا
ايام عمري
03-17-2014, 02:57 PM
جريمة قتل الحلقة 11
http://mamietitine.m.a.pic.centerblog.net/0_45c8d_18e5ce5a_L.gif
سمر مش عارفة ترد على شهاب
"ها يا سمر ارجع اكلم دكتور عاصم وهو اكيد يقدر يأثر على مامتك"
سمر بتهدا من العياط
"مش عارفة"
"يعنى ايه مش عارفة"
"مش عارفة ياشهاب"
"صارحينى مالك وايه اللى مخليكى مش عارفة تردى عليا"
وقف التاكسى ... وصلوا عند بيت سمر
"انا هنزل ياشهاب"
"قبل ماتنزلى ردى عليا...تحبى اطلع اكلم مامتك دلوقتى"
"فيه حاجة لازم تعرفها الاول"
"انا كنت بحب واحد الفترة اللى فاتت دى وسابنى وانا حاليا مجروحة..
هاااا...لسه عايز تخطبنى"
"ايوه ياسمر لو انتى خلاص الشخص ده خرج من قلبك ومستعدة تبدأى
معايا من جديد انا موافق نبدأ مع بعض صفحة جديدة"
"خلاص... تعالى اطلع معايا واطلبنى من ماما"
"مش هبقى بتعدى على وجود دكتور عاصم"
"لأأأأأأأأأأأأأ"
http://mamietitine.m.a.pic.centerblog.net/0_45c8d_18e5ce5a_L.gif
عاصم وهو نازل من عربيته جوه الفيلا...رن موبايله
رد وهو متجه لباب الفيلا الداخلى
"الو... ازيك ياخديجة... الحمدلله بخير... والله ؟؟وانا اقول شهاب راح فين النهاردة..
شهاب ولد كويس جدا وطيب وابن حلال لو سمر موافقة عليه يبقى على
بركة الله... اه طبعا هحضر قراية الفاتحة لما تحددوها... الف مبروك... مع السلامة"
قفل المكالمة وهو بيفتح باب الفيلا بالمفتاح وبيقول
"تمام كده خلصنا من سمر من غير مشاكل...عفارم عليك ياشهاب"
دخل الفيلا وشاف ادم مع الدادة على السفرة بيتغدا
سلم على ادم...وطلع اوضته
لبنى كانت قاعدة على كنبة فى اوضة النوم على وشها ماسك وبتعمل مانيكير
تجاهلت وصوله وكملت اللى بتعمله
هو بيبص لها بِ غل وهى ضهرها ليه
قلع بدلته ولبس بنطلون وتى شيرت
"مش هنتغدا"
التفتت له لبنى
"مقلتليش يعنى انك جاى تتغدا... بقالك شهور بتتغدا بره ومش
بتيجى البيت غير بالليل"
كانت خلصت وقامت دخلت حمام اوضة النوم
غسلت ايدها وبدأت تمسح الماسك اللى على وشها
الباب مفتوح... راح عاصم وقف لها على باب الحمام
بتتجاهله وهى شايفاه بطرف عينيها
http://mamietitine.m.a.pic.centerblog.net/0_45c8d_18e5ce5a_L.gif
خلصت وغسلت وشها...جاية تخرج من جنبه
مسك ايدها وضمها ليه
"مش محتاجة كل اللى بتعمليه ده انتى قمر من غير حاجة"
سحبت نفسها منه
"لو عايز تتغدا هنزل اقولهم يحضروا الغدا"
"لا... انا جاى علشان عايزك انتى"
"انت مردتش عليا فى موضوع الطلاق"
"مش انتى عايزة تتطلقى علشان انا طول اليوم بره ومش بتواجد
فى البيت... انا خلاص هبقى موجود معاكى كل يوم بين العيادة
والمستشفى ولو خلصت العيادة بدرى ممكن نبقى نخرج نسهر
بره يوم ولا اتنين فى الاسبوع"
"ياعاصم خلاص انا طلبت منك الطلاق بعد تفكير واخدت قرارى
ومش راجعة فيه"
"يعنى ايه؟"
"يعنى متحاولش تغير من اى حاجة فى نظام حياتك انما ممكن
تبدأ تنظم حياتك الجديدة"
"ااااه يعنى مفيش فايدة"
"لأ مفيش"
قالت كده وكانت غيرت هدومها بسرعة
"انا نازلة اتغدى"
وبكل رقة واستعطاف
"خلاص يالبنى ... اللى تشوفيه بس ادينى وقت انظم حياتى واشوف
مكان تانى استقر فيه بعد الطلاق"
"مفيش مانع"
http://mamietitine.m.a.pic.centerblog.net/0_45c8d_18e5ce5a_L.gif
خرجت من الاوضة وهى رافعة راسها بقوة وانتصار
بعد ما سمع صوتها بعدت
"اه يا بنت ال... يا واطية... فاكرانى بريالة ده انتى هتشوفى الوش
التانى بدل الوش الطيب منفعش معاكى"
عاصم فى نفس الكافيه مع مرزوق
"بص ياباشا... الكيس البلاستيك ده جواه الطبنجة وهتلاقى ظرف ابيض
فى اسطوانات كتير بعتهالك الراجل اللى جه معانا يفك الكاميرا"
"حد شاف السيديهات دى"
"احنا ياباشا مبنفهمش فى الحاجات دى...احنا عملنا زى ماقلتلنا
اخدنا بتاع الكاميرا ركبها وبعد اسبوع روحنا معاه يفكها وعمل
الاسطوانات دى وبعتها معانا"
"ماشى يامرزوق"
"نكمل مراقبة ولا خلاص ياباشا"
"لا كفاية الاسبوعين اللى فاتوا دول... تمام كده"
وكتب شيك ل مرزوق... واداهوله
"من يد ما نعدمها ياباشا...لو احتاجتنى ف اى مصلحة انا ف الخدمة"
http://mamietitine.m.a.pic.centerblog.net/0_45c8d_18e5ce5a_L.gif
"من يوم ما جه شهاب وكلم ماما وانا حسيت قد ايه هو بيحبنى...
ياريتنى ما كنت حبيت عاصم... انا قررت اقول لشهاب الحقيقة علشان
عايزة ابدأ معاه على نضيف وحياة نضيفة من غير حرام...
كل مااقول هقوله النهاردة مقدرش اقول... بخاف... بخاف يسيبنى
وهو طوق النجاة بالنسبة لى... كل مااحس الحب ف كلامه بتضايق
من نفسى واحس انى خاينة لحبه واخلاصه... كل يوم اقرر واتراجع...
مفيش قدامى غير انى اسمع كلام عاصم واعمل العملية...
انا مش هكذب عليه تانى ابدا ولا هعمل اى حاجة غلط تانى ابدا..
بس انا مش قادرة اقوله حاجة زى دى... واخر حاجة هطلبها من عاصم
هى العملية زى ماقال"
قفلت سمر اجندتها وحطتها فى الدرج واتصلت بعاصم
"الو... انا كويسة... اه مبسوطة مع شهاب الحمدلله... لسه قراية الفاتحة
محددنهاش ...اللى معطلنا ان شهاب هيحدد معاد مع اهله علشان
ييجوا من البلد... المهم...انا عايزة اعمل العملية... امتى؟؟
يعنى مينفعش من دلوقتى لازم قبل الجواز على طول...
طيب ماشى.. هبقى اعملها طبعا"
وقفلت سمر اول ماخلصت كلامها مع عاصم
http://mamietitine.m.a.pic.centerblog.net/0_45c8d_18e5ce5a_L.gif
قبل الحادثة بيومين
سمر وشهاب قاعدين مع بعض فى كازينو ع النيل بيتغدوا
"سمر انا عايز اقولك على حاجة بفكر فيها"
"قول يا شهاب"
"انا عايز نبدأ حياتنا فى حتة تانية "
"مش فاهمة يعنى ايه فى حتة تانية"
"قدامى عقد عمل وانا عن نفسى عايز نسافر وابدأ معاكى حياة جديدة"
وفكرت سمر فى كلامه... كل اللى فكرت فيه انها فعلا محتاجة
تبدأ حياتها معاه من جديد بعيد عن عاصم
طول ماهما هنا عاصم قدامها سواء كصاحب المستشفى اللى
فيها شهاب او بحكم صلة القرابة اللى بتربطها بيه
مفكرتش ليه شهاب عايز يبعد...قاطعها شهاب
"انا عارف انك ممكن تتضايقى من تفكيرى ف السفر بس اللى انتى
هتقولى عليه يا هنسافر مع بعض يا هنستنى هنا مع بعض"
"هنسافر مع بعض يا شهاب ونبدأ حياتنا من جديد مع بعض"
وبفرحة "بجد ياسمر مش هتتضايقى"
"لا ابدا بالعكس كفاية اننا هنبقى مع بعض بعيد عن اى حاجة تانية"
"يعنى اوافق على عقد العمل ده"
"اه .. وانا معاك فى اى مكان"
مسك شهاب ايدها ...شد على ايدها وشدت على ايديهم
وكل واحد بيستمد قوته من التانى...من غير ما كل واحد فيهم
يعترف بأخطاؤه القديمة للتانى
بص شهاب فى الساعة
http://mamietitine.m.a.pic.centerblog.net/0_45c8d_18e5ce5a_L.gif
"يااااااه انا عندى عملية كمان ساعة... يالا علشان ألحق اوصلك
واروح المستشفى... هقوم اروح الحمام واجى نمشى على طول"
"اوك"
قام شهاب ... مسكت سمر دماغها من الصداع اللى حاسة بيه
من اول ماقعدت وكانت بتحاول تتناساه علشان شهاب ميحسش
انها تعبانة ويزعل علشانها
فتحت شنطتها وطلعت مراية صغيرة تبص فيها قبل ماتقوم
وهى بتعينها تانى...ايدها جت فى علبة الاقراص اللى اخدتها من
مكتب عاصم ونسيتها... افتكرت انها دوا للصداع
شهاب رجع من الحمام... وهى بتحط قرص ف ايدها علشان تشربه
"ايه اللى بتاخديه ده"
"ده مسكن للصداع"
"ورينى العلبة دى كده"
اخد شهاب العلبة ...بص على الاسم ...فتح الروشتة بسرعة وقراها
"انتى جبتى ده منين؟؟؟ومين اللى قالك انه للصداع"
http://mamietitine.m.a.pic.centerblog.net/0_45c8d_18e5ce5a_L.gif
فى شقة فريد ولبنى رايحة على باب
"سلام ياحبيبى ...مش عايز حاجة"
"لا "
"مالك يافريد ... بقالك كام يوم بتكلمنى بغلاسة ولما جيت النهاردة
كانت كل حاجة بيننا كأنها تأدية واجب.. فى ايه"
"قلقان يالبنى"
"قلقان من ايه"
"احنا داخلين على سنة مع بعض ومحصلش اى حاجة من اللى اتفقنا عليها"
"ازاى انا هتطلق وبعدين نتجوز"
"انتى بقالك قد ايه طالبة الطلاق ومفيش حاجة حصلت وده
مالوش غير معنى من اتنين"
"ايه هما بقى ان شاءالله"
"ياانتى بتلعبى بيا وبتسكتينى وانتى مش عايزة تتطلقى...
يااما جوزك هو اللى بيلعب بيكى وبيسكتك وهو مش ناوى يطلق"
وردت لبنى بصراخ
"انا؟؟؟ انا تقولى بلعب بيك ومش عايزة اتطلق.... انت مش عارف
انا بكره عاصم ازاى... انا بعد اللى بعمله علشانك ده تقولى كده"
كانت بتعيط بانهيار... اتحول البرود اللى كان بيتكلم بيه فريد للهفة
http://mamietitine.m.a.pic.centerblog.net/0_45c8d_18e5ce5a_L.gif
قرب منها واخدها فى حضنه .... بعدت عنه
"ابعد عنى... انا مكنتش فاكرة انك ممكن تشك فيا"
ضمها ليه تانى
"انا اسف...انا اسف والله مقصدش اضايقك... متزعليش ياحبيبتى"
"عارف لو شكيت فى عاصم كنت قلتلك معاك حق انما تشك فيا انا"
"خلاص ياحبيبتى ...انا اسف ...انتى مش مقدرة انى عايش لوحدى
وطول ماانتى بعيد عنى وانا بفكر ياترى قالوا لبعض ايه ياترى بتقابله
ازاى لما يرجع من بره ياترى لما بيطلبها بتتهرب منه زى ما بتقولى
ولا بتقولى كده علشان متضايقش... حسى بيا يا لبنى انا
تعبت بقى ...كفاية"
وشافت دموع فى عيون فريد... دموعه مشافتهاش قبل كده
اشفقت عليه وحست ان كلامه من حبه ليها
مسحت دموعه بطرف صباعها... دخلت جوه حضنه بقوة
"النهاردة هصمم على الطلاق...لو رفض بكرة الصبح هكون
فى المحكمة برفع قضية خلع"
http://mamietitine.m.a.pic.centerblog.net/0_45c8d_18e5ce5a_L.gif
ايام عمري
03-17-2014, 03:15 PM
جريمة قتل الحلقة 12
http://mamietitine.m.a.pic.centerblog.net/189771a04m0q48co.gif
سمر مش عارفة ترد على شهاب
"المهدئ ده جبتيه منين وازاى ياسمر...ده ادمان"
"انا مخدتش منه حاجة ياشهاب"
"اومال ناقص قرصين مين اللى اخدهم"
ردت وهى مخنوقة بالعياط
"معرفش ياشهاب... انت بتكلمنى كده ليه"
وبصوت اهدا
"خايف عليكى... المهدئ ده بيفقد الانسان القدرة على رد الفعل
يعنى نوع من المخدر يبقى شايف وسامع كل حاجة وغير قادر على
اى رد فعل او مقاومة...جه ف ايدك ازاى وهو ممنوع بيعه هنا
ف مصر وبييجى متهرب"
وفكرت سمر فى كدبة تخرجها من المأزق ده
"كنت بروَق العيادة ولقيته وحاولت اقرا النشرة بتاعته فترجمت
غلط انه للصداع"
"هاتى ياسمر"
اخد منها العلبة
"عايزاها ف حاجة"
هزت راسها بالنفى... وحدف العلبة باقصى قوة فى المياه
http://mamietitine.m.a.pic.centerblog.net/189771a04m0q48co.gif
قبل الحادثة بيوم
طول اليوم ولبنى قاعدة مستنية عاصم علشان تفاتحه فى الطلاق
زى مااتفقت مع فريد
لبنى قاعدة فى اوضتها فاتحة التليفزيون وكل شوية تبص فى الساعة....
الساعة بقت 1 ولسه عاصم مجاش
البيت كله انواره مطفية
الشغالين نايمين وادم نايم وهى طافية نور الاوضة وقاعدة على نور التليفزيون...
حست ان الهدوء ده مناسب انها تفتح مع عاصم موضوع الطلاق
سمعت صوت العربية داخلة الفيلا...بصت من الشباك واتأكدت ان عاصم وصل
لبست الروب بتاعها ونزلت من اوضتها علشان تتكلم معاه قبل ما يطلع
http://mamietitine.m.a.pic.centerblog.net/189771a04m0q48co.gif
عاصم داخل من باب الفيلا ومعاه مكالمة تليفون
لبنى على السلم من فوق مش باينة فى الضلمة
عاصم داخل على المكتب بسرعة من غير ما يفتح اى نور
سمعته وهو بيتكلم بيقول
"ثوانى يا سلطان باشا لما اتأكد عملنا كام عملية الملف فى مكتب البيت وانا وصلت خلاص"
كلامه اثار فضول لبنى... نزلت حافية على السلم علشان ميحسش بيها
دخل عاصم على المكتب... فتح النور
لفت لبنى بسرعة فى بلكونة على الجنينة ووقفت ورا شبا المكتب
لبنى واقفة بره شايفة عاصم من شباك المكتب بكل وضوح
هو فى النور وهى فى الضلمة
فتح درج المكتب بالمفتاح وطلع اكتر من ملف
دور فيهم وطلع ملف منهم وكمل مكالمة
"اه لقيته... لا عملية فوزى حمدان مكنتش كلية دى كانت قلب...
كانت ست كبيرة فى الاقتصادى وماتت بنزيف ف المخ قلبها كان سليم ...
متقلقش احنا كل حاجة عندنا نضيفة... لا موصلنيش فلوس اخر
3عمليات... القلب غير الكلية ياباشا ...مظبوط كده حسابنا مظبوط...
ال 300 الف حولهم ع الحساب وابعتلى 100 كاش علشان اظبط الناس
اللى معايا... ماشى... على تليفونات..سلام"
http://mamietitine.m.a.pic.centerblog.net/189771a04m0q48co.gif
استغربت لبنى..قلقت.. بتحاول تفهم مش عارفة
خافت يشوفها عاصم شافته بيرتب الملفات
لفت وطلعت بسرعة ع السلم لحد اوضتها.. وعملت نايمة
اقل من 5 دقايق حست بعاصم داخل الاوضة
فتح النور وغير هدومه وحست بيه بينام جنبها
لبنى صاحية ومنَمِتش بعد نص اعة اتأكدت ان عاصم نام
اتقلبت اكتر من مرة علشان تشوفه هيحس بيها ولا لأ
قامت تتسحب... نزلت بسرعة على اطراف اصابعها
وصلت للمكتب... دخلت ... حاولت تفتح الدرج لقيته مقفول
شافت شنطة عاصم على المكتب...فتحتها تشوف فيها المفاتيح
لقت المفاتيح... وهى بتقفل الشنطة شافت الجيب الداخلى
منفوخ شوية... بتبص فى الجيب ...شافت الطبنجة
اتخضت وقفلت الشنطة بسرعة وفتحت الدرج
شافت ملفات كتير... سمعت صوت كحة عاصم خارج من الاوضة
قفلت الدرج من غير ماتقفله بالمفتاح وحطت المفاتيح تانى بسرعة
فى شنطة عاصم... وخرجت من المكتب ودخلت المطبخ لانه كان
اقرب حاجة للمكتب...فتحت النور وطلعت اكل من التلاجة
http://mamietitine.m.a.pic.centerblog.net/189771a04m0q48co.gif
عاصم خرج من اوضته وراح اوضة ادم
اطمن على ادم وخرج من اوضة ادم وبص من فوق على الريسبشن
بيدور على لبنى.. مش لاقيها
نزل...شاف نور المطبخ منور... ولبنى قاعدة بتاكل
"عاصم؟ انت صحيت"
"اه ...استغربت لما ملقيتكيش جنبى ..قلقت قمت اشوفك فى اوضة
ادم ولما ملقيتكيش نزلت اشوف انتى فين"
قامت لبنى تحط الاكل فى التلاجة
"قمت من شوية جعانة نزلت آكل ... انا شبعت الحمدلله "
اوهمته انها بتاكل من شوية فى المطبخ
بتحاول تتصرف بطبيعية لحد الصبح
http://mamietitine.m.a.pic.centerblog.net/189771a04m0q48co.gif
سمر من ساعة ما رجعت من مع شهاب وهى بتفكر فى
حكاية الدوا المهدئ ده
يومين بتفكر وبتربط الاحداث ببعض
"علبة الدوا شفتها فى البيت فى ايطاليا تانى يوم ما
سلمت نفسى لعاصم
انا فاكرة كويس اللى حصل بينى وبين عاصم زى ما انا فاكرة كويس
انى مقدرتش اقاومه ابدا
حاولت طول اليومين افتكر كل تفصيلة كبيرة او صغيرة
افتكرت العصير اللى شربته اول يوم فى ايطاليا
كل حاجة بتقول ان عاصم حط لى المهدئ فى العصير اول ليلة كنا
فيها فى ايطاليا... بس المرة التانية كانت امتى..وكانت ليا ولا مش ليا؟؟
مش مهم النتيجة واحدة انى مسلمتش نفسى لعاصم بارادتى..
واللى عمله عاصم ده اغتصاب... لازم اخد حقى زى ماضيع مستقبلى
انا هروح لعاصم الصبح واقوله يا يكتب كتابه عليا وبعدين يطلقنى...
يا اما هبلغ عنه وافضحه قدام كل الناس
وشهاب لازم يعرف الحقيقة... مش هبدأ معاه على غش
انا مليش ذنب ف حاجة وشهاب لو بيحبنى فعلا اكيد هيقدر
اللى حصلى ولو مقدرش مش مهم المهم اخد حقى من عاصم
ومش هسكت زى ماسكت قبل كده"
قفلت سمر اجندتها وحطتها فى مكتبها
قامت تنام... وظبطت موبايلها على 10 الصبح
http://mamietitine.m.a.pic.centerblog.net/189771a04m0q48co.gif
يوم الحادثة الصبح
صحا عاصم من النوم الساعة 9
شاف لبنى قاعدة على الكنبة وضهرها للسرير وبتشرب سيجارة
"صباح الخير
قالها وهو داخل حمام اوضة النوم... لما خرج كانت قاعدة نفس القعدة
"ايه اللى مصحيكى بدرى"
"منمتش طول الليل"
"كل دى سجاير شربتيها... ايه اللى شاغلك كده"
"انت هتطلقنى امتى"
"اااه هو ده اللى شاغلك... احنا مش اتفقنا لما الاقى مكان"
"الكلام ده كان من شهر...كل ده مش لاقى مكان..اشمعنى
لما رجعنا من ايطاليا اجرت شقة واشتريت الفيلا وبدات تجهز المستشفى
فى يومين... بقولك ايه ياعاصم متعملهمش عليا"
http://mamietitine.m.a.pic.centerblog.net/189771a04m0q48co.gif
وبكل برود وابتسامة هادية
"عايزة تتطلقى عينيا الاتنين بس بشرط"
"ايه هو"
"رجعيلى الفيلا واتنازلى عن كل حقوقك ومنهم حضانة ادم"
وقامت لبنى من مكانها... وبكل عصبية
"انت مجنون"
وفجأة ضربها عاصم بالقلم على وشها وقعت من قوة الضربة
على الكنبة اللى كانت عليها
لسه هترد عليه... مسكها من دراعها
"انتى فاكرانى اهبل ومش عارف حاجة ...عايزة تاخدى منى كل حاجة...
فلوسى وابنى ...انتى بتحلمى"
"سيب دراعى ... هتطلقنى غصب عنك وان مكنش برضاك هيبقى بالمحكمة"
وسابها وضحك ...ضحك كتير ولبنى مستغربة
"ايوه... انا عايز المحكمة... علشان كل حاجة تتعرف وتبان... شقة
عين شمس ... وفريد ... الا قوليلى صحيح احنا متجوزين بقالنا كام سنة...
اه افتكرت...6 سنين... متجوزين بقالنا 6سنين ومكنتش اعرف انك
شاطرة اوى كده فى السرير... بتعرفى تبسطى وتنبسطى بس مع
فريد بس... وانا معايا تبقى زى لوح التلج"
http://mamietitine.m.a.pic.centerblog.net/189771a04m0q48co.gif
لبنى نظرات الرعب والفزع من كلامه... بتنكمش فى مكانها ومش
عارفة ترد عليه...الكلام هرب من على لسانها
حاولت تنفى مقدرتش تنطق
"أ أ ... انت عايز ايه"
"انا كنت ساكت بعد ماعرفت خيانتك علشان مظهرى قدام الناس...
انتى بالنسبة لى مش اكتر من ديكور... مراتى وام ابنى علشان
حياتى الاجتماعية قدام الناس انما انتى ولااااااا حاجة...
انتى حتة عيلة عجبتنى قلت اقضى معاها شوية ايام حلوة بس
للاسف حملتى ف ادم وانا كنت مشتاق اكون اب...
عمرى ما استخسرت فيكى حاجة حتى الفيلا اول ماطلبتيها
قلت اهو كله علشان ابنى... انما فاكرة انك هتضحكى عليا...
لاااااا يا شاطرة ده انا اوديكى البحر وارجعك عطشانة...
افتكرتى نفسك ذكية وطلعتى اغبى واحدة شفتها ف حياتى"
لبنى بتعيط من الخوف وخصوصا لما افتكرت الطبنجة اللى شافتها
فى شنطته... مفيش كلمة واحدة قادرة تطلعها على لسانها
http://mamietitine.m.a.pic.centerblog.net/189771a04m0q48co.gif
"بصى انتى متستاهليش النعمة اللى انتى فيها...
النهاردة ترجعى الفيلا عندك اليوم كله اهو تقدرى تخلصى الاجراءات...
وان محصلش هفضحك وسيديهاتك مع فريد هرفع بيها قضية
زنا واحبسك وساعتها هتتحرمى من كل حاجة... العز اللى
انتى فيه وابنك وشوية الاحترام اللى الناس بيعاملوكى بيها
هيروحوا لما السيديهات تتسرب من القضية وتنزل على النت والموبايلات"
لبس هدومه ونزل اخد شنطته من المكتب وخرج من الفيلا
لبنى قاعدة ف مكانها... دموعها نازلة على خدها
قامت تبص من الشباك شافت عربيته خارجة من الفيلا
اتصلت بسرعة بفريد...
"فريد... انت نايم...قوم واسمعنى... عاصم عارف كل حاجة عننا ومعاه
سيديهات لينا... انا معرفش عرف منين وازاى... بيهددنى انه
هيفضحنا ويرفع عليا قضية زنا... مش عارفة اعمل ايه...
هنتفضح احنا الاتنين مش انا لوحدى"
كملت وهى بتعيط
"انا خايفة يا فريد ... انا شفت معاه مسدس وخايفة يموتنى"
http://mamietitine.m.a.pic.centerblog.net/189771a04m0q48co.gif
وصل عاصم مكتبه فى المستشفى... كان شهاب مستنيه
"صباح الخير يادكتور"
"صباح النور ياشهاب"
"كنت عايزك فى موضوع كده قبل ماتنشغل"
"بعدين ياشهاب"
"لا معلش يادكتور الموضوع مهم"
"خير"
"انا جالى عقد عمل وهسافر ان شاءالله"
"مينفعش"
"ازاى مينفعش... انا هستقيل من المستشفى واسافر"
"مش بمزاج اهلك"
"ايه يادكتور الطريقة دى... انا مش هكمل هنا"
"انت فاكر بمزاجك...هو فيه ايه النهاردة... دخول الحمام مش زى
خروجه ولو كنت طمعان فى فلوس زيادة ازودك شوية"
وحاول شهاب يضبط اعصابه
"مش موضوع فلوس...انا قرفت من الشغل الوسخ ده"
"ومكنتش تعرف انه وسخ وانت جاى معفن مفيش فى جيبك
حق جزمة تجيبها بدل اللى كانت مقطعة فى رجلك...
انت نضفت م الشغل اللى بتقول عليه وسخ"
وزعق شهاب
http://mamietitine.m.a.pic.centerblog.net/189771a04m0q48co.gif
"مفيش حد يقدر يمنعنى انى اصلح الغلط اللى انا فيه...
ولو منعتنى هقدم شكوى فيك للنائب العام واقفلك المستشفى"
وضحك عاصم...ضحك وهو بيسخر من كلام شهاب
"شكوى؟؟ هههههههه انت مش عارف احنا بنشتغل مع مين"
وقرب من شهاب ومسكه من قميصه وبصوت واطى
"احنا بنشتغل مع المافيا...يعنى يوم ماتفكر بس انك تتكلم هتكون
اختفيت من على وش الارض... انا مش هقول لحد حاجة
على الكلام اللى انت قلته ده... انا كده بكتب لك عمر جديد"
سابه وهو بيزقه وراح على مكتبه
"روح شوف شغلك يا شهاب...وشيل الافكار دى من دماغك"
http://mamietitine.m.a.pic.centerblog.net/189771a04m0q48co.gif
ايام عمري
03-18-2014, 02:54 PM
جريمة قتل الحلقة 13
http://mamietitine.m.a.pic.centerblog.net/6ng5uk57om.gif
دخلت سمر عند مريم السكرتيرة الجديدة
"صباح الخير يامريم"
وقامت مريم تسلم عليها
"اهلا ياسمر ازيك ياحبيبتى...وحشتينى والله"
"وانتى كمان عاملة ايه"
"الحمدلله"
"هو دكتور عا..."
واتفتح الباب فجأة وخرج شهاب وهو متنرفز
شهاب"سمر؟؟!! ايه اللى جابك هنا"
سمر"جاية لدكتور عاصم"
شهاب"ليه"
سمر"بعدين ياشهاب"
كانت بتتكلم وهى متجهه لمكتب عاصم...اللى كان بابه مفتوح
شافها عاصم ... وشاف شهاب وراها
"انت لسه واقف... مش قلتلك روح شوف شغلك"
التفتت سمر لشهاب اللى واقف وراها وعينيه كلها شر
بص لها شهاب
"انا تحت فى الاقتصادى لما تخلصى تعاليلى"
مشى شهاب ودخلت سمر وقفلت باب المكتب عليها
واقفة تبص له بتحدى
"فى ايه؟؟ايه اللى جابك هنا دلوقتى"
"جيت علشان اخد حقى منك"
http://mamietitine.m.a.pic.centerblog.net/6ng5uk57om.gif
"حق ايه ياام حق... انتى ليكى عندى ايه"
"ليا شرفى اللى ضيعته لما اغتصبتنى "
"نعم ياروح امك ماكان كله بمزاجك....ولا نسيتى"
"انا منسيتش...انا فهمت كل حاجة....دوا الصداع اللى كان ع البار
فى ايطاليا والعصير اللى شربته وبعدها مقدرتش اقاومك"
"انتى جاية ترمى جتتك عليا...دوا ايه وصداع ايه اللى بتقولى عليه"
"والله العظيم ياعاصم لو ماصلحت غلطتك وكتبت عليا لاروح اقول
لماما واعمل فيك بلاغ وهتبقى فضيحتك وسيرتك على كل لسان"
وضحك بسخرية
"هتفضحى نفسك"
"معنديش حاجة اخسرها خلاص"
"وشهاب"
"مش هرتبط بيه على غش..ومش خايفة انه يعرف الحقيقة"
وبدأ عاصم يخاف من تحديها من غير ما يبين
"جبتى القوة دى منين"
"علشان مبقاش عندى حاجة اخسرها بعد اللى ضاع"
"طلباتك"
"تكتب عليا وبعد كده تطلقنى علشان ميشرفنيش انى ارتبط بواحد زيك"
"لالالا ده احنا لساننا طول كمان"
http://mamietitine.m.a.pic.centerblog.net/6ng5uk57om.gif
"طولة اللسان متجيش حاجة جنب اللى عملته فيا"
خبطت مريم على الباب...وبعدين دخلت
"د.عاصم اوضة العمليات جاهزة "
عاصم"طيب انا رايح اهو"
خرجت مريم وقفلت وراها الباب...قام عاصم بسرعة
"انا عندى عملية دلوقتى... استنينى هرجعلك"
"مردتش عليا"
"لما ارجع هعملك اللى انتى عايزاه"
طلع عاصم اوضة العمليات...وكان كله جاهز
جت عليه ممرضة
"د.شهاب عنده شغل فى الاقتصادى وبيقول د.محمد
يدخل معاك العملية دلوقتى"
"ماشى ماشى سيبيه براحته... شوفيلى د. على موجود"
"اه موجود كان عنده عملية من شوية"
"روحى قوليله د.عاصم مش فاضى يعمل العملية دى وخليه ييجى هو"
"حاضر يا دكتور"
http://mamietitine.m.a.pic.centerblog.net/6ng5uk57om.gif
مشيت الممرضة...وطلع عاصم موبايله
"الو...ازيك يا مرزوق...عايزك فى مصلحة... دلوقتى...
واحدة عايزك تخلص منها بأى طريقة والنهاردة ...دلوقتى قبل
كمان شوية... هى عندى فى المستشفى دلوقتى ...لا معنديش
صورة ليها ع الموبايل... بقولك ايه انت تعالالى المستشفى حالا وقول
ع البوابة انك عايزنى وانا هديهم خبر...تطلع لى وهى هتكون عندى
فى المكتب قدامها قول انك ليك حد فى الاقتصادى وعايز تأجل دفع
الفلوس ولا اى كلام ييجى على بالك ...المهم هتشوفها عندى وبعد
انت ماتخرج هى هتمشى وانت تتصرف... عايزك تخلص عليها من
غير ما تسيب دليل...فاهم...يالا مستنيك"
http://mamietitine.m.a.pic.centerblog.net/6ng5uk57om.gif
لبنى قاعدة فى اوضتها بتعيط من الخوف
اتصلت بفريد
"فريد انت فين... انا خايفة اوى...مش عارفة اعمل ايه...
انا معملتش حاجة لسه... هو مش بس عايز الفيلا ده عايزنى
كمان اتنازل له عن حضانة ادم... كله الا ابنى ..محدش يقدر يحرمنى منه...
اتصرف يافريد... بص هو عارف كل حاجة روح له واتكلم معاه هتنازل له
عن كل حاجة الا ادم... يعنى هتروح له... هو بيبقى فى المستشفى
دلوقتى وبالليل ف العيادة...يعنى اتطمن.. طيب ابقى عرفنى عملت ايه"
قفلت لبنى معاه وقامت مسحت دموعها وغيرت هدوم النوم
ولبست بنطلون وبادى
راحت على اوضة ادم ملقيتوش
نزلت شافته بيلعب فى الجنينة مع الدادة بتاعته
وهى رايحة له ع الجنينة عدت من جنب المكتب
افتكرت امبارح والملفات الكتير والدرج اللى سابته مقفول
من غير مايتقفل بالمفتاح
الفضول اخدها انها تدخل وتشوف الملفات فيها ايه
دخلت وهى بتقول لنفسها
http://mamietitine.m.a.pic.centerblog.net/6ng5uk57om.gif
"ياترى قفل الدرج قبل ما يخرج ولا مخدش باله"
قعدت ع المكتب وفتحت الدرج اتفتح معاها ببساطة
طلعت الملفات وبدأت تبص فيها
نظرات دهشة على وشها لما بدأت تفهم شغل عاصم
بتبص فى الملفات تباعا واللى تخلصه تحطه على جنب
ملف من ضمن الملفات بعد ما حطته مع اللى اتشافوا
مسكته تانى بلهفة وفزع... وقعدت تقرا الملف تانى
ارتبكت وبلا ارادية
"لالالالا مش ممكن للدرجة دى"
وعيطت بهيستريا وهى بتشتم فى عاصم
"ياواطى ياابن الكلب"
مسكت موبايلها بسرعة وهى بتعيط
"حسين... شفت الواطى الزبالة عمل ايه... عاصم سرق كلية حمادة...
اتأكد ياحسين وودى ابنك يعمل سونار حالا...ابقى طمنى"
وقعدت تعيط بهيستريا متواصلة
"الله يخربيتك ياعاصم... ربنا ينتقم منك يا حيوان مش ممكن تكون بنى ادم ابدا"
http://mamietitine.m.a.pic.centerblog.net/6ng5uk57om.gif
سمر قاعدة فى مكتب عاصم تستناه
شوية تخبط بصوابعها على المكتب وشوية تفرك ايدها فى بعض
التوتر والقلق مسيطر عليها ولما سمعت الباب بيتفتح وعاصم داخل
اخدت نفس محاولة للسيطرة على اعصابها والتظاهر بالقوة قدامه
"مدخلتش العملية علشانك اهو"
"المهم هتعمل ايه"
"هنكتب الكتاب زى ماانتى عايزة"
"كويس...امتى"
"عايزين الاول نتفق هنقول ايه لخديجة ولا مش هنقولها"
قعدوا يتكلموا وبعد حوالى ربع ساعة دخلت مريم
"فيه واحد اسمه مرزوق عايزك يادكتور"
"خليه يدخل"
خرجت مريم ودخل مرزوق
"صباح الفل يادكتور"
واتكلم عن علاج فى الاقتصادى وعن تخفيض تكاليف وكان عينه على
سمر من غير ماتاخد بالها
حوالى 5 دقايق ومشى مرزوق
http://mamietitine.m.a.pic.centerblog.net/6ng5uk57om.gif
"خلاص ياسمر زى مااتفقنا...انا هروح دلوقتى لخديجة واتكلم معاها
وانتى اتعطلى شوية علشان عايز اتكلم معاها قبل ما تيجى"
"انا هنزل لشهاب علشان انهى موضوعى معاه"
"ماشى انا هقوم انا اسبقك بعد ماامشى ابقى روحى لشهاب"
قام عاصم...اخد شنطته وخرج من المكتب
راح ناحية مريم وبصوت واطى
"انا رايح العيادة ومش راجع المستشفى النهاردة لو احتاجتينى ف حاجة
مهمة كلمينى على تليفون العيادة لانى احتمال اقفل تليفونى"
وخرج عاصم من المكتب
بعد حوالى 5 دقايق نزلت سمر راحت لشهاب
"اتأخرتى ليه...كنت هنا ليه"
"مفيش حاجة ...شهاب انا عايزة اقولك قرارى النهائى"
شهاب قلقان وبيبص لها بقلق من غير ما يتكلم
سمر بتحاول تقول كلامها كله مرة واحدة
"شهاب انا مش هقدر اكمل معاك على الاقل حاليا محتاجة شوية
وقت بص طول الوقت ده مش هينفع نتكلم ولا نتقابل"
وثار شهاب
"انتى بتقولى ايه...حصل ايه علشان تقولى كده...عاصم السبب
فى كلامك ده صح؟؟"
وارتبكت سمر
"عاصم؟؟ لا عاصم مالوش دعوة"
http://mamietitine.m.a.pic.centerblog.net/6ng5uk57om.gif
"احنا كنا لسه بنتكلم اول امبارح عن الحياة اللى هنبدأها مع بعض
تيجى النهاردة تقوليلى مش هكمل...قالك ايه عاصم الكلب ده"
"انت بتزعق ليه...مقلش حاجة وده اخر قرار عندى"
خرجت سمر بسرعة... خرجت بسرعة قبل ماشهاب يشوف دموعها..
.
مش مهم يفتكرها مترددة ولا مالهاش كلمة
المهم متتفضحش وبعد كده لما يبقى معاها ورقة جواز رسمى هتقدر
ترفع راسها قصاد اى حد
شهاب واقف مكانه مش عارف يتصرف ولا يتحرك...لحظات وقرر انه
يلحق سمر علشان يفهم منها
سمر خرجت من بوابة المستشفى ووقفت توقف تاكسى
شهاب حاول يلحقها هو لسه جوه المستشفى وشايفها بره
ع الشارع من ضهرها
مرزوق واقف قصاد المستشفى على الجنب التانى جنب موتوسيكل
اول ما شاف سمر... ركب الموتوسيكل وساق بسرعة
سمر واقفة مستنية تاكسى...شايفة موتوسيكل بيقرب منها بسرعة
http://mamietitine.m.a.pic.centerblog.net/6ng5uk57om.gif
مرزوق بيقرب من سمر بسرعة... فتح المطواة وهدا سرعته وطعن
سمر فى بطنها وزود سرعته وهرب
شهاب شاف موتوسيكل بيقرب من سمر...بعدها سمر بتقع ع الارض
الناس اتجمعت على سمر وشهاب طلع يجرى عليها وامن
المستشفى كلهم اتجمعوا حوالين سمر وهى واقعة ع الارض ودمها حواليها
سمر على النقالة وشهاب بيجرى بيها ناحية العمليات وهو بيعيط
كل المستشفى اتقلبت ونداءات لدكاترة المستشفى للحضور للعمليات
موظفة الاستقبال بتعيط وهى بتقول لزميلتها
"كانت لسه خارجة قدامى حالا... دى داخلة العمليات وهى بتموت"
http://mamietitine.m.a.pic.centerblog.net/6ng5uk57om.gif
يسلمووو ايدك ايام على هل القصه
اظن في هاى الحلقه بلشت الامور تستوضح
بعض الشئ
مع انه فيها بعض الغموض التي عم تنكشف
اول في اول
مشكوره على تعبك ايام عمري
وبانتظار الحلقات القدمه
وتقبلي شكري ومروري
العاشق حمام من القلب
18/3/2014
ايام عمري
03-19-2014, 02:47 PM
الله يسلمك يارب حمام
قصة تحمل الكثير من المفاجئات
انتظرو باقي الحلقات الاخيرة
لك تحياتي حمام
http://3inain.com/upfiles/hYq08537.gif
ايام عمري
03-19-2014, 02:52 PM
جريمة قتل الحلقة 14
http://mamietitine.m.a.pic.centerblog.net/6h1da1-jpg.gif
تصعد السلالم والادوار المتتالي
يمشى فى احد الادوار.. يقف امام باب... يخرج من جيبه مفتاح
نرى الباب وبجانبه مكتوب
د. عاصم فواز
جراحة عامة
يد الرجل تفتح الباب بالمفتاح
يدخل ...يفتح النور... يبص فى الساعة
الساعة تدق 7 ... مساءا
يمشى فى العيادة ويفتح الانوار
يصل لاوضة الكشف... يفتح الباب
محتويات المكتب مبعثرة
كرسى من الكرسيين اللى قدام المكتب مقلوب
اباجورة المكتب واقعة ع الارض
الفازة مكسورة وعليها دم
درج المكتب مفتوح
اثار الدم تملا المكان
وجنب المكتب جثة
جثة د.عاصم فواز
http://mamietitine.m.a.pic.centerblog.net/6h1da1-jpg.gif
يصرخ رشدى موظف العيادة
يطلب النجدة بعد ما يتجمع حنفى البواب وبعض سكان العمارة
العيادة من اول الباب لحد المكتب اللى فيه عاصم كلها مباحث
ورجال البحث الجنائى
مفتش المباحث حمدى بسيونى بيعاين المكان
جه عسكرى"وكيل النيابة وصل ياباشا"
دخل محمود يوسف وكيل النيابة وسلم عليه حمدى
"اهلا محمود بيه"
"ازيك يا حمدى بيه"
"بخير الحمدلله"
"ايه الحكاية"
"د.عاصم صاحب العيادة مقتول فى اوضة الكشف...
اللى اكتشف الجثة رشدى الموظف ... سلاح الجريمة الطبنجة دى ...
المكتب زى ماسعادتك شايف مقلوب مما يدل على مقاومة اثناء القتل.
.الطب الشرعى بيقول ان الوفاة كانت فى حدود من 5ل6 ...
اخد 3طلقات... والبحث الجنائى شغال "
بص محمود على الجثة ... وصرح بنقلها للطب الشرعى
http://mamietitine.m.a.pic.centerblog.net/6h1da1-jpg.gif
لبنى قاعدة فى الفيلا...بتتصل بفريد تليفونه مقفول
"ايه الغباء ده مش يطمنى عمل ايه ولا حصل ايه؟؟اففف عليك يافريد
مش مقدر ابدا اللى انا فيه"
بتعيد الاتصال وكل مرة التليفون مقفول
الساعة بتدق 8 مساءا وجرس الباب بيرن
فتحت الشغالة... ظابط و2 عساكر
فى مكتب حمدى مفتش المباحث
"ها ... احكى يا رشدى اللى حصل بالظبط"
"ياباشا انا جيت ف معادى زى كل يوم فتحت ودخلت وكانت كل
حاجة عادية ولما وصلت لاوضة الكشف شفت المنظر البشع
ده بس ده كل اللى حصل"
"هو القتيل متعود انه يكون موجود فى العيادة فى الوقت ده"
"الدكتور ساعات بييجى فى العيادة بدرى وساعات بييجى متأخر
حسب العمليات اللى وراه"
"ملاحظتش اى حاجة غريبة وانت داخل"
"لا بقول لسعادتك كانت كل حاجة طبيعية والنور مطفى
والباب انا فاتحه بإيدى"
http://mamietitine.m.a.pic.centerblog.net/6h1da1-jpg.gif
"طيب لو افتكرت اى حاجة تانية قولهالى"
"حاضر ياباشا"
وشاور له حمدى بالانصراف... خرج رشدى
ودخل المكتب تامر المساعد بتاعه
"مرات القتيل وصلت ولسه متعرفش حاجة"
"عملت عنها تحريات"
"بتتعمل وكلها كام ساعة وتكون التحريات هنا"
"وهات لى بيان من شركة الموبايل بمكالمات عاصم"
"حاضر"
خرج تامر...بعدها دخلت لبنى وهى برتجف من الخوف
"اتفضلى يامدام لبنى"
"هو فيه ايه؟؟؟انا هنا ليه "
"انا اسف فى اللى هقوله... د.عاصم اتقتل فى عيادته"
قالها حمدى وسكت وهو بيراقب رد فعلها
لبنى سمعت الجملة دى... لحظات سكوت وبعدين عيطت
"اتقتل؟؟؟ازاى؟؟ ومين اللى قتله"
"ماهو ده اللى هنعرفه منك"
http://mamietitine.m.a.pic.centerblog.net/6h1da1-jpg.gif
"انا؟؟ انا معرفش وماليش دعوة بحاجة"
"اهدى يامدام احنا بس عايزين نعرف منك خلافاته اعدائه
يعنى كل حاجة تعرفيها"
وبدأت لبنى تسكت وتهدا وفتحت شنطتها
"ممكن ادخن"
شاور لها حمدى بايده بمعنى اتفضلى
ولعت لبنى سيجارة ومسحت دموعها وبدأت تتكلم
"انا معرفش حاجة عن شغل عاصم من ساعة مااتجوزنا واحن
ا سافرنا ايطاليا ولسه راجعين من سنة... اول ماجينا فتح عاصم
المستشفى وبعدين العيادة... مكنتش اعرف حاجة عن شغله لحد امبارح بالليل"
سكتت لبنى وهى سرحانة وبتفتكر المكالمة
اتعدل حمدى ومال لقدام على المكتب
"ها ...امبارح بالليل حصل ايه"
http://mamietitine.m.a.pic.centerblog.net/6h1da1-jpg.gif
"كان داخل بيتكلم فى التليفون وسمعته بيقول لواحد العمليات
والقلب غير الكلية واتكلموا فى فلوس"
"كان بيكلم مين"
"معرفش"
"طيب كنا الساعة كام"
"1تقريبا"
"كملى"
"قاله حولى 300الف جنيه وابعتلى 100كاش"
"يبعتهم امتى...النهاردة مثلا"
"معرفش"
"ها وبعدين"
"وبعدين خفت من الكلام وشفت عاصم طلع ملفات وقراهم
واتكلم عن العمليات وقفل...انا خفت وطلعت قبل مايشوفنى"
http://mamietitine.m.a.pic.centerblog.net/6h1da1-jpg.gif
خلصت سيجارتها... ولعت سيجارة تانية وهى متوترة
"لما طلع ونام كان الفضول قاتلنى انى افهم...اتسحبت ونزلت
اشوف ايه الملفات دى"
حمدى بيسمعها وبيركز مع كل كلمة بتقولها
"فتحت شنطته اخد المفاتيح شفت معاه مسدس... وبعدين سمعت
صوته رجعت المفاتيح تانى بعد ماكنت فتحت الدرج وقفلته من غير المفتاح...
النهاردة الصبح روحت اشوف الدرج فى ايه"
وعيطت بصوت عالى... بكاء ونحيب متواصل
ضغط حمدى على الجرس وطلب من العسكرى كوباية مياه
جاب العسكرى المياه وكانت لبنى لسه بتعيط... شربت شفطة وسابتها..
.رجع حمدى لورا وهو بيقولها
"كملى... الملفات فيها ايه"
http://mamietitine.m.a.pic.centerblog.net/6h1da1-jpg.gif
"لقيت اسماء وتواريخ عمليات... كلها بتقول ان اللى بيحصل سرقة اعضاء ...
حتى الاطفال مسلموش منه"
وصرخت لبنى وهى بتعيط
"ربنا انتقم منه...ربنا انتقم منه"
سكت حمدى شوية مستغرب انهيارها على سرقة الاعضاء اكتر من
عياطها لما عرفت ان جوزها مات
"انتى تعرفى حد من اللى عمله العمليات"
وعيطت لبنى
"ابن اخويا... دخل يعمل الزايدة سرق كليته الواطى معدوم الضمير"
"وايه اللى سكتك؟؟ مبلغتيش ليه"
"كل ده كان النهاردة...انا اتصلت باخويا وقلتله يعمل سونار لابنه ويتأكد"
"وبعدين رد فعله كان ايه"
http://mamietitine.m.a.pic.centerblog.net/6h1da1-jpg.gif
"كان مش مصدق... اخد ابنه وعمل السونار فى مستشفى الجامعة
فى المنصورة وكشف عليه اكتر من دكتور واتأكد فعلا ان الكلية
اتسرقت فى العملية"
كانت بتعيط وتسكت بصعوبة علشان تكمل كلامها
"واخوكى فين"
وانتبهت انها ممكن بكلامها ده تكون ورطت حسين
"اخويا فى المنصورة... ومالوش دعوة بحاجة"
وبنظرة ريبة
"ماشى انا بسأل يعنى عمل ايه بعد كده"
"معرفش... رجع البيت وزعلانين طبعا هو ومراته"
"تفتكرى لو انتى مكانه كنتى عملتى ايه"
"معرفش"
"يعنى كان هيبلغ ولا لا"
"اكيد... بس ملحقناش"
"وهو برضه كان هيبلغ عن جوز اخته"
"اكيد... مفيش اغلى من الضنا"
http://mamietitine.m.a.pic.centerblog.net/6h1da1-jpg.gif
"طيب يامدام تقدرى تتفضلى بس لو افتكرتى اى حاجة ياريت
نعرفها على طول... بالمناسبة هو القتيل مالوش قرايب"
"له واحدة قريبته هنا فى القاهرة تبقى بنت عمته وبنتها كانت
السكرتيرة بتاعته فى المستشفى والعيادة"
"تمام ...ممكن عنوانها"
ادالها ورقة وقلم تكتب العنوان
"انا معرفش هما ساكنين فين...وهى سابت الشغل مع عاصم"
"ليه؟؟"
"اتخطبت"
"اوك... اتفضلى واحنا هنعرف نوصلها"
http://mamietitine.m.a.pic.centerblog.net/6h1da1-jpg.gif
دخل تامر المكتب
"المعمل الجنائى رفع البصمات... العيادة عامة واوضة الكشف
خاصة كلها بصمات كتير"
"طبيعى ياتامر دى عيادة وبيدخلها كتير... بس اهم حاجة الطبنجة
عليها بصمات مين غير عاصم هى دى اللى هتحدد"
"الطبنجة مش عليها بصمات خالص"
"امممم يعنى القاتل مسح البصمات من عليها "
"بس الغريب هو ساب اداة الجريمة ليه"
"الطبنجة بتاعة عاصم وده اللى شهدت بيه مراته"
"اااااااه معنى كده ان القاتل لو كان لابس جوانتى كانت فضلت
بصمات عاصم على الطبنجة"
"بالظبط... وسع تحرياتك شوية وعايز اعرف تفاصيل عن شغل القتيل"
"تمام ياباشا"
http://mamietitine.m.a.pic.centerblog.net/6h1da1-jpg.gif
"يالا بينا ع المستشفى بتاعته... واستعجلى تحرياتك شوية
وابعت استدعيلى اخو لبنى هنا"
فى العناية المركزة... سمر نايمة ومحطوط لها خراطيم متصلة باجهزة
شهاب بيبص عليها ورجع على مكتبه...اللى كانت قاعدة فيه خديجة
"ايه يابنى طمنى"
"خير ان شاءالله"
"هو عاصم فين مجاش ليه يشوف سمر ولا يطمن عليها... هو محدش قاله"
"مش عارف والله"
"انت مكلمتوش"
"لأ"
وعيطت
"ياحبيبتى يابنتى... نفسى اعرف مين اللى عمل فيها كده"
http://mamietitine.m.a.pic.centerblog.net/6h1da1-jpg.gif
"اهدى بس... قومى انتى روحى ومتقلقيش عليها انا مش هسيبها"
"اروح واسيب بنتى؟؟معقول"
"انا مش هسيبها وهى فى العناية المركزة يعنى مش هتقدرى تعمليلها حاجة"
"برضه اكون جنبها"
"طيب براحتك... هخليهم يشوفوا لحضرتك اوضة تباتى فيها"
خبط جامد على مكتب شهاب
دخلت وهى بتعيط... شهاب وخديجة اتنفضوا يكون
حصل حاجة لسمر
"ألحق يادكتور شهاب... د.عاصم اتقتل فى عيادته وفيه ناس من
المباحث هنا وبيسألوا على عنوان سمر"
خديجة وشهاب بيبصوا لبعض فى اللحظة اللى دخل فيها
حمدى وتامر مكتب شهاب
وبعد ماعرفوا نفسهم لشهاب
شهاب"هو صحيح د.عاصم اتقتل"
حمدى"اومال احنا جايين نهزر"
http://mamietitine.m.a.pic.centerblog.net/6h1da1-jpg.gif
شهاب"مقصدش انا فاكر حضرتك تبع المحضر بتاع الضهر"
خديجة بتعيط"ياعينى عليك ياعاصم... الله يرحمك يااخويا"
بص لها حمدى...فقدمها شهاب
"الحاجة تبقى قريبة د.عاصم "
حمدى"اااه والدة سمر ... ايه حكاية سمر بقى"
خديجة"حكاية ايه انا بنتى مرمية بين الحياة والموت وبتقولى حكاية"
حمدى"يعنى مينفعش استجوابها"
شهاب"لا يا فندم مينفعش حالتها الصحية لاتسمح...اؤمرنى حضرتك"
حمدى"انت مساعد القتيل...هيبقى لنا كلام كتير مع بعض...
الناس هنا فى المستشفى بيتكلموا بسرعة الصاروخ
وبيقولوا من غير ما يتسألوا"
وبلع شهاب ريقه بصعوبة وهو بيبص لحمدى وخديجة
حمدى"ممكن نروح مكتب د.عاصم ونتكلم شوية"
http://mamietitine.m.a.pic.centerblog.net/6h1da1-jpg.gif
فى مكتب عاصم
حمدى قعد وتامر جنبه على كنبة كبيرة فى المكتب...
وشهاب جنبهم على كنبة صغيرة
"انت بتشتغل ايه هنا يادكتور بالظبط"
"انا دكتور تخدير ومساعد دكتور عاصم ومدير القسم الاقتصادى"
"ماشاءالله شكلك صغير...بس اكيد شاطر علشان كده وصلت لكل ده"
ارتبك شهاب ودارى ارتباكه بابتسامة مالهاش اى معنى غير
انه يعمل نفسه اخد الكلام كإطراء
"كنت بتحضر كل عمليات د.عاصم"
"غ غ غالبا"
"طيب تمام يعنى عندك علم بشغل تجارة الاعضاء"
وقام شهاب وقف وانفعل
"اعضاء ايه.... لالا معرفش حاجة... انا اصلا كنت هسيب الشغل
هنا فى المستشفى لان جالى عقد عمل وكنت مسافر"
"وكنت هتسيبه امتى؟؟"
"يعنى لما اخلص اجراءات السفر واتمم جوازى من سمر"
بص حمدى فى ساعته
"طيب يادكتور... هنتأكد من كل حاجة... بس سؤال قبل مانمشى"
http://mamietitine.m.a.pic.centerblog.net/6h1da1-jpg.gif
"انت كنت فين النهاردة من 5ل7"
"ده اتهام حضرتك؟؟"
"يا سيدى بندردش مع بعض"
"انا كنت هنا فى المستشفى"
وقام حمدى ومعاه تامر معاه...وخبط على كتف شهاب
"هنكمل بكرة ياريت تكون موجود"
"موجوج يافندم ..انا بايت الليلة هنا"
نزلوا تامر وحمدى وهما بيركبوا عربية حمدى
"الدكتور ده كلامه مرتبك وشكله بيكدب ياحمدى بيه"
"واضح طبعا"
"تفتكر هو القاتل"
"لسه بدرى على ما نتأكد... انا هروح البيت واجى بكرة بدرى...
لسه قدامنا استجواب السكرتيرة اللى جت مكان سمر وحنفى
بواب العمارة بتاعة العيادة واما نشوف عاصم كان بيكلم مين فى
حكاية الاعضاء دى... والتحريات بتاعتنا هتوضح لنا اكيد حاجات
منعرفهاش ...لسسسسه مشوارنا فى القضية دى طويل"
http://mamietitine.m.a.pic.centerblog.net/6h1da1-jpg.gif
ايام عمري
03-19-2014, 03:11 PM
هههههههههههههه
شهد جيبي المطافي بسرعة
ايام عمري
03-20-2014, 03:22 PM
جريمة قتل الحلقة 15
http://mamietitine.m.a.pic.centerblog.net/0_58812_c3884b11_L-jpg.gif
حمدى وصل مكتبه الصبح على الساعة 10
تامر كان موجود فى المكتب
"صباح الخير ياباشا"
"صباح الخير ياتامر...عملت ايه فى القضية"
"بص سعادتك الظرف ده كان فى المكتبة بتاعة الدكتور"
مسك حمدى الظرف
"ايه ده؟؟؟سيديهات؟؟"
"ايوه"
"فيها ايه السيديهات دى"
"مرات القتيل ليها عشيق ودى سيديهات ليها مع عشيقها"
سرح حمدى وهرش فى راسه
"سيديهات لمراته ومخبيها عنده!!! ده يتفسر بايه؟؟ حد كان بيبتزه
مثلا ودفع فلوس واخد السيديهات ولا حد بعتهاله ...اييييييه ياتامر ماتقول حاجة"
"مش عارف ياباشا... بس فيه حاجة تانية"
"ايه هى؟؟"
"المعمل الجنائى بعت تقرير...اللى لفت نظرى ان فيه فصيلة
دم مختلفة عن دم د.عاصم موجودة فى مسرح الجريمة"
"خلاص وضحت من قبل مااشوف... الثلاثى الشهير فى جرايم
القتل زوج مقتول وفيه زوجة وعشيق ...خلصت القضية على
كده وبما ان لبنى عارفة ان معاه طبنجة كان من السهل تبعت
عشيقها يخلص عليه... ضبط واحضار حالا للبنى "
http://mamietitine.m.a.pic.centerblog.net/0_58812_c3884b11_L-jpg.gif
"حنفى البواب بره... ادخله"
شوح حمدى بايده
"هاته...ههه وقال انا اللى كنت فاكرها هتبقى قضية صعبة"
دخل حنفى البواب بيقدم رِجل ويأخر رِجل
"تعالى ياعم حنفى...تعالى"
ورفع حنفى ايده بالتحية
"تحت امرك ياسعادة الباشا"
"احكيلى عن امبارح"
"احكى ايه سعادتك...انا سمعت رشدى بيصرخ ويقول الحقونى
طلعت اجرى زى بقية السكان"
"لا انا عايز اليوم من اوله"
"انا صحيت الصبح وعملت كوباية شاى و ..."
"لا مش من اوله اوى كده"
وارتبك حنفى
"اقعد...اقعد ياحنفى"
وقعد حنفى على طرف الكرسى
"ها...قولى بقى مشفتش حاجة غريبة محدش جه للدكتور كده يعنى"
"مش عارف ياباشا"
وشخط فيه حمدى
"مش عارف ازاى... مش انت البواب"
http://mamietitine.m.a.pic.centerblog.net/0_58812_c3884b11_L-jpg.gif
"ا...ا..اصل انا بقيل شوية على المصطبة قدام العمارة فساعات
يعنى بنعس ومش باخد بالى مين طلع ومين نزل"
"يعنى زى قلتك... طيب محدش معاك"
"مراتى والعيال بس مراتى كانت عند الست سميرة بتغسلها السجاد"
"خلاص ياعم حنفى خلاص... لو افتكرت حاجة ابقى بلغنى"
خرج حنفى... واتصل حمدى بالتليفون
"الو... مصلحة الطب الشرعى... ادينى دكتور سالم... ازيك يادكتور...
اخبار الجثة اللى عندك ايه... اممم يعنى فيه خناقة قبل القتل...
كدمات وسحجات ...والتقرير النهائى امتى؟؟ ماشى يادكتور.. مع السلامة"
لبنى قاعدة قصاد حمدى فى القسم... من غير ماكياج وتحت
عينيها اسود ...وبتعيط
"حضرتك مش عايز تصدقنى ليه انا بقالى 5ساعات قاعدة اتسأل
نفس الاسئلة..انا قلت على كل حاجة...معرفش فريد فين وايوه
كنت على علاقة بيه بس انا هقتل عاصم ازاى وانا مخرجتش
من البيت واسألوا الشغالين"
"مش لازم تقتلى بايدك... المهم انك شريكة ف الجريمة...
برضه مش هتقولى فريد فين"
"معرفش"
http://mamietitine.m.a.pic.centerblog.net/0_58812_c3884b11_L-jpg.gif
وخبط باب المكتب... دخل تامر
حمدى"جبته"
تامر"اه ...بره"
حمدى"والتانى"
تامر"معموله كمين عند بيته وشغله اول ما يظهر هيتقبض عليه"
حمدى"ابعت العسكرى ياخد لبنى ع الحبس والتانى ده اركنه شوية
لحد مانرجع من المستشفى"
لبنى مش عارفة هما بيتكلموا عن مين اللى اتقبض عليه ومين التانى..
.ولما سمعت بيقول خدها على الحبس عيطت زيادة
لحد ما العسكرى خدها ع الحبس
فى المستشفى...راح حمدى وتامر وسألوا على شهاب
استنوه فى مكتبه لحد ماجه
حمدى"ازيك يادكتور"
شهاب"الحمدلله"
حمدى"واخبار سمر ايه؟؟عايز اسألها شوية اسئلة"
شهاب "سمر لسه فى مرحلة الخطر وف غيبوبة متقطعة ومينفعش
استجوابها...وبعدين تسألوها ليه هى من قبل الحادثة وهى فى
المستشفى مفتكرش انها تفيدكم بحاجة"
حمدى"لا معلش هتفيدنا كتير وانا اللى احدد ده لانه شغلى"
ارتبك شهاب واعتذر
حمدى"ولا يهمك...المهم احكيلى بقى عن شغل تجارة الاعضاء مين معاكم فيه"
http://mamietitine.m.a.pic.centerblog.net/0_58812_c3884b11_L-jpg.gif
شهاب بانفعال "اعضاء ايه؟؟انا شغلى كله هنا فى المستشفى وعلى نور"
حمدى مبتسم"اهدا يا دكتور...مالك"
شهاب"انا مضغوط من الشغل والقلق على خطيبتى وجاى
حضرتك تقولى اعضاء...انا مالى بالكلام ده"
حمدى"تمام يعنى متعرفش حاجة عن الكلام ده"
شهاب"لا"
حمدى"ومتعرفش الدكتور قابل مين امبارح او لو له خلافات مع حد"
شهاب"لا معرفش انا متحركتش من هنا من امبارح"
مشى حمدى وتامر وراحوا مكتب مريم
كانت لابسة اسود وقاعدة تشتغل على كمبيوتر قدامها
دخل حمدى وتامر وعرفوها بنفسهم وقعدوا
طلب منها حمدى تحكى اللى تعرفه
"امبارح د.عاصم مقعدش زى كل يوم وكان شكله متضايق"
"من ايه"
"هو ود.شهاب اتخانقوا قبل ماسمر تيجى"
"اتخانقوا ليه"
http://mamietitine.m.a.pic.centerblog.net/0_58812_c3884b11_L-jpg.gif
"معرفش انا سمعت صوتهم من غير ماافسر الكلام وبعدين لما
د.شهاب خرج كانت سمر هنا وقالها تنزله بعد ماتخلص مع د.عاصم .
..وبعدين د.عاصم لغى عملية كانت وراه ورجع تانى لسمر
بعدها خرج وقالى انه ف العيادة لو احتاجته"
"وبعدين"
"مفيش حصل اللى حصل لسمر وبالليل سمعت موضوع د.عاصم"
رن موبايل تامر... خرج يرد ورجع
"حمدى بيه... كله تمام وال3 كده بقوا معانا"
فهم حمدى ... وقام من عند مريم وهو بيأكد عليها
"فيه حاجة تانية عايزة تقوليها"
ردت مريم"لا مفيش"
حمدى وتامر وهما داخلين المكتب
"بس كده ياباشا احنا معرفناش تفاصيل عن تجارة الاعضاء"
"متهمناش ف حاجة احنا معندناش ولا بلاغ يخلينا نفتح فيه تحقيق"
http://mamietitine.m.a.pic.centerblog.net/0_58812_c3884b11_L-jpg.gif
"والملفات اللى جابتها لبنى"
"تورط عاصم لوحده وعاصم مات خلاص"
"بس شهاب يعرف حاجة"
"ماانا قلتلك احنا ف جريمة القتل ومعندناش بلاغ بسرقة الاعضاء...
المهم انت بتقول الكمين قبض على فريد"
"اه قبضوا عليه عند بيته وحسين فى الحجز من قبل مانروح المستشفى"
خبط عسكرى ع الباب ودخل
"واحد بره ياباشا وعايز يقابلك اسمه حنفى"
"دَخَله"
حمدى"ع الله يفيدنا بحاجة"
تامر"ان شاءالله"
دخل حنفى بنفس الارتباك ورفع ايده بالتحية
حمدى"ايه ياحنفى افتكرت حاجة"
حنفى قرب من مكتب حمدى وحط موبايل ع المكتب
"التلفون ده لقيته النهاردة مع مجدى ابنى ولما سألته قال انه لقاه
ع السلم امبارح وخباه علشان يبيعه...بس انا ياباشا ضربته قلمين
وقلت يمكن ينفع سعادتك"
مسك تامر التليفون ...كان مقفول
فك تامر الموبايل
"الخط جوه ياباشا وسهل نعرف تليفون مين"
حمدى"قوم حالا جيبلى صاحب التليفون ده"
ووجه حمدى كلامه لحنفى
http://mamietitine.m.a.pic.centerblog.net/0_58812_c3884b11_L-jpg.gif
"حد من العمارة سألك عن تليفون ضايع"
حنفى"محدش"
تامر"لو من سكان العمارة هنعرف اول مانعرف صاحب الخط"
حمدى "يالا ياتامر مستنى ايه... شكرا ياحنفى... فيه حاجة تانى"
حنفى"لا ياباشا انا اول مالقيته جبته على طول"
شاور حمدى لحنفى بالانصراف...خرج حنفى
وخرج تامر وراه وهو خارج
"ابعت العسكرى يجيب حسين اما نشوف"
حسين وهو داخل...ولاول مرة حمدى بيشوفه
لفت نظره شاش ملفوف بيه راسه
"تعالى ياحسين"
"انا هنا ليه ياباشا... يتقبض عليا عليه"
وخبط حمدى ع المكتي وزعق
"علشان قتلت جوز اختك"
وارتبك حسين
"قتل...قتل ايه؟؟ انا مالى بالكلام ده انا اتقبض عليا ف بيتى"
"كنت فين امبارح من 5ل7 بالليل"
"كنت قاعد على قهوة"
"كان مين معاك"
"كنت لوحدى"
"راسك مالها"
"اتزحلقت ف الشارع فاتخبطت فى الرصيف واخدت غرزتين"
"وايه بقى موضوع ابنك"
ودمع حسين وهو بيتكلم
"اهو ربنا انتقم منه واخده...اخد كِلية ابنى ...سرقها ربنا انتقم لنا"
"وانت منتقمتش ليه"
"كنت هبلغ عنه وملحقتش"
http://mamietitine.m.a.pic.centerblog.net/0_58812_c3884b11_L-jpg.gif
"الا قولى صحيح انت فصيلة دمك ايه؟؟ اصل بدور على
فصيلة نادرة للتبرع لمريض
"انا AB – "
نظرات حمدى كلها شك ف حسين
ضرب الجرس للعسكرى..ولما دخل شوح بايده بعدم اهتمام
"خُده...وهات لى فريد"
وفتح درج المكتب وشاف التقرير المبدئى ان فيه فصيلتين دم فى
مسرح الجريمة O+ ودى فصيلة دم عاصم...وفصيلة AB-مجهولة"
دخل فريد وهو مرتبك
نظرات اشمئزاز من حمدى لفريد
"بتبص لى كده ليه... انا مليش دعوة بحاجة"
"مستغرب مهندس زيك يضيع مستقبله علشان ست"
"انا معملتش حاجة علشان تقولى كده"
"كنت هربان ليه لما انت معملتش حاجة"
"مكنتش هربان ولا حاجة... انا كنت مسافر راس سدر"
"سافرت امتى ورجعت امتى"
http://mamietitine.m.a.pic.centerblog.net/0_58812_c3884b11_L-jpg.gif
"سافرت امبارح الضهر ورجعت ساعة مااتقبض عليا"
"كنت بتعمل ايه هناك"
"كنت بشوف شاليه هناك هعمله ديكورات... وعلى فكرة انا
عندى شهود صاحب الشاليه اللى قابلته هناك"
"قابلته امتى"
"معادى معاه كان بالليل"
"يعنى برضه وقت الجريمة مأثبتش كنت فين"
"يمكن كنت على الطريق يمكن كنت بتغدا هناك...مش فاكر بالظبط"
وضرب حمدى الجرس للعسكرى وشاورله ياخد فريد
بعد ماخرج فريد.. حمدى قاعد يتكلم مع نفسه
حسين عنده دافع...فريد عنده دافع
حسين معندوش حجة غياب.... ولا فريد كمان
http://mamietitine.m.a.pic.centerblog.net/0_58812_c3884b11_L-jpg.gif
فى نفس اللحظة دى دخل تامر ملهوف وبيضحك
"بتضحك على ايه ياتامر...هات ما عندك"
"التليفون ياباشا... بتاع فريد"
"ههههههههه حلو اوى كده فريد كان موجود ف مسرح الجريمة
سواء اعترف بكده او لأ عندنا الدليل... حسين عنده جرح ف راسه
وهنتأكد لما نبعت عينة دم للطب الشرعى ومضاهاتها بالفصيلة
الموجودة ف مسرح الجريمة غير دم عاصم... لبنى اكيد شريكة
لو مكنتش بوجودها على الاقل هيكون بعلمها"
"يعنى نقفل القضية على كده"
"هى فعلا اتقفلت على كده...واضح ان فريد وحسين اتفقوا
على الخلاص من عاصم"
"بس حسين هيتفق مع فريد ازاى ... وده عشيق اخته"
"متنساش كرهه لعاصم بعد سرقة الكلية وكمان مهما كانت دى
اخته وخاف من الفضيحة... المهم ان القضية خلصت...
هات بقى ال3 علشان نعمل المواجهه ويحكوا لنا تفاصيل الجريمة"
http://mamietitine.m.a.pic.centerblog.net/0_58812_c3884b11_L-jpg.gif
انتظرواااااااا الحلقة الاخيرة
هههههههههههه قربت
اللهم صبرنا لبكرة هههههههههه
ايام عمري
03-20-2014, 03:34 PM
خمني يا شهد مين اكتر واحد
حسيته انه هو القاتل
ايام عمري
03-21-2014, 03:05 PM
يلا نتابع كلنا الحلقة الاخيرة
ونشوف مين الي قاتل عاصم
وياريت اعرف رأيكم بنهاية القصة
مع تحياتي
ايام عمري
03-21-2014, 03:10 PM
جريمة قتل الحلقة 16 والاخيرة
http://mamietitine.m.a.pic.centerblog.net/72d2d376.gif
راح العسكرى يجيب ال3
تامر"زى ماامرت سعادتك كل واحد فيهم مشفش التانى"
حمدى"تمام كده"
جه العسكرى ومعاه لبنى ...وبعدين حسين...وبعدين فريد
حسين"فريد؟؟"
حمدى"نحكى بقى الحكاية من اولها... لبنى عايزة تخلص من
جوزها علشان يخلالها الجو مع فريد...اتفقت معاه يقتل عاصم.
.واكتشفت موضوع الكلية فقالت لحسين فاتفق الثلاثى على قتل عاصم"
حسين"قتل ايه انا معرفش حاجة وفريد ايه علاقته بالقضية انا مش فاهم حاجة"
حمدى بيزعق"انت هتستعبطلى هنا...التهمة لابساكم لابساكم منك له لها"
لبنى بتعيط بس من غير اى كلام
فريد"انا مليش دعوة ومقتلتش حد"
http://mamietitine.m.a.pic.centerblog.net/72d2d376.gif
حسين"ولا انا قتلت حد انا مخرجتش من المنصورة"
حمدى"مفيش داعى للانكار انتوا خلاص التهمة ثابتة عليكم...
فريد تليفونك فى مسرح الجريمة وحسين الجرح اللى ف راسك
كشفك لان الدم اللى سال لقيناه فى مسرح الجريمة...
هاااا هتحكوا هنا ولا هتفضلوا تنكروا"
فريد وهو باين عليه الاحباط
"انا هقول كل حاجة"
عيطت لبنى بصوت مسموع...حسين بيبص لفريد بيحاول يفهم
كمل فريد
"لما لبنى قالت لى على السيديهات وكانت منهارة علشان ابنها"
قاطعه حسين
http://mamietitine.m.a.pic.centerblog.net/72d2d376.gif
"سيديهات ايه؟؟؟وايه علاقتك بلبنى"
حمدى بيبتسم وبيبص لفريد وحسين ولبنى...وساكت
فريد"انا... انا ولبنى بنحب بعض من زمان ياحسين"
وثار حسين"وكنتوا بتستغفلونى زمان"
حمدى بنفس الابتسامة"الله الله يعنى حسين زمان وعاصم
المرة دى دى الخيانة ف دمكم بقى"
حسين"عاصم كمان؟؟"
حمدى"عاصم لقينا عنده سيديهات للبنى وفريد كانت كافية
انها تثبت عليها الخيانة والزنا لو كان قاضاها"
حسين هجم على فريد ومسكه من رقبته وبيضربه
"وانا اللى كنت فاكرك صاحبى"
خلص بينهم العسكرى وزعق لهم حمدى ...وكمل فريد
"انا فضلت متردد اروح له ولا لا... واروح اقوله ايه...
يومها اخدت قرار انى مش هروح ده حوالى 10 مرات وارجع اغيره
لما اخاف من الفضيحة...ومكالمات لبنى اللى كل شوية تسألنى
روحت ولا لأ... قفلت التليفون لحد مااعرف اقرر...الساعة 6
روحت له العيادة ولما وصلت للدور اللى فيه العيادة شفت
الباب بيتفتح وحسين طالع راسه مفتوحة وبيشتم فى عاصم...
حسين مكنش متوقع انى اشوفه... لما شفته ارتبكت
ومعرفتش ممكن اقوله ايه...نزلت اجرى بسرعة قبل مايشوفنى"
http://mamietitine.m.a.pic.centerblog.net/72d2d376.gif
حسين"انت هتلبسنى مصيبة يا زفت انت... انا سيبته عايش ياباشا"
حمدى"انت رجعت تانى يافريد"
فريد"لا والله ياباشا انا افتكرت المعاد بتاع راس سدر فروحت
اخدت عربية مخصوص وسافرت على طول"
حمدى بيبص لحسين
"احكى ياحسين ايه اللى حصل"
حسين"انا لما اتاكدت ان ابنى فعلا اتسرقت كليته كنت زى المجنون
وخصوصا لما عرفت ان لبنى معاها ورق يثبت ده روحت لعاصم
بس لبنى مكنتش تعرف روحت واتخانقت معاه...هددنى بالمسدس
اللى معاه واللى مكنتش اعرف عنه حاجة ..هجمت عليه اخد
منه المسدس ضربنى على دماغى بيه بعدها"
http://mamietitine.m.a.pic.centerblog.net/72d2d376.gif
حمدى"بعدها اخدت المسدس منه وضربته"
حسين"ابدا...محصلش انا حدفت المسدس بعيد وضربته ورا
بايدى لحد ما وقع ع الارض ومشيت وسيبته "
حمدى"وعايزين اصدقكم بقى ان انتوا الاتنين روحتوا له ومحدش منكم قتله"
حسين وفريد فى نفس الوقت
"مقتلنهوش...انا مقتلتش حد... انا مقابلتوش.. انا سيبته عايش"
حمدى"هس مسمعش صوت... وانتى احكى اللى حصل"
لبنى وهى بتعيط
"معنديش حاجة اقولها انا معرفش حاجة من ده كله ومخرجتش من بيتى يومها"
وضرب حمدى الجرس للعسكرى...واخدهم للحبس
تامر كان حاضر التحقيق
"ايه ياباشا مصدقهم"
http://mamietitine.m.a.pic.centerblog.net/72d2d376.gif
"اصدق ولا مصدقش انا ليا اللى قدامى...
هما بعد مااتفقوا وقتلوه حفظوا الكلمتين اللى هيقولهم..
مكنوش يعرفوا طبعا اننا هنثبت بالدليل وجودهم فى مسرح الجريمة"
"تفتكر ياباشا فى حد مجهول ممكن يكون هو اللى قتل ..
.اصل نظرة حسين لفريد لما شافه كانت واضحة جدا
المفاجأة وانهم مشفوش بعض من زمان"
"جرى ايه ياتامر انا لسه هدور على مجهول ...جريمة وعندى
بدل القاتل تلاتة كلهم متورطين طبعا وعندى الدليل يبقى
ادور ع المجهول ازاى...هنقفل المحضر على كده
ولو عندهم دليل براءة يبقوا يقدموه"
http://mamietitine.m.a.pic.centerblog.net/72d2d376.gif
بعد اسبوع...فى المستشفى
شهاب بيعدل المخدة لسمر
"حمدالله ع السلامة ياسمر"
سمر بترد وهى بتمسك بطنها وبتتعدل ببطء وبكلام بالعافية
"الله يسلمك ياشهاب"
خديجة"شهاب الله يكرمه مسابكيش خالص"
بصت له سمر وشافت الحب فى عينيه وافتكرت اخر
كلام بينهم لما سابته... سألته وهى مازالت بتتألم
"مسبتنيش بعد ماقلت لك ان مش هينفع نكمل مع بعض"
"ومين قال انى اقدر اسيبك احنا لازم نتكلم واللى
مضايقك منى انا مش هعمله تانى"
شهاب بيتكلم وعارف ان سبب انها تسيبه هو ان
عاصم قالها علي شغله اللى مش مظبوط
http://mamietitine.m.a.pic.centerblog.net/72d2d376.gif
سمر عايزة تسأل خديجة عن مقابلة عاصم ليها
فضلت ساكتة لحد ما شهاب مشى لان كان عنده عملية
"ماما... هو عاصم فين"
عيطت خديجة.... استغربت سمر
"ماما...بتعيطى ليه... هو انتوا متفقتوش ولا ايه"
"اتفقنا على ايه"
"هو مش جالك يوم الحادثة"
"لا مجاش"
"ولا كلمك فى حاجة"
"لا... عاصم مات"
وصرخت صرخة مكتومة من الالم
"مات ...مات ازاى"
كانت بتعيط على نفسها مش على عاصم وانه مات
قبل كا يصلح غلطته ويكتب عليها رسمى...العياط كان بيزود ألم الجرح
http://mamietitine.m.a.pic.centerblog.net/72d2d376.gif
وطلعت خديجة ورقة جريدة مقطوعة وادتها لسمر
كانت فيها صورة لعاصم وصورة تانية فيها 3 على عيونهم شريط اسود
قرأت سمر عنوان الخبر
(زوجة وعشيقها وشقيقها يتآمرون على قتل الزوج)
تانى يوم جه ظابط ياخد اقوالها فى المحضر
بتاعها وبعد ما سألها عن الحادثة
"انا شفت اللى كان عايز يقتلنى... جه عليا بالموتوسيكل
بسرعة وفتح المطواة غمضة عين ومحسيتش بحاجة بعد كده"
"يعنى كان قصدك انتى"
"معرفش"
"الشخص ده تعرفيه قبل كده"
"معرفوش بس انا يومها كنت عند دكتور عاصم وشفته عنده"
"هو يعرفه"
"لا ده كان جاى يتكلم على تخفيض فى اجر المستشفى"
"تقدرى تقوليلنا اوصافه"
"ايوه"
وقالت سمر اوصاف مرزوق واتكتبت فى المحضر
http://mamietitine.m.a.pic.centerblog.net/72d2d376.gif
اتحسنت سمر وشهاب كان بيروح لها كل يوم
اول ما اتحسنت تماما طلب منها شهاب انها توافق على قراية
الفاتحة بعد مافهم منها انها متعرفش حاجة عن تجارة الاعضاء
"خلاص يا سمر موافقة نقرا الفاتحة وبعدها نمشى فى
اجراءات السفر ونكتب الكتاب ونسافر"
"انت بتحبنى يا شهاب مهما حصل ومهما كانت الظروف"
"طبعا"
"طيب انا عايزة احكيلك على ظروفى اللى انت متعرفهاش
وبعدها انت تحدد اذا كنت لسه عايزنى ولا لأ"
وحكت سمر على كل اللى حصلها مع عاصم وحكى
شهاب عن شغله مع عاصم
"انا كمان قلتلك على كل ظروفى اللى انتى متعرفيهاش...
اللى حصلك ده كان غصب عنك وانا متمسك بيكى بس ياترى
بعد اللى انتى عرفتيه موافقة عليا"
http://mamietitine.m.a.pic.centerblog.net/72d2d376.gif
"يعنى معقول ياشهاب انت هتسامحنى وانا لأ... عاصم ضرنا
احنا الاتنين والحمدلله اخد جزاؤه... حدد مع ماما معاد قراية الفاتحة"
مريم كانت قاعدة فى بيتها وبتقلب فى القنوات
لفت نظرها مذيعة بتقول
"وهنلتقى بالمتهمين بقتل د.عاصم فواز ونعرف منهم تفاصيل الحادث"
ركزت مريم مع البرنامج والتفاصيل اللى كل واحد حكاها
واللى مكنتش تختلف عن اقوالهم فى المباحث
سمعت فريد وهو بيقول " الساعة 6 روحت له العيادة ولما
وصلت للدور اللى فيه العيادة شفت الباب بيتفتح وحسين
طالع راسه مفتوحة وبيشتم فى عاصم"
سرحت بخيالها وافتكرت
http://mamietitine.m.a.pic.centerblog.net/72d2d376.gif
وهى فى مكتبها فى المستشفى... دخلت عليها زميلتها
"يالا يامريم الساعة بقت 6وخمسة عايزين نمشى"
"حاضر يا ميرفت هقفل الشغل اللى ف ايدى وننزل على طول"
دخل مرزوق بيزعق لها
"دخلينى للباشا"
"باشا مين"
"الدكتور"
"لا الدكتور مش موجود"
"لا اكيد موجود ... ماهو مش بيرد على تليفونى وانا عايزه ضرورى"
"عايزه فى حاجة مهمة يعنى"
"ايوه"
http://mamietitine.m.a.pic.centerblog.net/72d2d376.gif
واتصلت مريم من تليفون المستشفى على تليفون العيادة
"الو...دكتور عاصم...فيه هنا واحد بيسأل عليك ...اتفضل اهو معاك"
لما اخد مرزوق التليفون سمعته
"ايوه يادكتور... مش بترد عليا ليه... ماانا خلصت المطلوب ...
يعنى ايه مخلصش... هنتصرف ازاى... طيب انا جاى لك حالا"
لما افتكرت مريم كل ده قال لنفسها
"ازاى انسى حاجة مهمة زى دى... الراجل كلمه وراح له بعد 6
يعنى كلامهم صح هما مشيوا وهو عايش...انا
لازم اروح اشهد بكده بكرة الصبح"
http://mamietitine.m.a.pic.centerblog.net/72d2d376.gif
تانى يوم راحت مريم شهدت باللى تعرفه
وعن طريق بيان المكالمات الخاصة برقم عاصم عرفوا رقم مرزوق
من المكالمات اللى وردت لعاصم ولم يتم الرد عليها
ومن البيان عرفوا ان علاقته بعاصم قديمة مش فى نفس اليوم
ولما شافت سمر صورته فى الجرايد عرفته وبلغت انه هو اللى حاول قتلها
ومع وجود بصماته ضمن البصمات الكتير الموجودة فى العيادة
تم تضييق الخناق على مرزوق... اعترف وحكى اللى حصل
مرزوق بعد المكالمة من المستشفى راح لعاصم العيادة
وهو طالع كان حنفى البواب نايم... خبط على الباب
فتح له عاصم ووشه عليه اثار ضرب
"انت شرفت يا خايب"
"ايه ياباشا الكلام ده"
"البت مماتتش ياغبى"
"يعنى ايه"
http://mamietitine.m.a.pic.centerblog.net/72d2d376.gif
"يعنى لو كانت شافتك هتروح فى ستين داهية"
"لاااا مش هروح فى داهية لوحدى"
"انت اتجننت ...مين هيصدقك ياحمار انت وانت صاحب سوابق"
"حتى لو محدش صدقنى هعرف اخد حقى منك"
"انجر غور من هنا ياض...انت فاكرنى علشان دكتور معرفش
اتعامل مع امثالك يا ابن ال......."
هجم مرزوق على عاصم يضربه...تبادلوا الضرب
وصل عاصم لشنطته اللى ع المكتب...فتحها وكان فيها ال100الف جنيه
اللى بعتهم له سلطان... لمح مرزوق الفلوس الكتير اللى فى الشنطة...
بسرعة اخد عاصم الطبنجة من الشنطة المفتوحة وقبل مايضرب
بيها مرزوق كان مرزوق هاجم عليه وطلعت اول طلقة فى كتف عاصم
شاف عاصم الدم...شتم مرزوق تانى
مرزوق عينه على الفلوس
صوب مرزوق الطبنجة وضرب طلقتين قاتلتين لعاصم
واخد الفلوس اللى فى الشنطة بسرعة حطها جوه قميصه ونزل يجرى
http://mamietitine.m.a.pic.centerblog.net/72d2d376.gif
لبنى وحسين خارجين من القسم بعد اجراءات الافراج عنهم
لبنى مسكت ايد حسين
"انا اسفة ياحسين على كل اللى حصل...انا مش هعيش
هنا خلاص انا هرجع اعيش عند ماما... ربنا يخلى مايسة
كانت بتراعى ادم طول الفترة اللى فاتت وانا كمان هرجع
اراعى ماما واطلب منها انها تسامحنى بعد الفضيحة اللى
حصلت دى... وانت كمان سامحنى يا حسين... انا هبيع الفيلا
وابنى جامع عندنا فى المنصورة وهسيب كل حاجة تغضب
ربنا كنت بعملها يمكن ربنا يغفرلى"
دموعهم الاتنين هى اللى اتكلمت...لما كل واحد
فيهم مسح للتانى دموعه وابتسم
http://mamietitine.m.a.pic.centerblog.net/72d2d376.gif
خرج فريد وراهم...شافهم وهما واقفين بره
رايح ناحيتهم وهو بيفكر
"لبنى حبيبة عمرى وحب حياتى ... بسببها كنت هخسر
مستقبلى وحياتى زى ماخسرت احترام الناس بعد الفضيحة"
كان بيقرب منهم ...هو وراهم وهما مش شايفينه
قبل ما يوصل ليهم...فكر مع نفسه
"بس لبنى اتغيرت كتير عن لبنى اللى اعرفها وبحبها... لبنى مبقتش تنفعنى"
وغير فريد اتجاهه... ومشى فى طريق تانى
ولبنى مشيت مع حسين من غير ماتبص وراها
تمت
http://mamietitine.m.a.pic.centerblog.net/72d2d376.gif
مرزوق ؟ يخرب بيتك ههههههه
مفاجئه فعلا
يسلمووو ايدك عشنا قصه حلوة كتيرررررر
https://encrypted-tbn0.gstatic.com/images?q=tbn:ANd9GcRiwoRD4IvEXuNsJz5oaYP9NaGumyioG ASNKU0IWC1Bg0e8vthX
ايام عمري
03-21-2014, 04:53 PM
هههههههههههههه شهد
قلتلك هتتصدمي في الاخر
نورتي القصة حبيبتي
http://mamietitine.m.a.pic.centerblog.net/72d2d376.gif
ايام عمري
05-06-2014, 08:40 AM
حلقات ليلة حمرا للكاتبة دينا عماد
ليلة حمرا... الحلقة 1
http://files2.fatakat.com/2013/5/13698221071811.gif
دخل وليد مكتب محاماة
وقف لحظات امام مكتب السكرتيرة الخالى
تجاهل المكتب... واتجه لمكتب زياد
وجد باب المكتب مغلق وسمع اصوات مختلفة منها صوت زياد
فهم ان بصحبته موكلين ...رجع مرة اخرى لحجرة الانتظار
جلس على مكتب السكرتيرة
فتح الدرج... امسك سماعات موبايل كانت بداخله
قلبها بين يديه وهو بيبتسم
سمع صوت باب المكتب يُفتح
وزياد يخرج ومعه موكلينه ...اوصلهم حتى الباب
الخارجى متجاهلا وجود وليد
بعد خروجهم عاد لوليد وجلس امامه
"ايه الاخبار"
"مفيش جديد...معندكش انت اخبار"
"لا معنديش... اتصلت بباباها امبارح وقلتله خليها
ترجع الشغل وان الشغل مالوش دعوة رفض"
"انا مش عارف ابوها ده ايه... واحد داخل له من الباب يرفض ليه"
صمت زياد استياءا من الموقف ككل...واردف قائلا
"بص يا وليد... انا مش عارف هو بيفكر ازاى ..
ومش مقتنع بسبب الرفض بس ارجع واقولك حاول تكلمه تانى"
"انا كلمته مرة واتنين...مصمم ان علشان قلتله
بحب هاجر يبقى كان فيه بيننا حاجة ومشينا
مع بعض وهو مش ممكن يوافق على كده...غبى"
لحظات صمت ثقيلة قطعها وقوف وليد
"روح يا زياد شوف شغلك وهروح اقعد عند هانى
شوية وابقى تعالى لما تخلص"
قام زياد وربت على كتفيه قبل ان يغادر
"متقلقش يا وليد...انا هروح لباباها بكرة البيت
واحاول معاه تانى وربنا يقدم اللى فيه الخير"
http://files2.fatakat.com/2013/5/13698221071811.gif
فى غرفة هاجر
هاجر تبكى والغرفة مظلمة
يُفتح باب غرفتها...تدخل والدتها
"هاجر... انتى صاحية؟"
تضئ نور الغرفة...ترى دموع هاجر التى لم تجف
"انتى لسه بتعيطى"
تكمل هاجر بكائها ولا ترد...تستطرد والدتها
"وبعدين معاكى... مكنش عريس واترفض"
"مش اى عريس يا ماما... ده الوحيد اللى حبيته"
"اهو حبيتيه دى اللى خلت ابوكى يعاند ويرفضه"
"ياستى والله كل شكوك بابا دى غلط...
مفيش بيننا اى حاجة اكتر من الحب وبعدين
اهو جه واتقدم يبقى فين المشكلة"
"اهو تفكير ابوكى اعمل ايه"
"كلميه علشان خاطرى"
"كلمته يا بنتى والله انا يعنى عايزة ايه م الدنيا غير انى افرح بيكى"
"كلميه تانى..وتالت...قوليله لو موافقش على وليد مش هتجوز حد تانى"
"اه اقوله كده علشان يشك فيكى اكتر واكتر"
تصرخ هاجر
"اعمل ايه ياربى...هموت ومحدش حاسس بيا"
تتأثر والدتها لحالتها وهى تبكى...وفى نفس الوقت
تخشى ان يسمع زوجها
"بس ياهاجر...بس يابنتى ابوكى يسمعك ويعكنن علينا زيادة"
"يعكنن ايه اكتر من كده... الشغل ومنعنى اروحه...
اللى بحبه ورفض انه يخطبنى... فيه ايه اكتر من كده"
"طب قومى كلى لقمة هتقعى من طولك من قلة الاكل"
"اكل ايه ياماما...ما اقع ولا اروح ف داهية"
"تفى من بؤك... هقوم اجيبلك كوباية لبن"
"مش شاربة"
"لو شربتى واكلتى لقمة صغيرة هتكلم مع ابوكى تانى واحاول معاه"
"احلفى"
"والله"
مسحت هاجر دموعها وحاولت ان تبتسم
"طيب هاكل... بس بالله عليكى ياماما تحاولى
تقنعيه مش تقوليله واول ما يقولك لأ تسكتى"
"حاضر...هقوم اجيبلك تاكلى"
http://files2.fatakat.com/2013/5/13698221071811.gif
دخل وليد مقهى الانترنت الذى يملكه صديقه هانى
المكان واسع... واجهزة الكمبيوتر بعيدة كل منها عن الاخر
من يدخل فى الممر الطويل حتى المكتب لا يرى شاشات الكبيوتر
الكراسى مصطفة ظهرها للحائط وبالتالى الشاشات متجهه للحائط
الاضاءة خفيفة جدا ...عبارة عن مصابيح صغيرة ملونة
جلس وليد بجوار هانى على مكتبه ...
اخذ سيجارة من علبة سجائر الاخير
"ايه ياعم الناس تدخل تسلم الاول مش تدخل هجم ع السجاير"
"سلامو عليكو يا سيدى"
"وعليكم السلام... اهلا وسهلا تشرفنا...
حضرتك وشك ده ولا مركب وش جبس"
"انت هتتريق"
"مكبر الموضوع اوى يعنى... واحدة عايز تخطبها وابوها رفض
...فكك وعيش حياتك بلا جواز بلا وجع دماغ"
"انا كنت راضى بوجع الدماغ... بس شكلى لازم اسلم
بالامر الواقع واحاول انساها"
"تصدق انت كده صح... طيب بص"
نهض هانى وهو يسحب وليد من يده
وعلى اقرب جهاز كمبيوتر...اجلسه وهو يفتح احد المواقع الاباحية
"بص يا معلم... السيجارة اللى ف ايدك دى هتعلى
الدماغ ع الاخر... والمزز اللى هنا هتنسيك الجواز
واللى عايزين يتجوزوا... عييييش يا معلم"
ابتسم وليد وهو يسحب نفسا عميقا من السيجارة
"تصدق شكلها جامدة ...هى فيها ايه"
"ليك اكل ولا بحلقة... اشرب وانت ساكت
ولو عايز تانى موجود... يالا اى خدمة"
http://files2.fatakat.com/2013/5/13698221071811.gif
فى منزل هاجر... جلست والدتها بجانب زوجها
الاب"اكلت؟"
الام"مكلتش غير لما قلتلها انى هتكلم معاك تانى"
الاب"وبعدين بقى"
الام"اسمع بس... انت منشف دماغك ليه...
يعجبك يعنى لو البت جرالها حاجة من قهرتها كده"
الاب"وانتى عايزانى اوافق على وحد استغفلتنى ومشت معاه"
"مين قال كده...دى بتحلف ايمانات انها معملتش اى حاجة غلط"
"على مين يا ولية...اومال حبوا بعض ازاى باللاسلكى"
"ماهى قالت وهو قالك انه صاحب المحامى اللى بتشتغل
عنده يعنى شافها وشافته هناك... امانة عليك ماتكسر
بخاطرها...انت مش عاجبك الجدع ف حاجة"
"مسألتش عليه"
"طيب ما تسأل...ولو طلع كويس يبقى خير"
"مش بالعها الحكاية دى"
"لا اله الا الله... يعنى انت فاكر البت هيتقدم لها واحد ولا عمره
شافها...ماتشوف الزمن اللى بقينا فيه واحمد ربنا على اخلاق بنتك"
صمت والد هاجر...ادركت الزوجة ان زوجها يفكر..
.فقررت ان تطرق الحديد وهو ساخن
"هااا قلت ايه...اقوم افرحها"
نهض والد هاجر من مكانه... ورد على زوجته
"سيبينى اقلبها ف دماغى شوية... انا داخل انام"
http://files2.fatakat.com/2013/5/13698221071811.gif
بعد منتصف الليل بدقائق قليلة...وصل زياد لمقهى
الانترنت حيث تواعد مع وليد منذ ساعات
رأى وليد يجلس على احد الاجهزة... ويضع السماعات
فى اذنيه ويبدو انه يتحدث لشخص ما
لوح له بيده واتجه لهانى...صافحه وجلس بجواره
"ازيك ياهانى...ايه الاخبار"
"تمام الحمدلله... صاحبك شكله هيفك اهو"
"ياريت...والله صعبان عليا الاتنين"
"ياعم هانى هو فيه احلى من الحرية"
"لما تحب هتغير رأيك"
"انا كده مرتاح بلا حب بلا وجع قلب..خد سيجارة"
مد هانى يده بعلبة السجائر لزياد... سحب زياد سيجارة
اشعلها له هانى
بعد ان نفث دخانها...سعل كثيرا
"يخربيتك ياهانى...السيجارة دى فيها ايه؟"
"ايه يا زياد انت بقيت خرع كده ليه...الله يرحم ايام ثانوى"
شرع زياد ان يطفئ السيجارة...اخذها منه هانى بسرعة
"اييييييه.... انت هتكفر بالنعمه...هات ياعم"
نظر زياد لوليد...لوح له بيده باشارة تساؤل عما لديه
من وقت فى حديثه
رد وليد اشارته بأنه لم ينتهى من حديثه بعد
نهض زياد...فسأله هانى
"ايه رايح فين"
"هروح ...عايز انام ورايا محكمة الصبح"
"بدرى كده...ادى الجواز وسنينه"
"سلام ياهانى"
غادر زياد بعد ان اشار لوليد المنهمك فى الحديث بأنه
مغادر على وعد باتصال تليفونى لاحقا
http://files2.fatakat.com/2013/5/13698221071811.gif
قبل الفجر قليلا... اغلق وليد محادثته وهو يتثاءب
نهض مترنحا واقترب من هانى
"انا ماشى"
"ماتخليك قاعد"
"انا مش عارف هقوم اروح الشغل ازاى... هروح الحق انام لى ساعتين"
"مش تحكى لى كنت بتكلم مين كل ده"
وابتسم هانى ابتسامة ذات مغزى
"شكلها غمزت يا معلم...مزة صح؟"
ضحك وليد بغرور
"صح"
"احكيلى طيب"
"بكرة بكرة...انا خلاص هنام وانا واقف"
"طيب طمنى... نت بس ولا تليفون ولا ايه"
"هههه صاحبك مش بتاع الكلام ده... هنتفق بكرة على معاد"
"كداب... يا تلاقيها نصابة"
"وهكذب عليك ليه بس...اما موضوع نصابة مفتكرش
هى هتاخد كارت شحن الاول تضمن انى جد وباقى
الفلوس لما نتقابل... يعنى لو نصب هتيجى ف حاجة
بسيطة...ولو جد يبقى لقينا حتة طرية تطرى علينا
الارف اللى احنا فيه ده"
"يا معلم يا معلم... انا قلت الادب والاخلاق اللى نزل
عليك فجأة الفترة اللى فاتت دى مش لايق عليك"
"مكنش ادب ولا اخلاق... انا كنت مش شايف قدامى
غير اللى بحبها... وراحت اللى بحبها يبقى اعيش انا
بقى زى ما انا عايز... كفاية رغى انا هنام هنا...سلام"
http://files2.fatakat.com/2013/5/13698221071811.gif
عصر اليوم التالى...استيقظت ساندى من نومها
فتاة فى بداية العشرينات...ممشوقة القوام... بيضاء البشرة...
سوداء الشعر... حوراء العينين
حجرة نومها واسعة جدا ومفروشة على طراز حديث
دخلت الحمام الملحق بالغرفة... اخذت حماما باردا
ثم خرجت وارتدت "هوت شورت وبادى"
جلست امام مرآتها... جففت شعرها وصففته "ديل حصان"
ووضعت بعضا من مساحيق التجميل المناسبة لوجودها فى المنزل
شقة ساندى... تأخذ شكل المستطيل
يقسمها من المنتصف ردهة طويلة تقسم الشقة نصفين متقابلين
النصف الذى يطل على المنور... يضم غرفة المعيشة وحجرة
نوم اضافية والحمام والمطبخ فى اخره قرب باب المنزل
اما النصف الاخر والذى يطل على الشارع
فيحتوى على غرفة النوم الرئيسية والصالون والسفرة
تجمعهم شرفة واحدة
كعادة ساندى يوميا بعد ان اهتمت بمظهرها...
قامت لتفتح شبابيك البيت جميعها... ودخلت المطبخ
لتعد كوبا من النسكافيه
ثم فتحت مجمد الثلاجة لتختار اى وجبة سريعة ستعدها اليوم
بعد ان انهت اعداد كوب النسكافيه...
وجدت جارتها الارملة الخمسينية فى الشقة المقابلة.
.والتى يفصلهمها عن بعضهما البعض...المنور فقط
تتلصص عليها من خلف شباكها...ابتسمت وعلقت فى نفسها
"مش هتبطل ابدا تتفرج عليا ليل ونهار"
سمعت جرس الباب يرن... ذهبت لتفتح...
وجدت كشاف الغاز خارجا من شقة جارتها
"كشف ووصل الغاز يامدام"
تنحت جانبا
"اتفضل"
دخل كشاف الغاز المطبخ...لاحظت ساندى نظراته
المختلسة لها وهو يتصبب عرقا... وقفت ثابتة بعد
ان شبكت يديها منتظرة ان ينجز مهمته فى قراءة العداد
بعد ان انتهى... اقترب منها وهو يناولها الايصال
وعندما وجدته يقترب منها اكثر من اللازم
اوقفته بيديها
"عندك يا بابا... معنديش حاجة ببلاش"
زاد ارتباك محصل الغاز وناولها الايصال بيد مرتعشة
وخرج مسرعا ووقف خارج الباب حتى اعطته المال
المطلوب واغلقت الباب خلفه
دخلت المطبخ لتأخذ كوب النسكافيه...وذهبت لتجلس فى غرفة
المعيشة...وجدت جارتها تتلصص عليها من الغرفة المقابلة
فأشارت لها بيديها وهى تبتسم بجرأة ولا مبالاة ما يعنى
انه ليس لديه مال
فأغلقت الجارة الشباك بشدة فى وجهها وهى تتمتم
"قلة ادب"
http://files2.fatakat.com/2013/5/13698221071811.gif
عاد وليد من عمله.... مرهق للغاية لقلة نومه فى الليلة الماضية
استقبلته والدته"حمدالله ع السلامة ...اجهزلك الغدا"
"لا ياماما انا داخل انام"
"يا ابنى متعملش ف نفسك كده... لو عايزنى اروح لاهلها اكلمهم هروح"
"لا يا ماما متتعبيش نفسك علشان محدش يحرجك...
انا خلاص هحاول انساها..واكيد هى مش اول ولا اخر واحدة فى الدنيا"
اتجه وليد لغرفته بعد ان انهى حديثه مع والدته..
.بينما كانت والدته تنظر له بقلب ينفطر لحاله
بدل وليد ملابسه...وألقى بنفسه على السرير
فى نفس اللحظة التى رن فيها موبايله
امير الغرباء
05-06-2014, 02:05 PM
بانتظار الاضافه
لك ودي
سلمت الانامل
روووووووووووعة تسلم ايديكي ايام عمري
ايام عمري
05-07-2014, 09:45 AM
الله يسلمك يا امير
اتمنى ان تعجبكم القصة
نورت صفحتي
http://up.3dlat.com/uploads/134003932517.gif (http://vb.3dlat.com/)
ايام عمري
05-07-2014, 09:47 AM
الله يسلمك حبيبتي حلا ونورتيني
يلا نتابع سوا الحلقة الثانية
http://up.3dlat.com/uploads/134003932517.gif (http://vb.3dlat.com/)
ايام عمري
05-07-2014, 09:53 AM
الحلقة 2
http://up.3dlat.com/uploads/13400393235.gif (http://vb.3dlat.com/)
عاد وليد من عمله.... مرهق للغاية لقلة نومه فى الليلة الماضية
استقبلته والدته"حمدالله ع السلامة ...اجهزلك الغدا"
"لا ياماما انا داخل انام"
"يا ابنى متعملش ف نفسك كده... لو عايزنى
اروح لاهلها اكلمهم هروح"
"لا يا ماما متتعبيش نفسك علشان محدش يحرجك...
انا خلاص هحاول انساها..واكيد هى مش اول ولا اخر واحدة فى الدنيا"
اتجه وليد لغرفته بعد ان انهى حديثه مع والدته...
بينما كانت والدته تنظر له بقلب ينفطر لحاله
بدل وليد ملابسه...وألقى بنفسه على السرير
فى نفس اللحظة التى رن فيها موبايله...رد
"الو...ازيك يازياد"
"الحمدلله انت ايه اخبارك"
"الحمدلله ...لسه راجع م الشغل وهنام شوية وابقى اعدى عليك بالليل"
"طيب انا كنت عايز اقولك انى اتصلت بالحاج جمعة واتفقت
معاه انى عايز اقعد اتكلم معاه ...المهم قالى اروح لهم البيت النهاردة"
"وبعدين
"كل خير ان شاءالله"
"خايف اتعلق بأمل يا زياد"
"استبشر خير"
"خير ان شاءالله...بس هتقوله ايه"
"هقوله ان رفضه ده مالوش اى داعى وربنا يقدرنى على اقناعه"
"طيب انت حسيت ايه من كلامه؟"
"بص يا وليد... المرة اللى فاتت لما كلمته كان بيتكلم برفض
قاطع المرة دى كان بيماين شوية...يمكن بيفكر"
"هتروح لهم امتى؟"
"انا عندى معاد فى المكتب الساعة 9 هخلصه واقفل واروح لهم ..
.انا قلت له نتقابل بره علشان لو اتاخرت فى المكتب هو
اللى صمم نتقابل فى البيت"
"بره ولا فى البيت المهم اول ما تخلص المقابلة دى تكلمنى ضرورى"
"من غير ما تقول...خلى بس الحاجة تدعى من قلبها
ان ربنا يسهل واعرف اقنعه"
"والله هى بتدعى من غير حاجة"
"ماشى يا وليد... على مكالمة بالليل... سلام"
"سلام"
انهى وليد المكالمة... وألقى بنفسه على السرير ومن شدة اجهاده نام فورا
http://up.3dlat.com/uploads/13400393235.gif (http://vb.3dlat.com/)
وقفت الجارة كعادتها لتسلية وقتها تراقب ساندى
ساندى تجلس فى غرفة المعيشة ممدة على الاريكة
تُقلب بين قنوات التليفزيون حتى استقرت على قناة من قنوات الاغانى
اخذت اللاب توب من جانبها... واشعلت سيجارة
بدأت تصفح الرسائل المرسلة لها على بريدها الالكتروبى وحساب الفيس بوك
تجاهلت كل الرسائل ذات المضمون الواحد والتى تعبر عن الاعجاب بها
استعادت محادثة الامس مع وليد...وبدأت تقرأ بدايتها قبل
ان تكتمل المحادثة بالصوت والصورة
ابتسمت وهى تتذكر حديثهما الذى تنوع ما
بين احاديث عامة وخاصة
الاحاديث الخاصة لم تطرق لحياتهما الشخصية ولكن
لحديث ليلى خاص بين رجل وامرأة
ترددت وهى تنظر لرقمه المكتوب قبل انهاء محادثتهم
حسمت ترددها وامسكت تليفونها واتصلت بوليد
http://up.3dlat.com/uploads/13400393235.gif (http://vb.3dlat.com/)
رن تليفون وليد بجانبه وهو نائم... وبنصف عين مغمضة
نظر فى الساعة فأدرك انه نام اكثر من ساعتين
رد على الرقم غير المسجل
"الو"
سمع صوت لم يميزه...صوت ناعم رقيق
"انا صحيتك ولا ايه"
"مفيش مشكلة... مين معايا"
"بسرعة كده نسيت صوتى"
اعتدل فى جلسته وبدأ يفيق
"احنا اتكلمنا قبل كده"
"ع التليفون لأ"
"معقول تكونى انتى؟"
"انا مين؟"
وبتردد اجابها
"ساندى"
ضحكت ساندى
"هى بعينها"
"مش مصدق انك بتكلمينى"
"ليه يعنى...مش احنا اتفقنا اننا هنتكلم تانى وهنتقابل اكيد"
"بصراحة كنت شاكك"
"مكنتش مصدقنى"
http://up.3dlat.com/uploads/13400393235.gif (http://vb.3dlat.com/)
"كنت شاكك...لا مصدقك ولا مكذبك"
"مش انا قلتلك اللى فيها واللى عايز يقابلنى بيعمل ايه"
"بس قوليلى...انتى حلوة بجد زى صورك اللى بعتيهالى"
"تعالى عاين بنفسك"
"بكرة ماشى؟"
"لا انا بكرة مش فاضية لحد 3 ايام كمان"
"طيب امتى؟"
"اى وقت بعدهم"
وصمتت لحظات واكملت
"او قبلهم"
سألها لمزيد من التأكيد
"النهاردة
"لو فاضى ومعاك فلوس"
"ماشى امتى وفين؟"
"اشحن لى ب50 جنيه الاول وبعد ما يوصلوا هتصل بيك
اقولك العنوان..وتجيب معاك 200 جنيه"
"ماشى"
"على فكرة... انا باخد اكتر من كده بس علشان انت عجبتنى عملت معاك واجب"
"متشكرين يا ستى ع الواجب"
"يالا اسيبك انا تقوم وتفوق وتاخد دش كده استعدادا لمقابلتنا الليلة...باى يا بيبى"
"باى يا روح بيبك"
انهى وليد مكالمته مع ساندى وهو يضحك ويعلق بصوت هامس
"ايوه كده شكلنا هنرجع لايام الشقاوة والدلع"
http://up.3dlat.com/uploads/13400393235.gif (http://vb.3dlat.com/)
وصل زياد منزل هاجر... واستقبله والدها بترحاب وود
"انا اسف يا حاج جمعة ان الوقت اتأخر"
"لا ابدا متأخرش ولا حاجة احنا يدوب الساعة 10...هو فيه
حد بينام بدرى اليومين دول... الشاى يا ام هاجر"
"لا مالوش لزوم انا ماشى على طول"
"يا استاذ انت منورنا"
"ربنا يخليك... طيب انا مش هطول على حضرتك...اكيد عارف انا جاى ليه"
"يعنى بتوقع"
"هما موضوعين مالهمش تالت...الاولانى والاهم وليد...ممكن اعرف معترض عليه ليه"
"انت عندك عيال؟"
"مراتى حامل"
http://up.3dlat.com/uploads/13400393235.gif (http://vb.3dlat.com/)
"لما تخلف بنت هتحس بايه لما تعرف انها على علاقة
بواحد من وراك ومستغفلاك ومش عاملة لك قيمة
واعتبار بعد ما ربيتها وشقيت عليها...ها احساسك ايه"
"يا حاج جمعة انت فاهم الموضوع غلط... مفيش اى علاقة غلط
بينهم ابدا وهاجر بنتك ميتخافش عليها دى ادب واخلاق يا زين
ما ربيت...كل الموضوع انهم شافوا بعض عندى فى المكتب
ولما حصل الوِفق بتاع ربنا الراجل جه البيت من بابه... غلط فى ايه؟"
"اومال ايه حكاية بيحبوا بعض دى"
"مشاعر مش اكتر... ربنا ولِف قلوبهم على بعض... نساعدهم ان
ربنا يجمعهم فى الحلال ولا نقف فى طريقهم وياعالم ممكن
يحصل ايه... وزى ما قال الرسول عليه الصلاة والسلام"
"عليه الصلاة والسلام"
"اذا اتاكم من ترضون دينه وخلقه فزوجوه"
سكت جمعة يفكر فيما يسمعه
بينما وقفت هاجر تسترق السمع من مكان قريب وهى
تدعو الله ان يستطيع زياد اقناع والدها
http://up.3dlat.com/uploads/13400393235.gif (http://vb.3dlat.com/)
دخلت والدة هاجر بالشاى... وقدمته لزياد وجلست معهم
الام"اتفضل يا استاذ...منور والله"
زياد"شكرا يا حاجة...احضرينا وقولى حاجة"
ردت الام وهى تنظر لزوجها
"قلت كتير ربنا اللى عالم... ها ياجمعة قلت ايه؟"
جمعة"مقلتليش يا استاذ ايه الموضوع التانى"
زياد"الشغل... انا مش عارف اشتغل من غير هاجر بصراحة"
جمعة"ماهو مينفعش تروح الشغل وانا عارف انها هتشوفه هناك"
زياد"ماهو بس لو حضرتك وافقت هتبقى اسعدت تلاتة...
وليد وهاجر وانا شغلى هيمشى"
قالها زياد بمرح ...ابتسم بعدها جمعة
زياد"هااا يا حاج ...ٌقلت ايه...هتكسفنى فى طلبى"
الام"امانة عليك ماتكسر بخاطرهم"
جمعة"خليه ييجى هو واهله وبعدين لما اسأل عليه
لو لقيته كويس يبقى يتخطبوا وبعدها هاجر تنزل الشغل"
كادت هاجر ان تصرخ فرحا عندما سمعت اخر جملة
ولكنها خافت ان يغير والدها رأيه فآثرت الصمت
http://up.3dlat.com/uploads/13400393235.gif (http://vb.3dlat.com/)
وليد واقف امام مرآة الحمام يحلق ذقنه وهو يدندن بأغانى شعبية
انهى حمامه... خرج ليختار ملابسه... انتقى قميص وبنطلون
بعد حيرة وتبديل اكثر من مرة... ارتدى ما استقر عليه اخيرا
وقف امام المرآة وصفف شعره ووضع بعض قطرات من عطره
الاصلى الذى يستخدمه فى المناسبات الهامة ف
دخلت والدته
"ايه الشياكة دى انت رايح فين؟"
"رايح فرح واحد صاحبى"
"مين؟"
"لا متعرفيهوش"
"هتتأخر زى امبارح"
"احتمال...متقلقيش ياماما ابقى نامى انتى"
خرج وليد من حجرته... ووالدته خلفه حتى اوصلته للباب
وليد فى طريقه... ذهب لهانى والقى عليه التحية من الخارج
هم هانى واقفا وخرج لملاقاته عند الباب
"ايه ده...انت رايح فين"
"المزة بتاعة امبارح كلمتنى"
"لآ ياراجل"
"اه والله"
"وانت رايح لها... بسرعة كده"
"عينك هترشق فى ام الليلة"
"سهلوووو يا عم... امبارح ليلة زرقا والنهاردة ليلة حمرا"
"بكلامك ده ياخوفى الاقى نفسى ف ليلة سودة"
"لا هتبقى ليلة زى الفل اكيد...بس عدى عليا وانت جاى علشان تحكى لى"
"ماشى...يالا سلام"
http://up.3dlat.com/uploads/13400393235.gif (http://vb.3dlat.com/)
هاجر جالسة مع والدها...علامات السعادة على وجهها
يتحدثون ثلاثتهم احاديث مختلفة... وضحكات هاجر تملأ البيت سعادة...
لاحظها والدها وسعِد بداخله لسعادة ابنته
الاب"بقولكم ايه... هاجر بقالها كتير مكلتش...هنزل اجيبلكم
عشا من بره... عايزة ايه ياهاجر اجيبهولك؟"
هاجر"عايزة بيتزا"
جمعة"حاضر"
نهضت هاجر من مكانها بسرعة واحتضنت والدها
"شكرا يا بابا...ربنا يخليك ليا...انا بحبك اوى"
قبلها والدها من جبينها
"انا مليش الا سعادتك يا بنتى..بس انا لسه موافقتش نهائى الا بعد ما اسأل عليه"
"انا واثقة انك لما هتسأل عليه هتوافق"
"اتمنى"
http://up.3dlat.com/uploads/13400393235.gif (http://vb.3dlat.com/)
وكما اتفق وليد مع ساندى...ارسل لها رصيد ثم اتصل بها واعطته
عنوانها ورقم الشقة فى الدور الاخير فى البناية التى تسكنها
يصعد وليد السلم بتردد وقلق من ان يسأله اى شخص عن وجهته
يصل للدور الاخير ويقرأ رقم الشقة المكتوب على الباب ليتأكد قبل ان يدق جرس الباب
رن الجرس مرة... فثانية... فثالثة دون رد
تناهى الى مسامعه صوت التليفزيون العالى
استاء من تجاهله... حدث نفسه
"يمكن مش سامعه من صوت التليفزيون"
اتصل بها...التليفون يرن دون رد...عاود الاتصال وتكرر عدم الرد
شعر بالضيق وهو يعلق
"يابنت النصابة"
ابتعد قليلا عن باب الشقة... ونظر من شباك المنور ..
.وجد شبابيك شقتها مفتوحة والانوار مضاءة
نظر خلفه... وجد السلم المؤدى للسطح... اراد ان يتأكد انها بالداخل وتتجاهله
صعد درجات السلم المؤدية للسطح... وجد باب السطح مفتوحا
دخل السطح... وقف فى الجهة المقابلة لشقة ساندى
ليستطيع ان يراقب داخل الشقة من الشبابيك المفتوحة
http://up.3dlat.com/uploads/13400393235.gif (http://vb.3dlat.com/)
نظر نظرة عابرة للمطبخ... والحمام... وبتفحص فى غرفة
النوم الصغيرة... وعندما ركز نظره فى غرفة المعيشة
صُدم من هول ما رأى ولم يتمالك نفسه ورجع خطوات للوراء
اعتقد ان ما يراه غير حقيقى... اقترب من سور السطح مرة اخرى ليتأكد مما يراه
وجد ساندى ملقاة على ارض غرفة المعيشة...
مذبوحة من رقبتها ... غارقة فى دمائها
اراد ان يبتعد بأقصى سرعة... نزل السلم سريعا
عبر بجانب باب شقتها وهو يتجنب النظر من شدة الخوف
قبل ان يصل للدور قبل الاخير... ومن شدة سرعته..
.اصطدم بالجارة المتلصصة...تألمت
"آى... ايه يابنى ده"
لم يرد عليها واكمل هروب من المكان بأقصى سرعة
عندما وصل للشارع حاول ان يضبط سرعة خطواته
صورة ساندى المذبوحة لا تفارقه... تخيفه
ظل يتحدث طول الطريق
"مين اللى قتلها... حبكت فى الوقت اللى انا جاى فيه..
. ياخوفى لاتورط فيها... رقمى اللى متصل بيها...
والست اللى شافتنى... يادى المصيبة... انا ضعت خلاص..
.يارب استرها معايا... متعاقبنيش على نيتى واللى كنت جاى اعمله...
انت عالم يارب انى برئ... اعمل ايه واتصرف ازاى علشان اخرج من المصيبة دى"
ايام عمرى
روووعه القصه من اولهاا
يسلمووو ايدك حبيبتى
بجد كثير حلوووووووووة ومشوووقة
تسلم ايديكي ايام عمري
ايام عمري
05-08-2014, 08:45 AM
الله يسلمك حبيبتي شهد
مرورك ومتابعتك الاروع اكيد
بتمنى متابعة باقي الحلقات
http://up.3dlat.com/uploads/134003932517.gif (http://vb.3dlat.com/)
ايام عمري
05-08-2014, 08:46 AM
الله يسلمك يا حلا في احداث وتطورات جديدة
بتمنى متابعتك للقصة ورأيك اكيد
نورتي حبيبتي
وهنتابع مع بعض اكيد الحلقة الثالثة
يلا نشوف
http://up.3dlat.com/uploads/134003932517.gif (http://vb.3dlat.com/)
ايام عمري
05-08-2014, 08:51 AM
الحلقة 3
http://www.vb.fll2.com/storeimg/img_1352671560_583.gif
عندما وصل للشارع حاول ان يضبط سرعة خطواته
صورة ساندى المذبوحة لا تفارقه... تخيفه
ظل يتحدث طول الطريق
"مين اللى قتلها... حبكت فى الوقت اللى انا جاى فيه... ياخوفى
لاتورط فيها... رقمى اللى متصل بيها... والست اللى شافتنى...
يادى المصيبة... انا ضعت خلاص...يارب استرها معايا...
متعاقبنيش على نيتى واللى كنت جاى اعمله... انت عالم يارب انى برئ...
اعمل ايه واتصرف ازاى علشان اخرج من المصيبة دى"
http://www.vb.fll2.com/storeimg/img_1352671560_583.gif
رن تليفونه ...انتفض فزعا لاول وهلة
بدأ يتماسك عندما ادرك انه مجرد اتصال
نظر فى الاسم...وجد زياد... تذكر انهما على وعد بالاتصال
وبصوت لا يخلو من رجفة
"الو"
"ايوه يا عريس مبروك مقدما يا سيدى"
"مبروك!! على ايه؟"
"ابو هاجر قال تروح له انت والحاجة وتتكلموا وربنا يقدم اللى فيه الخير"
"ان شاءالله"
وبتعجب...سأله زياد
"ايه مالك؟؟ انا توقعت هتفرح اكتر من كده"
"ايوه ما انا فرحان اكيد"
"مالك يا وليد....صوتك مش طبيعى"
"مفيش حاجة يا زياد انا بس ف الشارع"
"وايه يعنى ف الشارع...مالك بجد؟؟ فيه مشكلة؟"
"لا ابدا...شفت بس حادثة فى الشارع فتلاقينى متأثر من المنظر بس"
"ااااه...طيب طمنتنى...ابقى كلمه بقى ورتب معاه معاد ولو عايزنى اجى معاك قولى"
"ان شاءالله...ان شاءالله...سلام يا زياد"
وانهى وليد المكالمة بسرعة... وادرك انه ابتعد كثيرا عن منزل ساندى...
شعر بالتعب والارهاق والخوف معا
اتجه إلى اقرب رصيف وجلس...يلتقط انفاسه
http://www.vb.fll2.com/storeimg/img_1352671560_583.gif
هاجر مع والدتها فى منزلهما... جلست ملتصقة بوالدتها مسندة
رأسها على صدرها... احاطتها والدتها بذراعيها
"ماما"
"نعم"
"تليفونى فين"
"معرفش"
"يعنى متعرفيش باباه مخبيه فين"
"مسألتوش والله"
"طيب ممكن تدينى تليفونك اكلم وليد افرحه"
"يا بنتى اصبرى...واحدة واحدة وكل حاجة هتمشى
كويس بس اسمعى الكلام"
"هو انا هعمل ايه...انا كل اللى طالباه كلمتين بس اطمن عليه
واقوله ان بابا وافق وخلاص...علشان خاطرى وحياتى عندك
يارب يخليكى ليا ماتقوليلى لأ"
سكتت والدتها لحظات...قبلتها هاجر فى وجنتها ويدها... وكررت بتوسل
"علشان خاطرى"
تنهدت والدتها
"قومى خديه م الشاحن...بس كلمتين وبس"
كررت هاجر وهى تضحك الجملة الاذاعية الشهيرة
"كلمتين وبس"
http://www.vb.fll2.com/storeimg/img_1352671560_583.gif
هاجر ممسكة بتليفون والدتها...منتظرة رد وليد على اتصالها
قلبها بيخفق بشدة من شدة اشتياقها لسماع صوته
وليد فى المترو... سارحا مستندا بيديه على خده يفكر ما حدث له وما سيحدث
رن التليفون... اخرجه من جيبه وهواقل فزعا من الاتصال السابق
عندما وجد رقم غير مسجل...ظل لحظات ينظر فى الرقم وينظر
حوله بخوف... غير قادر على اتخاذ قرار الرد
"ياترى مين... يكون كمين من البوليس"
بمجرد تخمينه... ضغط زر الرفض...ثم زر غلق التليفون
فوجئت هاجر برفض الاتصال... اعادت الاتصال مرة اخرى...
لكنها وجدت التليفون مغلق... ظلت تفكر
"بيقفل التليفون ف وشى ليه... هو مبقاش عايزنى ولا ايه؟؟"
نظرت للتليفون الذى بيدها...وعندما تذكرت انه ليس تليفونها
رددت باطمئنان
"اكيد ميعرفش ان انا...يمكن مش فاضى ولا فصل شحن"
http://www.vb.fll2.com/storeimg/img_1352671560_583.gif
وليد فى طريقه لمنزله... لم ينتبه انه بجوار محل هانى
لاحظه هانى وهو جالسا بالداخل... قام مسرعا كان وليد تجاوزه
نادى عليه...انتبه وليد على سماع اسمه...التفت لهانى وذهب إليه
"ايه ياعم معدى كده ولا كأن ليك صاحب"
رد بصوت حزين وهو يهم بالمغادرة
"معلش مكنتش اخد بالى"
شده هانى من ذراعه
"استنى هنا... فى ايه؟؟ انت متأخرتش يعنى؟؟هى طلعت نصابة ولا ايه"
سأله هانى وهو يضحك بصوت عالى... حدجه وليد بنظرة استهجان
"متزعلش ...بس انا قلت اكيد مش بالسهولة دى...تعالى تعالى روق والبنات غيرها كتير"
"سيبنى ف حالى يا هانى انا ف مصيبة"
وبنبرة جدية سأله هانى
"مالك يا وليد؟؟ انت مش طبيعى.. مصيبة ايه؟؟"
همس وليد بصوت مرتجف
"البت ماتت"
وبنبرة عالية من المفاجأة علق هانى
"موتها؟؟ يخربيتك انت كنت آخد ايه؟"
"وطى صوتك... انا مخدتش حاجة ولا موت حد"
"طيب تعالى ندخل نقعد وتحكى لى اللى حصل"
http://www.vb.fll2.com/storeimg/img_1352671560_583.gif
وبعد ما انهى وليد قص ما حدث بالتفصيل على هانى
ساد صمت ثقيل بينهما...قطعه سؤال وليد
"اعمل ايه دلوقتى... اهرب ولا اروح فين"
"تهرب ليه...انت معملتش حاجة...خليك عادى جدا... وبعدين مش يمكن تكون لسه عايشة"
"عايشة ايه انا شايفها مدبوحة ودمها سايح... منظر بشع مبيروحش من قدامى"
"طيب يمكن يمسكوا القاتل"
"ياريت يبقى ربنا نجانى"
"انت اخر مرة كلمتها امتى؟"
"لما بعتلها الرصيد واتصلت بيا تدينى العنوان يعنى قول قبل
ما ابقى عندها بنص ساعة او ساعة الا ربع"
"يعنى هى اتقتلت قبل ما تروح لها على طول خلال الساعة الا ربع دى مثلا"
"اكيد"
"انت مشفتش القاتل"
"لأ"
وانتبه وليد للهجة الاسئلة والاجوبة فهب واقفا
"انا ناقص يا هانى عاملى فيها وكيل نيابة"
"مش بحاول اساعدك وبنفكر مع بعض"
"مش عايز افتكر ...ياريتنى ما روحت...ياريتنى ماعرفتها...
ياريتنى ما جيتلك امبارح اصلا كله بسبب الموقع الزفت والسيجارة
الهباب اللى خلتنى ماشى ورا مزاجى زى الاهبل"
"جيبها فيا بقى...انا ضربتك على ايدك... كل واحد عقله ف راسه يعرف خلاصه"
ردد وليد وهو يغادر المكان
"ربنا يستر...ربنا يستر"
http://www.vb.fll2.com/storeimg/img_1352671560_583.gif
فى ظهيرة اليوم التالى...وليد فى عمله وامامه جميع الجرائد الصباحية
يبحث فيها عن خبر للجريمة ولم يجد
نادى للساعى واعطاه نقود وطلب منه ان ان يشترى له جميع الجرائد المسائية
متجاهلا الكثير من تعليقات زملاءه عن الثقافة التى ظهرت فجأة او
عن ارتيابهم فى كونه يضارب فى البورصة بأموال يخفيها عنهم
او بحثه عن وظيفة فى الاعلانات المبوبة
ظل يتجاهل حديثهم وهو يمر بعينيه على كل عنوان بكل صفحة امامه
قطع تركيزه اتصال من نفس الرقم الذى تجاهله بالامس
ارتاب فى الاتصال ولكنه حدث نفسه
"هو البوليس هيتصل ياخد منى معاد الاول"
رد على الاتصال... وسمع صوت هاجر
"الو...وليد ازيك"
"هاجر؟؟...ازيك انتى عاملة ايه"
"الحمدلله ... بابا وافق اخيرا يا وليد"
"عرفت من زياد امبارح... انتى بتتكلمى منين"
"من تليفون ماما اتصلت بيك امبارح مردتش عليا"
"مسمعتوش معلش"
"انا افتكرته فصل شحن"
http://www.vb.fll2.com/storeimg/img_1352671560_583.gif
"اه ما انا مسمعتوش وفصل شحن من الاتصال...انتى اخبارك ايه..
.كويسة؟؟وحشتينى اوى"
"انا كويسة الحمدلله...وانت وحشتنى اوى...هتيجى لبابا امتى يا وليد...
مقابلتك ليه هتفك حبستى دى... فى اسرع وقت ياوليد"
"حاضر انا بس كنت محتاج ارتب امورى"
"ترتب ايه؟؟ هى مقابلة محتاج ترتب ايه؟"
"يعنى وقت علشان..."
قاطعته"وقت علشان ايه...انا ماصدقت بابا يوافق يقابلك وانت تقولى وقت"
"خلاص ياهاجر ...يعنى لو كلمته اجى بكرة هيوافق...او النهاردة"
"ايوه...بس كلمه وانا من ناحيتى عملت اللى عليا وزيادة... متصغرنيش قدامه"
"حاضر... هكلمه وف اقرب وقت اجيلكم...النهاردة او بكرة حسب ما يقول"
"ماشى ياوليد...متقولوش انى كلمتك ولا اننا اتكلمنا خالص من يوم ماسيبت المكتب"
"حاضر... حاجة تانية؟"
"لأ...هقفل انا دلوقتى واوعى تتصل على تليفون ماما علشان بابا ساعات بيرد"
"حاضر...خلى بالك من نفسك واشوفك فى اقرب وقت"
"ان شاءالله...مع السلامة يا وليد"
http://www.vb.fll2.com/storeimg/img_1352671560_583.gif
فى نفس الليلة وعقب تحديد موعد مع والد هاجر بعدما طمئن
وليد نفسه ان الحادث بعيدا عنه تماما وان خوفه بلا مبرر
فقد يكون احدهم انقذها او ربما تم القبض على القاتل او ربما كان
ما مر به كابوس غير حقيقى
ذهب وليد مع والدته وزياد لمقابلة والد هاجر
والذى استقبلهم بترحاب وبعد حديث عام بين الاسرتين
بدأت والدة وليد الحديث الجاد
"يا حاج احنا جايين نخطب هاجر لوليد زى ما انت عارف...
ووليد وظيفته ثابتة والشقة موجودة لو هاجر عايزة تغير حاجة
فيها براحتها انا هبقى ضيفة عندهم كل فترة وقبل الجواز هنقل
هروح اعيش فى بيت اهلى فى البلد علشان اكون قريبة من
بنتى الكبيرة اللى متجوزة هناك"
http://www.vb.fll2.com/storeimg/img_1352671560_583.gif
والدة هاجر"ده انتى على راسنا يا حاجة وهاجر بنتك برضه"
والدة وليد"اه طبعا بس انا مش عايزة اكون تقيلة على حد بيت اهلى
فى البلد فاضى ومقفول وانا قاعدة هنا علشان وليد ميبقاش لوحده.
.انتى عارفة السن ومحتاجة اللى يراعينى وبنتى هناك هتبقى بينى
وبينها خطوتين تقدر تطل عليا اى وقت"
والد هاجر"احنا نتشرف بيكم يا حاجة بس ادينا وقت نسأل عليكم
وانتم كمان تسألوا علينا"
زياد"يا حاج جمعة هما الجماعة من غير ما يسألوا جايين وعايزين
يتشرفوا بنسب حضرتك... ووليد صاحبى من زمان من اعدادى واحنا
مع بعض واضمنهولك برقبتى وانت عارف معزة هاجر عندى وانى
بعتبرها زى اختى فبقول لو نقرا الفاتحة وبعد كده الترتيبات تبقى
كلها واحدة واحدة بس علشان لو حبوا يتكلموا يتفقوا على اى حاجة
فى الترتيبات تبقى بينهم علاقة رسمية"
صمت جمعة لحظات يفكر...نظر فيها لهاجر
وجد نظرات التوسل بالموافقة وهى تمسك قلبها من شدة التوتر
فى حركة لا ارادية يعلمها تماما كلما زاد توترها
تحكمت مشاعره وحبه لابنته واجاب
"على بركة الله...نقرا الفاتحة"
http://www.vb.fll2.com/storeimg/img_1352671560_583.gif
فى نفس الوقت... امام شقة ساندى
يتجمع الكثير من سكان العمارة وسكان العمارات المجاورة الذى
تناهى لمسامعهم خبر العثور على جثة مذبوحة
رجال الشرطة والنيابة تعاين مسرح الجريمة
ساندى ملقاة على الارض مذبوحة فى غرفة المعيشة
رجال البحث الجنائى يرفعون البصمات من جميع اجزاء المنزل
يتقدم احد العساكر لضابط المباحث ببطاقة رقم قومى
"مراد باشا...لقينا البطاقة دى ف اوضة النوم"
يقرأها مراد بصوت مسموع
"سناء على محمد سلطان... 25 سنة... انسة...من العمرانية...
وايه اللى جابها هنا مدينة نصر"
يبحث مراد حوله يخرج قريبا من الباب ويتحدث بصوت عالى
للجمع الموجود بالخارج
"هو فين اللى بلغ؟؟"
يقترب منه البواب بخطوات مرتجفة وبصوت متقطع
"انا يا باشا"
"هى القتيلة عايشة هنا لوحدها؟"
"ايوه يا باشا...لسه مأجرة الشقة من 3 شهور"
"هى بتشتغل"
وبتلعثم رد البواب
"ايه... لا...معرفش"
نظر مراد حوله على مستوى الشقة وفرشها
"هو ايجار الشقة هنا كام"
"5 الاف يابيه"
"5 الاف... ومش بتشتغل...امممم وبتجيبهم منين"
صمت البواب... واكمل مراد اسئلته
"ايه اللى خلاك تشك ان جرالها حاجة وتبلغ؟"
"الست منيرة يا باشا"
"مين الست منيرة"
"جارتها ف نفس الدور... هى اللى قالتلى لازم نبلغ"
"ناديلى الست منيرة من الناس الكتير اللى بره دول"
http://www.vb.fll2.com/storeimg/img_1352671560_583.gif
تقترب منيرة وهى تمتم بآيات قرانية وتتلفت حولها
"ايه اللى خلاكى تشكى ان فيه حاجة"
"صدق الله العظيم.... التليفزيون يا باشا... التليفزيون من امبارح بالليل
شغال ع العالى ومعرفتش انام منه ابدا...اصل انا بنام فى الاوضة
اللى ف وش الليفنج بتاعها... وبعدين هى فى العادى بتصحا العصر
وتفتح الشبابيك وتفضل رايحة جاية فى البيت... النهاردة الصبح صحيت
اصل انا بصحى بدرى ما انا لما معرفتش انام من صوت التليفزيون
روحت نمت فى الاوضة اللى ع الشارع... المهم لقيت الشبابيك مفتوحة
والتليفزيون زى ماهو عالى والانوار كلها مفتوحة... ومشفتهاش
خالص طول اليوم فاستغربت وقلت لعم غريب"
"وليه مخبطتيش عليها امبارح تقوليلها توطى التليفزيون"
"مفيش بينى وبينها كلام"
"ليه؟"
"اصلها..
وقطع حديثهما احد رجال البحث الجنائى وهو يحمل كيس بداخله موبايل يرن
"تليفون القتيلة بيرن يا باشا"
احلى ايام العمر
05-08-2014, 10:00 AM
الوووووووووووووو الووووووووووووو في حرارة كملي يابنتي حرام عليكي
موااااااااااااااااه حلوتي القصة بتجنن تسلم ايدكي حبيبتي
ايام عمري
05-09-2014, 08:46 AM
الخط مقطوع يا احلى كل يوم نقطة ههههههه
الله يسلمك حبيبتي اسعدني متابعتك للقصة
وهنكمل اكيد ونتابع مع بعض احداث الحلقة الرابعة
http://up.3dlat.com/uploads/134003932517.gif (http://vb.3dlat.com/)
ايام عمري
05-09-2014, 08:51 AM
الحلقة 4
http://www.3bly.net/up/do.php?img=2964 (http://www.3bly.net/vb/showthread.php?t=23226)
تقترب منيرة وهى تمتم بآيات قرانية وتتلفت حولها
"ايه اللى خلاكى تشكى ان فيه حاجة"
"صدق الله العظيم.... التليفزيون يا باشا... التليفزيون من امبارح بالليل
شغال ع العالى ومعرفتش انام منه ابدا...اصل انا بنام فى الاوضة
اللى ف وش الليفنج بتاعها... وبعدين هى فى العادى بتصحا العصر
وتفتح الشبابيك وتفضل رايحة جاية فى البيت... النهاردة الصبح
صحيت اصل انا بصحى بدرى ما انا لما معرفتش انام من صوت التليفزيون
روحت نمت فى الاوضة اللى ع الشارع... المهم لقيت الشبابيك مفتوحة
والتليفزيون زى ماهو عالى والانوار كلها مفتوحة... ومشفتهاش خالص
طول اليوم فاستغربت وقلت لعم غريب"
"وليه مخبطتيش عليها امبارح تقوليلها توطى التليفزيون"
"مفيش بينى وبينها كلام"
"ليه؟"
"اصلها..."
وقطع حديثهما احد رجال البحث الجنائى وهو يحمل كيس بداخله موبايل يرن
"تليفون القتيلة بيرن يا باشا"
http://www.3bly.net/up/do.php?img=2964 (http://www.3bly.net/vb/showthread.php?t=23226)
تناول مراد الكيس الذى يحتوى على التليفون ... وامسكه بمنديل للحفاظ
على البصمات للرد سريعا قبل ان ينغلق الخط
فتح الخط ولم يتكلم...وسمع على الطرف الاخر صوت رجل منفعل
"انتى فين ياهانم ومجتيش ليه؟"
تكلم مراد
"مين معايا؟"
ثار الطرف الاخر
"انت اللى مين؟؟ فين ساندى"
"حضرتك مين"
"انت مال اهلك يا حيوان... هى مجتش علشانك ...تطلع مين بقى
اشتاط مراد غضبا وصرخ فى محدثه على الطرف الاخر
"معاك مقدم مراد حسنين بحقق فى جريمة قتل سناء سليمان
او ساندى على حسب انت تعرفها باى اسم... انطق انت مين"
أُغلق الخط فورا فى وجه مراد...مما زاده غضبا
اعاد الموبايل فى الكيس الخاص به
"وحياة امك لاهجيبك ف اسرع وقت"
كانت منيرة مازالت ترتجف امامه... بدأ يهدئ من غضبه
"كملى يا مدام... كنا بنقول ايه"
ردت بتلعثم
"ايه... اللهم صل على النبى... نسيت"
ركز مراد تفكيره لحظات وسألها
"كنتى بتقولى مفيش بينك وبينها كلام ...ليه"
"اصلها استغفر الله العظيم...ربنا يرحمها مطرح ماراحت كانت مش مظبوطة"
"مش مظبوطة ازاى يعنى"
"انا قلت وانت تفهم... انا مقولش اكتر من كده"
"انا عايز اتأكد ...تقصدى مش مظبوطة يعنى نصابة ... حرامية... مومس"
قاطعته منيرة محرجة
"استغفر الله العظيم ربنا يستر على ولايانا"
"وانتى عرفتى منين؟"
"زى ما قلتلك الشقة مكشوفة ودى رجالة داخلة ورجالة
خارجة ووشها كان مكشوف مكنتش بتكسف ابدا"
تلفت مراد وهو ينظر للشقة مرة اخرى
"كنت متوقع حاجة زى كده"
والتفت لمنيرة مرة اخرى
"طيب يا مدام... احتمال كبير احتاجلك تانى...شكرا تقدرى تتفضلى"
ابتعدت منيرة خطوات بينما كان مراد يتجه ليتفقد بارقى ارجاء الشقة
وقفت منيرة مترددة لحظات...وعادت مرة اخرى لمراد
"بقولك ايه يا باشا"
"نعم"
"انا افتكرت حاجة مش عارفة هتفيدك ولا لا"
"قولى افتكرتى ايه؟"
"امبارح بالليل نزلت اشترى شوية حاجات... وانا راجعة لقيت
واحد نزل يجرى وحتى خبطنى ف جريته"
انتبه مراد لاقوالها وسألها بتدقيق
"مش يمكن نازل من اى شقة فى العمارة"
"لا ده اكيد نازل من عندها... انا وهى اخر دور وانا قابلته بين
الدور بتاعنا والدور اللى تحتنا"
"تقدرى توصفيه"
http://www.3bly.net/up/do.php?img=2964 (http://www.3bly.net/vb/showthread.php?t=23226)
"يعنى هو شاب كده بالكتير 30 سنة يمكن اقل شوية...طويل
واسمر بس مش اسمر اوى ومش فاكرة اكتر من كده"
"طيب لو شفتيه تفتكريه"
"يمكن"
"متشكر اوى اوى يا مدام...انا اكيد هحتاجلك تانى ومش
بعيد الحل يكون على ايدك"
كان مراد يشكرها بابتسامة ودودة...جعلتها تخفف من حدة خوفها
وتبتسم له فرِحة بدورها فى مساعدة العدالة وتشكره وهى
مغادرة الشقة ...مسرح الجريمة
شاور مراد للبواب ان يأتيه... أتاه مهرولا
"نعمين يا باشا"
"هى القتيلة كان بيزروها ناس كتير"
"م م معرفش"
"انت هتستعبط... ما باينة كانت بتشتغل ايه"
رد وهو منكس الرأس
"اه كان بيجيلها ناس كتير"
"وسكان العمارة عادى ...متضايقوش؟ مفكروش يطردوها مثلا"
"يعنى بقالهم مدة قريبة بس اللى اخدوا بالهم وانا كنت
بخرج نفسى بره الحكاية دى واقول انه مبيحصلش"
"كانت كريمة معاك شكلها"
"يا باشا انا مليش دعوة بحاجة والختمة الشريفة"
"ماشى... انت شفت حد جالها يوم الحادثة"
"والله ما اعرف ولا اخدت بالى"
"وفين اصحاب الشقة... سايبينها كده لواحدة توسخ سمعتهم"
"اصحاب الشقة مسافرين وانا اللى بأجرها وببعتلهم الايجار كل 6 شهور"
"آآآآآآآآآه قلتلى بقى...يعنى هى مأجرة الشقة دى منك انت وانت
طبعا لما لقيت الحكاية مزهزهة كده مقلتش لا"
"متظلمنيش يا بيه ده انا اجرت لها الشقة علشان ينوبنى ثواب"
"افهمها دى بقى ...ينوبك ثواب ف ايه"
"اصل ف ليلة كده برد ومطر من 3 شهور لقيت مغاورى داخل عليا وبيقولى
ان فيه واحدة مش لاقية حتة تبات فيها وانها لو لقت شقة هتراضينا
كويس وهو عارف ان الشقة دى كانت فاضية فانا قلت ولية وغلبانة واديها الشقة"
"مين مغاورى ده؟؟"
"ده بواب صاحبى ماسك عمارة بعدنا بشارعين"
"وهو يعرفها منين؟"
اقترب عسكرى من مراد
"مراد باشا...وكيل النيابة خلص معاينة وعايز حضرتك"
نظر مراد فى ساعته...ثم تحدث لغريب
"بكرة الصبح تجيلى المديرية انت ومغاورى"
"حاضر ياباشا...امشى؟؟"
"اه امشى"
واخرج مراد تليفونه من جيبه... واتصل باحد الارقام وبلهجة آمرة
"ماجد...انت فين؟؟... طيب فضى لك نفسك خالص علشان عايزك
فى تبقى معايا فى القضية دى... ساعة وتكون عندى فى المكتب...سلام"
http://www.3bly.net/up/do.php?img=2964 (http://www.3bly.net/vb/showthread.php?t=23226)
فى مكتب مراد... يدخل ماجد
"مساء الخير يا باشا"
"مساء النور... تعالى اقعد"
"خير...ايه القضية"
"بنت ليل اتدبحت فى شقتها امبارح واكتشفوا الجثة النهاردة... طبعا الجريمة
واضح انها هيكون فيها مشتبه فيهم كتير لتعدد علاقاتها... جارتها
شافت القاتل... وعلشان نوصل له هندور فى اكتر من اتجاه ...اول حاجة
فيه مكالمة جت وانا عايز اعرف مين ابن الكلب اللى اتصل ده
واجيبه هنا واعرفه مقامه"
"اشمعنى ده بالذات"
"اهو ده بالذات وغيره طبعا لما تجيبلى بيان المكالمات كله ونفحصه"
"تمام فى اقرب وقت"
"عايزين كمان نِعرف اهلها ونشوف رد فعلهم ايه ... يمكن تكون جريمة شرف"
"ممكن نبعت اى عسكرى يستدعى اهلها"
"لا مش دلوقتى وبقولك عايز اشوف رد الفعل بنفسى"
"امتى سعادتك"
"بكرة ...انا م الصبح تعبان هروح انام واعدى على بيت اهلها الصبح...
عايز بيان المكالمات يكون موجود على مكتبى اول ما اجى"
"علم وينفذ يا باشا"
http://www.3bly.net/up/do.php?img=2964 (http://www.3bly.net/vb/showthread.php?t=23226)
فى صباح اليوم التالى... وليد فى عمله
اشترى جميع الجرائد الصباحية كاليوم السابق
ظل يقلب فيها... لم يجد اى خبر
فى الظهيرة ارسل الساعى يشترى الجرائد المسائية
بحث فيها وتوقع الا يجد شيئا
حتى رأى خبر صغير فى احدى الجرائد
"العثور على جثة فتاة ليل مذبوحة فى شقتها بمدينة نصر"
قرأ الخبر اكثر من مرة...
"تلقى قسم مدينة نصر بلاغا من حارس عقار احدى البنايات بالشك
فى حدوث مكروه لساكنات احدى الشقق... على الفور انتقلت قوة
من القسم لمكان البلاغ حيث تم العثور على جثة لفتاة تدعى س. ع مذبوحة ...
وقد تم اخطار النيابة بالحادث وبالتحريات المبدئية تبين انها فتاة ليل
ويجرى الان تحقيقات لكشف غموض الحادث"
هب وليد من مكانه فزعا... ترك عمله بدون استئذان
ظل يهيم على وجهه فى الشوارع وهو يفكر كيف يتصرف
يحاول ان يبدو طبيعيا فهو بالفعل برئ وليس له دخل بالقتل
ام يهرب قبل اتهامه بتهمة ليس له اى ذنب فيها
ام يستسلم لقضاء الله سواء تم اكتشاف القاتل الحقيقى او تم القبض عليه
http://www.3bly.net/up/do.php?img=2964 (http://www.3bly.net/vb/showthread.php?t=23226)
مراد توقف بسيارته امام العنوان
الموجود فى بطاقة ساندى
وجدها عمارة متهالكة فى منطقة شعبية
سأل احدى السيدات التى كانت خارجة من العمارة
"لو سمحتى"
"نعم؟"
"هو على سليمان ساكن هنا"
"قطيعة"
"ايه؟"
"عايزُه ف ايه؟"
"عايزة ف موضوع مهم لو سمحتى...هو فى العمارة هنا"
ردت وهى تنظر لمراد بتعجب
"ايوه... اول مرة حد نضيف يسأل عليه... اوضته فوق السطوح ... فوتك بعافية"
تركته السيدة واكملت طريقها... صعد مراد السلم حتى توقف فى السطح
وجد غرفتين احدهما مغلقة والاخرى مفتوحة يلعب امامها بعض الاطفال
نادى مراد على اكبر الاطفال
"بسسس... هو على سليمان في انهى اوضة يا شاطر"
رد الطفل ذو العشر سنوات
"عم على فى الاوضة دى بس هو نزل من شوية"
"وبيرجع امتى"
"بالليل"
"اومال فين مراته وولاده"
"عم على عايش لوحده"
"طيب مفيش حد كبير هنا"
"ابويا ف الشغل وامى ف السوق"
انهى الطفل اجابته وذهب يكمل لعب مع اخوته
نزل مراد بهدوء دون ان يسأل عن على سليمان حتى لا يفصح
عن شخصيته ... مقررا ان يعود مرة اخرى فى المساء
http://www.3bly.net/up/do.php?img=2964 (http://www.3bly.net/vb/showthread.php?t=23226)
عاد مراد لمكتبه وجد غريب ومغاورى فى انتظاره
امرهم بالدخول معا... وبدأ فى استجوابهم
"فهمونى بقى واحدة واحدة كده ايه حكايتها"
غريب"انا حكيت لسعادتك امبارح كل اللى اعرفه من يوم ماقالى عليها مغاورى"
مراد"تعرفها منين يامغاورى؟"
مغاورى"كانت مأجرة شقة فى العمارة اللى بشتغل فيها"
مراد"من امتى"
مغاورى"قعدت يجيلها سنة ولا اكتر"
مراد"وسمعتها؟"
مغاورى"مكنش حد بيجيلها ولا حاجة ياباشا"
مراد"يعنى فجأة بقت كده؟؟"
مغاورى مترددا" لا مش فجأة ولا حاجة... بس يعنى "
مراد"بس ايه ...ماتحكى على طول"
مغاورى"كانت تبع جمال بيه"
مراد"جمال بيه مين؟"
مغاورى"جمال بيه العشرى... صاحب العمارة"
مراد وهو يردد المعلومة
"آآآه جمال العشرى رجل الاعمال....يبقى صاحب العمارة وكان مرافقها؟؟"
مغاورى منكس الرأس
"ايوه يا باشا"
مراد"وسابوا بعض ليه؟"
مغاورى"جمال بيه عنده مكتب فى العمارة وكان ساعات كده
بيروح لها شقتها... اليوم اللى روحت لغريب ادور لها على شقة
ده كان يوم ما مرات البيه عرفت"
مراد"عرفت ايه؟"
مغاورى"عرفت ان جوزها والست ساندى يعنى مع بعض... جت العمارة
وطلعت على شقة الست ساندى على طول ومسكتها فرجت عليها
الناس وبهدلتها ورمتها بره الشقة وهددتها لو قربت من جوزها تانى
هتخفيها من على وش الارض ولما الست ساندى ردت عليها انها
متقدرش تعمل لها حاجة قالت لها اى بلطجى بملاليم ممكن يشوهها
وميخليش حد يبص لها وساعتها هى اللى هتستخبى من الناس وقالت
لها لو مسمعتيش الكلام هتشوفى انى مش بقول كلام ع الفاضى"
مراد"الكلام ده كان امتى؟"
مغاورى يفكر وهو يسأل غريب
"يوم ما جيت لك بيها كان من امتى"
غريب"3 شهور"
مراد لغريب "انت تعرف جمال العشرى"
غريب"اه اعرفه ما احنا بيننا وبين عمارته شارعين بس"
مراد"كان بيجيلها؟"
غريب"لا... محصلش"
مراد"متأكد؟؟"
غريب"انا مشفتوش خالص واكيد لو كان جه كنت هعرفه"
مراد"يمكن جه وانت مش موجود"
غريب"يعنى حتى لو مشفتوش طالع اشوفه نازل مثلا بس
محصلش انى شفته خالص"
http://www.3bly.net/up/do.php?img=2964 (http://www.3bly.net/vb/showthread.php?t=23226)
هاجر فى المكتب... تنظر للساعة بين اللحظة والاخرى
تعمل بذهن شارد... تركت الاوراق التى كانت ترتبها بطريقة تحسم
بها تفكيرها...واتصلت بوليد
اول ما نطقت فور سماعها رده
"الو... انت فين يا وليد؟؟ مالك فى ايه؟؟ مش طبيعى وكل
مرة اتصل بيك تقفل معايا فى الكلام...قلت هتيجى المكتب مجتش...
يعنى كنت مستنية اليوم اللى بابا يسيبنى ارجع الشغل علشان
نشوف بعض الاقيك انت اللى مش عايز تيجى... لا متتعبش نفسك
وتيجى خليك براحتك... مش زعلانة ...مع السلامة"
انهت هاجر المكالمة وقلبها حزين من المعاملة الجافة التى يعاملها
بها وليد والتى لا تعرف لها سببا
http://www.3bly.net/up/do.php?img=2964 (http://www.3bly.net/vb/showthread.php?t=23226)
مراد فى مكتبه...يتحدث فى التليفون
"ايه ياحضرة الظابط... كل ده بستناك علشان تجيبلى بيان المكالمات؟؟
ما انا عارف انك كنت هتطلع اذن نيابة بس انا كنت عايزه النهاردة...
ماشى يا ماجد بكرة الصبح يكون عندى... والتحريات اللى طلبتها
منك على ابوها جبتها؟؟"
صوت ماجد يرد على سؤاله
"ايوه ياباشا... هو فى الاوضة دى من حوالى 8 ل 10 سنين محدش
يعرف حاجة عن حياته قبلهم... مدمن حقن وبيشتغل كل شوية ف حتة
شكل وفيه ناس بتقول انه بيوزع علشان يعرف يجيب حق المخدرات
بس مالوش اى سوابق قبل كده وعايش فى الاوضة دى لوحده ومحدش
شاف له اى قرايب خالص ولا حد يعرف ان له بنت... حاليا بيشتغل فى
قهوة بقاله فيها شهر ونص"
مراد"تمام اوى يا حضرة الظابط...شكرا على تحرياتك...مستنى بكرة بيان المكالمات"
ماجد"تحت امرك يا فندم...تؤمرنى بحاجة تانية؟"
مراد"لا شكرا...مع السلامة"
http://www.3bly.net/up/do.php?img=2964 (http://www.3bly.net/vb/showthread.php?t=23226)
مراد يصعد نفس العمارة التى جاء اليها صباحا
متجها مباشرة لغرفة على سليمان دون السؤال
وجده امام غرفته يجلس مع اخر يدخنون الشيشة
اقترب منهم مراد
"سلامو عليكو... ازيك ياعم على"
رد احد الرجال عليه
"وعليكم السلام... الحمدلله...افندم"
مراد"مقدم مراد حسنين من المباحث"
امتقع وجه الرجلان وقاما واقفان...انسحب الرجل الاخر بهدوء وترك على فى مواجهه مراد
بادره على"الشيشة مفيهاش حاجة يا بيه ولو ع الشيشة ادغدغها"
وهم على ان يحطم الشيشة فعاجله مراد قائلا
"لالالا الموضوع مالوش علاقة بالمخدرات خالص"
بدأ على يلتقط انفاسه بعدما اطمئن قليلا...وسأل مراد
"خير؟؟"
"انا جاى ابلغك خبر وفاة بنتك...البقاء لله"
"بنتى!!!!!"
رد على بكل تعجب ودهشة... واكمل موضحا
"بنتى مين يا باشا... انا لاعمرى اتجوزت ولا خلفت"
nabila
05-10-2014, 11:19 AM
http://im87.gulfup.com/LmLVxT.gif
http://im68.gulfup.com/9xaaXm.gif
http://im62.gulfup.com/Sx4OmY.gif
http://im77.gulfup.com/IR9PLm.gif
http://im47.gulfup.com/VAf46g.gif
http://im78.gulfup.com/bOqlyb.gif
https://lh4.googleusercontent.com/-oF4vyxSBURs/U1qL5W3I8kI/AAAAAAADgtY/Dn8ewXMac9E/w346-h357/0_a57cf_e6041853_XL.gif
ايام عمري
05-10-2014, 01:10 PM
ههههههههههههههههه بلبل
انا لو محل الكاتبة بختار العنوان
ليلة سودة ومطينة
نورتي يا قلبي القصة وفي احداث هتصدمكم
يلا نتابع مع بعض احداث الحلقة 5
http://up.3dlat.com/uploads/134003932517.gif (http://vb.3dlat.com/)
ايام عمري
05-10-2014, 01:18 PM
الحلقة 5
http://www.vb.fll2.com/storeimg/img_1352593330_508.gif (http://vb.fll2.com/hsb76523)
مراد يصعد نفس العمارة التى جاء اليها صباحا
متجها مباشرة لغرفة على سليمان دون السؤال
وجده امام غرفته يجلس مع اخر يدخنون الشيشة
اقترب منهم مراد
"سلامو عليكو... ازيك ياعم على"
رد احد الرجال عليه
"وعليكم السلام... الحمدلله...افندم"
مراد"مقدم مراد حسنين من المباحث
امتقع وجه الرجلان وقاما واقفان...انسحب الرجل الاخر بهدوء
وترك على فى مواجهه مراد
بادره على"الشيشة مفيهاش حاجة يا بيه ولو ع الشيشة ادغدغها"
وهم على ان يحطم الشيشة فعاجله مراد قائلا
"لالالا الموضوع مالوش علاقة بالمخدرات خالص"
بدأ على يلتقط انفاسه بعدما اطمئن قليلا...وسأل مراد
"خير؟؟"
"انا جاى ابلغك خبر وفاة بنتك...البقاء لله"
"بنتى!!!!!"
رد على بكل تعجب ودهشة... واكمل موضحا
"بنتى مين يا باشا... انا لاعمرى اتجوزت ولا خلفت
هم مراد ان يوضح مقصده...ولكنه عَدَل عن رأيه
ومد يده مصافحا على بابتسامة اصطنعها وبدت طبيعية
"انا اسف ... واضح ان فيه لَبس فى الموضوع وفيه تشابه اسماء"
غادر مراد السطح دون ان ينظر خلفه
فى حين وقف على مأخوذا مما حد
فمنذ لحظات كان يعتذر له احد الضباط ... لابد ان تكتب فى التاريخ ...
على سليمان الذى يخشى ان يمر بجوار قسم شرطة يصافحه
ويعتذر له ضابط مباحث
وقف مزهوا بنفسه...تقدم إليه جاره بخطوات بطيئة خائفة
سأله"ايه؟؟ كان عايزك فى ايه
جلس على وامسك الشيشة فى يده وسحب نفسا عميق
ا ونفث دخانه فى الهواء
"ابدا... تشابه اسماء واتأسف لى ومشى"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
هاجر تطرق الباب على مكتب زياد...تدخل
"استاذ زياد محدش بره... عايزنى فى حاجة؟"
"لا ياهاجر شكرا... اتفضلى انتى لو خلصتى شغلك"
"اه كله تمام... تصبح على خير"
"وانتى من اهله"
خرجت هاجر من المكتب ... عندما وصلت لمكتبها وجدت وليد فى انتظارها
"اهلا"
قالتها ببرود وذهبت لترتب بعض الملفات التى على مكتبها...اخذت حقيبتها
"انا ماشية... زياد جوه ...سلام"
اسرعت فى خطواتها بنفس سرعتها فى القاء كلماتها
تبعها وليد بخطوات واسعة كخطواتها
"انا جاى لك انتى مش لزياد
ابطئت خطواتها وهى تهبط الدرج ووليد خلفها
"والله؟؟ الحمدلله انى جيت على بالك"
"ايه ياهاجر طريقة الكلام دى... من امتى كنتى قماصة"
وصلوا للشارع...عندها سار وليد بجانبها وكل منهما ينظر امامه ولا ينظر للاخر
"مش قماصة يا وليد...بس بجد متضايقة من نفسى اوى"
"ليه؟"
"واضح انى ضغطت عليك لما قلت لك تعالى بسرعة لبابا..
.يمكن كنت بدأت تفكر وتصرف نظر عن الحكاية كلها ومكالمتى ليك ورطتك"
"بلاش هبل ياهاجر الله يخليكى انا مش ناقص"
التفتت له هاجر
"مش ناقص ايه؟؟ يعنى فيه حاجة انا مش عارفاها"
"مفيش..انا بس عايزك تستحملينى...لو بتحبينى استحملينى الفترة دى"
نبرة صوته كانت حزينة بالفعل...شعرت هاجر بالأسى لحزنه
"مالك يا وليد؟؟ مخبى عنى ايه؟"
"متشغليش بالك انتى...خير ان شاءالله"
"ازاى مشغلش بالى...لو منشغلتش بيك انت هنشغل بمين يعنى؟"
"مشكلة ف الشغل"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"مشكلة ايه؟؟ انت لا ماسك عهدة ولا حسابات ولا معاك ختم يخليك
خايف وقلقان كده... اتخانقت مع حد طيب؟؟؟"
"مفيش حاجة من دى"
"طب ايه؟"
"مفيش ياهاجر متضايق من الشغل وخلاص... مش الشوية الصغيرين
اللى هنكون مع بعض فيهم هنتكلم عن مشكلتى... انا مش
عايز افكر فى اللى قلقنى...ممكن؟"
ردت هاجر بقلة حيلة وهما يكملان طريقهما
"ماشى... اللى تشوفه"
مراد فى مكتبه... ينتظر ماجد
http://www.vb.fll2.com/storeimg/img_1352593330_508.gif (http://vb.fll2.com/hsb76523)
دخل ماجد بلهفة
"افندم سعادتك... بيان المكالمات جاهز...اتفضل"
تناوله مراد وقبل ان ينظر فيه
"عايزك تطلع ع النيابة تجيب لى اذن بالقبض على على سليمان"
"اه صحيح...ايه اللى حصل امبارح"
"روحت ولسه بقوله البقاء لله فى بنتك قالى انا لا عمرى اتجوزت ولا خلفت"
"وده معناه ايه"
"حاجة من 2... 90% برجح انه متبرى منها وممكن جدا يكون
هو القاتل بعد اللى عرفه عنها... و10 % انه يكون صادق"
"واللى هيحسم؟؟"
"DNA ...علشان كده بقول تطلع اذن من النيابة للتحفظ عليه
نتأكد بالتحليل ومن البصمات "
"تمام سعادتك يا باشا... شفت حضرتك بيان المكالمات قد ايه"
نظر مراد نظرة عابرة على الاوراق فى يده
"كل دى مكالمات؟؟ واحنا هنفحص كل دول امتى"
"ربنا يقويك يا فندم"
كانت عين مراد تبحث عن اسم صاحب المكالمة الذى سبَه واغلق الخط فى وجهه
http://www.vb.fll2.com/storeimg/img_1352593330_508.gif (http://vb.fll2.com/hsb76523)
ردد مندهشا
"جمال العشرى!!!!!"
توقف ماجد قبل ان يفتح الباب ويغادر
"بتقول حاجة يا فندم؟؟"
"اللى اتصل ساعة المعاينة جمال العشرى... مكالمات كتير
من جمال العشرى...واضح ان العلاقة منتهتش زى ما وضحوا
واللى اتغير مكان المقابلات بس"
"جمال العشرى اتصل بيها ساعة المعاينة...يعنى بعيد عن الشبهات ...
لو كان قتلها مكنش اتصل بيها بعد 24 ساعة من موتها"
"بص ياماجد... قضيتنا شكلها متشعبة ومش سهلة... ومفيش حد بعيد
عن الشبهات... بس العلاقة المستمرة بجمال العشرى تفتح لنا مشتبه
به جديد... وهى مراته...لو عرفت بعلاقة جوزها بسناء وربطنا ده
بالتهديد الاولانى يبقى مراته عندها دافع الانتقام"
"والمطلوب منى غير القبض على على سليمان؟؟"
"استدعاء جمال العشرى ومراته"
"علم وينفذ... بعد اذنك"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
وليد لم يهدأ باله بعد... الايام الماضية لم تطمئنه وان كانت جعلته
اهدأ قليلا واعطته شعورا بأنه لو كان متورطا بالفعل كان تم القبض عليه
فضوله لم يثنيه عن شراء جميع الجرائد الصباحية والمسائية لعله يقرأ
ما يقر عينه وهو القبض على القاتل الحقيقى
بحث ولم يجد اى خبر جديد عن الجريمة... لا عن تحقيقات ولا
عن القاء القبض على القاتل
ظل يفكر... كيف يمكنه ان يعرف اخبار سير التحقيقات؟
http://www.vb.fll2.com/storeimg/img_1352593330_508.gif (http://vb.fll2.com/hsb76523)
اثناء القبض على على سليمان... ظل يصرخ وهو ينفى وجود اى
مخدرات بحوزته وان ما يشاع عنه محض افتراء
لم يفصح ماجد عن سبب القبض عليه بل ظل صامتا حتى وصلوا لمكتب مراد
تعجب على من وجوده فى مكتب مراد الذى كان منذ ساعات يعتذر له
"خير يا باشا... مش حضرتك كنت عندى امبارح ...هو فيه ايه؟"
"مفيش ياعم على...عايزين نتأكد بس كلامك صح ولا كذب"
"كلام ايه"
"بنتك"
"يا باشا بنتى مين ومنين... انا طول عمرى عايش كده حر طليق لا
عمرى ربطت نفسى ببيت ولا بعيال... وبطاقتى اهى مكتوب فيها اعزب"
"والبنت اللى بطاقتها على اسمك وعنوانك..دى ازاى يعنى؟"
"اعرف منين انا بس"
"طيب افتكر كده يمكن من زمان كنت اتشاقيت شوية وخلفت وانت مش عارف"
"مبحبش الستات ... مزاجى مبيجيش عليهم"
"وده معقول يعنى؟"
"اهو تقول ايه ...لله فى خلقه شئون"
"ونعم بالله...انت بتشتغل ايه؟"
"عامل نظافة فى سوبر ماركت كبير"
"مواعيد شغلك ايه"
"من 4 العصر ل12 بالليل"
صمت مراد يفكر...
"امبارح انا كنت عندك الساعة 9ونص \ 10 تقريبا ومكنتش فى شغلك"
"امبارح راحتى الاسبوعية"
"واول امبارح"
"كنت ف شغلى"
"مخرجتش منه؟"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"مينفعش يا بيه...معندناش خروج وقت الشغل خالص"
"طيب... انت مشتبه فيك فى قتل بنتك"
"يا بيه معنديش بنات ولا صبيان... وايمانات المسلمين ما عندى عيال"
"هنتأكد بتحليل صغير اذا كانت القتيلة بنتك ولا لأ"
رد على بفزع
"تحليل ايه...تحليل لأ يا باشا"
رد مراد بحزم
"وانت خايف من ايه؟؟ لو هى مش بنتك هتخاف ليه"
وبتردد سأله على بصوت خفيض مرتعش
"أأأ أصل... التحليل ده... انا خايف يودينى ف داهية"
"ماتعترف انها بنتك وخلاص ... لو مقتلتهاش هتخاف من ايه"
"انا معرفهاش ومليش بنات ولا صبيان زى ماقلت ...انا خايف علشان يعنى....
بصراحة كده التحليل هيطلع فيه مخدرات"
صرخ فيه مراد
"انت عمال تصدعنى كل ده وتلف وتدور علشان المخدرات...
قلتلك القضية مالهاش علاقة بالمخدرات...هتعمل التحليل غصب عنك"
رد بخوف"حاضر ...حاضر"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
تم استدعاء جمال العشرى وزوجته للتحقيق
تركهم مراد فى الخارج متعمدا وطلب من ماجد ان يراقب
تصرفاتهم اثناء الانتظار
دخل ماجد مكتب مراد
"ايه يا ماجد؟؟"
"الاتنين قاعدين مبيتكلموش بس التوتر ظاهر عليهم...
النظرات بينهم مش طبيعية"
"مش طبيعية ازاى"
"يعنى زى مايكونوا متخانقين... مش طايقين بعض... بيحملوا بعض المسئولية"
"مسئولية ايه بالظبط"
ابتسم ماجد وهو يجيب
"انا معرفش ياباشا...انا بستنتج بس"
ضحك مراد
"معلش ياماجد الواحد تفكيره تعب من القضية دى... دايرة الاشتباه
بتوسع والبصمات كتير والواحد يلمها من ناحية تفتح من ناحية تانية"
"كان الله فى العون يا فندم"
"هو تقرير الطب الشرعى اتأخر ليه"
"بكرة بالكتير يكون خلص ان شاءالله ...انا متابع والله"
"ماشى يا ماجد... ابعتهوملى... ولا اقولك هات الراجل الاول...
وروح خد اللاب توب بتاعها للخبير واقعد معاه وشوف
يمكن تدلنا على اى حاجة"
"حاضر يا فندم...بعد اذنك"
خرج ماجد ودخل جمال العشرى
"صباح الخير"
"صباح النور"
شاور له مراد بالجلوس فجل
"خير...ممكن اعرف انا مطلوب فى ايه"
"مش انا قلتلك لما اتصلت ان سناء اتقتلت"
ارتبك جمال بعد ان كان محافظا على هدوءه
"انا... يعنى... طيب ايه علاقتى بالموضوع ده"
"انت الاول مدين ليا باعتذار ع الشتيمة"
"انا اسف...انا مكنتش اعرف مين اللى بيرد"
"ماشى...ايه علاقتك بسناء"
"تقصد ساندى"
"الاتنين عندى واحد"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"اتعرفنا على بعض من سنة ونص تقريبا... عجبتنى ودخلت دماغى...
مش عارف حبيتها ولا اتعودت عليها"
"اتعرفت عليها ازاى"
"كنت سهران فى مكان مع ناس اصحابى... جت سلمت على واحد فيهم
وعزم عليها تقعد معانا شوية ...يومها هى حست باعجابى بيها وانا
ماشى كتبتلى رقم تليفونها وتانى يوم اتصلت بيها وبقينا نتقابل من يومها"
"وانت عارف هى بتشتغل ايه؟"
صمت لحظات ورد
"اه...بس هى بطلت لما كانت معايا"
"ليه متجوزتهاش"
"مينفعش اتجوز واحدة سمعتها كده ولا اتجوز على مراتى من اساسه
وانا رجل اعمال كبير سمعتى تتأثر... انا فعلا زعلان اوى عليها ونفسى
تعرفوا مين اللى عمل كده"
"كمل بقية معرفتك بيها"
"لما اتعرفنا على بعض... كنا بنتقابل تيارى كده ومكنتش حابب ده
فاخدت لها شقة ف عمارتى واتكفلت بكل مصاريفها وقعدتها من
الشغل وفضلنا كده حوالى سنة"
"لحد مراتك ماعرفت"
"بالظبط...راحت عملت فضيحة فى العمارة وطبعا طردت ساندى قدامها
وقطعت علاقتى بيها"
"والحقيقة؟؟"
"الحقيقة اننا خلينا مقابلاتنا محسوبة شوية...يعنى بطلت اروحلها خالص ..
.هى بطلت تتصل بيا غير لما اتصل انا بيها"
"وكنت بتتكفل بيها برضه"
"عمرى ما بخلت عليها بفلوس...انا كنت بدفع لها فلوس الشقة ومصروف شهرى"
"عرفت ان مراتك هددتها"
"ايوه...بس اى واحدة ف مكانها هتقول كلمتين غضب يعنى ده مش
دليل على انها قتلتها"
"هنشوف... انت كنت فين يوم الحادثة"
"انا كنت مسافر ايطاليا ورجعت اول امبارح على شرم الشيخ وكنا هنقعد
3 ايام هناك... كانت المفروض طيارتها هتوصل 7 بالليل... لما اتأخرت اتصلت
بيها اشوف مجتش ليه ...ساعة مارديت عليا وقلتلى انها اتقتلت"
"وانت وصلت من ايطاليا امتى"
"فى نفس اليوم الساعة 12 الضهر"
"طيب ياجمال بيه...ياريت لو افتكرت اى حاجة جديدة تعرفنا بيها...متشكر"
ضرب مراد الجرس للعسكرى.... واستدعى زوجة جمال
http://www.vb.fll2.com/storeimg/img_1352593330_508.gif (http://vb.fll2.com/hsb76523)
وليد وهو عائد من عمله...وجد محل هانى مفتوح
دخل... كان المكان خاليا تماما سوى من هانى
"وليد...ايه الاخبار"
"مفيش اى جديد ياهانى...هتجنن عايز اعرف ايه اللى حصل"
"انت مالك ياعم... الحمدلله فات 3 ايام اهو ومحدش جه جنبك"
"انا برضه مش عارف...يعنى لقوا القاتل ولا ايه اللى حصل"
"انت مالك...اكفى ع الخبر ماجور وكأنه محصلش وعيش حياتك طبيعى"
"مش عارف ارتاح...خايف...حاسس ان ف اى لحظة ممكن رجلى تيجى ف القضية دى"
"انت مش برئ؟!"
"برئ طبعا"
"خلاص ... فكك بقى
"انا بفكر اروح هناك واطقس على الاخبار من بعيد"
ايام عمري
05-11-2014, 01:35 PM
الحلقة 6
http://www.vb.fll2.com/storeimg/img_1352595172_479.gif
وليد وهو عائد من عمله...وجد محل هانى مفتوحا
دخل... كان المكان خاليا تماما سوى من هانى
"وليد...ايه الاخبار"
"مفيش اى جديد ياهانى...هتجنن عايز اعرف ايه اللى حصل"
"انت مالك ياعم... الحمدلله فات 3 ايام اهو ومحدش جه جنبك"
"انا برضه مش عارف...يعنى لقوا القاتل ولا ايه اللى حصل"
"انت مالك...اكفى ع الخبر ماجور وكأنه محصلش وعيش حياتك طبيعى"
"مش عارف ارتاح...خايف...حاسس ان ف اى لحظة ممكن رجلى تيجى ف القضية دى"
"انت مش برئ؟!"
"برئ طبعا"
"خلاص ... فكك بقى"
http://www.vb.fll2.com/storeimg/img_1352595172_479.gif
"انا بفكر اروح هناك واطقس على الاخبار من بعيد"
صرخ فيه هانى
"انت حمار؟؟!!"
"ليه يعنى...هو انا هروح اقولهم انا كنت موجود انا قصدى
اروح اسأل فى المنطقة من بعيد"
"تبقى اتجنيت رسمى... انت منتعرفش انهم بيقولوا المجرم
بيرجع مكان جريمته تانى...لو روحت والست اللى شافتك دى
شافتك تانى يبقى انت لبستها رسمى"
نظر له وليد ...وبتردد
"طيب ماتروح انت"
"نعم؟؟!! وانا مالى ياخويا...وليد...انسى الموضوع ده وخليك طبيعى...
لو كانوا لسه ممسكوش القاتل كان زمانهم وصلوا لك"
"انت شايف كده"
"مفيش قدامك الا كده"
http://www.vb.fll2.com/storeimg/img_1352595172_479.gif
دخلت السيدة امينة المتولى زوجة جمال العشرى مكتب مراد
سيدة فى الاربعينيات انيقة جميلة تبدو من طبقة ثرية
بنظرة سريعة من مراد ادرك انها تبدو شخصية معتزة بنفسها
حين قدمت نفسها باسمها الثلاثى ليدرك مراد انها بالفعل ابن
ة عائلة معروفة بأعمالها وشركاتها ومصانعها
"اتفضلى"
جلست وسألته بهدوء
"حضرتك طلبتنى ليه؟؟خير؟؟"
"للتحقيق فى قتل سناء سليمان الشهيرة بساندى"
"وانا ايه علاقتى"
"جوزك"
"لو هو على علاقة بيها اسألوه لوحده مش تسألونى انا"
"الكلام ده لو كنتى بره الشبهات"
"نعم!! شبهات ايه "
وضحكت بصوت هادئ ضحكة قصيرة ثم سألته
"انت متخي انى ممكن اقتلها؟"
"مش ده كلامك؟"
"محصلش"
"عندنا شهود على تهديدك ليها من حوالى 3 شهور"
"ده كان كلام وخلاص"
"فيه سؤال بيلح عليا بعد ما شفتك"
"اتفضل اسأل"
"واحدة زيك فى مكانتك الاجتماعية وواضح انك تربية هاى كلاس ومثقفة ..
. تروح تعمل فضيحة لعشيقة جوزها زى لامؤاخذة يعنى الستات الجَهلة"
"مشاعر الست مفيهاش تربية هاى كلاس او لوو كلاس...مفيهاش فرق
بين متعلمة وجاهلة...الزوجة هى الزوجة وخصوصا لو بتحب جوزها"
"طيب ليه محلتيش الحكاية بينكم وبين بعض"
"جربت وفشلت...وانا عارفة ان جمال بيخاف على سمعته وسمعت
بناته فاضطريت انى اضغط عليه انه يسيبها"
"وسابها؟"
http://www.vb.fll2.com/storeimg/img_1352595172_479.gif
"لو كان سابها من ساعتها مكنش زماننا موجودين هنا"
"شكلك مش متفاجئة؟"
"متفاجئة او لأ معتقدش هتفرق معاك فى حاجة...انت جايبنى تحقق
معايا فى جريمة ماليش علاقة بيها... لو عندك اى حاجة تديننى تقدر
تقولى عليها واكلم المحامى بتاعى علشان يحضر معايا التحقيق"
لم يجد مراد ما يرد به عليها... ثقتها الزائدة بنفسها اثارت
شكوكه اكثر...سألها مباشرة
"كنتى فين يوم الاحد ما بين الساعة 9 و11 بالليل"
"انا كل يوم بالليل فى النادى لحد الساعة 1... وطبعا عندى شهود
بيشوفونى يوميا لو تحب تسأل"
ابتسم مراد ابتسامة مصطنعة
"مفيش داعى... تقدرى تتفضلى بس ياريت متسافريش اى مكان
بره مصر من غير ابلاغنا"
ردت قبل ان تغادر
"اوك... بعد اذنك"
http://www.vb.fll2.com/storeimg/img_1352595172_479.gif
دخل ماجد مكتب مراد باللاب توب الخاص بساندى
مراد"ايه الاخبار"
"كلام كتير مع ناس كتير اغلبه بيبدأ بالرسايل وينتهى
بانهم يكملوا بالصوت والصورة"
"يعنى مستفادتش منه حاجة"
"الاستفادة الوحيدة انى اتأكدت ان القضية دى هتهد حيلنا مع الناس
الكتير اللى لازم يدخلوا دايرة الاشتباه"
هز مراد رأسه
"ده اكيد"
"اخبار التحقيق مع جمال العشرى ومراته ايه؟"
"جمال العشرى معندوش دافع ولا كان متواجد فى مصر...انما مراته بقى"
"هااا"
"مرتبة نفسها كويس اوى وبترد ع السؤال قبل ما اجاوبه ومحضرة حجة غياب"
"ماهو طبيعى انها مش هتقتل بايدها"
"بالظبط بس لو مسكنا القاتل واعترف بتحريضها هيبقى دليل اثبات عليها...
علشان كده هنستدعى الست اللى شافت القاتل... عايزها من الصبح بدرى عندى"
"امرك يا باشا"
http://www.vb.fll2.com/storeimg/img_1352595172_479.gif
سمعا طرقات على الباب...اعقبها دخول عسكرى
"تقرير الطب الشرعى فى جريمة قتل مدينة نصر يا باشا"
تناوله مراد بلهفة...ما ان قرأه حتى وضعه امامه على المكتب
ماجد"فيه جديد؟"
مراد"لا.. سبب الوفاة جرح قطعى فى الرقبة بآلة حادة ومفيش
اى اعتداء بدنى ولا جنسى"
ماجد"للدرجة دى محاولتش حتى تقاوم"
مراد"يمكن اللى قتلها خبرة...من ضربة واحدة خلص على طول"
ماجد"ده يخلينا نرجح احتمال مرات جمال العشرى...طيب وعلى اللى فى الحجز ده"
مراد"بالنسبة لعلى سواء ابوها او مش ابوها...بصماته وحجة غيابه
تبعده عن الشبهات...بس لو ابوها يستلم الجثة ونخلص انما لو
مطلعش ابوها يبقى بتتفتح لنا سكة جديدة وهى ليه على اسمه
وعنوانه وفين اهلها الحقيقيين"
ماجد"هى قضية باينة من اولها"
http://www.vb.fll2.com/storeimg/img_1352595172_479.gif
طول اليوم ووليد يفكر فى كلام هانى... هانى مُحق فعلا
من الاكيد انه تم القبض على القاتل الحقيقى والا كان تم القبض على
وليد ان وجد اى دليل ضده
فكر كثيرا حتى استراح لتلك النتيجة
شعر ان الايام الماضية كانت كابوس ثقيل صنعه خوفه ووهمه
خرج من حجرته...حلق ذقنه... انتقى ملابسه بعناية وذهب لهاجر
http://www.vb.fll2.com/storeimg/img_1352595172_479.gif
هاجر جالسة على مكتبها...المكتب خالى
وكعادتها اثناء خلو المكتب تضع سماعات الموبايل فى اذنيها وتستمع لبعض الاغانى
فوجئت بدخول وليد حليق الذقن ومهندم والابتسامة على شفتيه
تعجبت من تبدل حاله
اقترب منها وهو يصافحها
"وحشتينى"
"سبحان مغير الاحوال"
جلس قبالتها وهو يأخذ السماعات يضعها على اذنه من بعيد
"كنتى بتفكرى فيا وبتسمعى ايه"
"الراجل ده هيجننى"
ترك السماعات بعد ان سمع ماكانت تسمع
"انتى هتنصبى...محمد منير اللى بيغنى"
"ماهو انا لما شفت حالك المشقلب ده وفكرت فيك كان لازم اسمع الراجل ده هيجننى"
"هو زياد مش هنا ولا ايه؟"
"لا مش هنا...راح القسم"
"طيب ما تقومى نخرج شوية"
"مينفعش... فهمنى بس مشكلة شغلك اتحلت الحمدلله"
"الحمدلله"
"بسرعة كده...وبسرعة كده حالك اتبدل"
"انا كنت مكبر الموضوع وطلع بسيط...متفكرنيش بقى"
قالت وهى تضحك
"حمدالله ع السلااااااااامة ... وليد اللى اعرفه وحشنى والله"
http://www.vb.fll2.com/storeimg/img_1352595172_479.gif
فى صباح اليوم التالى...دخل ماجد لمراد مكتبه
"صباح الخير ياباشا"
"صباح النور"
"الشاهدة بره...وعندى خبر كده"
"خير؟"
"بصمات على سليمان مش متطابقة مع اى بصمات فى مسرح الجريمة
وفعلا مسابش شغله يوم الحادثة"
صمت مراد يفكر وهو يفرك جبينه وكأنه يعتصر افكاره
ماجد منتظر تعليق من مراد على ما قاله
مراد"هات الشاهدة لما نقولها عايزين منها ايه بالظبط"
http://www.vb.fll2.com/storeimg/img_1352595172_479.gif
منيرة جالسة فى مكتب مراد
"معلش يامدام هنتعبك معانا شوية"
"خير؟"
"كنتى قلتى انك شفتك القاتل واحنا شاكين انه متأجر للقتل...
علشان كده ماجد بيه هياخدك ويعرض عليكى صور المسجلين.
..معلش احنا ممكن نطول شوية وهنعرض عليكى صور كتير بس انتى
كده بتساعدينا لتحقيق العدالة"
"تحت امركم...انا كده كده فاضية وان شاءالله نلاقيه"
ماجد"اتفضلى معايا"
http://www.vb.fll2.com/storeimg/img_1352595172_479.gif
فى نهاية اليوم... مراد فى مكتبه وامامه عدة اوراق
يتصل بماجد ويستدعيه...بعد ساعة يأتيه ماجد
"مساء الخير يا باشا"
"مساءالنور...ايه الاخبار؟"
"الست قعدت طول اليوم تدور معايا وموصلناش لحاجة"
"خلصت كل اللى عندك"
"لا طبعا...قلتلها تيجى تانى بكرة"
"بص يا ماجد... انا قريت كل التحريات اللى عملتها على المتصلين بالقتيلة
فى الفترة الاخيرة بس كلها تحريات مش كافية"
"يا مراد باشا التحريات مبدئية والوقت ضيق والناس كتير جدا"
"طيب انا عملت قوايم باسماء الناس اللى هنستدعيها ...
فيه ناس متصلة بيها فى يوم الحادثة ودول مش كتير ...اه...
عايز جارتها تكون موجودة برضه اثناء التحقيق ده يمكن تتعرف ع القاتل...
قولى زهقتك؟؟ اكيد ضايقتك علشان قعدت وقت طويل ولسه هنجيبها تانى"
"بالعكس دى متعاونة جدا ومتحمسة...واضح انها عندها وقت فراغ كبير
فمساعدتها لينا مفرحاها"
"جميل اوى...يالا من بكرة تبعت الاستدعاءات ويكونوا عندى بعد بكرة..
.حاول موضوع عرض صور المسجلين ده تخلص منه بكرة بأى طريقة
عليها عايزها هنا"
قاطعهم صوت طرقات على الباب
دخل العسكرى مهرولا
"ألحق يا باشا...الراجل اللى اسمه على سليمان ده واقع فى الحجز قاطع النَفَس"
http://www.vb.fll2.com/storeimg/img_1352595172_479.gif
وليد وهاجر فى احد المطاعم...يتناولان الغداء
تبدو السعادة عليهما...تنظر هاجر فى ساعتها
"ايه بتبصى فى الساعة ليه؟"
"خايفة نتأخر"
"يابنتى انا مستأذن من باباكى وقلت له هنتغدا وارجعك على طول"
"ايوه بس هو قالى متأخرش وانا مش عايزة ازعلُه "
"مش هنتأخر... تصدقى باباكى طلع طيب غير ما كنت فاكر"
"بابا حنين وطيب وبيحب يفرحنى بس هو عنيد اوى وميحبش اللى
ميسمعش كلامه او يعمل حاجة من وراه...ودى كانت المشكلة
ان هو كان فاكر علشان بحبك يبقى كنت رايحة جاية معاك من وراه"
رد وليد وهو يتذكر حالته ويأسه فى تلك الفترة
"ايام ربنا ما يعيدها"
رن تليفون وليد... نظر فيه وجد اسم هانى...رد
"الو...ازيك ياهانى"
"وليد انت فين؟"
"انا مع خطيبتى ...خير"
"لو هى جنبك قوم علشان تعرف ترد عليا"
توجس وليد من نبرة قلق هانى... استأذن قليلا من هاجر وذهب لخارج المطعم
"ايه ياهانى.. فى ايه"
"انا شفت عسكرى طالع العمارة عندكم...الفار لعب ف عبى قمت طلعت
للحاجة وعملت انى بسأل عليك وسألتها كان فيه عسكرى فى العمارة لمين.
..قالت ان جايلك استدعاء من المباحث"
ارتبك وليد واختنق صوته وبصعوبة رد على هانى
"يبقى ملقوش القاتل ياهانى... رِجلى جت خلاص"
"اجمد بس...انا قلت اقولك علشان تبقى عارف"
"والعمل...اتصرف ازاى"
"مش عارف يا وليد والله... روح واعمل نفسك متعرفش حاجة"
"ورقمى والست اللى شافتنى؟؟ انا كنت عارف انى لابسها لابسها"
"ياعم انت معملتش حاجة...طيب ما تقولهم الحقيقة وخلاص"
"ياسلاااااااام... انت مسمعتش عن التعذيب اللى بيحصل والاعترافات
اللى بتكون تحت الضغط"
"هتعمل ايه طيب"
http://www.vb.fll2.com/storeimg/img_1352595172_479.gif
"مفيش الا انى اهرب...انا مش بتاع بهدلة "
"والهرب مش بهدلة... وهتهرب تروح فين"
"معنديش حل تانى ياهانى... هروح لاختى فى البلد"
"وامك...وخطيبتك هتقولهم ايه؟؟"
نظر وليد لداخل المطعم...وجد هاجر تنظر اليه عبر الزجاج بقلق
"هقولهم اى حاجة ياهانى... هخاف ارجع البيت يكونوا مستنيينى"
"طيب يا وليد... بقولك ايه هات تليفون تانى وخط وابقى كلمنى منه
اقولك الاخبار...احتياطى برضه"
"ماشى... متقولش حاجة لحد"
"طبعا من غير ماتقول...سلام"
انهى وليد المكالمة... وعاد لهاجر
هاجر كانت تتابع ردود فعل وليد اثناء المكالمة
احتارت فى ردود افعاله الغريبة وارتباكه
عندما عاد اليها
"لو خلصتى يالا بينا"
"فى ايه.. ايه المكالمة دى اللى قلبتك كده"
"اختى عايزانى فى مشكلة ياهاجر ولازم اسافر لها حالا"
"اختك!! انت مش قلت هانى "
"ايوه هانى اللى كلمنى اصل اختى كلمتنى على تليفون السايبر"
"ليه مش على تليفون البيت ولا الموبايل"
"علشان مش عايزة ماما تعرف...بطلى اسئلة بقى ياهاجر انا مش ناقص"
"مالها اختك طيب"
http://www.vb.fll2.com/storeimg/img_1352595172_479.gif
"لما اروح لها هعرف... واوعى تقولى لماما حاجة"
"انت مش طبيعى يا وليد ...بتلاوعنى"
رد عليها بعصبية
"مش وقته ياهاجر.... هتقومى ولا اسيبك وامشى"
ايام عمري
05-12-2014, 01:00 PM
الحلقة 7
http://www.qzal.net/01/2013-01/13637991195.gif (http://www.7lwthom.com/vb/t2937/)
هاجر كانت تتابع ردود فعل وليد اثناء المكالمة
احتارت فى ردود افعاله الغريبة وارتباكه
عندما عاد اليها
"لو خلصتى يالا بينا"
"فى ايه.. ايه المكالمة دى اللى قلبتك كده"
"اختى عايزانى فى مشكلة ياهاجر ولازم اسافر لها حالا"
"اختك!! انت مش قلت هانى "
"ايوه هانى اللى كلمنى اصل اختى كلمتنى على تليفون السايبر"
"ليه مش على تليفون البيت ولا الموبايل"
"علشان مش عايزة ماما تعرف..بطلى اسئلة بقى ياهاجر انا مش ناقص"
"مالها اختك طيب"
"لما اروح لها هعرف... واوعى تقولى لماما حاجة"
"انت مش طبيعى يا وليد ...بتلاوعنى"
رد عليها بعصبية
"مش وقته ياهاجر.... هتقومى ولا اسيبك وامشى"
تعجبت هاجر من اسلوب وليد....لم يكن بضيق بها من قبل
ماذا حدث له منذ ان خُطبا؟؟!!
http://www.qzal.net/01/2013-01/13637991195.gif (http://www.7lwthom.com/vb/t2937/)
خشيت ان يلاحظ رواد المكان مايدور بينهما
نهضت وتبعته فى استسلام بعد ان دفع قيمة الغداء اثناء خروجه
ولاحظت انه لم ينتظر ان يأتيه احد بالحساب
اثناء ركوبهما فى التاكسى
كانا متجاوران فى المقعد الخلفى
كل منهما يدور بداخله حديث يشغله عن الاخر
وليد"خلاص يا وليد... عرفوا انك كنت هناك...لو كنت شفت القاتل كنت
برأت نفسى وحكيت اللى حصل ... انما كده مين هيصدقنى...
مفيش مفر من الهرب...بس لحد امتى... مش عارف... يمكن لحد م
ا يلاقوا القاتل الحقيقى... ايوه ...اكيد هيلاقوه...بدل مش انا يبقى فيه
قاتل حقيقى ولازم يوصلوا له...هيوصلوا له ازاى... مش عارف... مش شغلتى..
. خلينى ف نفسى... مش لازم حد يحس بيا هناك...بس ازاى والبلد
مبيستخباش فيها سر ابدا...واستخبى ليه هما فى البلد يعرفوا منين انى
هربان...انا اروح واعيش عادى...ايوه اروح واعيش هناك عادى محدش هياخد باله"
اما حديث هاجر الصامت فكان حديث من نوع آخر
"وليد مخبى عليا حاجة...ايه اللى مخبيه عليا ومش عايزنى اعرفه ...
حب حد تانى...واحدة تانية شاغلاه عنى؟؟ وايه حكاية السفر المفاجئ دى...
كل ده وبيزعقلى ويقولى اسيبك ولا امشى... انا غلطانة ..
.مكنش المفروض امشى معاه كده ...على الاقل كنت سبته انا ومشيت...
واضح ان كل اللى كنت بسمعه صح... كل الرجالة زى بعض ..
.يتمسكن لحد ما يتمكن... وليد الحنين الطيب اللى بيحبنى وعمره مازعلنى
بعد ما اتأكد انى بقيت ليه اتغير واتقلب عليا...انا غلطانة وانا اللى استاهل
انى سكت له لما زعق"
واختلست نظرة له بجوارها...رأته ينظر للخارج بشرود
اعادت نظرها للجهة الاخرى بقلب حزين وعيون دامعة
http://www.qzal.net/01/2013-01/13637991195.gif (http://www.7lwthom.com/vb/t2937/)
فور عِلم مراد بأن على سليمان "قاطع النفس"
لم يستطع ما يقصده العسكرى... فذهب مسرعا وماجد يتبعه للحجز
عندها وجد على سليمان ممددا على الارض وحوله مجموعة من زملاؤه
منهم من يحاول افاقته ومنهم من يشاهد فقط
صرخ فيهم مراد
"ايه اللى حصل...حد ضربه؟"
سمع همهمات كثيرة من الموجودين مفادها ان الكل ينكر
اردف احدهم
"يا باشا هو من امبارح تعبان وبيتوجع وطول الليل بيصُب عرق وجسمه
كله بيوجعه وفجأة كده وقع ...بس لسه فيه النفس"
وجه مراد اوامره لاحد العساكر
"اطلب الاسعاف فورا"
http://www.qzal.net/01/2013-01/13637991195.gif (http://www.7lwthom.com/vb/t2937/)
عندما وصل وليد وهاجر بالتاكسى تحت منزلها
نزلا...لم يتبادلا الحديث للحظات
تركته هاجر متجهه لمدخل العمارة
لحقها... وقف قبالتها
"انتى زعلانة منى؟"
"انت شايف ايه؟"
"ياهاجر علشان خاطرى متزوديش همى"
"شاركنى همك وهو يخف حِمله...طول ما انت شايله لوحدك هيفضل تقيل عليك"
"معلش ...متزعليش منى"
"ماشى... انت هتروح البيت وبعدين تسافر"
"احتمال ملحقش اروح البيت"
"للدرجة دى؟؟"
"يدوب ألحق اسافر...هاجر...اوعى تقولى لماما حاجة"
"يعنى هتسافر من غير ما اقولها"
"هقولها انى مسافر بس مش هقول فين... مش عايزها تقلق على
بنتها وهى صاحبة عَيا"
"انت ادرى...حاضر مش هقول حاجة"
اقترب منها وامسك بيدها وقبلها
"انا بحبك اوى... اشوف وشك بخير"
انسحب مهرولا فى ثوان معدودة قبل ان تستطع هاجر ان تستوعب اضطراب
مشاعرها واحساسها بالانقباض
http://www.qzal.net/01/2013-01/13637991195.gif (http://www.7lwthom.com/vb/t2937/)
وصل وليد منزل اخته... بعدما اتصل بوالدته واخبرها انه اضطر لسفر مفاجئ
فى مأمورية عاجلة
ورغم انها المرة الاولى لم تُكذبه والدته وصدقته ودعت له بالعودة سالما
اقتربت وجيدة من شقيقها وليد وهى تقدم له الشاى
"ماما مجتش معاك ليه...دى واحشانى اوى"
"ماما متعرفش انى هنا واوعى تقوليلها"
وبقلق سألته
"ليه؟"
"مفيش حاجة بس كانت هتبقى عايزة تيجى معايا وانا جاى هنا اقعد
كام يوم لوحدى"
"ولوحدك ليه؟"
"محتاج اقعد لوحدى ياوجيدة "
"انت فيه مشكلة بينك وبين ماما"
"لا ابدا بس انا قريت فاتحة من كام يوم"
وقاطعته
"بجد...الف مبروك...كده متقوليش"
"دى قراية فاتحة بس...لسه لا شبكت ولا لبست دبل حتى"
"كنت هزعل اوى لو كنت عملت حاجة من ورايا"
"وانا اقدر...هاتى مفتاح البيت علشان عايز اروح انام...هو البيت نضيف ولا عايز يتنضف"
"نضيف زى الفل بروح انضفه دايما"
"طيب هاتى المفتاح بسرعة لتعبان اوى"
ذهبت وجيدة لتحضر مفتاح بيت والدتهما
ارتاح وليد لانه استطاع ان يُلهى شقيقته ويُغير مجرى الحديث بعيدا
عن الاسئلة المتلاحقة
http://www.qzal.net/01/2013-01/13637991195.gif (http://www.7lwthom.com/vb/t2937/)
ماجد يجلس بانهاك فى مكتب مراد
"ايه ياماجد ..مفيش اخبار برضه"
"خلاااااااااص...ولا واحد من المسجلين... والبصمات اللى موجودة فى الشقة
مش متطابقة برضه مع المسجلين"
"وبعدين"
"وبعدين نفسى يا باشا اروح انام 8 ساعات متواصلين "
"تنام 8 ساعات بحالهم وفيه قضية لسه متقفلتش"
"انا قلت نفسى بس...بحلم يعنى"
"المهم...الست هتيجى بكرة تحضر التحقيق ولا تعبت زيك كده"
"لا متعبتش وقالت هتيجى من الساعة 9"
"طيب كويس... انت تخليها تقعد بره وانت خليك فى مكتبك...لو شافت القاتل
اكد عليها متعملش اى رد فعل وتجيلك مكتبك تقولك بس وانت تكلمنى"
"حاضر... الا صحيح...على سليمان مفيش اخبار عنه"
"كان هيجر علينا مشاكل..كان فيه صحفى وشاف الاسعاف قدام القسم
كان هيدخلنا فى موال تعذيب الاقسام والتخريف ده"
"وبعدين؟"
"قلت له روح معاه المستشفى ولو لقيت تعذيب ابقى انشر"
"وراح"
"اه ولما اتأكد ان مفيش تعذيب اتصل بيا واعتذر وطلب معلومات عن القضية
علشان ينشرها قلت له كام معلومة بسيطة كده وخلاص وقال انه هيتابع
معانا القضية... المهم كلمت الدكتور من شوية عرفت ان على جاله اغماءة
من الالم... علشان من ساعة ما اتحجز وهو مبياخدش مخدرات ومع سنه
الكبير مستحملش"
"يالا نبقى كسبنا فيه ثواب وعالجناه"
"ياريتها بالسهولة دى...ماعلينا..روح نام ياحضرة الظابط وتبقى على مكتبك قبل 9"
"تمام يا افندم"
http://www.qzal.net/01/2013-01/13637991195.gif (http://www.7lwthom.com/vb/t2937/)
على مدى 3 ايام متواصلة تم التحقيق مع كل من تم استدعاؤه للاشتباه به
كانت منيرة تلتزم بما يقال لها رغم انها بدأت فى اليوم قبل الاخير تُجهد
من وجودها بالساعات لمجرد النظر فى الوجوه
رغم اجهادها لم تعترض ولم تعتذر عن وجودها واكملت مهمتها بصب
بعد انصراف اخر مشتبه به...استدعاها مراد
"انا عارف اننا تعبناكى معانا..متعرفتيش على اى حد من اللى جم؟"
"لا... ولا واحد منهم"
"انتى متأكدة؟؟"
"ايوه"
"يمكن تكونى يومها مركزتيش اوى"
"السلم عندنا بيكون دايما منور اوى وانا كبيرة اه بس نظرى كويس الحمدلله...
وبعدين اللى نزل كان نازل بسرعة وخبطنى لما خبطنى وصرخت رجع
بص لى فشكله اتحفر ف ذاكرتى"
نظر مراد لماجد
"ماجد... احنا عندنا كام واحد مجوش الاستدعا"
"4... منهم 2 اهلهم قالوا انهم مسافرين ومش فى القاهرة"
مراد"طيب انا عايز الصبح صور ال4 دول بأى طريقة وتروح للمدام البيت
يمكن تتعرف على حد فيهم"
ووجه مراد كلامه لمنيرة
"احنا مش هنتعبك اكتر من كده...ماجد هيجيلك بكرة بالصور ...يمكن تكون
حل القضية فى واحد من ال4 دول"
منيرة"ان شاءالله...هستأذن انا"
مراد "اتفضلى"
http://www.qzal.net/01/2013-01/13637991195.gif (http://www.7lwthom.com/vb/t2937/)
هاجر على مكتبها ...تسمع اخر موكل موجود فى مكتب زياد وهو يغادر
المكتب ويحضر اليها
"لو سمحتى هتبقى موجودة بكرة الصبح؟"
"لا بفتح الساعة 7"
"يعنى الورق اللى عايز اجيبه للضم للقضية مينفعش الصبح ؟"
"لا حضرتك اى وقت بعد 7 ان شاءالله"
"خلاص متشكر اوى"
"العفو"
خرج الموكل من المكتب...وظلت هاجر جالسة مكانها
اجرت اتصالا بدون رد...بعدها حسمت تفكيرها وذهبت لمكتب زياد
زياد فى مكتبه يقرأ احدى القضايا...وجد هاجر امامه
"فى حد تانى بره؟"
جلست هاجر امامه وردت بآلية
"لأ"
"مالك؟"
"ممكن لو تعرف حاجة ومخبيها عليا تقولى الحقيقة ومش هزعل"
اغلق زياد اوراق القضية التى بين يديه ورد باهتمام
"حاجة زى ايه؟"
"وليد"
"ماله؟؟"
"متغير معايا اوى من يوم ما اتخطبنا...وسافر من 3 ايام وتليفونه مقفول ومبيتصلش بيا"
"تصدقى انا فاكر انه اخد جنب منى علشان كده مبيجيش"
"وهياخد جنب منك ليه"
"ما انا كنت ناوى اروح له واسأله"
"يعنى بجد متعرفش حاجة"
"لا والله ما اعرف اى حاجة الا منك دلوقتى"
"تفتكر وليد خطبنى غصب عنه"[/URL]
[URL="http://www.7lwthom.com/vb/t2937/"]http://www.qzal.net/01/2013-01/13637991195.gif (http://www.7lwthom.com/vb/t2937/)
ضحك زياد
"غصب عنه ازاى يا هاجر... انتى مشفتيش حالته لما كان باباكى رافض كانت عاملة ازاى"
"طيب افسر تغييره ده بإيه"
"انتى قلتى مسافر فين؟"
"بيقول لاخته وقالى مقولش حاجة لمامته خالص"
صمت زياد متعجبا... هم ان يظهر تعجبه
ولكنه فضل الصمت حتى يفهم
"انتى قلقتينى... انتى قلتى مسافر وقلتى تليفون مقفول من 3 ايام..
.ليكون حصل له حاجة"
"هو كلمنى لما وصل البلد وقال انه راح البيت خلاص...كلمنى من تليفون
ارضى وقالى متقلقيش عليا لو اتأخرت"
"وده معناه ايه؟"
"ما انا لو فاهمة مكنتش جيتلك اسألك"
"مش عارف اقولك ايه ياهاجر...نستنى لما يرجع ونفهم"
http://www.qzal.net/01/2013-01/13637991195.gif (http://www.7lwthom.com/vb/t2937/)
ماجد يدخل مكتب مراد باندفاع وسعادة
"مراد باشا...اخيراااااااااا"
"ايه ياماجد؟؟ اتعرفت على القاتل؟"
"اخيرا القضية اتحلت"
ومد يديه بصورة وليد على مكتب مراد
"وليد عبد المجيد... اتعرفت عليه الشاهدة"
"ومستنى ايه... اقبض عليه فورا"
"طبعا...ساعات وهيكون بين ايدينا"
"تمام ياماجد... خد المفاجأة دى بقى"
"خير"
"ابوها مطلعش ابوها"
"نتيجة ال DNA جت؟"
"اه... على سليمان مش ابو سناء"
"نعم!!!!!"
http://www.qzal.net/01/2013-01/13637991195.gif (http://www.7lwthom.com/vb/t2937/)
هاجر فى منزلها..جالسة على الغداء مع والديها
الاب"مالك ياهاجر ...بقالك كام يوم متغيرة"
الام"شكلها فيه مشكلة مع خطيبها ومش راضية تقول"
هاجر"ولا مشكلة ولا حاجة ياماما"
الام"ليه وانا مش عارفاكى"
الاب"قوليلى ياهاجر فى ايه
وحكت هاجر عن قلقها والتغير المفاجئ الذى انتاب وليد وشكها انه
اضطر لخطوبتها رغما عنه لاسباب تجهلها
وسفره المفاجئ والكلام المتضارب وقت تلقيه الاتصال
الاب"ماهو انتى مش رِمية علشان يعمل كده"
الام"حاجة غريبة فعلا"
هاجر"انا بقول اسأل على مامته عادى واسألها ماله"
الاب بعد تفكير
"لا انا رأيي تروحوا تزوروها ... وانتى يا ام هاجر تحاولى تفهمى منها الحكاية
ايه بالظبط..يمكن يكون اخته عندها مشكلة فعلا ومش عايز يقول بس
لما الستات بيتكلموا مع بعض بيحكوا ومبيخبوش"
الام"صح معاك حق...اتصلى بيها ياهاجر نعدى عليها قبل ماتروحى المكتب"
http://www.qzal.net/01/2013-01/13637991195.gif (http://www.7lwthom.com/vb/t2937/)
استقبلت ام وليد هاجر ووالدتها بترحاب شديد
كانت سعادتها بالغة بزيارتهم
ظلت فترة ليست بقليلة هاجر ووالدتها مترددات فى كيفية فتح الموضوع
والسؤال عن وليد
اما والدة وليد بتلقائيتها حلت المشكلة
"لو كان وليد هنا كان فرح بيكم اوى...ربنا يجيبه بالسلامة ...مش عارفة مأمورية
ايه دى اللى جت فجأة"
ام هاجر"ربنا يجيبه بالسلامة ان شاءالله"
صمتت هاجر... لم تستطع ان تحكى ما حدث خوفا ان تقلق حماتها على ابنتها
سمعوا ثلاثتهم طرقات عنيفة على الباب
اسرعت ام وليد بالذهاب لفتح الباب وهى تردد
"خير يارب...ايوه ايوه حاضر"
فتحت الباب... وجدت ماجد ومجموعة من العساكر
ماجد"فين وليد؟"
تراجعت ام وليد خطوات للخلف...فيما انتفضت هاجر ووالدتها من مكانهما
للاقتراب من ام وليد التى بدأت ترتجف
ام وليد"وليد مين؟؟ ابنى"
ماجد"وليد عبد المجيد مش ساكن هنا؟"
هاجر"هو مش موجود...انتوا عايزينه ف ايه"
ماجد"مطلوب القبض عليه فى جريمة قتل"
امير الغرباء
05-12-2014, 08:13 PM
رائع
ساندي قتلت باسم شرف العائله !!
او هاني له صله بقتلها !
بانتظار الحلقه القادمه !
دمتي بكل ود
يسلمووووووو ايام عمري كثير حلوة
بانتظار الحلقة القادمة
ايام عمري
05-13-2014, 12:16 PM
امير الغرباء مرورك الاروع وتحليلك المنطقي
للجريمة بمحلها قد يكون فعلا سبب القتل
احدى الخيارات المذكورة او ربما تكون هناك
اضافة لشخصية ساندي او سناء ولم تذكر بعد
تكون هي السبب الاساسي لقتلها
اشكر متابعتك للقصة
http://up.3dlat.com/uploads/134003932517.gif (http://vb.3dlat.com/)
ايام عمري
05-13-2014, 12:18 PM
الله يسلمك يا حلا
مرورك الاروع اكيد
وهنتابع كلنا سوا احداث حلقة جديدة
http://up.3dlat.com/uploads/134003932517.gif (http://vb.3dlat.com/)
ايام عمري
05-13-2014, 12:23 PM
الحلقة 8
http://sewar.panet.co.il/images/2011/03/17/get122010a.gif
سمعوا ثلاثتهم طرقات عنيفة على الباب
اسرعت ام وليد بالذهاب لفتح الباب وهى تردد
"خير يارب...ايوه ايوه حاضر"
فتحت الباب... وجدت ماجد ومجموعة من العساكر
ماجد"فين وليد؟"
تراجعت ام وليد خطوات للخلف...فيما انتفضت هاجر ووالدتها من مكانهما
للاقتراب من ام وليد التى بدأت ترتجف
ام وليد"وليد مين؟؟ ابنى"
ماجد"وليد عبد المجيد مش ساكن هنا؟"
هاجر"هو مش موجود...انتوا عايزينه ف ايه"
ماجد"مطلوب القبض عليه فى جريمة قتل"
ام وليد تبكى
"قتل...قتل ايه انا ابنى ميقتلش ابدا"
هاجر بلعثمة
"قتل...قتل مين؟؟ يمكن فيه غلط...اكيد فيه غلط"
ماجد ينظر حوله... ويأمر عساكره
"فتشوا البيت"
http://sewar.panet.co.il/images/2011/03/17/get122010a.gif
اثناء تفتيش الشقة والبحث عن وليد
كانت ام وليد تبكى وتنفى بشدة التهمة الموجهه لابنها
اما والدة هاجر فكانت تحاول ان تهدئها وهى تقنعها انه لابد من خطأ ما
بينما لاذت هاجر بالصمت وهى تتذكر حال وليد وخاصة فى اخر مقابلة
مما يؤكد فكرة هروبه
تقدمت هاجر خطوات فى اتجاه ماجد
"لو سمحت هو متهم بإيه بالظبط... وانتوا متأكدين ان هو مش تشابه اسماء"
ماجد"انتى اخته؟"
هاجر"لا خطيبته...بس صدقنى اكيد فيه حاجة غلط...اصل مش
ممكن...هيقتل مين وليه"
ماجد"هو متهم بجريمة قتل فتاة ليل فى شقتها السبت اللى فات..
.واكيد مفيش غلط لان الشاهدة الوحيدة اتعرفت عليه"
صُعقت هاجر من هول المفاجآت المتتالية
فتاة ليل...كيف ومتى وما هى علاقته بها
شقتها... ما معنى تواجده فى شقة فتاة ليل
الشاهدة تعرفت عليه... اذن لا مجال للخطأ خاصة فى ظل هروبه
لم تستطع التحدث بل ظلت دموعها تنساب على وجنتيها
اما ام وليد السيدة المسكينة بمجرد سماعها كلمات ماجد سقطت
مغشيا عليها وهى تصرخ
انهى العساكر تفتيش الشقة ...فى نفس الوقت الذى بدأ الجيران بالتجمع
للسؤال عما حدث ومن بينهم هانى
http://sewar.panet.co.il/images/2011/03/17/get122010a.gif
بعد مغادرة الشرطة... اتصل هانى سريعا بوليد
"وليد... خلى بالك البوليس كان لسه هنا ... اللى كنت خايف منه حصل فعلا
وانت متهم بالقتل... اهدا بس هيعرفوا مكانك منين مش انت قافل تليفونك
ومبتتصلش بحد... بس فيه حاجة تانية... خطيبتك وامها كانوا هنا
وحضروا كل حاجة... وانا اعرف منين ايه اللى جابهم... المهم انت استخبى
كويس...وليد اوعى لو اتمسكت تقول انى كنت اعرف حاجة...
انا مش عايز رِجلى تيجى يا صاحبى... لو عايز اى فلوس ولا حاجة
قولى ابقى ابعتلك بالسوبر جيت... ربنا معاك...سلام"
بعدما انتهى وليد من المكالمة...ظل يدور حول نفسه وهو يعتصر رأسه
بين يديه محاولا التفكير فيما سيفعل
جلس على الارض يبكى حظه وقلة حيلته
http://sewar.panet.co.il/images/2011/03/17/get122010a.gif[/URL]
لم تستطع هاجر ووالدتها ان تترك والدة وليد وحدها ..
.ظلوا بجوارها حتى افاقت من اغماءتها
كانت تبكى بكاءا متصلا لعدم تصديقها ما يحدث
اما هاجر ووالدتها فالصمت كان رد الفعل الوحيد
جاءت احدى الجارات واتضح لهما انها الجارة المقربة من والدة وليد...
عندها اطمئنوا انها لن تظل وحيدة واستأذنتا فى الانصراف
عندما وصلت هاجر للشارع لم تستطع ان تتماسك اكثر
اجهشت بالبكاء ولم تهتم بنظرات المارة
"بس ياهاجر الناس بتبص علينا"
"انا كنت حاسة انه مش طبيعى...شفتى ياماما... قتل!!!"
"مش عارفة هقول ايه لابوكى ...دلوقتى يقول انتوا اللى صممتوا ويبهدلنا"
"سمعتى الظابط وهو بيقول فتاة ليل... وفيه حد شافه...يعنى كان يعرف
ستات وعامل انه بيحبنى... انا كنت حمارة لما صدقته"
"الحمدلله انها قراية فاتحة وكانت ع الضيق وهما يدوب اسبوع..
.يعنى لادخل وخرج ولا تتسمى خطوبة من اساسه... لما امه تفوق من
الصدمة هبقى اكلمها واقولها اننا فسخنا الخطوبة"
"الحمدلله اننا عرفناه على حقيقته من بدرى"
"يعنى اقول لابوكى انك موافقة على فسخ الخطوبة... دى اول حاجة هيقولها لما يعرف"
"ايوه طبعا موافقة...انا مش ممكن افضل مع واحد خاين زيه...
لو مكنش عارف انه عامل عَملة مكنش هرب كده"
http://sewar.panet.co.il/images/2011/03/17/get122010a.gif
ماجد ومراد فى مكتب الاخير
مراد"معنى انه اختفى من 3 ايام يعنى لما راح له الاستدعاء"
ماجد"بالظبط يا فندم"
"وبعدين؟؟"
"متقلقش سعادتك فيه اكتر من كمين فى الاماكن المتوقع انه يكون
فيها وخلال ساعات هيكون قدام سعادتك"
"لما نشوف"
"وعلى ؟"
"اخلاء سبيل طبعا...بس لما اشوف عايزنى ف ايه؟"
"عايزك؟"
"اه ...طلب يقابلنى وبيقول فيه حاجة مهمة"
"هتروح له امتى"
"لما اطمن ان القاتل بقى قدامى"
http://sewar.panet.co.il/images/2011/03/17/get122010a.gif
(http://www.7lwthom.com/vb/t2937/)
هاجر جالسة فى مكتب زياد تبكى بحرقة
زياد ينظر لها بأسى
"هاجر...كفاية عياط احنا لحد دلوقتى مش متأكدين من حاجة...
فيه كتير قضايا بيكون فيه غلط فى التحريات انتى بتسبقى الاحداث ليه؟"
"اسبق الاحداث ازاى... بيقول انه اتشاف هناك"
"هو يعنى مفيش حد بيغلط فى التشبيه ويكون حد شبهه..
. انتى مصدقة ازاى ان وليد يقتل وليه؟"
"لو مكنش حاله اتغير كده واختفى فجأة كنت لقيت له الف عذر انما
كل حاجة بتأكد لى ان وليد مش مظلوم"
"وليد صاحبى وعارفه كويس ومتأكد انه مش ممكن يقتل.... انا مش عارف
ظروف القتل ايه ...يمكن قتل خطأ ... حادثة غير مقصودة...
مش عارف ياهاجر انتى لخبطينى خالص"
"قتل خطأ ولا قتل عمد هتفرق ف ايه... كده كده كان على علاقة بواحدة
تانية ومفهمنى انه بيحبنى وبيخلص لى... انا كنت غبية وعبيطة والحمدلله
ان ربنا كشفه وان شاءالله ياخد جزاؤه"
رن تليفون مكتب زياد... رد
"الو...ايوه انا... ايه... طيب حالا...سلام"
نظرات هاجر كلها تساؤل
زياد يتحاشى النظر لها ....يجمع اشياؤه من على المكتب
"انا نازل...لو حد جه اديله معاد تانى"
نهضت هاجر وتبعته لخارج المكتب ...سألته
"وليد؟؟"
رد بنبرة حزينة
"اتقبض عليه"
http://sewar.panet.co.il/images/2011/03/17/get122010a.gif
مراد وماجد فى مكتب الاول ...وامامهم وليد منهارا بالبكاء تارة ومحاولا
التماسك تارة اخرى ... وفى حضور زياد
مراد"ايه علاقتك بالقتيلة"
وليد"معرفش حاجة... معرفهاش"
مراد"ورقم تليفونك اللى على موبايل القتيلة حتى وقت موتها"
وليد"اكيد كان رقم غلط"
مراد"رقم غلط وبينكم اتصالات صادرة وواردة لمدد طويلة؟"
وليد باكيا"انا مقتلتش حد...والله ما قتلت ولا اعرف حاجة عنها"
مراد لماجد
"الست منيرة بره؟"
ماجد"موجودة"
مراد"هاتها"
كانت نظرات وليد وزياد مركزة على الباب لمعرفة من هى منيرة؟
خرج ماجد لحظات وعاد بمنيرة
بمجرد رؤية وليد لها...وتذكره لحظة هروبه بعد رؤيته لجثة ساندى
تذكر اصطدامه بمنيرة على السلم
اشاح بنظره عنها فورا ...بينما صرخت منيرة عندما رأته
"اهو ...هو ده القاتل... ده اللى شفته قتلها"
صرخ وليد
"انتى شفتينى قتلتها؟؟؟"
ردت منيرة
"ايوه...انت اللى كنت نازل من عندها وبعدها مظهرتش غير لم
ا لقيناها مقتولة...انت القاتل"
مراد وماجد وزياد كان ثلاثتهم يتابعون الحديث القصير بين ومنيرة ووليد
مراد وماجد كانت ترتسم على وجههم ابتسامة النصر
بينما زياد يتابع مشدوها غير مصدق ان صديقه قاتل بالفعل
قطع مراد الحديث
"يعنى هو ده يا مدام؟"
منيرة"ايوه هو طبعا"
مراد"متشكرين جدا ...احنا تعبناكى معانا الايام اللى فاتت ومش هنقدر
ننسى دورك معانا فى حل القضية... شكرا جزيلا"
ردت منيرة فرِحة
http://sewar.panet.co.il/images/2011/03/17/get122010a.gif
"العفو... ربنا يعينكم...سلامو عليكو"
خرجت منيرة من المكتب
بعدها نظر مراد مباشرة نظرة حادة لوليد
"هااا... لسه بتنكر علاقتك بالقتيلة بعد الشاهدة ما اتعرفت عليك"
لم يستطع وليد ان يتحدث من بكاؤه المتواصل
زياد لمراد"بعد اذن حضرتك انا ممكن اتكلم معاه شوية؟"
مراد وهو يشاور على ركن بالمكتب
"اتفضلوا"
جلس وليد وزياد فى ركن المكتب
"وليد ...اهدا واحكى لى علشان اقدر اساعدك...
انت ايه علاقتك بالقتيلة وقتلتها ليه"
"مقتلتهاش ...والله ما قتلتها"
"ازاى طيب والشاهدة اتعرفت عليك وانت مأنكرتش"
"انا هحكيلك اللى حصل بالظبط...يمكن تقدر تطلعنى منها"
"احكى... خلينى اقدر كمان اطمن مامتك اللى مقطعة نفسها من الحزن عليك"
"ماما صحتها عاملة ايه...خلى بالك منها يا زياد...او خليها تسافر البلد
احسن...قولها بلاش تقعد لوحدها هنا"
"متقلقش"
"هاجر قالت ايه لما عرفت... هانى قالى انها كانت عند ماما"
"هو هانى اتصل بيك ازاى"
"هحكيلك كل حاجة بس قولى الاول هاجر قالت ايه عليا...
مش مصدقة انى ممكن اقتل صح؟؟"
صمت زياد ولم يرد...مما اثار قلق وليد
"فى ايه يا زياد... هاجر قالت ايه؟"
"هاجر اتصدمت فيك اوى يا وليد... واللى عرفته منها انهم فسخوا الخطوبة"
"ليييه... بقولك معملتش حاجة والله ما قتلت"
"اهدا بس ان شاءالله تخرج وتحل المشكلة معاها...ها احكى اللى
حصل ده ازاى وايه علاقتك بالقتيلة"
http://sewar.panet.co.il/images/2011/03/17/get122010a.gif[URL="http://www.7lwthom.com/vb/t2937/"] (http://www.7lwthom.com/vb/t2937/)
مراد وماجد فى المكتب... فى ساعات متأخرة من الليل
ماجد"كده خلاص... اروح انام لى يومين تلاتة يا باشا؟"
مراد"انت معندكش اى تعليق خالص"
ماجد"اعلق على ايه؟؟ القضية وخلصت...القاتل وهيروح النيابة...
انام انا بقى قبل ما يحصل مصيبة جديدة"
مراد"روح نام يا ماجد... بس احساسى ان القضية دى لسه متقفلتش"
ماجد"احساس خاطئ ان شاءالله"
ضحك مراد وهو يغلق الاوراق المفتوحة امامه
ويهم مغادرا المكتب
"روح نام وتعالى بكرة براحتك... انا هعدى على على سليمان فى
المستشفى الاول وبعدين اجى ع المكتب"
http://sewar.panet.co.il/images/2011/03/17/get122010a.gif
اليوم التالى صباحا
مراد يبحث عن حجرة على سليمان فى المستشفى
يصل بعد البحث لعنبر به عدد من الرجال
يقترب من على سليمان
"صباح الخير ياعم على...ازى صحتك"
يعتدل على مرحبا
"صباح النور ياباشا... اتفضل"
جلس مراد على حافة السرير
"ايه اخبارك الدكتور قال هتخرج امتى"
"مش عارف ياباشا...بس ادينى هنا ارحم من الحجز واللى فيه"
"حجز ايه... انت مش ملاحظ ان الحراسة اللى كانت عليك والكلابشات
اتفكت...انت خرجت من القضية خلاص... كنت عايزنى ف ايه؟"
"بجد انا خرجت من القضية... الحمدلله... طيب يبقى اللى كانت عايزك فيه مالوش لزوم"
"اللى هو ايه اللى كنت عايزنى فيه؟؟"
"انا افتكرت حاجة بخصوص البت اللى اتقتلت"
"انت كنت تعرفها؟؟"
"معرفهاش اوى... يعنى شفتها كام مرة بس... هى فعلا على اسمى"
"ازاى؟؟"
ايام عمري
05-14-2014, 12:09 PM
الحلقة 9
http://up.3dlat.com/uploads/13636980281.gif (http://www.7lwthom.com/vb/t2937/)
اليوم التالى صباحا
مراد يبحث عن حجرة على سليمان فى المستشفى
يصل بعد البحث لعنبر به عدد من الرجال
يقترب من على سليمان
"صباح الخير ياعم على...ازى صحتك"
يعتدل على مرحبا
"صباح النور ياباشا... اتفضل"
جلس مراد على حافة السرير
"ايه اخبارك الدكتور قال هتخرج امتى"
"مش عارف ياباشا...بس ادينى هنا ارحم من الحجز واللى فيه"
"حجز ايه... انت مش ملاحظ ان الحراسة اللى كانت عليك والكلابشات اتفكت..
.انت خرجت من القضية خلاص... كنت عايزنى ف ايه؟"
"بجد انا خرجت من القضية... الحمدلله... طيب يبقى اللى كانت عايزك
فيه مالوش لزوم"
"اللى هو ايه اللى كنت عايزنى فيه؟؟"
"انا افتكرت حاجة بخصوص البت اللى اتقتلت"
"انت كنت تعرفها؟؟"
"معرفهاش اوى... شفتها كام مرة بس... هى فعلا على اسمى"
"ازاى؟؟"
http://up.3dlat.com/uploads/13636980281.gif (http://www.7lwthom.com/vb/t2937/)
"من كام سنة كده مش فاكر قد ايه...يمكن 7يمكن 8 يجوز10 مش عارف
بالظبط كنت بشتغل بواب ف عمارة فى المهندسين...مشونى منها
ساعتها مكنتش بلاقى مكان انام فيه ولا معايا فلوس... كنت بشحت
وقتها لانى كنت ببقى محتاج فلوس وانا بخاف اسرق او لو يمكن كنت
بعرف كنت سرقت...المهم كانوا اصحاب المحلات اللى جنب العمارة
اللى كنت فيها عارفيننى فكانوا اللى عايزنى اغسله عربية مثلا ولا اجيبله
حاجة وكانوا بيراضونى بزيادة.... ف يوم جالى السواق بتاع الست زيزى
وقال انها عايزانى ف حاجة مهمة وهتدينى منها مبلغ كبير"
"ثوانى...مين الست زيزى دى؟"
"دى عندها محل كوافير حريمى كبير هناك وكنت بشوفها وساعات بتدينى
فلوس او تبعت لى أكل"
"وبعدين...كانت عايزاك ف ايه"
http://up.3dlat.com/uploads/13636980281.gif (http://www.7lwthom.com/vb/t2937/)
"روحت لها معاه المكتب بتاعها فى المحل... انا اول مرة ادخل هناك يا باشا..
.لقيت ستات اشكال والوان وبنات كتير بيشتغلوا ...قلت بس جايبالى
شغل ولما لقيت كله ستات استغربت قلت وانا هشتغل ايه
وسط الستات دى كلها"
"وبعدين"
"قابلتها... جابت لى اكل وانا باكل قعدت تتكلم معايا شوية عن الناس
الغلابة والظروف الصعبة اللى بتمر بالناس وانها ازاى بتحب تساعد الغلابة..
.استغربت ان واحدة زيها ربنا كارمها كده وحاسة بالغلابة بس قلت ف سرى
الناس الطيبة كتير"
"كل ده ايه علاقته بسناء"
"ما انا جاى لسعادتك اهو فى الكلام... لقيتها بتقول ان البنات اللى بيشتغلوا
عندها دول اكترهم غلابة وانها محتاجة لى فى مساعدة بنت غلبانة..
.ضحكت وقلت لها وانا حيلتى ايه علشان اساعد ده انا محتاج اللى يساعدنى"
"كانت عايزة تجوزك ولا ايه؟"
"لا... قالتلى ان فيه بنت بتشتغل عندها ومالهاش اهل واخدتها من الشارع
وعطفت عليها والبنت دى مالهاش اى اوراق وانها عايزة تطلع لها شهادة
ميلاد وبطاقة علشان تقدر تعيش حياتها عادى زى اى حد"
"آآآآآه... والمطلوب انك تكتبها على اسمك"
"تمام يا باشا... بس ساعتها انا قلتلها انى متجوزتش ولا اعرف
اعمل اوراق ولا حاجات من دى...قالت لى ان السواق هو اللى
هيكون معايا ويخلص كل حاجة هما بس محتاجين انى اعمل ابوها علشان
لازم شهادة ميلاد الاول وبعدين البطاقة"
"وعملت كده؟"
"انا قلقت ف الاول بس لما قالتلى هتدينى 10 الاف جنيه وانا مكنش معايا
ربع جنيه اتلغى اى تفكير ووافقت على طول"
"وطلعتوا الاوراق؟"
http://up.3dlat.com/uploads/13636980281.gif (http://www.7lwthom.com/vb/t2937/)
"السواق بتاعها كان معايا خطوة بخطوة او انا اللى كنت معاه وكان
بيمشى كل حاجة سواء بالفلوس او بمعارف الست ... انا لا فاكر
البنت كان اسمها ايه ولا حتى فاكر شكلها...الحكاية كلها كام يوم
واخدت الفلوس وروحت اخدت الاوضة اللى انا عايش فيها دلوقتى
ونسيت خالص الموضوع ده واول ما افتكرته طلبت اقابل حضرتك"
نهض مراد من جواره... وهو يشكره
"شكرا يا عم على... وحمدالله على سلامتك"
http://up.3dlat.com/uploads/13636980281.gif (http://www.7lwthom.com/vb/t2937/)
[/URL]
ماجد جالسا امام مكتب مراد ... يدق على المكتب باصابعه فى صمت...
بينما ينظر له مراد منتظرا تعليقا
كف ماجد عن دقاته المتتالية واعتدل فى جلسته راجعا للخلف
"وبعدين؟"
"خلاص...دى كل الحكاية"
"ماشى يعنى... ايه علاقتها بقضيتنا"
"مش شايف اى علاقة"
"لا الحقيقة مش شايف"
"سناء واضح ان وراها اسرار مستخبية"
"واحنا مالنا... احنا لينا قضيتنا اللى شغالين فيها والقاتل لقيناه
الحمدلله وشغلنا خلص"
"فيه حاجة جوايا بتقولى ان وليد صادق رغم ان كل الادلة ضده
بس مش عارف ليه مصدقه"
"مراد باشا قدوتى واللى بتعلم منه بيعتمد على احساس؟؟"
"متنساش برضه ان ظابط المباحث ليه نظرة... وليد ده شكله اخيب من
انه يقتل... انا اول ما جيت المكتب راجعت الملف تانى...بيان المكالمات
مفيش اى علاقة بينهم غير قبل الحادثة بيوم واحد...تفتكر ايه الدافع
اللى هيخليه يقتل واحدة عرفها يوم واحد"
http://up.3dlat.com/uploads/13636980281.gif (http://www.7lwthom.com/vb/t2937/)
"يمكن اختلفوا على فلوس... يمكن زى ماقلت خايب وهددته بالفضيحة وخاف..
.يمكن اختلفوا على اى حاجة"
"ماشى...وارد يختلفوا...ساعتها القتل هييجى غصب عنه بسكينة المطبخ
مثلا او مقص من البيت... او ضرب وشد وجذب زى اى خناقة...
القتيلة متعرضتش لاى اعتداء جسدى...يعنى لو اختلفوا مش معقول واحد
من اول خلاف هيدبح اللى قدامه... سناء اتقتلت قتل عمد يا ماجد"
"وده معناه؟؟"
"ان القاتل عنده دافع قوى ورايح متعمد انه يقتلها"
"انا عارف انها قضية متعبة م الاول... طيب ثوانى بقى... بصمات وليد
الموجودة على جرس الباب"
"ايه المشكلة انه يكون تواجد فى وقت ومكان الجريمة...
ده مش معناه انه القاتل"
"يعنى هتفرج عنه؟"
"لا طبعا مينفعش... كل الادلة ضده وهو الجانى بالادلة وشهادة الشاهدة"
"لأ مش فاهم... منين سعادتك بتدافع عنه ومنين بتقول هو الجانى"
"دفاعى عنه شكوك... ممكن يكون هو القاتل فعلا وممكن يكون لأ...
انا بس عايز ادور ورا القتيلة واشوف مين عنده دافع انه يقتلها...
ساعتها لو لقينا القاتل وليد يبقى برئ... ملقيناش القاتل وكل الادلة
ضد وليد يبقى احساسى ونظرتى واستنتاجى غلط ومفيش غير التسليم
بالادلة المنطقية"
"تمام... المطلوب منى طبعا تحريات عن صاحبة محل الكوافير
بتاع المهندسين"
"التحريات هعملها معاك بنفسى"
"عدم ثقة يا باشا؟؟"
"لا طبعا يا ماجد...انت ظابط كُفء ...انا بس بقى عندى فضول ناحية القضية دى"
http://up.3dlat.com/uploads/13636980281.gif (http://www.7lwthom.com/vb/t2937/)
هاجر انهت ارتداء ملابسها... تُعدل من حجابها وتنظر لنفسها ولعينيها التى
ترك البكاء اثرهما عليها
تضع مزيدا من الكحل لعله يضئ عينيها الذابلة
يطرق والدها الباب طرقات خفيفة
"هاجر"
"اتفضل يابابا"
"لبستى؟"
"ايوه"
"انتى هتروحى الشغل؟"
"ان شاءالله"
جلس على حافة السرير
"طيب اقعدى عايز اتكلم معاكى كلمتين"
جلست بجواره...ضمها لصدره
"انا لما قلت عليه لأ زى مايكون كان قلبى حاسس...انتى اللى صممتى
وانا وافقت علشان خاطرك... دلوقتى يا هاجر بأكد لك انه مينفعكيش...
متتعلقيش بواحد مستنى اعدام ولا مؤبد"
"متقلقش يابابا انا مش عايزاه خلاص"
"وبتقوليها وانتى زعلانة ليه...يا بنتى ده مجرم وميتزعلش عليه احمدى
ربنا انه نجاكى...بدل قتل يبقى يقدر يقتل اى حد"
ردت وهى تعود للخلف وتنظر له
"بابا... وليد مش معقول يقتل...اكيد فيه حاجة غلط"
"يعنى ايه...لسه عايزاه برضه"
"لا... اطمن...قرارى مش هرجع فيه"
"وعاملة ف نفسك كده ليه وبتقوليها وانتى زعلانة عليه اوى كده ليه"
"انا زعلانة على نفسى اكتر"
http://up.3dlat.com/uploads/13636980281.gif (http://www.7lwthom.com/vb/t2937/)
هاجر فى المكتب... وحدها تبكى حبها وحبيبها الذى فقدته
تسمع صوت اقتراب خطوات من الباب المفتوح... تمسح دموعها
يدخل زياد...يلاحظها وهى تمسح دموعها
يقف لحظات بعدما ألقى عليها التحية
يحاول جاهدا البحث عن كلمات...لا يجد...يكمل طريقه لمكتب
دقائق وتلحقه هاجر ...وبخطوات مترددة وقلب حزين وصوت مختنق تسأله
"قابلت وليد؟"
تجلس فى انتظار رد
يرد بأسى "ايوه"
"واخبار القضية ايه؟"
"كويس ياهاجر انك فكرتى تانى... وليد بيقولك انه مقتلش..
.لما قلتله على موضوع فسخ الخطوبة حسيت انه هيتجنن...
بيقولى انه عايز يقابلك وطبعا ده مينفعش فبيقولى اقولك انه برئ"
تنساب الدموع على وجنتى هاجر بغزارة... تستجمع قدرتها على الحديث
"انا مش عايزة اقابله ولا بفكر تانى... انا حبيت اطمن بس...
هو ايه اللى حصل بالظبط وخلاهم يتهموه؟؟؟
http://up.3dlat.com/uploads/13636980281.gif (http://www.7lwthom.com/vb/t2937/)
قص زياد على هاجر ما قصُه عليه وليد
نهضت لتغادر وهى تبكى...استوقفها نداء زياد
"استنى ياهاجر... انا مصدق ان وليد برئ... انا بس محتاج اقرا القضية
كويس علشان اقدر اساعده وان شاءالله هقدر ولو حسيت انى
مش هقدر هشوف له محامى كبير احسن منى يترافع عنه"
"ربنا ينجيه"
"يعنى انتى مصدقاه...هيفرح اوى لما يعرف"
"مصدقة انه مقتلش... بس ده ميغيرش حاجة ...وليد خاننى"
"محصلش حاجة...صدقينى حتى مقابلهاش"
"لولا انها اتقتلت كان خاننى عادى... انا كنت بموت علشانه وبتحدى
اهلى وهو رايح يعرف واحدة زى دى ولا كأن فيه واحدة مبتفكرش
فى حد غيره... انا كنت عبيطة اوى انى صدقت ان فيه حب واخلاص...
وليد اثبت لى ان الاخلاص مش موجود فى ايامنا دى"
لم يستطع زياد... رغم عمله كمحامى... ان يدافع عن وليد فى قضية
ابسط بكثير من القتل
الخيانة... جريمة بشعة وان كان لا يعاقب عليها القانون
http://up.3dlat.com/uploads/13636980281.gif (http://www.7lwthom.com/vb/t2937/)
وصل مراد بسيارته للعنوان الذى وصفه على سليمان
ترجل من السيارة بصحبة ماجد... ظل كل منهم يبحث بعينيه عن المكان المقصود
تقدم ماجد خطوات وسأل عامل بأحد المحلات التجارية
"فيه فى الشارع هنا كوافير صاحبته اسمها مدام زيزى"
شاور العامل على محل بدورين مغطى ويتم به اعمال للصيانة
"بيوتى سنتر مدام زيزى... اللى بيتوضب ده... مش عارف ازاى
ليها عين تيجى تفتحه تانى"
اقترب مراد مشاركا فى الحديث
"ليه...هو كان مقفول؟"
العامل"ايوه... اتقفل من ساعة ما اتقبض عليها"
مراد"اتقبض عليها ليه؟؟ وامتى"
العامل ينظر له بتشكك
"ليه حضرتك مين ؟"
رد ماجد بسرعة
"مب..."
قاطعه مراد وجذبه من ذراعه
"شكرا... احنا كنا سامعين انه بيتباع بس خلاص بقى مفيش نصيب"
ذهب مراد فى اتجاه سيارته... وماجد يتبعه
تتبعهما نظرات متشككة وغير مصدقة من العامل الذى سرعان
ما اشاح بنظره عنهما قائلا فى سره
"وانا مالى"
ماجد سأل مراد
"ليه يا فندم مخلتنيش اقول اننا مباحث كان قال كل اللى يعرفه"
"وليه نقول والكلام يوصل اننا بنسأل عليها... خلينا نعرف بطريقتنا"
"يعنى هنكمل فى تحرياتنا سرا؟؟"
"حسب الموقف يا ماجد لسه مش محدد...يالا بينا"
"على فين؟"
"نعرف اتقبض عليها ليه... وبالتفصيل كمان"
[URL="http://www.7lwthom.com/vb/t2937/"]http://up.3dlat.com/uploads/13636980281.gif (http://www.7lwthom.com/vb/t2937/)
مراد وماجد فى مكتب بمديرية الامن
يدخل احد الضباط يحمل ملفا
"اتفضل يا مراد"
مراد"متشكر اوى يا عمرو"
يفتح مراد الملف بلهفة... ويردد بصوت ليسمعه ماجد
"زينب فوزى عثمان... دعارة... بس شكلها مش غريب عليا"
يقترب ماجد لينظر فى الصورة
"اه فعلا... وشها مألوف.. هى ليها سوابق قبل كده"
قاطعهما عمرو شارحا ما بالملف
"زينب وشها مألوف بالنسبة لكم مش علشان ليها سابقة قبل دى...
دى لانها سيدة مجتمع من اللى غاويين ظهور... عندها البيوتى
سنتر وتلاقيها فى الاعمال الخيرية...يعنى يوم اليتيم لازم تعمل حفلة
كبيرة ف دار ايتام كل سنة... موائد رحمن فى رمضان...يعنى بتبعد
عن نفسها الشبهات وفعلا كانت بعيدة تماما عن الشبهات"
مراد"ووصلتوا لها ازاى"
عمرو"بلاغ"
http://up.3dlat.com/uploads/13636980281.gif (http://www.7lwthom.com/vb/t2937/)
مراد"من مجهول؟"
عمرو"لأ... بنت من اللى كانوا عندها هى اللى بلغت... ولما عملنا تحرياتنا
وراقبنا فيلتها وتليفوناتها قدرنا فعلا نعرف انها بتدير شبكة دعارة بتستغل
فيها بنات قُصَر علشان كده اخدت 5 سنين"
يبحث مراد فى الملف عن تفاصيل اكثر دقة
يردد ناظرا لماجد
"خرجت من شهرين"
ماجد يبتسم ويكمل
"قولى ان تخمينى صح وان اللى بلغت عنها سناء سليمان"
احلى ايام العمر
05-14-2014, 01:28 PM
واااااااااااااااو حلوة كتيررر ومشوقة تسلم ايديكي حلوتي ماتطولي
علينااا مووواه
ايام عمري
05-14-2014, 01:30 PM
وصلنا للحلقات الاخيرة احلى
اطمني كلها مية حلقة بس ونخلص
ههههههههههه
مووووواه حبيبتي نورتيني
http://up.3dlat.com/uploads/134003932517.gif (http://vb.3dlat.com/)
هههههههههههه
شوقتينا للنهايه
يعطيكى العافيه ايام عمرى
ايام عمري
05-15-2014, 12:30 PM
ههههههههههههههه شهد
يلا هانت حبيبتي
رح اكشف سر وهو انه هنتابع
حلقة ماقبل الاخيرة اليوم
يلا نشوف سوا احداث هلحلقة
http://up.3dlat.com/uploads/134003932517.gif (http://vb.3dlat.com/)
ايام عمري
05-15-2014, 12:37 PM
الحلقة 10
http://forum.hwaml.com/imgcache2/hwaml.com_1382502649_374.gif
قاطعهما عمرو شارحا ما بالملف
"زينب وشها مألوف بالنسبة لكم مش علشان ليها سابقة قبل دى...
دى لانها سيدة مجتمع من اللى غاويين ظهور... عندها البيوتى
سنتر وتلاقيها فى الاعمال الخيرية...يعنى يوم اليتيم لازم تعمل حفلة
كبيرة ف دار ايتام كل سنة... موائد رحمن فى رمضان...يعنى بتبعد عن
نفسها الشبهات وفعلا كانت بعيدة تماما عن الشبهات"
مراد"ووصلتوا لها ازاى"
عمرو"بلاغ"
مراد"من مجهول؟"
http://forum.hwaml.com/imgcache2/hwaml.com_1382502649_374.gif
عمرو"لأ... بنت من اللى كانوا عندها هى اللى بلغت... ولما عملنا تحرياتنا
وراقبنا فيلتها وتليفوناتها قدرنا فعلا نعرف انها بتدير شبكة دعارة بتستغل
فيها بنات قُصَر علشان كده اخدت 5 سنين"
يبحث مراد فى الملف عن تفاصيل اكثر دقة
يردد ناظرا لماجد
"خرجت من شهرين"
ماجد يبتسم ويكمل
"قولى ان تخمينى صح وان اللى بلغت عنها سناء سليمان"
مراد"طبعا تخمينك صح... مش ظابط مباحث شاطر"
سَعِد ماجد بشهادة رئيسه وشعر بقليل من الغرور انساه جهد الايام الماضية
شرد مراد وهو يقرأ بعض التفاصيل فى ملف القضية
بينما ماجد يتابعه باهتمام وامهله وقت قصير قبل ان يسأله
"ايه التفاصيل"
"سناء كانت بتشتغل عند زينب... حصلت بينهم خناقة كبيرة وطردتها...
بلغت سناء عنها وقالت كل الخبايا اللى تعرفها واتمسكت زينب واتحكم عليها"
"طبعا 5 سنين وفضيحة كبيرة يخلوها عايزة تنتقم من اللى كانت السبب"
"طبعا... بس هى ازاى مخافتش...جابت القوة والجراءة دى منين"
عمرو"تحرياتنا وقتها قالت ان الخناقة اللى بينهم كانت بسبب راجل"
مراد مندهشا"سناء وزينب هيتخانقوا على راجل ازاى... فرق السن
والمستوى اللى بينهم ميخليش فيه اى مجال ان يكون فيه راجل مشترك بينهم"
عمرو"النقطة دى مكنتش مهمة فى القضية فمحدش دور وراها"
هم مراد واقفا وهو يصافح عمرو ويتبعه ماجد
"شكرا ياعمرو ...انت ساعدتنا وادتنا خيط مهم ف القضية"
عمرو"العفو...ربنا يوفقكم"
http://forum.hwaml.com/imgcache2/hwaml.com_1382502649_374.gif
منذ خبر القبض على وليد ...ووالدته طريحة الفراش
وجاراتها يتابعن حالتها ويقومن بزيارتها بالتبادل
عندما وصل زياد لزيارتها... ادخلته احدى الجارات لحجرتها
جلس بجوار فراشها وخرجت الجارة
سألته الام بدوع عينيها
"طمنى يا زياد... وليد عمل ايه؟"
"اطمنى ياطنط... وليد معملش حاجة وان شاءالله هيطلع براءة"
"اومال ايه حكاية القتل دى"
"ورطة وان شاءالله هيطلع منها...اهم حاجة ادعيله كتير علشان ربنا
ينجيه وادعيلى ربنا يقدرنى واساعده"
"يارب...انت عالم بحالى"
"وليد بيقولك متقعديش لوحدك والاحسن انك تروحى البلد"
"واسيبه؟؟"
"حضرتك هنا تعبانة ومحتاجة رعاية والاحسن تكونى فى البلد مع بنتك
واحفادك...وليد قلقان عليكى وهو اللى قالى اقولك كده وبالنسبة
لوليد اطمنى احنا هنا معاه"
صمتت الام لحظات تفكر
"طيب... بس ابقى كلمنى طمنى يا زياد لما تكون معاه... علشان خاطرى
عايزة اسمع صوته واطمن عليه"
"حاضر...اول ما اقابله هكلمك"
http://forum.hwaml.com/imgcache2/hwaml.com_1382502649_374.gif
مراد فى سيارته وبجواره ماجد
"مش كنا استدعيناها يا باشا احسن"
"لا يا ماجد...انا عايز افاجئها"
"انا حاسس ان حل القضية دى هتكون النهاردة"
"قول يارب... انا عايزك تعملى تحرياتك عن زينب علشان لما اقابلها نطابق
كلامها بالتحريات ونشوف"
"امرك يا باشا"
بعدما طرق مراد الباب على شقة زيزى... شقة نقلت اليها
بعد خروجها من السجن
فتحت الخادمة الباب...سيدة فى الخمسينات
الخادمة"ايوه...اى خدمة"
مراد"مدام زينب هنا"
الخادمة"لأ...مين حضرتك"
مراد"الموضوع مهم...لو سمحتى لو موجودة ياريت اقابلها"
الخادمة"لأ...هى ف مشوار صغير وعلى وصول حالا"
مراد"يبقى استناها"
الخادمة"انت مين وتستناها فين"
مراد"مباحث"
الخادمة بعد ارتباكها
"خير...اتفضل"
دخل مراد وأجلسته الخادمة فى الصالون... واستأذنت فى الانصراف
مراد"لأ ثوانى...عايز اسئلك على شوية حاجات...ولا تحبى استدعيكى
اسئلك فى المكتب"
اقتربت الخادمة بعدما ظهرت عليها علامات الخوف التى كان يقصدها
مراد بتهديده الضمنى
"نعم يا باشا...انا تحت امرك"
مراد"انتى هنا من امتى"
"من شهرين "
"تعرفى المدام منين؟"
http://forum.hwaml.com/imgcache2/hwaml.com_1382502649_374.gif
"اعرفها من زمان...انا كنت بشتغل عندها سنين طويلة"
"بتشتغلى ف ايه بالظبط؟"
"تقصد ايه؟"
"يعنى فى البيت بس ولا شغلها التانى كمان"
"تقصد التهمة الوزر اللى اتمسكت فيها...حسبى الله ونعم الوكيل ف
الظالم...المدام بتاعتنا ست محترمة وعارفة ربنا مش زى ما اتقال عليها ابدا"
"كنتى تعرفى سناء؟"
"الواطية مطمرش فيها اللى المدام عملته معاها وراحت لافت
على الراجل وبلغت عنها"
شعر مراد انه بدأ يمسك طرف خيط جديد...عندما رن جرس الباب وقاطعهما
ذهبت الخادمة مسرعة لتفتح الباب... بدا رجل ضخم الجثة ..
.دخل فورا للشقة ويبدو انه معتاد على ذلك
وقبل ان يلحظ وجود مراد...سمعه يتحدث للخادمة
"المدام بتكلم صاحب العمارة وطالعة ورايا... هحط الفاكهة ف التلاجة"
تقدم خطوات للداخل وعندما لاحظ وجود مراد...مال على الخادمة
وهو ينظر لمراد وكان من الواضح انه يسألها عن شخصية الضيف
اجابته بهمس... اعطاها ما يحمله وتقدم لمراد
"اهلا سعادتك...خير؟"
"مش اعرف انت مين الاول"
"انا عوض ...سواق المدام...اؤمر"
http://forum.hwaml.com/imgcache2/hwaml.com_1382502649_374.gif
"جاى اتكلم مع المدام شوية...لو تحب تقعد معانا تنورنا"
"متأخذنيش يا باشا...تتكلم معاها ف ايه...الست خلصت حبسها
وخرجت ومفيش اى حاجة غلط تخصها...يبقى خير"
نظر له مراد مباشرة وسأله
"انا جاى اسأل عن سناء سليمان"
"واحنا مالنا ببنت الكلب دى...اهى غارت ف داهية"
استطاع مراد ان يتحكم ويمنع ابتسامة الانتصار من الظهور وهو يسأله
"وعرفت منين انها اتقتلت؟"
ارتبك عوض وتلعثم وهو يردد
"اتقتلت؟؟!! انا مقلتش اتقتلت ولا اعرف انها اتقتلت"
فى نفس اللحظة التى دخلت فيها زيزى
عندما رأت مراد وعوض امامه وجهه مكفهر
"فى ايه...مين ده؟"
ردت الخادمة
http://forum.hwaml.com/imgcache2/hwaml.com_1382502649_374.gif
"البيه مباحث وبيسأل ع اللى ماتتسمى"
زيزى"مين؟؟"
سبقه عوض ورد
"البيه بيقول ان ساندى اتقتلت"
جلست معهما زيزى وعلقت وهى تشعل سيجارتها وتنظر لعوض ثم مراد
"واحنا مالنا... احنا منعرفش عنها حاجة من زمان"
تمالك عوض رباطة جأشه وجلس واخذ سيجارة من علبة سجائر زيزى
الموضوعة على الطاولة... واشعلها ف توتر
ساد الصمت لحظات فقطعه مراد
"مدام زينب... انا جاى اسئلك وديا بس واضح ان مفيش اى تعاون
من ناحيتك... بعتذر ونمشيها رسمى احسن"
نهض مراد مغادرا... عندما سمع صوت زينب
"لو كنت اعرف حاجة كنت قلتلك"
التفت لها مبتسما ببرود
"كله هيبان... شكرا"
http://forum.hwaml.com/imgcache2/hwaml.com_1382502649_374.gif
وليد فى محبسه... جالس منزويا فى احد الاركان
ينظر حوله بهلع من مصيره المُنتظر
"انا ايه اللى عملته ف نفسى ده... ايه اللى خلانى امشى ورا شيطانى..
.ربنا بيعاقبنى ...بس انا معملتش حاجة...يارب انت رحيم وانا معملتش حاجة...
يارب نجينى وانا مش هعصيك تانى ابدا"
واستسلم لدموعه التى مسحها بسرعة قبل ان يراه زملاء محبسه فيسبوه
كما فعلوا فى الايام السابقة
http://forum.hwaml.com/imgcache2/hwaml.com_1382502649_374.gif
فى اليوم التالى تم استدعاء زينب وعوض رسميا للتحقيق
فى البداية دخلت زينب للتحقيق
وبعد تسجيل البيانات المعتادة...سألها مراد
"تعرفى سناء من امتى؟"
"من حوالى 10 سنين"
"عرفتيها ازاى"
"من الشارع"
"وهو اى واحدة تلاقيها ف الشارع تاخديها تشغليها عندك...
ولا اللى فيها مقومات الشغلانة"
واشتعلت نظرات زينب غضبا
"شغلانة ايه اللى تقصدها...انا اتحبست ظلم واول ما خرجت روحت عملت
عمرة انا مش بتاعة كلام من ده...وبعدين مش اى واحدة اخدها عندى
بس دى صعبت عليا بنت وف الشارع وطلبت منى اساعدها مساعدهاش ليه؟"
"وحكاية البطاقة...على سليمان حكى لنا على كل حاجة"
"يبقى معنديش حاجة اقولها...دى كمان كانت من ضمن الجمايل اللى
عملتها فيها انى خليتها بنى ادمة وليها بطاقة تقدر مع الوقت تتجوز
ولا تشتغل ولا تسافر حتى...بدل ماهى كانت من غير اى ورق"
"اشتغلت عندك ايه؟"
http://forum.hwaml.com/imgcache2/hwaml.com_1382502649_374.gif
"للاسف كانت قريبة منى اوى...وكانت عايشة عندى فى الفيلا"
"اشمعنى دى؟"
"ساندى ذكية وخفيفة وروحها حلوة... بتعرف ازاى تخلى اللى قدامها يحبها"
"بالمناسبة... انتى تعرفى منين ان اسمها ساندى؟؟ مش ده اسم الشهرة
بتاعها وانتى بتقولى متعرفيش عنها حاجة من زمان"
"ساندى اسمها من بعد ما اشتغلت معايا بفترة قالت لى انها متضايقة
من اسمها وعايزة اسم حلو يليق عليها...ده طبعا بعد ما اتغيرت وبقت واحدة
تانية غير اللى جبتها م الشارع"
"لما العلاقة بينكم كانت قوية كده... ايه اللى حصل"
"طمعت فيا وخانتنى"
"ازاى"
"الانسان اللى كنت بحبه وبيحبنى.... رسمت عليه"
"رسمت عليه ازاى"
"رسمت عليه الحب وقدرت توقعه ...ضعف قدامها وبعدها عملت
راسها براسى...لما عرفت واجهتها...لقيتها اتجرأت عليا وردت ردود
مستفزة خلتنى ابهدلها واطردها قدام الناس فى البيوتى سنتر"
"والشخص ده كان معاكى ولا معاها؟"
"لا طبعا هو يقضى وقت معاها اه ...مش اكتر من كده...ايه
جاب مستواه لمستواها؟"
"وليه متجوزتوش طالما بتحبوا بعض ومستواكم متقارب"
"ظروف شخصية مالهاش لازمة تتقال بعد السنين دى كلها"
"وبعدين...انتقمت منك انها بلغت عنك"
"ايوه"
"مخافتش منك؟"
http://forum.hwaml.com/imgcache2/hwaml.com_1382502649_374.gif
"مكنتش بتخاف من حاجة ولا من حد ابدا
انهى مراد استجواب زينب... وقام باستجواب عوض بعدها
كل ما حكته زينب كرره عوض مرة اخرى
سأله مراد عن وجوده وقت الجريمة... اجابه انه كان فى منزله وقتها
وليس لديه شهود تثبت صدق كلامه
فى اخر اليوم... جاء ماجد بتحرياته
وبعد ان سرد مراد ماجاء بأقوال كلا من زينب وعوض
علق ماجد قائلا
"يعنى اللى قالوه صح... بس فيه حاجات مجابوش سيرتها
"كملهالى يا ماجد"
"عوض اتحبس سنة فى قضية الدعارة بتاعة زينب... القضية مش كيدية
ولا انتقام ولا حاجة لان فيه مراقبة لتليفونات ومقابلات وحاجات
كتير يعنى زينب بتشتغل فعلا فى الدعارة وعوض قواد معاها وسناء
كانت من ضمن البنات اللى بيشغلوهم... الراجل اللى كان على
علاقة بزينب ده يبقى عاصم المتولى رجل الاعمال"
ردد مراد قائلا
http://forum.hwaml.com/imgcache2/hwaml.com_1382502649_374.gif
"عاصم المتولى؟؟؟بتاع شركات المتولى"
"هو...ويبقى اخو امينة المتولى"
"مرات جمال العشرى"
"مظبوط يا فندم"
"صدفة دى ولا فيه علاقة ليهم بالقضية؟"
"مش عارف بس اللى اعرفه ان عاصم كانت علاقته قوية بزينب يعنى
مش علاقة مزاج وبس واضح انه كان بيحبها من سنين ومع ذلك
مفكروش طول السنين دى يتجوزوا"
"وبعدين؟"
"سناء اختفت بعد قضية زينب حوالى سنتين محدش يعرف عنها حاجة
فيه اللى بيقولوا سافرت وفيه اللى بيقولوا اتجوزت... وبعدين رجعت
ظهرت تانى ورجعت لشغلها ونشاطها الاولانى"
"مش عارف القرابة اللى ظهرت بين امينة وعاصم دى حسستنى
ان ممكن يكون فيه دافع مشترك انهم يخلصوا منها وهو الانتقام"
"احنا كده عندنا ناس كتير عندهم دوافع القتل... والقاتل اللى كل الشواهد
ضده معندوش الدافع"
"عوض من اول ماشفته وهو مش مريحنى...وخصوصا لما وقع بالكلام
وارتبك ساعة ما سألته عن قتلها"
http://forum.hwaml.com/imgcache2/hwaml.com_1382502649_374.gif
"يبقى مفيش غير البصمات هى اللى هتحدد... وبما ان عوض وزينب
لهم سوابق...يبقى الصبح بدرى هتكون عند سيادتك نتيجة مضاهاة البصمات"
وبكل الحماس غادر ماجد المكتب... وظل مراد مكانه وهو يفكر
"لو لقينا بصمات عوض جوه الشقة تبقى القضية انتهت... لو مالوش اى
بصمات يبقى اللى فى الحجز ده ضحك علينا وممكن جدا يكون مسح
بصماته او لبس جوانتى مش شرط انه مالوش دافع مباشر انه برئ...
يمكن حد محرضُه... لو مش عوض ولا وليد يبقى اكيد القاتل قريب
وانا مش شايفُه... مفيش قاتل هيكون عامل حسابه اوى
على كل حاجة...لازم غلطة
nabila
05-15-2014, 01:11 PM
هههههههه قربنا نخلص بس ولعت كتير بينهم
انا بظن ان القاتل بين زينب و عوض او امينة متولي مفيش غيرهم
تسلم ايدك حبيبتي رح تكون نهاية حلوة
https://lh6.googleusercontent.com/-Wp2-3wV7aWA/U3PJaFAW-tI/AAAAAAAALmw/8RV5JEfuz9Q/w346-h460/2014+-+1
ايام عمري
05-15-2014, 02:55 PM
ههههههههههههه بلبل قلبتي فيها محقق
ممممممم بس مارح قلك اذا في واحد منن او لا
كل يلي فيني قلك اياه انه
وليد بريء
ههههههههههههههههه
http://up.3dlat.com/uploads/134003932517.gif (http://vb.3dlat.com/)
ايام عمري
05-15-2014, 02:59 PM
ان شاء الله بكره هتكون الحلقة الاخيرة
من هلقصة بتمنى فعلا تكون عجبت الكل
متل ما عجبتني واكيد كلنا حماس
نتابع احداث هلحلقة واكيد فيها مفاجأة للكل
تحياتي لكم
http://up.3dlat.com/uploads/134003932517.gif (http://vb.3dlat.com/)
ههههههههه ايام عمري
بس 100 حلقه ولا شئ والله هاى تبقى قصه صغيره
يسلمووو ايدك ايام عمري على هل الحلقات الرائعه
انا ما تبعت الا كم حلقه بس اعذريني لا اسباب خاصه وان شاء الله راح اتابعها كلها
يسلموو ايدك دائما من ابداع لا ابداع اخر
ارجو قبول مروري
العاشق حمام من القلب
15/5/2014
http://up.3dlat.com/uploads/134003932517.gif
ايام عمري
05-16-2014, 12:30 PM
الله يسلمك يا حمام
بتمنى تابع القصة كلها
وتعطينا رأيك فيها بشكل كامل
هنتابع احداث الحلقة الاخيرة سوا
http://up.3dlat.com/uploads/134003932517.gif (http://vb.3dlat.com/)
ايام عمري
05-16-2014, 12:34 PM
ليلة حمرا... الحلقة الأخيرة
http://www.vb.fll2.com/storeimg/img_1352593982_171.gif
وبكل الحماس غادر ماجد المكتب... وظل مراد مكانه وهو يفكر
"لو لقينا بصمات عوض جوه الشقة تبقى القضية انتهت... لو مالوش اى بصمات
يبقى اللى فى الحجز ده ضحك علينا وممكن جدا يكون مسح بصماته او لبس
جوانتى مش شرط انه مالوش دافع مباشر انه برئ... يمكن حد محرضُه...
لو مش عوض ولا وليد يبقى اكيد القاتل قريب وانا مش شايفُه...
مفيش قاتل هيكون عامل حسابه اوى على كل حاجة...لازم غلطة"
http://www.vb.fll2.com/storeimg/img_1352593982_171.gif
فى صباح اليوم التالى
جلس مراد فى مكتبه متوترا منتظرا نتيجة مضاهاة بصمات زينب وعوض
بالبصمات الموجودة فى شقة ساندى
يتمنى ان تكون النتيجة ايجابية حتى ينتهى من قضيته التى انهكت تفكيره
فى الايام الماضية... وكى يطمئن ان احساسه الامنى ببراءة وصدق
رواية وليد يُعتمد عليه بجانب الادلة والبراهين
مضت ثلاث ساعات مرت كدهر...عندما وصل ماجد
استشعر مراد النتيجة من ملامح ماجد المتجهمة
"ايه الاخبار؟"
"النتيجة سلبية... بصماتهم مش موجودة ف مسرح الجريمة
صمت مراد وهو يفكر ... احساسه الامنى لم يصدقه
قاطعه مراد
"العمل؟؟"
"خلاص... احنا عملنا اللى علينا ودورنا ف كل خيط قدامنا...
الواد اللى فى الحبس بيستعبط علينا وكل الادلة ضده... هستدعيه
واسمع منه تانى ...لو ملقيتش اى جديد هيتحول بكرة للنيابة"
تم استدعاء وليد للمرة الاخيرة... قص مرة اخرى ماحدث معه تفصيليا
منذ ان تعرف على ساندى قبل الحادث بيوم واحد وحتى لحظة
وصوله ورؤيتها مذبوحة
ظل مراد يستمع له بتركيز شديد لعله يستطيع ان يجزم بصدق وليد من كذبه
لم يجد مراد جديدا .. فلم يجد سوى القرار الاخير الصواب
تحويل وليد للنيابة
بمجرد سماع وليد بقرار مراد ظل يردد
"انا مظلوم...والله ماعملت حاجة...والله ماقتلتها"
http://www.vb.fll2.com/storeimg/img_1352593982_171.gif
اثناء عودة مراد ليلا من العمل... ظل يفكر فى القضية وهل انهاها
بما يرضى ضميره وتاريخه الجنائى ام انه اكتفى بقشور القضية
ولم يبحث فى اغوارها
ظل عقله يعمل طوال الطريق حتى انه سلك طريقه
بطريقة آلية دون تركيز
وعندما اقترب من منزله...اضاءت عقله فكرة جعلته يلف مقود
سيارته بسرعة فى عكس اتجاه منزله
http://www.vb.fll2.com/storeimg/img_1352593982_171.gif
لم يحدد مراد عما يبحث فى شقة ساندى
ظل يبحث باهتمام فى كل شبر من الشقة الواسعة
جلس يلتقط انفاسه بعد البحث الطويل فى حجرة النوم الرئيسية
والتى كانت اخر مكان بحث فيه
توجه للدولاب الذى بحث فيه منذ قليل وتركه مفتوحا
رأى طرف ظرف تحت الملابس...سحبه بهدوء
فتح الظرف وجد عدد قليل من الصور
صورة لرجل بجلباب وطفلين بنت وولد خلفهما اثر سياحى يجهله
صورة اخرى لنفس الرجل يبدو اصغر قليلا من الصورة السابقة يقبل طفلته
صورة شخصية لنفس الرجل وصورة شخصية لامرأة
صورة زفاف للرجل والمرأة اصحاب الصور الشخصية
امسك مراد الصورة الاولى ودقق فيها
الطفلة يبدو عمرها ما بين 10 و 12 سنة و الاخر يبدو اكبر منها قليلا
دقق مراد فى ملامح الطفلة وجدها تشبه ساندى كثيرا
نظر خلف الصورة وجد مكتوب بخط طفولى
(معبد ابيدوس انا ومحمد وبابا 1\9\ 97)
http://www.vb.fll2.com/storeimg/img_1352593982_171.gif
ترك ماجد ظرف الصور على مكتب مراد وهو يسأله
"يعنى الصور دى هتفيد قضيتنا بإيه؟ وايه علاقتها انك أجلت
عرض المتهم على النيابة"
"دى سناء"
"ايوه ماهو باين من شكلها...ايه المشكلة"
"سناء مش بنت شوارع...لها اهل اهو اب وام واخ...
يا تاهت منهم او انها هربت لاى سبب"
"يعنى هما سايبينها كل ده وهنيجى نقولهم ان بنتهم ماتت"
"او ممكن يكونوا عرفوا طريقها الايام دى واهلها هما اللى قتلوها"
"وهنوصل لاهلها ازاى...احنا اصلا منعرفش اسمها الحقيقى ايه"
"من لبس الاب والام باين انهم صعايدة او فلاحين...
نشوف كل بلاغات الغياب فى كل محافظات الفلاحين والصعيد
من بعد 97 لحد 2002 من 10 سنين لما قابلت زيزى"
"بلاغات الغياب فين بالظبط"
"كل المحافظات"
http://www.vb.fll2.com/storeimg/img_1352593982_171.gif
"ولنفترض انها هربت منهم وان اهلها صعايدة...
تفتكر هيبلغوا عن غيابها؟"
"والله احنا ماشيين بالخطوات المنطقية واحدة واحدة... لقينا اى بلاغ غياب
ليها خير ملقيناش هنوصل برضه لاهلها"
"عندك طريقة ؟"
"عندى"
http://www.vb.fll2.com/storeimg/img_1352593982_171.gif
وبالفعل فى الايام التالية كان التركيز كله من مراد وماجد وبعض
مساعديهم هو البحث فى جميع بلاغات الغياب بمحافظات
مصر جميعها على مدى 10 سنوات
وبعد عناء وجهد ايام... هتف احد المساعدين
"لقيتها يا باشا...بلاغ غياب"
تقدم بملف الى مراد.. اقترب ماجد منه ليرى تفاصيل الملف
فتحه مراد وجد صورة ساندى فى عمر اكبر قليلا من الصورة
التى وجدها فى منزلها... شرع فى قراءة البيانات
"فاطمة يسرى عبيد من قرية عنيبس مركز جهينة سوهاج متغيبة
من 20 ابريل 2002 عمرها 16 سنة ... المبلغ عن غيابها زوجها
حسن ياسين عبيد "
التقت نظرات مراد وماجد فى تساؤل وتعجب
ورددا معاً
"المُبلغ جوزها؟؟!!!"
لحظات من الصمت سادت بينهما لاستيعاب المفاجئة التى
لم تخطر لهما على بال قط
بدأ مراد بالكلام
"لازم نروح نستجوب جوزها ده ونشوف ايه حكايتها"
http://www.vb.fll2.com/storeimg/img_1352593982_171.gif
فى دوار عمدة القرية... ذهب مراد وماجد ومأمور المركز لمعرفة معلومات
عن ساندى او فاطمة قبل ان تصبح ساندى
جاء احد الخفراء لتقديم الشاى حتى يصل العمدة
بعدها بدقائق وصل عمدة القرية واستقبلهم بترحاب
المأمور"بقولك ايه ياعمدة... الباشاوات جايين من مصر وعايزينك فى خدمة...
عايزين يعرفوا كام حاجة كده بس تجيلهم دوغرى ف الكلام"
العمدة"تحت امر الباشاوات"
مراد"احنا عايزين نعرف معلومات عن اصحاب الصورة دى يا عمدة"
مد مراد يده بصورة فاطمة وشقيقها ووالدها
دقق العمدة النظر فى الصورة
"ده يسرى والبت فاطنة بنته الله يرحمهم والواد محمد وهو صغير"
مراد"هما ماتوا ...فاطمة ماتت امتى؟"
العمدة"كانوا بياخدوا عزاها من ييجى اسبوعين ولا 10 ايام كده...
البت جابت العار للعيلة كلها...ابوها وامها كانوا نسمة الله يرحمهم
مش عارف دى طلعت لمين"
ماجد"يا عمدة انت بتحكى كأننا عارفين حاجة ...واحدة واحدة
واحكى الحكاية من الاول"
http://www.vb.fll2.com/storeimg/img_1352593982_171.gif
العمدة"متأخذنيش ياباشا... عايز تعرف ايه بالظبط "
مراد"كل حاجة.... فاطمة اختفت امتى وليه وازاى؟ وهى كانت متجوزة فعلا ؟
ليها عيال؟؟فين اهلها دلوقتى"
العمدة"فاطمة ومحمد دول الخلفة اللى فضلت من عيال يسرى عبيد..
. يسرى مات وبعدها بسنة مراته ماتت... وبقى محمد وفاطنة لوحدهم ..
.الواد محمد سافر اسكندرية يشتغل فى المينا وياسين اخد فاطنة عنده...
بس ياسين عنده شباب وميصحش يقعد عنده بنت وسط الشباب...
قام قالوا ياخدوها لابنه حسن... بس كانت البت بتاعة 15 سنة الا شوية...
عملولها شهادة وسننوها وكتبوا كتابها على حسن وقبل ما يدخلوا
كانت مع عمها ومرات
عمها فى المركز ضاعت منهم ولا هربت الله اعلم المهم انهم قعدوا يدوروا
عليها كتير لحد ما زهقوا وكل البلد كانت بتتكلم عن انها هربت لانها
كانت دايرة على طوب الارض فى البلد تقولهم انها مش عايزة
تتجوز حسن... ومحمد من عارُه سافر وساب مصر كلها ومرجعش
غير قريب وقالوا انهم عرفوا طريقها وانها ماتت وعملوا عزا"
ماجد"مقالوش ماتت ازاى"
العمدة بتوجس وادراك ان كلامه سيؤدى بأبناء بلده لمصير سئ...
حاول ان ينتقى كلامه لانه يدرك تماما ان اهل المدن لا يعلموا
احساس اهل الصعيد بالعار الذى يلتحق ببناتهن عند غيابهن وانه
لابد من الثأر للشرف مهما كانت العواقب
اجاب باقتضاب
"مقالوش اكتر من انها ماتت"
ماجد"ومحدش سألهم؟"
http://www.vb.fll2.com/storeimg/img_1352593982_171.gif
اهل القرية جميعا علموا بأن حسن ومحمد ابن عمه ثأرا لشرف
عائلتهم بعدما انتشرت الاخبار فى البلد منذ فترة بأن فاطمة
بنت عبيد (ماشية فى البطال) على حد قول اهل القرية بعدما تعرف
عليها احد شباب القرية من خلال الانترنت واخبر زوجها الذى ارسل
فورا لابن عمه بما وصل له من معلومات فأتى من سفره مسرعا لتحرى الأمر
لم يستطع العمدة ان يجيب صدقا حتى لا يثبت التهمة على ابناء قريته
اذ ربما وجدا ما يبرئ ساحتهما امام الجهات المسئولة والتى لاتقدر
قيمة الشرف لدى الرجل الصعيدى
تقدم مراد بالشكر لعمدة القرية فى مساعدته لهما
وغادر الدوار مع ماجد
http://www.vb.fll2.com/storeimg/img_1352593982_171.gif
بعد إلقاء القبض على حسن ومحمد وترحيلهما للقاهرة
كان مراد منتظرا بشغف نتيجة مضاهاة بصماتهما بالبصمات
الموجودة فى مسرح الجريمة
جاءه ماجد فرِحا وهو يهلل
"اخيرا يا باشا... بصمات الاتنين موجودة فى مسرح الجريمة ودافع
الجريمة وشهادة اهل البلد انهم عملوا عزا اليومين اللى فاتوا دول
بعد 10 سنين غياب لبنتهم يبقى كده القضية اتقفلت"
رد مراد مزهوا بنفسه انه سار فى الطريق الصحيح لتحقيق العدالة
وعدم الاكتفاء بأدلة تزج ببرئ خلف القضبان او ربما تحت حبل المشنقة
"كده يبقى مش باقى الا اعترافهم وضميرى يستريح ناحية القضية دى"
http://www.vb.fll2.com/storeimg/img_1352593982_171.gif
اثناء التحقيق مع حسن ومحمد معا... لم يستطيعا الانكار بعد مواجهتهما
بكل ما ضدهم من أدلة... وبدءا سرد اعترافاتهما
حسن"دى بنت عمى ومراتى يعنى شرفى اللى مرمطته فى الوحل
وكان طبيعى انى لما اعرف انها ماشية فى البطال انتقم لشرفى"
مراد"بعد 10 سنين؟؟"
حسن"لو كنت عرفت لها طريق قبل كده مكنتش استنيت"
مراد موجهها حديثه لمحمد
"وانت؟؟ جيت من سفرك علشان تقتلها؟"
محمد"ايوه... من بعد ما هربت وهى خلتنا مش قادرين نرفع عنينا فى
الناس...اول ما حسن كلمنى وقالى اللى بيتقال من جدعان البلد نزلت على طول"
مراد "وعرفتوا طريقها ازاى...عنوانها يعنى؟"
حسن"واحد من معارفنا بقى يكلمها واتعرف عليها وطلب يقابلها ..
.وبعد ماعرفنا عنوانها نزلنا مصر روحنا راقبنا الشقة واتأكدنا انها
هى واستغلينا وقت هادى مكنش البواب موجود وجارتها اللى فى
نفس الدور نزلت...طلعنا وخبطنا عليها وفتحت لنا"
مراد"وفتحت لكم الباب عادى كده؟"
محمد"كنا مداريين نفسنا بعيد عن العين وباين عليها كانت مستنية
حد لانها فتحت بسرعة"
مراد"احكولى عملتوا ايه بالظبط"
http://www.vb.fll2.com/storeimg/img_1352593982_171.gif
محمد"اول ما شافتنا كانت هتقفل الباب تانى... زقينا الباب ودخلنا
وقفلنا ورانا...جريت وهى بتهددنا انها هتبلغ ... دخلت لحد جوه تجيب
التليفون... كنا بقينا وراها... انا كنت عايز اقتلها بإيدى"
حسن" دى مراتى انا ... وهربت منى انا... محمد كتفها وانا
اللى دبحتها وغسلت عارى بدمها"
بعد سماع اعترافاتهما... قرر مراد تحويلهما للنيابة
لاستكمال التحقيق ... واخلاء سبيل وليد
http://www.vb.fll2.com/storeimg/img_1352593982_171.gif
فور خروج وليد من محبسه... خرج مسرعا للشارع ليتنفس حريته
التى سُلبت منه الايام الماضية
كان كل شئ حوله له طعم مختلف... زحام الشوارع وعوادم السيارات
التى كثيرا ما اختنق منها اصبحت بالنسبة له كالنسيم العليل
فى لحظات ظهيرة شديدة الحرارة
بعيدا عن محبسه والمستقبل المظلم الذى كان ينتظره ..
.شعر انه ولد من جديد
ولكى تكتمل سعادته... كان لابد ان يذهب لهاجر ليستعيد
حبه وتكتمل سعادته فى الحياة
http://www.vb.fll2.com/storeimg/img_1352593982_171.gif
بعد اقل من ساعة... كان يطرق باب منزلها
الاحلام بالمستقبل السعيد تتراقص امام عينيه
فُتح الباب...وجد والد هاجر امامه
مد يديه مصافحا
"ازيك ياعمى... وازى هاجر وطنط... انا خرجت من ساعة بس... فين هاجر افرحها"
رد والد هاجر دون ان يصافحه
"وانت عايز ايه من هاجر... احنا بلغنا والدتك بفسخ الخطوبة"
بدأت الاحلام التى رسمها فى خياله تنهار فجأة وتظلم الدنيا امام عينيه
قال مستدركا
"انا برئ ياعمى... لو مكنتش برئ مكنوش خرجونى"
"برئ او برئ ميهمناش... انا مش هربط حياة بنتى ومستقبلها بواحد
اخلاقه زى اخلاقك وميعرفش ربنا"
"بس انا... انا بحبها وعايز اعتذر لها"
سمع صوت هاجر من خلف والدها
"معنديش حاجة تانية اقولهالك ياوليد اكتر من اللى بابا قاله...
لو سمحت متجيش هنا تانى"
وليد اغرورقت عيناه بالدموع واختنق صوته
"سامحينى ياهاجر وادينى فرصة "
http://www.vb.fll2.com/storeimg/img_1352593982_171.gif
"كان ممكن اسامحك فى اى حاجة الا خيانتك ليا... بعد اذنك... يالا يابابا"
تقدمت هاجر والدها وهى تغلق الباب فى وجه وليد
هبط وليد الدرج منكسرا يجر اذيال الخيبة يذرف دموع الندم على ضعف
ه امام لحظات سعادة عابرة كانت السبب فى ضياع حبه وقتل احلامه
وسعادته الابدية كما كادت ان تودى بحياته ظلما.
http://www.vb.fll2.com/storeimg/img_1352593982_171.gif
تـــــمــــت
http://www.vb.fll2.com/storeimg/img_1352593982_171.gif
احلى ايام العمر
05-16-2014, 01:13 PM
كتيرررررررررر حلوة ايام عمري تسلم ايديكي بجد
بتجنن ونهايتا كمان كتيررر ومعاها حق هيك هيك كان رايح يخونا
يستاهل انها تتركو موووووووووووووووووواه حلوتي
بانتظار اكشن جديد بس من فاطمة لساندي هيك كتيررررررررررر هههههههههههههههههههههههههههههه
ايام عمري
05-16-2014, 01:22 PM
ههههههههههههههههههههه
الله يسلمك حبيبتي مش بس فاطمة
طلعت بنادوها بلصعيدي فاطنة
نورتي القصة وان شاء كل فترة منزل قصة جديدة
http://up.3dlat.com/uploads/134003932517.gif (http://vb.3dlat.com/)
امير الغرباء
05-17-2014, 08:21 PM
رائعه بكل التفاصيل
حقا تجعل القارئ يعيش الاجواء
وتنمى الحس البوليسي لدى القارئ
سلمت الايادي ع النقل
ايام عمري
05-19-2014, 02:10 PM
الله يسلمك امير الغرباء
مرورك الاروع اكيد
سعدت بمتابعتك للقصة واعجابك بها
لك تحياتي
http://up.3dlat.com/uploads/134003932517.gif (http://vb.3dlat.com/)
ايام عمري
05-28-2014, 02:48 PM
كان حلم قصة من حلقات للكاتبة
دينا عماد وانا فعلا معجبة باسلوبها
وبطريقة سرد الحكاية من خلال حلقات
وهنزل القصة حلقتين كل يوم
يارب تعجبكم
ايام عمري
05-28-2014, 02:53 PM
كان حلم...الحلقة 1
http://mamietitine.m.a.pic.centerblog.net/abe8377b.gif
ماجد خلص لبس فى اوضته... قفل الهاند باج اللى ع السرير
واخدها على كتفه وخرج من الاوضة
مامته حاطة الفطار وقاعدة مستنياه
"صباح الخير ياماما"
"صباح النور ياحبيبى... انا مستنياك تفطر معايا"
قعد ماجد..وبدأ ياكل بسرعة
"هى نشوى فين"
"نايمة... انا عارفة بنات ايه اللى تفضل صاحية طول الليل وتنام نص النهار"
باب الاوضة يتفتح...وتظهر نشوى
"سامعاكى ياماما"
ماجد"ههههههه شكلك لسه منمتيش"
نشوى وهى بتقرب من ماجد وبتاخد اللقمة اللى ف ايده وبتاكلها
"لا لسه...حسيت انى جعانة قلت افطر معاكم وبعدين انام"
الام"يالا شوفى لك يومين فى بيت ابوكى قبل ماتروحى بيتك وتشيلى
المسئولية كلها لوحدك"
نشوى وهى بتاكل"لما انتى عارفة ياماما انى هشيل المسئولية دى قريب..
.سيبينى اشوف لى يومين"
ماجد وهو بيقوم من ع الاكل
"الحمدلله"
الام"مالك يابنى انت لحقت"
ماجد"يدوب ياماما علشان لازم اروح بدرى عندى اول تمرين الساعة 10"
الام"ربنا يوفقك يا حبيبى ويوقفلك ولاد الحلال"
نشوى"ويرزقك من وسع يااخويا يابن امى وابويا علشان تجيبلى كل اللى انا عايزاه"
الام"وهو بيأخر عنك حاجة"
ماجد"ادعى يالمضة ...بتدعيلى ولا بتدعى لنفسك"
نشوى"وانا وانت ايه مش واحد"
وحدفتله بوسة وهى قاعدة ضحك ماجد وهو بيفتح الباب وبينزل
http://mamietitine.m.a.pic.centerblog.net/abe8377b.gif
فى بيت نغم
قاعدين بيتغدوا نغم وباباها ومامتها
نغم"عملت لى ايه يابابا فى الموضوع اللى كلمتك فيه"
الاب"موضوع ايه"
الام"يوووه انت نسيت... مش قالتلك عايزة تشتغل"
نغم"كده يابابا اخد الموضوع باستهتار...انا بجد زهقت من قعدة البيت"
الاب"وايه اللى طلعها فى دماغك يعنى ماانتى بعد مااتخرجتى قلتى
عايزة تقعدى ترتاحى وتعبتى من الكلية وقرفها"
نغم"وبقالى سنة قاعدة ...كفاية بقى"
الاب"ماشى انا معنديش مانع بس مش عارف والله تشتغلى ايه"
نغم"يعنى انا خريجة تربية رياضية هشتغل ايه ياتشوفلى عقد فى
مدرسة يا تشوف لى عقد فى نادى... اى حاجة وانا من ناحيتى بدور فى
اعلانات الجرايد وعلى النت واللى يلاقى حاجة ياريت"
الام"ربنا يقدملك اللى فيه الخير ان شاءالله"
الاب"ان شاءالله"
http://mamietitine.m.a.pic.centerblog.net/abe8377b.gif
الام"ايوه خليها تنزل تشوف الناس والناس يشوفوها علشان ربنا يرزقها بابن الحلال"
نغم"كل شئ بأوان ومتقلقيش النصيب هييجى هييجى"
الاب"شفتى بنتك اعقل منك والله"
الام"بقى كده...شايفنى يعنى مجنونة"
الاب"وانا اقدر ...ده انتى ست العاقلين"
الام"ايوه كده "
ضحكت نغم وهى بتبص لمامتها وباباها بحب وهى بتقول فى سرها
"ربنا يخليكوا ليا يارب ومتحرمش منكم ابدا"
http://mamietitine.m.a.pic.centerblog.net/abe8377b.gif
ماجد رجع البيت بالليل... شاف مامته قاعدة وفاتحة التليفزيون وهى نايمة...
راح قفل التليفزيون
"ايه ياماجد قفلته ليه...انا صاحية"
"قومى ياماما دماغك مايلة وكده رقبتك هتوجعك"
"استنى احضرلك العشا"
"لا متتعبيش نفسك... انا هتصرف قومى انتى"
قامت الام دخلت اوضتها... ودخل ماجد حط الهاند باج فى اوضته
واخد منها هدوم حطها فى سبت الغسيل فى الحمام
واخد دش وخرج ...قعد قدام التليفزيون يقلب فى القنوات
بص على الساعة كانت 12... وشاف نور اوضة نشوى منور
قام خبط عليها...مردتش...سمعها بتضحك
خبط تانى... مردتش...فتح الباب بهدوء
شافها قاعدة على الكمبيوتر وحاطة السماعات فى ودنها
"طبعا مش سمعانى"
نشوى بتتكلم مع حد تانى"ثوانى وهكلمك تانى"
قامت نشوى من مكانها وقعدت جنب ماجد اللى كان قعد على السرير
"قعدت اخبط مسمعتنيش"
http://mamietitine.m.a.pic.centerblog.net/abe8377b.gif
"ياحبيبى انت تدخل اى وقت من غير استئذان"
"كلينى يابت بكلمتين ماانا عارفك"
"ههههه لاوالله ده انت حبيبى"
"كنت حبيبك قبل مايدخل سى كريم قلبك"
"اللى فى القلب فى القلب يا مجاميجو انت اخويا حبيبى وهو يدوب بس
خطيبى حبيبى جوزى باعتبار ماسيكون"
"ههههههههه لا واضح طبعا انه يدوب بس...كنتى بتكلميه صح"
"اه عايز حاجة"
"لا خلاص خدى راحتك...انا كنت عايز نتعشى مع بعض"
"عيونى ياحبيبى...اقلب كريم واجيلك"
"ههههه يخربيت ألفاظك"
قام ماجد وهو على الباب كانت نشوى بتقعد على الكمبيوتر تانى
"بقولك ايه...اقلبيه بسرعة الله يخليكى...عصافير بطنى بتستغيث"
http://mamietitine.m.a.pic.centerblog.net/abe8377b.gif
بعد اسبوع فى بيت نغم
بعد مارجع الاب بالليل
كانت الام قاعدة قدام التليفزيون
"السلام عليكم"
قامت الام تستقبله
"وعليكم السلام... حمدالله ع السلامة... ادخل غير هدومك لحد
مااحضر العشا"
"لا استنى ...فين نغم"
"فى اوضتها...عايزها ليه"
"اندهيلها وانا هتكلم مرة واحدة"
ونادت الام"يا نغغغغغغغغغم"
جت نغم من اوضتها
"نعم ياماما...حمدالله ع السلامة يابابا"
الاب"الله يسلمك...تعالى يانغم عايزك"
قعدوا كلهم
الام"خير يااسماعيل... شكل الحكاية فيها عريس"
الاب"لا يا فاطمة مش عريس... ده شغل"
ونطت نغم من مكانها وهى بتتعدل
"بجد يابابا... ها فين وهبدأ امتى"
http://mamietitine.m.a.pic.centerblog.net/abe8377b.gif
الاب"انا من ساعة ماقلتيلى وانا مخلتش حد من معارفى الا وكلمته المهم
من شوية قابلت واحد من اصحابى وقالى انه كلم رئيس مجلس ادارة نادى
الفيروز يشوفلك شغل وهو قال انهم عندهم مدرب سباحة واحد بس
ومحتاجين بنت علشان فيه بنات مش بيوافقوا يدربهم شاب واحنا داخلين
على صيف وهيبقى فيه شغل كتير وهو لوحده مش هيقدر"
نغم"حلو اوى كده...هبدأ امتى"
http://mamietitine.m.a.pic.centerblog.net/abe8377b.gif
الاب"بصى هو عايزك بكرة تروحى الساعة 12 للاستاذ فاروق غالب
هو مستنيكى وهتتفقوا ويقولك المواعيد وكل حاجة"
الام"وهى يعنى هتروح لوحدها ماتروح معاها يااسماعيل"
الاب" وماله..استأذن من الشغل واروح معاها"
نغم"بابا معلش ممكن تسيبنى اروح لوحدى واعتمد على نفسى ...
مش معقول اول يوم شغل هروح وبابا معايا"
الاب"كلام سليم...ربنا يوفقك يانغم"
http://mamietitine.m.a.pic.centerblog.net/abe8377b.gif
تانى يوم... فى النادى
ماجد قاعد على البيسين بعد ماخلص تمرينين
جه عليه مصطفى
"صباح الفل ياماجد"
"صباح العسل يادرش...اخبارك ايه"
"تمام ..ايه انت بريك ولا ايه"
"اه بريك ساعة وعندى تمرين الساعة 1"
"طيب ماتيجى معايا انا عندى تمرين دلوقتى"
"ماشى يالا بينا"
قاموا الاتنين واتجهوا ناحية ملعب الكورة
http://mamietitine.m.a.pic.centerblog.net/abe8377b.gif
بعد مادخلت نغم النادى وسألت على البوابه على ا\فاروق غالب
وصف لها الامن مكتبه
لما دخلت النادى كانت ماشية على الوصف بالظبط
بس حست انها تايهه
النادى اغلبه تمارين لاطفال صغيرين لاننا فى بداية الصيف واغلب المراحل
الدراسية لسه مخلصوش امتحانات
ملقيتش حد قدامها غير 2 شباب متجهين ناحية ملعب الكورة
اتجهت نغم ناحية ماجد ومصطفى علشان تسألهم
ماجد ومصطفى شايفين بنت متجهه ناحيتهم...اول مرة يشوفوها فى النادى...
الاتنين وقفوا يبصوا لها وهى بتقرب منه
ايام عمري
05-28-2014, 03:06 PM
كان حلم...الحلقة 2
http://lescreasdekathy.l.e.pic.centerblog.net/d7mpr7f7.gif
اتجهت نغم ناحية ماجد ومصطفى علشان تسألهم
ماجد ومصطفى شايفين بنت متجهه ناحيتهم...اول مرة يشوفوها فى النادى...
الاتنين وقفوا يبصوا لها وهى بتقرب منهم
نغم"لو سمحتم فين مكتب ا\فاروق غالب"
مصطفى"بصى المبنى اللى هناك ده...فى الدور التانى"
نغم"شكرا"
مشيت نغم فى اتجاه المبنى اللى فيه المكتب
ماجد ومصطفى بيتابعوها
مصطفى"مين دى"
ماجد"وانا ايش عرفنى"
مصطفى"حلوة"
ماجد"اه"
مصطفى"هنفضل واقفين هنا"
ماجد"لا"
مصطفى"ما يالا بقى"
كان الحوار كله والاتنين بيبصوا على نغم لحد مااختفت جوه المبنى
http://lescreasdekathy.l.e.pic.centerblog.net/d7mpr7f7.gif
نغم طالعة السلم... وصلت للمكتب
الباب مفتوح وواضح انه فيه ناس
اتقدمت نغم بخطوات مترددة لحد مابقت على الباب
قالت لنفسها"يالا اعتمدى على نفسك وخليكى جريئة"
خبطت خبطتين على الباب المفتوح ودخلت ووقفت قصاد فاروق
"صباح الخير ا\فاروق"
"اهلا يابنتى"
"انا نغم اسماعيل جاية لحضرتك من..."
"اه...اهلا اهلا اقعدى وثوانى هكون معاكى"
قعدت نغم واستنت لحد ما فاروق خلص كلام مع الناس الموجودة
"اهلا بيكى يانغم"
"اهلا بحضرتك... انا جيت حسب المعاد علشان الشغل"
"انتى خريجة ايه"
"تربية رياضية شعبة سباحة...وانا اصلا اخدة ميداليات فى السباحة من
النادى اللى كنت بلعب فيه وانا صغيرة ...وانا..."
"خلاص يانغم عرفنا انك جامدة"
ابتسمت نغم بخجل"ربنا يخلى حضرتك"
"بصى يا نغم احنا داخلين على صيف وهيبقى فيه شغل كتير وخصوصا
اننا هنعمل تدريب للسيدات فقط غير الاطفال...احنا معندناش هنا غير ماجد
مدرب سباحة وهو بصراحة قايم بالشغل كله على اكمل وجه وعمره ماقصر"
"وانا ان شاءالله مش هقصر وهتجرب وتشوف"
http://lescreasdekathy.l.e.pic.centerblog.net/d7mpr7f7.gif
"تمام...بالنسبة للاجر فالعقد بيكون بسيط انما اللى بيفرق عدد المجموعات
اللى بتدربيها ...يعنى زى المدرس اللى بيشتغل بالحصة كده"
"فاهمة حضرتك"
"المواعيد انتى بتحدديها مع المتدربين واحنا عندنا اكتر من بيسين يعنى
لو انتى وماجد عندكم تدريب فى نفس الوقت تقدروا تتفاهموا على
مين هيدرب فين ومين هياخد البيسين التانى...لحد مانخلص البيسين
المغطى اللى هيكون للسيدات فقط ده هيبقى خاص بيكى انتى وساعتها
ممكن تاخدى الاطفال تدربيهم هناك"
"حاضر"
"طيب تقدرى تنزلى كده تاخدى جولة فى النادى تتفرجى واستنينى عند
البيسين وانا هخلص اللى ف ايدى وانزل اعرفك على ماجد واقسم
المجموعات بينكم"
قامت نغم وهى بتقوم من مكانها
"ميرسى اوى لحضرتك... بعد اذنك"
http://lescreasdekathy.l.e.pic.centerblog.net/d7mpr7f7.gif
نزلت نغم اتمشت فى النادى 10 دقايق وخافت ان فاروق ينزل قبلها
راحت قعدت على البيسين
قاعدة...وفاروق مجاش ...كل شوية تبص فى الساعة
الساعة بقت واحدة الا خمسة لما شافت بعض الشباب بييجوا يقعدوا عن البيسين
بعدها جه واحد من اللى سألتهم عن مكتب فاروق
فهمت ان ده ماجد لما بدأ يتكلم مع الشباب وسمعتهم بيقولولوا
"يا كابتن"
ماجد لاحظ نغم قاعدة لوحدها...كل شوية يبص عليها
مستغرب مين دى اللى قاعدة كده لوحدها
نص ساعة ونزل فاروق وقعد معاها...لحظات ونادى على ماجد
راح لهم ماجد
"مساء الخير ا\فاروق"
فاروق"مساء النور ياكابتن...اعرفك على زميلتك الجديدة كابتن نغم"
ماجد"اهلا ياكابتن"
نغم"تشرفنا ياكابتن"
فاروق"هات جدول مواعيد التدريبات بتاعتك ياماجد علشان نخفف من عليك شوية "
ماجد اتفاجئ بكلام فاروق... هو بيحب شغله ومشتكاش
"حاضر يا ا\فاروق بس انا مشتكيتش من الشغل"
فاروق"انا عارف انك بتتعب معانا اوى بس احنا داخلين على موسم
ومش هتقدر لوحدك"
قام ماجد وجاب الجدول المكتوب من شنطته وهو متضايق
اخد فاروق الورق...وبدأ يقسم وادى لنغم 4 مجموعات
"المجموعات دى مبدئية يانغم ولما الاجازة تبدأ هتلاقى المجموعات تزيد "
نغم"اوك... انا تحت امرك"
http://lescreasdekathy.l.e.pic.centerblog.net/d7mpr7f7.gif
بعد شهرين من شغل نغم فى النادى
مصطفى وماجد قاعدين مع بعض
جت نغم عليهم وعدت من جنبهم
"صباح الخير ياكباتن"
مصطفى"صباح النور ياكابتن نغم"
مشيت نغم فى طريقها
"ايه ياماجد انت مردتش عليها السلام"
"بص يامصطفى انا متضايق من البت دى"
"ليه ياعم دى فى حالها ومالهاش دعوة بحد...حتى لما انت بتصمم على
البيسين الكبير بتسيبهولك وتروح الصغير"
"يابنى من يوم ماجت وهى قاسمت معايا الشغل"
"ياعم ماجد ماانت شايف زحمة الصيف كنت هتقدر على كل ده لوحدك..
اهى ريحتك شوية"
http://lescreasdekathy.l.e.pic.centerblog.net/d7mpr7f7.gif
ماجد داخل البيت ...كانت مامته ونشوى قاعدين مع بعض
"السلام عليكم... عاملين ايه"
قعد ماجد على اقرب كنبة وبص لنشوى
"وشك بيضحك شكل كريم كان هنا"
ضحكت نشوى اكتر
"طول عمرك اروب يا ميجوووو"
الام"ماجد... كريم كان هنا وقال انه خلص توضيب الشقة وكان عايز يحدد معانا
معاد الفرح علشان يحجز قاعة"
ماجد"مبروك يا نوشة الف مبروك... ربنا يتمم بخير"
نشوى"الله يبارك فيك وعقبالك"
ماجد"ان شاءالله"
الام"دلوقتى اختك ناقصها شوية حاجات فى الفرش وحاجات بسيطة للمطبخ"
ماجد"عيونى ياماما... هو كريم قال عايز امتى"
الام"قال على شهر 10 كده"
ماجد"تمام يعنى قدامنا بتاع 3شهور...بصى بكرة هقبض هديلك اللى
اقدر عليه وكل شهر برضه...وشهر 9 يبيقى فيه المسابقى السنوية اللى
شرم ودى باخد منها مبلغ كويس هبقى اديهولك كله... يكفيكى
ولا هتحتاجى تانى"
http://lescreasdekathy.l.e.pic.centerblog.net/d7mpr7f7.gif
الام"لا يكفى ان شاءالله وان احتاجت هبقى اعمل جمعية ونسدده
بعد مااختك تتجوز"
ماجد"طب خلاص محلولى الحمدلله... لولولى ى ى ى"
نشوى"ايه الزغروطة العبيطة دى ياماجد"
ماجد"زغروطة رجالى ياعبيطة لازم تبقى كده"
http://lescreasdekathy.l.e.pic.centerblog.net/d7mpr7f7.gif
تانى يوم فى النادى... راح ماجد ومصطفى يقبضوا
ماجد بيعد الفلوس"ايه ده"
"ايه ياماجد"
"مرتبى ناقص 500 جنيه"
"يمكن غلطة...اسأل ا\ محمد"
ورجع ماجد تانى للحسابات
"ا\محمد انا مرتبى ناقص 500 جنيه هو فيه غلط ولا حاجة"
محمد"لا ياكابتن الفرق ده فى الاجر المتغير بتاع التدريبات"
ماجد"اه..ماشى شكرا"
نزل ماجد لمصطفى وحكى له رد محمد
"شفت اهى الست نغم جت كمان علشان تقاسمنى فى رزقى...
اعمل ايه ونشوى هتتجوز كمان 3شهور"
"ياماجد متقولش كده الارزاق على الله"
"استغفر الله العظيم يارب"
http://lescreasdekathy.l.e.pic.centerblog.net/d7mpr7f7.gif
فى شهر 8...نغم فى بيتها...اول مادخلت
"باباااااا...ماماااااااااااااا"
الام"ايه يانغم"
وجه الاب من اوضته...قعدوا كلهم واتكلمت نغم بفرحة
"ا\فاروق رشحنى انى اروح المسابقة السنوية اللى بيشترك فيها
النادى كل سنة فى شرم الشيخ"
الام"تسافرى لوحدك يعنى"
نغم"مع الفريق اللى مشترك فى المسابقة ...هكون المشرفة"
الاب"هتقعدى قد ايه"
نغم"10 ايام...وطبعا مش معقول هتقولى لا يابابا على حاجة مهمة زى دى"
الاب مبتسم"لا مش هقول حاجة طبعا...تروحى وتيجى بالسلامة"
قام الاب..وسكتت الام بعد ماشافت فرحة نغم... وقالتلها
"بقولك ايه لسه زميلك ده بيعاملك وحش"
"هو متجنبنى وانا متجنباه تماما... ياماما بيعاملنى على ان النادى ده بتاعه
وانا جيت اشاركه فيه..انا عارفة انه مش طايقنى وعلشان كده سايباه
يغلى ف نفسه وبجتهد فى شغلى ومليش دعوة بيه"
"ربنا يهديلك العاصى يانغم ويوقفلك ولاد الحلال"
"يارب ياماما... ممكن تحضريلى الغدا لحد ماخد دش"
"عيونى يا ضنايا
http://lescreasdekathy.l.e.pic.centerblog.net/d7mpr7f7.gif
فى النادى...نغم فى البيسين بتدرب اطفال
ماجد قاعد سرحان وبيكلم نفسه فى سره
"يعنى كمان قاسمتينى فى رزقى وسكتت انما المسابقة اللى مستنيها
علشان جواز البنت الغلبانة دى اعمل ايه... اجيب فلوس منين واتصرف ازاى...
السفر فاضل عليه 3ايام... ربنا ميبعتلكيش حاجة تعطلك وتعتذرى واسافر انا..
. اعمل ايه"
خلصت نغم التدريب وراحت ناحية تغيير الملابس
ماجد لسه قاعد سرحان وبيكلم نفسه
"وانا لسه هستنى لما يحصل حاجة او ممكن متحصلش"
قام ماجد...اخد كيسين شامبو صغير كان فى شنطته
راح قدام باب تغيير الملابس ...فتح الكيس باسنانه
و فرغ اول كيس وبعدين تانى كيس قدام الباب
وهو بيبص حواليه وبيتأكد ان محدش شايفه
راح وقف بعيد يراقب الباب اللى عنده الشامبو وهو بيقول لنفسه
"مضطر بقى يانغم ازحبقك علشان تقعى على ايدك ولا رجلك وتضطرى ترتاحى
فيها اسبوعين تلاتة اكون رجعت انا من المسابق"
دقايق وشاف نغم خارجة من اوضة تغيير الملابس
وحصل المتوقع...اتزحلقت نغم
http://lescreasdekathy.l.e.pic.centerblog.net/d7mpr7f7.gif
نغم وقعت على ضهرها ودماغها اترزعت فى الارض
وقف ماجد مستنى نغم تقوم من الوقعة
لحظات بتمر بطيئة...نغم مش بتتحرك نهائى
ههههههه ايام عمرى
ايوا ارجعى خلينا نعيش جو المغامرات
http://www.girls-ly.com/vb/storeimg/img_girls-ly1361656282_701.gif (http://www.girls-ly.com/vb/girls-ly266/)
ايام عمري لقد قرات الحلقتين
من المسلسلل كان حلما يبدو في بدايه الحلقه
الاولى والتانيه بان الحب مخيم بين نغم وابوها
وبين ماجد واخته والكل في هل الحلقتين
يتمنى الخير للاخر وخاصه طمع نشوى لا اخوها
لانها بدها تتزوج واما من ناحيه ماجد ونغم
يبدو من البدايه بان ماجد حقد على نغم
وخاصه انها ستحل بجزء كبير من شغله
احداث في هل الحلقين رائعه جدا
واتمنى في باقي الحلقات تكون هكذا
شكووره ايام عمري على هل المجهود الرائع
واتمنالك التوفيق في باقي الاجزاء
وتقبلي مروري
العاشق حمام من القلب
28/5/2014
http://vb.shbbab.com/photos/2/20141351610865_837.jpg
ايام عمري
05-31-2014, 06:14 PM
ههههههههههههه حبيبتي شهد
رجعت بس بعتذر فعلا على التأخير
بتنزيل الحلقات عشان انشغلت شوي
وان شاء الله هكمل حسب وقتي
ويارب تعجبكم القصة متل ماعجبتني
http://im25.gulfup.com/2012-08-18/1345311196379.gif
ايام عمري
05-31-2014, 06:16 PM
منور القصة واحداث القصة يا حمام
بس بلنسبة لنشوى هي مش طمعانة بأخوها
عشان العادات بمصر اهل البنت مسؤولين
في تقديم جهاز العروس
وبلنسبة لماجد ونغم في تطورات كثيرة هتكون
تابع القصة معنا حمام ويارب تعجبك
http://im25.gulfup.com/2012-08-18/1345311196379.gif
ايام عمري
05-31-2014, 06:20 PM
كان حلم... الحلقة 3
http://im29.gulfup.com/2012-08-18/1345311009193.gif
وقف ماجد مش عارف نغم مش بتقوم ليه
جرى عليها وف نفس الوقت كان بعض الموجودين لاحظوا وقعتها
واتجمعوا عليها....محاولات افاقتها باءت بالفشل
ماجد بيحاول يفوقها بكل الحاح...مفيش فايدة
مصطفى واقف وسط الناس ومستغرب لهفة ماجد على نغم
ردود الافعال سريعة والتصرفات اسرع...ماجد اتصل بالاسعاف
وقبل ماالاسعاف ييجى عرَض واحد من رواد النادى انه يوديها المستشفى بعربيته اسرع
شالها مصطفى وماجد ونيموها فى العربية
وركبت معاها واحدة من اولياء امور الاطفال اللى كانت بتدربهم نغم
وقف ماجد ومصطفى بيبصوا على العربية وهى ماشية
ماجد"احنا هنسيبها كده"
مصطفى"احنا مالنا ياماجد"
ماجد"انت ايه مش زميلتنا... واللى راحت معاهم دول ناس اغراب"
مصطفى"نعمل ايه طيب"
ماجد"انت لسه هترغى...انا رايح لهم المستشفى"
مصطفى"وانت عارف هيروحوا مستشفى ايه"
ماجد"سمعت الست بتقول نوديها مستشفى الرحمة علشان اقرب مستشفى"
http://im29.gulfup.com/2012-08-18/1345311009193.gif
وصل ماجد ومصطفى المستشفى
وهما على السلم شافوا اللى وداها بعربيته نازل
ماجد"سلام عليكم يااستاذ...هى كابتن نغم فاقت"
الرجل"لا هما اخدوها فى الطوارئ وودوها على الرنين المغناطيسى"
ماجد رد بسرعة"متشكرين"
طلع ماجد ومصطفى وراه...ماجد بيسأل فى الاستقبال عن مكان الرنين...
وصف له الموظف المكان
ماجد بيهرول ومصطفى وراه
شده مصطفى من دراعه
"ماتقف هنا وفهمنى...مالك ملهوف عليها كده ليه"
"صعبانة عليا يامصطفى ...بلاش؟...وياسيدى لو انت مستعجل ولا وراك
حاجة اتفضل انت انا مغصبتكش تيجى معايا"
"ايوه انا ورايا شغل ...انا راجع النادى"
رجع مصطفى وكمل ماجد طريقه
http://im29.gulfup.com/2012-08-18/1345311009193.gif
لما وصل ماجد للدور اللى فيه الرنين المغناطيسى
شاف الام وبنتها اللى جت مع نغم
اول ماشافت ماجد راحت عليه
"ياكابتن"
"نعم"
"دى شنطة كابتن نغم اللى كانت معاها لما وقعت انا طلعت الموبايل واتصلت
بباباها...معلش خلى الحاجة معاك انا لازم امشى"
ومد ماجد ايده ياخد الشنطة..واتردد
"ممكن حضرتك تسيبيها تحت فى الاستقبال لانى همشى دلوقتى"
"اوك اللى يريحك"
نزلت الام وبنتها...وفضل ماجد واقف وهو قلقان
بعد ربع ساعة شاف الممرضين خارجين بنغم على السرير
وهى زى ماهى فاقدة الوعى
هم انه يروح يسأل الممرضات...لقى 2 بيجروا ناحية نغم وهما بيقولوا
"بنتى...بنتى"
فهم ماجد ان دول اهل نغم...فضل واقف يراقبهم من بعيد
خاف يقرب يسألوه ايه اللى حصل
كل مابيفتكر ايه اللى حصل وانه السبب ...بيخاف
مشى ماجد وراهم من بعيد...لحد ماشاف الممرضين بيدخلوا نغم
"العناية المركزة"
http://im29.gulfup.com/2012-08-18/1345311009193.gif
لما شاف واحدة من الممرضات خارجة...راح ناحيتها
"لو سمحتى هى الانسة اللى دخلتوها من هنا مالها"
"انت تعرفها"
"لالا هى بس صعبت عليا"
"هو لسه الدكتور مشفش نتيجة الاشعة بس شكلها كده دخلت فى غيبوبة"
"غيبوبة؟؟ليه؟؟"
"الناس اللى جابوها بيقولوا وقعت على دماغها"
"وهى مجرد وقعة تعمل كده"
"امر ربنا...بعد اذنك يااستاذ"
مشيت الممرضة وسابته واقف...خاف يهتم اكتر من كده حد يعرفه...
فمشى من المستشفى خالص
http://im29.gulfup.com/2012-08-18/1345311009193.gif
دخل ماجد البيت... سمع صوت مامته ونشوى فى المطبخ
دخل على طول على اوضته وقفل عليه
سمع صوت نشوى بتقول
"اه والله ياماما سمعت صوت الباب...باين ماجد جه"
الصوت بيقرب من الاوضه...الباب بيتفتح
"انت جيت؟؟مالك فى ايه"
ماجد بيرد وهو مهموم وحزين
"مفيش حاجة"
"انت مش بيبقى عندك شغل دلوقتى"
واترددت كلمة شغل فى دماغ ماجد
"شغل... اه صحيح...المفروض اكون فى النادى مش فى البيت.. انا ايه
اللى لخبطنى كده... وبعدين لو حد لاحظ غيابى يقول ايه"
نشوى"ماجد...ماااااااااجد...ايه مالك مبتردش ليه"
ماجد"مفيش يانشوى"
وقام رايح ناحية الباب...قابل مامته قبل مايوصل للباب
"مالك ياماجد"
"مفيش"
خرج بسرعة ورزع الباب وراه قبل مايسيب مجال للاسئلة من مامته او نشوى
وقفوا الاتنين يبصوا لبعض بعد ماجد ماخرج
الام"هو فيه ايه"
رفعت نشوى كتفيها وهى بتقولها"الله اعلم"
http://im29.gulfup.com/2012-08-18/1345311009193.gif
نغم نايمة على السرير ومتوصلها اجهزة كتير
مامتها وباباها حواليها...الام بتعيط بصمت متواصل
والاب كل شوية يقول
"لاحول ولا قوة الابالله... استغفر الله العظيم...قدر الله وماشاءفعل"
وكأنه بيصبر نفسه وبيصبر مراته بذكر الله
دخل الدكتور ومعاه ممرضة
الاب"طمنى يادكتور...بنتى مالها"
الدكتور"بصراحة وضعها صعب جدا الخبطة جت مباشرة فى المخ وفيه
شرخ بسيط فى الجمجمة بس هيلتئم مش ده اللى يقلق"
الام بدموعها"لو كل ده ميقلقش اومال ايه اللى يقلق"
الدكتور"اولا الغيبوبة اللى دخلت فيها دى محدش يعرف هتفوق منها امتى"
الاب"لا حول ولا قوة الا بالله... الصبر من عندك يارب"
صوت بكاء الام كان اعلى ...طبطبت عليها الممرضة
كمل الدكتور"خلى املكم فى الله كبير ممكن تفوق بعد ساعات او ايام محدش
عارف...اللى يقلق اكتر ان الخبطة كانت قريبة اوى من مركز الذاكرة فى المخ"
الاب"وده معناه ايه"
الدكتور"ولا نقدر نعرف غير لما تفوق ونعرف الخبطة اثرت ولا لأ"
الام"ياحبيبتى يابنتى...كان مستخبي لنا فين ده كله"
الممرضة"ادعيلها ياحاجة...بس معلش ربع ساعة واتفضلوا لان دى عناية
مركزة ومينفعش فيها القعدة دى"
http://im29.gulfup.com/2012-08-18/1345311009193.gif
ماجد بقية اليوم وهو قاعد متضايق ولغى كل التدريبات
احساسه بالذنب بيوجعه وضميره بيأنبه
"بس انا مكنتش اعرف ان هيحصل كده"
التوتر ساد فى النادى كله لما عرفوا ان نغم فى غيبوبة
اخر اليوم بالليل بعد ماخرج ماجد من النادى
سرح وهو بيفكر فى اللى حصل...فضل ماشى لحد ماوصل المستشفى...
دخل من الباب الرئيسى وراح عند العناية المركزة
جه ناحيته واحد من الممرضين
"حضرتك بتدور على حاجة"
"اه واحدة قريبتى هنا"
"ممنوع يااستاذ اتفضل دلوقتى وتعالى بكرة فى الزيارة"
طلع ماجد من جيبه 20 جنيه وحطها فى جيب الممرض
"مش هينفع اجى وقت الزيارة انا مش هطول ابص عليها بس"
ابتسم الممرض وهو بينقل ال20 جنيه من جيب البالطو الابيض لجيب البنطلون
"اه فهمت... طيب انا هدخلك دقيقتين بس اسمها ايه"
"نغم اسماعيل"
http://im29.gulfup.com/2012-08-18/1345311009193.gif
"دى ف غيبوبة يااستاذ مش هتحس بيك"
"معلش دخلنى ليها بس... بقولك ايه متعرفش حالتها ايه بالظبط"
"والله يااستاذ بيقولوا حالتها خِطرة وصعبانة ع الكل اصلها لسه صغيرة"
كان بيتكلم وهو ماشى وماجد ماشى وراه
وصلوا عند نغم
"انا هخرج اقف بره علشان لو حد جه اخليك تنزل من السلم التانى"
خرج الممرض...بص ماجد على نغم وهى نايمة
دموعه نزلت غصب عنه... قرب منها
مفيش صوت غير صوت الاجهزة
بصوت واطى ومسموع بدأ يكلمها
"سامحينى يانغم... والله ماكنت اقصد كل كده... انا اسف"
اتمنى انها ترد عليه وتقوله انها سامحته
بس كانت كل حاجة زى ماهى نفس صوت الاجهزة
فتح الممرض الباب
"يالا يااستاذ احنا اتفقنا على دقيقتين"
مسح ماجد دموعه وخرج ورا الممرض
http://im29.gulfup.com/2012-08-18/1345311009193.gif
دخل ماجد البيت ... حمد ربنا ان مامته مش قاعدة
والبيت كله هادى ومطفى ماعدا نور اوضة نشوى
فهم ان مامته نامت واكيد نشوى مش هتسمعه وهو داخل
دخل اوضته...غير هدومه وحدف نفسه على السرير كأنه بيرمى عليه همومه
فضل نايم وعينه على السقف وكأن السقف شاشة عرض بتعرض احداث اليوم..
.الدموع نازلة من جنب عينيه على المخدة
"معقول انا عملت كده...ليه ؟؟وازاى قدرت افكر كده"
ميعرفش هو فضل كده قد ايه... هو صحا من النوم بعد غفلة بسيطة على
صوت خبط عالى على الباب
قام من النوم... خرج من اوضته
مامته على باب اوضتها ...صحيت على صوت الخبط
نشوى على باب اوضتها... قامت على صوت الخبط
ماجد بيفتح الباب... لقى قدامه ضابط وعساكر
قبل ما يسأل فاجئه الظابط
"فين ماجد عبد السلام"
وبصوت خايف رد ماجد
"انا"
http://im29.gulfup.com/2012-08-18/1345311009193.gif
شاور الظابط للعساكر
"اقبضوا عليه"
ماجد"ليه"
الظابط"انت متهم بقتل نغم اسماعيل فيه شاهد شاف الواقعة"
ماجد"قتل!!! هى ماتت؟؟"
ايام عمري
05-31-2014, 06:30 PM
كان حلم... الحلقة 4
http://im29.gulfup.com/2012-08-18/134531100964.gif
شاور الظابط للعساكر
"اقبضوا عليه"
ماجد"ليه"
الظابط"انت متهم بقتل نغم اسماعيل فيه شاهد شاف الواقعة"
ماجد"قتل!!! هى ماتت؟؟"
الظابط"خدووووه"
هجم العساكر على ماجد وشدوه بره الباب
نشوى ومامته بيعيطوا
ماجد"مكنش قصدى... مكنش قصدى"
نشوى"ماجد... ماجد...ماجد"
http://im29.gulfup.com/2012-08-18/134531100964.gif
نشوى"ماجد....ماجد....ماجد"
فتح ماجد عينيه ونشوى جنبه بتصحيه
ماجد"ايه... نشوى؟؟؟فى ايه"
نشوى"انت كنت بتتقلب وتقول كلام مش مفهوم...فصحيتك"
ماجد"كابوس"
مدت نشوى ايدها مسحت دمعة كانت نازلة من عين ماجد
"مالك ياماجد"
"مفيش يانشوى...كنت بحلم بس ..عادى يعنى"
نشوى بابتسامة"اول مرة تنام من غير ماتيجى ترخم عليا"
ماجد بجدية"معلش يانشوى...انا هنام"
واتدور وادالها ضهره وهو بيقولها
"تصبحى على خير"
"مش هتتعشا طيب"
"لا اتعشيت بره"
فهمت نشوى انه مش عايز يتكلم قامت قفلت النور والباب وخرجت
http://im29.gulfup.com/2012-08-18/134531100964.gif
تانى يوم فى النادى...ماجد راح فى معاده
بدأ تدريباته وعلى الساعة 12 جه مصطفى
"صباح الخير ياماجد"
"صباح النور"
"ايه لسه عندك تمرين"
"اه... لسه ساعة كمان"
"طيب هروح التمرين بتاعى واجيلك"
"ماشى"
بعد ساعة... جه مصطفى وقعد جنب ماجد
"ايه حكايتك بقى"
"حكاية ايه"
"من امبارح وانت مش طبيعى من ساعة اللى حصل لنغم"
ورد ماجد بقلق
"مش طبيعى ازاى يعنى"
"شكلك متأثر اوى يعنى... مع انك مكنتش بتطيقها"
"صعبت عليا"
"يا واد ياحنين"
قالها مصطفى وهو بيضحك
ماجد بيبص له بغضب
http://im29.gulfup.com/2012-08-18/134531100964.gif
"ايه ياعم ...انا بهزر معاك بتبص لى كده ليه"
"مفيش يا مصطفى مخنوق بس شوية"
"احكيلى ياصاحبى...مالك"
سكت ماجد مش عارف يحكى ولا يسكت
قاطعتهم بنت اول مرة يشوفوها
"هاى... مين كابتن ماجد"
قام ماجد وقف...
"انا ماجد"
مدت ايدها تسلم عليه
"انا يسرا ... زميلتك الجديدة"
مد ايده يسلم وهو مستغرب ان بالسرعة دى جابوا مدربة مكان نغم
مصطفى قام ومد ايده يسلم وهو مبتسم اوى
"اهلا ياكابتن نورتينا... انا مصطفى مدرب كورة هنا فى النادى"
"تشرفنا يا كابتن"
ووجهت كلامها لماجد
" ا\فاروق قالى انك هتعرفنى على مواعيد المدربة اللى قبلى وهمسك
انا مجموعاتها"
"بسرعة كده لحق ا\فاروق يلاقى مدربة جديدة"
"انا مش جديدة ياكابتن...انا بدرب بقالى 3سنين وجاية هنا بترشيح من مدير
النادى اللى بشتغل فيه لانى عارفة ان فيه مجموعات شغالة وغياب
http://im29.gulfup.com/2012-08-18/134531100964.gif
المدربة هيأثر على النادى هنا"
مصطفى"ايه ياكابتن انتى افشتى ليه...كابتن ماجد ميقصدش"
يسرا"ولا يقصد...انا حبيت افهمه واوضحله بس... هتقولى مواعيدها ولا ايه"
ماجد"انا معرفش... تقدرى تسألى فى السكرتارية"
"ميرسى"
مشيت يسرا وقعد ماجد ومصطفى تانى
"انت كنت غتت"
"ليه ان شاءالله"
"واحدة رقيقة كده وبتقول هاى وميرسى ترد عليها بالغلاسة دى"
"وحياة ابوك يا مصطفى سيبنى ف حالى"
جه ولد صغير بيشتغل فى النادى
"كابتن ماجد ا\فاروق عايزك"
"ماشى هطلع له اهو"
مشى الولد ... وقام ماجد
"تفتكر يسرا تبع ا\فاروق وهيوصيك عليها ولا يديك كلمتين
علشان طريقتك معاها دى
"معرفش...هطلع اشوف اهو"
http://im29.gulfup.com/2012-08-18/134531100964.gif
فى المستشفى... نغم نايمة فى الغيبوبة
باباها ومامتها حواليها
الام قاعدة ماسكة مصحف وبتقرا وكل شوية تبص لنغم
الاب واقف شوية يكلم نغم باى كلام وكأنها سامعاه
وشوية يسكت لما يتعب من قلة الرد
جت الممرضة
"ياجماعة يالا معاد الزيارة انتهى"
الام"احنا يدوب بقالنا نص ساعة بس"
الممرضة"معلش هى الزيارة فى العناية كده ساعة فى اليوم بس"
الاب"حاضر يابنتى هنمشى اهو"
http://im29.gulfup.com/2012-08-18/134531100964.gif
خبط ماجد على باب مكتب فاروق المفتوح
"تعالى ياماجد"
"حضرتك بعتلى"
"اه...اقعد"
قعد ماجد ... وكمل فاروق كلامه
"طبعا اللى حصل لنغم مكنش متوقع... وانت عارف ان معاد سفر المسابقة
بعد بكرة ومفيش غيرك يسافر...حضر نفسك ياماجد"
"معلش ياا\فاروق انا بعتذر مش هينفع اسافر"
"مش هينفع ليه"
"فيه ظروف فى البيت تمنعنى اسيبهم...وبعدين بالنسبة للمسابقة
ممكن المدربة الجديدة تروح"
"خلاص ياماجد مش مهم... اكيد يسرا هتوافق تروح"
"تؤمرنى بأى حاجة"
"لا شكرا"
قام ماجد يمشى وهو نازل من المكتب كان بيفكر
"انا ازاى رفضت الفرصة اللى مستنيها... بالعكس مكنش ينفع غير انى ارفض..
.دى اقل حاجة ممكن اعملها تخفف عذاب ضميرى... انا كده اتصرفت صح..
.ونشوى وجوازها؟؟؟ اعمل ايه واقولهم ايه؟؟ يارب حلها من عندك وسامحنى
على اللى عملته ف نغم"
http://im29.gulfup.com/2012-08-18/134531100964.gif
ماجد بعد ماخلص شغل فى النادى... مشى لحد المستشفى
لما وصل المستشفى دخل زى اليوم اللى قبله
وقابل نفس الممرض فى الدور اللى فيه نغم
وكلمه وهو بيحط فى جيبه ال20 جنيه
"مساء الفل ... اخبار نغم ايه"
"زى ماهى يا استاذ"
"ممكن ابص عليها"
"بس .."
"دقيقتين مش اكتر"
"ماشى يا باشا... اتفضل"
دخل ماجد ووقف الممرض بره
بص ماجد على نغم وهى نايمة
دموعه نزلت غصب عنه... قرب منها
مفيش صوت غير صوت الاجهزة
بصوت واطى ومسموع بدأ يكلمها
"سامحينى يانغم... والله ماكنت اقصد كل كده... انا اسف"
http://im29.gulfup.com/2012-08-18/134531100964.gif
دخل ماجد البيت بالليل...لقى نشوى قاعدة بتعيط ومامتها جنبها
"السلام عليكم...ايه مالها نشوى"
الام"مفيش هى مكبرة الموضوع اوى"
نشوى بعصبية"متقوليش مكبرة الموضوع ...هو الموضوع كبير فعلا"
ماجد"مالك يانشوى ...كريم زعلك"
الام"ابدا ده حتى عايز يرضيها ومش عارف"
نشوى"انا هحكيلك واحك بالحق"
ماجد"احكى"
نشوى"النهاردة كان معادنا مع النجار اللى بيعمل اوضة النوم...روحنا
لقيت منظر تانى خالص غير اللى كنا مختارينه"
ماجد"وحش يعنى"
نشوى"وحش اوى ياماجد عارف لما تختار حاجة وتلاقى العكس"
ماجد"وبعدين"
نشوى"اتخانقنا مع الراجل وقلناله مش عايزين الاوضة... وانت عارف ان
كريم دفع جزء كبير من تمنها"
ماجد"المشكلة فين بقى"
http://im29.gulfup.com/2012-08-18/134531100964.gif
نشوى"قلت لكريم مش عايزة القرف ده قالى طيب ولما طلب الفلوس
من الراجل قاله هديلك الفلوس على شهرين... وكريم مصمم نعمل اوضة
تانية عمولة وانا عايزة اوضة جاهزة"
ماجد"ووصلتوا لايه"
الام"وصلوا ان كل واحد فيهم مصمم على رأيه واتخانقوا وكريم نزل
من هنا زعلان"
ماجد"كل حاجة بالهداوة يانشوى... انا هتكلم مع كريم"
نشوى"لا لاحسن يفتكر انى انا اللى قلتلك تتكلم"
الام"مينفعش العِند ده يانشوى ... ده انتوا حاجزين الشهر الجاى"
نشوى"انتى ياماما مسمعتيش قعد يزعق ازاى ويقولى انى عندية"
ماجد"هنستنى لبكرة لو متصلش بيكى هكلمه ونشوف الحل ايه"
الام"وانت ياماجد..احنا مجبناش حاجة من اللى قلتلك عليها وانت مدتنيش
فلوس زى ماوعدتنى"
ماجد"حاضر ياماما ...هتصرف ان شاءالله"
رن تليفون البيت... قام ماجد يرد
http://im29.gulfup.com/2012-08-18/134531100964.gif
"الو...ازيك ياكريم... كنت لسه فى سيرتك ياراجل... مزعل عروستك ليه؟...
اتكلم وانا سامعك... ومقلتش ليه على طول هو احنا اغراب يعنى...
لا طبعا متحملش نفسك فوق طاقتك... ماشى ياكريم...
اه اهى هندهالك"
وشاور ماجد لنشوى انها تتكلم... اخدت نشوى التليفون ودخلت اوضتها
الام"ايه ياماجد ...قالك ايه"
ماجد"بيقول انه هيعملها اللى هى عايزاه بس هو الفلوس مقصرة معاه
شوية وبيقول لو نأجل 3 شهور كمان ويتجوزوا على السنة الجديدة"
الام"هو بيتحجج ولا ايه... هو كان كلام عيال"
ماجد"مامااا... انا كمان مش معايا فلوس اكمل جهاز نشوى علشان كده انا
حاسس بيه وحكاية التأجيل دى هتنفعنى انى الحق اتصرف واكملها اللى ناقصها"
الام"ياحبيبى يابنى ومقلتليش ليه"
ماجد"مكنتش عايز اكسر بخاطرها"
الام"ربنا يجبر بخاطرك ياماجد ويفتح لك ابواب الرزق يارب"
http://im29.gulfup.com/2012-08-18/134531100964.gif
على مدى اسبوع... ماجد بيروح المستشفى لنغم يوميا
يسأل عليها الممرض اللى عرفه وبقى ياخد الفلوس ويدخله دقيقتين
وكل يوم ماجد يقولها نفس الجملة وهو حاسس بعذاب الضمير
اليوم ده وبعد اسبوع
وقف ماجد... وقالها
"نفسى تقومى بالسلامة... نفسى اكَفر عن غلطتى واعملك اى حاجة..
انا مش عارف ممكن اعمل ايه بس على الاقل ترجعى لطبيعتك تانى...
انا مبنامش وصرتك وانتى نايمة كده مش بتفارقنى...
قومى يانغم وارجعى لطبيعتك"
كان بيتكلم بتأثر شديد...نزلت دمعة من عينه على ايدها
جه يمسح الدمعة من على ايدها
شافها بتحرك ايدها... انتفض بفرحة
"نغم... نغم"
جفونها بتتحرك وهى مغمضة... وفتحت عينيها ببطء
nabila
06-01-2014, 05:54 PM
http://im45.gulfup.com/qIeGq1.gif
http://im88.gulfup.com/k0YSVt.gif
http://im47.gulfup.com/nP5Ekt.gif
http://im45.gulfup.com/y6afH7.gif
http://im86.gulfup.com/RM8gTj.gif
http://im76.gulfup.com/kH3oXE.gif
http://im67.gulfup.com/iiJ8Uh.gif
http://im74.gulfup.com/z1ibEW.gif
WIDTH=400 HEIGHT=400
ايام عمري
06-02-2014, 08:59 AM
ههههههههههههههههههههههههه
منورة المكان والقصة كلها حبيبتي بلبل
بس الجريمة هلمره غير شكل بجد
هتقولي ياريت انا الضحية مكانها
ههههههههههههههه
يلا نتابع مع بعض احداث الحلقات الجديدة
http://im25.gulfup.com/2012-08-18/1345311196379.gif
ايام عمري
06-02-2014, 09:03 AM
كان حلم...الحلقة 5
http://im25.gulfup.com/2012-08-18/1345311701888.gif
اتفاجئ ماجد بنغم لما فتحت عينيها
مفاجأة بفرحة...وقبل اى رد فعل منه
غمضت عينيها تانى
"نغم ...نغم"
مردتش عليه...فتح الممرض الباب
"يالا يااستاذ"
"نغم فتحت عينيها"
"فين...ماهى زى ماهى اهى"
"حركت صوابعها وفتحت عينيها والله انا شفتها بعينيا"
بص لها ماجد تانى...شافها بتحرك جفونها
"بص...اهى عينيها بتتحرك"
فتحت نغم عينيها تانى للحظات وغمضت
"انا هنادى للدكتور...دى بتفوق"
خرج الممرض ووقف ماجد لحظات
"بتفوق...وبعدين لو فاقت ولقيتنى هنا هقولها ايه"
مشى ماجد بسرعة من الاوضة...ومن المستشفى كلها
http://im25.gulfup.com/2012-08-18/1345311701888.gif
تانى يوم فى اوضة عادية
نغم على السرير وضهرها مرفوع بالسرير شبه قاعدة
مامتها وباباها قاعدين على كراسى بعيدة شوية عن السرير
الدكتور واقف بيتكلم مع نغم
"اسمك ايه"
"نغم"
"عاملة ايه دلوقتى "
"الحمدلله بس عندى صداع فظيع"
"معلش بالوقت هيخف خالص...انتى عارفة انتى هنا ليه"
"لا"
"طيب عارفة مين دول"
"اه بابا وماما"
"مش فاكرة اى حاجة عن اللى خلاكى تيجى هنا"
"لا خالص"
"طيب انتى بتشتغلى فين"
"انا لسه بدرس فى تربية رياضية"
ردت الام وهى بتعيط"يا مصيبتى"
شاور لها الدكتور بالسكوت
"احكى لى عاملة ايه فى الدراسة"
"الحمدلله مبسوطة انا بحب دراستى وداخلة الكلية مخصوص علشان بحبها"
http://im25.gulfup.com/2012-08-18/1345311701888.gif
"فاكرة كنتى فى مدرسة ايه فى ثانوى"
"اه مدرسة..."
وقعدت نغم تفكر... وتفكر
"ازاى... هو انا مدخلتش ثانوى ازاى؟؟"
بص لها الدكتور... وبص لمامتها وباباها
"انا هتكلم هنا علشان نغم كمان تسمعنى... انتى يانغم عندك 22سنة"
"لا انا عندى 19"
"بصى انتى جيتى هنا لانك وقعتى على دماغك والخبطة اثرت على الذاكرة"
ووجه كلامه لاهلها
"نغم عندها فقدان ذاكرة جزئى والحمدلله انه جزئى انا كنت متوقع انها
تفقد الذاكرة تماما...كده المشكلة اخف كتير"
الاب"يعنى ممكن ذاكرتها ترجع لها"
الدكتور"اه ان شاءالله بالعلاج وانتم كمان"
الام"احنا ايه؟"
الدكتور "يعنى تتكلموا معاها كتير عن الفترات اللى هى ناسياها...
لو فيه صور وفيديوهات لمناسبات وتفكروها بيها...لو ليها اصحاب برضه ياخدوها
الاماكن اللى كانوا بيروحوها وهى ناسياها...اشياء من هذا القبيل"
نغم بتبص عليهم وهى مش فاهمة اى حاجة
بتحاول تفتكر اى حاجة عن الوقعة اللى اتسببت لها فى فقدان الذاكرة ده..
.مش قادرة تفتكر حاجة خالص
http://im25.gulfup.com/2012-08-18/1345311701888.gif
من لحظة ما خرج ماجد من المستشفى وهو بيفكر فى نغم
فرحان انها هتبقى كويسة وف نفس الوقت هو متأكد انها مشفتوش وهو
بيحط لها الشامبو ع الارض...طول اليوم وهو فى النادى بيفكر يطمن عليها ازاى
وكعادته طول الاسبوع... راح المستشفى بالليل
لما قابل الممرض...بعد مااخد منه الفلوس
"على فكرة خرجت من العناية الصبح"
رد ماجد بفرحة
"بجد... بقت كويسة يعنى"
"هى كويسة ومش كويسة"
ماجد بقلق
"يعنى ايه كويسة ومش كويسة"
http://im25.gulfup.com/2012-08-18/1345311701888.gif
"يعنى صحتها كويسة انما فقدت الذاكرة"
ماجد باستغراب وحزن
"فقدت الذاكرة؟؟!!"
"مش كلها يعنى"
"ماتقول يعنى ايه ...فقدت الذاكرة ولا لا"
"هى يعنى هتبقى فى حاجات فاكراها وحاجات ولا...
ممكن سنين بحالها متفتكرهاش"
سكت ماجد...سكوت بحزن
"بعد اذنك يااستاذ"
"استنى"
"نعم"
"هى فين... ممكن اشوفها من بعيد"
"هى فى اوضة515 فى الدور الخامس وهناك تقدر تشوفها عادى مش ممنوع"
"متشكر اوى"
http://im25.gulfup.com/2012-08-18/1345311701888.gif
راح ماجد ركب الاسانسير... وطلع الدور الخامس
مشى فى الطرقة يدور على ارقام الاوض... لحد ما وصل للاوضة 515...
بابها كان مفتوح ...وقف لبعيد بحيث يكون شايفها
بص شاف نغم قاعدة على السرير ومامتها قاعدها قصادها وبتديها عصير...
اخدت منها العصير وهى بتضحك لها وبتطبطب على ايدها بعد ماخدت العصير
مامتها قامت تعدل المخدات من ورا ضهرها
نغم وهى بتتعدل لمحت ماجد
لحظات عينيهم جت فى عين بعض
ارتبك ماجد ومشي بسرعة
فضلت نغم سرحانة للحظات وتفكر
"مين ده؟؟ انا حاسة انى شفته قبل كده...مش عارفة مش قادرة افتكر"
http://im25.gulfup.com/2012-08-18/1345311701888.gif
تانى يوم بالليل راح ماجد يطمن على نغم
لما وقف قدام الاوضة كان الباب مقفول
وقف مش عارف يمشى ولا يخبط ويسأل عليها
حسم تفكيره باب الاوضة لما اتفتح وخرجت الممرضة
نغم بتبص على الممرضة وهى خارجة لمحت ماجد
لحظات عينيهم فى عين بعض
فكرت نغم انها تكلمه وتسأله هو مين
بس قبل ماتاخد قرارها كان ماجد مشى
http://im25.gulfup.com/2012-08-18/1345311701888.gif
دخل ماجد البيت وهو فرحان ان نغم بتتحسن
كانت مامته نايمة كالعادة ونور اوضة نشوى مفتوح
راح على اوضة نشوى... وخبط ولما مردتش
فتح الباب ودخل راسه وهو بيضحك لها
"يابنتى كفاية رغى بقى لزقتى فى الكرسى"
اتعدلت نشوى وقالت لكريم
"هكلمك كمان شوية يا كريم... سلام"
قامت ومسكت وش ماجد
"ايه ده ماجد اخويا شفته بيضحك تانى...ياماانت كريم يارب"
"ايه يابت ما انا طول عمرى بضحك"
"اممم طول عمرك اه انما الفترة الاخيرة دى لأ"
"عادى يعنى"
"على اختك برضه"
"هنتعشى ولا هنرغى"
"لولولولى ى ى ى "
"ايه يابت"
http://im25.gulfup.com/2012-08-18/1345311701888.gif
"بقالك 10 ايام بتدخل من بره على اوضتك وتنام من غير ما ترخم
عليا ولا تتعشى معايا"
مسكها وباس راسها
"تصدقى هتفرقى اوى فى البيت لما تتجوزى"
"علشان تعرف قيمتى بس"
"عارف ياحبيبتى...بصى انا عايز اكل اكل كتييييييييير وحاجة جامدة كده "
"عيووووووووونى...شكلك مزاجك حلو"
"اووووى"
"ليه بقى"
"مفيش بقى...انا داخل اخد دش واطلع الاقى الاكل جاهز"
"اوامرك يا سى ماجد"
http://im25.gulfup.com/2012-08-18/1345311701888.gif
فى المستشفى الدكتور بيتكلم مع ابو نغم
"زى ماقلتلكم البيت واهلها واصحابها هما اللى هيساعدوها اكتر من الادوية...
وهى دلوقتى مش محتاجة انها تفضل فى المستشفى... انا كتبتلها خروج
بس طبعا لازم نبقى على تواصل...وجلسات كل اسبوعين اتابع حالتها"
"معلش يادكتور... هى ذاكرتها ممكن ترجع ولا نتعامل على انها كده
خلاص مش هتفتكر تانى"
"لا اكيد هترجع ان شاءالله بس محدش يقدر يعرف امتى ولا ازاى"
"ولا ازاى يعنى ايه"
"يعنى هيرجع المفقود كله مرة واحدة ولا جزء جزء"
"ربنا كبير يادكتور.... بعد اذنك"
راح ابو نغم اوضتها... كانت مامتها بتحط هدوم فى الشنطة
ونغم لابسة لبس خروج
الاب"خلصتوا"
الام"اه ..خلاص... دفعت فلوس المستشفى"
الاب"اه خلاص... واتكلمت مع الدكتور كمان...يالا بينا"
الام"يالا يا نغم"
مسك الاب الشنطة... وراحت الام مسكت نغم وخرجوا
http://im25.gulfup.com/2012-08-18/1345311701888.gif
كالعادة راح ماجد المستشفى.. وعند اوضة نغم
شاف الاوضة مفتوحة والنور مطفى
راح اوضة الممرضات
"لو سمحتى...فين المريضة اللى كانت فى 515"
"خرجت النهاردة الضهر"
"متشكر"
مشى ماجد وهو زعلان انه مشفش نغم زى كل يوم واطمن عليها بنفسه
حتى لو من غير كلام... بس احساسه انها خرجت من المستشفى
كان بيخفف تأنيب ضميره
http://im25.gulfup.com/2012-08-18/1345311701888.gif
فات اسبوع وماجد كل احواله متغيرة
فاقد تركيزه فى كل حاجة ومفيش حاجة شاغلاه غير انه عايز يتطمن على نغم...
محدش فى النادى يعرف عنها حاجة
وكل ما مصطفى يسأله عن سبب تغييره يقوله انه مشغول بالتفكير فى جهاز نشوى
لما وصل انه اسبوع ومش عارف يعرف عنها حاجة...حس انه ممكن يتجنن من التفكير
راح السكرتارية واخد رقم بيت نغم وعنوانها ...وسجله على موبايله
وهو مش عارف هيعمل ايه
طول اليوم بيفكر... لحد ما وصل لفكرة وحس انها معقولة ومناسبة
ايام عمري
06-02-2014, 09:15 AM
كان حلم...الحلقة 6
http://im25.gulfup.com/2012-08-18/1345311196327.gif
لما وصل البيت... لقى نشوى راجعة من البلكونة وشايلة طبق غسيل
فاضى فى ايديها
"نشوى عايزك ضرورى"
"خير... مالك ياماجد"
"ارمى الطبق اللى فى ايدك ده وتعاليلى اوضتى"
دخل ماجد اوضته...بعدها بلحظات جت نشوى
"ايه يابنى مالك"
"عايز منك خدمة"
"هات ياماجد الغسيل اللى انت عايزه ماانت كل مرة تجيب لى غسيل بعد مااخلص"
"غسيل ايه دلوقتى مالك قلبتى كده على امهات"
وردت وهى بتتنهد
"بأقلم نفسى ياخويا... هنعمل ايه شر لابد منه"
"لو طلبت منك اى حاجة هتعمليها"
"اؤمر يازعيم... معاك فى اى حاجة"
http://im25.gulfup.com/2012-08-18/1345311196327.gif
"بصى بقى من غير مقدمات علشان مش عارف ابدأ منين.... فيه واحدة عايزك
تتصلى بيها فى البيت وتسألى عليها وعلى صحتها وتقولى انك صاحبتها"
"انت مجنون...واحدة مين اللى اقول انا صاحبتها دى...وهى هبلة يعنى اى
حد يقولها انا صاحبتك هتسمع كلامه"
"اسمعى بس"
"سامعاك"
"دى واحدة زميلتى ف النادى.. حصل لها حادثة وفقدت ذاكرتها"
"ياعيييييييينى"
"انا بقى عايز تتصلى وتسألى عليها...تكلميها هى او مامتها
المهم تعرفى اخبارها ايه"
"وانت شاغل نفسك بيها كده ليه"
ماجد بارتباك
"ايه شاغل نفسى بيها دى...بسأل عادى يعنى"
"ومش هتتصل انت بيها ليها"
"اصلا مكنش لينا كلام مع بعض بس هى صعبت عليا وعايزة اطمن عليها"
"ااااااااه صعبت عليك...والله انا حاسة الموضوع اكبر من صعبت عليا"
"خلاص يانشوى مش عايز منك حاجة"
"ايه ياعم ماجد هو عيب يعنى"
"هو ايه ده"
"لما تهتم بواحدة...تحب تطمن عليها...كده يعنى"
"اول مرة اكتشف انك غلسة بجد"
"خلاص مش هغلس بس هسألك سؤال"
"اسألى"
"ليه متكلمهاش انت وتطمن بنفسك"
"انا اتحرج ومعرفش عندهم فى بيتهم بيسمحوا بايه ومش بيسمحوا بايه..
.انتى بنت زيها وعادى لما تتصلى وتطمنى عليها "
هرشت نشوى فى دماغها وقالت وهى بتحاول تستجمع شجاعتها
"طيب رسينى بقى ع الكلام اللى هقوله"
"اسمها نغم وكانت بتشتغل معانا فى النادى مدربة سباحة وقعت من 10ايام
ودخلت فى غيبوبة اسبوع بعدها جالها فقدان ذاكرة جزئى"
"ايه جزئى ده"
http://im25.gulfup.com/2012-08-18/1345311196327.gif
"تفتكر حاجات وحاجات لأ...وبعدين شايفانى دكتور هما قالولى كده وخلاص"
"هات التليفون يامغلبنى"
بسرعة خرج ماجد من الاوضة ورجع بتليفون البيت
نشوى قاعدة فى نص السرير... اخدت منه التليفون وحطته ف حجرها
"فين الرقم"
طلع ماجد موبايله واتصل بالرقم وادى لنشوى السماعة
"ايه ردوا"
"لسه اصبر...احم احم"
واتعدلت نشوى فى قعدتها
"الو... نغم معايا... ازيك ياطنط...انا ايمان زميلة نغم فى النادى...هى اخبارها ايه؟
؟طيب الحمدلله انها بخير...اه طبعا هكلمها...معاكى ياطنط"
كانت بتتكلم وماجد قاعد قصادها ومركز معاها
حطت ايدها على السماعة ووجهت كلامها لماجد
"دى هتجيبهالى اكلمها"
"كملى عادى وشوفى فاكرة حاجة ولا لا"
شاورت نشوى لماجد ان نغم ردت
قرب ماجد ودانه من السماعة علشان يسمع صوتها
"الو...ازيك يانغم... انا ايمان زميلتك فى النادى... ولا يهمك انا بس كنت بتطمن
عليكى...انتى كويسة... الحمدلله... اه طبعا ان شاءالله ابقى اجيلك... مع السلامة"
قفلت نشوى مع نغم...وقالت وهى بتتنهد
"دعنى اتنفس الصعداء"
"احكى لى قالتلك ايه"
http://im25.gulfup.com/2012-08-18/1345311196327.gif
"بص ياسيدى هى كويسة جدا بس قالت انها مش فاكرة اى حاجة عن النادى"
"اومال ايه حكاية اجيلك دى"
"مفيش لما قلتلها انى صاحبتها قالتلى تعالى اشوفك يمكن افتكرك قلت
لها ان شاءالله...بخرج من الموقف يعنى"
"ومين ايمان"
"لا دى تمويه"
"ههههههههه ماشى يانوشة متحرمش منك ابدا"
"اى خدمة عيونى ليك"
قامت نشوى خرجت من الاوضة
"هحضر العشا واناديلك"
http://im25.gulfup.com/2012-08-18/1345311196327.gif
قفلت نغم التليفون وراحت قعدت جنب مامتها على الكنبة الكبيرة
وقدامهم على الترابيزة البومات كتير
"مين دى يانغم"
"مش فاكرة ياماما"
"بتقول معاكى فى النادى"
"انا مش فاكرة اى حاجة عن النادى ده خالص"
جه الاب من اوضته
الام"ايه يااسماعيل انت مش قلت داخل تنام"
الاب"كنت هنام جرس التليفون صحانى وسمعت انها واحدة زميلة نغم"
الام"اه بس نغم مش فاكراها"
الاب"انا جاتلى فكرة يمكن تساعد نغم... ايه رأيكم نعمل اشتراك فى النادى
ونبقى نروح نقعد شوية او انتى ونغم تروحوا منها تغير جو ومنها يمكن لما
تشوف الناس اللى تعرفهم تفتكر"
وبصت الام لنغم
"ايه رأيك"
نغم"مش عارفة"
الام"هى فكرة حلوة يانغم يمكن ربنا يسهل وتفتكرى"
نغم"ماشى ياماما"
http://im25.gulfup.com/2012-08-18/1345311196327.gif
تانى يوم فى النادى
ماجد قاعد سرحان ..جه عليه مصطفى
"صباح الخير"
"صباح النور"
مصطفى بيتلفت حواليه
"هو اخبار مسابقة شرم ايه"
"كويسة وبتسلم عليك"
"هى مين"
"المسابقة"
"ياباااااى على السخافة...المفروض اضحك"
"وانت ايه سؤالك الغبى ده...انت شايفنى قاعد هنا ولا معاهم هناك"
"مش المفروض انها تخلص امبارح"
وفكر ماجد شوية
"لا اخر يوم النهاردة...بس انت بتسأل ليه"
وارتبك مصطفى
"مفيش بسأل عادى يعنى"
"ده انت مكنتش بتسأل لما انا بسافر المسابقة جاى تسأل النهاردة"
"ايه ده... الساعة 12 عندى تمرين...سلام"
وضحك ماجد بعد مامشى مصطفى
"يا ابن اللذينة... وفاكرنى مش فاهم بتسأل ليه"
http://im25.gulfup.com/2012-08-18/1345311196327.gif
ماجد قاعد وعينه على المبنى الادارى
شاف فاروق طالع مكتبه
جه ولد صغير
"احنا هنبدأ التمرين امتى ياكابتن"
"ربع ساعة وهنبدأ"
قام ماجد وطلع المبنى الادارى
ولما وصل عند مكتب فاروق
http://im25.gulfup.com/2012-08-18/1345311196327.gif
الباب كان مفتوح... خبط على الباب
"تعالى ياماجد"
"صباح الخير"
"صباح النور...ايه اخبار الشغل"
"كله تمام الحمدلله"
"الحمدلله"
"انا كنت عايز اتكلم مع حضرتك فى موضوع كده ومحرج"
"محرج ليه انت عارف انى هنا بتعامل مع الكل زى ولادى...اتكلم فى ايه"
"بص حضرتك هو الموضوع انسانى بالدرجة الاولى"
"اتكلم"
"بخصوص كابتن نغم"
"مالها"
"حضرتك عرفت انها من الوقعة جالها فقدان ذاكرة"
"لاحول ولا قوة الا بالله... هى محتاجة يعنى مساعدة؟؟"
"مساعدة مش مادية"
"ازاى"
http://im25.gulfup.com/2012-08-18/1345311196327.gif
"يعنى هى محتاجة مساعدة انها تفتكر الجزء المفقود من ذاكرتها...على فكرة
هى مش فاقدة الذاكرة كليا بس هى مش فاكرة حاجة عن شغل النادى"
"والمطلوب يعنى مش فاهم"
"يعنى بما انها اصيبت وهى كانت بتأدى عملها هنا فى النادى فمن واجبنا اننا نساعدها"
"نساعدها يعنى نطلع لها مبلغ شهرى مثلا"
"لا انا بقترح على حضرتك ...لو مفيهاش تجاوز يعنى ...لو ممكن تيجى تشتغل
بالعقد معانا هنا فى النادى تانى... وطبعا لو حضرتك قلقان من انها تتحمل مسئولية
تدريبات مش مهم انا ممكن اساعدها ...بس تواجدها هنا ولما تشوف الاطفال
والبنات اللى كانت بتدربهم وهما بيحبوها وهى بتحبهم يمكن تفتكر حاجة
ونبقى ساعدناها"
"هفكر ياماجد واشوف"
"انا اسف انى اخدت من وقت حضرتك"
"لا ابدا مفيش حاجة...بس انا عايز اسأل سؤال"
"اتفضل"
"ايه سر الاهتمام ده بنغم"
"ابدا مفيش سر ولا حاجة ونغم حتى مكنش ليا علاقة بيها كزملاء عاديين...
بس صعبت عليا بعد اللى حصلها وحابب انى اساعد"
"اوك ياماجد"
"بعد اذنك"
خرج ماجد وهو عارف انه كدب على فاروق...هو عايز يساعدها مش علشان
صعبانة عليه...لا ...علشان يخفف احساسه بالذنب
بعد ماخرج ماجد من مكتب فاروق
فكر فاروق شوية...ورفع سماعة التليفون
"اميرة... هاتى رقم بيت نغم اسماعيل من عندك واتصلى بيها وحوليلى المكالمة"
http://im25.gulfup.com/2012-08-18/1345311196327.gif
دقايق ورن التليفون عند فاروق
"الو...سلام عليكو..ا\ اسماعيل... انا فاروق غالب رئيس مجلس ادارة نادى
الفيروز...اهلا بيك يافندم... انا كنت بتطمن على كابتن نغم... اه عرفت...
بستأذنك تشرفنى بكرة انت ونغم على الساعة 1 الضهر... كل خير ان
شاءالله هنتكلم مع بعض شوية... فى انتظاركم... مع السلامة"
ايام عمري
06-03-2014, 08:57 AM
كان حلم... الحلقة 7
http://mamietitine.m.a.pic.centerblog.net/189771a04m0q48co.gif
فى بيت نغم... بالليل
قاعدة هى ومامتها
"ماما... انا كنت بحكيلك ايه عن النادى"
"انتى لما روحتى تشتغلى مرضيتيش ابوكى يروح معاكى وروحتى قابلتى الراجل لوحدك واشتغلتى وكنتى مبسوطة اوى"
"ومين زمايلى اللى كنت بحكى عنهم"
"مكنش ليكى اختلاط اوى انتى كنتى دايما بتحكى عن الاطفال المتعلقين بيكى وعن الناس اللى بتتعاملى معاهم فى التدريبات"
"مش قادرة افتكر اى حاجة... وتفتكرى ا\فاروق ده عايزنا ليه"
"مش عارفة...قال ياخبر بفلوس بكرة هيبقى ببلاش"
"معاكى حق"
"اه صحيح افتكرت"
"ايه ياماما"
"كان فيه مدرب معاكى مكنتيش بتطيقيه "
"ليه...ماله"
"معرفش انتى كنتى بتقولى انه غلس ومغرور"
"طيب.... انا هقوم انام"
"متنيسيش تاخدى الدوا قبل ماتنامى"
"حاضر ياماما ...تصبحى على خير"
http://mamietitine.m.a.pic.centerblog.net/189771a04m0q48co.gif
دخلت نغم اوضتها... طلعت الدوا من درج الكومودينو
راحت المطبخ جابت ازازة مياه وخدت الدوا
قعدت تفكر
"هلبس ايه بكرة"
قامت فتحت الدولاب... طلعت جينز وتى شيرت
حطت التى شيرت عليها قدام المراية
"ولو انى مش فاكراك بس شغال"
حطت الهدوم تانى فى الدولاب... وهى بتقفل الدولاب
لمحت شنطة لاب توب.... اخدت الشنطة..طلعت اللاب توب وحطته قدامها على السرير
"ماما مقلتليش جبته امتى ده... انا اخر حاجة فاكراها الكمبيوتر اللى كان هنا"
شاورت جنب شباك اوضتها... لقت مكانه فاضى
"ماعلينا... يمكن افتكر اى حاجة"
فتحت اللاب توب...شافت الصور اول حاجة
صور كتير ليها مع اصحابها فى الكلية... اغلب الصور فاكراها
الا عدد قليل من الصور برضه فى الكلية مش فاكرة حاجة عنهم خالص
فتحت النت... جابت موقع الفيس بوك
كتبت الايميل بتاعها والباسوورد اللى فاكراهم
طلع لها تحذير ان الباسوورد غلط
"اكيد غيرته... واستحالة هفتكره.. انا هتعب نفسى ليه...ايميل واكونت جديد وخلاص...اهو حاجة تسلينى شوية"
وعملت نغم ايميل واكونت على الفيس جديد تماما
http://mamietitine.m.a.pic.centerblog.net/189771a04m0q48co.gif
فى بيت ماجد... دخل ماجد البيت لقى مامته قاعدة على الكنبة وفاتحة التليفزيون ونايمة
"ماما...ماما...قومى نامى"
"ماجد انت جيت"
"ايوه ياحبيبتى...قومى نامى فى سريرك بدل القعدة دى"
اتعدلت مامته
"لا انا كنت عايزاك"
قعد ماجد على الكنبة اللى قصادها
"خير ياماما"
"يابنى انا من يوم مااتكلمت معاك فى اللى فاضل لاختك وانت بتقولى طيب ومجبناش حاجة...افرض كريم مكنش أجل الجواز كنا هنتصرف ازاى"
حس ماجد بالاحراج انه موفاش بالوعد
"ماما...انا والله عايز اجيبلها حتة م السما بس اللى انا مقلتوش انى مرتبى نقص اوى بقاله كام شهر والباقى بديلك منه مصروف البيت ومصروفى "
"ومقلتش ليه ياماجد"
"محبيتش اشيلك الهم"
"وتشيله لوحدك يعنى"
"معلش ربنا هيفرجها ان شاءالله"
"ان شاءالله ياحبيبى"
"نشوى بتكلم كريم طبعا"
"طبعا...ربنا يسعدها وعقبالك ياحبيبى"
قالت وهى قايمة
"انا هدخل انام وانت اتعشى مع اختك"
"تصبحى على خير...متقلقيش هى مخلية بالها منى كل يوم بتعشينى"
"والله ماانا عارفة بعد ماتتجوز هعمل ايه"
"وانا ايه...مش انا معاكى اهو"
"انت طول اليوم فى النادى...يالا ربنا يقويك"
دخلت مامته اوضتها وفتح ماجد شنطته اخد منها الهدوم وحطها فى الحمام... وراح خبط على نشوى
http://mamietitine.m.a.pic.centerblog.net/189771a04m0q48co.gif
تانى يوم...ماجد فى النادى من 10 الصبح
ماجد فى البيسين مع الاطفال ...شاف مصطفى بيشاورله
مصطفى قعد ...وماجد طلع له بعد شوية
"ايه ده مصطفى باشا جاى بدرى قبل 12"
"صحيت بدرى قلت اجى اقعد معاك شوية...فيه مانع"
"ياسيدى تيجى وقت ماانت عايز هو نادى ابويا... هنزل للعيال وشوية واخلص"
"براحتك"
نزل ماجد البيسين... مصطفى طول ماهو قاعد بيبص فى ساعته وبيتلفت حواليه
خلص ماجد... التمرين وراح غير هدومه ورجع قعد مع مصطفى
قعدوا يتكلموا مع بعض... وفجأة مصطفى بيبص ورا ماجد
ومبتسم وهو مش بيبص لماجد
التفت ماجد وراه...شاف يسرا جاية عليهم
يسرا"هاى.... اخباركم ايه"
وقاموا الاتنين يسلموا عليها
مصطفى"حمدالله ع السلامة ياكابتن"
ماجد"اهلا ياكابتن...حمدالله ع السلامة"
يسرا"الله يسلمكم...عاملين ايه...طبعا النادى وحش من غيرى"
ضحكوا وهما بيقولولها "طبعا"
قعدت معاهم...ووجهت كلامه لماجد
"على فكرة معايا ليك سلامات قد كده"
ماجد"سلامات ليا انا..من مين"
يسرا"من كباتن كتير اوى كانوا فى المسابقة وطبعا مش فاكرة كل الاسامى"
مصطفى"وانا محدش بيسلم عليا"
يسرا"ياعم احنا بتوع سباحة زى بعض ايه دخلك انت"
ماجد وهو ميت م الضحك"بتحط نفسك فى مواقف بايخااااااا"
مصطفى"ماشى يابتوع السباحة...اسيبكم انا"
يسرا لماجد"هو م اللى بيقفشوا بسرعة"
ماجد"هو مكنش كده بس واضح انه بقى"
يسرا"متزعلش ياكابتن والله بهزر...اقعد اقعد ياراجل"
وقعد مصطفى تانى وهو ماصدق يقولولوا اقعد
ماجد"طمنينى حد من الولاد هنا كسب"
يسرا"طبعا هو انا اى كلام.... ولد جاب ميدالية فضية"
مصطفى بيضحك اووووووووووى
يسرا"بتضحك على ايه"
مصطفى"اصل ماجد بقاله سنين بيروح المسابقة وييجى فاضى"
قعدوا يضحكوا بعد ماقام ماجد وكان عايز يحدف مصطفى فى البيسين وخلصتهم يسرا وقعدوا يكملوا كلام وحكايات
http://mamietitine.m.a.pic.centerblog.net/189771a04m0q48co.gif
فى المعاد المحدد وصلوا نغم وباباها لمكتب فاروق
قام فاروق ورحب بيهم ونغم بتحاول تفتكره...بلا جدوى
وسأل على صحة نغم وحكى باباها اللى حصل من ساعة مادخلت المستشفى
فاروق"طيب احنا عايزين نغم تكمل عقدها معانا فى النادى"
نغم بفرحة"بجد...يعنى موضوع الحادثة ده مأثرش على شغلى معاكم...على فكرة انا منسيتش السباحة لانى غير الكلية معايا بطولات من قبلها"
اسماعيل"نغم بتتعلم سباحة من وهى طفلة صغيرة"
فاروق"اه منا عارف قالتلى قبل كده...بس يعنى احنا مش عايزين نتعبها هى هتبقى مع زميلة ليها هنا للبنات والسيدات والاطفال بتتقسم بينهم وبين كابتن ماجد بيبقى معاه الشباب كمان... ايه رأيك يانغم"
نغم وباباها بيبصوا لبعض...هزت نغم راسها لباباها
اسماعيل"هو فيه بعد كده كلام... ده هيساعدها كتير فى العلاج...متشكرين يا استاذ فاروق"
فاروق"العفو...بس احقاقا للحق يعنى صاحب الاقتراح هو زميلها كابتن ماجد ...قال مش معقول بعد ماتصاب فى النادى نسيبها"
اسماعيل"ربنا يكرمه ويكرمك يارب"
فاروق"نغم تحبى تبدأى شغل النهاردة ولا بكرة"
نغم"النهاردة ياريت"
فاروق"تمام...هنادى لكابتن يسرا زميلتك وتتعرفوا على بعض"
اسماعيل"طيب بدل هيبقى شغل استأذن انا...عايزة حاجة يانغم"
نغم"شكرا يابابا"
اسماعيل وهو بيقوم وبيسلم على فاروق
"متشكرين جدا لحضرتك"
فاروق "العفو ده واجب"
خرج اسماعيل ورفع فاروق سماعة التليفون
"ابعتى حد يناديلى يسرا حالا"
http://mamietitine.m.a.pic.centerblog.net/189771a04m0q48co.gif
يسرا وماجد ومصطفى قاعدين بيتكلموا بقالهم اكتر من ساعتين
جه ولد صغير بيشتغل فى مكتب فاروق
"كابتن يسرا...ا\فاروق عايزك"
واستأذنت يسرا وقامت... مصطفى بيتابعها بيعينيه وهو مبتسم
"اييييييييييه"
"ايه ماجد "
"ايه انت...ايه حكايتك انتو مظبطين مع بعض ولا ايه"
"يارييييييييت"
"يعنى عايز تفهمنى انك جاى بدرى صدفة"
"مش صدفة اوى يعنى...انا عرفت ان المسابقة خلصت امبارح فجيت بدرى"
"ماشى ياعم...بس ايه النظام وقعت ولا ايه"
"انت اشتغلت وكيل نيابة قبل كده"
"لا ...بس عايز افهم"
"ماهو لو انا فاهم حاجة هفهمك... بص م الاخر كده من ساعة ماشفتها وانا اتشديت ليها... وطبعا هى يومين وسافرت ومعرفش اى حاجة تانية ... معرفش هى حست بيا ولا لا معرفش هى مرتبطة ولا لا معرفش هى ممكن تحس بيا ولا لا"
"ياعينى ده انت حالتك صعبة اوى"
"اوى اوى"
http://mamietitine.m.a.pic.centerblog.net/189771a04m0q48co.gif
جت يسرا من بعيد ... ومعاها نغم
اول ماجد ماشافهم... اتفاجئ
من مفاجأته قام وقف... وهو بيبتسم
مصطفى شافه واقف مبتسم كده
بص الناحية اللى ماجد بيبص لها
كانوا يسرا ونغم قربوا
يسرا"اعرفكم ..ماجد..مصطفى... نغم زميلتنا"
مصطفى"اه طبعا...حمدالله ع السلامة ياكابتن"
ماجد"حمدالله ع السلامة...انتى عاملة ايه؟؟"
نغم فى التعارف... بصت لماجد اوى
شافته فين قبل كده... هى فاكرة كويس انها شافته
بصت لمصطفى نظرة خاطفة...قالت لنفسها
"اشمعنى ده الوحيد اللى انا فاكره انى شفته"
ماجد وهو بيبص لها..وبيقول لنفسه
"يااااه قد ايه فرحت انى شفتك كويسة وبخير...نفسى اقولك سامحينى على اللى حصل... نفسى اعتذرلك"
http://mamietitine.m.a.pic.centerblog.net/189771a04m0q48co.gif
يسرا"هنفضل واقفين كتير كده... ماتقعدوا"
وقعدوا الاربعة... ونظرات خاطفة متبادلة بين ماجد ونغم وكل واحد فيهم بيفكر فى حاجة مختلفة عن التانى"
ايام عمري
06-03-2014, 09:01 AM
كان حلم... الحلقة 8
http://mamietitine.m.a.pic.centerblog.net/6ng5uk57om.gif
فات شهر من يوم ما رجعت نغم للنادى
كل يوم وال4 يتقابلوا مع بعض ويقعدوا فى الاوقات اللى معندهمش فيها تدريب
يسرا ونغم الصبح فى النادى وبعد التمرين قاعدين
جه عليهم مصطفى
"صباح الخير يا كباتن"
نغم ويسرا"صباح النور"
وقعد معاهم وهو بتلفت حواليه
مصطفى"اومال فين ماجد"
نغم"مجاش النهاردة"
مصطفى"غريبة يعنى ماجد مبيغيبش الا من الشديد الاوى"
يسرا"بقولك ايه يامصطفى... ماتجيب رقم ماجد"
وبص لها مصطفى... بدهشة ورد بسرعة
"ليه"
http://mamietitine.m.a.pic.centerblog.net/6ng5uk57om.gif
يسرا"مش انت بتقول مش بيغيب الا للشديد الاوى...يبقى لازم نسأل عليه"
نغم ساكتة خالص وبتابع كلامهم بس
مصطفى طلع موبايله... وقال الرقم ليسرا... وسجلته
يسرا"انا هسأل عليه"
واتصلت يسرا... وقام مصطفى
"بعد اذنكم"
نغم"رايح فين"
مصطفى"عندى تمرين كمان شوية ...هروح اقعد هناك عند الملعب"
ابتسمت له نغم وهزت راسها... وودانها مع يسرا اول لما سمعتها بتقول "الو"
http://mamietitine.m.a.pic.centerblog.net/6ng5uk57om.gif
ماجد نايم وجت مامته تصحيه
"ماجد...ماجد...هتروح الشغل"
ماجد بيرد عليها بصعوبة
"اه هروح...بس هريح شوية واقوم"
"ماتخليك النهاردة احنا ماصدقنا السخونية خفت"
"الحمدلله بقيت احسن بس جسمى مكسر شوية"
"يابنى ماهو من المياه اللى انت طول النهار فيها والجو بدأ يبرد"
"وهى اول مرة ياماما ماانا بقالى سنين دى شغلتى"
"ربنا يشفيك ياحبيبى... هقوم اعملك حاجة سخنة تشربها وتقل لبسك
شوية وبلاش تنزل المياه النهاردة"
"حاضر ياماما"
خرجت الام من الاوضة... وحاول ماجد يقوم ...ورجع مدد تانى وهو صاحى
رن موبايله جنبه...شاف رقم غريب
"الو.. اهلا يايسرا ازيك... تعبان شوية...اه شكله برد...لا جاى ان شاءالله بس
مقدرتش اقوم لما المنبه ضرب فى معادى...اه والله طول الليل صاحى
من السخونية...الله يسلمك ...مع السلامة"
http://mamietitine.m.a.pic.centerblog.net/6ng5uk57om.gif
بعد ماخلصت يسرا...نغم كانت متابعاها
"هو تعبان ولا ايه"
"اه اخد برد... بس بيقول جاى"
"ربنا يشفيه"
"يارب...هو مصطفى مشى ليه"
"مش عارفة"
"بقولك ايه هروح اشوفه"
"اوك"
http://mamietitine.m.a.pic.centerblog.net/6ng5uk57om.gif
راحت يسرا ملعب الكورة كان مصطفى بدأ التمرين
قعدت فى المدرج تتفرج عليه
وبعد ربع ساعة ساب اللاطفال يلعبوا وجه جنبها فى المدرج
"نورتى "
"ميرسى"
"سألتى على ماجد"
"اه طلع تعبان ياعينى"
وردد كلمتها وهو بيقلدها"ياعينى"
"مالك"
http://mamietitine.m.a.pic.centerblog.net/6ng5uk57om.gif
"مالى ...علشان بقلدك يعنى"
"لا علشان وشك اللى اتقلب ومشيت بسرعة"
"زى ماانتى شايفة كان عندى تمرين"
"بس اول مرة متقعدش معانا اول ماتيجى"
"انا لقيت الاهتمام بماجد فقلت امشى انا"
"اعيا انت بس وانا هتصل بيك برضه"
"يارب عيينى"
"بعد الشر"
بص لها مصطفى وهو شايف الخوف فى دعوتها
"خايفة عليا"
ردت بسرعة
"بخاف على كل اصحابى"
"وانا زى كل اصحابك"
قامت يسرا
http://mamietitine.m.a.pic.centerblog.net/6ng5uk57om.gif
"اسيبك انا بقى علشان تكمل تمرين"
"تسيبى مين ...اقعدى ..انا ماصدقت استفرد بيكى"
قالها وهو بيشد ايدها يقعدها...قعدت يسرا وهى مكسوفة
"ايه يامصطفى مالك النهاردة"
"مالى...انا زى كل يوم بس انتى اللى مش اخدة بالك"
"من ايه"
"منى"
وحطت يسرا وشها فى الارض... ونادى واحد من الاطفال على مصطفى...
قام مصطفى
"خليكى متمشيش... عايزك"
"اوك... هتفرج عليك زى مابتتفرج علينا"
http://mamietitine.m.a.pic.centerblog.net/6ng5uk57om.gif
نغم قاعدة...ولما اتأخرت يسرا عليها... فتحت موبايلها وقعدت تلعب games
لحد ما ييجى معاد التمرين اللى بعد كده
جه ماجد وقبل ما تشوفه.. سمعته بيكح
التفتت واول ما شافته ابتسمت بفرحة
"صباح الخير يانغم"
قال وهو بيقعد ...ردت بقلق
"صباح النور... شكلك تعبان اوى جيت ليه النهاردة"
"هقعد فى البيت اعمل ايه... اختى طول الليل بتعملى كمادات لحد ما الحرارة
نزلت ونمت كام ساعة وقلت اجى"
"المفروض كنت ترتاح"
http://mamietitine.m.a.pic.centerblog.net/6ng5uk57om.gif
"انا الحمدلله كويس... انتى عاملة ايه"
"اومال يسرا فين"
واتضايقت لما قال اسم يسرا وردت وهى بتكمل لعب فى الموبايل
"موجودة راحت لمصطفى ومعرفش اتاخرت ليه"
"ااااه مصطفى... ربنا يسهل"
وبصت له نغم تشوفه اتضايق ولا لا ...حست انه عادى
سابت الموبايل...وبصت له اوى
"ماجد ممكن اسألك سؤال"
ورد بقلق"اتفضلى"
http://mamietitine.m.a.pic.centerblog.net/6ng5uk57om.gif
"يعنى طول الفترة اللى فاتت وانت مجبتليش سيرة اى حاجة عن الفترة اللى
اشتغلتها هنا فى النادى قبل الحادثة"
"علشان معنديش حاجة اقولها"
"ازاى ياماجد.. انت الوحيد اللى كنت زميلى هنا واكيد بيننا مواقف او حكايات
او اى حاجة ممكن تساعدنى انى افتكر"
"انا اكتر واحد نفسى ترجعى زى الاول واحسن...بس حقيقى مكنش
بيننا اى كلام تقريبا"
"يعنى زى ماما ماقالتلى"
"قالتلك ايه"
http://mamietitine.m.a.pic.centerblog.net/6ng5uk57om.gif
"انى كنت قايلالها ان انا وانت مفيش بيننا اى كلام نهائى"
"بالظبط كده"
"غريبة"
"غريبة ايه"
"لا خلاص ولا حاجة"
"قولى يانغم...ايه اللى غريب"
"الغريب انى لما شفتك هنا فى النادى افتكرتك"
واتخض ماجد...هو مش عارف افتكرت ايه...بس اللى هو متأكد منه انها قبل
الحادثة مشفتوش وهو بيحط الشامبو ع الارض
"افتكرتينى ازاى"
"حاسة انى شفتك قبل كده... مش عارفة فين وازاى"
وافتكر لما شافوا بعض لحظات فى المستشفى ومقدرش يفكرها
وغير الموضوع
"انا هقوم اجيب شاى علشان زورى بيوجعنى...اجيبلك حاجة معايا"
"لا ميرسى"
قام ماجد ونغم بتتابعه بعينيها...وبعد خطوات التفت يبص عليها ...ارتبكت ومسكت
الموبايل بسرعة وبعد لحظات رفعت عينيها تانى تشوفه
http://mamietitine.m.a.pic.centerblog.net/6ng5uk57om.gif
خلص مصطفى التمرين وراح ليسرا
"زهقتى"
"لا خالص"
"انا عايز اسألك سؤال بس تجاوبينى بصراحة"
"اسأل"
"انتى مرتبطة"
واتكسفت يسرا وردت بخجل
"لا"
http://mamietitine.m.a.pic.centerblog.net/6ng5uk57om.gif
"ههههه تعرفى انى اول مرة اشوفك مكسوفة..مش متعود"
"انا جريئة فى شغلى مع اصحابى ...انما بتكسف لما حد بيجيبلى السيرة دى"
"ازاى"
"يعنى لما حد بيتقدملى ببقى واحدة تانية خالص"
"انتى حد اتقدملك"
"ايه ياكابتن هو انا مش بنت ولا ايه"
"لالالا مقصدش ده انتى ست البنات...انا بس بغير"
قامت يسرا بسرعة ومشيت وموقفتش لما سمعت مصطفى
بيقولها استنى... ردت عليه
"هسبقك لما تخلص ابقى تعالى"
http://mamietitine.m.a.pic.centerblog.net/6ng5uk57om.gif
"مكنش المفروض تيجى النهاردة"
"مقدرتش مجيش... اتعودت نقعد مع بعض كل يوم.. كفاية يوم الجمعة انا
ومصطفى بس اللى بنيجى وانتى ويسرا لأ"
كلامه بيحمل معنيين...ياترى يقصد ايه؟؟
يقصد انه جه علشانها ولا علشان يسرا
"انا مالى...هو حر"
قالت نغم كده لنفسها وهى شايفة ماجد بيشرب الشاى وبيبتسم لها
http://mamietitine.m.a.pic.centerblog.net/6ng5uk57om.gif
جت يسرا عليهم
"ماجد ...ايه اللى حصلك ماكنت زى القرد امبارح"
ماجد"قرد...الله يكرمك"
يسرا"لا بجد شكلك تعبان اوى جيت ليه"
ماجد"هو محدش طايقنى للدرجة دى كل ماتشوفونى تقولولى جيت ليه"
بصت يسرا لنغم"انتى كمان قلتيله"
هزت نغم راسها وهى بتضحك
يسرا"وانت بالمنظر ده هتشتغل"
ماجد"لا مش قادر...انا جيت اقعد معاكم شوية وامشى"
http://mamietitine.m.a.pic.centerblog.net/6ng5uk57om.gif
جه مصطفى...وسلم على ماجد
ماجد"اوعى تقولى جيت ليه"
مصطفى"كنت لسه هقولها والله"
ضحكوا يسرا ونغم عليهم ومصطفى مش فاهم بيضحكوا على ايه
على الساعة 4 رن موبايل يسرا وكانت قاعدة مع نغم وماجد
"الو... ايوه خلصت... اوك هطلع ع الباب حالا"
يسرا"انا قايمة علشان بابا جه يوصلنى...ماتيجى ياماجد نوصلك"
ماجد"الله يخليكى يا يسرا...انا لسه قاعد شوية"
يسرا"طيب..سلام"
نغم متضايقة من اهتمام يسرا بماجد... وهى شايفة ان مفيش مبرر انها
تتضايق...بس غصب عنها
http://mamietitine.m.a.pic.centerblog.net/6ng5uk57om.gif
يسرا ماشية فى اتجاه الباب... كان مصطفى راجع
وقفت مع مصطفى...واتكلموا بسرعة ومشيت يسرا ووصل مصطفى
عند ماجد ونغم
"عامل ايه دلوقتى ياصاحبى"
ماجد"الحمدلله"
نغم"انا هقوم انا بقى... مش عايزين حاجة"
ماجد"شكرا"
مصطفى"متتأخريش بقى يانغم"
نغم"لا تمام 6 زى مااتفقنا"
مشيت نغم... واتضايق ماجد... مش مجرد ضيق بس ...ده اتنرفز
وسأل مصطفى "انتوا بينكم معاد"
رد مصطفى "اه ...رايحين السينما"
احلى ايام العمر
06-03-2014, 04:25 PM
واااااااااااااااو تسلم ايديكي حلوة بجد رائعة احداث القصة
وكتيرررررررررررر مشوقة بانتظار الحلقات
مووووووووووووووواه اوفلاين
ايام عمري
06-04-2014, 09:16 AM
الله يسلمك يا احلى ايام العمر
نورتي حبيبتي وبشكرك على المتابعة
لسا الاحداث كثيرة وهنتابع كلنا سوا
مووووووواه
http://im25.gulfup.com/2012-08-18/1345311196379.gif
ايام عمري
06-04-2014, 09:23 AM
كان حلم...الحلقة 9
http://www.vb.fll2.com/storeimg/img_1352593852_180.gif
نغم"انا هقوم انا بقى... مش عايزين حاجة"
ماجد"شكرا"
مصطفى"متتأخريش بقى يانغم"
نغم"لا تمام 6 زى مااتفقنا"
مشيت نغم... واتضايق ماجد... مش مجرد ضيق بس ...ده اتنرفز
وسأل مصطفى "انتوا بينكم معاد"
رد مصطفى "اه ...رايحين السينما"
ماجد بنرفزة"انت ونغم"
مصطفى ببرود"ايوه... انت محموق ليه"
قام ماجد يمشى ...قام مصطفى وشده من ايده
"استنى بس"
http://www.vb.fll2.com/storeimg/img_1352593852_180.gif
شد ماجد ايده من مصطفى وهو بيزقه
"اوعى... انت عايز ايه...بتلعب ع الاتنين"
وضحك مصطفى اوووى وهو بيشد ماجد
"ايوه بقى اعترف ياراجل...والله انا حاسس من يوم الحادثة
وانت هتتجنن عليها"
واستغرب ماجد من كلام مصطفى
هو اه كان خايف وقلقان عليها بس لاحساسه بالذنب
هو اه كان بيروح لها المستشفى بس لاحساسه بالذنب
هو اه حاول يرجعها الشغل بس لاحساسه بالذنب
بس ليه بيفرح لما يشرفها
ليه يوم اجازتها بيعدى كأنه سنة
ليه وهو تعبان مقدرش ميجيشعلشان يشوفها
ليه اتضايق لما سمعها بتتفق مع مصطفى على معاد
كل ده خطر على باله بسرعة بعد كلام مصطفى
"يااااااه كل ده تفكير"
http://www.vb.fll2.com/storeimg/img_1352593852_180.gif
قعد ماجد وهو بيقول
"تفكير ايه بس"
"انت بتخبى ليه"
"مش بخبى... انا بجد مش عارف"
"مش عارف ايه ياماجد ده انت الحب بينط من عينيك لما تشوفها"
"سيبك من الكلام ده... انت رايح انت وهى السينما ليه"
"اهو... غيران والغيرة قاتلاك...وعلشان اريحك احنا التلاتة رايحين السينما انا
ويسرا ونغم... انا عايز افاتح يسرا فى الارتباط ومش عارف فقلت نخرج
كاصحاب يمكن ربنا يفك عقدة لسانى"
http://www.vb.fll2.com/storeimg/img_1352593852_180.gif
"مقلتليش ليه اجى معاكم"
"لا ياراااااجل... من امتى...الله يرحم لما كنت اتحايل عليك نروح سينما واحنا
خارجين وانت تقولى محبش السينمات"
"يعنى مش يمكن كنت اجى...واتفقتوا امتى ما احنا مع بعض طول الوقت"
"امبارح بالليل ع الفيس "
"ازاى الفيس يعنى"
"مفيش انا من كام يوم لقيت رسالة من يسرا وفيه لينك لجروب عملته
باسم النادى...وفيه نغم وبعتنا لبعض اضافات وبنقعد نتكلم احنا التلاتة
ساعات...ساعات انا ويسرا ...يعنى بحاول اقربلها"
"ونغم كمان معاكم"
http://www.vb.fll2.com/storeimg/img_1352593852_180.gif
"ايوه يابنى... المهم تيجى معانا النهاردة"
"مش قادر بصراحة...وهيبقى شكلى وحش اوى لو جيت فجأة كده"
"طيب اعترف بقى... بتحب نغم صح"
"تصدق انى قبل 10 دقايق مكنتش فكرت فى وصف احساسى ناحيتها...
بس لما سألتنى وانا فكرت... لقيت نفسى بعمل كل حاجة تقول انى بحبها"
وصقف مصطفى وهو بيضحك
"ايوه كده بقى ...واخيرا اعترفت...انا كنت حاسس"
"بس يفيد بايه حب من طرف واحد"
"مين قال انه من طرف واحد"
ورد ماجد باهتمام
"انت تعرف حاجة"
http://www.vb.fll2.com/storeimg/img_1352593852_180.gif
"معرفش..بس يعنى مين قال انها مش حاسة بيك مثلا او مش بتفكر فيك..
.يعنى صارحها واعرف"
"ياشيخ اتنيل...كنت صارحت انت يسرا بدل ماانت بتدينى نصايح"
"انا مهدت وقربت اصارحها اهو...بقولك ايه انا هقوم يدوب اروح اتغدا بسرعة
واغير هدومى وألحق المعاد"
"ماشى ياعم... انا هقوم كمان معاك مش قادر وعايز انام"
http://www.vb.fll2.com/storeimg/img_1352593852_180.gif
فى بيت نغم... بتفتح الباب بالمفتاح
مامتها وباباها بيتفرجوا على التليفزيون
نغم"مساء الخير"
الاب"مساء النور...اتأخرتى يانغم"
الام"حمدالله على السلامة يابنتى قلقنا عليكى"
نغم"مالكم ياجماعة انا مش قلتلكم هروح السينما ومش هتأخر بعدها..
.الساعة اهو 9ونص يعنى يدوب المشوار"
الام"عملتى ايه مع اصحابك...اتبسطتى"
نغم"الحمدلله كان يوم حلو"
http://www.vb.fll2.com/storeimg/img_1352593852_180.gif
خلصت نغم كلامها وداخلة على اوضتها...وقفها باباها
الاب"تعالى يانغم عايزك"
راحت نغم وقعدت معاهم
نغم"خير يابابا"
الاب"بصى ياحبيبتى فيه واحد صاحب عمك جلال كان عايزك فى شغل"
نغم"شغل ايه"
الاب"هو عايزك تدربى ولاده على السباحة بس فى الفيلا بتاعتهم...
وطبعا انا اتاكدت انهم ناس محترمين يعنى هبقى مطمن لو روحتى"
http://www.vb.fll2.com/storeimg/img_1352593852_180.gif
وفكرت نغم...وافتكرت كلام مصطفى عن ماجد بعد ما خرجوا من السينما
وانه هو اللى بيصرف على البيت وبيجهز اخته اللى هتتجوز كمان شهرين
وافتكرت كلام فاروق ان اقتراح رجوعها الشغل كان اقتراح ماجد
نغم"معلش يابابا انا مش هقدر"
الاب"خلاص يانغم براحتك...انا هعتذرله"
نغم"وليه تعتذرله... انا ممكن اجيبلهم مدرب زميلى"
الاب"مش عارف...استنى كده لما اتصل بجلال واقوله يسأل صاحب الشأن"
http://www.vb.fll2.com/storeimg/img_1352593852_180.gif
قام الاب وعمل مكالمة وبعدها بدقايق جت له مكالمة
الاب"طيب يانغم هما معندهمش مانع ...هتقوليله امتى وتجيبى الرد"
نغم بتفكر"انا مش معايا رقم تليفونه...هقوله بكرة"
الاب"جلال كان عايز الرد دلوقتى...محدش من صحابك معاه رقمه"
وافتكرت ان يسرا معاها الرقم
"اه يابابا ...هتصل بواحدة صاحبتى واجيب منها تليفونه"
http://www.vb.fll2.com/storeimg/img_1352593852_180.gif
دخلت نغم اوضتها... واتصلت بيسرا
اخدت منها رقم ماجد وهى محرجة...وقبل ما تقول مبررات يسرا قفلت
معاها بسرعة فى الكلام فسكتت
نغم مترددة تتصل ...مع انها نفسها تسمع صوته وتطمن عليه
بعد تردد مسكت الموبايل
ماجد فى البيت وممدد على الكنبة الكبيرة بيتفرج على ماتش كورة
رن الموبايل جنبه...بص شاف رقم غريب
نغم مستنية ماجد يرد عليها...اول ما رد قالت
"الو...ماجد...انا نغم"
http://www.vb.fll2.com/storeimg/img_1352593852_180.gif
ماجد اول ما سمع اسمها...قام قعد
"نغم!! ازيك يانغم"
"الحمدلله...ازيك انت واخبار البرد ايه"
"انا خفيت لما سمعت صوتك"
وابتسمت نغم من غير ماتبين وهى فرحانة انها بتكلمه
"الحمدلله انك بخير... بقولك ايه انا كنت عايزاك فى شغل"
"شغل ايه"
"واحد من معارف بابا عايز مدرب سباحة لاولاده بس فى الفيلا بتاعته..ايه رأيك"
"انا معنديش مانع"
"يبقى خلاص هديله رقم تليفونك وانتوا تتفقوا"
"ماشى... احكى بى عملتى ايه فى السينما"
"ايه ده عرفت منين"
"من مصطفى بعد مامشيتى... عجبك الفيلم"
"اه كان حلو اوى"
"كان نفسى اكون معاكم"
"ياريت والله"
http://www.vb.fll2.com/storeimg/img_1352593852_180.gif
واحرجت نغم انها بينت امنيتها انه يكون معاهم...فكملت
"اكيد كان الفيلم هيعجبك"
"انا مكنتش عايز اجى علشان الفيلم... كنت عايز اجى علشان نبقى مع بعض"
سكتت نغم معرفتش ترد... وحس ماجد باحراجها
"بس ان شاءالله تتعوض فى يوم تانى بس تقولولى مش تتفقوا لوحدكم من غيرى"
"والله الفكرة جت بسرعة واحنا بنتكلم ع الفيس"
"ولا يهمك... هتيجى بكرة الساعة كام"
"فى معادى عادى... يالا اشوفك بكرة ...سلام"
"مع السلامة... لا اله الا الله"
وردت نغم بعفوية
http://www.vb.fll2.com/storeimg/img_1352593852_180.gif
"محمد رسول الله"
كل واحد فيهم بعد بعد ماقفل مسك التليفون شوية وهو مبتسم وبيفكر فى التانى
سمعت نغم باباها بينادى عليها وبيسألها عن الرد
تانى يوم راحت نغم النادى لقيت ماجد موجود
قعدت معاه
"صباح الخير"
"صباح الخير عليكى يا وش الخير"
"هههههه ليه كل ده"
"علشان حليتيلى مشكلتى"
"انا؟؟مشكلة ايه"
"تمرين السباحة اللى كلمتينى عليه امبارح...الراجل كلمنى واتفقنا وبصراحة
هيدينى مبلغ هيساعدنى ألحق اكمل جهاز اختى"
"مبروك وربنا يتمم لها بخير"
"من غيرك مكنتش عارف هعمل ايه"
"متقولش كده ..انا مش اكتر من سبب... وده ميجيش حاجة جنب جميلك عليا"
"جميل ايه"
http://www.vb.fll2.com/storeimg/img_1352593852_180.gif
"لولا اقتراحك انى ارجع النادى انا مش عارفة حياتى كانت هتبقى ازاى...
انا هنا برتاح نفسيا معاكم...هو انا اه مش فاكرة حاجة بس اهو يمكن "
"برضه انا مكنتش اكتر من سبب... وبعدين دى احسن حاجة فى حياتى
انك رجعتى النادى تانى"
جه مصطفى.... وقعد معاهم
"ازيكم...اومال فين يسرا"
نغم"لسه مجتش"
طلع مصطفى موبايله واتصل بيسرا
"الو...ايه يا حبيبى انت فين... طيب يالا
http://www.vb.fll2.com/storeimg/img_1352593852_180.gif
مستنيكى...متتأخريش علشان وحشتينى... مع السلامة"
نغم وماجد بيبصوا لبعض ومش فاهمين حاجة
نغم محرجة من الكلام الخاص اللى قاله مصطفى
ماجد"واضح ان فيه حاجة منعرفهاش"
مصطفى"امبارح فاتحت يسرا فى انى عايز اتقدم لها وهتقول لمامتها
وباباها علشان اتقدملها"
نغم بفرحة"مبروك يامصطفى"
ماجد"ايه السرعة دى ياض... مبروك ياعم"
مصطفى"الله يبارك فيكم...عقبالكم"
نغم ارتبكت...ماجد بص لنغم
تلاقت عينيهم...ابتسم لها ابتسامة وكانه بيقولها
"يارب"
http://www.vb.fll2.com/storeimg/img_1352593852_180.gif
ردت الابتسامة بابتسامة صغيرة سريعة
بعدها لفت وشها بعيد فى اتجاه تانى وهى حاسة بسخونة الدم فى خدودها
ايام عمري
06-04-2014, 09:37 AM
كان حلم... الحلقة 10
http://www.vb.fll2.com/storeimg/img_1352593330_105.gif (http://vb.fll2.com/hsb76523)
احراج نغم احرج ماجد...فغير الموضوع بسرعة
"ويسرا فين علشان نباركلها"
مصطفى"باباها هيوصلها علشان كده استنته واتاخرت"
نغم"انا هطلع المكتبة شوية اشوف كتاب"
مصطفى"ايوه ياعم المدارس بدأت وفضينا بقى ..انما ياعينى عليا انا اللى
شغلى صيف وشتا"
نغم وهى قايمة
"يا ساتر على الحقد"
مشيت نغم...وسأل ماجد مصطفى
"بس انت داخل على خطوبة كده على طول"
"واضيع وقت ليه...عجبتنى ...حبيتها...لقيت منها على الاقل رضا وقبول
ان مكنش حب يبقى استنى ايه"
"بس الخطوة دى بتحتاج فلوس "
"بص ياماجد اللى معايا يكفى اجيب شبكة واعمل خطوبة حلوة كمان تفرحنا...
والشقة موجودة يبقى اللى فاضل اسهل"
"مش اسهل ولا حاجة"
"ياسيدى اهو نتوكل على الله وربنا يسهل ان شاءالله"
"ان شاءالله"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
"قولى...انت مش ناوى تصارح نغم باحساسك"
"اه صحيح ايه اللى انت قلته ده...عقبالنا ايه"
"طب تصدق بقى ان انا مكنتش اقصد عقبالكم مع بعض ...انا برد عادى بدل
مااقول لكل واحد فيكم عقبالك...بس رد فعل نغم ده يبين ان فيه حاجة من ناحيتك يامعلم"
وسأله ماجد بفرحة وشك
"بجد...تفتكر ممكن يعنى"
"ياعم متضيعش وقت بقى وصارحها واعرف راسك من رجلك... وبعدين البنات
بتحب اللى يقتحمها مش لسه هتسبل"
وشافوا يسرا جاية من بعيد
"قبل مايسرا تيجى...تحب اقولها تسألها لك"
"لالالا بلاش يامصطفى... انا هتعامل"
وصلت يسرا
"صباح الخير"
ماجد"يااهلا بالعروسة...مبروك يا يسرا"
يسرا لمصطفى"هو انت لحقت تقول"
ووجهت كلامها لماجد
"الله يبارك فيك ...عقبالك"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
ماجد ماشى وماسك ورقة فى ايده... بيبص على الفيلات
شاف مكتوب
"فيلا نجيب سالم"
ضرب الجرس... جه البواب
"اؤمر يا بيه"
"ا\نجيب موجود...هو مستنينى"
رد وهو بيفتح البوابة
"حضرتك الاستاذ ماجد"
"ايوه"
"نجيب بيه مستنيك...اتفضل"
دخل ماجد الفيلا... واخده البواب من خلال الجنينة للبيسين
"نجيب بيه...ا\ماجد عايز حضرتك"
شاف ماجد راجل فى الخمسينات وعلى مظهره الهيبة والشياكة
وجنبه مراته فى التلاتينات ومعاهم 3 اطفال
"اهلا ياكابتن ...اتفضل"
سلموا على بعض
http://www.vb.fll2.com/storeimg/img_1352593330_105.gif (http://vb.fll2.com/hsb76523)
"اعرفك على الاسرة...والولاد العفاريت دول اللى عايزهم يبقوا زى السمك
ما بيعوم فى المياه"
"ان شاءالله يافندم"
"المدام... ودول التوأم مروان ومازن 6سنين ومحمد 4سنين"
"اهلا اهلا بالكباتن الصغيرين"
ونادى ماجد للاطفال اللى جم يسلموا عليه بالدور
"ها ياكابتن تحب تبدأ امتى"
"من دلوقتى لو مفيش مانع"
"لا مفيش اى مانع...بس الاول طلباتك ايه"
"لا يافندم طلبات ايه... مفيش فرق"
"لا لازم تقول اللى يرضيك"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
"والله لو من غير حاجة انا حبيت الولاد من اول مرة"
"لا ازاى...كفاية ذوقك...طيب لو قلنا 3الاف كويس"
ماجد معرفش ينطق من المفاجأة... ولا كان يتخيل انه ممكن يجيله مبلغ زى ده...
كده مشكلة جهاز نشوى اتحلت الحاجات اللى باقية ممكن يجيبها من الفلوس دى
"ايه ياكابتن ساكت ليه"
"لا ابدا... بس ده كتير يا فندم والله "
"مش كتير ولا حاجة...اهم حاجة زى ماقلتلك عايزهم سباحين"
"ان شاءالله"
وحط نجيب ايده ف جيبه
"اتفضل ياكابتن"
"ايه ده...انا لسه مشتغلتش"
"معلش انا نظامى كده كل اللى عندى بيقبضوا مقدم"
اخد ماجد الفلوس وحطها ف جيبه... وقام نجيب ومراته دخلوا الفيلا
وبدأ ماجد مع الاطفال اول تمرين
http://www.vb.fll2.com/storeimg/img_1352593330_105.gif (http://vb.fll2.com/hsb76523)
ماجد بعد ماخرج من الفيلا كان كل تفكيره ف نغم
هو أذاها وهى ساعدته
هو كان بيفكر فيها بكل شر
وهى جلبت له كل خير
"لو اقدر اروح اعتذر لها واطلب منها تسامحنى"
"ولو قلت لها اللى حصل وخسرتها تماما يبقى ايه العمل"
"ابقى كسبت نفسى وراحة ضميرى"
"لا هبقى ضيعت اى امل ممكن يجمعنا"
"اقولها الحقيقة وارتاح"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
"اى حقيقة فيهم...الماضى ولا الحاضر...انه سبب الحادثة ولا انه بيحبها؟؟"
"هقدر اقول...لا ابدا مش هقدر اخليها تكرهنى وانا بحبها"
"بحبها؟؟؟ ايوه بحبها...دى حقيقة اتاكدت منها طول الشهور اللى فاتت...
لو كان عطف كنت لما لقيتها اتحسنت بقيت عادى انما انا كل يوم بيزي
حبى ليها...انا بحبها...ايوه بحبها...ولازم تعرف انى بحبها"
ماجد مش عارف هو مشى قد ايه...لفت نظره محل كمبيوتر ومكتوب ورقة عليه
"عروض خيالية لاجهزة الكمبيوتر واللاب توب بالنقد والتقسيط"
دخل ماجد المحل.... وخرج بكرتونة لاب توب
وقف تاكسى وراح ع البيت
http://www.vb.fll2.com/storeimg/img_1352593330_105.gif (http://vb.fll2.com/hsb76523)
خبط ماجد ع الباب وهو ماسك الكرتونة
فتحت نشوى
"بتخبط ليه مش معاك...ايه ده"
"يابنتى ادخل الاول وبعدين اقولك"
وسعت له نشوى ...دخل كريم حط الكرتونة ع الارض وقعد
خلصت مامته صلاة والتفتت له
"ايه ده ياماجد"
"ده لاب توب "
نشوى"مبروك عليك ياعم"
ماجد "الله يبارك فيكى"
الام"نشوى...اعمليلى كوباية شاى يابنتى دماغى مش قادرة منها خالص"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
قامت نشوى دخلت المطبخ
ماجد"سلامتك ياماما ...مالك"
الام"سلامتك ياحبيبى ...شوية صداع وهيروح ان شاءالله"
ماجد طلع فلوس من جيبه
"ماما خدى الا2000جنيه دول جيبى اللى انتى عايزاه وقبل الفرح هديلك
زيهم ان شاءالله...هتحتاجى تانى"
"لا ياحبيبى..هو اللى ناقص شوية رفايع بس يعملوا بتاع 4..5 الاف جنيه كده..
.بس قولى جبت الفلوس دى منين"
"ههههه بدى درس خصوصى"
"درس خصوصى؟؟"
"يعنى بدرب اطفال على السباحة فى الفيلا بتاعتهم وباباهم طلع حد جامد
اوى وهيدينى مبلغ كويس...رزق نشوى الحمدلله"
"الحمدلله"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
جت نشوى بكوباية الشاى
"مين بيجيب سيرتى"
ماجد"انا عايزك حالا"
نشوى"اؤمرنى ...عيونى لحبيبى"
"بما انك قاعدة على الكمبيوتر 25ساعة ف اليوم...عايزك تعلمينى شوية"
فى اوضة ماجد...قاعد هو ونشوى جنب بعض واللاب توب قصادها
"كده خلاص عملتلك ايميل واكونت ع الفيس زى ماطلبت"
"تمام...يعنى السيرش من هنا ولما احب اتكلم مع حد اعمل ايه"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
"لازم تكونوا ضايفين بعض وتتكلموا فى الشات لو بينكم انتم بس ولو اتكلمتوا
فى الصفحة هتبقى باينة للناس اللى عندك وعنده"
"طيب تمام...هقعد اجرب مع نفسى كده"
قامت نشوى...وهى خارجة من الاوضة
"لو احتاجت اى حاجة انا معاك"
خرجت نشوى وقفلت الباب...واول حاجة عملها ماجد
عمل سيرش باسم نغم اسماعيل بالعربى
ظهرت النتايج كلها معلومات غير معلومات نغم
عمل سيرش باسم نغم اسماعيل بالانجليزى
وكل النتايج برضه معلومات غير معلومات نغم
بدأ ييأس انه يلاقى نغم على الفيس
وافتكر ان مصطفى قال له انهم اتجمعوا فى بيدج باسم النادى
http://www.vb.fll2.com/storeimg/img_1352593330_105.gif (http://vb.fll2.com/hsb76523)
وعمل سيرش على اسم النادى
وفعلا شاف جروب باسم النادى
وابتسم ابتسامة واسعة لحد ودانه...لما شاف اكونت نغم
وبدون تردد بعت آد لنغم...وهو بيتمنى انها تكون قاعدة وتقبله ف نفس اللحظة
نغم قاعدة وسط باباها ومامتها... واللاب توب قدامها
جالها طلب صداقة... واول ما فتحته
اتفاجئت مفاجأة خلتها تبتسم ابتسامة كبيرة
لما شافت اسم ماجد وصورته
"ايه يانغم بتضحكى على ايه"
وانتبهت نغم ...حاولت تدارى ارتباكها
"مفيش ياماما شفت صورة ضحكتنى"
وقامت نغم دخلت اوضتها...قعدت على السرير
وبدون تردد... قبلت طلب الصداقة
http://www.vb.fll2.com/storeimg/img_1352593330_105.gif (http://vb.fll2.com/hsb76523)
ماجد... اول ماشاف اشعار قبول الصداقة
حس ان قلبه هيدخل جوه الشاشة
وبمجرد ما بقت نغم الصديقة الوحيدة عنده ...ظهرت انها اون لاين
وكتب لها فى الشات
"ازيك"
وردت نغم
"الحمدلله...مبروك على الاكونت الجديد"
"الله يبارك فيكى... اول علاقتى بالفيس بوك النهاردة"
"هيعجبك ده مسلى جدا"
"انا مدخلتش علشان اتسلى لانى مش من هواة الكمبيوتر"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
"طيب لو داخل تستفيد يبقى هتستفيد برضه"
"ولا علشان استفيد"
"حيرتنى...اومال دخلت ليه"
"علشانك"
ضربات قلب نغم بقت بسرعة 500 دقة فى الدقيقة
كل ما تحاول تكتب كلمة ترجع تمسحها تانى
مش عارفة ترد تقول ايه
"نغم...انتى معايا"
"معاك"
"بقولك دخلت الفيس علشانك...وانتى اول حد دورت عليه"
"ليه"
"علشان نتكلم مع بعض"
"مااحنا مع بعض كل يوم"
"لا ...مش بنبقى انا وانتى بس"
http://www.vb.fll2.com/storeimg/img_1352593330_105.gif (http://vb.fll2.com/hsb76523)
حست نغم بتلميحاته وف نفس الوقت خافت يكون احساسها بيه هو اللى
بيوهمها بالمعنى اللى فهمته
"نغم...سكتى تانى"
"انا معاك اهو"
"انا عايزك معايا على طول"
وسكتت ...بس المرة دى كانت احاسيس كتير جواها... فرحة بخجل
"يانغم...انتى كل شوية تسكتى كده"
"اصل انت النهاردة كلامك غريب اوى"
"بصراحة انا اتشجعت لما شفت مصطفى ويسرا اتفقوا"
"انت عايز تقلدهم ولا ايه"
"لا ...انا بحبك بس كنت متردد وخايف"
نغم جواها بيصرخ
http://www.vb.fll2.com/storeimg/img_1352593330_105.gif (http://vb.fll2.com/hsb76523)
"ده بيقول بحبك... معقول اللى كنت حاساه ده حقيقى وانه فعلا مهتم بيا...
لا ده مش مهتم بيا بس...ده قالها بكل صراحة...بيحبنى"
"يانغم... انتى فين... قوليلى احساسى ده متبادل ولا هتصدم وتقولى
انه من طرف واحد"
نغم مش عارفة ترد... هى مكسوفة واول مرة تتحط فى الموقف ده...
او يمكن تكون اتحطت فيه بس ناسية... المهم هتقول ايه
"ماجد انا بتكسف"
"من ايه بس...هى كلمة واحدة...بتحبينى ولا هتصدمينى"
وبدأت نغم تستجمع شجاعتها وتكتب...
"مش هصدمك"
احلى ايام العمر
06-04-2014, 07:53 PM
وااااااااااااااااو تسلم ايديكيي حلوتي مبسوطة بالقصة فرحانة مع البت نغم انا
وعايشة الدووور مموااااااااااااااه حلوتي
nabila
06-04-2014, 10:23 PM
هههههههههههه احلى طيب حاسبي تتكعبلي في الدور الي عايشة و تنكسري خايفة عليك انا موووووووواه حبيبتي
ايام عمري
06-05-2014, 06:43 AM
ههههههههههههههه احلى
عشت الدور قبلك
طالما متشوقة كتيرر شو رأيك نزل الحلقات
حلقة حلقة هههههههههه
نورتي حبيبتي
http://im25.gulfup.com/2012-08-18/1345311196379.gif
ايام عمري
06-05-2014, 06:45 AM
هههههههههههه يخليلي الحنون انا بلبل
لا تخافي على احلى
بس دور نغم جميل ولو عملوه مسلسل
مش هقبل حد يعملو غيري هههههههههههه
نورتي حبيبتي
http://im25.gulfup.com/2012-08-18/1345311196379.gif
ايام عمري
06-05-2014, 06:49 AM
كان حلم...الحلقة 11
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
ماجد بيبص كويس فى الشاشة
علشان يتأكد من رد نغم
"مش هصدمك"
ايوه هو قرا صح متلخبطش
"بجد يانغم"
"وبعدين بقى ياماجد...قلتلك بتكسف"
"متتكسفيش منى زى ماانا متكسفتش وقلتلك كل اللى ف قلبى ناحيتك"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
"الحاجات دى بتتحس مش بتتقال"
"ماهو لازم نأكد احساسنا باننا نقوله ونعترف بيه"
"مااحنا قلنا"
"انتى مقلتيش"
"هو لازم تبقى صريحة يعنى... انت سألتنى وقلت اختيارين
وانا اخترت الخيار المناسب"
"ايه يانغم ده...حسستنينى اننا ف من سيربح المليون"
"ههههه ليه بس"
"اختيارين ايه والاختيار المناسب وكلام باللغة العربية الفصحى"
"انت اخدتنى على خوانة"
"ازاى"
"اولا اتفاجئت بيك ع الفيس...ثانيا اتفاجئت بكلامك...ثالثا بقى اتفاجئت بردى"
"وهو ردك ده مش نابع من قلبك"
"نابع طبعا"
"خلاص فكى بقى واتكلمى مش عمال اشد من بؤك الكلام"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
"بص ياماجد انا اللى فاكراه انى محبيتش ولا ارتبطت بحد قبل كده وكمان
اللى اعرفه عن الحب انه ميبقاش كلام بين اتنين وخلاص...
يعنى زى مصطفى ويسرا كده لما عرفوا انهم بيحبوا بعض هيتقدملها
وحبهم هيبقى ف النور"
"بصى يانغم الفترة اللى فاتت كنا اه قريبين من بعض بس اكيد مش عارفة
عنى كل حاجة...انتى عارفة ان اختى هتتجوز قريب بس اللى متعرفيهوش
ان انا اللى جهزتها وبساعد فى البيت لان معاش بابا الله يرحمه ميكفيش
كل ده...يعنى بعد نشوى ماتتجوز ابدأ من تحت الصفر وعلشان اتقدملك
لازم اكون قد اللى اهلك هيطلبوه علشان مقصرش فى اى طلبات"
"بس احنا مش بنبص للفلوس والحاجات دى"
"معلش بس انا برضه ليا اخت ومش هرضى ليكى بأقل من اللى طلبته
من عريس اخته لما اتقدملها... وانا حاليا زى مابقولك لسه
معملتش لنفسى اى حاجة"
سكتت نغم... وسكت ماجد
دقايق مرت محدش فيهم بيكتب حاجة للتانى
"نغم... انا ضايقتك؟؟"
"لأ ...ليه"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
"يعنى يمكن كنتى تتمنى حد يكون جاهز يتقدملك على طول بس بجد انا
بحبك واوعدك انى هعمل كل اللى يقربنى منك بسرعة لو حصلت اشتغل
شغلتين وتلاتة هعمل كده"
"ماجد... انا احترمتك اكتر من كلامك...انا كنت ساكتة مستنياك تكمل كلامك...
عايزة اتعرف على حياتك اكتر واكتر"
"بجد متضايقتيش"
"لا طبعا... وان شاءالله مع بعض هنبنى حياتنا وسعادتنا"
"ياااااااه يانغم ..انا مش مصدق نفسى انى بسمع الكلام ده منك"
"ليه بس...ده من القلب للقلب رسول ...وقلبى كان حاسس بيك بس كنت خايفة
يكون بيتهيألى...وكنت خايفة كمان من مواضيع الحب دى"
"متخافيش ياحبيبتى طول ماانا معاكى"
كل واحد فيهم كان قلبه طاير من ورا الشاشة
قربوا من بعض بسرعة لما كل واحد فيهم ساب لسانه يقول اللى ف قلبه..
.احساسهم كان اقوى من اى حواجز كانت بينهم
الحواجز اتهدت من قوة احساسهم ببعض
وقعد كل واحد يحكى شوية عن نفسه
ومرت الساعات من غير ما يزهقوا ولا يحسوا بيها
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
تانى يوم ف النادى.. وصل ماجد اول واحد
قعد مستنى نغم واول ما وصلت وقف يسلم عليها
سلمت عليه واول ما حست برعشة ايدها سحبتها بسرعة
ماجد بيبص فى عينيها
"وحشتينى"
ابتسمت بخجل وهى بتبعد عينيها عنه بكسوف بحجة انها بتجر
كرسى وبتقعد عليه
قعد ماجد على الكرسى وقربه منها
"تصدقى النهاردة يوم مختلف"
"من ناحية ايه"
"النهاردة انتى نغم حبيبتى مش زميلتى"
"لالالا الكلام كده صعب"
واستغرب ماجد
"صعب ازاى"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
"امبارح كنت قاعدة ف اوضتى ولوحدى كان الكلام اسهل...انما دلوقتى
وقدامك كده هموت من الكسوف وقلبى بيدق ومش عارفة اتكلم ولا كلمة"
وضحك ماجد...ضحك من قلبه
"انت بتضحك على ايه"
"ياحبيبتى حتى وانتى مكسوفة بتقولى كلام حلو... ولما خدودك دول بيحمروا
كده بتزيدى جمال...يعنى مجننانى فى كل الاحوال"
ضحكت نغم ضحكة رقيقة خجولة وهى بتبص لماجد وبعدين للارض
فات شهر...وخلال الشهر ده
تمت قراية فاتحة مصطفى ويسرا
والعلاقة بين ماجد ونغم بتقوى كل يوم اكتر من اللى قبله
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
وفى يوم جمعة فى النادى
يسرا ونغم اجازة...ومصطفى قاعد مع ماجد
"ابقى حضر بطاقتك بقى يوم الخميس"
"بطاقتى ليه؟؟هو مش يوم الخميس الشبكة"
"مااحنا هنخليها شبكة وكتب كتاب مع بعض"
"مبروك يامصطفى الف مبروك"
"الله يبارك فيك وعقبالك انت ونغم"
"ان شاءالله"
"ايه ناوى امتى"
"لما ربنا يسهل "
"على فكرة انا همشى من النادى اخر الشهر ده"
"ليه كده"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
"ماهو ده اللى هيخلينا نعمل كتب كتاب...بقالى فترة مكلم خالى يشوف
لى عقد عمل ...هو بقاله 20سنة فى السعودية... كلمنى امبارح وجابلى
شغل هناك وهخلص الورق واسافر ان شاءالله"
"ربنا يوفقك يا مصطفى انت تستاهل كل خير"
"الله يخليك ياماجد... احنا اتفقنا اننا هنعمل كتب كتاب علشان لو ظبطت امورى
هناك ابقى ابعت ليسرا تجيلى"
"وليه متستناش الاجازة بتاعتك"
"بينى وبينك انا مبحبش القعدة لوحدى ودى غربة يعنى اكيد هبقى محتاجلها
معايا..وهى كمان موافقتش على السفر غير لما قلتلها انى ممكن ابعتلها
كمان كام شهر"
"ربنا يسعدكم "
"بقولك ايه ابقى اشوفلك حاجة هناك"
"ينفع؟؟"
"اهو نشوف يمكن ...اهم حاجة انت عندك استعداد تسافر"
"اه طبعا ...واهى حاجة تقرب البعيد وتساعدنى...اخوك على فيض الكريم واهو
نشوى هتتجوز وافضى انا بقى"
"ان شاءالله ربنا هيقف معاك علشان انت فضلت اختك على نفسك وبتعمل
كل حاجة تريح مامتك واختك"
"ماانت عارف انا ليا مين غيرهم"
"ربنا يخليهوملك يارب"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
يوم كتب كتاب مصطفى ويسرا
نغم نازلة من بيتها على السلم ومعاها الفستان اللى هتلبسه ...
وبتتكلم ف الموبايل
"ايوه يا يسرا... انا نازلة اهو.. هاخد تاكسى واجى متقلقيش ...
متتعبيش نفسك... طيب هستناكى...سلام"
قفلت معاها وقبل ماتحط الموبايل فى جيب البنطلون...رن
"الو... انا نازلة اهو... يسرا باباها هيوصلها الكوافير وهيفوتوا عليا ياخدونى...
ايوه احنا بنروح الكوافير من بدرى مش زيكم ... هنتقابل بالليل بقى لما تيجى
مع مصطفى... قلتلك 100 مرة الفستان بكم مش عريان...من غير ماتقول
مكنتش هلبس حاجة مكشوفة... متتصلش بيا انا لما اخلص
هتصل بيك...مع السلامة"
نزلت وقفت قدام العمارة...ودقايق وجت يسرا مع باباها ركبت معاهم
نغم...وراحوا الكوافير
فى الكوافير... يسرا لابسة فستان ابيض وطرحة
ونغم لابسة فستان اسود بكم طويل ومفتوح من الكتفين ...
وشعرها مرفوع ونازل منه خصلات طويلة
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
نغم خلصت وقاعدة تستنى يسرا وهى فى اللمسات الاخيرة
"ها يانغم قوليلى حلو كده"
"طبعا قمر ماشاءالله...مع انك دوختينا لما قررتى فجأة تلبسى ابيض وقلت
مش هنلحق نلاقى فستان"
"اعمل ايه بس يانغم لما عرفت من مصطفى انى ممكن اسافر له من
غير فرح قلت أضمن والبس الابيض وعلشان يبقى عندنا صور
زفاف زى كل الناس"
"معاكى حق طبعا...ده حلمنا كلنا"
"عقبالك انتى وماجد"
"ان شاءالله"
رن موبايل نغم...
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
"الو... كنا لسه بنجيب ف سيرتك... كل خير...يعنى فاضل دقايق كده
وتكون جاهزة... اول ما تجهز هكلمك... الفيديو؟؟.. لما تخلص هبقى
اقولك تبعته...سلام"
"ايه وصلوا"
"ايوه ياعروسة...ومصور الفيديو عايز يدخلك هنا قلتله لما تخلصى"
دقايق وخلصت يسرا واتصلت نغم بماجد
والتفوا اهل يسرا حواليها واهل مصطفى حواليه
ودخل مصطفى اخد يسرا وخرجوا
ماجد واقف بره الكوافير مستنى نغم
نغم خرجت ورا يسرا... بتدور بعينها على ماجد
ماجد اول ما عينه وقعت على نغم... اندهش
نغم قربت على ماجد... وهى بتسلم عليه
مد ايده يسلم عليها
"ايه ده...مين دى"
"هتكسفنى هسيبك وامشى"
"وانا اقدر...تمشى فين وتسيبينى... بس بجد كنتى مخبية الجمال ده فين"
وبصت نغم لماجد من فوق لتحت باعجاب
"وانت كنت مخبى الشياكة والوسامة دى كلها فين"
رد ماجد وهو بيظبط بدلته
"اعتبرها معاكسة"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
ارتبكت نغم ولفت بعيد منه وكانت هتمشى
شدها من ايدها بحب
"خدى ..خدى... رايحة فين"
"قلتلك تبطل تكسفنى"
"عيونى"
مسك ايدها وحطها فى دراعه
"يالا بينا"
وسمع ناس ميعرفهمش بيقولوا
"ياماجد... فين ماجد؟؟ مين ماجد"
بصت نغم لماجد
"هو فيه ايه..الناس بتسال ليه"
"تصدقى نسيت ان انا اللى هسوق عربية العريس والعروسة...
طبعا لازم انسى وانا مع القمر"
"انت جبت عربية منين"
"اجرت عربية...بس مش علشان العرسان...دى علشان اخد اميرتى جنبى ..
.وسيبك انتى كان مصطفى ويسرا مش موجودين اساسا"
مشيوا ناحية العربية...اول مافتح لها الباب
مصطفى"ايه ماجد احنا فى العربية بقالنا ساعة وانت كنت فين"
بص ماجد لنغم وهو بيقول لمصطفى
"معلش... نسيت الدنيا"
بص مصطفى لنظراتهم
"اه معاك حق"
زغدته يسرا لما سمعته بيقول كده
حط مصطفى ايده على كتف يسرا وهو بيقول لماجد
"زى ما بنسى الدنيا لما بشوف حبيبى"
يسرا وهى بتضحك له"ايوه كده... اتعدل"
http://www.2mrr.com/wp-content/uploads/2013/11/img_1385453510_684.gif (http://forums.imageslove.net/pic26365/)
راحوا الاستوديو... ودخل العروسين للتصوير
طلب المصور حد يدخل مع العروسة من قرايبها
طلبت يسرا ان نغم تدخل معاها
نغم واقفة ورا الكاميرا والمصور بيظبط الكادرات
ماجد واقف بره وبيبص عليهم من قزاز بيفصل بينهم
مع كل لقطة بيلقطها المصور لصور العروسين
ماجد ونغم يتبادلوا نظرة وابتسامة سريعة من بعيد
خلصت الصور...خرج العروسين ووراهم نغم
ماجد كان مستنيها ولما خرجت ومسك ايدها
"نغم"
"نعم"
"ممكن اطلب منك طلب"
ايام عمري
06-05-2014, 07:00 AM
كان حلم... الحلقة 12
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
استغربت نغم
"طلب ايه"
"نتصور مع بعض"
"بس..."
"بس ايه"
"مينفعش"
"ليه يانغم"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
"احنا لسه يا ماجد مفيش بيننا اى حاجة رسمى علشان نتصور مع بعض"
اتفاجئ ماجد بردها
"ايوه مفيش بيننا حاجة رسمى...علشان كده خايفة تتصورى معايا"
حست نغم انها ضايقته
"مقصدش ياماجد...انا بس اتفاجئت بحكاية الصور دى"
"خلاص ولا يهمك...يالا علشان نلحقهم"
ولف ماجد علشان يمشى
"بقولك ايه...انا مش هينفع اخلى الصور عندى"
التفت لها
"قصدك ايه"
"قصدى يعنى لما نتصور والصور تطلع مش هينفع يبقوا عندى علشان ماما"
وابتسم لها
"نغم...انا مزعلتش منك ومش عايزك تعملى اى حاجة وانتى متضايقة...حاجة كان نفسى فيها وقلتهالك انما مش بجبرك"
"وانا عايزة اتصور معاك ...انا بس اتفاجئت بكلامك انما وانا بتكلم فكرت لقيت انها فكرة حلوة يبقى لينا صورة مع بعض واحنا سواريه كده"
ضحك ماجد وطلب من المصور انهم يتصوروا صورتين
رن موبايل ماجد
"ده مصطفى"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
رد ماجد على مصطفى
"الو...ايوه ياعريس... نازلين اهو بس 5دقايق... هنتصور بس وننزل على طول...سلام"
خلص ماجد مع مصطفى وبص لنغم
ودخلوا يتصوروا
نغم قالت للمصور
"مش عايزة صور زى بتاعة العرايس اللى اتصوروا دلوقتى"
بص لها ماجد وابتسم وهو فاهم انها هتحرج من نفس الوقفات
قطع عليهم المصور التفكير بالرد
"متقلقيش يا انسة...اللى يعجبك"
وقفوا يتصوروا
اول صورة كانت يقفوا قصاد بعض وعينيهم فى عين بعض
الصورة كانت قريبة جدا وكأنها مركزة على وشهم ونظرتهم بس
تانى صورة كانت يقفوا الاتنين بالجنب ويمسك ماجد ايدها
ويبصوا للكاميرا... وكانت الصورة بعيدة الى حد ما وكأنها مركزة على القرب والحب اللى باين فى مسكة ايدهم
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
خلصوا الصور ونزلوا ركبوا العربية
مصطفى"انا مش عارف ايه اللى خلانى اسمع كلامك"
ماجد"على ايه"
مصطفى"هجيب عربية وازفكم... ياشيخ ده انت زفتتنا مش زفتنا"
ماجد"كل ده علشان اتأخرنا عليكم شوية"
مصطفى"ياعم يالا المأذون وصل واحنا اللى اتأخرنا وحمايا عمال يتصل بيا يستعجلنى"
وصلوا القاعة...طلع العروسين فى زفة للقاعة
وماجد ونغم وراهم...ومش بيسيب ايديها
لحظة كتب الكتاب...ورغم ان ماجد كان بيشهد على الجواز
بس عينه مفارقتش عين نغم
وعين نغم مبعدتش عن عين ماجد
بعد كتب الكتاب...راح لها ماجد
"عقبالنا ياحبيبتى"
"يارب ياحبيبى"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
كان وقت الرقصة السلو
وبعد ما رقص العروسين
سمعوا ال dj بيقول
"ياريت العروسين يفضلوا ع البيست واى كابلز يحب يشارك بالرقص يتفضل"
وبدأت رقصة سلو جديدة
وناس من المدعوين اغلبهم بدأوا يطلعوا ع البيست ويرقصوا
نغم وماجد قاعدين على ترابيزة قريبة من البيست
قام ماجد وقف قصاد نغم وانحنى وهو بيمسك ايدها
"تسمحيلى بالرقصة دى"
"هههههه اقعد ياماجد بلاش هبل"
"تسمحيلى بالرقصة دى"
"هههه اقعد الناس هتتفرج علينا"
شدها من ايدها بحب
"طب قومى علشان الناس متتفرجش"
قامت معاه وهى محرجة وبصت حواليها لقت ناس غيرهم بيرقصوا مع بعض وكل حاجة عادى
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
لف ايديه حول وسطها وحطت ايدها على كتفه
وايديهم فى ايد بعض... وهما بيتمايلوا على انغام الموسيقى
"ابعد شوية عيب كده"
"هههه عيب ايه احنا بنرقص زى باقى الناس"
"انت مجنون وانا مجنونة انى سمعت كلامك"
"سيبك من الجنان دلوقتى...قوليلى حاسة بإيه"
"مش حاسة بحاجة"
"عينى ف عينك كده"
بصت له نغم وهى ف حضنه
"بحبك اوى يانغم"
"وانا بحبك اكتر"
"عارفة نفسى ف ايه دلوقتى"
"ايه"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
"الاغنية متخلصش"
"ههههه اصدمك واقولك ان الاغنية قربت تخلص"
"حرام عليكى يانغم...عيشى اللحظة معايا"
"ياحبيبى انا معاك عملت حاجات عمرها ماخطرت على بالى... انى احب اصلا عمره ماخطر على بالى...انا بحبك حب مش عارفة اوصفه... انا بحبك اوى ياماجد"
"اخيراااااااااا سمعت منك جملتين على بعض يريحونى ويطمنونى ... انا بحبك اوى يانغم وهحاول اعمل كل اللى اقدر عليه علشان يجمعنا بيت واحد فى اسرع وقت"
"يارب ياماجد... وان شاءالله يبقى بيت كله حب وسعادة"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
خلصت الاغنية... والنور زاد فى القاعة
بعدت نغم عن ماجد خطوتين ...قالها
"اففف مكنش المفروض تخلص"
"هههههههه انت مستغل للمواقف على فكرة"
قعدوا مع بعض وخلال الفرح شوية يبقوا مع مصطفى ويسرا
وشوية يقعدوا مع بعض شوية
والساعة 12 رن موبايل نغم
"الو... ايوه يابابا... لا الفرح لسه مخلصش.. متقلقش ...هتيجى... طيب لما توصل رن عليا هنزلك على طول...مع السلامة"
"باباكى؟؟"
"اه...قلقان علشان اتأخرت وهييجى ياخدنى"
"ماانا كنت هوصلك"
"وهو يعنى يعرف كده"
"عارفة يانغم...كان نفسى ظروفى كانت تبقى احسن من كده وانا كنت كلمت باباكى "
"ان شاءالله الظروف هتتحسن وتيجى وتكلمه وتبقى واحد من العيلة كمان"
"يارب يقرب البعيد"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
قاموا ماجد ونغم يسلموا على العروسين ويتصوروا معاهم
واستأذنت نغم وعرفتهم انها ماشية
بعد نص ساعة رن موبايل نغم
"بابا وصل يا ماجد...انا هنزل بقى"
"هوصلك لحد تحت طيب"
"بلاش علشان بابا ميشوفناش مع بعض"
"لا الوقت متأخر... بصى امشى انتى وانا همشى وراكى لحد ما اشوفك وصلتى لباباكى وابقى ارجع انا"
"طيب...لما ترجع البيت كلمنى"
"حاضر"
مشيت نغم ومشى ماجد وراها
نزلت وفى الشارع قابلت باباها
وقف تاكسى وركب وركبت نغم
وودعوا بعض بعينيهم من شباك التاكسى
وصلت نغم البيت مع باباها
واول مادخلت
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
الام"ماشاءالله... ايه الجمال ده يانغم.. مش قلتلك يااسماعيل مينفعش ترجع لوحدها"
الاب"طبعا يافاطمة انا مكنتش هسيبها ترجع لوحدها"
نغم"عادى ياجماعة كان فيه زمايلنا فى النادى هيوصلونى"
الاب"لا كده احسن علشان اطمن عليكى"
نغم"هدخل اغير هدومى "
دخلت نغم اوضتها...
"قلتلها يااسماعيل"
"لا مقلتش حاجة.. ادخلى انتى قوليلها"
"طيب"
قامت الام دخلت اوضة نغم... وكانت غيرت هدومها
"بقولك ايه يانغم"
"ايه ياماما"
"النهاردة فى الشغل راح لباباكى واحد وعرفه بنفسه انه ساكن معانا هنا فى الشارع... وطلب ايدك"
انتبهت نغم لكلام مامتها
"يطلب ايدى انا؟؟"
"ايوه يانغم هو احنا عندنا غيرك"
"بس انا معرفوش"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
"ماهو انا هقولك اللى عرفناه عنه...هو معيد فى كلية تجارة واخد الماجيستير وساكن معانا هنا فى الشارع وعنده شقته قريبة مننا هنا برضه وجاهز من مجاميعه"
"برضه ياماما مينفعش يتقدملى كده وانا معرفوش"
"ماهو ابوكى وهو راجع من الشغل سأل ابو جابر بتاع السوبر ماركت عنه...طلع يعرفه وقال عنه كلام كويس اوى"
"ماما انا مش عايزة اتخطب بالطريقة دى"
"ومالها الطريقة دى...اومال عايزة تتخطبى ازاى"
"لا انا اقصد يعنى حد اكون اعرفه"
"وانتى هتعرفى اى حد منين"
"هو يعرفنى طيب؟؟"
"ايوه اومال اتقدملك ازاى"
"يعنى مطلوب منى ايه"
"هو مستنى معاد مننا ييجى هو واهله"
ماجد داخل البيت... واول مادخل راح على اوضته
لسه بيقلع جاكيت البدلة لقى نشوى بتفتح الباب فجأة
"ماااااااااااااااااااااااجد"
"ايه يانشوى"
"ينفع كده يعنى... مش معقول بجد"
"فى ايه يانشوى..ايه اللى حصل"
قالت وهى بتلف حواليه
"اخويا يبقى مز كده والبنات متجريش وراه"
"يخربيت عقلك خضتينى"
http://www.2mrr.com/wp-content/uploads/2013/11/img_1385453510_166.gif (http://forums.imageslove.net/pic26365/)
"ايه العسل ده ياناس...بس قولى البنات اللى فى الفرح عملوا ايه"
"رقصوا"
"لا والله...وانت رقصت معاهم"
وسرح ماجد فى رقصته مع نغم ورد وهو سرحان
"رقصت"
قعدت على السرير وهى بتقوله
"لااااا ...ده الموضوع كبير وخطير ...احكى"
"احكى ايه يا بت انتى ...انتى مالك ومالى النهاردة"
"والله ضحكتك دى بتقول فيه حاجة...هتحكى يعنى هتحكى"
"هحكيلك"
"عرفتها النهاردة"
"لا... اطلعى بره "
"اطلع بره؟؟"
"ايوه...اغير هدومى واقعد معاكى نحكى ونرغى للصبح"
"ماشى يا كابير...مستنياك"
خرجت نشوى من الاوضة
غير ماجد هدومه... ومسك الموبايل علشان يتصل بنغم
يسلموووووووووووو ايديكي اياام عمري كثير حلوة القصة
http://im25.gulfup.com/2012-09-01/1346508233481.gifhttp://im25.gulfup.com/2012-09-01/1346508233481.gif
ايام عمري
06-06-2014, 06:46 AM
الله يسلمك يا حلا
مرورك الاحلى اكيد حبيبتي
وهنتابع مع بعض احداث حلقتين جداد
يارب تعجبكم
http://im25.gulfup.com/2012-08-18/1345311196379.gif
ايام عمري
06-06-2014, 06:56 AM
كان حلم... الحلقة 13
http://www.vb.fll2.com/storeimg/img_1352593330_915.gif (http://vb.fll2.com/hsb76523)
ماجد بيتصل بنغم زى ما قالت له
اتصال ومفيش حد بيرد
استغرب...هى اكيد روحت من زمان
وملحقتش تنام...استنى شوية واتصل تانى
اتصال بدون رد لحد التليفون ما يفصل
دخلت عليه نشوى
"ايه ياماجد ...انت فين"
"تعالى يانشوى"
دخلت وقعدت جنبه
"احكيلى بقى"
"استنى اجرب بس تانى"
واتصل ماجد بنغم...اتصال بدون رد لحد التليفون ما فصل
حط ماجد التليفون جنبه وبص لنشوى
"بصى ياستى فاكرة لما طلبت منك تكلمى واحدة زميلتى تسألى عليها"
"اللى كانت فاقدة الذاكرة"
"الله ينور عليكى... هى دى بقى... كانت زميلة مفيش بيننا حتى الكلام العادى لانى مكنتش طايقها...لحد ما وقعت فى يوم بعد التمرين"
"وقعت ازاى"
وتعمد ماجد انه يلغى من الحكاية الجزء اللى هو نفسه ينساه او يلغيه من حياته...انه سبب الوقعة...وكمل الحكاية من غير السبب الحقيقى
http://www.vb.fll2.com/storeimg/img_1352593330_915.gif (http://vb.fll2.com/hsb76523)
نغم لسه فى اوضتها مع مامتها
"يعنى ايه مستنى معاد"
"علشان تتقابلوا وتشوفيه"
"وهو بابا وافق من غير مايقولى"
"باباكى بيقول ييجى وتشوفيه مقالش هييجى اول يوم تتجوزيه"
وبصت الام على الكومودينو
"هو موبايلك بينور ويطفى كده ليه"
قامت الام تشوف التليفون...حاولت نغم تسبقها بس اتحركت ببطء علشان ميبانش لهفتها
"مكتوب اتصال ومفيش اسم"
"هاتى ياماما كده ورينى"
اخد الموبايل وحمدت ربنا انها مش مسجلة ماجد بأى اسم غير نقطة بس وكانت عاملة حساب موقف زى ده
"ده باين المنبه بتاع الموبايل بيخرف"
"انا استغربت لما لقيت مكتوب اتصال...مين هيتصل بيكى ف وقت زى ده"
"مفيش طبعا... ماما بقولك ايه مابلاش العريس ده"
"يابنتى لو فيه سبب مقنع ماشى انما مفيش...طيب على الاقل شوفيه"
"اشوفه بس"
"ايوه شوفيه واتكلمى معاه لو معجبكيش خلاص انتى حرة"
"ماشى ياماما... الوقت اللى تحددوه"
قامت الام وهى بتدعيلها
"ربنا يجعله من حدك ومن نصيبك"
خرجت الام... وقفلت نغم عليها الاوضة لما مامتها بعدت
واتصلت بماجد
http://www.vb.fll2.com/storeimg/img_1352593330_915.gif (http://vb.fll2.com/hsb76523)
ماجد وهو قاعد مع نشوى
"دى الحكاية باختصار"
"انا مش عايزة اختصار...انا عايزة تفاصيل"
ورن موبايل ماجد...وشاف انها نغم
بص لنشوى
"بعدين بقى يانشوى"
"اااااه...سهلووووو ياعم"
خرجت نشوى من الاوضة...ورد ماجد بلهفة على نغم
"الو..حبيبتى انتى فين"
"معلش يا حبيبى ماما كانت عندى فى الاوضة وشافت التليفون"
http://www.vb.fll2.com/storeimg/img_1352593330_915.gif (http://vb.fll2.com/hsb76523)
"وبعدين حصل اى مشاكل"
"لا الحمدلله انا اصلا كنت عاملة الموبايل سايلنت ومش مسجلاك باسم"
"اومال كاتبة اسمى ايه"
"عاملة نقطة بس كده علشان لو الموبايل رن وماما ولا بابا شافوه محدش يفهم حاجة"
"ايه التخطيط ده"
"اهو على قدى"
"تعرفى انك وحشتينى اوى"
"عارفة"
"بجد"
"اه طبعا...علشان انت كمان وحشتنى"
"ااااااه"
"مالك ياماجد"
"قلبى مش مستحمل الحب ده كله"
"سلامة قلبك... قول لقلبك يجمد علشان كل يوم بحبه اكتر"
"بجد يانغم هتفضلى تحبينى كده"
"لو انت بطلت تحبنى ممكن ساعتها حبى يقل"
"انا ابطل احبك؟؟ ده انا حاسس ان الحب اللى بحبه ليكى عمره ما هيقل ولا يتغير...عارفة لما بشوف اتنين بيحبوا بعض بحس ان حبهم ميجيش حاجة جنب الحب اللى بحبهولك"
"ربنا يخليك ليا ويفضل حبنا يكبر ويكبر كل يوم"
"من كتر السعادة اللى انا فيها خايف"
"خايف من ايه"
http://www.vb.fll2.com/storeimg/img_1352593330_915.gif (http://vb.fll2.com/hsb76523)
"خايف ظروفى المادية تكون عقبة قصادنا ويجيلك حد جاهز واهلك يوافقوا عليه"
"وانت عرفت منين"
"عرفت ايه...هو انتى فيه حد فعلا متقدملك"
ندمت نغم انها وقعت بلسانها وقالت لماجد...هى مكنتش عايزة تقوله
"ملكش دعوة بالكلام ده انا هتصرف"
"يعنى ايه تتصرفى...وانا ايه طرطور"
"ايه الاسلوب ده ياماجد"
"انا عايز افهم انتى حد اتقدملك"
"ايوه"
"ومقلتليش"
"ايوه"
"ليه"
"لان الموضوع مش مهم"
"يعنى ايه مش مهم يانغم... انتى رفضتيه يعنى"
"بص ياماجد طريقتك فى الكلام مش عاجبانى"
"وعايزانى اتكلم ازاى...انا عمال ابنى احلام وانتى ف لحظة تهدى كل احلامى"
"علشان كده مكنتش هقولك"
"كمان عايزة تخبى عليا"
"ماهو لما قلتلك اهو شفت واحد تانى خالص"
"انتى عايزة ايه يعنى...عايزانى اقولك مبروك"
"عارف انا عايزة ايه"
"ايه"
"عايزة انام...تصبح على خير"
"استنى يانغم لما اخلص كلامى"
"معلش ياماجد...بلاش نتكلم دلوقتى مع السلامة"
قفلت نغم مع ماجد ودموعها على خدها
هى مش عارفة مين صح ومين غلط
بس اللى هى متأكدة منه انها زعلانة من كلام ماجد
http://www.vb.fll2.com/storeimg/img_1352593330_915.gif (http://vb.fll2.com/hsb76523)
ماجد بعد مانغم قفلت كان متضايق منها ومن نفسه
متضايق منها انها خبت عليه وعرف بالصدفة منها
ومتضايق من نفسه انه مقدرش يمسك اعصابه وزعلها
طول الليل والاتنين كل واحد فيهم مش عارف ينام لانه بيفكر فى التانى
كل واحد زعلان من نفسه ومن التانى
تانى يوم الجمعة...قام ماجد ف معاده راح النادى
وهو فى النادى بيفكر فى نغم...عايز يكلمها ومتردد
مسك الموبايل يكلمها...وقبل مايتصل سمع الاذان
حط الموبايل فى جيبه وهو بيقول لنفسه
"اكلمها بعد الصلاة احسن"
وبره الاوضة باباها ومامتها
"انا نازل اصلى الجمعة مش عايزة حاجة"
"اه... الدوا بتاع نغم قرب يخلص هات علبة وانت جاى"
"طيب هاتى الروشتة"
"ثوانى اجيبها من جوه"
دخلت الام اوضة نغم تجيب الروشتة
نغم نايمة فى اوضتها...بعد مانامت الصبح من التفكير والحزن
http://www.vb.fll2.com/storeimg/img_1352593330_915.gif (http://vb.fll2.com/hsb76523)
مامتها بتدور على الروشتة فى درج الكومودينو
ملقيتش الروشتة.... فتحت علبة الدوا وبتشد حتة من الورقة المكتوب فيها الاسم...وهى بتقطعها ايدها وقعت موبايل نغم بدون قصد
صحيت نغم على صوت رزعة الموبايل
"فى ايه ياماما"
"معلش يانغم موبايلك وقع...شوفيه كده هيشتغل ولا لا"
قامت نغم تلم الموبايل اللى بقى 3حتت من ع الارض
صوت باباها من بره
"يا فاااااااااااطمة...بتعملى ايه كل ده"
نغم ركبت البطارية وحطت الغطا...وفتحت الموبايل
"الموبايل مبيفتحش"
الام"مكنش قصدى اوقعه يانغم"
"ولا يهمك ياماما ...فداكى"
"هاتى اديه لابوكى يوديه لحد يصلحه "
فتحت نغم الموبايل وشالت الشريحة وادت الموبايل لمامتها
اخدت الام الموبايل من نغم وخرجت من الاوضة
حاولت نغم انها تنام تانى... بس تفكيرها فى ماجد كان مخليها مش عارفة تنام
"ياترى ممكن يتصل بيا... ولو اتصل هيلاقى التليفون مقفول... بس لو عايز يكلمنى ممكن يبعتلى مسدج ع الميل ولا الفيس"
قامت نغم ببطء وكسل وهى بتبص فى الساعة
"مش هيرجع من النادى قبل 4"
http://www.vb.fll2.com/storeimg/img_1352593330_915.gif (http://vb.fll2.com/hsb76523)
ماجد بعد ما خلص صلاة الجمعة.. اتصل بنغم علشان يصالحها
اتفاجئ ان الموبايل مقفول
"بتقفلى الموبايل يانغم... للدرجة دى بتتلككى"
كمل ماجد شغل فى النادى... وف معاده روح البيت
اول حاجة عملها بعد ماوصل البيت... دخل اوضته وفتح اللاب توب
"نشووووووووووى"
جت نشوى تجرى من المطبخ
"ايه ياماجد"
"هو النت ماله"
"فاصل من امبارح بالليل"
"ليه"
"معرفش بكرة الصبح هتصل بالشركة واشوف"
رد وهو متنرفز
"طيب"
حاول يتصل تانى بنغم... الموبايل مقفول
مرة و2 و10 و30 الموبايل مقفول
http://www.vb.fll2.com/storeimg/img_1352593330_915.gif (http://vb.fll2.com/hsb76523)
نغم ومامتها وباباها قاعدين بيتغدوا
"موبايلك يانغم هجيبهولك بكرة وانا راجع من الشغل يكون اتصلح"
نغم"شكرا يابابا"
الام"معلش ياحبيبتى انا السبب"
نغم"ولا يهمك ياماما...بسيطة"
الاب"محمد قابلنى النهاردة وانا راجع وسألنى عن الرد"
نغم"محمد مين"
الاب"انتى مش قلتيلها يافاطمة"
الام"العريس يانغم"
هزت نغم راسها بمعنى افتكرته
الاب"هو هييجى بكرة الساعة 8 بس لوحده علشان يتعرفوا على بعض"
الام"اهلا وسهلا يشرف اى وقت"
نغم"الحمدلله "
قامت نغم من غير ماتكمل اكلها...علشان تروح تفتح النت
دخلت نغم اوضتها وفتحت الميل والفيس علشان تستنى ماجد
طول اليوم وهى بتستنى من غير ما يظهر ولا يفتح خالص
تانى يوم فى النادى
راحت نغم النادى فى معادها
مكنش حد موجود... مصطفى ويسرا فى اجازة علشان بيخلصوا اوراق السفر
http://www.vb.fll2.com/storeimg/img_1352593330_915.gif (http://vb.fll2.com/hsb76523)
قعدت على البيسين وهى بتدور بعينيها على ماجد
مش عارفة لما ييجى هتكلمه ولا لأ
بعد ربع ساعة شافت ماجد ... هى بتبص عليه بطرف عينيها وهى لابسة نضارة شمس وراسها فى اتجاه بعيد عنه علشان ميعرفش انها بتبص عليه
حست بيه بيقرب منها وبيقعد معاها... من غير مايتكلم
دقايق صامتة بينهم محدش فيهم بيتكلم...قامت نغم تمشى
مسك ايدها وهى معدية من جنبه
"استنى"
"نعم"
"فى ايه"
قعدت تانى واستغربت من سؤاله
"معرفش فى ايه....شوف انت"
"هو المفروض مين اللى يزعل من التانى...بتخبى عليا يانغم حاجة مهمة زى دى"
http://www.vb.fll2.com/storeimg/img_1352593330_915.gif (http://vb.fll2.com/hsb76523)
"وانت شايف ان مهم انى اقولك وانا عارفة انى مش هوافق...ولو قلتلك هتفتكرنى بعمل افلام بقى لما البنت تقول للى بتحبه متقدملى عريس علشان يغير والحاجات دى...خفت تفتكرنى بمثل عليك"
"لا مكنتش هفتكرك بتمثلى عليا"
قالها وهو بيبتسم لها...وكمل كلامه
"بس من اول مشكلة يانغم تاخدى جنب وتقفلى موبايلك"
"قال يعنى انت سألت ولا اهتميت"
"اومال عرفت منين ان موبايلك مقفول"
"مش مقفول...الموبايل بيتصلح ياماجد وفضلت قاعدة طول اليوم وطول الليل فاكراك هتسأل عليا ولا تكلمنى ع النت"
"والله النت عندنا فاصل من اول امبارح ومعرفتش اكلمك خالص"
"انا خفت اوى من قسوتك دى لما حسيت انك مسألتش عليا خالص"
http://www.vb.fll2.com/storeimg/img_1352593330_915.gif (http://vb.fll2.com/hsb76523)
"وانا اقدر... ياحبيبتى انا بحبك ومهما يحصل بيننا حتى لو زعلنا مع بعض شوية برضه مقدرش اشيل منك ولا اقسى عليكى"
نزلت دموع نغم من ورا النضارة
شال ماجد النضارة من على عينيها...ومسح دموعها بطرف صباعه
"مش عايز اشوف دموعك تانى"
هزت راسها وهى بتبتسم له
"قوليلى بقى ...رفضتى العريس"
"لسه"
"يعنى ايه لسه؟؟"
"يعنى هو لسه هييجى النهاردة علشان نتعرف على بعض"
ايام عمري
06-06-2014, 07:02 AM
كان حلم... الحلقة 14
http://www.vb.fll2.com/storeimg/img_1352593857_745.gif
"نعم... تتعرفى على مين يانغم"
"على العريس"
"ماشى يانغم...اتعرفى عليه براحتك"
قام ماجد... نادت عليه نغم
موقفش وكان سريع جدا لدرجة انه بقى بعيد فى لحظات لحد
ما اختفى عن عينيها
قعدت نغم تفكر...تتصرف ازاى
http://www.vb.fll2.com/storeimg/img_1352593857_745.gif
ماجد مشى متضايق وهو حاسس ان فيه خطوات بتبعد نغم عنه
عريس وبعدين تعارف وبعدين خطوبة
مشى ماجد بين الملاعب وبعد مازهق طلع المبنى الاجتماعى شاف قاعة
مفتوحة وفاضية دخل قعد فيها لوحده
فضل قاعد حوالى نص ساعة... قاعد على كرسى وراسه راجعه لورا ساندها
على ضهر الكرسى وبيبص لفوق وايديه على الكراسى اللى جنبه
"حاسب ايدك كده لما اقعد"
بص جنبه شاف نغم بتبتسم له
شال ايده من ع الكرسى وهو ساكت
"ينفع كده الف النادى كله عليك وافضل اسأل اى حد اشوفه فين ماجد فين ماجد"
"عايزة ايه من ماجد"
"مستغناش عنه"
ابتسم بسخرية وهو بيدور وشه
"مش عاجبك كلامى ولا ايه"
"نغم انتى بجد مش مقدرة اللى قلتيه... بتقولى عريس جايلك النهاردة وهتتعرفوا
على بعض وقاعدة تهزرى"
"ماانت مش مدينى فرصة افهمك"
"فهمينى"
http://www.vb.fll2.com/storeimg/img_1352593857_745.gif
"انا هقابله وبعدين هرفضه...بس مقدرتش اقول لبابا لا كده من غير سبب"
"وافرضى قابلتيه وطلع كويس؟؟"
"انت بتثق فيا ولا لأ"
"بثق فيكى طبعا"
"يبقى خلاص سيبنى اتصرف باللى انا شايفاه صح"
"وانا؟؟"
"انت ايه"
"غيرتى عليكى اعمل فيها ايه"
"ياحبيبى صدقنى انا مش شايفة حد فى الدنيا دى كلها غيرك... وعلشان
خاطرى بلاش تحسسنى انك مش واثق فيا ولا فى حبى ليك "
"سامحينى يانغم... والله ماكنت اقصد كل كده... انا اسف"
سكتت نغم... غمضت عينيها
صوت ماجد وهو بيقول
"سامحينى يانغم... والله ماكنت اقصد كل كده... انا اسف"
سمعته قبل كده... مش اول مرة تسمع الجملة دى بنفس الصوت
حاولت تفتكر اى مشكلة حصلت بينهم وقالها نفس الجملة
مفيش اى مشكلة كانت تستدعى انه يقول كده
"نغم...نغم مالك؟؟"
"مش عارفة ياماجد...حاسة انى سمعت كلامك ده قبل كده"
"كلام ايه"
http://www.vb.fll2.com/storeimg/img_1352593857_745.gif
"سامحينى يانغم... والله ماكنت اقصد كل كده... انا اسف... الكلام ده بنفس
نبرة صوتك دى سمعتها قبل كده"
فكر ماجد... وافتكر انه مقالش الكلام ده قبل كده
غير لما كان بيروح لها وهى ف الغيبوبة
"خلاص بقى انا هتعب نفسى ليه...يمكن كان حلم...صح ياماجد"
"اه ...اكيد كان حلم"
"لسه زعلان منى بعد مافهمتك"
"مقدرش ازعل منك بس خايف"
"متخافش"
"هو جاى لكم امتى"
"النهاردة الساعة 8"
"وهتعملى ايه"
"هقابله ياماجد واقول لبابا وماما اى حاجة"
"ممكن متقعديش معاه كتير على قد ماتقدرى"
"حاضر"
ماجد فى البيت فى اوضته... ومعاه مامته
"بص ياماجد كريم جاى يتكلم معاك فى تفاصيل كتب الكتاب علشان يومها
تكونوا اتفقتوا على كل حاجة"
ماجد وهو سرحان
"ماشى ياماما"
http://www.vb.fll2.com/storeimg/img_1352593857_745.gif
جرس الباب رن... قامت الام
"ده اكيد كريم.. قوم قابله"
"ماشى ياماما اقعدى معاه وانا هتكلم فى التليفون واجى"
قامت مامته وبص ماجد فى ساعة الحائط قدامه...7 ونص
اتصل ماجد بنغم على الموبايل
"ازيك ياحبيبتى"
"ازيك انت ياحبيبى"
" الموبايل اتصلح؟؟"
"اه وبابا جابه وهو راجع م الشغل"
"لبستى خلاص"
"ايوه"
"لبستى ايه"
"لبست هدومى"
"ماانا عارف انك لبستى هدومك مش هدوم الجيران... لبستى ايه بالظبط"
"ايه السؤال السخيف ده ياماجد...ريح نفسك لبست جينز وتى شيرت"
"بجد؟؟...بصراحة مش عايزك تبقى حلوة"
"متقلقش مش مهتمة باللبس ولا الميك اب"
"برضه هتبقى زى القمر"
"اعملك ايه ياماجد بقى دوختنى...مش معقول كل دى غيرة"
http://www.vb.fll2.com/storeimg/img_1352593857_745.gif
"اه غيران...فيها حاجة"
"ماقلنا بقى خلى فيه ثقة اكتر من كده شوية"
"ربنا يستر"
ودخلت مامة ماجد عليه وهو بيتكلم
"يالا ياماجد كريم عايزك"
"ماشى ياماما...جاى اهو"
خرجت الام...وكمل ماجد كلامه مع نغم
"اسيبك دلوقتى يا حبيبتى وابقى كلمينى لما الراجل ده يمشى"
قفل ماجد... وخرج يقعد مع كريم
كان الفرح لسه قدامه 3 اسابيع
وكل حاجة خلصت وماجد خلص كل اللى وراه فى جهاز نشوى من فلوس
التمرين الخاص عند نجيب سالم
كريم بيتكلم وماجد بيسمعه وعينه على الساعة وتفكيره مع نغم
ماجد مش بيتناقش فى اى حاجة مع كريم وكل كلامه
"مش هنختلف على ماديات... احنا مش لسه هنعرفك النهاردة"
ولما جت الساعة 8 وربع مقدرش ماجد يقعد معاهم اكتر من كده
واستأذن ودخل اوضته
http://www.vb.fll2.com/storeimg/img_1352593857_745.gif
فى اوضة نغم...بعد ما خلصت مع ماجد
دخلت مامتها
"خلصتى يانغم...ايه ده؟؟"
"ايه ياماما"
"ايه يانغم مش تلبسى حاجة عليها القيمة بدل اللبس اللى بتروحى بيه النادى ده"
"وماله ده ياماما"
"مش منظر تقابلى بيه عريس"
"ماما احنا على اتفاقنا اوعوا تغيروا كلامكم"
"اتفاق ايه؟؟"
http://www.vb.fll2.com/storeimg/img_1352593857_745.gif
استغربت ونغم ونادت على باباها...جه الاب
"بصوا انا وافقت اقابل العريس علشان بابا اتفق معاه انما انا مش مرتاحة
ومش مهيأة نفسيا لخطوبة دلوقتى"
الاب"ليه يانغم"
نغم"مفيش سبب مش حاسة انى عايزة اتخطب "
الام"يمكن لما تشوفيه تغيرى رأيك"
الاب"ايوه يانغم...هو هييجى ولما نقعد مع بعض شوية هبقى انا ومامتك نسيبكم
تتكلموا وتقعدوا مع بعض تتعرفوا اكتر"
وقالت نغم فى سرها
"ايه الورطة دى"
وكملت وهى بتقول لباباها ومامتها
"طيب انا عندى فكرة... لما ييجى لو حصل قبول هقعد معاه لو محصلش
يبقى بلاش منها القعدة دى"
الاب"واحنا هنعرف منين"
الام"بصى يانغم هنقعد الاول بتاع 10 دقايق كده وبعدين هقوم اجيب عصير...
لما اجى عندك لو اخدتى العصير من الصينية يبقى موافقة تقعدوا مع بعض
لو قلتى مش عايزة يبقى خلاص...ولا ايه يااسماعيل"
http://www.vb.fll2.com/storeimg/img_1352593857_745.gif
الاب"هو مش المفروض ان العروسة هى اللى بتقدم"
نغم"وهو انا عروسة يابابا ...ده ضيف عادى لحد دلوقتى"
الاب"خلاص اللى تشوفوه"
مع دقات الساعة 8 رن جرس الباب
راح باباها فتح الباب واستقبل محمد
دقايق وخرجت نغم ومامتها يقابلوه
اتفاجئت نغم بشاب وسيم وشيك وبيتكلم بمنتهى الادب والذوق
مجاملات بسيطة من الطرفين
محمد من طرف وباباها ومامتها من طرف تانى
بسرعة شافت مامتها بتستأذن وتقوم
بصت فى الساعة شافت ان فات 10 دقايق ...بسرعة من غير ماتحس بيهم...
سمعت صوت مامتها راجعة
وافتكرت ماجد...واتضايقت انها فكرت مجرد تفكير فى ان محمد شاب كويس
واعجبت بيه مبدئيا
"ماجد عندى بالدنيا"
قالت كده فى سرها لما مامتها وصلت عندها بالعصير
"ميرسى ياماما...مش عايزة"
فهم باباها ومامتها رأيها ... قعدوا كلهم مع بعض حوالى نص ساعة بعدها
استأذن محمد انه عايز يقعد مع نغم
باباها ومامتها بصوا لبعض وبصوا لها... ومع ذوق محمد
الاب"اه طبعا... احنا هنقعد قدامكم هنا فى البلكونة وانتوا اقعدوا مع بعض"
http://www.vb.fll2.com/storeimg/img_1352593857_745.gif
قام باباها ومامتها... وحست نغم ان باباها اضطر يوافق
لانهم متوقعوش ان محمد يطلب يقعد معاها وكانوا فاكرين ان القرار
بايدهم لوحدهم
نغم قاعدة مش عارفة تبدأ بالكلام...وبمعنى ادق مش عايزة...سكتت واتكلم محمد
"بعد ماعرفتك على نفسى وانا بتكلم مع باباكى فى حاجة تانية عايزة تعرفيها"
"لا مفيش"
"وانا مش محتاج اعرف عنك حاجات عامة لانى عارفها انا بشوفك بقالى
كام شهر وسألت عليكى وعرفت عنك حاجات كتير...كل حاجة بتقول
انك الزوجة اللى اتمناها"
وحاولت ترد ...وبمجاملة
"وانت كمان فيك الصفات اللى تتمناها اى بنت"
"يعنى اعتبر انك موافقة مبدئيا"
ولحقت نغم نفسها وردت بسرعة
"لأ"
"لأ؟؟...ليه؟؟"
وحاولت نغم تدور على اى عيب او نقص فيه... مش لاقية
صورة ماجد وهما فى القاعة وبيقولها انه خايف ...جت قدام عينيها
http://www.vb.fll2.com/storeimg/img_1352593857_745.gif
"محمد شاب كويس بس انا بحب ماجد"
قالت لنفسها وكأنها بترد عبى قلق ماجد
وردت على محمد فى كلام حازم
"انت فعلا شاب كويس...بس انا مش بفكر فى اى ارتباط حاليا لانى مريت بحادثة
ومش هفكر فى خطوبة وجواز غير لما اتعالج تماما"
"انا عارف موضوع الحادثة... وايه اللى يمنع العلاج مع الخطوبة"
"معلش ده قرارى... وقرار نهائى"
"اللى يريحك... ممكن تنادى بابا علشان استأذن"
ماجد فى اوضته... يقعد... يقوم... يقعد تانى يمسك الموبايل...
يرميه ع السرير... يمشى للشباك... يرجع للسرير... يفتح اللاب...
يمسك الموبايل..يرميه ع السرير...يقفل اللاب... يقوم...يرجع يقعد...
يمسك الموبايل... يرميه ع السرير...الساعة تدق 9
http://www.vb.fll2.com/storeimg/img_1352593857_745.gif
نغم وقفت مع باباها ومامتها لحد ما محمد مشى
الاب"انتى قلتيله ايه"
نغم"قلت له انى مش هرتبط غير لما اتعالج من اثر الحادثة خالص"
الام"وايه اللى يمنع يابنتى"
نغم"ياماما محصلش قبول وانا مقدرتش اقولهاله كده ف وشه فعملت حجة الحادثة...
انما يمكن مع حد تانى اوافق"
كانت تقصد ماجد بكلامها...بصت فى الساعة شافتها 9وخمسة
دخلت اوضتها وهى عايزة تطمنه بسرعة ان العريس خلاص...مشى بلا رجعة
اول ما مسكت موبايلها...شافت 30ميسد كول من ماجد
وبسرعة اتصلت بماجد...رد من قبل اول رنة ماتكمل
"نغم... كل ده قاعدة معاه"
"وانت كل دى ميسدات"
"احكى لى قالك ايه..وانتى قلتيله ايه... باباكى اتفق معاه على حاجة"
"ايه ياماجد بالراحة شوية "
"بالراحة ايه يانغم انا هتجنن"
"سلامتك من الجنان ياقلبى"
http://www.vb.fll2.com/storeimg/img_1352593857_745.gif
"الله يسلمك...بس لو فضلتى كده مش عايزة تريحينى هتجنن بجد"
"يا حبيبى ارتاح واطمن انامش هتجوز حد غيرك انت"
"والعريس؟؟"
"اترفض ولو جه 100 غيره مفيش غيرك انت بس اللى حبيبى"
"واهلك"
"مش ممكن يجبرونى على اى حاجة"
"انا بحبك اوى يانغم... اوعدك عمرك ماهتندمى ولا عمرى هزعلك ولا اتسببلك فى اى حزن"
"وعد؟؟"
"اه... وعد... انا عندى اموت ولا اتسبب فى نزول دمعة واحدة من عينيكى"
ايام عمري
06-07-2014, 09:25 PM
كان حلم... الحلقة 15
http://www.vb.fll2.com/storeimg/img_1352595170_580.gif
فاتت الايام ونغم وماجد فى سعادة
وف يوم وهما قاعدين ف النادى
جه عليهم مصطفى ويسرا
وسلموا على بعض ال4بكل ترحاب
نغم"وحشتونا اوى والله ...هترجعى امتى الشعل يا يسرا"
يسرا"خلاص بقى مش هرجع"
مصطفى"احنا جينا نعمل اخلاء طرف مع بعض...انا مسافر كمان يومين"
ماجد"تروح وتيجى بالسلامة... ويسرا هتسافر معاك ولا ايه"
نغم"اه صحيح يا يسرا مش كنتوا قلتوا انك هتحصليه بعد كام شهر"
مصطفى"مش هتسافر معايا فعلا بس شقتى هنا محتاجة توضيب وفرش وهى اللى هتشرف على كل ده وبعدين تجيلى ان شاءالله"
http://www.vb.fll2.com/storeimg/img_1352595170_580.gif
نغم"اه ...ربنا يعينك ده انتى وراكى حاجات كتير"
يسرا"علشان كده قلت مش هبقى فاضية لكل ده مع الشغل كمان"
مصطفى"احنا على كلامنا يا صاحبى ...هشوف لك حاجة هناك"
ماجد"ايوه طبعا... واى حاجة ختى لو مش بالشهادة"
وبص لنغم
"انا ورايا خطوات كتير عايز ابدأها"
مصطفى"ربنا معاك...والله من غير ماتقول انا عارف"
يسرا طلعت ظرف من شنطتها
"خدى يانغم"
نغم"ايه ده"
يسرا"افتحى وشوفى"
http://www.vb.fll2.com/storeimg/img_1352595170_580.gif
فتحت نغم الظرف... وماجد بيتابعها بعينيه بفضول
نغم ابتسمت ابتسامة كبيرة اول ما فتحت الظرف قالت بفرحة
"الصور"
قرب منها ماجد وبص للصور اللى ف ايديها وهو بيبتسم بفرحة
مسكوا الصور وقعدوا يتفرجوا مع بعض وهما الاتنين مبتسمين
مصطفى"واحد صاحبى ف الاستوديو جاب لنا الصور قبل المعاد وجاب صوركم معانا لانه شافكم يومها وعرف انكم معانا"
ماجد"اه فعلا الصور كان لسه معادها بعد اسبوع"
مصطفى"خيرى عليك طول عمرى"
يسرا"انتو الاتنين زى القمر...الصور حلوة اوى...صح يا مصطفى"
http://www.vb.fll2.com/storeimg/img_1352595170_580.gif
مصطفى"اه حلوين اوى... وخصوصا الصورة بتاعة العين ف العين دى... اى حد يشوفها يعرف قد ايه بيحبوا بعض"
ماجد ونغم فى دنيا تانية وهما بيتفرجوا على الصور
دنيا رجعتهم لاحلى يوم قضوه مع بعض
يوم فرح مصطفى ويسرا
يسرا ومصطفى بصوا لبعض
"يالا يامصطفى.. علشان نلحق نروح المشاوير اللى ورانا"
واستأذنوا وقاموا ونغم وماجد ماسكين الصور
"عقبال صور فرحنا ياحبيبتى"
"يارب يا حبيبى"
"تعرفى انى فرحان اوى بالصور دى"
"وانا كمان...بجد ياماجد كانت فكرة حلوة اوى"
"لو عايزة تاخديهم خديهم خليهم عندك"
"لا ياماجد مش هينفع...خليهم عندك انت"
"اللى يعجبك ياحبيبتى"
http://www.vb.fll2.com/storeimg/img_1352595170_580.gif
"الا قولى صحيح...هو مصطفى بيقولك اشوفلك حاجة فين"
"فى السعودية لما يسافر"
"هتسافر يعنى"
"ماهو الشغل عند نجيب مش مستمر يعنى كام شهر وخلاص...وانا عايز اشتغل علشان اعرف اتقدملك بسرعة...ماانتى عارفة الظروف"
"طيب يا ماجد"
قالتها بزعل
"انتى زعلتى"
"مزعلتش علشان كلامك صح انما غصب اتضايقت لما فكرت اننا هنبعد عن بعض"
"انا والله ماعارف ممكن يبقى حالى ازاى فى بعدنا عن بعض...بس انا بعمل كده علشان نقرب اكتر لما اتقدملك ونتجوز بسرعة غير لما اقعد هنا ويبقى قدامى سنين"
"معاك حق"
كل واحد فيهم فكر ازاى هيكون ف البعد حاله... لحظات تفكير صامتة
وقطع ماجد الصمت
http://www.vb.fll2.com/storeimg/img_1352595170_580.gif
"بلاش نفكر من دلوقتى ف اللى يضايقنا...ياعالم هيلاقى لى شغل ولا لا"
ابتسمت نغم ابتسامة حزينة من تفكيرها الحزين
"هتيجى فرح نشوى؟؟"
"مش هينفع"
"ليه"
"هقول لبابا وماما ايه"
"انا نفسى تيجى تتعرفى على امى واختى"
"خليها فى وقت تانى"
"اللى يريحك يا نغم... نشوى كان نفسها تشوفك"
"وانا والله عايزة اشوفها...بص هقولك فكرة كويسة...انا يومها لو عرفت اخرج لاى سبب هجيلكم نص ساعة كده ابارك لنشوى وامشى على طول...اتفقنا"
"اتفقنا"
http://www.vb.fll2.com/storeimg/img_1352595170_580.gif
يوم فرح نشوى... استأذنت نغم انها رايحة مع يسرا تجيب حاجات لجهازها... وخرجت فعلا
واتصلت بماجد وهى عند القاعة
"الو... انت فين ياماجد... انا قدام القاعة... طيب مستنياك"
دقيقتين ونزل لها ماجد
"اهلا يا حبيبتى تعالى"
"ماجد انا مكسوفة"
"ليه ياحبى"
http://www.vb.fll2.com/storeimg/img_1352595170_580.gif
"اول مرة هقابل مامتك واختك... ولابسة لبس خروج عادى هيبقى منظرى وحش"
"انتى زى القمر ف كل الاحوال...وانا عارف انك مش قايلة انك رايحة فرح يبقى هتنزلى بلبس عادى اكيد...وبعدين يا حبيبتى نشوى عارفة وفاهمة وهى نفسها تشوفك انتى مش تشوف لابسة ايه"
"امرى لله... برضه هموت م الكسوف"
اخدها ماجد من ايدها ودخلوا الفرح
راح على مامته
"ماما... دى نغم زميلتى فى النادى"
الام"اهلا يا بنتى... نورتى"
نغم"ميرسى ياطنط...مبروك"
الام"الله يبارك فيكى يا حبيبتى...عقبالك"
قالتها الام وهى بتبص لها هى وماجد ومبتسمة بعد مافهمت ليه اول مرة ماجد يعرفها على واحدة من زميلاته
ردت نغم بخجل"ميرسى ياطنط"
http://www.vb.fll2.com/storeimg/img_1352595170_580.gif
رد ماجد
"ان شاءالله يا ماما... قولى عقبالنا"
زادت الفرحة على وش مامة ماجد.... وبصت لنغم
"يارب يسعدكم يا حبيبى...تعالى يانغم اقعدى جنبى"
ماجد"مش هينفع تقعد ياماما علشان مستعجلة... هتبارك لنشوى وتمشى على طول"
نغم"معلش ياطنط مرة تانية ان شاءالله"
الام"ان شاءالله ياحبيبتى"
اخدها ماجد وراحوا يباركوا لنشوى
فرحت بيها نشوى وسلمت عليها بكل ود وكأنها تعرفها من زمان
"مبروك يانشوى ربنا يتمم بخير"
"الله يبارك فيكى يانغم... انا مبسوطة اوى انك جيتى.. عقبالكم بقى وافرح بيكم يارب"
نغم وماجد وهما بيضحكوا
"يااااااااااارب"
ماجد"استنوا لما اصوركم مع بعض"
طلع ماجد موبايله وصور نغم ونشوى مع بعض
وطلب من كريم يصور ماجد مع نشوى ونغم
http://www.vb.fll2.com/storeimg/img_1352595170_580.gif
فاتت الشهور وماجد ونغم الحب بيزيد بينهم كل يوم عن اللى قبله
بعد 3شهور ماجد ساب الشغل عند نجيب لان الاسرة كلها كانت مسافرة وهيستقروا لفترة ف امريكا لظروف شغل نجيب
مرت على ماجد ايام زعل كتير بعد ماراح منه الشغل ده وكانت دايما نغم بتخفف عنه
ماجد دايما قلقان من ظروفه انهم تبعدهم عن بعض
ودايما نغم بتطمنه انها مش بتحب ولا هتتجوز حد غيره
بعد 6 شهور من سفر مصطفى... وكان بداية دخول الصيف
اتصل بيه مصطفى وقاله يخلص اوراقه فى اسرع وقت علشان يسافر... وان يسرا سافرت له من شهر وهما مستقرين هناك
وفيه شقة ايجار مصطفى حجزها لماجد فى نفس العمارة اللى ساكنين فيها مصطفى وماجد
الايام اللى ماجد بيخلص فيها اوراقه كانت نغم معاه كل يوم وف اغلب مشاويره
كل واحد فيهم مش عايز يضيع ساعة بعيد عن التانى
يوم السفر... كانت طيارة ماجد الساعة 4 العصر
وده ساعد نغم انها تصمم انها تروح معاه لحد المطار
http://www.vb.fll2.com/storeimg/img_1352595170_580.gif
فى المطار...هما الاتنين قاعدين مع بعض
"اول ماتوصل تكلمنى"
"حاضر... هبقى اكلمك كل يوم ... وانتى طول ماانتى فى البيت خليكى فاتحة النت واول مااعرف مواعيدى هقولك"
"حاضر...خلى بالك من نفسك ياماجد...هتوحشنى اوى"
دموع نغم... اثارت دموع ماجد
مسح دموعه بسرعه... ومسح دموع نغم
"مش عايز اخر حاجة اشوفها قبل مااسافر تبقى دموعك"
"غصب عنى ياماجد"
"انا عارف"
قالها وهو بيطبطب على ايدها...ابتسم لها وقال
" بصى قوليلى ايه رأيك فى دى"
طلع علبة صغيرة من جيبه...فتحها وطلع منها سلسلة دهب فيها نص قلب مكتوب عليه"لا اله الا الله"
"الله ياماجد...احلى حاجة انها منك"
"خليها معاكى يانغم حتى لو مش هتقدرى تلبسيها علشان مامتك وباباكى خليها معاكى وانا معايا النص التانى من القلب اللى فيه(محمد رسول الله) واهى حاجة تفتكرينى بيها"
"انا مش هحتاج حاجة تفكرنى بيك ...انت ف قلبى على طول"
http://www.vb.fll2.com/storeimg/img_1352595170_580.gif
نزلت دمعة من ماجد غصب عنه
مسحتها نغم وهى بتضحك بدموع
"يعنى انت بتقولى متعيطيش وتعيط انت"
"مش عارف يانغم هعمل ايه من غيرك"
"ربنا يصبرنا لحد مانبقى مع بعض على طول"
"خايف تكون دى اخر مرة نتقابل فيها"
قبل ما ترد نغم... سمعوا النداء لركاب طيارة ماجد
دموعهم الاتنين نازلة بصمت... ايديهم فى ايد بعض
"نغم... خلى بالك من نفسك ... اوعى تنسينى"
"كلامك غريب اوى ياماجد النهاردة... متقلقنيش عليك"
"متقلقيش...اللقا نصيب ويارب يجمعنا تانى على خير"
"ان شاءالله هتروح وترجع بالسلامة"
قبل ما يمشى ماجد...وقف وقرب من نغم
باسها من راسها... واستسلمت نغم لاحساسها
حضنها ماجد ... نفسه يدخلها جوه قلبه
وهى ف حضن ماجد...حاطة راسها على صدره
نفسها تفضل سامعه دقات قلبه ومتبعدش عن حضنه ابدا
سمعوا النداء الاخير لركاب الطيارة
بعدوا الاتنين عن بعض ببطء وعينيهم متعلقة ببعض
"هكلمك لما اوصل... لا اله الا الله"
"هستنى اتصالك... محمد رسول الله"
مشى ماجد فى طريقه وكل شوية يلتفت لنغم
نغم واقفة مكانها بتعيط وكل ما يلتفت لها ماجد يبتسموا لبعض ويكمل طريقه تانى
قبل ما يختفى عن نظرها التفت ليها... وقف لحظة
شاور لها بايده...شاورت له
واختفى ماجد عن نظرها... وخرجت نغم من المطار
بعد ما راح قلبها مع ماجد وسابها
ايام عمري
06-07-2014, 09:31 PM
كان حلم... الحلقة 16
http://www.vb.fll2.com/storeimg/img_1352593982_171.gif
رجعت نغم البيت واول مادخلت
الام"اتأخرتى ليه يانغم"
نغم"روحت ادور على كتاب بعد الشغل"
الام"ولقيتيه"
نغم"لا"
الام"طيب غيرى هدومك لحد مااحضرلك الغدا"
نغم"لا ياماما مش قادرة...انا هنام شوية ولما اقوم ابقى اكل"
http://www.vb.fll2.com/storeimg/img_1352593982_171.gif
الام"انتى اكلتى حاجة ف النادى"
نغم اضطرت تكذب علشان مامتها متلحش عليها
"اه اكلت "
دخلت نغم اوضتها... قفلت عليها
طلعت السلسلة من شنطتها...فضلت تبص لها
الدموع نازلة من عينيها حضنت السلسلة وباستها
فتحت اللاب توب... وجابت كل المحادثات اللى بينها وبين ماجد
قعدت تقراهم...تعبيرات وشها بتتغير مع كل جملة بتقراها
تبتسم احيانا...تضحك احيانا...تدمع باقى الوقت
ماجد بعد ما ركب الطيارة وبدأت تتحرك
حس انه ساب قلبه مع نغم...مسك قلبه وكأنه بيلمس نغم
مكان ما كانت سانده راسها على صدره وهى بتودعه
طلع النص التانى من القلب ومسكه ف ايده
رجع راسه على الكرسى...غمض عينه
علشان يسترجع كل لحظاته اللى فاتت مع نغم
http://www.vb.fll2.com/storeimg/img_1352593982_171.gif
وصل ماجد المطار... كان مصطفى مستنيه...سلموا على بعض
"حمدالله ع السلامة ياماجد"
"الله يسلمك اخبارك ايه يامصطفى"
"الحمدلله...وحشتنى يامجود والله"
"وانت يادرش...اخبار الحياة هنا ايه"
"تمام هتاخد عليها بسرعة"
ركبوا عربية مصطفى
"عربيتك دى"
"اه ...ايه رأيك"
"ربنا يباركلك فيها"
"الله يخليك... اتفضل ياعم مفتاح شقتك اهو ..والنادى قريب من البيت"
"تعبتك معايا يا مصطفى"
"عيب عليك ياجدع...احنا هنروح تودى شنطك وتيجى تتعشا معانا يسرا مستنيانا"
"انا يدوب اروح انام"
http://www.vb.fll2.com/storeimg/img_1352593982_171.gif
"انت عايز يسرا ترمينى بره ولا ايه...دى بقالها يومين عمالة تحضر للعشا ده وترسم فى احلام .. وكل شوية تقول... ماجد هييجى امتى واكيد لما ييجى ويستقر هما هيجيب نغم كمان...اخيرا هلاقى اصحابى تانى"
"هههههه دى يا عينى باصة لبعيد اوى"
"ههههه اتخنقت هنا اوى وخصوصا ان لسه النادى جديد ومفيش مصريين غيرنا فمش عارفة تاخد ع الناس بسرعة"
"هى بتشتغل فى النادى"
"لا ..والعمارة اللى احنا فيها كلها ناس من جنسيات مختلفة...سيبك بكرة تتعود"
"ان شاءالله...بقولك ايه عايز اشترى خط قبل مانروح علشان اكلم نغم"
"اخباركم ايه مع بعض"
"الحمدلله... انت تعرف انى خايف اوى ومكنتش عايز اسافر"
"من ايه"
"مش عارف يامصطفى قلقان حاسس ان السفر اللى سافرته ده علشان نقرب من بعض هو اللى هيبعدنا"
"ايه ياعم الكلام ده"
"يمكن انت لما سافرت كنت مطمن علشان سافرت ويسرا مراتك انما انا ونغم كل اللى بيربطنا مشاعر بينى وبينها بس"
http://www.vb.fll2.com/storeimg/img_1352593982_171.gif
"متقلقش يا ماجد ...نغم بتحبك بجد "
ركن مصطفى العربية
"تعالى نشترى خط من هنا"
نزلوا واشتروا خط للموبايل وكانوا قريبين من البيت
طلعوا البيت... كانت شقة ماجد فى الدور التالت
"خد يا ماجد المفاتيح دى بتاعة الشقة... دخل حاجتك وهنستناك احنا فوقك على طول"
"ماشى يامصطفى...متشكر اوى"
"متقولش كده بقى احنا اخوات"
دخل ماجد شقته...وطلع مصطفى شقته
الشقة مناسبة لماجد اوضتين وصالة ومساحتهم متوسطة
دخل شنطته فى اوضة النوم
واول حاجة عملها انه شغل الخط
اتصل بمامته يطمنها عليه... وبعد ماخلص معاها
اتصل بنغم
http://www.vb.fll2.com/storeimg/img_1352593982_171.gif
نغم قاعدة فى اوضتها من ساعة مارجعت وهى مستنية تطمن على ماجد
بتمر الساعات وهى هتموت من القلق
لحد ما رن الموبايل برقم دولى
"الو... ماجد وحشتنى"
"انتى وحشتينى اكتر ياحبيبتى...عاملة ايه"
"قاعدة معاك"
"معايا ازاى"
"قاعدة اقرا كل الرسايل والمحادثات والكومنتات وكل حاجة بيننا من ساعة ماعرفنا بعض"
"انا بقى طول الطريق من ساعة ماسيبتك لحد ما وصلت المطار وانا بحلم بيكى وانا صاحى وبفتكر كل لحظة قضيناها مع بعض"
"يعنى اللى بيننا دلوقتى بقى ذكريات"
"اوعى تقولى كده يانغم... متخوفينيش اكتر ماانا"
"مش قصدى تخاف انا اقصد يعنى بيننا ذكريات قضيناها لحد ماترجع تانى"
"يااااه مش عارف الشهور دى كلها هتمر ازاى"
"هتمر صعبة علينا احنا الاتنين... بص ياماجد لازم نقوى بعض مينفعش كده"
"انتى قادرة تقوى"
http://www.vb.fll2.com/storeimg/img_1352593982_171.gif
"مش قادرة بس لازم نسلم بالامر الواقع...خلاص احنا كل واحد فى بلد وانت متغرب علشان نبقى مع بعض بسرعة... هنتكلم كل يوم وهنبقى مع بعض ع النت والتليفون ومش هنبعد عن بعض ساعة... ماشى ياماجد"
"ماشى ياحبيبتى... انتى عاقلة اوى يانغم انا بجد فخور بيكى انك بتشجعينى كده ووقفتى جنبى فى ظروفى دى"
"ياحبيبى احنا واحد وكل حاجة حد فينا بيعملها بتنفعنا احنا الاتنين"
"صح كلامك"
ورن جرس الباب عند ماجد
"جرس الباب ده؟؟"
"اه...هقوم اشوف مين وانتى معايا"
وصل ماجد للباب ...فتحه
مصطفى"هنستنى كتير ولا ايه"
ماجد لنغم"ده مصطفى... اصل يسرا عازمانى على العشا"
نغم"سلم عليه"
ماجد لمصطفى"بتسلمك عليك"
مصطفى بصوت عالى وبيقرب من الموبايل
"ازيك يا نغغغغغغغغغغم"
نغم سمعته وبتضحك
http://www.vb.fll2.com/storeimg/img_1352593982_171.gif
"الله يسلمك يا مصطفى...سلم على يسرا كتييييييير"
ماجد"اقعدوا كلموا بعض وانا اصلا اللى معايا التليفون"
مصطفى بالهمس"يالا بقى هسبقك واطلع ورايا على طول"
ماجد هز راسه وكمل مع نغم بعد ماخرج مصطفى وقفل الباب
"ايه يا حبى... هتعملى ايه دلوقتى"
"هقوم اتغدا بقى بدل اتطمنت عليك"
"انتى كنتى لسه مأكلتيش"
"اه مقدرتش الا لما اطمن عليك"
"طيب قومى اتغدى وخلى بالك من نفسك علشان خاطرى"
"حاضر وانت كمان خلى بالك من نفسك علشان خاطرى"
"حاضر يا حبى... يالا ... اسيبك علشان اطلع لمصطفى يزعل"
"اوك ياحبيبى...مع السلامة"
http://www.vb.fll2.com/storeimg/img_1352593982_171.gif
بعد 6 شهور
ماجد فى المطار... ومصطفى ويسرا وصلوا
ماجد ومصطفى بيسلموا على بعض..وبعدين ماجد بيسلم على يسرا
"حمدالله ع السلامة... طمنونى اخبار مصر ايه"
مصطفى"الحمدلله"
يسرا"بتسأل على مصر برضه ولا اللى ف مصر"
ضحك ماجد "الاتنين"
مصطفى مضحكش وهو مشغول انه يحط الشنط فى العربية
ماجد"هتسوق انت ولا اسوق انا"
اخد مصطفى المفاتيح من ماجد
"هات هسوق انا"
http://www.vb.fll2.com/storeimg/img_1352593982_171.gif
ركب مصطفى فى عربيته اللى كانت مع ماجد ويسرا جنبه وماجد لوحده ورا
ماجد"طمنينى يا يسرا اخبار نغم ايه"
يسرا"نغم بتسلم عليك وباعتالك سلامات بالهبل"
ماجد"هى كويسة بجد"
يسرا"اه والله قابلتها كذا مرة وكل مرة بنفضل نتكلم عنك طول الوقت...احكيلى عملت ايه من غيرنا"
ماجد"بصراحة الشهر ونص الاجازة بتوعكم دول عدوا عليا كأنهم سنة ونص"
يسرا"بذمتك اكلى موحشكش"
ماجد"ههههه يايسرا انتى اكلك لا يعلى عليه وبصراحة محدش يقدر يقاومه ابدا"
يسرا"خلاص هعملك بكرة اكلة حلوة وتيجى تتغدا معانا"
ماجد"ان شا..."
http://www.vb.fll2.com/storeimg/img_1352593982_171.gif
وقاطعهم مصطفى
"احنا بكرة نرتاح يا يسرا ونبقى نخرج نتغدا بره انا وانتى"
نبرة مصطفى كانت حاسمة للكلام...
يسرا حاولت تتكلم... ملقيتش كلام
ماجد حاول يتكلم... ملقاش كلام
سكوت تام بين ال3 لحد ما وصلوا للبيت
ماجد"انا رايح النادى...مش عايزين حاجة وانا جاى"
يسرا قبل ماتتكلم رد مصطفى
"شكرا ياماجد...احنا هنطلع ننام ونرتاح"
ابتسم ماجد باحراج واستأذن ومشى
طلعوا يسرا ومصطفى البيت واول مادخلوا البيت
"هو فيه ايه...ايه الطريقة اللى بتكلم بيها ماجد دى"
"طريقة ايه وهو ماجد لازم يبقى عندنا كل يوم وتشيلى هم اكله وشربه وخدمته...ايه يايسرا الاهتمام ده كله"
"انا مش مصدقة اللى بسمعه...انت فاهم انت بتقول ايه"
"اه فاهم وهو انا عيل صغير"
http://www.vb.fll2.com/storeimg/img_1352593982_171.gif
"انت بتتهمنى ف ماجد"
"انا مقلتش كده"
"اومال كلامك معناه ايه"
"معناه ان اهتمامك بيه غير طبيعى"
"اهتمام ايه احنا لسه جايين من مصر من ساعات"
"وقبل ماننزل مصر...انا كنت ساكت واقول هى هتحس من نفسها...ده انتى فى الاجازة كنتى بتفكرى فيه"
"افكر فيه!!!!!"
"تنكرى"
وصرخت يسرا
"افكر فيه ازاى هو ده الفرق...بفكر فيه كصاحبنا الوحيد اللى قريب مننا فى الغربة... بفكر فيه انه صاحبنا اللى مالوش غيرنا فى الغربة...وتعالى هنا انا لو بفكر فيه تفكير من اللى تقصده اروح لنغم واطمنها عليه ...انت نسيت ماجد ونغم يبقوا لنا ايه"
http://www.vb.fll2.com/storeimg/img_1352593982_171.gif
"ماجد راجل...وانتى مراتى وحقى اقولك تكلمى مين ومتكلميش مين"
"يعنى انت عايز ايه دلوقتى يامصطفى"
"ماجد ميدخلش البيت هنا تانى وملكيش دعوة بيه"
"هو ماجد بييجى وانت مش موجود؟؟"
"مليش دعوة... لا وانا موجود ولا وانا مش موجود"
سكتت يسرا وهى مستغربة
"عندك اعتراض على كلامى"
"لا معنديش...حاضر يا مصطفى...اهو صاحبك انت من قبل مانعرف بعض وطريقتك دى عيبه ف حقك قدام صاحبك "
"ملكيش دعوة انتى...علاقتى بصاحبى هتبقى ف الشغل بس ومالهاش لازمة تبقى ف البيت"
"ماشى يامصطفى اللى يريحك"
http://www.vb.fll2.com/storeimg/img_1352593982_171.gif
ماجد بعد ماسابهم ماجد راح النادى...قعد يفكر فى التغيير المفاجئ لمصطفى... راجع اللى حصل بينهم...هو معملش حاجة تضايقه... وافتكر ان مصطفى اتغير بعد ما يسرا عزمته
"يمكن انا زودتها وانا مش قصدى وهو اتضايق... مفيش داعى اضايقهم واسببلهم مشاكل ...مصطفى ساعدنى كتير وانا مينفعش اكون سبب فى مشاكل بينه وبين مراته... حتى لو عزمونى تانى انا مش هروح... هانت كلها كام شهر وانزل اجازة واحاول مع اهل نغم اننا نتجوز وتيجى معايا لحد مانعمل شقة ف مصر"
http://www.vb.fll2.com/storeimg/img_1352593982_171.gif
بعد كام شهر
نغم راجعة من النادى... وهى ماشية فى الشارع رن موبايلها
ماجد هو كمان فى الشارع وبيتصل بنغم
"الو...ازيك ياحبيبتى"
"الحمدلله ياحبيبى انت عامل ايه"
"عاملك مفاجأة"
"انتى فين دلوقتى"
http://www.vb.fll2.com/storeimg/img_1352593982_171.gif
"راجعة من النادى ورايحة ع البيت"
"بصى بقى ياستى...انا لسه خارج من الشغل واتحدد معاد اجازتى...احسبى 30 يوم من دلوقتى هكون عندك ان شاءالله"
"بجد ياماجد...دى مفاجأة حلوة اوى... يارب الشهر ده يعدى بسرعة"
"بصى احنا مش عايزين نضيع وقت...مهدى مع مامتك وباباكى الكلام علشان لما اجى من اول يوم اجى اطلبك منهم ...انا مش قادر استنى اكتر من كده"
"حاضر ياحبيبى هتكلم معاهم النهاردة واقولك بالليل ان شاءالله"
"حاولى يانغم تقنعيهم اننا نتجوز فى الاجازة دى...ولو باباكى ولا مامتك قالولك انى اكلمهم او ماما تكلمهم فى التليفون لحد ما ارجع قوليلى وانا هكلمهم على طول"
"طيب حاضر ان شاءالله كل حاجة تمشى زى ما اتفقنا"
http://www.vb.fll2.com/storeimg/img_1352593982_171.gif
ماجد بيعدى الشارع وهو بيكلمها
نغم دخلت الشارع اللى ساكنة فيه وهى بتتكلم
مامتها بالصدفة بتنشر غسيل وشايفاها وهى بتتكلم
محمد"العريس السابق" بيركن عربيته فى نفس الشارع
ماجد بيكمل كلامه معاها وهو بيعدى الشارع
"ان شاءالله... متنسيش تدورى على فستان الفرح من دلوقتى...ااااااااااااااااااااااااااااااااااااااااا ااااه
http://www.vb.fll2.com/storeimg/img_1352593982_171.gif
سمعت نغم صوت ماجد بيصرخ ...صوت فرملة عربية... صوت ناس كتير الا ماجد
"ماجد... ماجد...رد عليا... ماجد انت فين"
نغم بتعيط... ماجد مش بيرد
نغم حست بأن ماجد حصل حاجة...عقلها رافض يصدق اللى سمعته
الدنيا لفت بيها
وقعت نغم فى الشارع مغمى عليها ومامتها ومحمد شايفينها من بعيد
يالهوووووووووووووووى
ماجد ليكون ماااااااات
مسكينه نغم
يسلمووووووووووووو ايام عمرى
بسرعه هاتى الحلقه الجايه
ايام عمري
06-08-2014, 09:24 PM
ههههههههههههههههههههه شهد
هو فعلا يا حرام ماجد بس مش عشان مات
عشان حاجة تانية وهتكشفيها ليه
بأحداث هلحلقة يا شهد
يلا نتابع سوا
http://im25.gulfup.com/2012-08-18/1345311196379.gif
ايام عمري
06-08-2014, 09:27 PM
كان حلم... الحلقة 17
http://img203.imageshack.us/img203/5811/082.gif (http://img203.imageshack.us/img203/5811/082.gif)
مصطفى ويسرا فى المستشفى... وراء شباك يطل على العناية المركزة...
وماجد نايم وجنبه اجهزة كتير متوصل بيها
يسرا واقفة بتعيط...مصطفى بيبص لها
مسحت دموعها
"الدكتور قال ايه"
"ربنا يستر"
"ياعينى ياماجد"
قالتها يسرا وهى بتعيط
"انتى بتعيطى كده ليه"
بصت له شذرا... وردت
"عيب عليك بقى"
قعد مصطفى جنبها
"طيب يالا اوصلك"
"هنسيبه لوحده بين الحياة والموت"
"لا طبعا مش هسيبه... هوصلك وارجعله"
ونزلت دموع من عين مصطفى
"ده اقرب صاحب ليا...ربنا ينجيه"
"مش هنقول لمامته"
http://img203.imageshack.us/img203/5811/082.gif (http://img203.imageshack.us/img203/5811/082.gif)
"ولو قلنا لها هتعمل ايه.. هنبقى خضيناها وخلاص...هنستنى اما نشوف هيحصل ايه"
"حرام عليك يامصطفى الفترة اللى فاتت كنت بتعامله كأنه واحد غريب ..
يعنى لو مات هتسامح نفسك"
"وهو انا عملت ايه... شوفى برضه بتتكلمى عنه ازاى"
"ايوه يامصطفى ماجد عزيز عليا زى اخويا مش اكتر واهتمامى بيه ده علشان
مالوش حد هنا غيرنا واحنا مالناش حد هنا غيره"
"وانا من حقى اغير على مراتى"
"من ماجد؟"
"من اى راجل يا يسرا"
"ماشى يا مصطفى... مش هجادلك لانى بجد تعبانة"
"تعبانة مالك"
"حاسة بدوخة كده وريحة المستشفى قلبت معدتى ومن ساعتها معدتى واجعانى"
"تعالى نكشف قبل ما نمشى"
لما وقعت نغم فى الشارع
صرخت مامتها من البلكونة...ونزل باباها بسرعة
ومحمد جرى عليها هو والناس اللى فى الشارع
http://img203.imageshack.us/img203/5811/082.gif (http://img203.imageshack.us/img203/5811/082.gif)
محمد وباباها وبعض الجيران طلعوها البيت وهى مازالت مغمى عليها
الام"هى مالها مبتردش ولا بتفوق ليه"
الاب وهو ماسك الموبايل
"انا هتصل بالدكتور بتاعها حالا"
محمد بيحاول يفوقها...بلا جدوى
الاب بعد ماقفل التليفون
"الحمدلله الدكتور كان فى مشوار قريب من هنا وبيقول 10 دقايق ويكون عندنا"
محمد"هى اول مرة يحصل لها اغماء كده ولا هى تعبانة"
الاب"عمرها ماحصل لها كده من غير سبب"
الدقايق بتمر بطيئة ونغم فاقدة الوعى وكل محاولات افاقتها دون جدوى
وصل الدكتور... خرج محمد واسماعيل لحد الدكتور ما يخلص كشف
كشف عليها.. وبعد ما اخدت حقنة ...بدأت تفوق
نغم بتفوق... حواليها مامتها\ باباها \ الدكتور \ محمد
نغم بتبص حواليها باستغراب... بدأت تقعد نص قعدة
"انا جيت هنا ازاى"
http://img203.imageshack.us/img203/5811/082.gif (http://img203.imageshack.us/img203/5811/082.gif)
الام"يا لاهوى... انتى هنا فى بيتك"
نغم"انا كنت فى النادى"
الدكتور وهو بيشاور للجميع بالسكوت
"وبعدين"
نغم"خلصت التمرين وغيرت هدومى واتزحلقت وانا خارجة...هو مين اللى جابنى هنا"
الدكتور"احنا ف شهر كام"
نغم"9 ...بس انتو ليه لابسين شتوى...وانا جيت هنا ازاى"
الدكتور"هتفهمى كل حاجة بس عايز اسألك كام سؤال"
نغم بتبص للموجودين وهى مش فاهمة حاجة
الدكتور"انتى عندك كام سنة واتخرجتى امتى ومين اصحابك"
نغم"عندى 22سنة واتخرجت السنة اللى فاتت واشتغلت من 4شهور وماليش
اصحاب قريبين كل اصحابى من ايام الكلية اتفرقنا وبنسأل على بعض من
خلال تليفونات كل مدة"
الدكتور قعد على طرف السرير
"بصى يانغم... انتى دلوقتى عندك 24 سنة ووبتشتغلى فى النادى من سنتين
تقريبا... اليوم اللى وقعتى فيه ده فات من سنة ونص"
نغم مش مستوعبة اللى بيقوله الدكتور
"يعنى ايه"
http://img203.imageshack.us/img203/5811/082.gif (http://img203.imageshack.us/img203/5811/082.gif)
"يعنى انتى لما وقعتى كانت حالتك خطيرة ودخلتى ف غيبوبة وبعدين لما خفيتى
جالك فقدان ذاكرة مؤقت نسيتى بعض اجزاء من حياتك"
نغم ساكتة بتحاول تستوعب
"والسنة ونص دول حصل فيهم ايه"
"انتى اللى المفروض تقولى"
"انا معرفش...انا وقعت فى النادى لقيت نفسى هنا دلوقتى"
"يعنى مش فاكرة اى حاجة تانية"
سكتت نغم تفكر...وتركز
"مش فاكرة حاجة خالص"
الدكتور وهو بيكلم باباها
"كده نغم خفت ورجعت لها ذاكرتها كاملة"
الاب"والفترة اللى فاتت دى"
الدكتور"احنا هنستمر على بعض الادوية ومحتاجين برضه انكم تساعدوه
ا انها تفتكر... وعموما اللى يهمنا حياتها كلها فى ال22 سنة اللى قبل الحادثة
والسنة ونص دول حتى لو مفتكرتهمش مش مهم"
الام والاب"الحمدلله يارب...يعنى كده خفت"
الدكتور"ايوه...حمدالله على سلامتها"
ابتسم محمد ابتسامة واسعة...ووجه كلامه لنغم
"حمدالله على السلامة"
ردت نغم باستغراب وهى متعرفوش
"الله يسلمك"
http://img203.imageshack.us/img203/5811/082.gif (http://img203.imageshack.us/img203/5811/082.gif)
واستأذن محمد وهو خارج على الباب والاب بيوصله
"حمدالله على سلامة نغم ياعمى...انا بجدد طلبى لايد نغم وهى كانت قالت
انها مستنية لما تخف... ياريت حضرتك تتكلم معاها وترد عليا"
"ان شاءالله يابنى...ربنا يقدم اللى فيه الخير"
خرج محمد ورجع الاب لنغم شافها قاعدة فى حضن مامتها وبيتكلموا
"انتى كنتى بتروحى شغلك كل يوم عادى وكان ليكى واحدة زميلتك فى النادى
اسمها يسرا دى كانت اقرب واحدة ليكى بس هى اتجوزت وسافرت"
"يعنى اروح شغلى ازاى وانا مش فاكرة اللى فات"
اتدخل الاب فى الكلام
"ا\فاروق متفهم حالتك...وبعدين انتى كده رجعتى لطبيعتك يبقى شايلة هم ايه"
"انا متلخبطة اوى يابابا"
"معلش ياحبيبتى فترة وهتعدى... بقولك ايه يافاطمة محمد جدد طلبه تانى لنغم...
اتكلمى معاها وشوفى رأيها وانا هنزل اجيب الدوا اللى الدكتور كتبه"
نغم"اه صحيح مين اللى كان واقف ده"
الام"هحيلك يانغم على كل حاجة"
http://img203.imageshack.us/img203/5811/082.gif (http://img203.imageshack.us/img203/5811/082.gif)
تانى يوم راحت نغم النادى وهى بتتظاهر بانها عادية
راحت قعدت عند البيسين... واستغربت انها مشافتش ماجد ولا مصطفى...
راحت السكرتارية واللى ساعدها ان مفيش تمارين فى الوقت الحالى
وهى قاعدة ... جه عامل الكافتيريا يجيب لها العصير اللى طلبته
"بقولك ايه يا احمد... هى كابتن يسرا مش بتيجى"
"هو مش حضرتك عارفة انها اتجوزت الكابتن وسافروا"
"و كابتن ماجد فين"
"ماهو سافر هو كمان"
"اه صح ...معلش يااحمد متلخبطة شوية"
مشى عامل الكافتيريا... وقعدت تربط الاحداث ببعض
يعنى بعد الحادثة بتاعتها جت يسرا الشغل زى ما مامتها قالت...
هى ويسرا اتصاحبوا ...يسرا وماجد اتجوزوا وسافروا... كده ترتيب منطقى لانها
بقت مدربة السباحة الوحيدة ف النادى
http://img203.imageshack.us/img203/5811/082.gif (http://img203.imageshack.us/img203/5811/082.gif)
بعد 3 ايام فى المستشفى فى السعودية
ماجد فى غرفة عادية ورجله فى الجبس ودماغه مربوطة بشاش
يسرا ومصطفى معاه
يسرا"حمدالله ع السلامة يا ماجد"
مصطفى"خضيتنى عليك ياصاحبى"
ماجد"الحمدلله ...عمر الشقى بقى... انا بس قلقان تكون نغم قلقانة
عليا...كلمتيها يا يسرا"
يسرا"وهى نغم هتعرف منين"
ماجد"لما عملت الحادثة كنت بكلمها"
يسرا"لا معرفش ومسألتنيش ومدخلتش نت اصلا الكام يوم اللى فاتوا دول"
ماجد"هات تليفونك يا مصطفى اكلمها"
مصطفى"حاضر"
اتصل بيها ماجد
"غريبة...تليفونها مقفول"
مصطفى"يمكن فاصل شحن ولا حاجة شوية كده نجرب تانى"
ماجد"هو انا هخرج امتى"
مصطفى"الدكتور قال يومين كمان تحت الملاحظة وممكن تخرج"
http://img203.imageshack.us/img203/5811/082.gif (http://img203.imageshack.us/img203/5811/082.gif)
ماجد"الله يخليك يا مصطفى قدم لى معاد السفر واحجزلى انا عايز انزل مصر"
مصطفى"حاضر بس خد كلم مامتك علشان متعرفش حاجة وزمانها قلقانة عليك"
واتصل ماجد بمامته ومقالش حاجة عن الحادثة...كل اللى قاله انه هينزل الاجازة
بدرى عن معاده... وهو بيدى التليفون لمصطفى
"مش تبارك لنا بقى ياماجد"
"مبروك...على ايه؟"
مصطفى"يسرا حامل"
ماجد بفرحة حقيقية"الف مبروك"
يسرا"عقبال اما نشوف ولادك انت ونغم"
ماجد"ان شاءالله"
بعد اسبوع فى المطار
كريم ونشوى مستنيين ماجد... ماجد وصل عكاز بيسند عليه ولصق طبى فى راسه
اول مانشوى شافته
"يا مصيبتى .... مالك ياماجد"
ماجد"متخافيش يابت اخوكى ب7 ارواح"
كريم"مالك بجد ياماجد...ايه اللى حصلك وازاى متقولناش"
ماجد"هحكيلكم كل حاجة فى الطريق"
http://img203.imageshack.us/img203/5811/082.gif (http://img203.imageshack.us/img203/5811/082.gif)
فى اوضة ماجد... ماجد على السرير
وحواليه مامته وكريم ونشوى
كريم"طيب انا هقوم علشان ورايا شغل...لو عايزة تباتى يانشوى هنا
النهاردة خليكى مع ماجد"
نشوى"اه ياكريم...وتعالى بات معانا"
كريم"ماشى...مش عايزين حاجة"
ردوا عليه وقامت نشوى توصله...وبعد ما رجعت قامت مامتها دخلت المطبخ
"نشوى هاتيلى اللاب توب من الشنطة دى"
"ايوه ياعم ...بس التليفون اسهل يعنى "
"هاتى بس بسرعة"
http://img203.imageshack.us/img203/5811/082.gif (http://img203.imageshack.us/img203/5811/082.gif)
فتح ماجد اللاب ...وفتح الميل والفيس
"برضه مفيش فايدة"
"مالك ياماجد فى ايه"
"نغم تليفونها مقفول ومبتدخلش نت خالص ومش عارف فى ايه"
"وفين تليفون بيتها"
"كان على موبايلى والموبايل ضاع ف الحادثة"
"وبعدين دى حاجة تقلق"
"انا هموت م القلق وده اللى خلانى اول ما اقدر ادوس على الارض انزل مصر
علشان احاول اطمن عليها باى طريقة"
"تحب اروح لها البيت"
"ياريت يا نشوى"
"احنا الساعة 9 دلوقتى...نستنى لبكرة احسن"
"لا الله يخليكى انا مش قادر استنى اكتر من كده... هتجنن واشوفها...
وحشتنى اوى ...بصى يانشوى قوليلها على الاقل تفتح النت واكلمها ولا
تفتح تليفونها...واسأليها هى قافلاهم ليه"
"تفتكر ليه ياماجد"
"مش عارف انا خايف لتكون افتكرت انى مُت وتعبانة ولا حاجة"
"طيب هقوم اروح لها حالا... اوصف لى العنوان"
http://img203.imageshack.us/img203/5811/082.gif (http://img203.imageshack.us/img203/5811/082.gif)
نشوى بتخبط على باب بيت نغم
فتحت مامة نغم
"مساء الخير ياطنط"
"مساء النور"
"نغم موجودة"
"لا والله نزلت...طيب تعالى يابنتى مينفعش كده من ع الباب"
دخلت نشوى وقعدت ومكنش حد موجود الا مامة نغم
"هى هتتأخر"
"هى لسه نازلة من شوية مع خطيبها"
"خطيبها!!!"
"اه ...انتى متعرفيش ان قراية فاتحتها كانت امبارح"
نشوى بترد وجواها كم غيظ وغل ناحية نغم اللى خدعت ماجد"
"لا معرفش"
http://img203.imageshack.us/img203/5811/082.gif (http://img203.imageshack.us/img203/5811/082.gif)
"انتى مش معاها فى النادى"
"لا... بس لما تيجى قوليلها انى جيت لها...انا نشوى هى عارفانى كويس"
"معلش بس فى السؤال ...انتى تعرفى نغم من امتى"
"من حوالى سنة...بس ليه؟؟"
"نغم مش هتفتكرك"
"ازاى"
"اصل نغم كان حصل لها حادثة وفقدت الذاكرة... رجعت لها الذاكرة الحمدلله
من ييجى اسبوع كده ... بس نسيت كل اللى حصل من بعد الحادثة
لحد ما رجعت لها الذاكرة"
نشوى باستغراب
"كل حاجة ..كل حاجة"
"كل حااااااااااجة...دى حتى اول ما رجعت لها الذاكرة اتهيألها انها كانت لس
ه واقعة وفاقت بعد لحظات"
"وليه تليفونها مقفول ومبتفتحش نت"
"هى تليفونها اتكسر يوم مارجعت لها الذاكرة والخط ملقيناهوش ...باباها جاب
لها تليفون وخط جديد... عايزة الرقم"
نشوى بترد وهى سرحانة وبتفكر
"اه"
http://img203.imageshack.us/img203/5811/082.gif (http://img203.imageshack.us/img203/5811/082.gif)
فتحت اجندة جنب التليفون
"خدى ده رقمها الجديد ...اكتبيه
سجلته نشوى وقامت
"عايزانى اقولها حاجة لما تيجى"
"خلاص ياطنط بدل مش هتفتكرنى... عن اذنك"
قامت نشوى... نزلت
وهى نازلة حست ان دموعها حاجبة الطريق قدام عينيها
"هقول ايه لماجد... ماجد هيعمل ايه لما يعرف انها ناسية كل حاجة بينهم...
وكمان اتخطبت... ياحبيبى ياخويا... يارب دبرنى اعمل ايه واتصرف ازاى
واقوله ولا مقولوش"
ايام عمري
06-08-2014, 09:47 PM
كان حلم... الحلقة 18
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
نغم قاعدة مع محمد فى كافيه
"انا معجب بيكى من زمان يانغم ولما قلتى انك مش هتوافقى غير لما تخفى
خالص مقدرتش ارتبط بحد غيرك... كان عندى امل انك هتخفى
بسرعة وتبقى من نصيبى"
"اعذرنى يامحمد انى مش فاكرة حاجة من المقابلة اللى بتقول عليها بس
ماما وبابا قالولى انى مكنتش معترضة
"مش مهم المقابلة اللى انتى ناسياها... المهم اننا نعوض اللى فاتنا"
"مااحنا اتخطبنا اهو"
"بقولك ايه ايه رايك نعمل الشبكة وكتب الكتاب الاسبوع الجاى وشهرين
كده نفرش الشقة ونتجوز"
"ليه نستعجل"
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
"هو انا كده مستعجل؟؟انا متقدملك من سنة يعنى لو كنتى وافقتى وقتها
كان زماننا اتجوزنا او قربنا نتجوز"
سكتت نغم ...سرحت بتفكيرها
"نغم"
"نعم"
"سكتتى ليه"
"مش عارفة اقولك ايه"
"قولى اللى انتى عايزاه"
"انا اللى شفته منك لحد دلوقتى يطمنى ميقلقنيش... بس لسه مش عارفاك
كفاية اننا نتجوز بسرعة كده"
"يعنى هنستنى كتير"
"مش كتير بس نتعرف على بعض شوية"
"ماشى بس الخطوبة الاسبوع الجاى زى مااتفقنا"
"ماشى يا محمد ...واهى فرصة نقرب من بعض اكتر"
نشوى واقفة قدام باب البيت... ماسكة المفتاح ومش قادرة تفتح
"هقوله... لازم يعرف... بس اقوله ايه الاول... اتخطبت ..ولا نسيت... انا ايه اللى
انا فيه ده... انا هصدم اخويا بنفسى... يارب قوينى وقويه"
مسحت دموعها... ورسمت ابتسامة على وشها
طلعت ابتسامة حزينة... وفتحت الباب بالمفتاح
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
ماجد كان راجع من الحمام وهو بيسند على العكاز
نشوى فتحت لقت ماجد قدامها
بابتسامة باهتة"ايه واقف كده ليه"
ماجد بأمل"طمنينى عليها...قابلتيها... طمنتيها عليا... عرفتيها انى كويس وانى هنا ف مصر"
لفت نشوى تقفل الباب... علشان متواجهش ماجد
بتعض على شفايفها علشان دموعها اللى خانتها من كلام ماجد
مسكها ماجد من دراعها...لفها ناحيته
"انتى بتعيطى؟؟؟ بتعيطى ليه"
"مفيش يا ماجد... تعالى بس اقعد فى سريرك وهحكيلك"
ماجد بنفاد صبر" مش لسه هستنى...انا استنيت كتير... احكى على طول فى ايه"
جت مامتهم من اوضتها... ال3 واقفين
ماجد بيبص لنشوى... نشوى ضهرها للباب... الام ورا ماجد بتبص لنشوى
ماجد بخنقة"احكى يا نشوى... نغم حصلها حاجة"
نشوى بتردد وبطء"نغم كويسة ... بس..."
ماجد"بس ايه... حرام عليكى اعصابى "
نشوى قالت الكلام بسرعة ورا بعضه كأنها بترمى حمل تقيل من على قلبها
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
"نغم كويسة...ورجعت لها الذاكرة... ونسيت الفترة اللى بعد الحادثة لحد اليوم
اللى رجعت لها فيه الذاكرة... واتخطبت امبارح"
"يعنى نسيتنى"
وقع العكاز من ايد ماجد... مقدرش يقف على رجله المكسورة
كان هيقع...لحقوه مامته ونشوى وسندوه قبل ما يقع
"ماااااااااجد"
"ابننننننننى"
اتسند عليهم ماجد...
"متخافوش... انا كويس...هاتى العكاز يا نشوى"
"ماجد متزعلش نفسك... بص.."
"مش قادر اتكلم خالص يا نشوى معلش...هدخل اوضتى واقعد لوحدى"
مامته مصدومة... نشوى بتعيط بصمت
سندوه لحد اوضته... قال بانكسار
"سيبونى لوحدى شوية"
خرجوا الاتنين وبعد ماقفلوا باب الاوضة ...قعدوا مع بعض
"فهمينى يانشوى... نسيت ايه بالظبط"
"نسيت الفترة مابين فقدان الذاكرة ورجوعها...ودى الفترة اللى هى وماجد حبوا
بعض فيها ياماما... بصى انا اول ما مامتها قالت انها اتخطبت كنت عايزة اولع
فيها وف امها...بس لما قالت انها نسيت كل حاجة صعبت عليا اوى وصعب عليا ماجد"
"ياعينى عليك يابنى...يوم ماتحب يحصل معاك اللى عمرنا ماسمعنا عنه"
"زمانه ياحبيبى زعلان اوى... ده كان جاى علشان يتجوزوا"
"لاحول ولا قوة الا بالله... هنعمل ايه يابنتى احنا تبع النصيب"
ماجد اول ما دخل اوضته سند العكاز على الحيطة
رمى نفسه على السرير... فتح درج الكومودينو
مسك صوره مع نغم...قعد يبص على الصور ودموعه نازلة وبدا يكلمها فى سره
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
"يعنى خلاص يانغم... نسيتينى... نسيتى الحب الكبير اللى كان بيننا..
انا كنت حاسس ان هيحصل حاجة تفرقنا...وانتى كنتى بتطمنينى...
معقول نفترق بالطريقة دى... انى اتمسح تماما من ذاكرتك ومن حياتك
ومن قلبك... اعمل ايه يانغم وانتى كل حياتى وحبى وحلمى اللى حلمت بيه...
صعبتيها عليا يانغم بخطوبتك دى... انتى مش نسيتينى بس انتى كمان حل
محلى واحد تانى ف قلبك وحياتك... اعمل ايه... ياريت بايدى افقد الذاكرة
علشان انساكى ... انساكى؟؟ مش ممكن انساكى ابدا... هتفضلى طول عمرك
حبيبتى حتى لو انتى مش فاكرة انا مش ممكن انسى... بحبك اوى يانغم"
دموعه وهو بيبص للصور كانت نازلة زى الشلال
اخد الصور فى حضنه... اخد اللاب توب من جنبه وفتح الصور بتاعته هو ونغم وصور نغم...
والرسايل اللى بينهم وكل المحادثات
كان حاسس ان قلبه هيقف من كتر الحزن
ومع صوت اذان الفجر... سمع صوت خبط خفيف على الباب
"انت صاحى ياماجد"
ازاى محسش ان الوقت ده كله عدا وهو مش حاسس باى حاجة حواليه غير
لما سمع صوت الاذان
رد بصوت حزين
"تعالى يا نشوى"
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
"انا مرضيتش اضايقك لما قلت عايز تقعد لوحدك... بس برضه مقدرتش استنى للصبح
من غير ما اطمن عليك"
"انا كويس متقلقيش"
"انا عارفة انها صدمة كبيرة بالنسبة لك بس ليها حل"
"حل ايه"
"هى لما هتشوف المسدجات بتاعتك هتفتكر كل حاجة اكيد"
وضحك ماجد بسخرية
"كلامى ضحكك ليه"
"لما نغم فقدت الذاكرة عملت اكونتات جديدة ع الفيس والميل وطبعا دول اللى
معايا واللى كنا بنتكلم عليهم يعنى اكيد هما كمان اتبخروا معايا بالظبط"
"مش مهم الاكونتات... الصور بتاعتكم ياماجد... وريها الصور وعرفها انكم كنتوا بتحبوا بعض"
"المشكلة مش انى اعرفها انى كنت بحبها وهى بتحبنى... المشكلة يانغم"
"انا نشوى"
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
"معلش يا نشوى... انا متلخبط"
"ولا يهمك ياحبيبى... كمل ايه المشكلة"
"المشكلة انها نستنى خالص وانا لو روحت اقولها اننا كنا بنحب بعض يبقى
انا بلخبط لها حياتها اكتر واكتر...هى لو كانت فاكرة الحب مكنتش اتخطبت...
هى نسيت حبها ليا يانشوى ...فاهمة قصدى"
"فاهماك ياماجد... بس يمكن تفتكر"
"يمكن"
"بقولك ايه... انا جبت رقم موبايلها الجديد...محتاجه؟؟"
"بجد؟؟اه طبعا ياريت... على الاقل اسمع صوتها... دى وحشانى اوى"
"طيب ثوانى واجيبلك الرقم"
قامت نشوى ورجعت بعد دقايق
"خد سجل الرقم عندك...انت هتكلمها"
"مش عارف"
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
"بص ياماجد... لازم تحط كل الاحتمالات حتى لو هى متفكرتش انت تحاول تنساها
واهو انت قاعد شهر ونص ومسافر وهناك الشغل هينسيك اكتر... او لو تحب نشوفلك
عروسة واهو حب جديد ينسى حب قديم"
"لالالا انا مبقتنعش بالكلام ده خالص... انا حبيت نغم من كل قلبى ومش هحب
حد غيرها... حتى لو فضلت طول عمرى عايش على ذكرى الحب ده"
سكتت نشوى...قامت طبطبت على كتفه وخرجت من الاوضة
بص ماجد فى الساعة... كانت 5 الفجر
مقدرش يستنى اكتر من كده... نفسه يسمع صوتها
اتصل برقم نغم بدون تردد
نغم صحيت من النوم على صوت رنين الموبايل
قامت ترد قبل الصوت ما يصحى مامتها وباباها
"الو"
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
ماجد ساكت... حاسس انه قلبه هيخرج من مكانه من الحنين ليها
نغم"الو... الو"
ماجد"الو... ازيك يانغم"
نغم باستغراب بعد مافتحت نور الاباجورة وبصت فى ساعة ايدها
"الحمدلله... مين معايا"
ماجد وقلبه بيتقطع
"مش فاكرانى... مش عارفة صوتى"
نغم بضيق شديد
"لا مش عارفة... هتقول انت مين ولا اقفل السكة"
"انا اسف... مكنش قصدى اضايقك... مع السلامة"
قفل ماجد معاها...وهو حالته اصعب مما كان عليه
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
قفلت نغم...وقعدت تفكر
"مين الله بيتصل بيا دلوقتى ويقولى ازيك ومش فاكرانى ويقفل...
لو هو يعرفنى وانا اعرفه مقالش اسمه ليه... اكيد حد بيعاكس..لو بيعاكس
هيعرف اسمى منين والخط جديد ومش مع ناس كتير...يكون محمد ...
ومحمد هيعمل كده ليه... لا مش صوته... يكون حد اعرفه... حد يعرفنى..
يا ترى مين اللى اتصل ده؟؟"
قعدت نغم على حيرتها كده لحد ما نامت
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
تانى يوم الصبح... مامة ماجد ونشوى قاعدين
"انا اتكلمت معاه ياماما امبارح بس ياعينى مصدوم اوى"
"ربنا معاه..بكرة ينسى ياما الواحد بيشوف وكله بيعدى"
"انا قلتله كده بس هو قال مش هيحب حد غيرها"
باب اوضة ماجد اتفتحت...وخرج ماجد وهو لابس لبس خروج
الام"انت لابس كده ورايح فين"
ماجد"النادى"
نشوى"هتواجهها"
ماجد"لا هشوفها بس"
نشوى"فكرها ياماجد"
ماجد"ما انا قلتلك امبارح انا مش عايزها تفتكرنى وخلاص"
الام"بس انت هتنزل ازاى وانت تعبان"
ماجد"لا انا كويس الحمدلله... وبعدين ما انا جيت من السعودية كده مش
هقدر اروح النادى فى تاكسى"
نشوى"اجى معاك؟؟"
ماجد"لا خليكى...سلامو عليكو"
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
دخل ماجد النادى... وهو ماشى بالعكاز على مهله...ونفسه يجرى على مكان نغم ..
. بص ف ساعته واتاكد انها اكيد موجودة
كل ما حد يقابله من موظفين النادى يسلم عليه ويسأل على رجله
المكسورة وسببها
المشوار جوه النادى للبيسين ياخد فى العادى دقيقتين
اخدها ماجد فى نص ساعة بسبب الوقوف كل شوية
واخيرا... لمح نغم قاعدة
وقف لحظات يتأملها من بعيد...
"ياااااااااه ...لو تعرفى يانغم وحشتينى قد ايه... لو تعرفى نفسك اجرى عليكى
واخدك ف حضنى واقولك وحشتينى يا حبيبتى "
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
نغم قاعدة وطلعت من شنطتها كتاب وبدأت تقرا فيه
ماجد بيقرب منها بخطوات بطيئة
شافته نغم وهو بيقرب... دورت وشها عنه للكتاب
وافتكر ان دى كانت نفس المعاملة قبل الحادثة
قرر انه يكلمها...قرب منها
"صباح الخير يانغم"
بصت له بلا اى تعبير
"اهلا ياكابتن"
"عاملة ايه"
"الحمدلله... سلامتك"
"الله يسلمك...دى حادثة حصلتلى وانا...."
رن موبايل نغم... اخدت موبايلها
"ربنا يشفيك.... بعد اذنك... الو... ازيك يامحمد"
شاور لها ماجد وهى بتتكلم خليكى مكانك
وراح هو قعد على ترابيزة تانية بعيد عنها... بس شايفها
ماجد مش بيشيل عينيه من عليها... خلصت المكالمة وهو قلبه بيتقطع من الحب
والغيرة وهو شايفها بتضحك وهى بتتكلم
خلصت وفتحت الكتاب تقرا
ماجد بيبص عليها
وسمع صوت اغنية فى الكافتيريا...الصوت وصل ليه
لقى نفسه بيسرح مع صوت وائل جسار وهو بيغنى
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
عايز اطمن عليك وانسي روحي بين ايديك وافضل اجري واجري بيك وابقي مش عارف مكاني
نفسي اكمل عمري جنبك نفسي اعيش عمرين معاك
وانسى حضني جوا حضنك نفسياتنفس هواك
عمري ما نسيتك ولا اقدر اعيشحياتي الا بيك
ليل نهار بسرح وافكر غصب عني حبيبي فيك
عمري مانسيتك ولااقدر اعيش حياتي الا بيك
ليل نهار بسرح وافكر غصب عني حبيبي فيك
قولي عمري يساوي ايه لو ماكنتش جنبي فيهلو ماعشتش عمري جنبك قولي بس هعيش هليه
مهما تبعد قلبي شايفك مهما غبت بحسبيك
مهما طال البعد عنك بعدي بيقربني ليك
عمري (http://moolnt.com/vb/showthread.php?t=5647) مانسيتك ولا اقدر اعيش حياتي الابيك
ليل نهار بسرح وافكر غصب عني حبيبي فيك
http://najlepszegify.blox.pl/resource/26_20140429004204.gif (http://najlepszegify.blox.pl/resource/26_20140429004204.gif)
خلصت الاغنية... فى اللحظة اللى رفعت فيها نغم عينها عن الكتاب
واتلاقت نظرة سريعة بين عيون ماجد ونغم
بعدها رجعت عين نغم تانى للكتاب
ومسح ماجد الدمعة اللى حس بيها نزلت من عينيه
احلى ايام العمر
06-08-2014, 10:47 PM
كتيرررررررررررررررررررررررررررر حلوة وبتقهر يسلمو ايديكي
حلوتي بانتظار الحلقات الجايه
nabila
06-09-2014, 11:09 AM
استني أأأبكي شوي حبيبتي هههههههه:icon1366::icon1366::icon1366:
ربنا يستر من الي جاي هههههههههههه مووووووووووووواه حبيبتي
ياحرام ياماجد
نغم ياقاسيه هههههههههههههه
يلا حلوة هاتى الباقى
يسلموووووو حبيبتى روووووووووووووووعه
ايام عمري
06-10-2014, 02:10 PM
يحلي ايامك يا احلى
واكيد شي بيقهر معك حق
بس تابعي القصة للاخر وانشاء الله
هلقهر بروح ههههههههههههه
موووووووواه
http://im25.gulfup.com/2012-08-18/1345311196379.gif
ايام عمري
06-10-2014, 02:11 PM
هو انتي هتبكي ولا بتضحكي يا بلبل
حددي موقفك يا بنتي
ههههههههههههه
نورتي حبيبتي
http://im25.gulfup.com/2012-08-18/1345311196379.gif
ايام عمري
06-10-2014, 02:12 PM
نغم مش قاسية بس القدر لعب لعبتو
معاها يا شهد تابعي وشوفي الحب
هيعمل ايه
وطالما وصلنا للحلقات الاخيرة
هنزل كل يوم حلقة بس
عشان الفضول القاتل ههههههههههههه
http://im25.gulfup.com/2012-08-18/1345311196379.gif
ايام عمري
06-10-2014, 02:19 PM
كان حلم... الحلقة 19
http://www.vb.fll2.com/storeimg/img_1352594125_674.gif
نغم بتبص فى الكتاب وبتفكر
هو ماجد بيبص لها كده ليه
هو مش كان مسافر هو ومراته
هى فين مراته يسرا يمكن اعرف منها اى حاجة عن الفترة اللى فاتت
رفعت نغم عينيها تانى ناحية ماجد
http://www.vb.fll2.com/storeimg/img_1352594125_674.gif
ماجد مازال بيبص عليها
لما بصت له تانى خاف يكون بيضايقها بنظراته
فجأة ...اخد قرار وقام
ماجد قام وهو بيتسند
نغم شافته بيقوم قامت وراه
"كابتن ماجد ممكن اسألك على حاجة"
"اتفضلى"
شاور لها تقعد...قعدت وقعد معاها
"احنا اشتغلنا مع بعض بعد الحادثة بتاعتى صح؟"
"مظبوط... حوالى 6 او 7 شهور قبل مااسافر"
"ماما قالتلى انى كانت ليا واحدة صاحبتى اوى اسمها يسرا ولما سألت
عليها عرفت انكم اتجوزتوا وسافرتوا"
"ثوانى بس...مين اللى اتجوز مين"
"انت ويسرا"
"انتى مش فاكرة اى حاجة خالص عن يسرا ولا مصطفى ولا انا ولا الفرح"
http://www.vb.fll2.com/storeimg/img_1352594125_674.gif
هزت نغم راسها بالنفى ودمعت
"مصطفى؟؟ مصطفى مدرب الكورة"
"ايوه فاكراه"
"ايوه مش ده صاحبك اللى شفتكم مع بعض اول مرة جيت فيها النادى"
"ايوه هو... هو اللى اتجوز يسرا مش انا"
"وفين يسرا ...اقدر اشوفها او اقابلها يمكن تساعدنى انى افتكر اى حاجة"
"انتى مش فاكرة فرح يسرا ومصطفى"
سألها ماجد وهو قلبه بيتقطع على اكتر يوم عاشوه ف سعادة
"انا مش فاكرة يسرا نفسها هفتكر فرحها ازاى؟"
"اه معاكى حق"
قالت وهى بتقوم
"معلش ياكابتن انا اسفة انى عطلتك وازعجتك"
"ازعجتينى؟؟ انتى تزعجينى"
بصت له نغم باستغراب على نبرة صوته
"بعد اذنك"
قامت نغم ورجعت لمكانها من غير ما تبص وراها
ماجد بيتابع نغم بعينيه وهى صعبانة عليه وصعبان عليه نفسه
قام ماجد... وراح ناحية المبنى الادارى
http://www.vb.fll2.com/storeimg/img_1352594125_674.gif
وصل ماجد عند مكتب فاروق
وكالعادة الباب مفتوح وعند ناس كتير
"السلام عليكم"
"مين ...مااااااجد...حمدالله ع السلامة..تعالى"
دخل ماجد وسلم عليه فاروق بكل ود
"اقعد...ايه مالك"
رد ماجد وهو بيقعد
" حادثة والحمدلله انها جت على قد كده"
"واخبارك واخبار الشغل ايه هناك واخبار مصطفى ويسرا"
"الحمدلله مصطفى ويسرا استقروا هناك...بس انا كنت عايز اسأل حضرتك
لو ينفع ارجع الشغل هنا تانى"
"يا سلاااام...ده انت تنور مكانك"
"ربنا يخليك يا ا\ فاروق ده العشم"
"بس خد وقتك خالص لما تخف براحتك"
"انا المفروض قدامى اسبوعين كمان ف الجبس بس هروح للدكتور لو ينفع افكه
قبل كده هفكه واجى استلم الشغل"
"ومستعجل كده ليه هو الشغل هيطير"
"مش قادر ابعد عن النادى اكتر من كده"
"براحتك ياماجد اى وقت"
http://www.vb.fll2.com/storeimg/img_1352594125_674.gif
بعد اسبوع...ويوم خطوبة نغم
نغم خارجة من الحمام...ودخلت اوضتها
لبست هدومها... دخلت عليها مامتها
"مبروك ياحبيبتى ربنا يتمم بخير"
"الله يبارك فيكى ياماما"
"بقولك ايه انا كنت جاية معاكى بس انتى شايفة الضيوف اللى جم مش هينفع اسيبهم"
"عادى ياماما ماهو شيماء ورنا ولاد طنط مديحة جايين معايا"
http://www.vb.fll2.com/storeimg/img_1352594125_674.gif
"وماله ياحبيبتى اهم ولاد عمتك وعايزين يفرحوا بيكى ومعاكى"
"اه طبعا... انا هلبس واخرج لهم"
"طيب يا حبيبتى"
خرجت الام وكملت نغم لبسها...قعدت على السرير واخدت شنطة الميك اب
على حجرها... وبدأت تطلع منها بعض الكريمات
قفلتها من غير ماتقفل السوستة بتاعتها... وحطت كريم فى ايديها...
وقامت تحط الكريم فى وشها....وبعد ماخلصت مسكت الشنطة من ايديها ...
اتفتحت الشنطة لانها مكنتش مقفولة ووقع كل اللى جواها
"يوووووووو زمان نص اللى فيها اتكسر"
نزلت نغم على ركبها تشوف اللى اتكسر تحطه على جنب واللى متكسرش تحطه
فى الشنطة....من بين الحاجات شافت السلسلة اللى فيها نص قلب مكتوب
فيه"لا اله الا الله"
مسكتها وهى مبتسمة...وفتحت باب الاوضة
"ماماااااا"
جت مامتها...حضنتها نغم وباستها
"ميرسى يا ماما على المفاجئة الحلوة دى ربنا يخليكى ليا"
http://www.vb.fll2.com/storeimg/img_1352594125_674.gif
الام باستغراب"مفاجئة ايه"
"السلسلة"
"سلسلة ايه"
"دى"
مسكتها مامة نغم
"بتاعة مين دى"
"انا لقيتها فى شنطة الميك اب... مش انتى اللى جايباها"
"لا يا حبيبتى"
"يمكن بابا"
"مش عارفة لما اسأله"
راحت الام ورجعت
"ابوكى مجابش حاجة يانغم...يمكن محمد جابهالك"
"وهو محمد لو جابهالى هيحطها جوه الشنطة اللى جوه اوضتى ازاى"
"يبقى انتى اللى حطيتيها"
"امتى؟؟ انا محطيتش حاجة"
"يمكن ناسية"
"ناسية... اكيد ناسية...يعنى انا حطيتها فى الفترة اللى انا ناسياها"
رددت نغم الكلام ده ف سرها بعد ما مامتها راحت تقابل الضيوف اللى بييجوا
"انا ليه حاطاها هنا ومش حاطاها مع الدهب ومين جابهالى وليه قلب...
نص قلب تحديدا... اكيد ليه معنى...ياترى ايه"
http://www.vb.fll2.com/storeimg/img_1352594125_674.gif
ماجد فى بيته اغلب وقته بيقضيه مع صور نغم ومراجعة الرسايل اللى بينهم...
ومستنى الايام تعدى بسرعة علشان يفك الجبس ويرجع يروح النادى تانى
رن موبايله.. وشاف انه رقم مصطفى
"الو.. ازيك يامصطفى اخبارك ايه"
"الحمدلله انت عامل ايه وصحتم عاملة ايه"
"احسن الحمدلله"
"مش هتفكر تانى يا ماجد"
"لا خلاص يامصطفى مش هرجع ...مش هقدر ابعد تانى"
"يابنى لازم تتعود انك تنساها وطول ماهى قدامك مش هتعرف"
"ومين قال انى عايز انساها"
"هتفضل على ذكريات"
"لا انا عندى امل انها تحس بيا"
"ماتقولها"
http://www.vb.fll2.com/storeimg/img_1352594125_674.gif
"افرض قلتلها وهى رجعت لى علشان انا اكدتلها ان كان بيننا حب ساعتها
هحس انها اتورطت ...انما هى لو افتكرتنى لوحدها وحست بيا ساعتها
بس هتأكد انها بتحبنى فعلا...غير كده يبقى خلينى زى ماانا وكفاية
عليا اشوفها من بعيد"
"وجهه نظر برضه...بس عذاب"
"نصيبى محدش بيختار نصيبه ...بس انا ليا عندك طلب"
"اؤمر"
"انا عايز نسخة من الفرح بتاعكم"
"ولو ان انا مش عايزك تفضل حابس نفسك فى ذكريات بس من عينيا هكلم
مجدى اخويا يعملك cdويجيبهولك"
"متشكر اوى يا مصطفى"
"بقولك ايه يسرا احتمال كمان كام شهر تيجى علشان تولد ف مصر..
لو قدرت تبقى تقابل نغم هتقابلها يمكن تفتكرها"
"يارب تفتكر ان شاءالله"
http://www.vb.fll2.com/storeimg/img_1352594125_674.gif
نغم فى الخطوبة... وهى فى احلى شكل
محمد بعد ما لبسها الشبكة... سألها
"اول مرة اشوف السلسلة دى"
ردت وهى بتضحك
"وانا كمان"
"ازاى"
http://www.vb.fll2.com/storeimg/img_1352594125_674.gif
"انا لقيتها وسط حاجتى وحسيت انى بحبها فقررت البسها على طول"
"ومين بقى جابهالك"
"مين يعنى ايه"
"يعنى هل حبيب قديم"
"انا معنديش حبيب قديم يامحمد وعيب تتكلم كده"
"زعلتى كده ليه...هو مش من حقى اعرف"
"لو كان فيه حاجة تتقال كنت قلتها"
"خلاص متزعليش"
"مش زعلانة بس مش معنى انى البس سلسلة وفيها نص قلب يبقى حد جابهالى"
"يمكن...بس هتكونى جبتيها لنفسك مثلا"
"وليه لا"
"يمكن...وحتى لو كان فيه حب قديم فاللى يهمنى انك اختارتينى انا بارادتك"
ونادى ال dj على العروسين للرقص
قامت نغم مع محمد يرقصوا
نغم وهى بترقص حست ان فيه صور تانية بتيجى قدام عينيها وتروح تانى
صور لعروسين تانيين..ولما تحقق متشوفهمش
صور لكوشة تانية ولما تحقق تتاكد انها شكل تانى
حتى محمد شايفاه مهزوز... هو...مش هو ...
http://www.vb.fll2.com/storeimg/img_1352594125_674.gif
"نغم...نغم...نغم"
نغم بتفتح عينيها... شافت باباها ومامتها ومحمد حواليها
الاب"الحمدلله فاقت...مالك يانغم"
نغم"ايه اللى حصل"
محمد"اغمى عليكى واحنا بنرقص"
الام"دى اكيد عين صابتك يابنتى"
محمد"هتقدرى نكمل الفرح ولا لا"
الاب"انا متهيالى نعتذر للناس وكفاية كده...وبعدين خلاص الشبكة اتلبست
والبوفيه اتفتح يعنى كأن الفرح خلص"
محمد"تمام ياعمى...انا هروح اقول لل dj يطمن الناس وينهى الفرح واحنا ننزل على طول"
http://www.vb.fll2.com/storeimg/img_1352594125_674.gif
فى بيت نغم... نغم على سريرها بهدوم البيت ومامتها وباباها جنبها
"مش عارفة ايه اللى حصل حسيت انى شايفة ناس تانية حواليا"
الام"سلام قول من رب رحيم...ناس تانية؟؟ انا قلت دى عين"
نغم"لا ياماما... دى حاجات كأنى شفتها قبل كده"
الاب"ايوه يانغم... انتى اكيد كنتى بتفتكرى"
نغم بلهفة"افتكر ايه يابابا"
الاب"القاعة اللى كانت فيها خطوبتك دى هى نفس القاعة اللى كانت فيها فرح
صاحبتك يسرا وانا جيت اخدتك من هناك"
نغم"بس انا حتى مش فاكرة شكل يسرا دى ايه... انا مش قادرة افتكر اى حاجة خالص"
الاب"خلاص يانغم...مش مهم نامى وارتاحى دلوقتى"
http://www.vb.fll2.com/storeimg/img_1352594125_674.gif
لف ماجد ايديه حول وسط نغم وحطت نغم ايدها على كتفه
وايديهم فى ايد بعض... وهما بيتمايلوا على انغام الموسيقى
"ابعد شوية عيب كده"
"هههه عيب ايه احنا بنرقص زى باقى الناس"
"انت مجنون وانا مجنونة انى سمعت كلامك"
"سيبك من الجنان دلوقتى...قوليلى حاسة بإيه"
"مش حاسة بحاجة"
"عينى ف عينك كده"
بصت له نغم وهى ف حضنه
"بحبك اوى يانغم"
"وانا بحبك اكتر"
"عارفة نفسى ف ايه دلوقتى"
"ايه"
"الاغنية متخلصش"
"ههههه اصدمك واقولك ان الاغنية قربت تخلص"
"حرام عليكى يانغم...عيشى اللحظة معايا"
"ياحبيبى انا معاك عملت حاجات عمرها ماخطرت على بالى... انى احب اصلا
عمره ماخطر على بالى...انا بحبك حب مش عارفة اوصفه... انا بحبك اوى ياماجد"
"اخيراااااااااا سمعت منك جملتين على بعض يريحونى ويطمنونى ... انا بحبك
اوى يانغم وهحاول اعمل كل اللى اقدر عليه علشان يجمعنا بيت واحد فى اسرع وقت"
"يارب ياماجد... وان شاءالله يبقى بيت كله حب وسعادة"
http://www.vb.fll2.com/storeimg/img_1352594125_674.gif
فتحت نغم عينيها.... فتحت الاباجورة اللى جنبها
"ايه الحلم الوحش ده... استغفر الله العظيم يارب...افففففففف"
قامت نغم وهى متضايقة... فتحت الشباك
"هو مفيش غير ماجد ده اللى احلم بيه حلم زى ده... يارب سامحنى انا مليش
ذنب فى الحلم ده... انا مش ممكن احب حد غير خطيبى ولا اخونه ابدا...
انا متضايقة اوى من الحلم ده"
فضلت نغم تكلم ربنا من الشباك... وهى متضايقة من الحلم اللى حلمته...
اخدت المصحف وقعدت تقرا قران علشان الضيقة تروح
فك ماجد الجبس...ورجع يروح النادى كل يوم
بيشوف نغم ونغم بتشوفه...العلاقة بينهم لاتزيد عن تحية زى الاول
ماجد نظراته لنغم كلها حب وحنين واشتياق
ونغم بتتعمد انها متبصلوش من بعد الحلم اللى ضايقها فترة لحد ماقدرت
تنساه وتبقى عادية
http://www.vb.fll2.com/storeimg/img_1352594125_674.gif
وف يوم بعد 3 شهور... طلب فاروق نغم وماجد فى مكتبه
"ازيكم يا كباتن"
نغم وماجد"الحمدلله كويسين"
فاروق"انا عايز منكم خدمة هى مش شغلكم بس انا محتاج لكم انتم"
ماجد"حضرتك تؤمرنى انا مقدرش اقولك لا"
نغم"تحت امر حضرتك"
فاروق"دلوقتى النادى عامل رحلة شرم الشيخ الاسبوع الجاى...مشرفين الرحلة
واحد اعتذر لظروف خاصة والتانى تعبان وف اجازة مرضى....تقدروا تروحوا الرحلة دى "
ماجد"مفيش مشكلة تحت امرك"
نغم"مش عارفة اقول لحضرتك ايه...بس هستأذن بابا وخطيبى الاول"
بص لها ماجد فجأة...وجعته كلمة خطيبى اوى
وحس ان الامل بيروح ان ممكن نغم تفتكره...خلاص بقى ليها خطيب بيهتم بيها وبتهتم بيه
فاروق"طبعا يانغم... بس ياريت تحاولى... انتوا الوحيدين اللى شغلكم فى
الدراسة بسيط وتقدروا تروحوا الرحلة دى...هى 4 ايام بس مش كتير يعنى"
http://www.vb.fll2.com/storeimg/img_1352594125_674.gif
نغم فى بيتها... وقاعدة مع محمد
"ها يا محمد قلت ايه"
"لا يانغم مش موافق"
"ليه بس"
"يعنى ايه تسافرى 4 ايام لوحدك"
"مش شغلي ده"
"لا انتى شغلك مدربة سباحة مالك بقى بالرحلات...وبعدين هو باباكى
موافق على كده"
"بابا كان معترض وبعدين لما عرف انه طلب من ا\ فاروق وافق على طول"
"اشمعنى يعنى"
"علشان ا\فاروق ده راجل طيب اوى ولما كنت تعبانة خلانى ارجع الشغل علشان
يساعدنى يبقى اى طلب يطلبه منى لازم متأخرش عنه"
سكت محمد شوية... بيفكر
http://www.vb.fll2.com/storeimg/img_1352594125_674.gif
"علشان خاطرى يامحمد... معلش مش هقدر اقوله لأ"
"ماشى علشان خاطرك... بس انا كمان ليا عندك طلب"
"اطلب"
"عايز نكتب الكتاب ونحدد معاد الفرح"
وابتسمت نغم بخجل
"اتفق مع بابا مش معايا"
"يعنى انتى موافقة"
ابتسمت نغم بخجل
"طيب نادى لباباكى ومامتك نفرحهم"
قامت نغم نادت لباباها ومامتها... وطلب منهم محمد تحديد معاد كتب الكتاب والفرح
واتفقوا انهم بعد رجوع نغم من الرحلة يفرشوا الشقة ويكتبوا الكتاب ويتجوزوا
اول ما يخلصوا الفرش... فى خلال شهر على اقصى تقدير
انتظرو الحلقات الاخيرة
تحياتي
ايام عمري
06-11-2014, 12:55 PM
كان حلم... الحلقة 20
http://www.vb.fll2.com/storeimg/img_1352593330_508.gif (http://vb.fll2.com/hsb76523)
نغم نايمة فى السرير
بتفتح عينيها...ببطء
شايفة خيال ماجد
بتفتح وتغمض...شايفة ماجد
فتحت عينيها... شايفة نفسها فى اوضة غريبة وجنبها صوت اجهزة
نغم فى العناية المركزة والدكتور بيكشف عليها
"نغم ...نغم"
فتحت نغم عينيها لقيت نفسها فى الاتوبيس المتجه لشرم الشيخ
وماجد بيكلمها وهى كانت نايمة وساندة على كتفه
احرجت انها كانت ساندة على كتفه
"انا اسفة... انا ضايقتك...محسيتش خالص"
"ولا يهمك... احنا قربنا نوصل"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
ابتسمت نغم ولفت وشها ناحية الشباك
نغم كانت محرجة جدا لما صحيت ولقت نفسها نايمة على كتف ماجد...
بس ازاى كانت بتحلم بيه كده...دى مش اول مرة.. ايه يانغم ... ايه اللى بيحصل ده..
.انتى عمرك ما كنتى بتحلمى بحد كده... جاية دلوقتى بعد ماخلاص قررتى هتكملى
حياتك مع مين تحلمى بواحد تانى مفيش حاجة بتجمعكم غير احلامك
ماجد كان فرحان جدا باحساسه بقرب نغم منه...قرب مكان وكتير من الحواجز
بينهم... مش مهم..."انا مكنتش احلم اننا هنبقى مع بعض ف مكان واحد ...
يارب تفتكري حبنا يا نغم"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
فى الاوتيل وبعد ما قسموا الاسر اللى معاهم كل اسرة فى مكانها
"اتفضلى يانغم...مفتاح اوضتك"
"ميرسى يا كابتن"
تبادلوا ابتسامة... ومشيوا الاتنين فى طريق الاوض
وكانت الاوضتين جنب بعض... فتحت نغم اوضتها
قبل ماتقفل بصت لماجد...شافته لسه واقف بيبص عليها
"مستنيكى تدخلى"
رد عليها من غير ما تسأله... ابتسمت له ودخلت وقفلت
http://www.vb.fll2.com/storeimg/img_1352593330_508.gif (http://vb.fll2.com/hsb76523)
نغم وماجد قاعدين ف النادى جه عليهم مصطفى ويسرا
نغم"اه صحيح يا يسرا مش كنتوا قلتوا انك هتحصليه بعد كام شهر"
مصطفى"مش هتسافر معايا فعلا بس شقتى هنا محتاجة توضيب وفرش وهى
اللى هتشرف على كل ده وبعدين تجيلى ان شاءالله"
نغم"اه ...ربنا يعينك ده انتى وراكى حاجات كتير"
يسرا"علشان كده قلت مش هبقى فاضية لكل ده مع الشغل كمان"
مصطفى"احنا على كلامنا يا صاحبى ...هشوف لك حاجة هناك"
ماجد"ايوه طبعا... واى حاجة حتى لو مش بالشهادة"
وبص لنغم
"انا ورايا خطوات كتير عايز ابدأها"
مصطفى"ربنا معاك...والله من غير ماتقول انا عارف"
يسرا طلعت ظرف من شنطتها
"خدى يانغم"
نغم"ايه ده"
يسرا"افتحى وشوفى"
فتحت نغم الظرف... وماجد بيتابعها بعينيه بفضول
http://www.vb.fll2.com/storeimg/img_1352593330_508.gif (http://vb.fll2.com/hsb76523)
فتحت نغم عينيها لقيت نفسها فى الاوضة فى الاوتيل
"وبعدين بقى ف الاحلام اللى بشوفه فيها دى... بس اللى كنت قاعدة
معاها دى يسرا؟؟ هى فعلا؟؟ولا مش هى"
قامت ولبست... ونزلت ... راحت تقعد على البحر
شافت ماجد قاعد وحاطط اللاب توب قدامه...ومركز فى الشاشة
قعدت بعيد عنه...هى شايفاه وهو مش شايفها
كل ما تبص للبحر تلاقى عينيها راحت عند ماجد
تبعد نظرها عنه... وتحاول تشغل نفسها بأى حاجة تانية
تلاقى عينيها راحت عنده...شافته بيقفل اللاب ويقوم..بعدت نظرها عنه...
وهو قايم راح عدا من جنبها
"نزلتى امتى"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"من شوية...انت نزلت متى"
"من ييجى ساعتين كده"
"انت منمتش"
"لا...انتى نمتى"
"يعنى ...نوم بقلق كده"
"ليه فيه حاجة شاغلاكى"
"لا ابدا عادى"
"مش عايزة حاجة انا هطلع انام شوية"
"لا ميرسى"
مشى ماجد وفضلت نغم مكانها بتتفرج ع البحر
لما مشى حست انها متضايقة انه مشى وسابها
كان نفسها يقعد معاها شوية كمان
وفجأة افتكرت خطوبتها... وهى بترقص مع محمد
بس حست انها بترقص مع ماجد مش مع محمد
صور كتير ورا بعض قصاد عينيها
هى مع محمد... هى مع ماجد...فى نفس المكان
حست بدوخة مسكت دماغها وغمضت عينيها
http://www.vb.fll2.com/storeimg/img_1352593330_508.gif (http://vb.fll2.com/hsb76523)
سمعت صوت ماجد جنبها
"نغم ...مالك"
بصت له وهو بيقعد جنبها
"مفيش دوخة بسيطة"
"تحبى اسألك على دكتور"
"لا مفيش داعى"
" الدوا بتاعك معاكى"
واستغربت نغم... وبصت لماجد
"انت عرفت منين انى باخد دوا"
"منك...انتى كنتى بتاخدى دوا للذاكرة وانا معرفش لسه بتاخديه
ولا لا بس استنتجت"
"اه لسه باخده فعلا... بس انت نزلت تانى على طول ليه ومنمتش"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"معرفتش انام... انا مضايقك"
وردت نغم بسرعة
"لالالا بالعكس"
فرح ماجد من ردها وابتسم ابتسامة غصب عنه احرجت نغم
"وحشتنى الابتسامة الخجولة دى اووووى"
قالها ف سره... وكمل كلامه لنغم
"بصى بقى انا زهقان ودى اول كام ساعة لينا وماشاءالله كل اللى فى
الرحلة اسر وانا وانتى الوحيدين اللى فردى كده... لو مش هيضايقك
يعنى ممكن نقعد مع بعض نتكلم شوية اهو نتسلى "
نغم فرحت اوى من كلام ماجد
"انا كمان زهقانة اوى ومش لاقية حد اتكلم معاه"
"ماانا حسيت بيكى"
نظرات ماجد لنغم كلها حب... ونغم مستغربة تجاوبها معاه كده
"ماجد انا عايزة اسألك سؤال"
"الحمدلله رجعتى تقوليلى ماجد مش كابتن"
"ههههه مش مقصودة يعنى"
"ياستى قولى اى حاجة تعجبك...عايزة تسألى عن ايه"
"هى يسرا شكلها ايه"
"ليه"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"حلمت بيها ومش عارفة هى ولا لا"
"ثوانى"
طلع ماجد موبايله...وقلب فيه
"دى صورتها هى ومصطفى فى فرحهم"
اخدت نغم الموبايل من ماجد... دققت فى الصورة كويس
"مش ممكن"
"مش ممكن ايه"
"هى اللى انا شفتها ف الحلم... مش كده وبس... يوم خطوبتى"
وافتكرت نغم يوم خطوبتها
وصور كتير جت قصادها
صور كتير من فرح يسرا ومصطفى ليها هى وماجد
"اه يا دماغى"
"مالك يانغم"
ونزلت دموع كتير من عيون نغم
"دماغى بتوجعنى اوى... مش قادرة"
"انا هروح اسأل على دكتور...مش معقول اسيبك تعبانة كده"
"لا ياماجد...انا هطلع اخد الدوا وانام شوية هبقى احسن"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
ماجد قلقان ...الليل دخل ونغم منزلتش
وهو حيران بين انه يتصل بيها يطمن عليها ولا يستنى لما تقوم براحتها..
.شافها جاية من بعيد...مقدرش يستناها...راح عليها
"عاملة ايه دلوقتى"
"الحمدلله كويسة"
ورن موبايل نغم... ردت
"الو... الحمدلله يامحمد.. كويسة والله... كنت نايمة معلش... مش احنا
اتكلمنا الصبح وطمنتك... متقلقش وانا اسفة انى نمت كل ده من غير
مااكلمك تانى... خلاص يامحمد بقولك نمت... اه كلمتهم وكلمونى...
حاضر هبقى اكلمك قبل ماانام... مع السلامة"
ماجد مركز مع كل كلمة بتقولها...ومتضايق والغيرة بتاكل ف قلبه
"ماجد انا متغديتش... هروح اتغدا"
"انا كمان متغديتش وكنت مستنيكى نتغدا مع بعض"
فرحت نغم بكلامه...ابتسمت بفرحة
"يالا"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
وهما بيتغدوا... لاحظ ماجد سلسلة باين جزء منها فى رقبة نغم
السلسلة تحت الهدوم مش قادر ماجد يحدد هى ولا لأ
"انت سافرت امتى ورجعت امتى ياماجد"
"سافرت بعد فرح مصطفى بكام شهر ورجعت قبل مااجى النادى ب3 ايام"
"يوم ماجيت بالجبس"
"بالظبط"
"يعنى سافرت سنة واحدة بس...مرتاحتش هناك ولا ايه"
"لا كنت مرتاح جدا... وكنت عايش احلى حلم ف حياتى كنت بحب وجيت الاجازة
علشان اتجوز"
وانتبهت نغم لكلام ماجد لما جت سيرة انه بيحب
"وبعدين"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"مفيش ...حصل ظروف واللى بحبها نسيت الحب اللى بيننا واتخطبت ...حسيت
ان مفيش اى دافع يخلينى اشتغل واتغرب فرجعت واستقريت هنا"
"معلش يعنى اسمح لى ...اكيد مكنتش بتحبك هى لو بتحبك مكنتش اتخطبت لغيرك"
ابتسم ماجد ابتسامة حزينة
"للاسف كانت بتحبنى زى ما بحبها بس ظروفها كده"
واتكلمت نغم بانفعال
"مفيش ظروف تخلى واحدة تسيب حد بيحبها وبتحبه وتتخطب لغيره...انا لو
مكانها لايمكن اعمل كده لو هموت"
"بعد الشر عليكى... انا خلصت أكل"
حست نغم ان ماجد بيقفل الكلام...ولمحت دموع بتلمع ف عينيه
من غير ماتنزل...حست بالاحراج...وحست انه مازال بيحب
http://www.vb.fll2.com/storeimg/img_1352593330_508.gif (http://vb.fll2.com/hsb76523)
نغم فى اوضتها... قاعدة على السرير صاحية
جنبها الموبايل... بتبص له بتردد
مسكت الموبايل... واتصلت وهى بتنفخ
"الو... ازيك يا محمد.. انا كويسة الحمدلله... مفاجئة ايه؟؟ مش قادرة لفوازير
انا دلوقتى... خلاص ابقى قولها براحتك... مش بقفل فى الكلام ولا حاجة انا
بس طول اليوم مرهقة وكنت الصبح ف سفر طويل... عايزة انام... تصبح على خير"
قفلت معاه وقعدت تفتكر كلام ماجد عن اللى بيحبها...اتضايقت
وقالت فى نفسها"يابختها...هو فيه حب كده"
طول الليل بتحاول تنام مش عارفة...تفاصيل كل كلمة وكل لفتة وابتسامة من ماجد
طول اليوم مش بتفارق خيالها
احلامها وهى مع ماجد تيجى على بالها تبتسم
صراع داخلى بين احساسها بماجد والواقع اللى هى فيه
"هى مخطوبة وماجد بيحب"
بعد نوم مقطع لساعتين بالاكتر...قامت نغم لبست ونزلت تستنى ماجد على البحر...
بعد نزولها باقل من ربع ساعة لقيت ماجد جنبها
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"صباح الخير...ايه اللى صحاكى بدرى"
"مفيش...قلت استمتع بجمال البحر"
"انا بقى عايز استمتع بالبحر نفسه...هتنزلى"
"لأ... هتنزل"
رد ماجد وهو بيقلع هدومه وبيحط الموبايل جنبها
"انا هنزل اخد غطسين واجى"
ردت نغم وهى بتاخد الهدوم منه وهى كلها سعادة انهم مع بعض
"ماشى...هستناك نفطر مع بعض"
نزل ماجد البحر... نغم بتتابعه بعينيها مش عايزاه يغيب عن عينيها
وماجد فى البحر... رن موبايله
وبحركة لا ارادية مسكت نغم الموبايل..شافت مكتوب
"البيت"
لسه هتحط الموبايل جنبها...لفت نظرها صورة ست كبيرة
اكيد مامة ماجد.. هى حاسة انها شافتها قبل كده..بس فين وازاى
كل تفكيرها وهى قاعدة بتفكر شافتها فين قبل كده...دون جدوى
http://www.vb.fll2.com/storeimg/img_1352593330_508.gif (http://vb.fll2.com/hsb76523)
بالليل... نغم وماجد بيتمشوا فى الشارع
نغم حاسة بسعادة معشتهاش قبل كده
وماجد حاسس بالقرب من نغم وده مخليه فى منتهى السعادة
بيتكلموا وبيضحكوا.. ورن موبايل نغم... حست ان اللى بيتصل محمد..واول
ما طلعت الموبايل من جيبها
"الحمدلله ده بابا"
ردت على باباها
"الو...ازيك يابابا...كويسة الحمدلله... مفاجئة ايه.. اييييييه... طيب يابابا...
الله يبارك فيك...ازيك ياماما...الحمدلله متقلقيش...الله يبارك فيكى...
حاضر هكلمك تانى...مع السلامة"
نغم وشها اتغير تماما... حطت الموبايل فى جيبها تانى
"مالك يانغم... اتضايقتى كده ليه"
حاولت تتصنع اللامبالاة
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"ده بابا بيقولى ان خطيبى حجز القاعة للفرح كمان شهر وانهم اتفقوا يخلوا
كتب الكتاب الاسبوع الجاى"
سكت ماجد لحظات...وبعدين سألها
"هما ليه حددوا وانتى مش موجودة"
"احنا كنا متفقين قبل مااجى الرحلة ان الجواز هيكون خلال شهر"
سكتت نغم... سكت ماجد... ماشيين فى اتجاه الاوتيل وكل واحد فيهم ساكت تماما
وهما فى الشارع سمعوا صوت فرملة عربية ..صوت عالى
صرخت نغم صرخة رعب... قربت من ماجد مسكت فيه
حضنها ماجد لحظة لما صرخت من صوت الفرملة
نغم خافت من الصوت...سمعت نفسها بتصرخ وتقول ماجد وهى منطقتش..
حست ان الموقف ده مرت بيه قبل كده ومكنش ماجد جنبها... مرت قصاد
عينيها لحظة شافت فيها نفسها ماشية فى الشارع وبتتكلم فى الموبايل
وسمعت فرملة...كل ده كان فى لحظات
"ماجد انا تعبانة اوى ... عايزة اروح الاوتيل بسرعة"
"تعالى قربنا اهو"
ولااراديا مد لها ايده...ومدت له ايدها... ومشيوا الاتنين وايديهم فى ايد بعض
http://www.vb.fll2.com/storeimg/img_1352593330_508.gif (http://vb.fll2.com/hsb76523)
نغم فى اوضتها... صور كتير بتمر قصاد عينيها
بترقص مع ماجد فى الفرح
بتسلم على مامة ماجد فى فرح تانى
هى وماجد فى المطار
ماجد بيحط فى ايدها السلسلة
قامت نغم من مكانها... راحت خبطت على اوضة ماجد
"نغم!!!مالك انتى معيطة"
نغم وهى بتعيط
"انا عايزة اتكلم معاك ضرورى"
"طيب ثوانى ننزل ولا تيجى نتكلم جوه"
دخلت نغم وهى مش خايفة... قعدت على طرف السرير
"ماجد... فيه حاجات كتير عايزة افهمها... انت...انا... "
سكتت وهى بتعيط... راح قعد جنبها
شاف طرف السلسلة فى رقبتها قام ماجد جاب ظرف من على الكومودينو..
.مسك طرف السلسلة وشدها بره هدومها برقة... حط نص القلب اللى معاه فى ايد نغم
نغم ساكتة ...ماجد طلع من الظرف اللى ف ايده الصور وحطها ف ايد نغم
نغم دموعها نازلة... بتبص للقلب وتفتكر وهما فى المطار وبتاخد من ماجد السلسلة
بتبص للصور وبتفتكر وهما مع بعض بيتصوروا
جاب اللاب توب وشغل cd واتفرجى على ده
كان فرح مصطفى ويسرا...نغم وماجد واضحين جدا طول الفرح مع بعض...
وبيرقصوا مع بعض... ومبعدوش عن بعض
http://www.vb.fll2.com/storeimg/img_1352593330_508.gif (http://vb.fll2.com/hsb76523)
نغم بتعيط
"انت كنت اقصدنى انا ...انا اللى نسيت الحب واتخطبت ...انا اللى بتحبها"
ومسح ماجد دموعها
"ايوه يا حبيبتى"
"الحادثة... انت لما كنت بتكلمنى وسمعت صوت الحادثة هى دى اللى رجعت
بعدها وانا كنت نسيت... ليه مفكرتنيش ياماجد"
"انا معرفتش اتصل بيكى بعد الحادثة تليفونك كان مقفول... واول يوم جيت فيه
نشوى اختى راحت لك البيت ومامتك قالت انك اتخطبتى... ونسيتى كل حاجة...
تخيلى العذاب اللى كنت فيه وكاتم ف قلبى علشان خايف الخبط لك حياتك"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
"وانا اقول ايه سر الاحساس اللى انا حاساه ده"
"يعنى لسه بتحبينى يانغم"
نغم وهى بتعيط
"بحبك اوى ياماجد"
اخدها ف حضنه وهى بتعيط وطبطب عليها
"وانا كمان بحبك اوى ياحبيبتى"
رجعت نغم لورا ...وبعدت عنه
"ايه...مالك يانغم"
"حبى ليك دلوقتى خيانة يا ماجد... انا كتب كتابى الاسبوع الجاى"
"يعنى ايه...قصدك ايه"
http://www.vb.fll2.com/storeimg/img_1352593330_508.gif (http://vb.fll2.com/hsb76523)
ترقبو احداث بكرة هتكون الحلقة الاخيرة
ايام عمري
06-12-2014, 02:16 PM
كان حلم...الحلقة 21 والاخيرة
http://www.vb.fll2.com/storeimg/img_1352593982_171.gif
ردت نغم على ماجد
"يعنى مينفعش اكون بحبك انت ودبلة واحد تانى ف ايدى"
سكت ماجد لحظات... وسألها
"القرار قرارك يا نغم... انتى اختارى"
"انا عايزاك انت اكيد... بس كمان هروح اقول ايه لمحمد ولماما ولبابا"
"سيبينى وروحى اتجوزيه"
"انا بقولك كده علشان تفكر معايا اقولهم ايه... انما انا مش هتجوز غيرك انت"
بص لها ماجد بفرحة
"بجد يا نغم"
"طبعا ياحبيبى... انا كنت حاسة ان احساسى بيك ده مش طبيعى
وكنت مستغرباه...
بس بعد مافهمت وافتكرت كل حاجة مش هسيبك ابداوانت ملكش ذنب
فى اللى حصل انت حبتنى وانا اللى وافقت على الخطوبة يعنى انا السبب
فى اللى احنا فيه"
مسك ماجد ايديها...باسها
سحبتها نغم بهدوء
http://www.vb.fll2.com/storeimg/img_1352593982_171.gif
"انا هروح اوضتى...اشوفك الصبح"
خرجت نغم من اوضة ماجد.... قعد ماجد يفكر
"ياترى انا استاهل حبها ده... وانا السبب فى كل اللى حصل... ماهو لو مكنش
ده حصل مكناش حبينا بعض... مش لازم اقولها... هى هتفضل فاكرانى
ملاك بدون اخطاء... المفروض انها تعرف علشان ضميرى يستريح..
.بس ممكن تسيبنى؟وهقولها ازاى؟ مش عارف"
طول اليومين الباقيين فى الرحلة والعلاقة بين نغم وماجد رجعت طبيعية
وكل مكالمات محمد معاها لاتتعدى دقايق واغلبها هى اللى بتنهيها
اخر يوم فى الرحلة كان المقرر انهم هيباتوا ويقوموا يركبوا الصبح بدرى...
طول اليوم وماجد بيحاول يحكيلها ومش عارف
http://www.vb.fll2.com/storeimg/img_1352593982_171.gif
وهما بيتمشوا ورايحين فى اتجاه الاوتيل
"مالك ياماجد... طول اليوم متغير كده ليه"
"مفيش يا حبيبتى بفكر بس هتعملى ايه مع محمد"
"انا اسفة يا ماجد انا السبب انك تفضل متضايق كده"
"لا يا حبيبتى متقوليش كده انا اللى اسف ومكنش قصدى"
وسكتت نغم...وبصت لماجد فجأة
"الجملة دى بسمعها وانا نايمة...اسمع صوتك بتقولى سامحينى مكنش قصدى...
انا مش عارفة ليه الجملة دى بالذات وبتفتكرها وانا نايمة...ولما اصحى بفتح
عينيا اشوفك وبعدين مش بلاقى حد"
سكت ماجد... ونغم مستنية رد
"انت عارف حاجة معرفهاش... انت عندك تفسير للى بيحصلى ده"
"عندى تفسير وهقولك كل حاجة"
"قول"
http://www.vb.fll2.com/storeimg/img_1352593982_171.gif
"انا كنت بجيلك فى المستشفى وانتى ف الغيبوبة...كنت باجى كل يوم
علشان اطمن عليكى وكنت بكلمك ونفسى اطمن عليكى وتقومى بالسلامة..
.واول مرة فتحتى عينيكى من الغيبوبة كنت انا موجود"
"وكنت بتقولى انا اسف ؟؟"
"ايوه"
"على ايه"
"هقولك بس ارجوكى سامحينى"
وبصوت كله قلق... ردت نغم
"قول ياماجد"
"انتى لما جيتى اشتغلتى فى النادى انا مرتبى قل وكنت ف ظروف مادية
وحشة اوى وكنت مستنى المسابقة...لما عرفت انك مسافرة المسابقة
وجواز نشوى كان قرب ومحتاج فلوس... ففكرت انى اعطلك عن السفر
باى طريقة"
"اى طريقة؟؟"
"ايوه... انا عارف انه تفكير شيطانى بس والله ماكنت متخيل كل ده هيحصل"
"هملت ايه ياماجد"
"لما دخلتى تغيرى هدومك حطيت لك شامبو ع الارض علشان تتزحلقى
وافترضت انك مجرد هيحصلك كدمة او حتى كسر يمنعك انك تسافرى
وخلاص مكنتش متخيل ان كل ده هيحصل"
http://www.vb.fll2.com/storeimg/img_1352593982_171.gif
"معقول...معقول انت تكون بالشر ده...معقول انت اللى كنت فاكراك ملاك تتطلع
دى حقيقتك"
"افهمينى يانغم..انا حبيتك"
ووقفت نغم وزعقت له
"افهم ايه... انا فعلا فهمتك على حقيقتك... مش مصدقة انى اتخدعت فيك كل ده...
الحمدلله انى عرفت الحقيقة ف الوقت المناسب... انا غلطانة انى كنت هسيب
خطيبى الانسان الكويس علشانك انت"
جريت نغم فى اتجاه الاوتيل...وقف ماجد مصدوم من كلامها
"انا غلطت بس كنت فاكرك هتسامحينى"
قال الكلام وهو ف مكانه بيبص من بعيد على نغم اللى اختفت من مرمى البصر
http://www.vb.fll2.com/storeimg/img_1352593982_171.gif
فى معاد تجمع الرحلة..نغم بتتجاهل وجود ماجد تماما
راح ماجد ناحيتها وهى بتحط شنطها فى الاتوبيس
"صباح الخير يانغم"
كان بيشيل شنطتها من ع الارض ويحطها فى الاتوبيس...شدتها منه نغم وحطيتها
بنفسها ومشيت من غير ماترد عليه
ركبت نغم وبعد ما كل الناس ركبوا...ركب ماجد جنبها
"ردى عليا يانغم ارجوكى وانا مش هضايقك تانى... انتى خلاص كده هتنسينى
وتنسى حبى ليكى"
بصت له نغم بقسوة
http://www.vb.fll2.com/storeimg/img_1352593982_171.gif
"ايوه... هنسى انى اتخدعت... وهتجوز خطيبى زى ما بابا وماما اتفقوا معاه..
.يعنى يوم الخميس بعد 5ايام هكون على ذمة واحد احترمنى ومضحكش عليا...
وكمان هسيب الشغل فى النادى علشان مرتبك يرجع تانى زى الاول وعلشان
محبش انى اشوفك ولا اتعامل معاك"
كلام نغم كان قاسى بما فيه الكفاية... سكت ماجد خالص
طول الطريق وكل واحد فيهم بيبص فى اتجاه تانى
http://www.vb.fll2.com/storeimg/img_1352593982_171.gif
ماجد بعد مارجع... كل امله انتهى... كلام نغم قاسى عليه ومش هيقدر يحاول
معاها بعد اللى قالته
اقتنع ان ده عقاب على اللى عمله فيها...بس كان اسوأ عقاب
حاسس ان قلبه بيتقطع كل ما يفتكر انها هتتجوز بعد ايام
واكتفى انه يشوفها ف النادى الكام يوم اللى جايين
نغم بعد مارجعت من الرحلة... وسلمت على باباها ومامتها
دخلت اوضتها وقفلت عليها... وانهارت من العياط
بتعيط على صدمتها ف ماجد..وعلى الحب اللى ضاع
طول اليوم قافلة على نفسها... ومخرجتش غير لما محمد جه بالليل يسلم عليها...
خرجت من اوضتها وراحت قعدت معاه
http://www.vb.fll2.com/storeimg/img_1352593982_171.gif
سلم عليها...وبعد مامتها ماقامت...قرب منها
"وحشتينى"
اضطرت تبتسم ابتسامة طلعت حزينة
"مالك...فيه حاجة"
"لا مفيش ليه بتقول كده"
"شكلك متغير"
"لا من السفر بس...على فكرة انا هسيب النادى"
"بجد...احسن... علشان ورانا حاجات كتير عايزين نخلصها... بعد كتب الكتاب
بقى نروح نشترى العفش وانتى ومامتك تفرشوا علشان مفضلش كتير ع الفرح"
ردت بحزن"ان شاءالله"
"عارفة يانغم...انا بعد الايام لحد ما نتجوز علشان نبقى مع بعض"
http://www.vb.fll2.com/storeimg/img_1352593982_171.gif
نغم ساكتة...قرب منها محمد ...قرب يبوسها من خدها
رجعت بسرعة لورا وقامت وقفت
"ايه ده يامحمد"
"اصل انتى وحشتينى"
"برضه مهما وحشتك مينفعش تعمل كده"
"ليه احنا كلها ايام وهنتجوز"
"لما نبقى نتجوز"
قالتها وهى بتحاول تكتم دموعها... مشيت بسرعة دخلت اوضتها
ارتبك محمد من تصرفها... واستأذن ومشى قبل باباها ما يرجع من احراجه
لما دخلت نغم اوضتها..وقفلت عليها...عيطت كتير
"انا مش طايقة يقرب منى ولا اقعد معاه شوية..هتجوزه ازاى.. ماجد وحشنى اوى..
.ياخسارة ياماجد كنت فاكراك غير كده"
http://www.vb.fll2.com/storeimg/img_1352593982_171.gif
تانى يوم قامت نغم لبست ونزلت وهى اخدة قرار انها رايحة تسيب الشغل...
راحت النادى واول ما وصلت طلعت مكتب فاروق بس مكنش لسه وصل...
راحت قعد ع البيسين كان ماجد موجود...تجاهلت وجوده وقعدت تستنى
فاروق يوصل
بعد ساعة تقريبا... جه ماجد وقعد معاها
"مش عايزة تسامحينى"
مردتش عليه... حط قدامها فلاشة
"خدي شوفيها... ربنا يوفقك"
دورت وشها بعيد عنه...قام ماجد
نغم بتبص للفلاشة ومتردد تاخدها ولا لأ...اخدتها وقامت راحت لفاروق وقدمت
استقالتها ومشيت
نغم اول ما وصلت شافت الفلاشة...فيها ملف وورد واغنية وصور
فتحت الصور لقيت صورهم فى فرح مصطفى ويسرا
فتحت الملف...لقت رسالة من ماجد
"انا اسف يانغم... ندم الدنيا كله مش هيعبر عن ندمى... كان نفسى تسامحينى
لانى حبيتك بجد.. انا بحبك ومش هحب حد غيرك طول عمرى...
اتمنى لك السعادة مع اللى اختارتيه"
دموعها نزلت من الرسالة القصيرة اللى بعتها ماجد
فتحت الاغنية تسمعها...وسمعت وائل جسار
http://www.vb.fll2.com/storeimg/img_1352593982_171.gif
لو عشت بعدي وبعد بعدي وجيت وحبيت
ابقي افتكرني واحكي عني مهما كنت نسيت
خليني ذكرى جميله عندك واوعي تنسي زمان
ماتقولش حبي وقت عدي ويوم خلاص عشناه
قول ان حبي حب غالي بس هي حياه
وابقي افتكرني بكلمه حلوه تنسي قلبي الاآآآآه
خلي الفراق اجمل فراق ف دنيا العاشقين
وان حد سألك عني قوله كنا اوفى اتنين
قول كان حبيبي وكان حياتي وعشره ليها سنين
مش كل حلم نشوفه سهل هنبقي حققناه دا ساعات يبقي السهل صعب لما نتمناه
والدنيا عمر ماحد جالها وعشها من غير آآآآه
اوقات بنتجرح وبنجرح واحنا مش حاسين
وان حد فينا حب يفرح فرحه يبقي حزين
ايام وبتعشنا وفاكرين اننا عايشين
خلي الفراق اجمل فراق ف دنيا العاشقين
وان حد سألك عني قوله كنا اوفي اتنين
http://www.vb.fll2.com/storeimg/img_1352593982_171.gif
خلصت الاغنية ودموعها على حنينها لماجد فوق الوصف
خرجت من اوضتها...شافت مامتها وباباها قاعدين..قعدت قصادهم
الاب"مالك يانغم"
الام"ايه يانغم بتعيطى ليه"
نغم"مش عايزة اتجوز محمد"
الام"يالاااااهوى....ليه يانغم... والنبى انتى محسودة"
الاب"ليه يانغم...حصل منه حاجة"
نغم وهى منهارة بتعيط"مش بحبه ومش عايزة اكمل حياتى معاه...مش قادرة يابابا...
علشان خاطرى خلصنى من الارتباط ده"
الام"ده اسمه بطر ع النعمة شاب زى ده الف مين تتمناه"
الاب"مامتك معاها حق ...هاتى لى سبب مقنع ولا عيب فيه وانا اساعدك
تسيبيه انما كده يبقى دلع"
نغم وهى بتعيط اكتر"مش بحبه... ده مش كفاية"
الام"زمان كانوا امهاتنا بتتجوز من غير مايشوفوا العريس مش يحبوه"
نغم وهى بتحاول تهدى نفسها
"انا هحكيلكم كل حاجة علشان انا تعبت وانا شايلة كل ده لوحدى"
http://www.vb.fll2.com/storeimg/img_1352593982_171.gif
وحكت نغم على حكايتها مع ماجد من اولها لحد الرحلة والمقابلة السريعة بتاعة الصبح
سكتت نغم... وباباها ومامتها ساكتين
شافت سكوتهم اتكلمت
"برضه عايزينى اتجوزه وانا بحب واحد تانى ومش قادرة انساه"
دخلت اوضتها وهى بتعيط...وبعد ساعة دخل لها باباها
"نغم... متزعليش نفسك...هاتى الشبكة واى هدايا جابهالك محمد واعتبرى
نفسك من اللحظة دى حرة ومش مخطوبة"
جريت نغم على باباها حضنته وهى بتعيط
نغم بعد باباها مانزل وهى حاسة ان حمل تقيل اتشال من على قلبها
طول الوقت بتفكر... تكلم ماجد تقوله ولا لأ
تحاول ترجع النادى ولا لأ
فضلت تفكر كتير لحد ما تعبت...وبعد اكتر من 3ساعات جه باباها
دخل لها اوضتها...مسح دموعها
"قومى يانغم اغسلى وشك والبسى وتعالى اقعدى بره"
"ليه"
http://www.vb.fll2.com/storeimg/img_1352593982_171.gif
"خطيبك عايز ييجى يتكلم معاكى شوية"
"مش قلت يابابا ان كده خلاص"
"معلش اتكلمى معاه وبعدها هنفذ كل اللى تقولى عليه...علشان خاطرى اسمعى كلامى"
ومقدرتش نغم تقول لباباها لأ... قامت ولبست وقعدت
وبعد نص ساعة...رن جرس الباب
قام باباها يفتح
"اتفضل يابنى"
وسمعت صوت ماجد وهو بيقول
"السلام عليكم"
دخل بقى قصادها... قامت وقفت ومن المفاجأة معرفتش ترد السلام
دموع عينيها هى اللى بتتكلم... ونظرات الحب والسعادة بتملا عينيهم هما الاتنين
بصت نغم لباباها مستغربة
http://www.vb.fll2.com/storeimg/img_1352593982_171.gif
"انا روحت النادى وقابلت ماجد واتكلمت معاه...مع انى كنت زعلان منه انه
مجاش يتقدملك اول ما اتعرفتوا على بعض بس هو فهمنى ظروفه وحكى
لى كل حاجة وانا صدقته...هو خطبك منى بس انا قلت القرار النهائى ليكى..
.وزى ماقلتلك من شوية خطيبك عايز يتكلم معاكى والقرار النهائى ليكى"
بص لها ماجد وهو مبتسم لها
"سامحتينى؟؟"
هزت نغم راسها بالايجاب...كمل ماجد
"وموافقة على طلبى؟؟"
هزت نغم راسها موافقة على كلامه ودموع الفرح فى عينيها
الاب"طيب اقعدوا هتفضلوا واقفين كده...قومى يافاطمة اعملى حاجة لماجد يشربها"
الام كانت ساكتة كل ده وهى متفاجئة باللى حصل
حضنت نغم وباستها...وحضنت ماجد وهى بتقوله
"مبروك يابنى"
قعدوا نغم وماجد جنب بعض...وباباها قصادهم
"عمى انا بطلب ايد نغم من حضرتك...بعيد الكلام قدامها اهو"
"ههههه بعد ماهى وافقت انا موافق... شوف الوقت اللى يناسب الحاجة
والدتك واتفضلوا علشان نقرا الفاتحة"
http://www.vb.fll2.com/storeimg/img_1352593982_171.gif
النهااااااااااااااااااااااااااااااية
http://www.vb.fll2.com/storeimg/img_1352593982_171.gif
nabila
06-12-2014, 05:00 PM
هههههههه كنت رح اخنقك بس شفعتلك نهاية في الاخير
حلوةو كتير بتجنن حبيبتي يسلمو قلبي موووواه
ايام عمري
06-12-2014, 06:37 PM
الحمدلله انها كانت نهاية سعيدة
كلنا فرحنا ومشتاقين للنهايات السعيدة
واهم شي اني نفدت من بين ايديكي يا بلبل
هههههههههههههههه
المهم انها عجبتك حبيبتي نورتيني
موووووووواه
http://im25.gulfup.com/2012-08-18/1345311196379.gif
هههههههههههه بتجنن النهايه
بدى عريس زى ماجد هههههههههههههههه
يسلموووووو ايدك حبيبتى ايام عمرى
رووووووووووووووووووووووعه
https://encrypted-tbn3.gstatic.com/images?q=tbn:ANd9GcQq6-j7IMrwACtn-QBAl0MBDtm0aG6pMG6NrZ4ddog0l5uvBWR_
ههههههههههههههههههههههههههه ايام عمري
كثيرررررررررررر حلوة النهاية بتجنن
http://my.mec.biz/attachment.php?attachmentid=126282&d=1337550102 (http://al3shek.com/t1768.html)
احلى ايام العمر
06-13-2014, 06:58 AM
حبيبيييييييييتي ايام عمري يارب كل نهايات علاقات الحب هيك
بعد التعب فرح بحبببببببببببببك بتجنن نهاية بس نيالا على هالاب
ههههههههههههههه
كان لاقينا الحرب قامت لو صارحناااا
مواااااااااااااااااااه
ايام عمري
06-13-2014, 12:25 PM
هههههههههههه شهد ياعيني على
الي عاش الدور على الاخر
وان شاء الله تلاقي الي احسن من ماجد
الله يسلمك حبيبتي المهم انه القصة
عجبتكم بلفعل
http://im25.gulfup.com/2012-08-18/1345311196379.gif
ايام عمري
06-13-2014, 12:26 PM
مرورك الاحلى يا حلا
والحمدلله ان كانت النهاية سعيدة
لانه ملينا النكد
نورتيني حبيبتي
http://im25.gulfup.com/2012-08-18/1345311196379.gif
ايام عمري
06-13-2014, 12:29 PM
حبيبتي احلى مبسوطة انك تابعتي
القصة معنا وعجبتك كتير
واكيد اي اب منيح رح يدور على سعادة بنته بلاخر
واخيرا انتصر الحب بعد احداث كثيرة صارت
نورتيني يا قلبي
http://im25.gulfup.com/2012-08-18/1345311196379.gif
ايام عمري
06-29-2014, 07:01 PM
اعزائي اعضاء منتدى العاشق
سنتابع خلال شهر رمضان قصة او سلسلة
بعنوان يوميات حماة للكاتبة دينا عماد
اتمنى ان تنال اعجابكم
وستكون الحلقة الاولى عبارة عن تعريف لبطلة قصتنا
اليكم الحلقة الاولى
ايام عمري
06-29-2014, 07:01 PM
يوميات حماة الحلقة 1
من انا؟؟؟
انا ايمان زوجة وام ...عندى55سنة...موظفة فى احدى المديريات الحكومية فى عمل مرموق..
على قدر من الثقافة اعشق الكتابة والقراءة...وزوجى يوسف عمره57سنة...
يعمل فى احدى الهيئات الحكومية...مستوانا المادى والاجتماعى جيد..
.رزقنا باحمد واسماء قمنا بتربيتهما وتعليمهما وتزويجهما ودلوقتى عايزين نعيش
فى هدوء سويا بلا مشاكل الابناء...فقد اصبح لكل منهما حياته الخاصة..
.لكن واضح اننا كنا بنحلم فمشاكل الابناء لاتنتهى...انا عرفتكم باسرتى علشان
تتابعوا معايا يومياتى اللى هبدأ احكيها بداية من دخول اولادى فى سن الزواج...
حتى الان ...ونتابع الاحداث اللاحقة ايضا فيما بعد...لذلك قررت ان اكتب يوميات حماة
ايام عمري
06-30-2014, 09:21 AM
يوميات حماة الحلقة 2(عريس1)
http://sl.glitter-graphics.net/pub/2386/2386699u80m0oe8oa.gif
النهاردة يوم مختلف ...اى نعم هو فيه الروتين اليومى لى كأم
بس بالليل جاى لبنتى عريس...اه عريس ايه الغريب فى كده...ا
ى نعم بنتى عندها 20سنة ولسه فى سنة 3كلية بس مايمنعش
انها تتخطب دلوقتى وبعد ماتخلص تبقى تتجوز...وبعدين ده عريس
لقطة شاب وعنده الشقة ويتيم طبعا دى ميزة لاام هتغير عليه منها
ولا تتحشر فى كل حاجةولا اب ولا حد غير اخت متجوزة يعنى
ملبوخة فى بيتها وعيالها...بس ياترى شكله ايه؟؟؟ اما نشوف
هدى زميلتى قالتلى عليه كويس...جارها وبيدور على عروسة
ورشحت له توتا بنوتى القمراية...الميعاد كان الساعة 8 قبلها
بساعة استعدت توتا ولبست طقم شيك وحطت ماكياج هادى"طبعا
هى مش محتاجة هى قمر طبيعى"وفعلا الساعة 8وربع لقينا الباب
بيخبط...دخلت توتا اوضتها وقام جوزى يفتح الباب وانا وقفت جنبه
لاستقبال العريس
http://sl.glitter-graphics.net/pub/2386/2386699u80m0oe8oa.gif
فتح الباب طلت علينا هدى ودخلت ودخل وراها العرييييييييس
فتحت فمى بابتسامة ترحيب وبسرعة قفلت بوئى تانى...هدى
بتعرفنى"ميدو العريس"سلم على جوزى وسلم عليه
نوصف بقى الاستاذ ميدو شاب حوالى 35سنة اسمرانى وقصير
ومتختخ حبتين لالا 3 او 4 حبات والنظارة بتاعته تجنن عضم اسود
اخر مرة شفت واحدة زيها كانت بتاعة جدى الله يرحمه
ماعلينا فضلنا واقفين مستنيين باقى الاسرة اكيد طالعين ع السلم
هدى قالتلى"انتوا واقفين كده ليه مفيش حد معانا"يعنى
العريس الامور جاى بطوله؟؟؟؟؟؟؟ واللى لفت نظرى انه ايد ورا
وايد قدام مش جايب معاه حاجة خالص واضح انه ذوووووووق
قعدنا وهو ماشاءالله واثق من نفسه ثقة رهييييييبة وقاعد كده نافش
ريشه زى الديك الرومى واستقبله جوزى ببشاشة وانا"مضطرة لانه
فى بيتى"وتجاذبنا اطراف الحديث واول حاجة سألته "الا قوللى
ياميدو هوده اسمك الحقيقى ولا دلع" فطبعا ابتسم ابتسامة صفراء
بلهاء سخيفة وتطل منها سعادة خبيثة وقال"هههه لا ده الدلع اصل
امى كانت بتدلعنى وتقوللى ياميدو فخلاص لو احد قاللى يااحمد
بفتكره يقصد حد تانى هههه"ابتسمت له ابتسامة اصفر من
ابتسامته وانا بقول فى سرى"تك ضربة فى تقل دمك"...وسالته
http://sl.glitter-graphics.net/pub/2386/2386699u80m0oe8oa.gif
امال فين اختك او اى حد من اهلك ..قاللى لا انا مش بحب حد يطلع
على اسرارى طبعا مقدرتش امسك نفسى وقلتله باعتبار انك
هتتجوزها فى السر قاللى لا ياطنط بس لما نتفق على كل حاجة
ابقى اقولهم "طنط فى عينك" طبعا فى سرى وبعدين خدت هدى
ودخلنا المطبخ علشان توتا تطلع بالصينية ويشوفها وقلت لها ايه اللى
انتى جايباه ده قالتلى عريس هو حد لاقى...طبعا انفجرت فيها وقلتلها
ليه هو انا بنتى بايرة...ضحكت وقالتلى انتى هتعملى حما من اولها...
معقول اكون كرهته كده من اول نظرة علشان هياخد بنتى...قلت خلاص
اكون حيادية شوية يمكن كويس ويعجبها ما هو مش بالشكل
http://sl.glitter-graphics.net/pub/2386/2386699u80m0oe8oa.gif
طلعت توتا بالصينية وهو تنح لها "طبعا له حق"وقدمت له الجاتوه اللى
طبعا اخد وبدأ ياكل فيه قبل حتى ما البنت تقعد
وقال لنا وهو بياكل احنا نتفق بقى"طبعا توتا بصيت لى وهى رافعة
شفتها العليا ومشمئزة"وده كان رد بالنسبة لى معجبهاش"الحمدلله
تعالى لطنط ياحبيبى"قال مبدئيا انا عجبتنى العروسة طبعا رديت عليه
بسرعة وسألته طيب مش تستنى لما نشوف انت هتعجبها ولا لا...
بنفس الضحكة الصفرا الخبيثة قال"اكيد هتتكسف تقول انى عجبتها
فمتحرجيهاش ياطنط" بصراحة فوجئت برده مش متوقعة انه فاكر نفسه
قمر 14 ماعلينا كلنا خلقة ربنا...بص ياحاج...طبعا بيقول لجوزى...انا
شقتى موجودة وجاهزة من كله الاجهزة والعفش موجودين وهى
لو عايزة اوضة نوم مفيش مانع هاتوا اوضة نوم وانا عندى الصالون
والسفرة واوضة الاطفال والاجهزة كلها وبالمناسبة انا مش بحب
الشكليات يعنى مفيش داعى لفرح كبير يدوب كفاية كتب كتاب
http://sl.glitter-graphics.net/pub/2386/2386699u80m0oe8oa.gif
فى الجامع ...جيت اقاطعه واقوله والشبكة...قاللى لو سمحتى
ياطنط اكمل كلامى...سكت وانا حاسة ان فيه دخان طالع من
دماغى...بالنسبة للشبكة طبعا مفيش مانع بس هتبقى ساعة
كتب الكتاب ونخليها اسورة وخاتم ولا مفيش داعى للفشخرة اللى
مالهاش لازمة هو الخاتم كفاية ماانا هجيب دبلة
http://sl.glitter-graphics.net/pub/2386/2386699u80m0oe8oa.gif
حسيت بجوزى عايز يلبسه الكرسى اللى جنبه بس بصيتله بمعنى
سيبهولى...قلتله قوللى ياميدو انت انت عندك كام سنة قالى 36قلتله
وليه مفكرتش فى الجواز قبل كده ..قالى لا ماانا كنت متجوز قبل
كده بس مرتاحتش معاها طلقتها وبعدين خطبت مرتين برضه
حسيت كده انى مش مرتاح سبتهم...قلتله يارااااااااجل طيب
مقولتش من الاول ليه...قال ليه هى دى حاجة تعيبنى انا كل البنات
تتمنانى...مقدرتش اتحكم فى اعصابى اكتر من كده انا لقيت الجيران
بيشدونى ولقيت كم قميصه فى ايدى.
ههههههههههه
ههههههههههههه
حماه تجنن
يسلموو ايدك ايام عمرى
https://encrypted-tbn0.gstatic.com/images?q=tbn:ANd9GcQqYtq-ZJLLloxLbUylRYsyalzSu9fx08N9PkQ76ild6BmEDN7i
ايام عمري
06-30-2014, 09:43 AM
الله يسلمك يا شهد
ولسا يما هتشوفي من جنانها يا شهد
ههههههههههه
لا فعلا هي شخصية رووعة بصراحة
بتمنى تعجبك
حلم العمر
06-30-2014, 11:37 AM
ههههههه والله شكلها قصة بتجنن يسلمو ايديك في انتضار الباقي
ايام عمري
07-01-2014, 06:34 AM
الله يسلمك يا حلم العمر
بتمنى فعلا تتابعي معانا باقي الحلقات
نورتي
احلى ايام العمر
07-01-2014, 06:37 AM
ههههههههههههههههههههههههههههههههه
حلوة كتير ال لاقيت الجيران بيشدوني
وكم قميض بايدي بس بجد يستاهل
تسلم ايديكي حلوتي بانتظار الحلقات
ايام عمري
07-01-2014, 06:41 AM
هههههههههههههههه احلى
لسا بأولها كمان
نورتي حبيبتي القصة
ايام عمري
07-01-2014, 06:41 AM
يوميات حماة الحلقة 3
http://sl.glitter-graphics.net/pub/674/674721tt9dcph6nh.gif (http://www.7lwthom.net/vb/t3545/)
احمد ابنى وحشنى اوى اوى اوى...عايزة الدقايق تعدى بسرعة واشوفه...
لازم اول ماييجى اقوله يحاول مايجددش عقده فى دبى تانى...
انا مش قادرة يبقى بعيد عنى كل ده ...بقاله سنتين وانا خلاص معنديش
القدرة انى اتحمل غربته تاني
..."ماما ماما احمد وصل" لقيت اسماء بتصرخ وهى بتقولى وجه
حبيبى اترمى فى حضنى ياااااااااه وحشتنى اوى ياحبيبى...
سلم على باباه وعلى اخته وعرفنا بصاحبه اسلام زميله فى الشغل هناك
http://sl.glitter-graphics.net/pub/674/674721tt9dcph6nh.gif (http://www.7lwthom.net/vb/t3545/)
طول الطريق من المطار للبيت وانا قاعدة وماسكة فى ايد ابنى
حبيبى ومقدرتش استنى لحد مانروح البيت وقلتله "كفاية كده بقى
يااحمد غربة وخليك جنبنا هنا ياحبيبى"..قاللى "متقلقيش ياماما
فاضل سنة وكفاية مش هجدد العقد تانى" قلبى ارتاح شوية
على الاقل عرفت ان لغربته نهاية
http://sl.glitter-graphics.net/pub/674/674721tt9dcph6nh.gif (http://www.7lwthom.net/vb/t3545/)
عدت الايام الاولى من رجوعه وكل يوم ضيوف من الاقارب يااما منطلق
مع اصحابه ولكن يكفينى انه كل ليلة ينام فى الحجرة المجاورة
لى ياكل من عمايل ايدى
بعد كام يوم لقيت احمد داخل عليه من بره وعمال يضحك ويهزر
ولقيته بيقوللى"ايه ياماما مفيش مرة كده تقوليلى جايبالك عروسة
ولا مش هتخطب ولا اى حاجة من كلام الامهات ده"..حسيت
بمفاجأة من كلامه مع ان كلامه طبيعى جدا هو انا هفضل
شايفاه صغير لحد امتى ده داخل على 25سنة يعنى يدوب...
ضحكت وقلتله شكلك بتحب قاللى لا مفيش حد معين انا عايزك
تشوفيلى عروسة مناسبة وياريت تكون فى الاجازة قبل مااسافر...
قلت له"من عنيا ياحبيبى ربنا يسعدك يارب"
http://sl.glitter-graphics.net/pub/674/674721tt9dcph6nh.gif (http://www.7lwthom.net/vb/t3545/)
قعدت استعرض فى دماغى البنات المناسبة من العيلة ورجعت
قلت لا جواز القرايب مصايب بلاش منه...طيب اصحاب اخته اللى
نعرفهم؟؟؟مفيش حد معين فى دماغى ...طيب بنات زميلاتى
فى الشغل...قعدت افكر وافكر لحد مااستقريت على.....
احلى ايام العمر
07-01-2014, 06:45 AM
طوليها شوووووي هههههههههههههههههه نعرف مين عالاقل العروسة
تسلم ايديكي حبيبتي
كثيرررر حلوة القصة يا ايام عمري
يا ترى ما راح تكون عروسة احمد
هههههههههههه
يسلمووووووووو ياقمر
مشكوووره ايام عمري
قصه رائعه نتمنى لك التوفيق في بقيه
القصه
ارجو قبول مروري
حمام من القلب
1/7/2014
ايام عمري
07-02-2014, 08:53 AM
مهم سألوها نفس سألوك يا احلى
للكاتبة مباشرة وكان جاوبها
انها تتعمد عدم الاطالة في الحلقة
بتخاف للناس تمل
نورتي احلى مووووووووواه
ايام عمري
07-02-2014, 08:55 AM
هنتعرف على العروسة كلنا يا حلا
بهلحلقات الجاية ما تستعجليش عليها
لانه عروسة غير كل العرايس هههههههههههه
مش حقلكم فيها صدمة هههههه
نورتي حبيبتي
ايام عمري
07-02-2014, 08:56 AM
موووواه شهد الله يسلمك حبيبتي
ايام عمري
07-02-2014, 08:57 AM
العفو حمام منور القصة اكيد
وبتمنى فعلا تتابع باقي الحلقات معانا للاخر
نورتني
ايام عمري
07-02-2014, 09:04 AM
يوميات حماة الحلقة 4
http://up.3dlat.com/uploads/136102864614.gif (http://vb.3dlat.com/)
قعدت استعرض فى دماغى البنات المناسبة من العيلة ورجعت قلت لا جواز القرايب مصايب بلاش منه...
طيب اصحاب اخته اللى نعرفهم؟؟؟مفيش حد معين فى دماغى ...
طيب بنات زميلاتى فى الشغل...قعدت افكر وافكر لحد مااستقريت على.....
http://up.3dlat.com/uploads/136102864614.gif (http://vb.3dlat.com/)
ندى...ندى دى تبقى بنت اخت سناء زميلتى فى المكتب انا شفتها من
كام يوم لما جت المكتب عندنا لخالتها...البنت امورة وشكلها مؤدبة
وهادية ولسه مخلصة كليتها ...الصبح ابقى اكلم سناء واشوف
تحدد معاد علشان احمد يشوفها
وبالفعل الصبح روحت المكتب وبعد ساعة كده فى الهدوء روحت
لسناء وقلتلها
http://up.3dlat.com/uploads/136102864614.gif (http://vb.3dlat.com/)
"ازى ندى بنت اختك"استغربت وقالتلى
"كويسة الحمدلله بس بتسألى ليه خير"
"مفيش انا قلتلك ان احمد ابنى جه من السفر من اسبوع وعايزة
اشوفله عروسة فاللى جت على بالى ندى..ها ايه رأيك وطبعا
انتى عارفة ان احمد بيشتغل فى دبى بس فاضله سنة وهيرجع
يستقر هنا وطبعا شغله موجود فى الفندق اللى كان فيه قبل
مايسافر وهو تقريبا جاهز الشقة موجودة ويدوب فاضل توضيب
بسيط والعفش "
http://up.3dlat.com/uploads/136102864614.gif (http://vb.3dlat.com/)
"طيب ياايمان انا هكلم مامتها وباباها وارد عليكى"
"طيب علشان مفيش وقت حاولى يشوفها فى اقرب فرصة وياريت
المقابلة تبقى بره علشان نشوف هيحصل قبول بينهم ولا لأ"
"خلاص هكلمك بالليل اكون كلمتهم واقولك"
"ماشى مستنية الرد"
http://up.3dlat.com/uploads/136102864614.gif (http://vb.3dlat.com/)
رجعت البيت وقلت لاحمد على الحكاية وفعلا بالليل اتصلت بيه
سناء وقالتلى اننا نتقابل بكرة بالليل فى كافيه انا واحمد وسناء
واختها وندى...وتانى يوم فى الميعاد كنا فى المكان المحدد
اتقابلنا...وكانت البنت فى منتهى الذوق والادب وقعدنا كلنا نتكلم كلام عام وبعدين اقترحت
http://up.3dlat.com/uploads/136102864614.gif (http://vb.3dlat.com/)
سناء ان احمد وندى يقعدوا على ترابيزة لوحدهم علشان يتكلموا براحتهم...وفعلا قعدنا حوالى
ساعتين...وكلامى مع ام ندى كان فيه ترحيب كبير منها وقالتلى انها سعيدة بينا وحاولت
اتهرب من اى وعد لانى ببساطة معرفتش رأى احمد فيها وياترى حصل قبول بينهم ولا لأ.
.استأذنت فى الانصراف وانتهت المقابلة بلا اى وعود
هههههههه ع نار الانتظار بتستنى
ايام عمري
07-03-2014, 08:56 AM
ههههههههههههه شهد
هطفي نارك بحلقة جديدة حبيبتي
نورتي
ايام عمري
07-03-2014, 09:06 AM
يوميات حماة الحلقة 5
http://up.movizland.com/uploads/13491403302.gif (http://up.movizland.com/)
بعد مارجعنا من المقابلة...لقيت احمد فرحان ومزقطط وشوية شوية
هيتنطط من الفرحة مش عارفة كل ده على ايه يعنى؟؟؟ولقيته
بيحكى لابوه واخته وعمال يمدح فيها ويقول جميييييييييييلة لقيت
نفسى برد عليه"مش اوى كده يعنى هى عادية"
"لا ياماما متقوليش كده دى زى القمر ومؤدبة ومحترمة حددتى
معاهم معاد امتى"
http://up.movizland.com/uploads/13491403302.gif (http://up.movizland.com/)
"نحدد معاد ازاى هو انا كنت عرفت رايك"
"هى محتاجة راى ياماما موافق طبعا اما اقوم اكلمها واقولها ان احنا
رايحين لهم بكرة"
"تكلم مين يابنى؟؟؟"
"اكلم ندى ياماما"
"وانت اخدت رقم تليفونها ازاى"
"مفيش هى اديتهولى علشان اكلمها لما اروح علشان تطمن عليه"
http://up.movizland.com/uploads/13491403302.gif (http://up.movizland.com/)
"ايه يابنى هى لحقت وازاى تديك الرقم كده على طول"
ردت اسماء محاولة تهدئة الفوران اللى ظهر على وشى
"ياماما مافيهاش حاجة البنت اعتبرته خطيبها عديها بقى "
احمد"انا هقولها على بكرة"
انا"لا استنى هنا مش على طول كده"
"ياماما هو فيه وقت احنا نروح لهم بكرة وخير البر عاجله ياحاجة"
http://up.movizland.com/uploads/13491403302.gif (http://up.movizland.com/)
الواد قام بسرعة قبل ماالحق اقول ربع كلمة...وقعد يكلمها من
الساعة12معرفش لحد امتى انا دخلت انام بعد الفجر وهو لسه بيكلمها!!!!!!!!!!
دخلت انام وانا متغاظة هو الواد اتشقلب حاله كده ليه من مقابلة
اومال لما يتجوزها هيعمل ايه؟؟
تانى يوم صحينا الظهر"ماانا اخدت اجازة اسبوعين علشان
اقعد مع ابنى اللى واحشنى"وسالته كلمتها قاللى"ايوه ومستنيينا
النهاردة الساعة 8"
لقيته بيقولى "احنا هناخد ايه معانا"
"قلتله هناخد شيكولاته"
http://up.movizland.com/uploads/13491403302.gif (http://up.movizland.com/)
قاللى"وايه كمان"..."عايزنا ناخد ايه كمان"..."مش هناخد حاجة
دهب"...قلتله بعصبية"لا مش هناخد دهب احنا لسه رايحين نتكلم
دهب ايه اللى هناخده"..."اصل ياماما هى قالتلى ان بنت خالتها لما
خطيبها جالها اول مرة جابلها اسورة"
"بقولك ايه يجيب اسورة يجيب سم فران انا ماليش دعوة بحد انت
لحقت هتسمع كلامها كده من الاول ..هى علبة شيكولاته
يااما مش رايحة"
"خلاص ياماما انا بتكلم معاكى بس
"
http://up.movizland.com/uploads/13491403302.gif (http://up.movizland.com/)
وجه الميعاد وروحنالهم البيت....اول حاجة صدمتنى السلم اللى
قطع نفسى انا والراجل جوزى وخلانى وصلت لباب البيت وانا على
اخر نفس وعايزة اترمى على اقرب كرسى ودخلت البيت من جوه..
.البيت من جوه مش متوضب كويس ولا العفش راقى ولا حاجة...
بس باباها ومامتها قابلونا كويس وقعد باباها وجوزى يتكلموا فى
مواضيع عامة وانا قاعدة مش مرتاحة مش عارفة ليه؟؟لقينا
العروسة داخلة علينا بتقدم لنا التحية...وكانت صدمتى الاطباق
جايباها فى ايدها مش فى صينية وبتروح وتيجى هى ومامتها!!!!
وشوشت احمد وقلتله ايه ده؟؟مش هينفع كده دى ناس مش نافعة
خالص احنا نتحجج ونقوم...الواد قالى"استنى بس ياماما" ولقيته
قام وجه الكلام لابو العروسة..."احنا ياعمى جايين بخصوص ندى
وبابا هيتفق معاك على التفاصيل" الواد ابن ال...بيدبسنى
قعدت ملتزمة الصمت بس اقول الحق مقابلتهم كانت بترحاب شديد
وجوزى بقى قعد يتكلم فى التفاصيل...
http://up.movizland.com/uploads/13491403302.gif (http://up.movizland.com/)
"احنا هنجيب شبكة معقولة تليق بيهم هما الاتنين ويتخطبوا
واحمد مسافر سنة وهيرجع يستقر هنا ان شاءالله...والشقة
موجودة واحنا هنجيب اوضتين وانتوا اوضتين ده طبعا غير باقى
الحاجات اللى علينا وانتوا الحاجات اللى عليكوا معروفة ها قلت
ايه يا حاج"
ابوها بكل ترحاب رد"ياابو احمد احنا نتشرف بيكوا واحنا بنشترى
راجل والشبكة اللى يجيبها مفيش مشكلة حتى لو مجابش خالص
اهى هدية من قيمته بس عندى طلب احنا نكتب الكتاب مع الخطوبة
علشان لو خرجوا ولا جه البيت يبقى جوزها وغير كده مالناش
اى طلبات"
لقيت احمد بيرد بسرعة"نقرا الفاتحة بقى"
وقرينا الفاتحة وسمعت الزغاريط عمالة تزمر جوه ودانى ومبروك
مبرووووووك واغانى وهيصة
قمت واقفة وقلت نستأذن احنا بقى وبنسلم لقيت احمد بيقول
حضروا نفسكوا بكرة نروح نجيب الشبكة
نزلت من غير اى تعليق وقلت بس لما اروح ليلته سووووووووووودة
ههههههههههههههه
ياويلك يااحمد هههههههه
احلى ايام العمر
07-03-2014, 08:50 PM
هههههههههههههههههههههههههه
كتير حلوة وفعلا ليلتو سودة
بانتظار الحلقات الباقية تسلم ايديكي ايام عمري
nabila
07-03-2014, 10:38 PM
هههههههههه دي ليلتو مطينة بطين احمد
يسلمؤؤ ايام على مسلسل بيجنن دايمااا
قصصكـ رؤؤعة كما عؤؤدتينا
https://lh4.googleusercontent.com/-OOUrDk8prIE/U7UY8z0nw2I/AAAAAAAATNo/insQfnTb2tM/w346-h330/2014+-+1
ايام عمري
01-18-2015, 04:48 PM
يوميات حماة الحلقة 6
http://shbab7.com/image/1378767214_690.gif
اول مادخلت البيت انفجرت فى احمد
"ايه اللى حصل النهاردة ده...انت بتدبسنى ومابتسألش فى كلامى"
"ايه ياماما فيه ايه حصل"
"انت بتستهبل ولا ايه...انا مش قلتلك نقوم قمت قايل نقرا الفاتحة"
وهنا بدأ جوزى واسماء يحاولوا يهدوا الموقف شوية
لقيت اسماء بتقول"ليه بس كده ياماما مالها البنت كويسة"
"البنت كويسة مقلتش حاجة بس ميعرفوش حاجة عن الذوق يابنتى دول
بيقدموا لنا االعصير فى كوبايات من غير صينية"
لقيت احمد بيه بيرد
"وانت ياماما معترضة علشان مفيش صينية"
فوجئت بطريقة كلامه التهكمية عليه
"لا انا معترضة علشان كيانك اللى اتشقلب من ساعة ماشفت الكونتيسة...
24ساعة تشوفها وتقرا فاتحتها وتقولهم بكرة نروح نجيب الشبكة...
ايه مالكش كبير...ده انت لو كنت تعرفها من الاول كنت شكيت ان فيه
حاجة وعايزين تداروها بسرعة"
معرفش بعد جملتى لقيت جوزى زعقلى وقاللى
"انتى ايه اللى معصبك كده مش دى مجايبك"
"يعنى ايه مجايبى...انا قلت نشوف مش نتدبس"
رد احمد عليه
http://shbab7.com/image/1378767214_690.gif
"شكرا ياماما على كلمة مبروك اللى قلتيهالى بطريقتك"
وقام داخل اوضته واخته راحت جريت وراه
وطبعا انا بقيت فى مواجهة من لايرحم...جوزى
"ايه ياشيخة حرام عليكى نكدتى علينا وعلى ابنك فى فرحته...بدل مانكون
فرحانين...صحيح صدق اللى قال النكد طبع فى الستات"
لسه هتكلم لقيته بيقول"خلاااااص ابقى اسكتى...يا ساااااااااااااتر"
http://shbab7.com/image/1378767214_690.gif
وساب البيت ونزل...كعادته يعنى كل مانتخانق لازم ينزل...لقيت نفسى لوحدى...
وكلهم زعلانين منى...دخلت اوضتى وقعدت افكر مع نفسى...هو انا صحيح نكدت
اوى عليهم..بس انا شايفة انه فعلا اتسرع اووووووووى ولا سألنا عليهم
ولا اخدنا وادينا معاهم...طيب ايه العمل دلوقتى؟؟؟ابنى وجوزى زعلانين منى
وطبعا اسماء هتاخد موقف اخوها...وانا مش ممكن ادخل اصالحه...كرامتى
بتنأح عليه؟؟؟اعمل ايه؟؟؟اعمل ايه؟؟؟
http://shbab7.com/image/1378767214_690.gif
ولسه لما ابوهم ييجى هيفضل يدينى فى كلام زى السم...ايه
العمل ايه العمل؟؟؟
لقيت نفسى بنادى"يا اسماااااااااااااااااااء"
جت ياعينى البنت مخضوضة "نعم ياماما"
"روحى هاتى رقم ندى من اخوكى ولو معاه رقم البيت يكون احسن"
http://shbab7.com/image/1378767214_690.gif
فضلت واقفة متنحة "روحى هااااتي الرقم"
جريت طبعا ولقيت الاتنين داخلين عليه واحمد شكله زعلان طبعا وبيقولى"
خير ياماما عايزة الرقم ليه؟؟؟مش كفاية الكلام اللى قلتيهولى عايزة تكملى
معاهم هم كمان"
"لا انا عايزة اكلمهم علشان صورتك قدامه
احمد واسماء بصوا لبعض والدهشة على وشهم
وهما الاتنين فى نفس واحد
"يعنى ايه"
"يعنى هكلمهم واحدد ميعاد نقابلهم فيه بكرة علشان نجيب الشبكة...مش انت
قلتلهم كده وانا مش معقول هصغرك فى اول كلمة قلتهالهم"
الفرحة نطت من عينيه ...وجه جرى فى حضنى وقاللى
" طيب حددى معاهم بقى ميعاد كتب الكتاب زى مااتفقنا"
"ياابنى مفيش فايدة فى الاستعجال"
"ياماما دى كل الاجازة شهرين وفات اسبوع...يدووووووب"
http://shbab7.com/image/1378767214_690.gif
مرضيتش اكسر بخاطره وكلمتهم واتفقنا ان نقابلهم بكرة وقلنا نخلى كتب
الكتاب بعد اسبوع من غير حفلة كبيرة حاجة بسيطة ونخلى الفرحة
الكبيرة فى الفرح...وفعلا مااعترضوش على اى حاجة وحسيت بفرحة ولادى...وقتلته
" مبروك ياحبيبى وعقبالك يااسماء"
http://shbab7.com/image/1378767214_690.gif
فرحت اوى على فرحة ابنى...بس ده ميمنعش انى مازلت قلقانة..
.مش مستريحة...مش عارفة..اهى حاجة مش مفرحانى وخلاص...جه
جوزى ولما لقى انى صلحت كل حاجة...ارتاح وقاللى مبروك ياايمان انا
النهاردة اتأكدت انك بقيتى حماة رسمى زى الكتاب مابيقول...لسه
هرد عليه...لقيته
" بيقولى تصبحى على خير ياحبيبتى"
طبعا كلمة ياحبيبتى اللى قالهالى بعد زمن طويل ماقلهاش
فرحتنى وخلانى سكت.
ايام عمري
01-18-2015, 04:52 PM
يوميات حماة الحلقة 7
http://shbab7.com/image/1378768377_483.gif
بعد مااتغدينا دخلت لاحمد علشان اتكلم معاه لقيته طبعا قاعد يرغى فى
التليفون مع الكونتيسة ندى شاورت له انى عايزة اتكلم معاه شاورلى 5 دقايق
وهيقفل...طبعا انا خرجت بره الاوضة لحد مايخلص
فات نص ساعة وهو لسه بيتكلم رحت دخلتله وكان لسه بيتكلم وبيشاورلى
5 دقايق كمان...ابتسمت له ابتسامة صفرا وقلتله طيب وقعدت جنبه
طبعا ال5دقايق بقوا دقيقة لما انا قعدت وقفل بسرعة وانتبه لى
http://shbab7.com/image/1378768377_483.gif
"خير ياماما..فى حاجة؟؟؟"
"ايوه انا متكلمتش معاك انت ناوى تجيب شبكة بكام ولا سايبها مفتوحة
و ايه نظامك بالظبط"
"ياماما مش عارف هو المفروض نحدد ولا نسيبها مفتوحة...انا قلتلها ان اللى
هى عايزاه هجيبهولها"
"يعنى ايه يابنى هو انت مليونير علشان تسيب الحكاية كده...مينفعش لازم
تحدد معاها مبلغ معين حد اقصى علشان منتحرجش واحنا بنشترى"
"يعنى كام ياماما مثلا انا مش عارف؟؟"
http://shbab7.com/image/1378768377_483.gif
"بص يعنى فى اسعار الدهب اللى احنا فيها دى من 8 ل10الاف حلو اوى
وكفاية ومعقول جدا"
"طيب ياماما"
"يالا كلمها واتفق معاها علشان نبقى على نور قبل ماننزل"
قمت وسيبته يتكلم براحته
نزلنا انا واحمد واسماء وعدينا عليهم واخناها هى ومامتها وروحنا عند
المحل اللى بتعامل معاه..طبعا صاحب المحل رحب بينا جدااااا وقعد
يفرجنا على احلى الحاجات اللى عنده...كل مايعرض علينا حاجة ندى
تقول مش حلوة...مش عاجبانى...ذوقها مش مناسبنى
وفجأة قامت وقفت وقالت
"انا مش عاجبنى حاجة هنا ممكن نروح محل تانى"
انا صدمت من الحركة...بجاحة منها انها تحرجنى
فرديت عليها"ليه هنا ماله ماكل حاجتى وحاجة اسماء من هنا وطول
عمر المحل بيجيب احسن حاجة"
فصاحب المحل بادرنا بالكلام
http://shbab7.com/image/1378768377_483.gif
"يا مدام ايمان مفيش مشكلة اتفرجوا فى محلات تانية احنا تحت امر عروستنا"
ولقيت احمد واسماء بيقولولى
"معلش ياماما دى شبكتها وسيبيها تنقيها براحتها وعلى ذوقها"
قمت مضطرة وقلت انا هلتزم الصمت خالص وبلاها حرق دم وانا ضغطى
عالى ومش ناقصة البت دى تعلى لى الضغط اكتر
قعدوا يتفرجوا وينقوا ده ويوزنوا ده...واستقرت على دبلة وتوينز واسورة
وخاتم وسلسلة...انا ساكتة بس لما سمعت16الف جنيه
http://shbab7.com/image/1378768377_483.gif
"ايه ده لالالالا ده كتير واحنا متفقناش على كده"
وبصيت لاحمد وقلت له
"انت مش اتفقت معاها تنقى فى حدود امكانياتك"
البنت لقيتها قعدت تعيط وتقوله
" خلاص مش مهم حاجة خالص...كفاية دبلة منك انا راضية"
والاهبل لقيته قعد يقولها متزعليش ويراضيها وامها واقفة ولا بتنطق زى
قلتها لا بتهش ولا بتنش واسماء تقوللى ياماما بلاش احراج قدام الناس...
وانا عمالة افكر دى ابتديتها بدموع التماسيح وابن ال.....مصدق الحركات
دى...وجهت له كلامى
http://shbab7.com/image/1378768377_483.gif
"انت معاك فلوس تجيب "
"ايوه ياماما انا معايا زيادة وعامل حسابى"
"طيب لما معاك زيادة جيب هدية لاختك بمناسبة الشبكة اللى جبتها"
"وماله ياماما...تعالى يااسماء شوفى انتى عايزة ايه"
لقيت اللى كانت بتعيط وعاملة مسكينة وراضية بدبلة سكتت وعينيها بقوا
مفنجلين ومبرقين وباين عليها الغيظ مش عارفة من ايه
قعدت اسماء تقول لاحمد مش مهم انت لسه قدامك مصاريف وانا عندى كتير...
لقيت التانية بتقوله
"معاها حق لسه قدامنا مصاريف كتير"
شخطت فى اسماء ..ولا كانى سمعت
http://shbab7.com/image/1378768377_483.gif
حاجة..وقلتلها نقى ليكى حاجة هدية من اخوكى...ودفع احمد الفلوس كلها
بعد ماجاب لاخته خاتم وولقيت احمد بيوصلنا الاول وبيقوللى انا
هروح اوصلهم ياماما واجى...والكونتيسة اخده علبة الشبكة فى حضنها...
قمت بكل برود مصطنع قلت له وماله ياحبيبى...هاتى ياندى الشبكة علشان
حماكى يشوفها وهنبقى نجيبهالك تلبسيها قدام الناس فى كتب الكتاب.
ايام عمري
01-18-2015, 04:59 PM
يوميات حماة الحلقة 8
http://im74.gulfup.com/IZefPK.gif (http://www.gulfup.com/?h2ExlO)
رجعت البيت وانا بصراحة متغاظة اوى من الحركات اللى عملتها ندى بس اللى
هدانى انى حسيت انها اتغاظت زى ما غاظتنى...وقعدت انا وجوزى واسماء
نتفرج على الشبكة واحكى لجوزى اللى حصل وقلتلهم ان الكام يوم اللى فاتوا
دول كانوا مليانين احداث وكلها على اعصابى حتى احمد بقاله اسبوع
وملحقتش اقعد معاه خالص...قالولى لسه كتير على الشهرين مايخلصوا
وقعدنا شوية ودخلت نمت قبل ماييجى.
تانى يوم احمد كان قاعد فى البيت ومخرجش بقيت فرحانة بيه اووووى وكل
شوية قاعدة اهزر معاه بس حسيته متغير مش بيضحك كعادته...والغريب
بقى ان التليفون مش على ودنه طول النهار زى اليومين اللى فاتوا...فى قرارة
نفسى استريحت انى قاعدة مع ابنى من غير ماحد ياخده منى...بس حاسة
بحاجة مريبة شكله متضايق وقاعد مع باباه وبيتكلموا وكل ماادخل
عليهم يسكتوا؟؟؟!!!!
http://im74.gulfup.com/IZefPK.gif (http://www.gulfup.com/?h2ExlO)
ونزل احمد اخر النهار شوية وبعد مانزل لقيت تليفونه فى البيت؟؟؟
قلت معقول نسى الموبايل؟؟ببص لقيت التليفون مقفول قلت يمكن فاصل
شحن وسابه علشان كده"يعنى طول النهار مشحنوش ليه"مش عارفة قلت
افتحه واحطه فى الشاحن...لقيته مشحون ع الاخر..استغربت شوية..قبل ماألحق
استغرب ولا افكر لقيت الموبايل بيرن فى ايدى اتخضيت ورديت قبل مااقرا
مين المتصل
http://im74.gulfup.com/IZefPK.gif (http://www.gulfup.com/?h2ExlO)
سمعت صوت عياط وصوت بيقول...
"متزعلش منى يااحمد انا اسفة"
"مين معايا...ندى؟؟؟"
"ايوه ياطنط...هو احمد مش عايز يرد عليه؟؟"
"لا يابنتى احمد مش موجود...مالك؟؟"
"مفيش..بس لو سمحتى لو جنبك خليه يكلمنى"
البت بتكدبنى!!!
"يابنتى قلتلك نزل"
"طيب ياطنط ممكن لما ييجى تقوليله يرد عليه"
"حاضر هاقوله"
قفلت معاها ومنكرش ان فيه فرحة اتسربت الى نغاشيش قلبى وحسيت
ان ابنى راجل وبياخد مواقف..بعد ماكان مش راكز اليومين اللى فاتوا ومش
على بعضه...وفرحت كمان انها متنكدة زى مانكدت عليه اليومين اللى
فاتوا وحرقت دمى
بس ياترى ايه اللى حصل ويقلب الواد 360درجة كده؟؟؟؟
http://im74.gulfup.com/IZefPK.gif (http://www.gulfup.com/?h2ExlO)
طبعا جريت على اسماء وسألتها...
"اخوكى متخانق مع خطيبته"
"ايه ياماما يااروبة عرفتى منين"
"احترمى نفسك يا بت انتى وقوليلى مالهم وايه اللى حصل"
"معرفش حاجة"
"انتى هتستعبطى يا سر اخوكى...انطقى انتى اكيد عارفة"
http://im74.gulfup.com/IZefPK.gif (http://www.gulfup.com/?h2ExlO)
"بصى ياماما اسأليه هو احسن او اسألى بابا ...انا مش هقول حاجة"
"ياسلاااااااااام هو الموضوع معروف للبيت كله وانا قاعدة طرطورة ومحدش
عاملى قيمة...انا مش هستنى لما ييجوا من بره...اخلصى واحكى"
"بصى انا هقولك عناوين من غير تفاصيل والتفاصيل ياستى خديها من صاحب الشأن"
"قووووووووووولى زهقتينى"
"بصى ياماما الموضوع ذو شقين...بس قبل اى حاجة لازم تعرفى ان احمد
متضايق جدا لانه شكله حبها "
http://im74.gulfup.com/IZefPK.gif (http://www.gulfup.com/?h2ExlO)
"حبها فى يومين...حب اخر زمن"
"هتقاطعينى وتتريقى مش هكمل"
"اتكلمى يا ست الناظرة يا اللى بتدى امك اوامر"
"الشق الاول انها اتضايقت انه جابلى خاتم وقعدت تقوله جبت لها من شبكتى "
"ليه كان من فلوس امها ولا من جيب ابوها"
"ابوووووها...نيجى بقى لابوها...امبارح وهو عندهم قاله اقرا القايمة دى علشان
تمضى عليها قبل كتب الكتاب"
"قايمة ايه دى"
"وده نفس السؤال اللى احمد سأله...وقاله قايمة ايه هو احنا لسه جبنا حاجة"
"يسلم لسان ابنى اسم الله عليه"
"برضه هتقاطعينى؟؟"
http://im74.gulfup.com/IZefPK.gif (http://www.gulfup.com/?h2ExlO)
طبعا اديتها زغدة فى كتفها وقلتلها" كملى"
"بصى ياماما لما ابنك اسم الله عليه سأله....قاله علشان اضمن حق بنتى
هنعمل قايمة صورية ب30الف جنيه ولما نجيب العفش نبقى نعمل قايمة
تانية بالعفش الحقيقى ونقطع دى"
"ايه ده يابنتى هما دول كده ناس طبيعيين"
"ماهما اتخانقوا شكلها يعنى لبخت فى الكلام بس مش عارفة هى قالتله
ايه مخليه مش طايقها للدرجة دى"
"الجوازة دى شكلها مش نافعة"
ايام عمري
01-18-2015, 05:03 PM
يوميات حماة الحلقة 9
http://im46.gulfup.com/Npl3ze.gif (http://www.gulfup.com/?PsnAQm)
وانا لسه بتكلم مع اسماء رن تليفون البيت ولقيت اللى بتتصل سناء
زميلتى"خالة ندى"لقيتها بتقولى...
"ازيك ياايمان عاملة ايه؟؟"
"الحمدلله ياسناء ...اهو عايشين فى نكد بسبب الخطوبة السعيدة"
"بصى قبل ماتتكلمى فى اى حاجة ممكن تستقبلينا عندك "
انا اتفاجأت بالزيارة...وبصيغة الجمع اللى بتتكلم بيها
"اهلا وسهلا بس تقصدى مين جاى؟؟"
"انا واختى وندى ومش هنتكلم فى حاجة الا لما نيجى"
http://im46.gulfup.com/Npl3ze.gif (http://www.gulfup.com/?PsnAQm)
"اهلا وسهلا فى انتظاركم"
قمت قلت لاسماء على المكالمة وقلتلها غريبة اوى الحكاية دى
ياترى جايين ليه؟؟؟
قالتلى"ياماما كلها شوية وهنعرف بس لو كان احمد معاه تليفونه كنا
كلمناه يبقى موجود"
"معاكى حق...اما نشوف الجاية دى وراها ايه"
شوية والزوار وصلوا...ندى ومامتها وخالتها سناء
لقيت ندى بتترمى فى حضنى وبتعيط وبتقوللى
"انا اسفة ياماما...متزعليش منى وقوللى لاحمد مايزعلش منى"
"وانا ازعل منك ليه؟؟انا اصلا معرفتش ان حصل حاجة بينكم الا لما انتى
اتصلتى من شوية"
لقيت البنت استغربت واتلعثمت
"يعنى احمد محاكاش حاجة"
قامت ام لسان زالف قالتلها
http://im46.gulfup.com/Npl3ze.gif (http://www.gulfup.com/?PsnAQm)
"احمد ماحاكاش لماما حاجة بس هو قاللى على حكاية القايمة وانا
قلتلها بعد اتصالك"
طبعا واضح من كلامها ان الموضوع اكبر من القايمة وكانت فاكرانى عارفة...
واللى غايظنى فى الموضوع كله ان امها مش بتتكلم الا كلام بسيط كده
وبخوف بمعنى اصح مالهاش شخصية جنب بنتها...لقيت البنت بتكمل
"ياماما بعد مااحمد نزل انا اتخانقت مع بابا ازاى يطلب كده من احمد وقلتله
انى راضية باحمد من غير اى حاجة"
بتقولى ماما ومن شوية كنت طنط...وماله...انا كنت ظالمة البنت دى ولا ايه؟؟؟
اهى شارية ابنى وبتحبه وانا هعوز ايه اكتر من كده
"طيب ياندى خلاص يابنتى حصل خير وانا لمااحمد ييجى هكلمه ان ينسى
كلام باباكى ويعتبره محصلش"
http://im46.gulfup.com/Npl3ze.gif (http://www.gulfup.com/?PsnAQm)
لسه مخلصتش لقيت احمد داخل من باب الشقة واتفاجئ بوجودهم وقال
السلام عليكم ودخل اوضته
لقيت ندى بتقولى "ممكن ياماما ادخل لاحمد اتكلم معاه وتيجى معايا
تقوليله كلمتين"
"تعالى"
دخلت لاحمد الاوضة ولسه هيقوللى ايه اللى جابهم...لقى ندى ورايا
وقلتله"ندى جاية تعتذر عن كلام باباها وهو خلاص شال موضوع القايمة
من دماغه"
"وكلامها هى؟؟؟"
"كلام ايه؟؟"
http://im46.gulfup.com/Npl3ze.gif (http://www.gulfup.com/?PsnAQm)
لقيت ندى جريت على احمد وطبطبت عليه
"خلاص بقى يااحمد انا اسفة وجيت اعتذرت لماما وبعتذر لك كمان...حصل خير
وميبقاش قلبك اسود كده"
لقيته ضحك وحسيت الفرحة على وشه ففرحت لفرحتهم
وقلتله قوم بقى علشان تسلم على حماتك واختها وبكرة تنزل تحجز مكان
كتب الكتاب علشان تلحقوا تجهزوا ونلحق نعزم الناس.
وقفلت الموضوع خالص ومتكلمتش فيه
تانى يوم حجز بعد 5ايام والايام كانت مليانة يدوب كل يوم بينزل هو وندى
يشوفوا لبسهم ويحجزوا الاستوديو ويعزموا معارفهم وانا كمان يدوب انا
واسماء بقينا ننزل نشوف فستان لاسماء وحجزت الكوافير هى
وندى واعزم معارفى.....خلاااااااااااااااص بكرة كتب الكتاب
ايام عمري
01-18-2015, 05:06 PM
يوميات حماة الحلقة 10
http://im83.gulfup.com/FjeBmB.gif (http://www.gulfup.com/?Xgzwkg)
انا فرحانة اوى بابنى طالع عريس ماشاءالله زى القمر وعروسته كمان
طالعة حلوة اوى...واسماء بنتى طبعا قمرين مغطية على العروسة..
.اليوم كان خفيف وعدى بكل فرحة وهدوء وسعادة على الكل...وبعد كتب
الكتاب احمد اخد ندى وعزمها على العشا وانا روحت انا واسماء...ويوسف
جوزى قال رايح لاصحابه شوية"كالعادة يعنى مش من هواة البيت"
قعدنا نرغى انا واسماء لحد احمد ماجه وبعدين يوسف وقعدنا نضحك ونهزر
ونمت وانا مبسوطة الحمدلله
تانى يوم بالليل بعد مااحمد جه من عند ندى لقيته ندهلى انا واسماء وقاللى
"اسماء جالها عريس"
ردت اسماء"مين وفين وازاى احكى بسرعة"
"اتلمى يابت...عريس مين ده يااحمد...مش عايزة فضايح زى المرة اللى فاتت"
قعدت اسماء تضحك وتقول لاحمد
"ياااااااه يااحمد لو كنت موجود وشفت ماما عملت ايه فى العريس"
http://im83.gulfup.com/FjeBmB.gif (http://www.gulfup.com/?Xgzwkg)
طبعا افتكرت الموقف هو عدى عليه مايقرب من سنة بس مش ممكن انسى
اليوم ده وقعدت اضحك وحكينا لاحمد اللى حصل
...(الموقف فى البوست بعنوان عريس 1)...
"قولنا يااحمد مين العريس ده وشاف اختك فين وازاى"
"بصى ياماما ده يبقى جار ندى وشاف اسماء امبارح فى كتب الكتاب
وانا قاعد عند ندى النهاردة..مامته جاتلهم علشان تسأل عن اسماء وان كانت
مخطوبة ولا لأ ...وطبعا مكنتش تعرف انى موجود ولما شافتنى قالتلى اتفق
معاكم انه ييجى يتقدم"
http://im83.gulfup.com/FjeBmB.gif (http://www.gulfup.com/?Xgzwkg)
ردت اسماء بسرعة
"مين اللى يتقدم يابنى...انا اصلا معرفش شكله ايه ولا اسمه ولا اى حاجة عنه"
فاقترحت انا"بص يااحمد احنا نعمل زى ماعملنا معاك انت وندى...نقابله بره
هو ومامته ونشوف ظروفه ايه و لو حصل قبول نبقى نسأل عليه ونشوف"
ردت اسماء "صح ياماما انا معاكى...طيب وبابا"
"ماله ابوكى"
"هيوافق اننا نقابله يعنى"
"اه طبعا...مش ده العادى...وبعدين الحاجات دى بتاعة الستات دور الرجالة
مش دلوقتى"
لقيت احمد بينتبه
http://im83.gulfup.com/FjeBmB.gif (http://www.gulfup.com/?Xgzwkg)
"ايه ياحاجة خلى بالك من كلامك...انا قاعد معاكم"
ضحكنا وقلت له لو سألوك تانى حدد معاهم معاد على كمان 3 او 4 ايام كده لازم
نتقل شوية مش سلق بيض
وفعلا تانى يوم كانت ام العريس بتسأل ام ندى عن ميعاد وكنا يوم الجمعة فحددنا
معاهم ميعاد على يوم الاثنين اللى بعده نتقابل فى نفس المكان اللى اتقابلوا
فيه احمد وندى
وجه اليوم روحت انا واسماء والعريس ومامته وقابلناهم
http://im83.gulfup.com/FjeBmB.gif (http://www.gulfup.com/?Xgzwkg)
انطباعى الاول لقيت شاب شكله عادى ومظهره وشكله محترم ومامته كمان
شكلها ست طيبة
تبادلنا الحديث...اسمه سمير عنده26 سنة بيشتغل فى شركة مقاولات
ولما سألته
"انت مهندس؟؟"
"لا انا بشتغل فى المكتب فى اعمال ادارية"
وكمل"انا ظروفى على قدى شوية والدى توفى من سنة ولينا ارض فى البلد
يعنى لو بعت نصيبى هقدر اجيب الشقة وافرشها فى المعقول"
وقلتله"بص ياسمير احنا مش بنبص للمظاهر قد مااحنا عايزين حد يتقى الله فى
بنتنا ويعاملها كويس ويقدر يفتح بيته بمال حلال"
"يا حاجة انا الحمد لله دخلى شهرى معقول واقدر اصرف على بيت"
http://im83.gulfup.com/FjeBmB.gif (http://www.gulfup.com/?Xgzwkg)
"طيب خير...انتوا بقى اتكلموا شويه مع بعض وانا هقعد مع الحاجة نتكلم
شويه واللى فيه الخير يقدمه ربنا"
قعدوا مع بعض حوالى ساعة واتفقنا اننا هناخد فرصة للسؤال وبعدين باباها يحدد ميعاد ييجوا فيه
البيت وقمنا روحنا...لما رجعت البيت حكيت لاحمد ويوسف على المقابلة وقلتلهم انى مرتاحة له
واسماء كمان قالت انها مبدئيا مرتحالة ...وقالتلى انه طلب منها رقم الموبايل وهى اديتهوله...قلت له
ا مفيش مانع حتى تتعرفوا على بعض...وقلت ليوسف يسأل على الولد كويس علشان هما مستنيين مننا رد بالميعاد.
ايام عمري
01-18-2015, 05:12 PM
يوميات حماة الحلقة 11
http://www.sheekh-3arb.net/islam/Library/img/3ater/div/147.gif (http://www.crezeman.com/vb/t119477.html)
بعد مقابلة سمير ومامته...قلت ليوسف ولاحمد لازم يسألوا عليه وعلى
اخلاقه وسمعته اهم حاجة...احمد طبعا سأل ندى وطمنوه انهم جيران
بقالهم سنين كتير والكل يشهد بأدبه...ويوسف راح سأل فى الشركة اللى
بيشتغل فيها والنتيجة ان الكل بيشكر فى اخلاقه.
http://www.sheekh-3arb.net/islam/Library/img/3ater/div/147.gif (http://www.crezeman.com/vb/t119477.html)
فى نفس الاثناء دى كانت خلصت اجازة نص السنة واسماء رجعت كليتها...
وكان الولد بيسأل عليها كل يوم ويكلمنى يسأل عليه وكان فى منتهى الذوق
وكل شوية يسألنى ييجى يقابل يوسف امتى؟؟
لما لقيت الحكاية كده وكل البشائر تؤكد اخلاقه العالية...اتفقت مع يوسف
انه يحدد ميعاد قبل مااحمد يسافر"فاضل10ايام واجازة احمد تخلص ويسافر"
وطبعا من ساعة كتب الكتاب وهو ينزل هو وندى يوميا فسح وخروج ويرجعلى
على النوم بالليل"...مش فايقة لهم...
http://www.sheekh-3arb.net/islam/Library/img/3ater/div/147.gif (http://www.crezeman.com/vb/t119477.html)
المهم تم تحديد اليوم وكنا مستعدين للاستقبال...و..وصلوا البيت
انا فتحت الباب "اهلا وسهلا اتفضلى يا حاجة...اتفضل ياسمير"
دخلت الحاجة ووقفت تسلم على يوسف ووقفوا الاتنين متسمرين قدام بعض..
وسلموا على بعض بكل ود
http://www.sheekh-3arb.net/islam/Library/img/3ater/div/147.gif (http://www.crezeman.com/vb/t119477.html)
"ازيك ياحنان"
"ازيك يا يوسف"
وانا بكل بشاشة
"ايه ده انتوا تعرفوا بعض؟؟"
رد يوسف وقال
"طبعا...حنان كانت جارة خالتى زمان قبل ماتتجوز"
رديت"اهلا وسهلا اتفضلوا"
http://www.sheekh-3arb.net/islam/Library/img/3ater/div/147.gif (http://www.crezeman.com/vb/t119477.html)
دخلوا وقعدوا وسرحت انا بالذاكرة ورجعت لوراااااا...معقول دى حنان اللى يوسف
حكالى عنها وكان بيحبها وخطبها زمان قبل مايعرفنى...ياما حكالى عنها انهم
كانوا بيحبوا بعض واتخطبوا وف مشكلة بين ابوه وابوها حصل عند وكل اب
صمم يفسخ الخطوبة...وبعد كده بفترة اتجوزت وهو اتعرف عليه وحبينا بعض
واتجوزنا...دلوقتى جوزها مات معقول يتقابلوا بالصدفة دى ...وبعدين ...وانا غرقانة
فى الاسئلة...كانوا بيتبادلوا الحديث عامة يوسف وحنان واحمد وسميروقالولى
اندهى العروسة
قمت ناديت على اسماء...وكانت فرحانة والكل فرحان...وانا سرحانة...الغيرة دبت
فى قلبى معرفش ليه بس اهى غيرة وخلاص مش ده جوزى ومن حقى اغير عليه
من الست اللى كان بيحبها...اتكلموا ويوسف مرحب جداااا بكل كلامهم وانا
يدوب ابتسم واهز راسى وارد بكلام قليل...ماشى..ان شاءالله...ربنا يسهل...
واتفقوا ان يتم قراءة الفاتحة ويلبسوا الدبل اما الشبكة تكون بعد ماتخلص كليتها
لان كل اللى فاضل التيرم التانى وتتخرج ان شاءالله.
http://www.sheekh-3arb.net/islam/Library/img/3ater/div/147.gif (http://www.crezeman.com/vb/t119477.html)
البيت كله كان فرحان بالخطوبة وانا منكرش انى حبيت الولد وارتحت له
بس دماغى مبطلتش تفكير...ياترى ممكن يوسف يحن للماضى ويرجع
لحبه القديم؟؟؟ولو حصل هعمل ايه؟؟ وازاى هقدر اتعامل معاها وانا جوايا
الشك ده...دى هتبقى حماة بنتى يعنى هنتجمع فى مناسبات كتير ومش
هقدر ابعد جوزى عنها فى المناسبات الاجتماعية اللى هتجمعنا.
http://www.sheekh-3arb.net/islam/Library/img/3ater/div/147.gif (http://www.crezeman.com/vb/t119477.html)
عدت الايام واحمد سافر واسماء بقت مشغولة بكليتها ومذاكرتها وخطيبها ويوسف كعادته من الشغل
لاصحابه ع القهوة...وانا كل شوية بغرق فى غيرتى وشكى...ومقدرش اصرح باحساسى ده كرامتى
متتحملش انى اقوله انى بشك فيه...وطول مدة جوازنا واحناعايشين فى ثقة متبادلة...لحد ماقررت
انى اقطع الشك باليقين واراقب تصرفاته واشوف موبايله وكل حاجة تخصه يمكن ارتاح.
ايام عمري
01-18-2015, 05:16 PM
يوميات حماة الحلقة 12
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
بعد ماقررت انى اركز مع تصرفات يوسف شوية...وكنت مكسوفة من مجرد شكى
فيه...بس كان لازم ارتاح قلت اول حاجة اشوف تصرفاته مع حنان بس لقيت
الامور ماشية عادية ودورت فى تليفونه على رقمها...ملقيتوش...اطمنت شوية
على الاقل من ناحيتها
بس حسيت ان ممكن يكون قاعد فى البيت وييجى تليفون على موبايله
بعدها على طول يقوم ينزل..ولما اسأله يقولى فلان عايزنى...فلان
عنده مشوار...وهكذا
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
حاولت اطرد الافكار من دماغى وحياتنا تمشى طبيعى...كل خميس بييجى
سمير عندنا البيت وكل جمعة ندى بتيجى تقضى طول اليوم معانا لحد بالليل
زى ماطلب منها احمد علشان تحس انها مننا وتاخد علينا وناخد عليها
حتى وهوغايب.
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
فى اكتر من مرة جالنا فيها سمير لاحظت انه بيتجنب الكلام فى المواضيع
العامة ومش بيقول راى محدد فى القضايا العامة...لو بنتفرج على التليفزيون
مش بيهتم بالاخبار ولا البرامج الحوارية...بصراحة استغربته وحسيت انه
سطحى وفى يوم اتكلمت مع اسماء وقلتلها احساسى ده...لقيتها هى
كمان مش عارفة تتناقش معاه فى حاجة ولو اتفتح موضوع عام يااما
بيسمعلها او يغير الموضوع!!!
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
فى يوم كان عندنا سألته"سمير انت مقلتليش انت شهادتك ايه؟؟"
اتفاجئ ورد"انا معايا دبلوم صنايع"
"دفعة كام؟؟"
"ممم ...ممم...مش فاكر"
مرتاحتش لكلامه وتانى يوم سألت ندى
"مش انتى وسمير جيران من زمان"
"ايوه ياماما...ليه"
"متعرفيش هو خريج ايه"
"ممم..ممم...مش فاكرة بس تقريبا بكالوريوس تجارة"
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
سكت وفى اليوم ده اتكلمت مع اسماء وسألتها
"انتى حبيتيه يااسماء"
"بصى ياماما مش حب بس هو طيب ومؤدب وانا حبيت حبه ليه...بس مش
بعرف اتكلم معاه فى حاجة مهمة"
بالليل بعد مايوسف جه وقبل ماينام اتكلمت معاه
"يوسف..انت لما سألت عن سمير فى الشركة اللى بيشتغل فيها سألت عن ايه؟؟؟"
"سالت عن اخلاقه وعن علاقاته باصحابه وان كان مثلا بيشرب حاجة كده ولا كده"
"طيب سألت هو شهادته ايه؟؟"
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
"لا مسألتش...حتى لو معاه شهادة متوسطة مش مهم يعنى"
"انا مقلتش حاجة بس انا عايزاك تسأل تانى عن شهادته"
"انتى بتقولى ايه؟؟ازاى"
"معلش خدنى على قد عقلى وروح اسأل عن شهادته وبيشتغل ايه بالضبط فى الشركة"
"حاضر بكرة ولا بعده اسأل...تصبحى على خ..."
رن موبايله...
"الو...ايوه ...لالالا...طيب ...انا جاى"
"مين اللى كلمك"
"واحد صاحبى تعبان ورايح له"
"انت مش كنت هتنام؟"
اتنرفز وزعق"قلتلك واحد تعبان...ايوه نازل"
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
قعدت طول الليل دماغى رايحة جاية فى المكالمة..يعنى صاحبه ده مالوش قرايب؟؟؟ولاد؟؟؟جيران؟؟؟
تانى يوم بعد الغدا لقيت يوسف بيندهلى وهو مكشر
"انا روحت سألت فى الشركة عند سمير"
"هااااا...وبعدين"
"الولد معاه اعدادية وبيشتغل مشاويرجى فى الشركة...يعنى بمقام ساعى"
"يا مصيبتى!!!"
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
"اعتقد دلوقتى مفيش غير حل واحد"
"قبل الحل الواحد...يعنى الواد وامه خبوا علينا...والزفتة اللى اسمها ندى
دى كانت عارفة وسكتت....اسمااااااااااااااااااااء"
طبعا اسماء جت تجرى بعد الصوت الجهورى اللى طلع منى وحكيت لها على
الحكاية من اول شكى لحد تأكدى بعد السؤال عليه
وطبعا ايدت رأينا
http://www.sheekh-3arb.net/islam/Library/img/3ater/div/101.gif (http://www.crezeman.com/vb/t119477.html)
قلت ليوسف يقوم يتصل بيهم دلوقتى ويقوله مفيش نصيب ويبقى يبعتله
الدبلة بأى طريقة
الحمدلله اننا اكتشفنا الحقيقة دى بدرى وكمان ارتحت من شكى ان جوزى
يحن لماضيه وحبه القديم...كده خلاص مش هيبقى فيه تعامل بينه وبين حنان
لسه بقى ندى ...ازاى تخبى عليه وتتآمر على بنتى ...لازم احمد يعرف.
ايام عمري
01-18-2015, 05:20 PM
يوميات حماة الحلقة13
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
اتصلت باحمد وحكيت له الحكاية وقاللى
"ياماما اهدى بس ممكن تكون مكنتش تعرف"
"يابنى ازاى مكنتش تعرف انا لما سألتها قالت مش فاكرة مش قالت مش عارفة"
"معلش ياماما مش اهم حاجة اننا عرفنا الحقيقة بدرى...معلش ياماما مش
هعرف اكمل كلامى معاكى دلوقتى علشان انا فى الشغل"
حسيت ان الواد كلامه ببرود ولا كأن حاجة حصلت وانا جوايا ناااااااار منها
روحت متصلة بيها
"الو..ايوه يا ندى"
"ازيك ياماما عاملة ايه؟؟"
"زى الزفت"
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
"ليه بس خير..حصل ايه"
"فسخنا خطوبة اسماء يعنى انتى متعرفيش"
"امتى حصل الكلام ده وليه؟؟"
"لسه قبل مكلمك على طول عمك يوسف كلم سمير وفسخ الخطوبة...اما
ليه بقى ده لانه كداب واحنا مينفعش معانا الكدابين ولا اللى يساعدوهم فى كدبهم"
"مش فاهمة يعنى..كدب فى ايه؟"
"طلع معاهوش شهادة...يعنى انتى متعرفيش"
بتعيط"وانا هعرف منين"
"بقولك ايه...انا مش احمد انتى بتعيطى ليه دلوقتى"
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
"لانى كنت فرحانة لاسماء وقلت الحمدلله انها اتخطبت علشان متبقاش
متضايقة ولا غيرانة"
"مين دى اللى غيرانة..ليه هى قدك علشان تغير ..ثم انها مفيش مقارنة
بينها وبين اى حد تانى"
"طيب ياماما انا ذنبى ايه؟؟وانتى بتكلمينى بنرفزة وزعل ليه..معلش ربنا يعوضها
باحسن منه قريب"
"ان شاءالله طبعا هيجيلها احسن منه...انا بس مستغربة انك خبيتى عليه
حاجة زى كده"
"مكنتش اعرف مش عايزة تصدقينى ليه"
"طيب خلاص مع السلامة"
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
قفلت معاها وانا مش مصدقاها مش عارفة ليه؟؟؟وموضوع فسخ الخطوبة ده
شغلنى عن المكالمة الغريبة اللى جت ليوسف امبارح بالليل وقام نزل بعدها...
ببص حواليه لقيت اسماء فى اوضتها ويوسف فى الحمام...روحت بسرعة على
موبايل يوسف وجبت المكالمة من ميعادها لقيتها متسجلة باسم الحاج/سعد
كتبت الرقم بسرعة فى ورقة ولسه هدور على المكالمات الصادرة والواردة
لقيت يوسف خرج من الحمام سبت الموبايل وكان شئ لم يكن.
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
حكيت له على مكالمتى مع ندى قاللى
"والله ياايمان مش عارف اقولك ايه؟؟بلاش نظلمها يمكن متعرفش والبنت
مشفناش منها حاجة وحشة "
"بس انا حاسة انها بتكدب"
"لا انتى حاسة كده علشان انتى مقتنعة بكده"
"انت نازل؟؟"
"اه"
"رايح فين"
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
"نعم..من امتى بتسألينى يعنى ماانتى عارفة ياالقهوة ياالسوق بجيب طلبات البيت"
"طيب ..انا احتمال انزل انا واسماء شوية يعنى علشان لو متضايقة ولا حاجة"
"ماشى براحتكم"
بعد مانزل دخلت لاسماء لقيتها قاعدة ع الكمبيوتر بتكلم صاحبتها وقلتلها
لما تخلصى قومى ننزل شوية...وفعلا نزلنا قعدنا شوية فى كافيه وقعدت اتكلم
معاها لقيتها الحمدلله مش متضايقة اوى ومقتنعة بفسخ الخطوبة...ولما قعدنا
براحتنا اقترحت عليها نعدى على يوسف فى القهوة علشان يوصلنا
ونروح كلنا مع بعض.
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
روحت عند القهوة ملقيتش عربيته مركونة ولقيت ولد صغير قلت له يدخل
يسأل القهوجى ...طلع القهوجى وقاللى" انه مجاش النهاردة"
ركبنا تاكسى وع البيت وطول الطريق وانا بفكر ليه كدب عليه...وراح فين...
يعنى لولا موضوع حنان مكنتش اخدت بالى من تصرفات جوزى...التفت لاسماء
"متقوليش لابوكى اننا روحناله القهوة"
"ليه"
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
"علشان هو قاللى قبل كده متجيش عند القهوة ولو قلناله هيتخانق معايا وانا
مش عايزة مشاكل"
"حاضر ياماما"
لما وصلنا البيت لقيت يوسف جه قلت لنفسى الحمدلله علشان اسماء متاخدش
بالها من التناقض ده
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
اتعشينا ويوسف دخل ينام بعد مااتأكدت انه نام اتسحبت على موبايله
وفتشت فى سجل المكالمات...لقيت اغلب الصادرة والواردة من نفس الاسم
الحاج /سعد...وانا اعرف اغلب اصحابه مفيش فيهم حد اسمه سعد ...ده غير رقمى
ورقم اسماء دول المكررين يوميا...الشك ملا قلبى...فيه حاجة مش طبيعية
قلت اول حاجة اعملها اتصل على الرقم ده واشوف يمكن افهم حاجة...جبت
تليفونى ولسه هطلب الرقم...لقيته بيرن
"احمد ازيك ياحبيبى"
"حصل ايه ياماما مع ندى"
"قول ازيك ياامى قبل ماتقوللى حصل ايه"
"ندى بكلمها لقيتها منهارة ومكنتش عايزة تقوللى فى ايه؟
http://www.sheekh-3arb.net/islam/Library/img/3ater/div/117.gif (http://www.crezeman.com/vb/t119477.html)
لقيت نفسى بزعق باعلى صوتى
"انا هلاقيها من مين ولا مين ندى دى ايه ...دى بقت عيشة تقرف"
وقفلت فى وشه السكة وانا بعيط بحرقة.
ايام عمري
01-18-2015, 05:25 PM
يوميات حماة الحلقة 14
http://www.sheekh-3arb.net/islam/Library/img/3ater/div/169.gif (http://www.crezeman.com/vb/t119477.html)
قام يوسف من نومه على صوتى وجت اسماء تجرى واحمد بيتصل تانى
وكل ده وانا منهارة وبعيط بحرقة...منها من ابنى اللى بينصف مراته عليه
وبيحاسبنى على كلامى ليها...ومنها من حرقة قلبى وخوفى ليكون جوزى
بيعرف واحدة تانية
بس انا ليه بشك فيه مش يمكن بيتهيألى؟؟؟بدأت اهدأ شوية ورديت
على احمد
"ياماما متزعليش بس انا مش عارف انتى مش طايقة ندى ليه"
"من تصرفاتها"
"هى عملت ايه بس؟؟"
http://www.sheekh-3arb.net/islam/Library/img/3ater/div/169.gif (http://www.crezeman.com/vb/t119477.html)
"بص يااحمد انا مش مصدقة انها متعرفش ..عموما خلاص وبكرة الايام تثبت
لكم انى صح"
"معلش ياماما حقك عليه وانا هخليها برضه تيجى يوم الجمعة زى
ماهى متعودة"
"لالالا سيبها مش مهم تيجى"
"يبقى انتى لسه زعلانة منها "
"لازعلانة ولا فرحانة عايزة تيجى تيجى هو انا هطردها يعنى"
بعد ماقفلت مع احمد قعد يوسف يقوللى انتى مكبرة الموضوع كده ليه
شيلى البنت من دماغك شوية ودخل نام
وانا الصبح فى الشغل قلت كفاية بقى لازم اقطع الشك باليقين واتصل بالرقم
اياه وقلت اول مايرد هقول اى اسم وكأن الرقم غلط
وانا بطلب الارقام كنت حاسة ان ايدى بتترعش وقلبى هيقف...صوت
جرس...الخط اتفتح.....صوت ...صوت...صوت واحدة...مقدرتش انطق ولا كلمة
قفلت الخط بسرعة ولقيت الدموع شلالات بتجرى من عينى...ولقيت كل اللى
حواليه...مالك..حصل ايه...بتعيطى ليه...قلت لهم تعبانة وقايمة اروح البيت.
http://www.sheekh-3arb.net/islam/Library/img/3ater/div/169.gif (http://www.crezeman.com/vb/t119477.html)
دخلت اوضتى وعملت نفسى نايمة اول ماسمعت صوت يوسف وهو جاى
من الشغل...وطبعا استغرب لما لقانى نايمة
"ايمان..ايمان اصحى"
"نعم"
"انتى جيتى من الشغل امتى"
"انا هنا من الساعة 11"
"ليه فى ايه؟؟"
http://www.sheekh-3arb.net/islam/Library/img/3ater/div/169.gif (http://www.crezeman.com/vb/t119477.html)
"مفيش حسيت انى تعبانة قلت اجى ارتاح...وعلى فكرة انا معملتش اكل
لما تيجى اسماء ابقوا اطلبوا اى حاجة ومتعملوش حسابى"
"طيب مااتصلتيش بيه ليه كنت جيت اخدتك...ومش مهم الاكل ارتاحى انتى
بس واحنا هنتصرف"
ياااااااااااه قد ايه حنين وطيب طول عمرك وقد ايه انا بحبك وعمرى ماخطر على
بالى انك تخوننى او تجرحنى الجرح ده
اعمل ايه؟؟اواجهه ؟؟؟اسكت؟؟اطلب الطلاق؟؟؟اعيش معاه وانا مش محترماه
بعد خيانته؟؟؟
http://www.sheekh-3arb.net/islam/Library/img/3ater/div/169.gif (http://www.crezeman.com/vb/t119477.html)
قطع تفكيرى وهو بيقوللى
"ايمان قومى اشربى العصير ده لحد الغدا"
"مش قادرة"
"علشان خاطرى اشربى بس وانا بحكيلك"
"تحكى ايه"
"انا قابلت سمير النهاردة واديته دبلته والولد كان ذوق وقالى.."
"قالك ايه؟"
"قاللى ان ندى..."
قلت بعصبية "كانت عارفة كل حاجة"
"لالا..ده قاللى ان ندى زعلت علشان فسخ الخطوبة"
حسيت انه بيكدب عليه علشان مايضايقنيش وغير الموضوع
"ده انا طلبت لك الجمبرى اللى بتحبيه...ربع ساعة وهيوصل"
"انت لسه بتحبنى؟؟"
رد بضحك"لا طبعا"
مقدرتش احوش دموعى
"انتى صدقتى ولا ايه؟؟ده انتى كل حاجة ربنا يخليكى لينا"
http://www.sheekh-3arb.net/islam/Library/img/3ater/div/169.gif (http://www.crezeman.com/vb/t119477.html)
مش عارفة جرعة الحب والحنان الزيادة دى سببها ايه؟؟؟ياترى بيدارى على
خيانته...اكيد كل الرجالة لما بتخون بتعامل ستاتها بحب زيادة
جه الاكل واسماء لما جت من الكلية ولقيتنى فى السرير اتخضت عليه بس
طمنتها انه هبوط عادى من ارهاق الشغل بس
وضغطوا عليه علشان اتغدى معاهم وكملت نوم او بمعنى اصح مثلت انى نايمة...
وفعلا غفلت شوية وقمت ادخل الحمام سمعت يوسف بيتكلم فى التليفون
فى البلكونة..قربت شوية شوية من غير مايحس بيه...سمعته بيقول
http://www.sheekh-3arb.net/islam/Library/img/3ater/div/169.gif (http://www.crezeman.com/vb/t119477.html)
"سمير قاللى ان ندى هى اللى قالتله ميقولش على موضوع الشهادة ده...
يعنى مامتك كانت معاها حق...شوف انت بقى خطيبتك ليه تعمل كده...
مامتك تعبانة وانا مش هقولها حاجة"
فهمت طبعا انه بيكلم احمد ومكنش عندى قدرة انى اتكلم فى
الموضوع ده...اللى فيه مكفينى...اتسحبت ورجعت من غير مايحس.
بعد المغرب بشوية حسيت بيوسف بيلبس ونازل...لقيت نفسى بدون وعى
قمت لبست فى اقل من دقيقة ونزلت وراه واخدت تاكسى ومشيت
وراه لحد ما وقف قدام عمارة...وطلع فيها...وانا طلعت وراه...شفته بيخبط
على باب شقة..اتفتح الباب ودخل...طلعت وراه وانا دموعى سابقانى
خبطت الباب....فتح لى الباب...وشفت واحدة ست جاية من جوه
وبتقوله مين ع الباب.
ايام عمري
01-18-2015, 06:25 PM
يوميات حماة الحلقة 15
http://www.sheekh-3arb.net/islam/Library/img/3ater/div/20.gif (http://www.crezeman.com/vb/t119477.html)
اول مايوسف فتح الباب..اتفاجئ
"ايمان؟؟جيتى هنا ازاى"
والتفت للست اللى جوه وهى بتقول مين ع الباب
"دى الحاجة ايمان مراتى"
الست "اهلا وسهلا اتفضلى"
دخلت وانا مش متوقعة الحوار اللى بسمعه والمفاجأة الاكبر انى لقيت واحدة
ست كبيرة فوق ال65سنة معرفتش اتكلم اقول ايه فسكت خالص وانا بفكر..
مين دى ممكن تكون....
لقيت يوسف بيسبق بالكلام
"الحاجة ايمان قالت انها عايزة تطمن ع الحاج سعد لما عرفت انه تعبان"
"اهلا بيها..اتفضلى ...ربنا يكرمك ويكرم الاستاذ يوسف ويخليلكوا ولادكوا يارب"
اخدونى على اوضة علشان اشوف الحاج سعد"وانا اصلا معرفش مين ده"...
فوجئت براجل عجوز نايم فى السرير ومتعلق له محاليل ويدوب عيونه مفتوحة
وبيبص بس وزى مايكون جثة
راحت الست جابت لى كرسى...ووجهت كلامها لجوزها
http://www.sheekh-3arb.net/islam/Library/img/3ater/div/20.gif (http://www.crezeman.com/vb/t119477.html)
"سعد..بص دى الحاجة ايمان مرات الاستاذ يوسف جاية تطمن عليك"
الراجل ولا اتحرك ولا عيونه حتى بصوا ناحيتى فاضطريت انى اتكلم
"سلامتك يا حاج...ربنا يشفيك ان شاءالله"
طبعا مردش عليه خالص...ولقيت مراته بتقول بتنهيدة
"يارب يشفيه"
لقيت يوسف بيقوللى
"ايمان تعالى بره لو سمحتى شوية...هنغير بس للحاج سعد وننزل"
http://www.sheekh-3arb.net/islam/Library/img/3ater/div/20.gif (http://www.crezeman.com/vb/t119477.html)
طلعت من الاوضة وانا مكسوفة من نفسى جداااااا...جوزى مكنش بيخوننى...
جوزى بيساعد مريض...انا هبص فى وشه تانى ازاى؟؟
اول مانزلنا وركبنا العربية لقيت يوسف بيقوللى
"والله كويس انك بقيتى كويسة وانا سايبك نايمة فى السرير"
"بتتريق عليه"
ضحك"انا فرحان انك كويسة بس مش عارف جيتى ازاى...ايه كنتى بتراقبينى"
http://www.sheekh-3arb.net/islam/Library/img/3ater/div/20.gif (http://www.crezeman.com/vb/t119477.html)
"انا اسفة...بس انا كنت هموت من الغيرة لما حسيت انك مخبى عليه حاجة...
واحنا عمرنا ماخبينا حاجة عن بعض...مين دول وتعرفهم منين"
"بصى يا ستى...الحاج سعد ده كان معايا فى الشغل زمااان وكانت معرفتى
بيه مجرد زمالة وخلاص...طلع على المعاش من 11 او 12 سنة تقريبا المهم
من سنة كده قابلته صدفة فى الشارع وسلمنا على بعض وحسيت انه
تعبان فعرضت عليه اوصله...واحنا فى الطريق قعد يحكيلى ان بعد المعاش
بفترة بدأت امراض الشيخوخة تصيبه وانه هو ومراته عايشين لوحدهم لانهم
مخلفوش وطبعا قرايبها وقرايبه كل واحد مشغول بحاله...فقلت له اعتبرنى
اخوك وانا هبقى دايما ازورك...وفعلا كنت بعدى عليه ساعات اخده معايا
القهوة شوية يغير جو او اروح اقعد معاه شوية وكنت كمان لما يكون تعبان
اروح اجيبلهم طلباتهم ومرضيتش اقولك علشان انا بعمل ده لوجه الله ومش
عايز حد يعرف...ومن شهر تقريبا...تعب زيادة ووديناه المستشفى وطلع عنده
جلطة فى المخ وبعد كام يوم الدكاترة قالوا انه ممكن يرجع البيت...ومن وقتها
وهو زى ماانتى شفتيه كده لا بيتحرك ولا بياكل ولا بيشرب احيانا بيتكلم
بسيط جدا ويرجع على حالته دى تانى...ومراته زى ماشفتيها ست كبيرة
متقدرش على خدمته لوحدها فانا بروح كل يوم مرتين اساعدها تغيرله هدومه
او نحميه او اجيب لها حاجة محتاجاها"
http://www.sheekh-3arb.net/islam/Library/img/3ater/div/20.gif (http://www.crezeman.com/vb/t119477.html)
"يااااااااااه ياحبيبى انا اسفة اوووووووى انى فكرت انك تعمل اى حاجة وحشة..
.سامحنى ياابو ولادى"
واخدت ايده وبوستها وقلت له
"ربنا يجازيك خير ويباركلك فى صحتك يارب"
لما رجعنا البيت لقيت اسماء بتقوللى
"انتى فين ياماما ده انا كنت نايمة صحيت على تليفون احمد وجيت ادور
عليكى ملقتكيش كنت هكلمك ع الموبايل"
يوسف"انا وماما نزلنا روحنا مشوار واهى بقت كويسة وزى الفل"
انا"ماله احمد؟؟مش هو دلوقتى بيبقى فى الشغل"
http://www.sheekh-3arb.net/islam/Library/img/3ater/div/20.gif (http://www.crezeman.com/vb/t119477.html)
"ياماما اصل انتى متعرفيييييييييييييييش"
"ايه فى ايه؟؟"
"انا هحكيلكوا علشان ماما هتفرح هههههههههههه"
"فرحينى ياختى"
"احمد اتخانق مع ندى خناقة كبييييييييييييييرة وقلها مش عايز اسمع صوتك تانى ولا انا ولا اهلى...تلاقيكى فرحانة ياحاجة"
"ليه ياقليلة الادب وانا ايه اللى يفرحنى لما ابنى يكون متضايق"
لقيت يوسف واسماء بيبصوا لبعض
يوسف"ياايمان انتى من اول يوم مش طايقاها"
"وانا مش طايقاها بتجنى عليها ولا من عمايلها...جاوبونى"
http://www.sheekh-3arb.net/islam/Library/img/3ater/div/20.gif (http://www.crezeman.com/vb/t119477.html)
لقيت يوسف بيقوللى"بصراحة انت
ى طلع معاكى حق فى موضوع سمير وانها كانت تعرف"
عدت الايام وانا مرتاحة ان ندى مش بتيجى...اصل مجيتها كانت تقيلة اوى
على قلبى...ومكنتش بجيب سيرتها فى مكالماتى لاحمد...وبعد اسبوعين
تقريبا لقيت احمد بيقوللى انها ندمانة وخلاص عرفت غلطتها ومش هتزعلنا
تانى ومعلش سامحيها
ورجعت الميه لمجاريها وبقت تيجى كل جمعة وعدت حياتنا طبيعية وانشغلنا
بامتحانات اسماء وفرحنا بنتيجتها وتخرجها
وقالت انها عايزة تقابل اصحابها بتوع الكلية ويخرجوا يوم مع بعض قبل ماكل
واحد فيهم ينشغل بحياته العملية
كنا يوم جمعة وندى عندنا وكان عندى واحدة بتنضف البيت لقيت
موبايلى بيرن
"ايوه يااسماء...مين معايا...مستشفى ايه...بنتى جرالها
اييييييييييييييييييييييييييييييييييييييييييييييييه"
جريت وانا بصرخ وقلت ليوسف وانا بعيط واصرخ اسماء خبطتها عربية
وهى فى المستشفى...وقلت لندى تخليها فى البيت مع الست
لحد مانشوف حصل ايه ونبقى نكلمها.
ايام عمري
01-18-2015, 07:07 PM
يوميات حماة الحلقة 16
http://www.sheekh-3arb.net/islam/Library/img/3ater/div/166.gif (http://www.crezeman.com/vb/t119477.html)
وصلنا المستشفى وانا ملهوفة ومرعوبة يكون بنتى حصلها حاجة لقيت هناك
اكتر من واحدة من صحباتها ولما سألتهم على اسماء
قالولى انهم بيعملوا لها اشعة وانها كويسة وان شاء الله خير لحظات ولقيت
اسماء مخرجينها من الاشعة جريت عليها وطمنتنى انها بخير وراح يوسف
يسأل الدكتور فقاله انهم عملوا اشعة على كل جسمها ليكون فى نزيف
داخلى والحمدلله انها بسيطة مجرد كسر فى رجلها وتقعد شهر فى
الجبس وتبقى كويسة.
ولما سألتها عن الحادثة حصلت ازاى
"متخافيش ياماما انا كنت بعدى الشارع واتكعبلت وقعت فجاة لقيت
تاكسى بيفرمل عليه"
"وفين صاحب التاكسى ده"
"موجود وهو اللى جابنى هنا"
طلعت اشوف هو فين لقيت يوسف واقف مع راجل كبير روحت
عليهم وهما بيتكلموا
"خلاص ياحاج حصل خير"
http://www.sheekh-3arb.net/islam/Library/img/3ater/div/166.gif (http://www.crezeman.com/vb/t119477.html)
"والله يااستاذ انا ماكان قصدى وبعدين كان اهم حاجة انها تبقى كويسة
انا عندى ولاد زيها ...ربنا يخليهالكوا...ولو عايز تعمل محضر انا تحت امرك
بس انا رزقى ورزق عيالى بالتاكسى ده ولو وقف هما مش هيلاقوا ياكلوا"
"لا ياحاج خلاص طالما هى كويسة...ربنا يباركلك ولا محضر ولا حاجة"
طبعا متكلمتش لانى حسيت ان الراجل غلبان فعلا وكان اهم حاجة نطمن
على اسماء...الدكتور قال اننا ممكن نروح اول ماالجبس ينشف يعنى
ساعتين ولا حاجة ونمشى.
كلمت ندى وطمنتها اننا شوية وجايين وهى قالتلى انها هتنزل اول
ماالست تخلص البيت.
بعد مارجعنا نيمت اسماء فى سريرها وكان الدكتور قايل لازم ترفع رجلها
على حاجة عالية...روحت جبت فرش من الدولاب اللى فى اوضة احمد
علشان تحط رجليها وتعليها
http://www.sheekh-3arb.net/islam/Library/img/3ater/div/166.gif (http://www.crezeman.com/vb/t119477.html)
وانا بفتح الدولاب حسيت انه فيه حاجة ناقصة..بس ده دولاب البطاطين
الحاجات واللى مش بنستعملها دايما...قعدت اركز واحاول افتكر ايه ناقص؟؟؟؟
كرتونة اللاب توب الجديد بتاعة احمد مش موجودة...تكون الست اللى بتنضف
سرقتها؟؟؟اكيد..بس هتشيل الكرتونة قدام ندى وتمشى بيها ازاى؟؟؟
قلت ليوسف قاللى يمكن ندى نزلت قبلها؟؟حطيت الحاجة لاسماء
واتطمنت عليها وروحت اتصل بندى
"الو..ازيك ياندى"
"الحمدلله...طمنينى ياماما اسماء عاملة ايه"
"الحمدلله كويسة...بس قوليلى انتى مشيتى وسبتى ام سيد لوحدها"
http://www.sheekh-3arb.net/islam/Library/img/3ater/div/166.gif (http://www.crezeman.com/vb/t119477.html)
"لا ياماما هى مشيت وانا قفلت وراها ونزلت...ليه"
"تصدقى مش لاقية كرتونة اللاب توب الجديد..يعنى اتسرقت من البيت
ازاى؟؟حاجة غريبة"
"مفيش حاجة اتسرقت...انا اخدتها"
"نعم...بتقولى ايه؟"
"بقول اخدتها حصل ايه"
طبعا لقيت نفسى بزعق ومتنرفزة جدااا
"يعنى ايه حصل ايه...يعنى انتى سرقتيها"
"ايه سرقتها دى...حاجة بتاعة جوزى وخدتها..فيها ايه"
"فيها انك خدتيها من بيتى بدون استئذان...وجوزك ده لما تبقى فى بيته
برضه متخديش حاجة من بيتى بدون استئذان منى"
"والله دى حاجة جوزى يعنى حاجتى...وانا مغلطتش فى حاجة"
"غلطتى ياحرامية وبيتى ده مانتيش داخلاه تاني يا واطية"
http://www.sheekh-3arb.net/islam/Library/img/3ater/div/166.gif (http://www.crezeman.com/vb/t119477.html)
"ايه ده ايه ده...انتى بيئة وهتردحيلى"
"اردحلك ايه يا سافلة...والله العظيم ماتدخلى بيتى تانى ولا اعرفك ولا تبقى
على ذمة ابنى بعد كده"
"لااااا احمد بيحبنى ومش انتى اللى تقوليله يسيبنى"
طبعا يوسف كان جه ولما شاف مستوى الحوار شد منى السماعة وقفل السكة
"انتى بتشتميها كده ليه"
"الحرامية بنت ال...هى اللى سرقت اللاب توب وبتقولى حاجة جوزى..
.والله ماياخدها ابدا"
"اهدى ياايمان العصبية دى مش كويسة علشانك"
مسكت التليفون بسرعة واتصلت باحمد
"بص يااحمد...انت لو اخدت الحرامية دى متدخليش بيت وانت لا ابنى ولا اعرفك"
"حرامية مين؟؟حصل ايه تانى ياماما"
"الزفتة اللى اسمها ندى سرقت وبتقاوح وبتشتمنى كمان"
http://www.sheekh-3arb.net/islam/Library/img/3ater/div/166.gif (http://www.crezeman.com/vb/t119477.html)
وحكيت له المكالمة بالتفاصيل وفى الاخر قلت له
"بص ياابنى من الاخر ياتطلقها يا مش عايزة اعرفكوا تانى...وابقى خليها تضحك
عليك بكلمتين...اختار بقى"
وقفلت وانا حاسة انى بغلى ودمى محروق منها...وقررت لو اختارها هى
مش هعرفه تانى ابداااااااااا.
ايام عمري
01-18-2015, 09:23 PM
يوميات حماة الحلقة 17
http://www.sheekh-3arb.net/islam/Library/img/3ater/div/108.gif (http://www.crezeman.com/vb/t119477.html)
مرت ايام واسبوع والتانى وانا كل ماييجى قلبى يحن لابنى عقلى يرجعنى
تانى لقرارى بتخيير احمد...وطبعا فرضت رأيى ده على يوسف واسماء وده
مخدش منى مجهود لانهم اتضايقوا من ندى وغلطاتها الكتير اللى مبتخلصش
ووقفوا قصاد احمد لما حاول يكلمهم...وفعلا اتصل بيه احمد بعد اسبوعين وقال لى
"متزعليش ياماما انا مقدرش استغنى عنك ابدا وخلاص انا طلقت ندى"
"يابنى انا مش بظلمها بس هى فعلا متنفعكش"
"ايوه معاكى حق وكان المفروض من اول ماغلطت انى معديلهاش حاجة...
كفاية الخسارة اللى خسرتها دى"
http://www.sheekh-3arb.net/islam/Library/img/3ater/div/108.gif (http://www.crezeman.com/vb/t119477.html)
"معلش فى داهية الفلوس المهم ان واحدة زى دى متبقاش على ذمتك"
"فاكرة ياماما يوم مشكلة القايمة"
"اه لما جت هنا صالحتك"
"اللى زعلنى مكنش القايمة بس"
"ليه كان فيه ايه تانى"
"يومها لما ابوها قال ع القايمة وانا رفضت لقيتها قالت تلاقيك خايف
من امك المفترية"
"انا مفترية بنت 60..."
"خلاص بقى ياماما انا بحكيلك علشان مخنوق مش علشان ازعلك...بس
مكدبش عليكى انا زعلان على الفلوس اللى صرفتها والشبكة والمؤخر اللى
هتاخده...بس علشان انا اللى طلقتها مش هقدر اطالبها بحاجة"
"فداك يانور عينى ...انا هدفع المؤخر من معايا وولا تزعل نفسك"
"ربنا يخليكى ياامى"
http://www.sheekh-3arb.net/islam/Library/img/3ater/div/108.gif (http://www.crezeman.com/vb/t119477.html)
بدات حالة اسماء تتحسن والدكتور قالها ان بعد فك الجبس هتعمل علاج طبيعى
شهر كمان وهترجع زى الاول واحسن
طول الفترة دى وانا مستخسرة فى البت دى الشبكة والمؤخر واللاب توب اللى
لسه بشوكه...قعدت افكر وافكر لحد ماوصلت لفكرة وقلت اجربها ياتصيب ياتخيب
وانا ونصيبى...لما قابلت سناء فى الشغل قلتلها"بصى ياسناء احنا مش مسامحين
فى الحاجة اللى خدتها بنت اختك"
"بس ده حقها انتوا اللى سايبين"
"طيب بصى انا كان ممكن ابلغ عنها واتهمها بالسرقة من بيتى وطبعا ممكن اقول
انها اخدت فلوس ودهب...وعلى ماتثبت برائتها تكون اتبهدلت فى الاقسام
وسمعتها بقت فى الارض"
طبعا سناء بان عليها الرعب والفزع وقالت لى
"طيب طلباتك ايه وانا ابلغهم"
http://www.sheekh-3arb.net/islam/Library/img/3ater/div/108.gif (http://www.crezeman.com/vb/t119477.html)
"انا مش هظلمها هنقسم الشبكة والمؤخر...وطبعا ترجع اللى
سرقته ده بره الكلام"
طبعا تانى يوم جابت لى الرد وانهم موافقين وفرحت جدا لانها
مكنتش تستاهل
بعد مااسماء خلصت العلاج الطبيعى قالت انها عايزة تشتغل ودورنا لها على
شغل مناسب وفعلا اشتغلت فى شركة سياحة كبيرة وكانت مرتاحة فى
شغلها ومرتبها كمان كان كويس...واحمد كان بيطمنى عليه دايما ومبسوط
ان مفيش مشاكل.
كلمنى احمد وقاللى ان اجازته كمان شهرين وكده خلاص هيرجع ويستقرهنا
واسماء اتعرفت على زميلتها فى الشغل رانيا وكانت بنت كويسة اوى وكانوا
منشغلين بينزلوا مع بعض كتير لان رانيا كانت قربت تتجوز...واسماء مكنتش
بتسيبها خالص لحد ماجه يوم الفرح...وقفت معاها وكانت سعيدة جدا لصاحبتها..
.وعدوا الشهرين واحمد رجع بالسلامة...ورجع لشغله ومرت حياتنا طبيعية
http://www.sheekh-3arb.net/islam/Library/img/3ater/div/108.gif (http://www.crezeman.com/vb/t119477.html)
فى يوم لقيت نادية بتتصل بيه وكان بقالها فترة طويلة مكلمتنيش
"نادية ازيك وحشتينى"
"ازيك انتى ياايمان انتى كمان وحشتينى اوووووى"
"وازى هشام وناجى"
"الحمد لله كويسين...محتاجة اقعد معاكى"
"وانا والله عايزة احكيلك على حاجات كتير حصلت فى السنة اللى فاتت دى"
"متقلقيش انا جاية وهقعد على طوووووول"
"بجد فرحتينى والله بس ايه القرار المفاجئ ده"
"يمكن مفاجئ ليكى انما انا بفكر فيه من سنين"
"ليه خير ايه اللى حصل علشان ترجعى بعد مااستقريتى ال30 سنة
اللى فاتوا فى امريكا"
"لما ارجع هحكيلك كل حاجة..بس معلش قولى ليوسف يشوف لى شقة
كويسة وفى منطقة راقية وتكون جاهزة ع التسليم على طول...اول ماتقولولى
لقيتوها هحجز وارجع "
"لوحدك؟؟؟؟"
"لا هشام معايا"
http://www.sheekh-3arb.net/islam/Library/img/3ater/div/108.gif (http://www.crezeman.com/vb/t119477.html)
"وناجى؟؟؟هو حصل حاجة بينكم"
"لا محصلش ...كل التفاصيل لما اشوفك...بس والنبى فى اسرع وقت"
"حاضر يانادية من عينيه"
يااااااااااااااه نادية اخيرا هترجع...نادية بنت خالتى واختى...اللى من يوم
مااتولدنا ماافترقناش عن بعض...غير لما اتجوزت ناجى وسافروا امريكا...
ومن يومها وانا مش بشوفها غير كل كام سنة والمكالمات كل فترة...
انا فعلا محتاجة وجودها جنبى...بس ياترى هترجع ليه؟؟وايه اللى
مخليها مستعجلة كده؟؟
ايام عمري
01-18-2015, 09:27 PM
يوميات حماة الحلقة18
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
الايام اللى بعد كده كانت كلها بحث عن شقة مناسبة لنادية وطبعا كل
فى اتجاه..يوسف واحمد واسماء وانا وبعد اسبوع لقينا الشقة المناسبة
وبعت لنادية صور الشقة ع الميل وعجبتها ووافقت على سعرها وحجزت
وبعد يومين كانت فى مصر.
اول كام يوم طبعا معرفناش نقعد مع بعض خالص كان استلام الشقة ونزلنا
نجيب عفش وكل اللى يلزم لتجهيز البيت الجديد وفرشناه والحمدلله استقرت
نادية واحنا قاعدين مع بعض لوحدنا سألتها
"كل ده ومسألتكيش عن رجوعك لوحدك واستقرارك هنا"
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
"زهقت وتعبت ياايمان"
"من ايه؟"
"من ناجى مبقتش طايقة استنى معاه"
"ليه ايه الجديد"
"الموضوع مش جديد ده قديم وانا اللى كنت ساكتة"
"احكى انا مش فاهمة حاجة"
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
"من اول جوازنا وهو بياخد مرتبى بحجة ان فلوسه مش كفاية للصرف على
البيت وفضلت سنين عايشة على كده ومصدقاه وكان هو بيكبر فى شغله
وانا بكبر فى شغلى وبرضه كل فلوسى بياخدها وخصوصا لما هشام دخل
المدرسة كانت حجته مصاريف هشام...لحد مامرة ودى بعد اكتر من 10سنين
قلت له تعالى نعكس وانا اخد مرتبك واصرف على كل حاجة...الاول اتحجج
وقاللى مش هتقدرى المصاريف هتكون كتير عليكى..ولما صممت رفض فبطلت
اديله المرتب وكان وقتها مرتبى كبير فبقيت اصرف على نفسى وعلى
مدرسة هشام...تخيلى مكنش بيجيب اكل فى البيت وكنت ساعات من
العند اكل فى الشغل علشان انا كمان مجيبش له حاجة...ومش بخل منه
لانه ممكن يعمل عزومة تتكلف الاف الدولارات بس بمزاجه لناس اصحابه
مثلا وبينهم مصلحة ولسانه الحلو كانت كل الناس بتحبه وفكرت فى الطلاق
بس مقدرتش علشان هشام متعلق بيه اوى المهم بعد كده اتفقنا ان اى
حاجة فى البيت او مصاريف هشام نقسمها بالنص...حتى لو اشترينا حاجة
مشتركة برضه نقسم كل حاجة وعشنا سنين على كده وارتحنا وكانت حياتنا
ماشية طبيعى طالما اننا ملتزمين بالاتفاق...ولما هشام اتخرج واشتغل
رجع ناجى يستخسر تانى وبقى يضايقنى فى حكاية الفلوس دى...وعلى
فكرة هو نزل من نظرى من زمان بس كنت عايشة وخلاص علشان ابنى...
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
ومن فترة بسيطة كنت بتكلم مع هشام عن انى نفسى ارجع مصر واستقر
لقيته رحب بالفكرة وقاللى انه هو كمان عايز يستقر فى مصر علشان لو
اتجوز عايز يتجوز واحدة مصرية...الحسنة الوحيدة لناجى انه ساعدنى فى
تربية هشام على العادات والتقاليد المصرية وتعاليم ديننا وكان الولد متقبل
ده جدا ومكنش بيحب عادات الامريكان والحمدلله عمره ماكان عنده جيرل فريند
زى اصحابه ولا عمره شرب خمرة ولا عمل حاجة تغضب ربنا"
"يااااااااااه يانادية كل ده كان جواكى ومش بتتكلمى"
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
"هتكلم لمين واقول ايه..اهى عيشة وخلاص"
"وهشام مجاش ليه"
"بيخلص اجراءات نقله لفرع الشركة هنا فى مصر...الحمد لله ان الشركة اللى
هو فيها طلع لها فرع هنا وده اللى سهل قرار الرجوع...يعنى كام يوم كمان
ويرجع ان شاءالله"
طبعا حكاية نادية صدمتنى مكنتش اتخيل ان ناجى الراجل الذوق اللى بيحبها
وبيحب ابنه وكل الناس تشهد بكده تطلع دى حقيقته...صحيح البيوت
اسرار...ربنا يخليك ليه يا يوسف ياحبيبى انت فعلا ونعم الزوج...الحمدلله
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
ومرت الايام ورجع هشام وطبعا مكنش غريب على احمد واسماء
لانهم كانوا بيتقابلوا فى الاجازات..هى كانت كل كام سنة بس اهو
ع الاقل يعرفوا بعض.
انا كنت عايشة فى قمة سعادتى برجوع نادية كنت حاسة انى مش لوحدى
وقعدت احكيلها على اللى حصلى فى خطوبات العيال ولقيتها بتهزر وتقوللى
"ياسلام لو هشام ياخد اسماء ونبقى احنا الحموات الفاتنات"
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
"هههههههه ياختى ياريت وانا الاقى زى هشام"
"يعنى انا الاقى زى اسماء كفاية انها بنتك"
"ربنا يخليكى ..بس احنا مالنا ياريت هما اللى يقولوا"
"والله ياايمان انا حاسة ان هشام ميال شوية ناحيتها بس هو متكلمش صراحة"
"يمكن بيتهيألك"
"ليه وانا يعنى مش هعرف احس بابنى"
"بصى سيبى كل حاجة لوقتها...يعنى لو كلمك فعلا نبقى نتكلم"
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
طول الفترة اللى بعد كده وانا بفكر فى كلام نادية واتمنيت انهم يكونوا
فعلا ليهم نصيب مع بعض ولما حكيت ليوسف لقيته هو كمان مرحب
بالموضوع وقال نستنى لما الولد يفتح الموضوع مع مامته
وفى يوم وانا قاعدة مع اسماء لوحدنا قلت اجس نبضها واشوف رايها فيه ايه
"تصدقى يااسماء نادية بتقولى ياريت انتى وهشام تتجوزوا "
"ايه..؟"
http://www.sheekh-3arb.net/islam/Library/img/3ater/div/81.gif (http://www.crezeman.com/vb/t119477.html)
"ايه مالك"
"اصل انا ياماما كنت عايزة اقولك من زمان بس كنتى مشغولة مع طنط نادية"
"عايزة تقولى ايه"
"انا...انا..بحب واحد تانى"
ايام عمري
01-18-2015, 09:33 PM
يوميات حماة الحلقة 19
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
فوجئت طبعا بكلام اسماء بس محاولتش ابين وقع المفاجأة عليه...
"بجد يااسماء...مين ده؟"
وقبل ماتجاوب لقيت يوسف بيندهلى وعايزنى بسرعة
"خير يا يوسف "
"الحاج سعد توفى دلوقتى فى المستشفى..تحبى تيجى معايا لان مراته لوحدها زى ماانتى عارفة"
"لاحول ولا قوة الا بالله...اه طبعا جاية معاك"
نزلت معاه ورحت اواسى الست الوحيدة اللى بعد جوزها مبقاش لها حد خالص وراح يوسف يخلص اجراءات الدفن تانى يوم الصبح وفضلت اروح معاه ال3 ايام وخلال العزاء كان كل اقاربهم موجودين وقرروا انها مش هتقدر تعيش لوحدها وبعد ايام العزا سافرت الصعيد لتقيم اقامة كاملة مع اختها اللى بتعيش لوحدها ولكن اولادها المتزوجين بيراعوها
ولما خلصت الدوشة اللى كنت فيها قلت ارجع لاسماء اشوف الحكاية ايه واستغليت وقت كنا فيه فى البيت لوحدنا علشان محدش يقاطعنا
"هااا يااسماء احكيلى ياحبيبتى عن الموضوع اللى كنا بنتكلم فيه"
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
"بصى ياماما انا اتعرفت على اشرف يوم فرح رانيا كان تعارف عادى يعنى باعتباره اخوها وطول الفرح وانا شايفة اهتمامه بيه بس عادى يعنى محطيتش فى دماغى وبعدين لما احمد جه اخدنى بالليل لقيته بصلى كده بصة معجبتنيش برضه قلت عادى انا هعمل حساب الناس فى معاملتى مع اخويا...المهم بعد يومين لقيت مكالمة منه وبيقولى انه جاب رقمى من رانيا وعايز يقابلنى يتكلم معايا طبعا رفضت قاللى طيب الايميل مرضتش برضه بعد كده لقيته بييجى يقف قدام الشغل وانا مروحة وميكلمنيش لفترة وبعدين كلمنى قاللى انه بييجى عند الشغل علشان يشوفنى بس...وبعد بقى بيكلمنى كل يوم يسأل عليه بس لحد ماقاللى انه عايز يرتبط بيه بس قدامه شوية وقت بسيط بيظبط اموره المادية"
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
"طيب يعنى عنده كام سنة بيشتغل ايه امكانياته وظروفه الحاجات دى؟"
"عنده 28 سنة وفاتح سايبر"
"اوعى يكون معاهوش شهادة ده كمان تبقى مصيبة"
"ههههه لا ياماما معاه بكالوريوس بس هو فاتح السايبر من قلة الشغل ولانه بيحب الشغل فى الكمبيوترات وكده"
"وايه حكاية ظروفه المادية دى"
"بصى ياماما هو علشان ييجى لازم يكون معاه فلوس للشبكة ع الاقل وهو مستنى اخر الشهر دوره فى جمعية وكنت هقولك ونحدد معاد معاه ييجى يقابل بابا"
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
"طيب ياحبيبتى ربنا يتمم بخير"
وفعلا صدق فى كلامه وفى اول الشهر الجديد لقيت اسماء بتقوللى كلمى بابا علشان اشرف ومامته ورانيا ييجوا يطلبونى
ويوسف طبعا كعادته معترضش وجم عندنا
مبدئيا الولد وسيم وشيك جدا يعنى نقدر نقول شبه نجوم السينما ومامته ست كبيرة ورانيا طبعا قابلتها كذا مرة قبل كده واعرفها الى حد ما...اتكلموا وقالوا نفس الكلام اللى كانت قالتهولى اسماء
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
وحسيت اننا مش بنتكلم فى اهم حاجة فسألته
"وعندك شقة"
"شقة ماما كبيرة وانا بعد جواز رانيا مش هقدر اسيب ماما تعيش لوحدها"
"بس يعنى السكن مع الاهل بيقيد الحرية مع كل احترامى للحاجة انا مفضلش انى بنتى تسكن مع حد"
"ياطنط الشقة كبيرة يعنى اسماء هتبقى اخده راحتها بدون اى تقييد لان ماما دايما قاعدة فى اوضتها"
"معلش يابنى ده مبدأ عندى حاول انت تشوف حل لموضوع الشقة ده"
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
"يعنى ايه حضرتك مش موافقة"
"لا موافقة طبعا بس بعد ماتحل مشكلة الشقة حتى لو ايجار قانون جديد انا معنديش مانع"
"المشكلة مش انى الاقى شقة ولا لأ...انا كمان مبدأ عندى مش هسيب امى"
"خلاص يابنى نبقى متفقناش...وكل شئ نصيب"
قام هو واهله ودخلت اسماء تعيط واحمد دخل وراها يواسيها
ويوسف قاللى
"هنعمل ايه البنت شكلها عايزاه"
"يعنى انت مش عارف المشاكل اللى بتيجى من ورا السكن فى بيت العيلة"
"انا عارف بس زعلت علشانها"
"هتزعل شوية وخلاص"
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
حسيت ان اسماء زعلانة منى طول الفترة اللى بعد كده وبتتعامل معايا فى اضيق الحدود...فكرت انى اصالحها...فى يوم وانا خارجة من الشغل قلت اروح اجيب لها طقم شيك من اكبر المحلات وفعلا رحت مول كبير علشان اعرف انقى واختار واعملها مفاجاة
وانا بتمشى فى المول لمحت احمد قاعد مع واحدة فى كافيه وهو مشافنيش فمحبتش احرجهم وكملت واشتريت الطقم وروحت
لما رجعت البيت كانت اسماء لسه مرجعتش من شغلها وشوية ولقيت احمد داخل البيت
لما دخل اوضته روحت وراه وانا بهزر معاه
"النهاردة شفتك وكان معاك قمر يا واد مين دى"
"شفتينى فين"
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
"فى الكافيه...المهم قوللى انت بتحبها ولا بتتسلى هههههه"
"لا ياماما بحبها بجد وهى بتحبنى"
"وده من امتى"
"يعنى من كام شهر كده"
"وايه اللى مسكتك كل ده مقولتش ليه علشان نخطبهالك"
"اكيد ياماما كنت هقول طبعا بس بعدين"
"ليه بعدين"
"يعنى عندها ظروف كده لما تخلص اكيد هقولكم نخطبها"
http://www.sheekh-3arb.net/islam/Library/img/3ater/div/85.gif (http://www.crezeman.com/vb/t119477.html)
"خير ظروفها ايه؟"
"ممم...ممم...مستنية..ت..ت...تتطلق"
وباعلى صوت عندى
"يالاااااااااااااااااااااااااااااااااااااااااااااهو ى"
ايام عمري
01-18-2015, 09:35 PM
يوميات حماة الحلقة 20
http://i8.glitter-graphics.org/pub/1097/1097038v0ncyc95bk.gif (http://i8.glitter-graphics.org/pub/1097/1097038v0ncyc95bk.gif)
ومن هول الصدمة مقدرتش ابطل نواح وندب
"يا دى المصيبة ياخيبة املى فى ابنى الوحيد"
"فيه ايه بس ياماما"
"ايه اللى فيه ايه؟؟يعنى انت ماشى مع واحدة متجوزة"
"لا طبعا"
"لا ازاى يعنى...مش انت بتقول مستنيها تتطلق"
"ياماما ادينى فرصة اتكلم واشرحلك "
"اتكلم علشان انا حطيت صوابعى ال10 فى الشق منك انت واختك روحت
اتسربعت وكتبت كتابك على واحدة حرامية ودلوقتى ماشيلى مع
واحدة متجوزة والتانية اللى مخصمانى علشان خايفة عليها من جوازة
تتعبها...صحيح الناس خيبتها السبت والحد وانتوا خيبتكوا ماوردت على حد"
"خلاص ياماما ...انتى مش مديانى فرصة اتكلم لما تبقى تهدى
نبقى نكمل كلامنا"
وسابنى ونزل من غير مايتغدى يادى النيلة ليروح لها ...سمعت الباب
بيتفتح واسماء دخلت على اوضتها ولقت الطقم فدخلتلى
"ايه ده"
http://i8.glitter-graphics.org/pub/1097/1097038v0ncyc95bk.gif (http://i8.glitter-graphics.org/pub/1097/1097038v0ncyc95bk.gif)
"ده طقم عجبنى قلت اجيبهولك"
"وده احساس بالذنب ولا بتحاولى تنسينى اللى حصل"
فوجئت بطريقة كلامها وانا بنتى طول عمرها مؤدبة ومفيش مرة كلمتنى
كده ايه اللى حصل لولادى
"انتى بتقولى ايه...وذنب ايه اللى هحس بيه"
"انك حرمتينى من الانسان اللى حبيته علشان سبب تافه...والسبب ده
كبره فى نظرى ...معنى انه فيه الخير ف مامته يبقى فيه الخير فيه"
"بصى اعملى اللى انتى عايزاه...بس مترجعيش تقولى مامته قالت ومامته عادت"
"يعنى ايه...اقوله ييجى"
http://i8.glitter-graphics.org/pub/1097/1097038v0ncyc95bk.gif (http://i8.glitter-graphics.org/pub/1097/1097038v0ncyc95bk.gif)
"اتفقى مع ابوكى واللى هتتفقوا عليه انا معاكوا"
طبعا زقطتت من الفرحة وجريت عليه وباستنى
"ربنا يخليكى ياماما...وعلى فكرة الطقم حلو اوى"
"مبروك عليكى"
كل كلامى معاها وقلبى حزين انا مش عارفة انا صح ولا غلط كان لازم
جه يوسف وحكيت له على اللى حصل بينى وبين احمد واللى حصل
بينى وبين اسماء
"ياايمان اللى حصل مع اسماء ده مش مشكلة ده اختيارها وهى مسئولة
عنه...انما موضوع احمد ده يقلق...كان المفروض تاخديه بالراحة وتفهمى
منه علاقتهم وصلت لايه بالظبط وازاى يعنى مستنيها تتطلق "
http://i8.glitter-graphics.org/pub/1097/1097038v0ncyc95bk.gif (http://i8.glitter-graphics.org/pub/1097/1097038v0ncyc95bk.gif)
"انا من صدمتى من كلامه مقدرتش امسك اعصابى"
"ولا يهمك ياحبيبتى لما ييجى نتفاهم معاه"
واحمد مجاش لحد بالليل فيوسف اتصل بيه وسأله عن تاخيره طول اليوم
فقاله انى كنت عصبية جدا معاه ففضل يتاخر لحد مااهدى
راح يوسف قايله تعالى علشان نتكلم بهدوء وخلاص مامتك هديت وعلشان
كمان نقولك على الجديد فى موضوع اسماء
لما جه قعدنا كلنا مع بعض
يوسف"انت ايه رأيك فى موضوع اشرف"
احمد"والله ده اختيار اسماء وهى حرة وانا اصلا مش شايفه سبب للرفض"
http://i8.glitter-graphics.org/pub/1097/1097038v0ncyc95bk.gif (http://i8.glitter-graphics.org/pub/1097/1097038v0ncyc95bk.gif)
يوسف"طيب خلاص نخليها تحدد معاه معاد لقراية الفاتحة...نيجى
بقى ليك...ايه اللى مامتك حكيتهولى ده"
احمد"اكيد اللى حكيته صح"
يوسف"انا مش بسأل صح ولا غلط انا بسأل ازاى تبقى على علاقة بواحدة
متجوزة...انت مش عارف قد ايه ده حرام وغلط وممكن يوقعك فى مشاكل كتير"
احمد"يابابا انتو مش مدينى فرصة احكى حاجة"
يوسف"احكى"
احمد" هى اتجوزت من حوالى سنة ونص وقعدت مع جوزها شهر ورجعت
بيت اهلها تانى...وحاولت تطلب الطلاق بالتفاهم موافقش ووسطوا ناس
برضه موافقش فرفعت قضية طلاق ومستنية الحكم"
http://i8.glitter-graphics.org/pub/1097/1097038v0ncyc95bk.gif (http://i8.glitter-graphics.org/pub/1097/1097038v0ncyc95bk.gif)
انا"يعنى اتعرفت عليها امتى وازاى"
احمد"اتعرفت عليها صدفة ياماما"
انا"صدفة ازاى يعنى اتعرفت عليها فى الشارع"
احمد"لا اتعرفت عليها بعد موضوع ندى على طول وكنت انا تعبان وهى
كانت لسه بتعانى فى مفاوضات طلاقها وابتدا التعارف مجرد صداقة
وبعدين حبينا بعض"
http://i8.glitter-graphics.org/pub/1097/1097038v0ncyc95bk.gif (http://i8.glitter-graphics.org/pub/1097/1097038v0ncyc95bk.gif)
يوسف"يعنى انت اتعرفت عليها وانت فى دبى"
احمد"ايوه"
يوسف"وهى كانت فى دبى"
احمد"لا اتعرفت عليها ع النت"
انا طبعا بعد ماسمعت الحوار الهايل ده فجأة لقيت نفسى نايمة فى
سرير ابيض فى ابيض قلت انا بحلم وخصوصا اننا كنا بالليل بس لقيت
ضوء النهار...وشفت واحدة لابسة ابيض فى ابيض وبتقوللى
"حمدالله ع السلامة يامدام...انتى جيتى المستشفى فاقدة
الوعى امبارح بالليل "
ايام عمري
01-18-2015, 09:39 PM
يوميات حماة الحلقة 21
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
استغربت انى محسيتش بحاجة من اللى حصلت لى امبارح ورجعت
افتكرت كلام احمد ...ياااااااه الواد ده ماله ولا الاطفال واى حد ممكن
يضحك عليه...لقيت يوسف ونادية جايين وقلقانين لاحسن اكون لسه مفوقتش...
ولما شافونى فرحوا وشكروا ربنا انى اتحسنت وراح يوسف يسأل الدكتور..
.ورجع فرحان وقاللى ان الدكتور قال له انى ممكن اروح بالليل وفضلت نادية
قاعدة معايا طول النهار وكل شوية يجيلها تليفون وتخرج تتكلم بره...والمغرب
لقيت يوسف هو واحمد واسماء جايين والعيال كانوا فعلا قلقانين عليه واحمد
شكله مكسوف من نفسه ولما قلت له
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
"خلاص هتصرف نظر عن موضوع امبارح"
رد يوسف "مش وقته الدكتور قال لازم تبعدى عن اى انفعال"
طلعت من المستشفى وعرفت انه كان مجرد انهيار عصبى بسيط
وركبنا كلنا مع بعض بس لقيت يوسف ماشى فى طريق غير طريق البيت
"ايه ده يايوسف...انت رايح فى حتة الاول"
"اه رايحين مشوار بسيط"
بس لقيت اننا بعدنا جدا وفى طريق المطار
"يايوسف انت رايح فين"
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
"مفيش انا قلت اخدك ونروح اسبوع شرم الشيخ بعيد عن العيال الوحشين
اللى تاعبينك دول"
احمد واسماء"كده يابابا احنا تاعبينها برضه...قول ان انت اللى عايز تاخدها مننا"
يوسف"ايوه انتوا ياما اخدتوها منى سيبونى بقى اخدها منكم شوية"
كانت المفاجأة كبيرة خلتنى ساكتة خالص ومش عارفة اتكلم ووصلونا المطار...
اتفاجئت ان يوسف لما عرف انى هخرج من المستشفى راح حجز تذكرتين
شرم الشيخ وقال لاسماء تحضر لى شنطة هدوم وحطها فى العربية
ومشفتهاش غير لما وصلنا المطار
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
لما وصلنا سلموا علينا واتجهنا لركوب الطيارة...واحنا طالعين
على سلم الطيارة
"ايمان...هاتى ايدك فى ايدى واعتبرى اننا لسه عرسان ولسه
مخلفناش ولاد ال...دول"
اديته ايدى وضحكت"لالالالالالا متشتمش ولادى حبايبى"
"حبايبك...انا بس اللى حبيبك لمدة اسبوع من غير عوازل"
مكنتش قادرة اتخيل السعادة اللى انا فيها مش علشان الفسحة ولا
السفر ولا انى هبعد عن مشاكل العيال كل اللى كان مفرحنى انى
حسيت انى لسه شابة فى العشرين من الحب والدلع مش قربت
ع الستين...وبعدين افتكرت العيال
"طيب هما هيعيشوا ازاى من غيرنا مين هيأكلهم ويشوف طلباتهم"
"بقولك ايه هما مش عايزين يتجوزوا؟؟خليهم يشربوا بقى"
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
وضحكنا ووصلنا الفندق وحسيت بسعادة كبيرة مش شايلة هم حاجة
ابدااااا الاكل بييجى لحد عندى لو مش عايزة انزل...بصحى على احلى
منظر فى الدنيا..البحر..جوزى حبيبى جنبى وكل كلامه ليه احلى كلام...
وولادى بيتصلوا بيه يطمنونى عليهم ويطمنوا عليه بس من غير اى مشاكل...
وخلص الاسبوع وكأنه ساعة...ورجعت تانى البيت
اول يوم وصلت فيه اسماء قالتلى
"ماما مش اشرف ييجى بقى علشان نقرا الفاتحة"
"طيب ياحبيبتى حددى كمان كام يوم بس علشان نستعد"
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
وفعلا حددنا قراية الفاتحة وجاب لها اسورة مع الدبلة وقال نخلى الشبكة
وكتب الكتاب والفرح كله مع بعض كمان كام شهر لما يجهز الشقة.
وبدأت فى تحضير جهاز اسماء والحمدلله انى عاملة حسابى فى فلوس
جهازها وكنا كل يوم بعد مابتيجى من شغلها ننزل نجيب فى حاجات ولحد
ماحسيت ان البت عدمت خالص وبقت على طول وشها اصفر ودبلانة فقلت
لها تسيب الشغل رفضت بشدة ومرضيتش ابدا وقالت مش هسيب شغلى
خالص حتى بعد الجواز فسيبتها بحريتها طالما مبسوطة كده
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
وفى عز ماانا مشغولة بجهاز اسماء لقيت نادية فى يوم بتقوللى عايزانى
انا ويوسف نروح معاها تخطب لهشام ...ففرحت له جدا وقلتلها اننا طبعا
هنروح معاها لان هشام زى احمد واسماء وروحنا وخطبناله بنت زى
القمر وآية فى الجمال والاخلاق وعيلتها كبيرة ويبقوا جيرانهم فى نفس العمارة.
من يوم ماخرجت من المستشفى وانا واحمد مفتحناش موضوع اللى بيحبها
ده خالص كل واحد مننا بيتجاهل الموضوع
وف يوم سألته مباشرة
http://i2.glitter-graphics.org/pub/1291/1291692rqay5zhfgr.gif (http://i2.glitter-graphics.org/pub/1291/1291692rqay5zhfgr.gif)
"احمد انت لسه على علاقة بالست دى"
"بصى ياماما وانتى بتقولى الست دى محسسانى انها واحدة اكبر منى
مع انها قد اسماء يعنى اصغر منى ب5سنين...ثانيا متقلقيش انا مش هعمل
حاجة انتى مش راضية عنها"
"ربنا يكرمك ياحبيبى"
"بس فى نفس الوقت مش هسيبها ومش هتجوز غيرها"
"غور من وشى ياابن المجنوووووووووووونة"
ايام عمري
01-18-2015, 09:44 PM
يوميات حماة الحلقة 22
http://www.roro44.com/vbswar/fwasel/1_files/divider-08[1].gif
كلام احمد مش بيروح من دماغى...يعنى ايه مش هيسيبها ومش
هيعمل حاجة غصب عنى...انا برضه مش فاهمة حاجات كتير عن
البنت دى وحاسة انها غامضة وعلاقتهم مش مريحة وخايفة اسأله فى
التفاصيل يفتكر انى تراجعت عن رفضى ليها...مش عارفة اعمل ايه؟؟واسماء
مش معانا خالص من شغلها للحاجات اللى بننزل نجيبها لخطيبها اللى يااما
خارجة معاه يااما بتكلمه ع الشات...يبقى مفيش غير يوسف...هو اللى
دايما ينقذنى فى المواقف الصعبة
فى يوم كانوا احمد واسماء بره فتكلمت معاه
"يوسف عايزة اطلب منك طلب"
"اؤمرينى"
http://www.roro44.com/vbswar/fwasel/1_files/divider-08[1].gif
"الامر لله ياحبيبى...بص يايوسف انا عايزة افهم حاجات كتير عن
علاقة احمد بالبنت اللى يعرفها...وخايفة لو سألته يفتكرنى موافقة
فقلت مفيش غيرك اللى هيجيبلى التايهه"
"حاضر...بس عايزة تعرفى ايه بالظبط"
"يعنى عايزة اعرف هو متمسك بيها للدرجة دى ليه؟؟وظروف طلاقها
ويعنى ايه اتجوزت شهر واحد بس مش يمكن تكون هى مش كويسة...
يعنى اتكلم معاه وشوف"
"حاضر يوم الجمعة بعد الصلاة هتحجج باى مشوار عايزه معايا فيه واتكلم
معاه وكانك متعرفيش حاجة ابدا"
http://www.roro44.com/vbswar/fwasel/1_files/divider-08[1].gif
"ايوه كده حلو اوى"
وكنت مستنية اليوم ده على احر من الجمر عايزة افهم دماغه
وفعلا لما رجعوا يوم الجمعة لقيت يوسف بيقوللى طبعا مش قدام الولاد
"انا اتكلمت معاه وعرفت كل حاجة"
"هااا احكى بسرعة مش قادرة استنى"
http://www.roro44.com/vbswar/fwasel/1_files/divider-08[1].gif
"شوفى ياستى..البنت اسمها مى وبتشتغل محامية فى مكتب محامى
كبير هى لسه تحت التمرين لانها خريجة السنة اللى فاتت اتجوزت وهى
فى سنة رابعة فى الكلية...الخطوبة كانت سريعة جدا وملحقتش تتعرف
عليه خالص...بعد مااتجوزت من اول يوم وهو بيعاملها وحش وفى اول اسبوع
كان بيضربها ضرب ممكن تقولى عليه تعذيب وكان مانع اهلها يروحوا بعد
السبوع ومنعها من الكلية خلال فترة جوازهم كان شكاك لابعد الحدود
يعنى تقدرى تقولى غير سوى نفسيا...اخر يوم حصلت فيه المشكلة...
جالها مكالمة على الموبايل وكان الرقم غلط ساعتها مصدقهاش وقالها
انتى تعرفى حد وقعد يضرب فيها وهى كان فاض بيها فردت عليه وقالتله
انه مريض نفسى قام جن جنونه وجاب حبل الغسيل وربطها على الكرسى
طول الليل وكل شوية يكب عليها مياه ويقولها قولى انتى تعرفى مين وهو كل
اعتقاده انها تعرف حد فعلا وطول الليل على ده الحال لحد الصبح سجايره خلصت
نزل يجيب سجاير حاولت تفك نفسها وفعلا قدرت واتصلت ببوليس النجدة
قبل ماهو يرجع..
http://www.roro44.com/vbswar/fwasel/1_files/divider-08[1].gif
.وجه البوليس وعملت تقرير طبى وهو اتحجز كام يوم واهله خرجوه من
القسم وهى راحت عند اهلها ولما عرضوا عليه الطلاق رفض فرفعت قضية
طلاق وفعلا اتحكم لها من اسبوعين تقريبا علشان كده هو لما حبها حس انها
اتظلمت وعاشت ايام صعبة فوعدها انه مش هيسيبها خالص...ايه رأيك بقى"
"رأيي فى ايه؟؟؟لو كان كلامها صح يبقى ربنا يعوضها...انما مش لازم ابنى...
هو ذنبه ايه ياخد واحدة اتجوزت قبل كده وهو لسه مدخلش دنيا"
"مش بيحبها وراضى بيها خلاص"
http://www.roro44.com/vbswar/fwasel/1_files/divider-08[1].gif
"لا ابدااااااا ابنى لازم ياخد بنت بنوت "
ولسه بنكمل كلامنا لقينا الباب بيخبط ونادية جاية هى وهشام
نادية" احنا حددنا معاد فرح هشام كمان اسبوعين ان شاءالله"
انا"الف مبروك ياهشام ربنا يتمم بخير"
يوسف "مبروك ياهشام"
انا"طيب لحقتوا تخلصوا كل التجهيزات"
نادية"البيت جاهز والعفش جديد ما كله على يدك"
انا"وناجى؟؟"
http://www.roro44.com/vbswar/fwasel/1_files/divider-08[1].gif
نادية"احنا قولنا لاهل العروسة انه مرتبط بشغل هناك ولما قلناله على
ميعاد الفرح قال جاى طبعا...انا اصلا شيلته من حساباتى خالص ومش
هيفرق معايا وجوده من عدمه...ومقلتليش اسماء هتتجوز امتى؟؟"
"ادينا بنخلص التجهيزات وبعدين نبقى نحدد"
بعد مامشيوا...قلت ادخل لاسماء علشان نشوف هيحددوا امتى لاننا تقريبا
خلصنا حاجتنا وهو لسه معملش حاجة من اللى عليه...ولسه هدخل اوضتها
سمعتها بتتكلم ع الموبايل
"انا مش هقبل منك كده تانى...كنت بتشتمنى واسكت انما تشتم اهلى كمان..
.خلاص اعتبر اللى بيننا انتهى بس رجعلى فلوسى الاول ومش عايزة اشوفك تانى"
ايام عمري
01-18-2015, 09:48 PM
يوميات حماة الحلقة 23
http://www.roro44.com/vbswar/fwasel/1_files/divider-02[1].gif
لما سمعت كلام اسماء فتحت الاوضة بسرعة وكانت قفلت التليفون
لقيتها منهارة وقاعدة تعيط...اخدتها فى حضنى ومقلتلهاش انى سمعت حاجة
"مالك ياحبيبتى"
"مفيش ياماما..انا سبت اشرف"
"ليه بس مش انتى كنتى متمسكة بيه ايه اللى حصل"
http://www.roro44.com/vbswar/fwasel/1_files/divider-02[1].gif
"عصبى جدا على حاجات تافهه ولما يتعصب مايفرقش مين قدامه ويقعد
يشتم ويغلط ومش مهم احنا فين فى الشارع او ع التليفون او حتى قدام
الناس ودى مش اول مرة بس كان كل مرة يرجع يعتذر ويتأسف ويقوللى
انها اخر مرة"
"ايه ده يابنتى ومش بتحكيلى من اول مشكلة ليه"
"ياماما بخاف عليكى تزعلى وتتعبى وانتى مش ناقصة وغير كده بتكسف اقولك
لانى انا اللى كنت مصممة وانتى قولتيلى بلاش"
"مكسوفة من امك ده انتى بنتى وحبيبتى وصاحبتى واختى ومهما يحصل
مش هلومك ابدا انا انصحك بس وبعدين كان لازم تحكيلى علشان ابوكى
واخوكى يقفوله من الاول مش يحس انك ملطشة ولا حيطة مايلة ويسوق فيها..
.احكى لى بقى ايه اللى خلاكى المرة دى تقوليله خلاص كده"
http://www.roro44.com/vbswar/fwasel/1_files/divider-02[1].gif
"بصى ياماما الاول فيه حاجة انتى متعرفيهاش"
"خير ياحبيبتى"
"من شهر تقريبا لقيته مهموم وزعلان وكل مااسأله ماله يقوللى مشاكل فى
شغله وبعد كام يوم قاللى مش معاكى 5 الاف جنيه سلف فانا استغربت
وسألته ليه..وطبعا انا شايفة انه مش بيعمل اى حاجة فى الشقة كنت قلت
محتاج لهم للتوضيب مثلا..فقال ان عليه وصل امانة ب 10 الاف جنيه وصاحب
الوصل عايز يقدمه للنيابة وده كان تمن اجهزة للسايبر وانه اتصرف فى نص
المبلغ ومش عارف يكمله...طبعا قعدت شايلة الهم وفضلت اخفف عنه لحد
ماقلت له انى هدبر له الفلوس...وعملت جمعية فى الشغل وقبضتها واديتهاله
ومن ساعة مااخد الفلوس مش بيجيب سيرتهم خالص"
http://www.roro44.com/vbswar/fwasel/1_files/divider-02[1].gif
"وانتى عبيطة علشان تعملى كده "
"ياماما انا قلت هيرجعهم وكمان قلت لازم اقف جنبه قبل ماالراجل يبلغ عنه"
"طيب وبعدين كملى ايه اللى حصل النهاردة"
"بقوله انت هتخلص توضيب الشقة امتى ؟؟يعنى بتكلم معاه لقيته وهو فى
السايبر يعنى حواليه ناس كتير قعد يزعق ويتهمنى انى انانية ومش بفكر غير
فى نفسى فقلتله لو كنت انانية مكنش اتصرفت لك فى الفلوس قام قعد يشتمنى
شتيمة وحشة اوى يا ماما ومش انا وبس لا فيها شتيمة ليكوا كمان"
http://www.roro44.com/vbswar/fwasel/1_files/divider-02[1].gif
وانفجرت فى العياط وانا كنت هموت من الغيظ...الزبالة ده بيشتمنا احنا قال
رضينا بالهم والهم مرضيش بينا...اتصل بيه ابهدله ولا اخلى يوسف يتصرف بس
انا عارفاة مش بتاع مشاكل هيقوللى طالما بنتنا كويسة خلاص...اقول لاحمد ؟؟
انا اقولهم هما الاتنين ويتصرفوا...وسألت اسماء تانى
"يعنى خلاص يااسماء مش عايزاه"
"ايوه ياماما طالما مش بيحترمنى خلاص"
حكيت ليوسف واحمد الحكاية كلها ويوسف قاللى انه هيروح له ويطلب منه الفلوس
وكل واحد يروح لحاله
http://www.roro44.com/vbswar/fwasel/1_files/divider-02[1].gif
وفعلا راح له والواد انكر موضوع الشتيمة خالص وقال انه اتعصب وزعق بس وقال
ان الفلوس هيدبرها ويرجعها وانه كده خسر اسماء وانه زعلان علشانها وشوية
كلام من المزوق ده وانا طبعا خذفته وانا بحكى لاسماء عن مقابلة
يوسف واشرف
عدت الايام وانا حاسة ان بنتى زعلانة وبتحاول تخرج من ازمتها بنفسها لان
فى الاول والاخر كان اختيارها وانا طبعا مكنتش بسيبها كتير لوحدها علشان
متفكرش فيه كتير وتحاول تنساه
روحنا فرح هشام وكان فرح كبير وراقى جدا واتبسطنا فيه كتير ولسه نادية
هتقوللى فيه واحد بيسأل على اسماء...صرخت وقلت لها محدش يجيب
لى سيرة عرسان خاااااااااااااااااالص
كل يوم بيعدى اسماء بترجع تانى عادية زى الاول من غير حزن وكآبة وده
طبعا بيسعدنى وقلت الحمدلله اننا رجعنا تانى نعيش حياة طبيعية من غير
منغصات الشهور اللى فاتت وزادت فرحتى لما عرفت ان مرات هشام حامل
وكانت نادية فرحانة جدا انها قربت تبقى جدة
http://www.roro44.com/vbswar/fwasel/1_files/divider-02[1].gif
وجه يوسف فى يوم وقاللى ان فيه عريس جاى لاسماء وقلت له طيب
مفيش مانع انه ييجى وخصوصا ان موضوع اشرف خلص من ييجى 5شهور...
وروحت اقول لاسماء
"ماما انا مش عايزة حد ييجى"
"ليه اوعى تكونى اتعقدتى ههههه"
"لا ياماما اصل الحكاية...."
"خير"
http://www.roro44.com/vbswar/fwasel/1_files/divider-02[1].gif
"انتى تعرفى ان مامة اشرف ماتت من شهر ونص"
"لا معرفش وانتى عرفتى منين"
"من زمايلنا فى الشغل راحوا يعزوا رانيا وقالولى"
"طيب ايه علاقتنا احنا بالموضوع ده"
" ا...ا..اصل من شهر كده رجع اشرف يكلمنى تانى وكانت نفسيته
تعبانة بعد وفاة مامته"
"وانتى ازاى تديله وش وتردى عليه"
"اصله صعب عليه ده اتغير خالص والله وبقى حد تانى ... و ...و..وعايز
نرجع لبعض تانى"
ايام عمري
01-18-2015, 09:58 PM
يوميات حماة الحلقة 24
http://www.roro44.com/vbswar/fwasel/1_files/divider-04[1].gif
لما قالتلى ان اشرف عايز يرجعلها حاولت امسك نفسى...وقلت لها
"يعوز براحته ...طبعا انتى موافقتيش"
"ياماما انا فكرت وبقالى فترة اهو بكلمه وهو اتغير"
وانا على اخرى وقربت انفجر
"يعنى عايزة ترجعيله"
"ايوه ياماما انا حاولت انساه لقيت نفسى لسه بحبه"
"يخربيت الحب اللى بالشكل ده...انتى ايه معندكيش عقل تفكرى بيه انتى
مش صممتى قبل كده ومنفعش ...بهدلك وشتمك واخد فلوسك...عايزة ايه تانى"
"ده اختيارى"
http://www.roro44.com/vbswar/fwasel/1_files/divider-04[1].gif
"اختيارك غبى ومش نافع"
"بس انا بحبه وعايزاه"
"انتى تقولى بحبه وعايزاه واخوكى جايبلى واحدة يقوللى بحبها ومش هتجوز
غيرها...ده انتوا خلفة سودة ياريتنى ماشفتكم ولا خلفتكم عيشتونى فى
مرار ربنا ينتقم منكم"
وحسيت انى مش طايقاهم ولا طايقة البيت لبست ونزلت روحت لنادية علشان
احكيلها وافضفض معاها من خنقتى وكانت هناء مرات هشام هناك يااااااااه
قد ايه مؤدبة وذوق ومقابلتها حلوة ومن ذوقها لما حست انى عايزة اقعد مع
نادية استئذنت وطلعت عند مامتها وسألت نادية
"ايه هناء عاملة ايه معاكى"
http://www.roro44.com/vbswar/fwasel/1_files/divider-04[1].gif
"كويسة الحمدلله معاملتها معايا فى منتهى الاحترام وبتعاملنى كانى
مامتها بالظبط"
قلت فى نفسى سبحانك ياربى دوام الحال محال نادية اللى عاشت طول
عمرها فى تعب مع جوزها ربنا كرمها فى جواز ابنها وانا اللى طول عمرى
عايشة سعيدة مع جوزى شايفة المرار مع ولادى اللهم لا اعتراض...حكيت
لنادية الحكاية كلها
"بصراحة ياايمان انتى معاكى حق...وهى بتتكلم بقلبها بس من غير تفكير وده
مينفعش يكون اساس جواز ناجح"
"انا مش عارفة اعمل ايه"
"طيب يوسف فين من كل ده"
http://www.roro44.com/vbswar/fwasel/1_files/divider-04[1].gif
"يوسف بيحب ولاده ومش بيحب يزعلهم مش مهم هما صح ولا غلط
المهم ميزعلوش"
"وده ينفع"
"مينفعش وانا مش ناقصة مشاكل والواد ده مش نافع خالص"
قررت انى لازم اقف وقفة جامدة واسماء تعمل اللى تعمله تخاصمنى
براحتها مش مهم
لما رجعت حكيت ليوسف وقلتله
"اوعى تقوللى معلش واختيارها والكلام الفارغ ده يعنى الولد يسمع كلامنا
ويعمل لنا حساب وهى البنت عايزة تعمل اللى فى دماغها...استحالة
والجوازة دى ابدا ماتتم"
http://www.roro44.com/vbswar/fwasel/1_files/divider-04[1].gif
وزى ماتوقعت خاصمتنى وبقت تتجاهل وجودى ومتاكلش معايا وبقت
عيشتها فى اوضتها وانا محاولتش اكلمها وجمدت قلبى وحطيت عليه حجر
وكل ده علشان مصلحتها لانه فعلا مينفعهاش ابداااا
بدأت احس ان يوسف مهموم شوية وكنت فاكرة علشان خاطر اسماء ولما
اتكلمت معاه اكتشفت حاجة تانية خالص
"انتى مش عارفة انى هطلع معاش كمان اسبوعين"
"عارفة طبعا وكل سنة وانت طيب وناوية اعملك تورتاية علشان
عيد ميلادك"
"ربنا يخليكى ليه...بس انا قصدى انى مش عارف هعمل ايه بعد المعاش..
.انتى والعيال هتبقوا فى الشغل و كل اصحابى بتوع القهوة كمان هيبقوا فى
اشغالهم...وانا هبقى لوحدى "
"مااحنا ممكن نفكر فى حاجة تشغل بيها وقتك"
"زى ايه مثلا"
http://www.roro44.com/vbswar/fwasel/1_files/divider-04[1].gif
"انا مش فى دماغى حاجة معينة بس ياسيدى ولا تزعل لو حصلت انى
آخد اجازة بدون مرتب علشان متبقاش لوحدك هآخدها ولا تشيل هم ابداااااا"
"ربنا يخليكى ...ومش ناوية تصالحى بنتك بقى"
"انا مش مخاصماها هى اللى بتتجنبنى وانا موضوع اشرف ده بالنسبة لى منتهى"
"ربنا يقدم اللى فيه الخير...عندى ليكى مفاجاة"
"خير "
http://www.roro44.com/vbswar/fwasel/1_files/divider-04[1].gif
"انا قررت لما اخد مكافاة نهاية الخدمة احجز فى موسم الحج الجاى انا وانتى"
"بجد انا مش مصدقة نفسى..ربنا يخليك ليه ويباركلى فيك
ويهديلنا ولادنا يارب"
كان لسه على موسم الحج 4 شهور ولما يوسف طلع ع المعاش وخد
المكافاة حجز فعلا وقال للعيال...لقيت اسماء بتقوللى وكنا يوم جمعة وبطبخ
"مبروك الحج ياماما"
"الله يبارك فيكى عقبالك"
"ولسه موافقتيش برضه على جوازى من اشرف"
"لا ومش هوافق"
http://www.roro44.com/vbswar/fwasel/1_files/divider-04[1].gif
"بس انا لازم اتجوزه وقبل ماتسافرى كمان"
سيبت اللى ف ايدى والتفت لها وانا برتجف
"ليه لازم...وليه قبل مااسافر"
"لانى...لانى...حامل"
ايام عمري
01-18-2015, 10:02 PM
يوميات حماة الحلقة 25
http://www.roro44.com/vbswar/fwasel/1_files/divider-05[1].gif
لما سمعت كلمتها حسيت ان الدم هيضرب فى دماغى و100 فكرة
بفكر فيها فى الثانية الواحدة...ازاى عملت كده وامتى وفين؟؟؟ طيب هتصرف
ازاى؟؟؟ اضربها اموتها ؟؟؟ اموت انا من حسرتى...ابوها لما يعرف هيجراله ايه؟؟
اخوها ممكن يعمل ايه؟؟؟ لالالا مش لازم يعرفوا...مهما كانوا مضمنش رد فعلهم...
مش لازم يعرفوا خالص...مش لازم ابدااااا
http://www.roro44.com/vbswar/fwasel/1_files/divider-05[1].gif
حسيت انى مشلولة التفكير مش عارفة انا كنت بعمل ايه ولا كنت ماسكة
ايه؟؟؟مش شايفة البوتاجاز من التلاجة... خرجت من المطبخ وانا مش قادرة
اتكلم ولا كلمة ومش قادرة ابص فى وشها...اعمل ايه ياربى؟؟ جريت ورايا حاولت
تكلمنى...مشيت وقفلت اوضتى عليه وكتمت دموعى وبقول لنفسى فكرى
فى اللى جاى مش اللى حصل.
لما جه يوسف واحمد لاحظوا عليه التغيير قلت انى تعبانة بس من شغل البيت
واتصرفت كأن شئ لم يكن
وبالليل لما نزلوا دخلتلها
"انتى فى الكام"
"فى نص التانى"
http://www.roro44.com/vbswar/fwasel/1_files/divider-05[1].gif
"لسه عايز يتجوزك ولا طلع ندل"
"لسه بس والنبى متزعلى منى...يمكن لو كنتى وافقتى من الاول مكنش
حصل حاجة وعلشان تطمنى اكتر انا معملتش حاجة حرام"
"انتى بتستهبلى...يعنى ايه اومال حلال"
"احنا اتجوزنا عرفى"
اديتها قلم على وشها"خرج بدون تفكير"
"عذر اقبح من ذنب وانا مش راضية عنك...ابقى خليه ينفعك... انا هتمملك
الجوازة بس اوعى تيجى تقوليلى فى يوم عايزة اتطلق... اشربيه بقى..
واوعى ابوكى واخوكى يعرفوا حاجة ليموتوكى"
مشيت وسيبتها...ولما جه يوسف
"يوسف انا فكرت فى حكاية اسماء وبقول نتمم الجوازة وخلاص"
http://www.roro44.com/vbswar/fwasel/1_files/divider-05[1].gif
"وايه اللى غيرك بسرعة كده"
"لا بسرعة ولا حاجة هفضل لحد امتى فارضة رايي عند وخلاص...طالما
عايزاه خلاص اهو تتجوز ونفرح بيها"
"بس انتى شكلك مش فرحانة ولا حاجة"
"انا مش بحب اشرف ومكنتش اتمنى انها تتجوزه بس يمكن حبهم اقوى مننا"
"خلاص على خيرة الله...بس لما ييجى ونتفق هنعمل ايه والترتيبات وكده"
http://www.roro44.com/vbswar/fwasel/1_files/divider-05[1].gif
"انا عايزة اجوزها واطمن عليها قبل مانسافر..محدش ضامن الموت من الحياة
نبقى سترنا البنت اللى حيلتنا...وبعدين كمان انت ناسى ان امه لسه ميتة
قريب يبقى لا هنعمل فرح ولا زيطة"
"طيب خلاص بس يجيب عفش جديد ولا هتدخل على عفش امه"
"لا اكيد هيجيب جديد طبعا...هخليها تحدد معاه معاد وييجى بس ماتدققش معاه"
"حاضر"
http://www.roro44.com/vbswar/fwasel/1_files/divider-05[1].gif
لما حددت المعاد وجه انا مكنتش طايقاه وطبعا ولا جاب شبكة ولا رجع الفلوس
اللى عليه وكل ده وانا ساكتة على مضض ومش عارفة انطق ماهو لاوى
دراعى ببنتى...وبالعافية لما قال هيجيب اوضة نوم وداخلى فى سكة انا
معاييش فلوس انا مزنوق انا ارزاقى وكل ده وانا مش قادرة اعترض وكل
ماييجى يوسف يعترض.. ادخل له من مدخل عايزين نطمن عليها قبل مانسافر
http://www.roro44.com/vbswar/fwasel/1_files/divider-05[1].gif
وطبعا انا وجع القلب مش سايبنى لما احمد عرف اننا بنتمم الجوازة المنيلة
دى قال ان هو كمان عايز يخطب مى... قلتله كل ده كوم ولا المطلقة بتاعة
النت دى كوم تانى...لا يمكن ابدااااا
ودخلت فى دوامة فرش البيت وفى خلال اسبوعين كانت كل حاجة جاهزة
وكتبنا الكتاب ووصلتها البيت وانا بتعامل قدام الناس بكل طبيعية كأى ام
بتجوز بنتها الوحيدة...بس كل الناس ملاحظة عليه انى مش فرحانة وكنت
بتحجج للناس انى زعلانة علشان كان نفسى اعمل لبنتى فرح كبير بس
ظروف وفاة ام العريس مسمحتش انى اعمل فرح
لما وصلتها البيت مكنتش عايزة اطلع معاها... لقيتها مصممة انها عايزانى 5
دقايق بس وانزل بسرعة
طلعت معاها ويوسف واحمد بيستنونى تحت.. ولما دخلت البيت خدتنى اوضتها
وقفلت انا وهى بس ولقيتها جابت مصحف
http://www.roro44.com/vbswar/fwasel/1_files/divider-05[1].gif
"ماما...والله العظيم انا لسه بنت ولا اتجوزت عرفى ولا حامل ولا حاجة
من دى...انا حبيت اضغط عليكى علشان توافقى...والنبى ماتزعلى
منى وارضى عنى"
اترمت فى حضنى وقعدت تعيط وانا بقيت مش عارفة افرح ولا اشتمها ولا
امشى واسيبها...لقيت نفسى باخدها فى حضنى وبعيط معاها
وبعدين سألتها
"ازاى قدرتى تعملى فيه كده... وتفكيرك ازاى هداكى لفكرة شيطانية
كده... انتى كان ممكن تشلينى فيها "
http://www.roro44.com/vbswar/fwasel/1_files/divider-05[1].gif
"سامحينى ياماما...ارجوكى متغضبيش عليه"
"انا متأكدة انها كانت فكرة الشيطان اللى انتى اتجوزتيه ده"
لقيتها بتبوس ايدى وبتعيط... قلبى وجعنى على حال بنتى العروسة الحزينة
وعلى الحياة اللى داخلة عليها... اللى متطمنش ابدااااا.
ايام عمري
01-18-2015, 10:06 PM
يوميات حماة الحلقة 26
http://www.roro44.com/vbswar/fwasel/1_files/divider-01[1].gif
نزلت من عند اسماء وانا فرحانة ان بنتى سليمة ورفعت راسنا مش جابت
لنا العار زى ماكنت فاكرة... بس قلبى حزين عليها البنت زى ماتكون مش
فى وعيها والزفت اللى اتجوزته هو اللى بيمشيها...ازاى مسلمة له عقلها
كده وماشية وراه... ياعينى عليكى يا بنتى ربنا يسترها معاكى ويطلع ظنونى
مش فى محلها
نزلت ليوسف واحمد وروحنا
http://www.roro44.com/vbswar/fwasel/1_files/divider-01[1].gif
لما روحنا لها فى السبوع انا ونادية وهناء لقيناها مبسوطة وفرحانة حمدت
ربنا وقلت يارب يسعدها وتبقى كويسة... نزلنا واحنا نازلين من عندها لقيت
واحدة بتسلم على نادية وهناء وعرفونى عليها انها صاحبتهم من النادى
وسألتهم كانوا عند مين فى العمارة اللى هى ساكنة فيها... فحكت لها
نادية ان بنتى العروسة الجديدة فى العمارة... لقيت الست وشها
اتغير وقالت لنادية
"انتوا ناسبتوا اشرف"
"اه.. ماله؟؟"
http://www.roro44.com/vbswar/fwasel/1_files/divider-01[1].gif
بارتباك" لا لا مفيش حاجة ربنا يهنيها يارب... وابقى اسالى يانادية واشوفك
يوم الخميس فى النادى"
الست قفلت فى الكلام بسرعة حسيت ان فيه حاجة تعرفها ومرضيتش
تقولها...واحنا فى الطريق قلت لنادية
"بقولك ايه يانادية...ملاحظتيش حاجة على صاحبتك لما جبنا سيرة اشرف"
"اه حسيت انها كانت هتقول حاجة وسكتت"
"طيب لما تشوفيها حاولى تعرفى هى كانت هتقول ايه"
http://www.roro44.com/vbswar/fwasel/1_files/divider-01[1].gif
"اكيد من غير ماتقولى"
طبعا كل يوم اسماء بتكلمنى وكل مااسألها انتى عاملة ايه تقولى
كويسة جدا..مبسوطة اوى...الحاجات دى
وبدأ الحماس اللى فى كلامها عن السعادة يقل لما رجعت شغلها تانى
ولما اسالها عن حالها تقوللى ارهاق من الشغل
كل ده وانا فى انتظار مقابلة نادية وصاحبتها اللى اتعطلت ومتقابلوش لاكتر
من خميس لكذا سبب
وفى يوم وقبل ماتكمل شهر جواز لقيتها بتكلمنى فى التليفون وبتقوللى
"ماما انا عايزة اجى اقعد عندك كام يوم"
"انتى متخانقة مع جوزك"
http://www.roro44.com/vbswar/fwasel/1_files/divider-01[1].gif
"لا خالص انا بس تعبت من مسئولية البيت مع الشغل فعايزة ارتاح
شوية من المسئولية"
"انتى تيجى اهلا وسهلا وده بيتك... بس مفيش عروسة تسيب جوزها
وهى لسه متجوزة جديد"
"خلاص ياماما يعنى مش عايزانى آجى"
"لا تعالى بس متكونيش غضبانة"
"غضبانة ايه بس لا طبعا واشرف هييجى معايا"
"ييجى معاكى فين؟؟؟"
http://www.roro44.com/vbswar/fwasel/1_files/divider-01[1].gif
"ييجى عندكوا...خلاص ماشى ياماما سلاااام"
ايه التدبيسة دى هو انا طايقاه فى الكام ساعة اللى بشوفه فيها كل فترة
لما ييجى يقعد عندى وتانى يوم لقيتها جاية هى والبارد اللى قعد كأنه
بيت ابوه...وقاعد ياكل ويشرب وينام فى بيتى ونفسى اطرده... ويوسف كمان
بقى مش طايق بروده لحد ماقلت لاسماء
"اسماء خدى جوزك وروحى بيتك"
"ليه ياماما...انتى مش عايزانى"
"يابنتى انا مش عارفة اقعد براحتى فى بيتى وراجل غريب طويل عريض
معايا فى البيت"
"يعنى نمشى"
http://www.roro44.com/vbswar/fwasel/1_files/divider-01[1].gif
"ايوه قوليله اى حاجة بس مينفعش ييجى يقعد كده"
وفعلا فى نفس اليوم روحت بيتها ومفيش 3 ايام ورجعت تانى وقالت مش
هييجى غير ع الغدا بس...استحملت وانا هموت من الغيظ... وقعدت البنت
عندى يوم ورا يوم واسبوع ورا اسبوع بحجة الشغل وكانت تروح يوم الاجازة بس
وانا كل مااسأل نادية عن صاحبتها تقوللى ماقبلتهاش..مروحتش النادى...لما
روحت هى مجيتش
http://www.roro44.com/vbswar/fwasel/1_files/divider-01[1].gif
واقترحت على اسماء تسيب الشغل وتستقر علشان تستقر فى بيتها لقيتها
رافضة خالص...وجالى شك انه يكون هو اللى بيخليها تشتغل علشان الفلوس...
ليه لا ماهو مش بيصرف عليها حاجة... واتجوز جوازة ببلاش...قلت لها...طيب
لو اديتك المرتب اللى بتاخديه تقعدى من الشغل.. لقيتها مترددة... قلتلها
فكرى... وفعلا لما جه قعدوا مع بعض شوية ويومها بالليل لقيتها بتقوللى
"ماما انا هسيب الشغل زى مااتفقنا"
"والله احسن...بس انا مش هقدر اديكى المرتب لانى اخدت اجازة بدون
مرتب ودخلنا كله بقى معاش ابوكى بس"
http://www.roro44.com/vbswar/fwasel/1_files/divider-01[1].gif
وسيبتها ...وطبعا الفكرة ولا كانها اتطرحت اصلا
وجه وقت الحج واتحدد معاد السفر وقبل مانسافر باسبوع... اسماء تعبت
وروحنا للدكتور وقالنا انها حامل
وكانت تعبانة فعلا وكانت تقوم برضه تروح شغلها علشان متاخدش اجازة
بالخصم... وكل مااسألها جوزك عامل ايه معاكى... تقوللى كويس وانا
متأكدة انها بتكدب ومش عايزة تقول... يوم السفر قلت لها خدى اجازة
وارتاحى وانا هسيب لك مصروف مع اخوكى واقعدى متروحيش.. واكدت
على احمد ياخد باله من اخته وميسبيهاش ابدا لما تحتاجله... ووصيتهم
على بعض ووصيت نادية عليهم لو جرالنا حاجة تعتبرهم زى هشام
http://www.roro44.com/vbswar/fwasel/1_files/divider-01[1].gif
وسافرنا لاحلى مكان فى الدنيا ... ورميت كل حاجة ورايا ومفكرتش غير بس
انى عايزة اوصل للكعبة فى اسرع وقت حتى لو هموت هناك .
ايام عمري
01-18-2015, 10:10 PM
يوميات حماة الحلقة 27
http://www.roro44.com/vbswar/fwasel/1_files/divider-03[1].gif
كان كل دعايا لولادى ان ربنا يسعدهم فى حياتهم وان ربنا يرجع لكل واحد
فيهم عقله ويعرف الحق من الباطل
وف يوم وانا بصلى فى الحرم وبدعى لولادى بنفس الدعوة واول ما خلصت
صلاة لقيت واحدة جنبى طبطبت عليه وقالتلى
"اللى جاى صعب وبعده الفرج... ان مع العسر يسرا ان مع العسر يسرا"
واختفت فى الزحمة قبل ماارد عليها وكلامها خوفنى ... لسه ايه اصعب
من اللى شايفينه الايام اللى فاتت دى ...بس قالت بعده الفرج
ياااااااااارب فرج كربنا
http://www.roro44.com/vbswar/fwasel/1_files/divider-03[1].gif
ولما حكيت ليوسف عن الموقف ده قاللى انها اكيد سمعتنى وانا بدعى
وعرفت انى متضايقة فقالت بعد العسر يسرا عادى يعنى
ادينا الحج الحمدلله ورجعنا للبيت ... مفيش جديد اسماء موجودة وقعدت من
الشغل وجوزها بييجى ويروح بالليل واحمد زى ماهو بين الشغل واصحابه
وبرضه مى ...بس احلى حاجة ان هناء ولدت وجابت جنى بنوتة امورة
وجميلة ونادية فرحانة بحفيدتها وكانت لسه يدوب البنت مكملة 10 ايام
ويوم مارجعت قعدت مع اسماء وقلتلها
"انتى مرتاحة يااسماء"
"الحمدلله"
http://www.roro44.com/vbswar/fwasel/1_files/divider-03[1].gif
"بس شكل حياتك كده مش طبيعية.. فيه ايه؟؟"
"مفيش ياماما.. انا بس تعبانة من الحمل مش اكتر"
"وقبل الحمل ماانتى برضه كنتى قاعدة هنا؟"
"مفيش بس بتوحشينى وببقى عايزة اقعد معاكى"
"يا حبيبتى لو فيه حاجة احكيلى ... هو انتى عندك حد تانى تحكيله"
"ياماما مفيش حاجة"
ورجعنا تانى لنفس الحياة غير الطبيعية ايام عندى ويوم ولا اتنين فى بيتها
وفى يوم كنت لوحدى فى البيت واسماء فى بيتها ويوسف بيجيب حاجات
للبيت واحمد فى شغله وف عز الضهر لقيت موبايلى بيرن
"البسى وانزلى بسرعة ياايمان انا جيالك فى الطريق"
"مالك يانادية فيه ايه؟؟"
لقيتها بتزعق
http://www.roro44.com/vbswar/fwasel/1_files/divider-03[1].gif
"البسى ف دقيقة علشان نروح نجيب بنتك"
صرخت وانا هموت من الرعب ودموعى بتسبقنى
"بنتى مالها؟؟ جرالها ايه"
"متخافيش...انا صاحبتى جارة اسماء اتصلت بيه وقالتلى ان اشرف مبهدل
اسماء وفيه صوت صراخ ومحدش قادر يتدخل... اخلصى بسرعة بقى
وبعدين نتكلم"
قفلت معاها وانا هموت لتكون بنتى حصل لها حاجة وهى بتخبى عليه.. ولا
لما اوصل يكون المجرم ده عملها حاجة... يارب استرها معاكى يابنتى وينجيكى يارب
http://www.roro44.com/vbswar/fwasel/1_files/divider-03[1].gif
ف دقيقة كنت لابسة وواقفة فى الشارع لنادية ودقايق كنا على باب اسماء
فضلت اخبط واصرخ واقوله افتح قبل مااجيب لك بوليس النجدة... ولقيت
اسماء فتحت لى الباب ووشها ازرق ... ابن ال .... ضارب البنت ومخرشمها...
مقدرتش امسك نفسى وهجمت عليه اضربه اخنقه اعمل اى حاجة افش غللى ...
بس من قلة ادبه شتمنى وشتم بنتى والجيران بتتفرج علينا وطردنا بره الشقة
انا حمدت ربنا ان بنتى فى حضنى واخدتنا نادية ووصلتنا للبيت
http://www.roro44.com/vbswar/fwasel/1_files/divider-03[1].gif
وقلت لنفسى مستحيل ترجعله تانى ولازم يطلقها... يطلقها ... اللى انا كنت
مش مصدقاه انه حصل مع مى اللى بيحبها احمد اهو حصل مع بنتى ..
.ياترى انا السبب وربنا بيعاقبنى ببنتى علشان رفضت جوازهم مش
يمكن البنت كويسة ؟؟
ولما طلعنا البيت كان لسه محدش جه لا يوسف ولا احمد
http://www.roro44.com/vbswar/fwasel/1_files/divider-03[1].gif
لقيت نادية بتقول لاسماء
"متهيألى يااسماء مينفعش ترجعيله تانى"
"لالالا خلاص يا طنط انا بكرهه"
وقعدت تعيط من الوجع... ربنا ينتقم منه ده مكسر عضم البت خالص
ومشوه وشها من الضرب ...ياحبيبتى يابنتى اخدتها فى حضنى وقعدنا
نعيط مع بعض
لقيت نادية بتقوللى
http://www.roro44.com/vbswar/fwasel/1_files/divider-03[1].gif
"على فكرة ياايمان صاحبتى قابلتنى فى اول اسبوع زى ماقالت.. ولما قعدت
اسألها عن اشرف قالتلى عنه كلام مقدرتش اقولهولك وقتها... قالتلى ان
سمعته وحشة ولسانه طويل وكل الجيران بيتجنبوه لانه غاوى مشاكل وكان
معشم واحدة جارتهم بالجواز وكل الجيران كانوا عارفين انه هيتجوزها لكنهم
اتفاجئوا بجوازه من اسماء"
"وليه مقولتليش"
"يعنى كنت اخرب على البنت وهى عايشة وساكتة"
التفتت لاسماء
http://www.roro44.com/vbswar/fwasel/1_files/divider-03[1].gif
"ايه اللى حصل النهاردة علشان يعمل فيكى كده ... واول مرة يضربك ولا كان
بيضربك ومش بتقوللى"
"انا هحكيلك ياماما على كل حاجة بالتفصيل"
ايام عمري
01-18-2015, 10:15 PM
يوميات حماة الحلقة 28
http://www.roro44.com/vbswar/fwasel/1_files/divider-04[1].gif
وقعدت انا ونادية نسمع لاسماء وطبعا انا كنت متوقعة انها جوازة فاشلة
بس مكنتش اتوقع السرعة دى وحكت اسماء
"بعد ماسيبنا بعض حاول يكلمنى اكتر من مرة وكنت بصده ولما مامته ماتت
كلمنى وقعد يعيط ويقوللى انه بقى لوحده وانى حبه الوحيد وسمعته من
باب العطف وبعد كده بقى يلاحقنى بمكالماته ويجيلى عند الشغل ويوسط
لى ناس وكل ده كان بيعاملنى بمنتهى الحب والذوق والاحترام لما
http://www.roro44.com/vbswar/fwasel/1_files/divider-04[1].gif
لاحظت انه بيوسط كل الناس الا رانيا اخته رغم اننا كنا قريبين من بعض
اوى وبعدنا لما فسخنا الخطوبة قاللى ان جوزها عمل معاه مشاكل علشان
عايز ياخد نصيبها فى الشقة وصدقته ولما رفضتى اننا نرجع لبعض وصممتى
زود جرعة الحب وبقى يقوللى انى مبحبوش ولو بحبه اتجوزه غصب عنكم
ونحطكم قدام الامر الواقع... ولما رفضت رفض قاطع فكر فى الكدبة اللى
عملتها ونجحت بسرعة طبعا.. والله ياماما كنت بتقطع وانتى فاكرانى عملت
كده بس كان بيقنعنى انى صح وانى مش هلاقى حد يحبنى زى ماهو بيحبنى ...
http://www.roro44.com/vbswar/fwasel/1_files/divider-04[1].gif
وطبعا كان كل صحباتى بيحسدونى عليه من وسامته وشياكته ومعاملته
معايا ...وموضوع ال5000 جنيه القديمة ده كانه محصلش خالص ومكنش
بيجيب سيرته...المهم بعد الجواز قلت له هسيب الشغل قاللى ان الست
لازم يكون لها كيانها وتحقق ذاتها فى شغلها... فرحت بكلامه وهو اللى
اقترح انى لو تعبانة ممكن اقعد عندكوا علشان مبقاش ورايا مسئولية البيت ...
ولما اروح واقوله نجيب حاجة فى البيت اكل ولا فاكهه ولا حلويات يقوللى انه
معاهوش فلوس لان السايبر مديون وبيخسر واضطر انا اجيب كل اللى يلزم
البيت فى الكام يوم اللى بروح فيهم برغم انه كل شوية يجيب لبس غالى
وبرفانات ومهتم بمظهره اوى ولا عارضين الازياء ...
http://www.roro44.com/vbswar/fwasel/1_files/divider-04[1].gif
وفاكرة ياماما لما قلتيلى اقعد من الشغل وهتدينى المرتب لما حكيت له
وافق جدا ... كنت بخاف منه اوى لانه لما بيتنرفز كان بيقعد يشتم ويزعق
وكذا مرة حاول يضربنى بس كنت بجرى واقفل الاوضه عليه... علشان كده كنت
بطمن وانا قاعدة هنا فى وسطكم وكنت مش قادرة اتكلم ولا اشتكى ولا حتى
احكى لانى انا اللى صممت عليه... نيجى بقى للى حصل النهاردة قمت
من النوم بدرى تعبانة وزهقانة ومش عارفة انام تانى ...
http://www.roro44.com/vbswar/fwasel/1_files/divider-04[1].gif
قلت اقعد ع الكمبيوتر شوية لقيته مش شغال فاخدت اللاب توب بتاع اشرف
لحد مايصحى ويشوف الكمبيوتر ... فتحته وقلت ادخل ع الفيس بوك واول
ماكتبت لقيته فتح على اكونت معرفش عنه حاجة وفوجئت باللى شفته
الاكونت باسمه بس كل اللى مضاف فيه بنات وباين من صورهم انهم مش
كويسين وشفت الرسايل كلها مواعيد واماكن وكلام فظيع مقدرتش اتحمله
وجريت صحيته وانا بقوله ايه ده ... لقيته قام وثار وبقى يزعق ويشتم ويضرب
فيه ويقوللى انا حر اعمل اللى اعمله وملكيش دعوة ودى حياتى ومش هغيرها
وانا مش قادرة ادافع عن نفسى من كتر الضرب لحد ماجيتوا انتوا"
http://www.roro44.com/vbswar/fwasel/1_files/divider-04[1].gif
"يا حبيبتى يابنتى ربنا ينتقم منه ومش هنسكت"
لسه بتكلم لقيت احمد داخل من بره ولما شاف منظر اخته وحكيناله لقيناه
اتنرفز جدا وجرى وهو بيقول
"والله ماانا ساكت له وهدفعه تمن اللى عمله ده غالى"
وجرى نزل تانى واحنا ننادى عليه ومسألش فينا
وبعدين قلت لنادية
http://www.roro44.com/vbswar/fwasel/1_files/divider-04[1].gif
"مش لازم نعمل للبنت كشف طبى ومحضر علشان لو رفض الطلاق
يبقى معانا سبب"
"طيب اتصلى بيوسف ييجى بس متقليلوش حاجة خالص دلوقتى"
اتصلت بيوسف وقالى نص ساعة وجاى وقلت لاسماء تدخل ترتاح لحد ماابوها
ييجى ونشوف هنروح مستشفى ولا قسم الاول ولا نعمل ايه؟ ... وكنت خايفة
من مواجهه احمد مع المجرم ده ليعمل فى ابنى حاجة وهو شكله بتاع مشاكل
فعلا نص ساعة وجه يوسف ولسه بنحكيله لقيت احمد داخل
http://www.roro44.com/vbswar/fwasel/1_files/divider-04[1].gif
"ايه يااحمد عملت ايه؟"
"مفيش روحت وقعدت اخبط مفتحش مع ان وانا طالع البواب قاللى انه فوق ولما
نزلت علشان اسأل البواب اذا كان نزل ملقيتوش تحت"
"الحمد لله يابنى ده مجرم ومابيهموش حاجة احنا ناخد حقنا بالقانون"
"ماما انا هتصل بمى وتشوف ايه الاجراءات وتعملها معاكوا"
http://www.roro44.com/vbswar/fwasel/1_files/divider-04[1].gif
وطيت راسى موافقة على كلامه وانا مكسوفة من نفسى ... ولما كلمها قاللى
انها مستنيانا فى المكتب وهتعمل اللازم كله
لقيت اسماء بتندهلى وتقول الحقينى ياماما جريت انا ونادية عليها لقيناها بتنزف
نزيف شديد وبتصرخ من الالم فعرفنا انها بتسقط جه يوسف واحمد وسندوها
ويوسف سبقنا يقرب العربية قدام باب العمارة لحد ماننزلها انا ونادية واحمد ...
قبل ماننزل واحنا لسه هنفتح الباب ...لقينا خبط جامد ع الباب
فتح احمد .... بوليس
الضابط قاله "انت احمد يوسف"
"ايوه"
http://www.roro44.com/vbswar/fwasel/1_files/divider-04[1].gif
"مطلوب القبض عليك بتهمة قتل اشرف منير جوز اختك"
ايام عمري
01-18-2015, 10:19 PM
يوميات حماة الحلقة 29
http://www.roro44.com/vbswar/fwasel/1_files/divider-02[1].gif
مصدقتش اللى سمعته من الضابط وصرخت
"ابنى ...ابنى ميعملش كده"
واسماء تعيط وانا مش عارفة هى بتعيط على جوزها ولا اخوها ولا من الالم
اللى هى فيه ... ونادية واقفة ماسكة اسماء ومذهولة وانا مش عارفة
اجرى ورا ابنى اللى مش عارفة هو ظالم ولا مظلوم ولا اشوف بنتى اللى
عمالة تنزف وبدات تفقد وعيها ... كل ده بيمر بسرعة واخدوا احمد وانا بصرخ
ولقيت يوسف طالع ع السلم مذهول لانه مش متخيل اللى بيحصل ده ...
ولقيت نفسى بتخنق ومش عارفة اتحرك ولا اتنفس وكل اللى قلته ليوسف
"متسيبش احمد"
http://www.roro44.com/vbswar/fwasel/1_files/divider-02[1].gif
ومقدرتش انطق بعدها بس شفت اسماء وقعت من نادية وانا بتخنق ونفسى
رايح خالص ... ونادية مش عارفة تتصرف لوحدها
دقايق وكان الجيران اتصلوا بالاسعاف اللى اخدنى انا واسماء فى وقت واحد
لما دخلنا المستشفى دخلونى العناية المركزة وعرفت انى جالى ازمة
قلبية ولقيت نفسى لوحدى ... عايزة اطمن على اسماء مش عارفة ومش
قادرة اتكلم وانا محطوط لى التنفس الصناعى
بعد شوية لقيت نادية جاية... وعنيها كلها دموع ... خفت .. لا ...اترعبت ...بنتى...
ولقيت الاجهزة حواليه بقت تعمل صوت عالى والممرضة جت تجرى على
الصوت... وشيلت الاكسجين اللى على وشى وقلت نادية
http://www.roro44.com/vbswar/fwasel/1_files/divider-02[1].gif
"بنتى... بنتى ... ماتت؟؟"
"بعد الشر اعوذبالله .... ليه بتقولى كده... هى فى العمليات وانا
جيت اطمن عليكى"
"متكدبيش عليه وقعدت اعيط"
الممرضة "يامدام ماينفعش الانفعال ده... انتى عندك ازمة قلبية والانفعال
خطر على حياتك"
نادية"والله ماحصل حاجة هى فى العمليات وانا قلت اطلع اطمن عليكى
وانزل لها تانى"
"طيب واحمد"
"معرفش حاجة لسه انا اتلبخت بيكوا... انا هكلم هشام يروح لهم"
http://www.roro44.com/vbswar/fwasel/1_files/divider-02[1].gif
الممرضة حطت لى التنفس الصناعى تانى وطلبت من نادية الخروج وقالتلى
بلاش انفعال ومشيوا وسابونى
انفعال ايه انا خايفة على ولادى ...وبقينا بالليل تقريبا اتحطلى منوم فى المحاليل
اول ماصحيت لقيت يوسف جنبى
"طمنى يايوسف... احمد فين"
http://www.roro44.com/vbswar/fwasel/1_files/divider-02[1].gif
رد بدموعه"ادعيله احمد محبوس لحد ما التحقيقات تخلص لان البواب اكتشف
الجثة بعد احمد ما مشى ب10 دقايق بالضبط وطبعا الجيران حكوا عن الخناقة
ولما طردكوا ولما البواب قال ان احمد جه وسأل عليه كان هو المتهم الوحيد"
"واسماء"
"اسماء كويسة انا كنت عندها من شوية طبعا اجهضت وحالتها بتتحسن
والدكتور قال انها ممكن تخرج بكرة ... وعايز اقولك ان احمد قاللى اتصل
بمى وهى ماسابتناش خالص وقالت لى على احسن محامى جنايات وراحت
له جابته وجت معايا هنا شافتك ونزلت لاسماء وبعدين مشيت وقالت راجعة تانى "
http://www.roro44.com/vbswar/fwasel/1_files/divider-02[1].gif
"انا كنت ظالماها يايوسف صح"
"ايوه... البنت كويسة واحمد له حق يتمسك بيها"
"بس انا خايفة على احمد اوى ...معقول يكون عمل كده"
"لالالا متقوليش كده انا متأكد ان ابنى برئ"
"ومنين متأكد كده... احنا منعرفش استفذه بإيه الزفت ده"
http://www.roro44.com/vbswar/fwasel/1_files/divider-02[1].gif
"احمد منهار وبيأكد انه مظلوم وانا مصدقه"
"يارب الحقيقة تظهر ... يارب طمنى على ولادى"
تانى يوم فعلا اسماء طلعت شافتنى وروحت ع البيت ونادية قالتلى انها مش
هتسيبها غير لما تبقى كويسة.. ومى كانت بتجيلى المستشفى كل يوم
رغم انى مشفتهاش قبل كده غير مرة واحدة الا انها كانت بتتعامل وكانها
تعرفنا من زمان ... انا حبيتها فعلا له حق احمد يحبها ويتمسك بيها... خرجت
من المستشفى بعد اسبوع وكل يوم يوسف عند المحامى واسماء منطوية
لوحدها مش بتاكل ولا عايزة تشوف حد ولا تكلم حد وكل مااكلمها واحاول
اعرف مالها تقوللى انها السبب فى كل اللى بيحصل ده وبرضه مى كانت بتكلمنى
كل يوم وتحاول تطمنى وقالت لى انها هتخلينى اشوف احمد وفعلا جابتلى
تصريح بزيارته واكدلى انه مظلوم ومعملش حاجة... وانا قلت له ان اول ماتظهر
برائته هخطب له مى على طول ...وحسيت بفرحتهم الاتنين
http://www.roro44.com/vbswar/fwasel/1_files/divider-02[1].gif
والايام بتعدى وانا املى ان برائته تظهر بيقل لانى رغم احساسى ببرائته
الا ان كل الادلة ضده
وفى يوم لقيت مى بتقوللى ان تقرير المعمل الجنائى اثبت وجود بصمة
مجهولة جوه الشقة و خرج احمد ورجع بس كانت التحقيقات لسه شغالة..
. وقلت لمى لو اهلها موافقين انا هكون عندهم فى الميعاد اللى يحددوه
ولو يحبوا يستنوا لما القضية تخلص انا تحت امرهم ...
http://www.roro44.com/vbswar/fwasel/1_files/divider-02[1].gif
ووافقوا ان تتم الخطوبة واسماء مستمرة فى انطوائها لحد مااضطريت اوديها
لدكتور نفسى وقال ان عندها اكتئاب وشعور بالذنب مخليها مش عايزة
تتعامل معانا وكتب لها مضادات للاكتئاب وقلنا يمكن اتمام خطوبة احمد يخرجها
شوية من اللى هى فيه ... وعملنا خطوبة بسيطة وجبنا لمى احسن شبكة
واهلها كانوا فرحانين بينا جدا وانا كنت فرحانة انى كفرت عن ظلمى ليهم
وكنت مستنية فرحتنا تكمل ببراءة احمد
http://www.roro44.com/vbswar/fwasel/1_files/divider-02[1].gif
واتجمعنا كلنا اسرة مى واحنا ونادية بس هشام ومراته وبنته كانوا فى
اسكندرية فمحضروش معانا وكان يوم جميل... بس انتهى بكارثة
ايام عمري
01-18-2015, 10:23 PM
يوميات حماة الحلقة 30 والاخيرة
http://www.roro44.com/vbswar/fwasel/1_files/divider-03[1].gif
واحنا راجعين من الخطوبة لقينا تليفون جه لنادية وصرخت
"ابنى ... مستشفى ايه... "
اتخضينا وسألناها فى ايه
"هشام عمل حادثة"
طبعا فرحتنا اتقلبت رعب واحنا مش عارفين ايه اللى حصل وروحنا على
المستشفى اللى فيها هشام وسألنا عنهم عرفنا ان هشام ومراته فى العمليات
وجنى سلموهالنا وقالوا لنا انها خرجت من الحادثة سليمة بدون اى خدش
وعملوا الفحوصات اللازمة وحالتها مطمئنة جدا... وحالة هناء مرات هشام خطيرة
لان اصابتها كلها فى المخ ... اما حالة هشام فهى مجموعة كسور وبيتركب له
شرائح ومسامير فى ايده ورجله ...
http://www.roro44.com/vbswar/fwasel/1_files/divider-03[1].gif
طبعا اهل هناء وصلوا وكانوا فى حالة لايرثى لها من خوفهم على بنتهم لانها
الوحيدة الموجودة هنا بعد سفر اخواتها كل فى بلد وهى اللى كانت بتراعى
مامتها المريضة ... خرجت هناء من العمليات والدكتور قالنا ان حالتها غير مطمئنة ..
. وبعدها خرج هشام والدكتور قال ان حالته هتاخد وقت وبعدين يتحسن ويبقى
طبيعى ... كان الفجر بيؤذن وجنى كانت بتعيط كتير وكانت عاملة ازعاج فى
المستشفى فقلت لاسماء واحمد ويوسف يروحوا وياخدوا البنت معاهم واسماء
تراعيها وانا هفضل مع نادية.
http://www.roro44.com/vbswar/fwasel/1_files/divider-03[1].gif
تانى يوم كان هشام فاق وحكى وهو تعبان
"انا قلت اعملكوا مفاجأة واجى احضر معاكوا خطوبة احمد علشان كده مقلتش
لحد واحنا راجعين فجأة لقيت العربية بتتقلب ومعرفش حصل ايه بعدها... جنى
وهناء حصلهم ايه؟؟"
طمناه على جنى وقلناله انها فى البيت وهنجيبهاله يطمن عليها وقلناله ان هناء
كمان كويسة وفاقت بس متقدرش تقوم من السرير مقدرناش نقوله انها دخلت
غيبوبة ومحدش عارف هتفوق منها امتى؟؟
كنا كل كام يوم بنجيب له جنى ونقوله ان هناء بتتحسن والعكس صحيح... بعد 10
ايام فى الغيبوبة توفت هناء ومقدرناش نخبى عليه وكانت صدمة كبيرة بالنسبة
له وخصوصا انه صاحب اقتراح الرجوع من اسكندرية وهى مكنتش موافقة
ترجع بالليل.
اهل هناء كانت صدمتهم اكبر طبعا ومامتها حالتها الصحية ازدادت سوء واحنا كلنا
حزننا على اللى راحت فى عز شبابها وملحقتش تفرح ببنتها اللى عندها
يدوب كام شهر.
http://www.roro44.com/vbswar/fwasel/1_files/divider-03[1].gif
لماخرج هشام من المستشفى وانا استقريت فى البيت الى حد ما لقيت ان
اسماء اتغيرت خالص وبقت منشرحة ومبسوطة رغم مود الحزن اللى احنا فيه
والاكتئاب اللى كانت فيه ده اختفى تماما واتاكدت ان جنى هى سبب تحول
اسماء بالسرعة دى للاحسن ... وكان ربنا بعت جنى لاسماء فى الوقت ده
علشان تنسى الايام السودة اللى فاتت وكان كل يومها عبارة عن
جنى والاهتمام بيها
وفى يوم لقينا مى بتتصل وبتقول ان قاتل اشرف اتمسك وكده يبقى احمد
بره الموضوع تماما ولما سألناها عن القاتل قالت لنا
http://www.roro44.com/vbswar/fwasel/1_files/divider-03[1].gif
"البصمة الغريبة كانت الخيط اللى المباحث مشيت وراها ... وبالتحريات عرفوا
ان اشرف كانت سمعته مش مظبوطة وان البنت جارتهم اللى كان واعدها بالجواز
قبل مايتجوز اسماء كان بيهددها بصورمركبها للبنت مع ناس كتير ويبتزها حتى
بعد جوازه وكانت خايفة منه وبتسمع كلامه وكان دايما بيخليها تروح له البيت
واسماء مش هناك وقبل القتل بكام يوم البنت اعترفت لامها باللى بيحصل والام
معرفتش تتصرف وحكت لجوزها اللى نزل بعد الخناقة علشان ياخد منه الصور
وطبعا اشرف كان لسانه طويل ومستفز فاتخانقوا وابو البنت هو اللى قتله وهو
كان صاحب البصمة الغريبة"
http://www.roro44.com/vbswar/fwasel/1_files/divider-03[1].gif
الحمدلله يارب ان براءة ابنى ظهرت وقلت له يبدأ يجهز الشقة هو ومى بس
هنستنى شوية على الجواز علشان وفاة هناء
عدت الشهور وبدأ هشام يرجع تانى زى الاول بيتحرك وبينزل ورجع شغله وجت
نادية وقالت انها تقدر دلوقتى تاخد جنى... وكانت مشكلة كبيرة لما فعلا
اخدوا البنت ... رجعت اسماء تانى لحالة الاكتئاب اللى كانت عندها وكنت
اسمعها طول الليل تعيط وهى اخدة هدوم جنى فى حضنها مع ان نادية كانت
مش اخدة البنت مننا اوى بس مش عارفة وحاولت كتير مع اسماء انى اقنعها
ان البنت كان مسيرها ترجع لابوها ومفيش فايدة
احمد ومى جهزوا كل حاجة واستئذنت هشام انى اعمل فرح لاحمد ووافق
ووحددنا معاد الفرح وكان مر على الحادثة حوالى 7 شهور
http://www.roro44.com/vbswar/fwasel/1_files/divider-03[1].gif
قبل الفرح باسبوعين جت نادية وقالتلى انها عايزة تجوز هشام لاسماء علشان
كل واحد فيهم محتاج للتانى... وافتكرت لما طلبت منى اسماء المرة الى فاتت ...
ياااااااه لو كانوا اتجوزوا وقتها مكنش حصلت فى حياتنا كل الاحداث دى...
http://www.roro44.com/vbswar/fwasel/1_files/divider-03[1].gif
قلتلها هاخد رأى يوسف واسماء وطبعا اول ماقلتلهم يوسف فرح علشان بنتنا
ربنا عوضها بانسان كويس واسماء فرحت علشان جنى راجعة تانى لحضنها
ويوم فرح احمد ومى جابت نادية الدبل لهشام واسماء وبعدها بشهر اتجوزوا.
النهااااااااااااااااااااااااااااية
ايام عمري
01-19-2015, 02:09 PM
ليست عذراء...لدينا عماد
الحلقة 1
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
صوت جرس الباب بيرن
مايا بتفتح عينيها على الصوت... بتقوم من ع السرير... سامعة
صوت باباها وجدتها بره... بتقوم تقف قدام المراية... تبص بحزن
على جمالها وملامحها الاوروبية عيونها الزرقا وبشرتها البيضا
وشعرها الاشقر... بتقرب من المراية وبتلاحظ الهالات السودا
تحت عينيها وبتلمسها
باب الاوضة بيخبط... بيتفتح الباب
"العروسة صحيت ولا لسه"
بتقرب منها نسرين "حامل فى الشهور الاخيرة" وبتسلم عليها
بتفرح مايا لما تشوفها...فرحة مكسورة... بيحضنوا بعض
"حمدالله ع السلامة يانسرين...كده متجيش من بدرى"
"معلش يامايا.. ممدوح معرفش ياخد اجازة الا يومين بس"
"يعنى مش هتقعدى معايا شوية"
"معاكى فين يابنتى... ده انتى كلها كام ساعة وفارس هياخدك
على عش الحب وطير ياحماااام"
نسرين بتضحك وهى بتغنى... مايا بتحاول تبتسم ... متقدرش ..
.تلاحظها نسرين
"مالك يامايا"
"متضايقة... خايفة... مش عارفة"
"معلش مش هتخافى اكتر منى..ده انا يوم الفرح كنت مرعوبة
بس بدل بتحبى عريسك وهو بيحبك متخافيش من اى حاجة"
مايا بتسكت مبتردش... بتبص لها نسرين
"ايه ده يامايا...وشك باي عليه الاجهاد...انتى مش نايمة كويس؟"
"بقالى بتاع اسبوع مبنمش... لو عرفت انام ساعتين يبقى من الله"
بيرن موبايل مايا ع السرير... بتمسكه نسرين...وترد
"الو... لا مش حبيبتك ...جيت من ساعة بس... وانت كمان واحشنى يافارس...
الف مبروك ربنا يتمم بخير...خلى بالك من مايا انا بقولك اهو...انا عند نينة تحت...
اه طبعا هطلع اسلم على خالتى... ممدوح وصلنى وخرج شوية...مايا معاك اهى"
بتناول مايا التليفون... مايا بتاخده
"انا يدوب سلمت على ماما ونزلت لك... هطلع اسلم على
خالتى علشان متزعلش..لما تخلصى وتفطرى وتفوقى
رنى عليا انزلك"
"هتيجى معايا الكوافير مش كده...متسيبينيش يا نسرين
النهاردة بالذات"
"حاضر ياحبيبتى...جاية معاكى طبعا"
اخدت مايا التليفون...وخرجت نسرين من الاوضة
"الو"
"صباح الخير ياحبيبتى"
"صباح النور"
"انا رايح الشقة اودى أكل...عايزانى اخد حاجة وانا رايح"
"لا...فارس انا عايزة اتكلم معاك"
"خير؟"
"موضوع مهم...ينفع تنزلى نتكلم"
"طيب حاضر... هلبس وانزلك"
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
فارس قفل مع مايا وكمل لبسه...خرج من الاوضة
راح لباباه اللى كان قاعد يقرا الجورنال
"صباح الخير يابابا"
"صباح النور يا عريس...مبروك يابنى"
جت حياة من المطبخ
"الاكل اللى هتشتريه يا فارس اوعى تسيبه بره التلاجة...
الجبن ع الرف واللحوم ف الفريزر"
فارس"حاضر ياماما"
توفيق بيطلع فلوس من جيب الجلابية
"خد يافارس"
فارس"شكرا يابابا ...معايا الحمدلله"
توفيق"ما انا عارف ربنا يزيدك...بس دى هدية جوازك"
حياة"خد من ابوك يا فارس... ربنا يسعدكم يابنى"
توفيق"اعمليلى كوباية شاى ياحياة"
حياة"حاضر"
توفيق بيميل على فارس
"عايز اقولك كلمتين مهمين"
"اتفضل يابابا"
"انا عارف انك بتحب عروستك... بس اوعى الحب ده يخليك
ضعيف قصادها... اوعى تسمح لها انها تمشى كلمتها
عليك ولا تتدلع بجمالها ... لازم تدبح لها القطة من اول يوم..
. اول يوم ده اللى هيريحك العمر كله او يتعبك العمر كله...
ياهتكون انت الراجل ياهتكون هى الراجل... وانت راجل من
ضهر راجل ولا ايه؟"
"طبعا يا بابا ...بس مايا عارفاى كويس وعارفة طبعى وهى هادية ...
انا متاكد انها هتكون زوجة مطيعة"
"ربنا يسعدكم يابنى"
دخلت حياة بالشاى...ف نفس اللحظة اللى رن فيها جرس الباب
فارس بيقوم يفتح
"دى اكيد نسرين...كانت عند نينة تحت وقالت هتطلع لنا"
بيفتح الباب لنسرين...بتسلم عليه
"ازيك ياعريس... ازيك ياخالتى...ازيك يا عمو"
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
فؤاد قاعد مع مامته ع الفطار... تخرج لهم مايا وتقعد معاهم
"صباح الخير يابابا...صباح الخير يا نينة"
بيردوا عليها التحية
الجدة"انتى نمتى امتى... ده انتى كتى صاحية ساعة الفجر"
مايا"نمت من شوية كده"
فؤاد"ليه كده السهر ده"
مايا"غصب عنى مبيجيليش نوم"
الجدة"طب كلى لقمة علشان انتى طول اليوم هتبقى ف الكوافير"
مايا"حاضر"
بيرن جرس الباب...بتقوم مايا تجرى
"ده اكيد فارس"
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
بتفتح الباب... فارس بيدخل
"صباح الخير يا نينة...صباح الخير يا خالى"
فؤاد"اهلا يافارس...تعالى كنت عايزك"
مايا بتشد فارس قبل ما يدخل
"انا عايزة اتكلم معاك"
فارس"هشوف خالى الاول واقعد معاكى"
فؤاد "فطرت يافارس"
فارس"اه الحمدلله"
يقوم فؤاد من ع الفطار
"طب تعالى ف الصالون هنتكلم شوية "
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
دخل فؤاد الصالون وراح فارس وراه
مايا رايحة وراهم...نادت عليها جدتها
"تعالى يا مايا افطرى"
"لا شبعانة يا نينة...شكرا"
جرس الباب بيرن...بتروح مايا تفتح
"صباح الخير يا مايا"
"صباح النور ياعمتو"
"نسرين نزلت ولا لسه عند حياة"
"اكيد عند عمتو حياة"
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
دخلت ايمان لمامتها المطبخ..ووراها مايا
ايمان"صباح الخير ياماما"
الجدة"صباح النور...جيتى ف وقتك"
ايمان"متقلقيش انا قلتلك هاجى اطبخ معاكى اكل العروسة... قوليلى يا عروسة اعملك ايه جنب الفراخ"
مايا وهى بتخرج م المطبخ
"اى حاجة"
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
فارس مع فؤاد
فؤاد"انت عارف يافارس ان انت ابنى وان مامتك وباباك ربوا مايا اكتر ما انا ربيتها"
فارس"طبعا ياخالى"
فؤاد"وانت لما خطبتها وهى وافقت انا متكلمتش ف اى حاجة"
فارس"حصل"
فؤاد"بس النهاردة كتب الكتاب ولازم هيكون فيه اجراءات نتكلم
فيها ومش هنتكلم فيه قدام الناس"
فارس"تقصد يعنى المؤخر وكده...اللى تؤمر بيه"
فؤاد"هنعمل قايمة زى ما عملنا لنسرين ونكتب فيها اللى
ف الشقة ومؤخر 50 الف جنيه"
فارس"حاضر ياخالى... اى اوامر تانية"
فؤاد"خلى بالك من مايا... انت هتبقى كل حاجة ليها"
فارس"مايا ف عنيا"
رن موبايل فارس...رد
"الو... ايوه يا احمد...حاضر انا نازل اهو"
كمل كلامه وهو خارج وكانت مايا مستنياه قريب من الباب
"رايح فين"
"احمد صاحبى مستنيى تحت...ورايا مشاوير كتير اوى يامايا"
"عايزة اتكلم معاك"
"بالليل ياحبيبتى... هنبقى مع بعض وهنتكلم براحتنا...انتى نازلة امتى"
"الساعة 1"
بص فارس ف الساعة
"نسرين رايحة معاكى"
"اه نسرين وعمتو ايمان...هى مامتك مش جاية معانا ليه"
"بابا قالها تروح ع القاعة احسن...يالا سلام"
نزل فارس ومايا واقفة ف مكانها سرحانة
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
مايا قاعدة عند الكوافير... خلصت كل حاجة
كل اللى داخل او خارج ينبهر بجمالها
والمثير للانتباه... ان كل اللى يشوفها يقول
"عروسة اجنبية محجبة"
حتى الكوافيرة نفسها لولا انها اتكلمت معاها وعارفاها كانت
شكت انها اجنبية
مايا ملاحظة نظرات الاعجاب ف عيون كل الناس
بس اللى شاغلها الحزن اللى جواها وانها مش قادرة تفرح
بتقرب منها نسرين
"ايه يا مايا... شكلك زى اللى بتتجوز غصب عنها"
مايا بتحاول تبتسم...بتكمل نسرين كلامها
"اضحكى ومتفكريش كتير... هتطلعى مكشرة ف الفيديو"
تدخل لهم ايمان
"يالا يا مايا...فارس وصل"
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
مايا قاعدة على الكوشة... اثناء كتب الكتاب
فارس قاعد مع فؤاد مع المأذون
صوت كتب الكتاب فى الميكرفون بيملا القاعة
كل كلمة بتتقال بتسمعها مايا بتجرح قلبها
خلص كتب الكتاب...سمعت الزغاريط
نزلت منها دمعة غصب عنها
لمحتها ايمان وهى بتمسح دموعها هى كمان
نظرات ايمان ومايا اتلاقت بدموعهم
كل واحدة فيهم اتجاهلت ان التانية شافتها
ومسحت دموعها وحاولت تبتسم
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
فارس ومايا داخلين شقتهم...ومعاهم حياة وتوفيق
وايمان وفؤاد وجدتهم
دخلت الجدة مع مايا اوضتها
"مبروك يا مايا... انا وباباكى هنجيلك الضهر نطمن عليكى... ابوكى
عاش بره صحيح بس لسه دماغه وتفكيره ماشية على عاداتنا
القديمة ... وزى ما حصل مع بنت عمتك لازم يحصل معاكى"
طلعت لها منديل ابيض
"خدى ده... وبكرة هنيجى ناخده علشان ابوكى وحماكى يشوفوه"
قامت الجدة خرجت من الاوضة
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
سلمت على فارس وباسته
"مبروك ياحبيبى...خلى بالك منها"
توفيق بيسلم عليه وبيوشوشه
"زى ما قلتلك... لازم تبقى راجل من اول يوم ومتنخش ...
يالا شد حيلك وهنيجى بكرة نطمن عليكم"
خرجوا كلهم وقفل فارس الباب وراهم ودخل اوضته
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
فارس داخل الاوضة لمايا...قعد جنبها على طرف السرير
"مبروك يا حبيبتى"
قرب منها يبوسها...بعدت عنه بحركة مفاجئة
"مالك"
"مفيش متوترة شوية بس"
قامت مايا وقفت قدام المراية وهى بتفك الطرحة
قرب منها فارس وحضنها...بعدت
"فارس عايزة اتكلم معاك شوية"
"هنتكلم وهنقول كل حاجة بس بعدين"
وافتكر فارس كلام باباه واتنرفز عليها
"فى ايه...كل ما اقرب منك هتبعدى وتقولى تكلم...هو الكلام هيطير"
مايا بخوف
"بتزعق ليه... متخوفنيش منك"
حس بيها خافت فعلا
"متزعليش يا مايا... بس محبكتش كلام دلوقتى... متخافيش"
حضنها فارس بحب وحنان... واستسلمت ليه بهدوء
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
فارس بيفتح نور الاباجورة وهو قاعد على السرير
بيبص لمايا... مايا بتبعد عينيها عنه... وبتقوم من تحت الغطا
فارس بيشيل الغطا من عليه يرميه على الارض
مايا بتلبس الروب... فارس بيبص على الملاية البيضا المفروشة
ع السرير
قام...مايا جاية تخرج م الاوضة...شدها من دراعها
"ايه ده؟؟؟ ازاى يعنى"
مايا وهى بتترعش وبتحاول تلاقى مبرر
"بتحصل"
"بتحصل ازاى... هو انا اهبل هتضحكى عليا"
عيطت مايا بخوف وقعدت على السرير وهى مرعوبة
"انت مش بتحبنى... افهمنى"
وبكل غضب وثورة...ضربها بالقلم
"افهم ايه.... افهم انك ضحكتى عليا... كنتى بتمثلى علينا الادب
والاخلاق وانتى صايعة وماشية على حل شعرك"
مايا بتعيط
"متقولش عليا كده...انت عارفنى كويس"
"انا ليا اللى عرفته النهاردة"
مسكها من دراعها وهو بيهزها بقوة
"مين اللى عمل كده... قولى ... وامتى ؟؟ وليه ضحكتى عليا"
"سامحنى واسترنى يا فارس ... انا مهونش عليك تفضحنى
مش كده؟"
"استر ايه؟؟؟ واللى جايين بكرة دول اقولهم ايه"
مايا بتحاول تستعطفه
"ارجوك يا فارس... استرنى ده انا مراتك حبيبتك"
ولما قالت كده...كأنها غاظته اكتر
هجم عليها وفضل يضرب فيها
"عملتى فينا كده ليه... فيا وف ابوكى وف كل اللى وثقوا فيكى"
ايام عمرى
روووووووووووعه
استمرى يلا
الحقينا بالحلقه التانيه
يسلمووووو ايدك حبيبتى
ايام عمري
01-20-2015, 02:34 PM
مرورك الاروع يا شهد اكيد
واكيد اليوم هتنزل الحلقة الثانية
تكرمي يا قمر
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-20-2015, 02:48 PM
ليست عذراء... الحلقة 2
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا على السرير... من كتر الضرب بدأت تفقد قدرتها ع الصراخ
قلق فارس... بعد عنها بعد ما شاف الدم بينزف من شفتها
"قومى اغسلى وشك"
مايا موجوعة... ألم نفسى وألم جسدى
حاولت تقوم مش قادرة... فضلت مكانها
صرخ فيها
"بقولك قومى اغسلى وشك ده من الدم اللى عليه"
قامت وهى بتجر نفسها من الألام اللى فيها
قعد فارس على طرف السرير يبص عليها
احساس بالذنب ناحيتها... واحساس بالاشمئزاز منها
صراع داخلى بين احاسيسه المتناقضة مش عارف يميل لاى احساس فيهم
جت مايا من الحمام بعد ما غسلت وشها
وماسكة منديل بتكتم بيه الدم على شفتها اللى اتفتحت من الضرب
قام فارس وقف.... قعدت مايا على السرير وهى بتعيط
صرخ فيها
http://www.vb.fll2.com/storeimg/img_1352593330_915.gif (http://forums.fll2.com/hsb76523)
"مين اللى عمل كده؟؟ حمزة مش كده"
بصت له باستنكار...استفزه
"ايه؟؟؟ مش حمزة... حد وانتى مسافرة؟؟؟ خونتينى واحنا مخطوبين؟؟ انطقى عملتى فينا كده ... انا مصدوم فيكى"
ونطقت بلسان تقيل من ألمها
"انا اللى اتصدمت فيك... انت واحد تانى غير فارس اللى اعرفه"
وصرخ فيها اكتر وهو بيهم يضربها...خبت وشها بايديها
"كنتى عايزانى اقولك ولا يهمك... عادى يا حبيبتى نزوة وخلاص واخص عليه اللى سابك... احمدى ربنا انى مموتكيش"
"وانت فاكر كده مموتنيش وموت كل احساس جوايا ناحيتك"
"ليكى عين تتكلمى كمان... ماهو صحيح بعد اللى عملتيه ده مش بعيد يطلع منك اى حاجة"
مددت على السرير تنام بوجعها النفسى والجسدى
"انتى هتنامى... قومى قوليلى غلطتى مع مين"
ردت وهى بتشد عليها الغطا
"مبقتش تفرق"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا نايمة صاحية...دموعها نازلة بصمت
فارس نايم صاحى...الالم بيعتصر قلبه
كل واحد فيهم ضهره للتانى
فارس بيتكلم ف سره
"ليه تعملى فيا كده... ليه فاجئتينى خلتينى مقدرتش اتحكم ف اعصابى"
مايا بتكلم نفسها ف سرها
"كان نفسى تسمعنى الاول قبل ما تحكم عليا... كان نفسى تسامحنى ونبدأ مع بعض صفحة جديدة زى ما كنت بتوعدنا
فارس بيكمل كلام ف سره
"كنت بحلم ان حياتنا هتبقى احلى حياة ...كنت بفكر ازاى اسعدك واعوضك عن كل حاجة فاتت... صدمتينى وحطمتى كل احلامى"
مايا بتكمل كلامها ف سرها
"كنت كل ما افتكر اللى حصل واخاف... اسمع كلامك واشوف حبك ليا اقول هيسامحنى... يا خسارة حبى ليك
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فارس بيكمل كلامه ف سره
"لسه فاكر اول مرة شفتك فيها... ياااه يا مايا... وفاكر كمان نظرة حمزة ليكى"
فلاش باك
فارس وحمزة "8 سنين" ونسرين "5 سنين" بيلعبوا على السلم
باب البيت من تحت مقفول.... يظهر فؤاد قدام الباب
تدخل نسرين تجرى على بيت الجدة
"خالو فؤاد...خالو فؤاد جه يانينة"
تيجى الجدة بمفتاح الباب ... تفتح بلهفة لفؤاد
"حمدالله ع السلامة... ده ايه المفاجئة الحلوة دى"
تفتح الباب... اول ما الباب يتفتح
تظهر مايا "3 سنين" واقفة ف ايد فؤاد
طفلة جميلة بملامح اوروبية
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فارس وحمزة واقفين جنب بعض
اتفاجئوا بالطفلة الضيفة
مال فارس على حمزة
"مين دى؟"
كانت عين حمزة مركزة على مايا وبيبتسم لها وهى كمان بتبتسم له
حمزة مسمعش سؤال فارس
دخل فؤاد البيت وهو ماسك مايا ف ايده
نزلت ايمان ع السلم ونسرين وراها
"فؤاد جه بصحيح... حمدالله ع السلامة"
دخل حمزة وفارس ورا فؤاد وايمان وجدتهم
حمزة راح لايمان
"مين دى ياماما"
ايمان"دى مايا بنت خالك"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فؤاد قاعد ف الصالون مع مامته
وايمان وجوزها مصطفى
وحياة وجوزها توفيق
وال3 اطفال واقفي يبصوا للضيفة الغريبة
توفيق"فارس خد اخواتك واطلعوا العبوا بره"
تقرب نسرين من مايا
"تعالى العبى معانا"
مايا بخوف تبعد وترجع لحضن فؤاد
فؤاد"روحى العبى معاهم"
مايا ترفض من غير ما تتكلم وتحضن فؤاد
ايمان"خلاص يا نسرين... اطلعوا انتوا العبوا وسيبوا مايا
يطلع فارس وحمزة ونسرين يكملوا لعب ع السلم
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا حست بصداع...ومع عدم قدرتها على النوم
قامت تدور على مسكن للصداع
فارس حس بيها وهى قايمة
"رايحة فين؟"
مردتش عليه... قامت تفتح النور
لمحت صورتها ف المراية
بصت لنفسها...اتفاجئت
شفتها وارمة وزرقا
وخدها متعلم عليه خطوط حمرا من الضرب
صعبت عليها نفسها... نزلت دموعها
راحت اخدت المسكن ورجعت مكانها تانى
حاولت تنام... وافتكرت اول يوم ليها ف مصر
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فلاش باك
مايا قاعدة ف حضن فؤاد
مستغربة الناس اللى اول مرة تشوفهم
ورغم انها كانت صغيرة... بس فاكرة كويس
كلام كتير بيتقال بلغة مش مفهومة
اطفال موجودين ...وبنت بتكلمها وهى مش فاهماها
كل اللى فاكراه انها فضلت ف حضن باباها اسبوع
بيعلمها الكلمات المهمة واسامى الموجودين
وف اخر الاسبوع سابها وسافر
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فارس لما قامت مايا فتحت النور
وشاف وشها... استغرب ازاى قدر يعمل فيها كده
وافتكر انه يوم ما فؤاد جاب ومايا وجه
وباباه قالهم يروحوا يلبعوا
رجع هو وحمزة ونسرين ...وقعدوا جنب الباب من غير ما حد يشوفهم
فلاش باك
فؤاد" انا جبت مايا علشان تعيش هنا على طول"
الجدة"ليه يافؤاد...فين مامتها"
فؤاد"هنتطلق"
توفيق"بصراحة يعنى انت غلطت لما اتجوزت واحدة لا م بلدك ولا م دينك...لأ وخلفت منها كمان"
فؤاد"ايوه كنت غلطان... بس اهو ادينى بلحق الغلط بدرى بدرى"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
ايمان"بس حرام يا فؤاد بنت صغيرة زى دى تتحرم من مامتها ف السن ده"
فؤاد"ما انا جايبها وعارف ان هيبقى لها 3 امهات مش ام واحدة... انا عايزها تتربى على عاداتنا واخلاقنا...مش عايز اللى شفته هناك يتكرر"
الجدة"ايه اللى شفته هناك"
فؤاد"واحد صاحبى هناك... بس اكبر منى ومتجوز من زمان ونفس الظروف شبيهه بظروفى... بنته هناك عايشة زى الاجانب مع انها مسلمة بس بالاسم بس وراحت عاشت مع صاحبها ومامتها بتشجعها"
توفيق"استغفر الله العظيم"
مصطفى"ماهى البنت طلعت زى المجتمع اللى عاشت فيه"
فؤاد"علشان كده خفت"
ايمان"ومراتك... سابت البنت ازاى ولا انت جبتها من وراها"
فؤاد"انا وهى بيننا مشاكل كتير فاتفقنا اننا ننفصل وانا اخد البنت"
الجدة"وهى وافقت"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فؤاد"الحمدلله وافقت علشان مش فاضية لها ووراها شغل"
الجدة"ياقلبها"
فؤاد"بس اتفقنا ان مايا تروح لها كل صيف اسبوع ولا اتنين وهى لو عايزة تشوفها تبقى تيجى هنا...المهم ان البنت تعيش وتتعلم هنا"
توفيق"خير ماعملت"
مصطفى"وانت هترجع تستقر هنا؟"
فؤاد"معدش ينفع...انا شغلى وحياتى استقرت هناك... انا لازم ارجع"
الجدة"روح يابنى شوف شغلك ومتقلقش على بنتك... اهى تتربى مع عيال اخواتك"
ايمان"هى بتفهم عربى"
فؤاد"لا ...بس اكيد هتتعلم وسطكم"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
قام فارس من ع السرير وهو متضايق
فتح شباك الاوضة ووقف يبص للسما
وهو بيفكر
"اعمل ايه... كلها كام ساعة وهييجوا يسألونى... اهو اللى انت كنت خايف منه ياخالى حصل...بنتك مصانتش شرفك"
بص لها وهى على السرير وضهرها ليه
التفت بعيد عنها وهو مشمئز منها بعد ما افتكر اللى عملته
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا مش عارفة تنام... حست بفارس وهو قايم من جنبها
متحركتش من مكانها...
"للدرجة دى انا اتخدعت فيك... كان لازم اعرف انك غير حمزة... كان لازم افتكر قسوتك عليا زمان زى ما قسيت عليا دلوقتى"
فلاش باك
مايا ونسرين ماسكين ف ايد بعض
بيشتروا حاجات حلوة من جنب البيت
حمزة وفارس بيلعبوا كورة مع اولاد تانيين
نسرين جريت سبقت على البيت
ولد ف سن فارس... راح لمايا
"انتى اسمك ايه"
"مايا"
"هو انتى ليه لابسة باروكة"
"يعنى ايه باروكة"
"شعر بيحطوه الستات على راسهم"
"لا مش حاطة حاجة...ده شعرى"
"لونه كده ازاى"
مد الولد ايده باستغراب يتأكد ان ده شعر مايا
مسكه بتعجب وانبهار واستكشاف لحاجة اول مرة يشوفها
http://www.vb.fll2.com/storeimg/img_1352593330_915.gif (http://forums.fll2.com/hsb76523)
جه فارس يجرى هو وحمزة عليهم
فارس"انتى سايباه يمسك شعرك ليه"
حمزة للولد"انت بتشدها من شعرها ليه"
الولد"مش بشدها انا بشوفه بس"
مايا مش عارفة ترد على فارس
زعق لها
"متخليش حد يلمسك تانى انتى فاهمة...يالا ع البيت"
زقها ناحية البيت وقعت ع الارض
عيطت وهى واقعة... ومد حمزة ايده يساعدها تقوم من ع الارض
وهو بيزعق لفارس
"وقعتها ليه"
"موقعتهاش انا كنت بقولها تروح ع البيت"
مد حمزة ايده لايد مايا وهو بيزعق لفارس
"هقول لباباك"
جرى حمزة ومايا ف ايده
ووراهم فارس بيلحقهم قبل ما يروحوا لباباه
http://www.vb.fll2.com/storeimg/img_1352593330_915.gif (http://forums.fll2.com/hsb76523)
حياة داخلة اوضتها
توفيق بيخلص صلاة
"تقبل الله"
"منا ومنكم"
قام توفيق... وقعد على كنبة ف الاوضة
وسرح وضحك
"بتضحك على ايه"
"عارفة افتكرت ايه دلوقتى"
"ايه"
"اول خناقة بين فارس ومايا... سبحان الله اللى يشوفهم يومها يقول هيطلعوا ميطيقوش بعض"
"شوف النصيب... اهى بقت مراته...ربنا يهنيهم"
"يومها مع انه كان صغير بس طلع راجل بجد...مش زى حمزة"
جت سيرة حمزة... قطعت الضحكة من على وش حياة
فلاش باك
حمزة ومايا داخلين على توفيق البيت من الباب المفتوح دايما
"عمو... فارس وقع مايا ع الارض"
مايا بتعيط...دخل فارس يجرى
توفيق بيشخط ف فارس
"زعلت بنت خالك ليه"
"سايبة ولد يمسك شعرها...مش عيب كده"
توفيق وهو بيبص لمايا...
"صحيح؟"
حمزة"هى معملتش حاجة... هو يوقعها ع الارض ليه"
توفيق"مينفعش يا حمزة انها تسيب حد يلمسها...جدع يافارس... راجل"
nabila
01-20-2015, 08:36 PM
ألف شكر لكـ حبيبتي
قصة في منتهى الروعة
سلمت لنا يداكـ على الجلب المميز
حقا استمتعت بالقراءه
ليس جديد عليك هذا الابداع والجمال
لانه حليفكي دائما
دمتي ودامت روحكـ بخير
لاحرمنا قادمك .
تـحـيـاتـي
http://img-fotki.yandex.ru/get/6416/39663434.225/0_7c69c_fbc880cf_L.gif
ايام عمري
01-21-2015, 01:39 PM
مرورك الاروع حبيبتي بلبل
وبتمنى القصة اتابعوها معي للاخير
ويارب تعجبكم
نورتيني حبيبتي
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-21-2015, 01:52 PM
ليست عذراء... الحلقة 3
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
مايا نامت بعد ما تعبها الارق والالم اللى بتعانيه
فارس نام... ومن التفكير صحا قبل مايا
فارس قاعد بيبص لمايا وهى نايمة
خيالات كتير بتيجى على باله وهو سرحان فى اللى حصل
تفكيره بيصورله ازاى كانت راضية
تفكيره بيصورله ازاى كانت بتتعامل ف الموقف
بيحاول يبعد الافكار عن خياله مش قادر
بدأت الافكار تدور حوالين مين اللى كان معاها
تفكيره المسيطر عليه...حمزة
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
تفكيره المتواصل..ولما شافها نايمة
هب مرة واحدة.... صحاها بعنف
"انتى نايمة وسايبانى اكل ف نفسى"
صحيت مايا على صوت زعيق فارس
وشده ليها من دراعها لدرجة انها قعدت من قوة شدته
وردت من المفاجأة
"فى ايه"
ثار اكتر
"فيه انك ضحكتى عليا... كنتى بتضحكى علينا كلنا...مع حمزة صح؟؟ هو حمزة...
علشان كده انتى قاعدة عندهم على طول"
عيطت مايا... من خوفها من عصبية فارس... هزها بعنف
"كنتى بتحبيه... انا غلطان انى تناسيت انك كنتى بتحبيه...سلمتى لى نفسك
باسم الحب"
وبمحاولة لرد الوجع
"ايوه كنت بحبه ...وانا غلطانة انى اتجوزتك...ندمانة انى صدقتك واتجوزتك"
ثار اكتر ومحسش بنفسه الا وهو بيضربها اكتر
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
حياة لابسة وطالعة من اوضتها
"انا نازلة لماما... كمل لبسك وابقى انزل علشان نروح للعرسان"
"طيب...هصلى الضهر وانزل"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
حياة داخلة بيت مامتها...شافت فؤاد قاعد
"صباح الخير يا فؤاد"
"صباح النور...هو توفيق مش جاى معانا ولا ايه"
"لا جاى... شوية ونازل...هى ايمان منزلتش"
"لا لسه"
دخلت حياة المطبخ لمامتها...اول ما شافتها
"كل حاجة جاهزة... اعمليلى قهوة لحد ما البس"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
خرجت الام من المطبخ ف نفس الوقت اللى دخلت فيه ايمان البيت ومعاها
نسرين وجوزها
ايمان"نسرين جاية تسلم عليكم قبل ما تمشى"
الجدة"انتى لحقتى ...مش لسه جاية امبارح....ماتقعدى معانا كام يوم"
نسرين"معلش يانينة علشان شغل ممدوح"
الجدة"ما تسيبها ياممدوح كام يوم"
ممدوح"يرضيكى يعنى انها تسيبنى... اهون عليكى"
الجدة"لا يا بنى ربنا مايحرمكم من بعض"
نسرين"خالتو هنا...روحت لها عمو توفيق قال انها هنا"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
حياة خارجة من المطبخ بالقهوة
"بسرعة كده يا نسرين...مش جاية معانا لفارس"
سلمت نسرين على حياة
"معلش ياخالتو...لسه قدامنا سفر"
حياة"تروحوا بالسلامة...انتى ف الكام على خير"
نسرين"السابع"
حياة"هانت ربنا يكملك على خير"
سلمت نسرين على كل الموجودين... وسلم ممدوح عليهم وخرجوا
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
مايا بتعيط ف الاوضة... من الضرب
قفلت الاوضة عليها بعد ما فارس خرج منها
فارس قاعد بره وحاسس بالاضطراب
الوقت بيمر ومش عارف هيتصرف ازاى
جرس الباب رن... حس ان مفيش مفر من مواجهه الموقف
قام وفتح الباب وهو بيحاول يبتسم
جدته كانت متقدمة وجنبها فؤاد ماسكها ف ايده
ووراهم توفيق ووراه ايمان وحياة
سلموا عليه ودخلوا قعدوا وعلامات السعادة على وشهم
فؤاد"هى مايا نايمة ولا ايه"
ارتبك فارس وتمتم بكلام مش مفهوم
فسروه الموجودين على انه احراج
الجدة"لو نايمة صحيها علشان ندخل لها"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
دخل فارس الاوضة
اول ما شاف مايا
"عايزينك"
وقف وضهره ليها وكأنه بيكلم نفسه
"انا مش عارف اتصرف...مش قادر اسكت واعيش معاكى وانا كل ما اشوفك
الدم يغلى ف عروقى...مش طايقك ولا طايق نفَسك معايا ف حتة واحدة...
ومش عارف اصدمهم واقولهم الحقيقة... ياريتك كنتى موتى ولا غورتى ف 60
داهية قبل ما اتحط ف الموقف ده"
مايا مبتردش من خوفها منه
كمل كلامه باستسلام
"خلاص معدش ييجى منه وانتى اللى عملتى ف نفسك وفينا كده"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
خرج فارس م الاوضة... وبعبوس
"ادخلوا لها"
بصوا الستات لبعض على طريقته...وقام
الجدة ووراها ايمان وحياة داخلين الاوضة
مايا قاعدة مكانها ع السرير منكمشة
اتخضوا من شكلها
صرخت ايمان وراحت على باب الاوضة
"فااااااااااارس... ايه اللى عمل فيها كده"
سمع فؤاد صوت ايمان المفزوع...جرى على الاوضة
توفيق بيبص ل فارس
"ف ايه؟؟؟"
فؤاد لما دخل وشاف مايا وهى بتعيط
وبيسألوها ايه اللى حصل مبتردش
وايمان قاعدة جنبها اخداها ف حضنها
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
شك فؤاد ... وف نفس الوقت رافض يصدق
نادى بصوت عالى على فارس
توفيق لما سأل فارس وشاف دموعه ف عينيه
شك ان يكون فارس عنده مشكلة
قام متحفز وهو مستاء من ان مايا اتكلمت وحكت بسرعة كده
توفيق داخل الاوضة...ووراه فارس منكس راسه
ايمان قاعدة على السرير ومايا بتعيط ف حضنها
حياة وفؤاد ومامتهم مستنيين من فارس ييجى يقول سبب الاثار اللى على
وشها دى ايه؟؟
فؤاد شك فى فارس... وانه يكون سادى
فؤاد بشك"ايه اللى حصل وايه الاثار اللى على وشها دى"
فارس بيحاول الهدوء
"مسألتهاش ليه؟"
بص لها فؤاد
"ايه اللى ف وشك ده"
مايا بتتمسك بحضن ايمان اكتر وتعيط
توفيق حس ان المشكلة مش ف ابنه....شخط ف مايا
"ما تتكلمى...فى ايه"
فؤاد لفارس
"فى ايه يافارس..انا بسألك انت"
فارس
"فيه ان مايا فضحتك وفضحتنى... بنتك مش بنت بنوت يا خالى"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
كلام فارس كان صدمة لكل الموجودين
الجدة دبت ف صدرها...وحياة كتمت صرختها
ايمان بصت لمايا بتساؤل
فؤاد الكلام كان صدمة ليه... واول ما سمعه
التفت لمايا وهجم عليها يضربها بعنف اكبر
ايمان بتصرخ وبتحوش عنها وبتتضرب ف النص
الجدة بتعيط وتشد فؤاد... حياة واقفة دموعها نازلة بصمت
ايمان بتصرخ"كفاية يافؤاد... كفاية هتموت ف ايدك"
توفيق بيزعق لايمان
"سيبيه يموتها بدل العار اللى جابته لجوزها"
ايمان"بالراحة عليها ...هى لو بنتك كنت قلت كده"
فؤاد"مين ؟؟؟غلطتى مع مين؟؟ومن امتى؟...اتكلمى"
ايمان وهى بتبص لمايا
"مايا...مايا...كفاية يا فؤاد البت هتموت"
توفيق"انتى الوحيدة اللى بتدافعى عنها... علشان تدارى على غلطتها مع ابنك..
.مفيش غير حمزة هو اللى عمل كده"
والتفت فؤاد وحياة والجدة لايمان...بنظرات الاتهام
ايمان بتعيط
"متجيبش سيرة ابنى... ابنى ميعملش كده ابدا... اتكلمى يامايا وقولى
انه مش حمزة"
مايا فاقدة الوعى ف ايد ايمان
ايمان برعب "مايا...مايا...كلمينى"
توفيق"ف ستين داهية"
فؤاد بقلق بيهز مايا "مايا...مايا"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
توفيق وحياة وفارس وفؤاد قاعدين ساكتين محدش بيتكلم
يتفتح باب الاوضة...يخرج الدكتور والجدة بتوصله
يقوم فؤاد"مالها يادكتور"
الدكتور"مالها ايه...مين اللى عمل فيها كل ده حرام عليكم"
فؤاد"لو سمحت يادكتور عرفنا حالتها"
الدكتور"حالتها انها اتعرضت لضرب وحشى واثاره مش محتاجة كشف...
وشها كله كدمات...بس مش دى بس المشكلة"
فؤاد"ايه تانى"
الدكتور"اللى حصل لها عملها صدمة عصبية وفقدت النطق... محدش يضغط
عليها انها تتكلم... وياريت تستشيروا طبيب نفسى يتابع حالتها"
فؤاد وهو بيوصله للباب...وبيحاسبه
الدكتور"لو اللى ضربها جوزها وعايزين تقرير طبى انا ممكن اعملكم التقرير...
الضرب كان عنيف جدا وواضح انه اكتر من مرة"
فؤاد"لا شكرا يادكتور.. هتتحل ان شاءالله"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
كلهم قاعدين ف صمت ماعدا ايمان مخرجتش من الاوضة
قطع الصمت صوت توفيق
"وبعدين... الحل ايه"
فؤاد بيبص لفارس مستنى رده...وعينيه كلها رجاء
فارس"مايا طالق... مش هقدر تعيش معاها بعد ما خدعتنى"
توفيق"هو ده الصح... مينفعش تستر على غلطة ملكش دعوة بيها"
فؤاد"للدرجة دى يافارس هانت عليك... احنا منعرفش ايه اللى حصل"
فارس"اللى حصل انها فرطت ف نفسها... انا اللى كنت فاكرك هتموتها الاقيك
بتتكلم بالضعف ده"
فؤاد بيعيط"منكرش ان غلطتها كبيرة اوى...بس لما حسيت انها هتموت
خفت عليها"
توفيق باستهجان"خفت"
فؤاد"ايوه خفت...دى بنتى الوحيدة برضه"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
ايمان جنب مايا... بتطبطب عليها وبتعيط
"صحيح حمزة هو السبب؟؟؟ وليه مقلتليش"
مايا بتعيط بحرقة... مش قادرة تتكلم
اتفتح باب الاوضة...ودخلت الجدة
"لبسيها يا ايمان"
ايمان"ليه؟"
الجدة"فارس طلقها خلاص... وهترجع معانا"
مايا بتعيط بحرقة اكبر... جدتها مش عارفة تتعاطف معاها ولا تقسى عليها...
خرجت من الاوضة وهى محتارة
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
فؤاد بيقف بالتاكسى قدام باب البيت
بينزل وبتنزل منه ايمان ومامتها وهما ماسكين مايا
دخلوا البيت بسرعة قبل ما حد يشوفهم
فؤاد بيفتح باب الشقة
مايا خايفة تدخل وماسكة ف ايمان
"ادخلى متخافيش محدش هيعملك حاجة"
مايا بتعيط وماسكة ف ايمان
فؤاد"متخافيش...لما تخفى هنبقى نتكلم"
مايا بتبص له بخوف وماسكة ف ايمان
الجدة"ادخلى يا مايا... محدش هيضربك"
ايمان"تطلعى تقعدى معايا"
مايا بتهز راسها وكأنها كانت مستنية الحل ده
ايمان"انا هاخدها عندى... هتقعد معايا لحد ما تبقى كويسة"
فؤاد باستسلام" طيب... حتى عندك احسن بعيد عن فارس وحياة وتوفيق"
http://files2.fatakat.com/2013/8/13777665891879.gif (http://www.dorar-aliraq.net/threads/333333-تصاميم-فواصل-للمنتديات-،-تصاميم-فواصل-لتزيين-مواضيع-المنتدى-2015?)
حياة بتلم هدوم فارس وهى بتعيط وسامعة توفيق وفارس بيتكلموا
"كويس انك قدرت تمسك نفسك ومموتهاش"
فارس حزين ومش قادر يتكلم
"انا م الاول مكنتش عايز الجوازة دى... قلتلك بلاش مايا...كنت حاسس
انك مش هترتاح"
"عمر ما خطر على بالى انها ممكن تعمل كده... دى متربية قدام عنينا...ده
انت اللى مربيها تقريبا"
"العرق يمد...عايز ايه من واحدة امها اجنبية وعايشة بالطول والعرض..
.اقلب القدرة على فمها"
خرجت حياة من الاوضة
"خلاص لميت الهدوم"
توفيق"يالا بينا... وانا هتكلم مع فؤاد ان الطلاق يتم وتتنازل عن كل حقوقها...
مش كفاية الفضيحة"
حياة"راحت ولا جت بنتنا ... امانة عليكم بلاش فضايح وكفاية على قد كده...
استروها ومتحكوش حاجة لحد"
توفيق"والجيران اللى كانوا ف الفرح امبارح وهيلاقوهم النهاردة كل واحد ف بيت اهله"
حياة"هقعد مع اخواتى ونفكر ف اى حاجة نقولها ... ربنا امر بالستر ياخويا الله يسترك"
توفيق باستسلام لعشرة العمر مع اخوات حياة
"امرنا لله...يالا بينا"
ايام عمري
01-22-2015, 01:22 PM
ليست عذراء... الحلقة 4
http://www.vb.fll2.com/storeimg/img_1352593330_575.gif (http://forums.fll2.com/hsb76523)
ايمان بتفتح شقتها... بتدخل وهى ماسكة مايا
"تقعدى ف اوضتى ولا اوضة نسرين..تعالى ف اوضتى احسن"
مايا مستسلمة وماشية معاها
دخلوا اوضة... قعدتها على السرير
"نامى وارتاحى يا مايا"
مايا بتبص لايمان وتعيط
"متعيطيش... انا مش هلومك دلوقتى بس ده ميمنعش انى مش زعلانة منك... غلطتى يا مايا وغلطتك كبيرة اوى... وياخوفى يكون كلامهم صح ويكون حمزة"
يزيد عياط مايا ... عياط بحرقة
وتفتكر حمزة
http://www.vb.fll2.com/storeimg/img_1352593330_575.gif (http://forums.fll2.com/hsb76523)
فلاش باك
مايا قاعدة ع السلم لوحدها"12 سنة"
باب البيت مقفول... بتفتحه نسرين
بتقوم مايا تجرى عليها
"عملتى ايه ف الامتحان"
"الحمدلله...بدأنا الاجازة يامايا وخلاص مفيش مذاكرة"
"انا اول واحدة اخدت الاجازة بس محسيتش بيها علشان مخلصتوش"
"انتى قاعدة لوحدك كده ليه"
"نينة مش عايزانى اطلع العب بره...بتقولى عيب"
"ما احنا كبرنا يا مايا ومعدش ينفع نلعب بره"
"ماحمزة وفارس بيلعبوا وهما كبار"
"ماما وبابا قالوا البنات عيب تلعب ف الشارع"
"وبعدين هنعمل ايه ف الاجازة... حمزة وفارس هيلعبوا مع اصحابهم واحنا لأ"
"تعالى اطلعى اقعدى معايا ف البيت"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
مايا ونسرين داخلين البيت
نسرين"مامااااااااا"
ايمان جاية من المطبخ
"ايه يانسرين عملتى ايه"
"الحمدلله كان سهل...هدخل انا ومايا نقعد جوه "
دخلوا اوضة نسرين... غيرت نسرين هدومها
"تيجى نتفرج ع التليفزيون ولا نفتح الكاسيت"
"عندك اغانى حلوة"
"عندى... تيجى نرقص"
"ياريت"
فتحت نسرين الكاسيت... ومسكت فرشاة الشعر عملتها مايك.. وعلت الصوت
"ويااااترى يا حبيبى ...ياترى
قريب ولااااا بعيييييد ولااااااا"
واندمجوا البنتين مع صوت بهاء سلطان وهما بيغنوا ويرقصوا
http://www.vb.fll2.com/storeimg/img_1352593330_575.gif (http://forums.fll2.com/hsb76523)
اتفتح الباب عليهم فجأة
"ايه الدوشة اللى انتوا عاملينها دى"
نسرين"ايه ياحمزة بنغنى"
حمزة بيقفل الكاسيت
نسرين"ايه الغتاتة دى"
حمزة"بذاكر يا نسرين...ازيك يامايا"
نسرين وهى خارجة من الاوضة
"ياماماااااااااا.. تعالى شوفى حمزة"
حمزة"معلش يامايا...انا عايز اذاكر والصوت شتتنى"
مايا"طيب...هاخد نسرين وننزل"
حمزة"انتى مسافرة امتى"
مايا"لما بابا ييجى هسافر معاه"
حمزة"بتحبى هنا اكتر ولا لندن"
مايا"هنا اكتر... هناك ببقى لوحدى مع بابا او ماما بس ببقى عايزة ارجع اقعد معاكم"
جت ايمان
"مزعل اختك ليه"
"مش عارف اذاكر"
نسرين"واحنا عايزين نرقص...هو لا يبقى لعب ف الشارع ولا نقعد براحتنا ف البيت"
ايمان بتفكر"ما تطلع تذاكر مع فارس"
حمزة"هو علمى وانا ادبى... وهو بيذاكر بطريقة وانا بطريقة"
ايمان ساكتة
"خلاص يابنات... انزلوا دلوقتى وانا هتصرف"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
نسرين مع باباها ومايا ف سطح البيت
مصطفى بيعمل تندة ... وايمان بتفرش سجادة قديمة
وبتحط كراسى وترابيزة
ايمان"ايه رأيكم بقى... تقعدوا هنا براحتكم... تلعبوا ترقصوا تتنططوا براحتكم"
نسرين"فكرة حلوة اوى ياماما"
مصطفى وايمان بعد ما خلصوا نزلوا
ومسكت مايا ونسرين مجلات معاهم وقعدوا يتفرجوا
مايا"هو حمزة هيخلص امتى"
نسرين"هيخلص بكرة...وفارس هيخلص النهاردة"
"ما تيجى ننادى لحمزة يتفرج على القعدة الجديدة"
"طيب هنزل انادى لفارس وحمزة"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
تنزل نسرين وتطلع ومعاها فارس وحمزة
يتفرجوا على مكانهم الجديد
حمزة كل ما يقوم ولا يقعد...مايا وراه
فارس كل ما ييجى يكلم مايا...يلاقيها منتبهه لحمزة بس
يزعل من اهتمامها الزايد بحمزة... وينزل يكمل مذاكرة
http://www.vb.fll2.com/storeimg/img_1352593330_575.gif (http://forums.fll2.com/hsb76523)
مايا لابسة.... وقاعدة جنب نسرين وكل شوية تبص ع الساعة
فؤاد قاعد جنب الشنط المتحضرة مستنى العربية اللى هتوديهم المطار
مايا بهمس لنسرين"هو حمزة اتأخر كده ليه"
نسرين"بيجيب النتيجة...ربنا يستر"
يسمعوا صوت الباب الخارجى بيتفتح ويتقفل
تجرى مايا ع الباب تستقبل حمزة
تفوجئ انه فارس
"ماما فين...انا نجحت"
مايا"وحمزة فين؟"
فارس بكسرة خاطر
"معرفش...انا هروح افرح ماما زمانها قلقانة"
نسرين"مبروك يافارس"
فارس"الله يبارك فيكى ...مطلعتش من حد تانى"
مايا"معلش يافارس...مبروك...اصل خايفة حمزة يتأخر ومشوفوش قبل ما اسافر"
حمزة يوصل البيت... تنزل مايا السلم وتقابله ع الباب
"عملت ايه ياحمزة طمنى"
"الحمدلله"
"مبروك... انا مسافرة كمان شوية"
بص فارس عليهم...وعلى اهتمام مايا بحمزة وعدم اهتمامها بيه... حس ان وجوده مالوش لازمة... وطلع
http://www.vb.fll2.com/storeimg/img_1352593330_575.gif (http://forums.fll2.com/hsb76523)
بعد سنتين
نسرين وحمزة وفارس قاعدين ف السطح
فارس ونسرين بيلعبوا كوتشينة
فارس"مش عايز تيجى تلعب برضه"
حمزة"مش عايز"
نسرين"سيبه ياعم ده بقى نكدى"
حمزة"هى مايا بتتأخر عند مامتها كتير كده ليه...كانت بتقعد اسبوع بقوا اتنين وتلاتة... مش كتير كده"
نسرين وهى بتلعب
"انت هتبص لها ف الكام يوم ف السنة اللى هتقعدهم مع مامتها... تلاقيها بتوحشها ياعينى"
حمزة"ماهى بتوحشنا احنا كمان"
نسرين وهى بتبص له وبعدين بتغمز لفارس
"مش ملاحظ ان حمزة بقى رقيق اوى"
فارس بيبتسم بمرارة وهو كل يوم بيتأكد من احساسه
ان حمزة بيحب مايا ومايا بتحبه
http://www.vb.fll2.com/storeimg/img_1352593330_575.gif (http://forums.fll2.com/hsb76523)
مايا راجعة من السفر مع فؤاد...ملهوفة على حمزة
بتوصل البيت... واول ما بتدخل عند جدتها وبتسلم عليها
"حمزة ونسرين وفارس فين؟"
"خرجوا"
"كده مش مستنيينى"
"ماهو انتم مقلتوش جايين امتى..دول هيتجننوا عليكى"
"هطلع اسلم على عماتى واستناهم فوق ف السطح"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
مايا قاعدة ف السطح تستناهم... ملل وحنين واشتياق حاساه ناحيتهم كلهم... وبالاخص حمزة
يدخل حمزة اول واحد ويسلم عليها وهو بينهج
"حمدالله ع السلامة يامايا"
"الله يسلمك...مالك"
"مفيش اصل اول ما نينة قالت انك هنا طلعت السلم جرى...وحشتينى"
"وانت كمان وحشتنى اوى"
تدخل نسرين ووراها فارس ويسلموا عليها
يقعدوا كلهم مع بعض يتكلموا ومايا بتحكى عن اجازتها
http://www.vb.fll2.com/storeimg/img_1352593330_575.gif (http://forums.fll2.com/hsb76523)
يقوم حمزة يقف
"مايا... تعالى عايز اقولك حاجة"
قامت مايا ... وراحت معاه بعيد عن فارس ونسرين وف نفس الوقت على مرمى بصرهم
"نعم ياحمزة"
"متبقيش تتأخرى اوى كده تانى"
"متأخرتش ولا حاجة دول كلهم 3 اسابيع"
"كتير اوى يا مايا... انا مبقدرش استحمل يوم وانتى بعيد"
ابتسمت مايا بكسوف
"بصى انا مش عارف افضل ساكت اكتر من كده"
"تسكت على ايه"
"انا عارف انك لسه صغيرة على اللى هقوله"
"صغيرة ايه يا حمزة انا رايحة تانية ثانوى"
"برضه صغيرة.. بس بحبك من وانتى اصغر كمان"
فرحة مايا بكلام حمزة اللى كانت بتتمناه... خلاها طايرة من السعادة
"اتفاجئتى؟"
"لا... يعنى... اصل.. ما احنا كلنا بنحب بعض زى الاخوات"
"لا اخوات ايه... انا قدامى سنتين ف الجامعة تكونى انتى خلصتى ثانوى واكلم ماما وبابا ونتخطب رسمى"
مايا بفرحة الدنيا كلها
"انت بتتكلم بجد ياحمزة"
"اه طبعا... بس علشان خاطرى متغيبيش تانى عند مامتك... انا كنت هتجنن وحاسس انى لوحدى من غيرك"
"انا اللى كنت هموت وارجع بس بابا كان عنده شغل وانت عارف مش بيوافق يخلينى اروح او اجى لوحدى"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
فارس ونسرين قاعدين مع بعض
فارس كل شوية يبص عليهم
نسرين"هما بيرغوا ف ايه كل ده"
قامت نسرين راحت لهم
"عيب اوى تفضلوا واقفين مع بعض وسايبيننا..هو فيه اسرار علينا"
حمزة"مفيش اسرار ولا حاجة"
فارس قام نازل
حمزة"رايح فين يافارس"
فارس"نازل البيت"
نسرين"استنى يافارس... مالكم شكلكم فيه حاجة مخبيينها علينا"
حمزة"لا طبعا مفيش حاجة تستخبى عليكم"
مايا وحمزة بيبتسموا لبعض... وكمل حمزة
"انا كنت بقول لمايا انى لما اخلص هخطبها "
نسرين بفرحة
"ايه ده ايه ده... ايه المفاجئات اللى من ورانا دى"
حمزة"من وراكم ايه بس... انا لسه قايلها حالا وقلت لكم على طول"
فارس"مبروك"
حمزة"اوعوا بس تقولوا لحد دلوقتى لحد ما اخلص...لو عرفوا هيخلونا منشوفش بعض ولا نقعد مع بعض...انتوا عارفين تفكير نينة صعب وخالو فؤاد وعمو توفيق...متزعلش يا فارس بس باباك لو عرف هيقول مينفعش اختلاط ونينة هتسمع كلامه"
فارس"متخافش...السر ف بير...انا نازل"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
فارس طالع البيت... حزنه عميق ف قلبه
وغصب عنه عيونه مليانة دموع متحجرة مبتنزلش
بص على بيت جدته المفتوح
شاف فؤاد والجدة قاعدين...دور بعنيه على مايا بحركة لا ارادية
توفيق"يالا يا فارس... لاحسن يفتكروك عايز ترجعلها...مبقاش ينفع"
حياة"هدخل لماما"
توفيق"استنى علشان اجى معاكى نتكلم ف اجراءات الطلاق...اطلع انت"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
طلع فارس بشنطة وحزنه وصدمته
وهو على السلم ومعدى من قدام شقة ايمان
شاف حمزة ومايا وهما خلال فترات حياتهم اللى فاتت
الطفولة والصبا وهما داخلين او خارجين او قاعدين ع السلم
نزلت دموعه لاول مرة من ساعة اللى حصل وصدمته
حس انه لوحده ومحدش شايفه
http://www.vb.fll2.com/storeimg/img_1352593330_575.gif (http://forums.fll2.com/hsb76523)
كمل السلم...وصل عند باب شقته...حط الشنطة جنب الباب
وكمل لحد السطح
دخل السطح... كل حاجة بقت اطلال
التندة مقطوعة من عوامل الزمن
الترابيزة مكسورة ومحطوطة على جنب
اصص الزرع اللى كان موجود... موجودة وفاضية
http://www.vb.fll2.com/storeimg/img_1352593330_575.gif (http://forums.fll2.com/hsb76523)
فلاش باك
مايا وحمزة بيبتسموا لبعض... وكمل حمزة
"انا كنت بقول لمايا انى لما اخلص هخطبها "
نسرين بفرحة
"ايه ده ايه ده... ايه المفاجئات اللى من ورانا دى"
حمزة"من وراكم ايه بس... انا لسه قايلها حالا وقلت لكم على طول"
فارس"مبروك"
حمزة"اوعوا بس تقولوا لحد دلوقتى لحد ما اخلص...لو عرفوا هيخلونا منشوفش بعض ولا نقعد مع بعض...انتوا عارفين تفكير نينة صعب وخالو فؤاد وعمو توفيق...متزعلش يا فارس بس باباك لو عرف هيقول مينفعش اختلاط ونينة هتسمع كلامه"
فارس"متخافش...السر ف بير...انا نازل"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
نزل فارس...بسرعة قبل ما حد ياخد باله انه اتضايق
دخل شقتهم... ودخل على اوضته وقفل على نفسه
"ايه اللى مضايقنى كده... ما انا كنت حاسس من الاول اهتمامها بيه هو مش بيا... مش ذنبنهم انى حبيتها وسكتت... حمزة اخويا ولازم افرح لهم... مش لازم حد فيهم يحس بحاجة...ولا لازم حد من الكبار يعرف علشان مايا وحمزة ميزعلوش منى... والحمدلله ان الدراسة قربت وهركز ف المذاكرة وابعد عنهم شوية"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
فارس قاعد بيذاكر ف اوضته...يخبط عليه الباب
"ادخل"
تدخل نسرين
"ازيك يافارس"
"الحمدلله...عاملة ايه"
"انا كويسة... انت اللى فين مبتطلعش تقعد معانا فوق ليه"
"انتى عارفة انى عندى مذاكرة كتير"
"ما كلنا عندنا مذاكرة"
فارس بيضحك علشان يدارى احساسه
"ايه جاب دراسة الهندسة للحاجات السهلة بتاعتكم دى"
"سهلة... ما مايا ثانوية عامة...مش هتبقى اصعب منها"
"لا يا ستى انا اصعب...وبعدين انا عايز اركز واذاكر كويس علشان اجيب تقدير واتعين ف الكلية"
"الله الله ده احنا راسمين على تقيل اوى"
"اوى اوى"
ضحكوا مع بعض... وسألته نسرين بتبرة جدية
"فارس...انت بجد كويس ولا زعلان من حد فينا"
"زعلان...لا طبعا هزعل ليه"
"معرفش...حسيت كده انك اخدت جنب بقالك فترة فحبيت اطمن عليك"
"ربنا يخليكى يا نسرين...طول عمرك اخت جدعة"
"احنا كلنا منستغناش عن بعض... متبقاش تغيب علينا...ابقى حتى اطلع اقعد معانا كل خميس"
"حاضر"
"يالا اسيبك علشان معطلكش"
http://www.vb.fll2.com/storeimg/img_1352593330_575.gif (http://forums.fll2.com/hsb76523)
فارس واقف وبيفتكر ايامهم الحلوة قبل ما تتبدل حياتهم
رغم انها كانت ايام صعبة عليه الا انها مكنتش اصعب من اللى فيه دلوقتى
بص لاطلال المكان اللى بيجمعهم
"اكيد اللى حصل كان هنا... كده ياحمزة تعمل كده... لو كنت حبيتها زى ما انا حبيتها مكنتش تضرها بالطريقة دى... انا ليه بعد ده كله مش عارف اكرهكم"
احساسه انه متضايق منهم من اللى عملوه...واحساسه انه بيفتكر ايامهم الحلوة وعدم قدرته على كرههم... تعبه اكتر
وخرج بسرعة من السطح...وكأنه بيهرب من ذكرياته وخيالاته اللى بتطارده
قصة جميلة لكن لاتصلح الا للشرقيين ومن هم يعيشون فى هذا الجزء من العالم
لايرقوني تعذيب اى انسان لان حرية الجسد من الحريات الشخصية وفى اى مكان متحضر العذرية ليس لها اى معنى سوى ان البنت غير مرغوب فيها او مصابة بالبرود
ايام عمري
رائعه هي قصتك الجميله
ما ننحرم من روائعك الجذابه
بانتظار الحلقه الخامسه
تحياتي
العاشق حمام من القلب
22/1/2015
ايام عمري
01-22-2015, 05:09 PM
بتمنى تابع معنا القصة للاخر يا عصمت
وتعرف الي صار مع بطلة قصتنا
لا يروق لأي شخص مهما كانت اصوله
شرقية ام غربية وان لا نحكم فقط من خلال العنوان
نورتني
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-22-2015, 05:11 PM
مرورك الاروع حمام
بتمنى فعلا تتابع معنا باقي حلقات القصة
ويارب تعجبكم
نورتني
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ibrahem
01-22-2015, 06:48 PM
برافوووووو
قصه حلوه ننتظر المزيد من احداثها
ibrahem
ايام عمري
01-23-2015, 02:09 PM
مرورك الاحلى ابراهيم
اتمنى متابعة باقي احداث القصة
نورتني
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-23-2015, 02:22 PM
ليست عذراء... الحلقة 5
http://www.vb.fll2.com/storeimg/img_1352593854_691.gif
توفيق وحياة قاعدين مع فؤاد ومامته
توفيق"هتعمل ايه معاها يا فؤاد"
فؤاد بانكسار"هعمل ايه...العمل عمل ربنا"
توفيق"يعنى ايه... يعنى هتسكت لها"
فؤاد"هعمل ايه اكتر من اللى حصل"
توفيق"انت راضى يعنى انها تحط راسك ف الطين"
فؤاد بضيق" اللى حصل حصل خلاص... لما تخف هبقى افهم منها
ايه اللى حصل بالظبط"
توفيق"اخص على كده...عيشتك بره خلتك بارد"
فؤاد"راعى كلامك يا توفيق... انت عازينى اموت بنتى الوحيدة"
توفيق"ده انت تموتها وترمى جتتها للكلاب"
فؤاد بنرفزة"انت عايز ايه بالظبط... ملكش حاجة عندى...بنتى وانا حر فيها...
فارس طلقها وخلاص انتهينا...كفاية انى اتسرعت واتعاملت معاها بنفس طريقة
ابنك الهمجية...مش كفاية المنظر اللى لقيناها فيه...عاجبك الضرب اللى كان
ضاربهولها ده...والله لو ما كان ابن اختى ماكنت سيبته الا وانا حابسه"
الام بتحاول تهدى فؤاد
"اهدا يافؤاد خلاص"
توفيق قام يزعق هو كمان
"انت ليك عين تتكلم بعد اللى بنتك عملته... ده انت المفروض مترفعش عينك
فينا بعد اللى حصل"
فؤاد"اسكت يا توفيق احسن لك انا اللى فيا مكفينى"
حياة"خلاص يا توفيق...خلاص يا فؤاد...يالا ياتوفيق"
توفيق"يالا ايه... حق ابنى عند مين؟"
فؤاد"حق ايه"
http://www.vb.fll2.com/storeimg/img_1352593854_691.gif
توفيق"فرحته اللى اتكسرت...المصاريف اللى صرفها على الجهاز والبيت والفرح"
فؤاد"يعنى مشكلتك ف الفلوس...ياخد اللى صرفه"
توفيق"ده انت غريب...دى لو كانت بنتى والله كنت دبحتها وانا رافع راسى"
فؤاد"الحمدلله انها مش بنتك... ومن هنا ورايح لا انت ولا ابنك ليكم دعوة بيها...
وانا هظبط امورى واخدها تعيش معايا هناك"
توفيق"خدها...علشان تبقى على كيفها اكتر"
فؤاد"اخرس بقى ده انت معندكش دم"
حياة"عيب كده يافؤاد... محصلتش انك تشتمه"
فؤاد"كلمة زيادة وهضربه... سيبونا ف حالنا بقى"
قام فؤاد وسابهم ودخل اوضته
وقام توفيق وهو بيشتم ويزعق
وحياة طلعت وراه والام شايفة كل اللى بيحصل ومش عارفة تقول ايه ولا
تعمل ايه...بعد ما طلعوا دخلت لفؤاد
http://www.vb.fll2.com/storeimg/img_1352593854_691.gif
فؤاد قاعد ف اوضته ...دخلت مامته عليه
"متزعلش يافؤاد...جوز اختك برضه زعلان على ابنه"
"وانا زعلان على بنتى وزعلان من اللى عملته... مصيبتى اكبر بكتير منه
وهو جاى يلومنى... انا هتجنن من اللى عملته وف نفس الوقت لما افتكرها
وهى واقعة ف ايد ايمان مبتنطقش بقول لنفسى انا ازاى قدرت اعمل فيها كده...
وازاى هى قدرت تعمل فيا كده...ليه ياماما ماحفظتيش عليها"
واتفاجئت الام بتوجيه الاتهام ليه
"انا؟؟ انا محافظتش عليها يا فؤاد... ده انا كنت حاطاها ف عنيا...دى مكنتش بتخرج
لوحدها ابدا غير ع المدرسة ولا الكلية... ولما كانت بتخرج بيكون ولاد عمتها معاها"
"هو ليه توفيق شك ف حمزة بالذات؟؟"
http://www.vb.fll2.com/storeimg/img_1352593854_691.gif
توفيق وحياة داخلين شقتهم... دخلوا لقوا فارس قاعد
توفيق"شوف انت صرفت كام علشان اجيبهولك من خالك"
فارس"مش عايز فلوس...كفاية اللى خسرته"
توفيق"هيبقى خسارة من كله.. انت تاخد الفلوس وتتجوز احسن واشرف منها"
قام فارس يدخل اوضته وهو بيرد عليه
"مش عايز اتجوز حد... كفاية اللى حصل"
توفيق"شفتى...الواد اللى حيلتنا عقدته بنت اخوكى"
حياة"انا مبقتش عارفة اقول ايه ولا اعمل ايه بعد اللى حصل... مش عارفة
هتعامل مع اخواتى ازاى... معقول يكون حمزة صحيح"
"انا مش ياما قلت لك قعدة السطح دى غلط... كتير كنت بشوفهم نازلين من
فوق لوحدهم...ولما لمحت لامك طنشت ولا مفهمتش مش عارف"
"الله يجازيهم ع اللى عملوه فينا"
http://www.vb.fll2.com/storeimg/img_1352593854_691.gif
ايمان داخلة بكوباية لبن على مايا
شافتها نايمة... اتسحبت رجعت تانى وقفلت الباب عليها
طلعت قعدت بره...وافتكرت انها متصلتش تطمن على نسرين
فاتصلت بيها
"الو... ازيك يانسرين"
"ازيك ياماما...مال صوتك"
"مفيش يا حبيبتى...انتى عاملة ايه السفر تعبك ولا حاجة؟"
"لا الحمدلله...بس قوليلى صوتك ماله... واخبار مايا وفارس ايه"
"ممدوح عندك؟"
"لا نزل"
وعيطت ايمان غصب عنها
"مايا وفارس اتطلقوا"
صرخت نسرين
"بتقولى ايه ياماما... انتى بتهزرى صح؟"
"والحاجات دى فيها هزار"
"ليه طيب...ايه اللى حصل؟"
"اللى حصل ميتحكيش"
"ماما احكى لى ...ايه اللى حصل علشان يتطلقوا تانى يوم"
"مطلعتش بنت"
http://www.vb.fll2.com/storeimg/img_1352593854_691.gif
شهقت نسرين من الصدمة
"مش معقول... اكيد فيه حاجة غلط...هى قالت ايه"
"مقالتش... احنا روحنا لقيناها مضروبة ومعدومة العافية ولما فارس قال فام عليها
فؤاد وفضل يضرب فيها لحد ما اغمى عليها بين ايديا وجبنالها الدكتور قالت
فقدت النطق"
"يا حبيبتى يامايا...ياريتنى ماكنت مشيت"
"بالعكس...الحمدلله انك مشيتى... كان هيبقى ايه موقفنا قدام ممدوح...
اوعى تقوليله حاجة"
"بس انا عايزة اجى لمايا"
"لو عايزة تيجى قولى له اى حاجة وتعالى لوحدك..مش ناقصين فضايح"
"طيب ... هى فين دلوقتى مينفعش اكلمها"
"مبتنطقش يا نسرين...بقولك ايه؟؟انتى كنتى تعرفى حاجة"
"لا والله ابدا انا اتفاجئت بكلامك ...بس عايزة اعرف منها ايه اللى حصل وليه
سابت نفسها لحد ماتتجوز ماقالتليش ليه على الاقل"
"مش قادرة اضغط عليها ف الاسئلة... لو شفتى شكلها يصعب ع الكافر"
"ياحبيبتى يامايا... واخص عليه فارس..كده يطلقها"
"المصيبة انهم شاكين ف حمزة"
http://www.vb.fll2.com/storeimg/img_1352593854_691.gif
فؤاد بالليل لابس ورايح ع الباب
"انت رايح فين دلوقتى"
"عايز اطلع اطمن على مايا"
"طيب استنى اجى معاك"
"طيب"
فؤاد ومامته بيخبطوا على ايمان
"اهلا ياماما...اتفضلوا"
فؤاد"مايا اتكلمت؟"
ايمان"لآ"
الجدة"وهى فين"
ايمان"من ساعة ماجت وهى بتعيط...فضلت تعيط كتير اوى ولما اخدت الدوا بعدها
بربع ساعة لقيتها نامت"
http://www.vb.fll2.com/storeimg/img_1352593854_691.gif
مايا بتفتح عينيها...شافت ايمان نايمة جنبها
قامت تتسحب من جنبها...وايمان محسيتش بيها
خرجت من الاوضة... راحت اوضة حمزة وفتحتها
دخلت فتحت النور... بتبص على كل جزء ف الاوضة
راحت على المكتب... قعدت على الكرسى
فتحت الدرج... شافت برواز صغير فيه صورتهم هما ال4
فارس ونسرين وهى وحمزة قاعدين جنب بعض ف بيت الجدة
http://www.vb.fll2.com/storeimg/img_1352593854_691.gif
حطت الصورة ع المكتب... وشافت اجندة
طلعتها من الدرج...فتحتها وقعدت تقلب فيها بابتسامة حنين ودموع
فلاش باك
حمزة ماسك الاجندة بتاعته وقاعد
راحت مايا قعدت جنبه...قفل الاجندة
"بتعمل ايه"
"ملكيش دعوة"
"اخص عليك ياحمزة...هزعل منك والله"
"هوريكى بس مش دلوقتى"
"امتى طيب"
"لما اخلص"
"طب ايه هو اللى هتخلصه"
"بكتب لك حاجة"
"وتكتبها لى ..ماتقولهالى"
"اصلها مش اول مرة"
"ازاى"
"كنت كل ما احب اقولك حاجة اكتبها ف الاجندة دى... يوم خطوبتنا هديهالك
تبقى تقراى فيها براحتك... ونبقى نحتفظ بيها ف بيتنا ونوريها لولادنا"
تمسح مايا دموعها وهى بتقلب فى الاجندة اللى مليانة كلام كتير كلها
بخط حمزة
http://www.vb.fll2.com/storeimg/img_1352593854_691.gif
يلفت نظرها رسمة تصميم لدعوة فرح
صممه حمزة وكتب فيه اسمه واسمها ويوم الخطوبة
فلاش باك
حمزة واقف قدام باب المدرسة ومايا خارجة راحت ناحيته
"ايه الاخبار"
"تمام"
"مبروك"
"على ايه مش لما النتيجة تبان"
"هتبان وهتنجحى وهتدخلى الجامعة ان شاءالله"
"يارب يا حمزة"
بيكملوا كلامهم وهما ماشيين
"انا اتكلمت مع بابا وماما امبارح وقلت انى عايزهم يكلموا خالو فؤاد"
"وبعدين"
"بابا رفض"
مايا بزعل"ايه؟"
حمزة بيضحك"قالى مينفعش يتكلم الا لما اشتغل ..قال اول ما اشتغل واستقر
ف الشغل ساعتها هيقدر يكلم خالو فؤاد"
مايا"يارب ياحمزة تلاقى شغل"
حمزة"النتيجة تظهر بس وانا هقلب الدنيا على شغل علشان نتخطب واقدر اقول
للدنيا كلها انى بحبك"
http://www.vb.fll2.com/storeimg/img_1352593854_691.gif
حمزة ومايا وفارس ونسرين قاعدين ف بيت الجدة
فارس بيقوم"الوقت اتأخر هطلع انام انا...تصبحوا على خير"
نسرين"اه واحنا كمان يالا ياحمزة انت لازم تنام بدرى"
حمزة وهو قايم"ماشى جاى معاكم اهو"
حمزة بيميل على مايا
"عايزك فوق ضرورى"
"ف ايه؟"
"نص ساعة واطلعى قابلينى فوق... هستناكى"
"لما نينة تنام هطلع"
http://www.vb.fll2.com/storeimg/img_1352593854_691.gif
مايا داخلة السطح شافت حمزة مستنيها وقاعد ع الارض وساند ضهره على
السور وممدد رجله
راحت ناحيته وقعدت جنبه
"ايه ياحمزة عايزنى ف ايه"
"عايز اقعد معاكى لوحدنا"
"لو كنت عايز تقعد معايا مكنتش تسافر وتسيبنى"
"اساااافر ههههه...دول 3 ايام مع اصحابى ف اسكندرية"
"بتضحك وبتستهون بيهم صح"
"ما انتى يا ستى بتسافرى وتسيبينى"
"ماشى يا حمزة براحتك"
"لا مش عايز اخر حاجة اشوفها قبل ما امشى تكشيرة...انا عايز اشوفك
مبسوطة على طول"
"هتوحشنى"
"وانتى هتوحشينى..هبقى اكلمك كل شوية لحد ما تزهقى منى"
"طب يالا انزل علشان زى نسرين ما قالت لازم تنام بدرى"
"لا يا مايا خليكى معايا"
مسك ايدها وهو بيبص لها بحب... وقرب وباسها من خدها
http://www.vb.fll2.com/storeimg/img_1352593854_691.gif
"مايا...مايا"
مايا بتصحا
"قومى احنا نعسنا وافجر هيشقشق"
"يا خبر اسود... لتكون نينة صحيت وملقتنيش نايمة ف اوضتى"
"قومى انزلى بسرعة وانا هنزل بعدك... اشوف وشك بخير انا يدوب هلبس
قبل ما اصحابى يعدوا عليا"
"ماشى...سلام"
مايا بتفتح الباب وبتتسحب وهى داخلة البيت
راحت بصت على جدتها...اطمنت انها نايمة
جريت على اوضتها ...غيرت هدومها بسرعة ونامت
http://www.vb.fll2.com/storeimg/img_1352593854_691.gif
مايا بتصحا على صوت صراخ عالى
الصوت قريب منها اوووووى
بتقوم تخرج من الاوضة تجرى
بتلاقى جدتها بتعيط وايمان ونسرين بيصرخوا
وحياة بتاخد ايمان ف حضنها وتعيط
مايا بتجرى عليهم
"فى ايه"
حياة"حمزة... ياحبيبى يابنى"
مايا وهى بتعيط"ماله حمزة"
حياة"عمل حادثة هو واصحابه...وراحوا كلهم ...يصبر قلبك يا ايمان يا ختى"
http://www.vb.fll2.com/storeimg/img_1352593854_691.gif
تعيط مايا بحرقة وهى بتحضن اجندة حمزة وصورتهم اللى ع المكتب...
صوت عياطها عالى
دخلت ايمان الاوضة على صوت مايا
"قمتى امتى... الله يرحمك يابنى"
مايا بتعيط وهى حاضنة حاجته
ايمان بدأت دموعها تنزل وهى بتاخد منها الحاجة بهدوء
"قومى يامايا... انا مبحبش ادخل اوضته... قلبى بيتوجع وانا مبقتش مستحملة
احزان... كفاية ان ابوه راح وراه بسنة م الحسرة عليه"
قامت مايا معاها... دخلوا اوضة ايمان
قعدت مايا ع السرير... وايمان قصادها
مايا بتعيط ... وايمان بتحاول تتماسك وبتمسح دموعها
"قوليلى... لو مش قادرة تتكلمى هزى راسك... طمنينى انا هموت من امبارح
ومش عايزة اضغط عليكى...ريحينى الهى يريح قلبك"
مايا بتنتبه لايمان وبتمسح دموعها
ايمان بتكمل
"هو حمزة فعلا؟؟ غلطتى مع حمزة؟؟"
http://www.vb.fll2.com/storeimg/img_1352593854_691.gif
ههههههه ايام عمري رائعه هذه الحلقه
ولكن انا اظن بان ممدوح هوووو السبب
وما بعرف هل رائي صح او لا
على كل حال خلينا في الحلقه السادسه
ونتابع
مشكووره على هل الجهد الرائع
تحياتي وشذي وردي
العاشق حمام من القلب
23/3/2015
http://www.vb.fll2.com/storeimg/img_1352593854_691.gif
ايام عمري
01-23-2015, 02:43 PM
ههههههههههههههههه حمام
مارح قلك اذا ممدوح او لا
بس ممممممممممم
تابع حلقة بكره احسنلك هههههههه
مبسوطة ل اهتمامك ومتابعتك يا حمام
نورتني
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-24-2015, 04:16 PM
ليست عذراء الحلقة 6
http://www.vb.fll2.com/storeimg/img_1352593857_745.gif
دخلت ايمان الاوضة على صوت مايا
"قمتى امتى... الله يرحمك يابنى"
مايا بتعيط وهى حاضنة حاجته
ايمان بدأت دموعها تنزل وهى بتاخد منها الحاجة بهدوء
"قومى يامايا... انا مبحبش ادخل اوضته... قلبى بيتوجع وانا مبقتش مستحملة احزان... كفاية ان ابوه
راح وراه بسنة م الحسرة عليه"
قامت مايا معاها... دخلوا اوضة ايمان
قعدت مايا ع السرير... وايمان قصادها
مايا بتعيط ... وايمان بتحاول تتماسك وبتمسح دموعها
"قوليلى... لو مش قادرة تتكلمى هزى راسك... طمنينى انا هموت من امبارح ومش عايزة اضغط
عليكى...ريحينى الهى يريح قلبك"
مايا بتنتبه لايمان وبتمسح دموعها
ايمان بتكمل
http://www.vb.fll2.com/storeimg/img_1352593857_745.gif
"هو حمزة فعلا؟؟ غلطتى مع حمزة؟؟"
هزت مايا راسها يمين وشمال بالنفى
اتطمنت ايمان
"ياااااه يامايا...طمنتينى يابنتى.... انا كنت هموت م الرعب يكون هو اللى عمل كده"
حضنتها ايمان وطبطبت عليها...عيطت مايا ف حضنها
"طيب ايه اللى حصل وامتى؟؟... وليه فضلتى ساكتة لحد يوم الفرح... كنتى احكيلى لو حد ضحك
عليكى كنت خليته يتجوزك"
زاد عياط مايا... عياط بيزيد مع كلام ايمان
"خلاص يا مايا... اهدى ولما تقدرى تتكلمى ابقى احكيلى"
هزت مايا راسها موافقة على كلامها
"هقوم اجيبلك فطار علشان تاخدى دواكى"
http://www.vb.fll2.com/storeimg/img_1352593857_745.gif
نسرين بتعمل قهوة لممدوح وسرحانة
القهوة فارت وانتبهت بعد ما نزلت ع البوتاجاز
شالت الكنكة وحطتها ف الحوض ...غسلتها وبدأت تعمل فنجال تانى...دخل عليها ممدوح
"ايه ف ايه كل ده بتعملى قهوة"
"معلش ياممدوح فارت منى وهعمل غيرها حالا"
"مالك؟"
وكأنه اول ما قالها مالك... ضغط على زر الدموع
"ايه يا نسرين...بتعيطى ليه...سيبى اللى بتعمليه وتعالى"
خرجوا من المطبخ...قعدوا ف الانتريه وهى بتمسح دموعها
"مالك"
"عايزة اروح لماما"
"ليه؟ احنا مش كنا لسه عندها"
"انا يومها ملحقتش اقعد معاها خالص"
"قولى بقى انك عايزة تروحى لمايا"
واتخضت نسرين من كلام ممدوح
"مايا... اشمعنى مايا"
"عادى..علشان مروحتيلهاش يعنى"
"لا انا عايزة اروح اقعد عند ماما شوية"
"انتى زعلانة منى ف حاجة؟"
"لا ليه بتقول كده"
"علشان عايزة تسيبينى فجأة كده"
"لا مفيش حاجة والله...بس انت عارف الحمل بيخلى نفسيتى مش مظبوطة شوية...الله يخليك يا ممدوح
سيبنى اروح اقعد عند ماما كام يوم"
عيطت نسرين وهى بتطلب منه السفر...سكت ممدوح
"طب استنى على الخميس واجى معاكى"
"مش لازم تيجى ولا تفضل رايح جاى سفر...انت توصلنى وماما تستنانى وخلاص والنبى
ياممدوح ماتقول لا"
http://www.vb.fll2.com/storeimg/img_1352593857_745.gif
فارس قاعد فى اوضته...دخلت عليه مامته
"قوم يافارس اتغدا"
"مش عايز ياماما"
"لا بقى بقالك يومين قاعد ف اوضتك ولا بتاكل ولا بتشرب"
"فين النفس اللى تخلى الواحد قادر يعيش"
"يا بنى متقولش كده مش نهاية الدنيا"
"معقول ياماما ...مايا اللى كلنا عارفينها يطلع منها كده"
"متفكرش...اللى حصل حصل خلاص وهى اخدت جزاءها... ولو كان حمزة هو السبب الله يجازيه بقى"
قالتها وخرجت من الاوضة
والكلمة فضلت ترن ف ودان فارس وبيفتكر
فلاش باك
فارس وتوفيق ومصطفى داخلين المشرحة
بيبصوا على الجثث اللى جت ف الحادثة
ولما كشفوا جثة حمزة وشافوه
انهار مصطفى من العياط...وتوفيق بيسنده
وفارس بيسنده معاه وهو بيعيط من الصدمة
بالليل ف البيت وبعد العزا ما خلص
اتجمعوا كلهم ف بيت الجدة
فارس داخل بيسأل مامته
"مايا وخالتى فين"
http://www.vb.fll2.com/storeimg/img_1352593857_745.gif
حياة"الاتنين مموتين نفسهم ف اوضة مايا جوه ونسرين يا حبيبتى كل ما تهدا وتشوفهم ترجع تعيط تانى"
فارس "هدخل لهم"
فارس رايح على اوضة مايا...الباب مفتوح
خبط ودخل...
ايمان على السرير نايمة صاحية
ونسرين ومايا قاعدين على السرير التانى
قرب فارس من ايمان وباسها... وطبطب عليها
"عاملة ايه ياخالتى"
بترد وهى بتعيط"حمزة مات يا فارس... ابنى مات"
فارس وهو بيتماسك
"ادعيله... هو ف مكان احسن دلوقتى"
"ملحقش يفرح ... كانت احلامه كتيرة ملحقش يحقق منها حاجة"
مايا تعيط بصوت عالى بعد كلام ايمان
فارس بيلتفت ليها... تصعب عليه اكتر
ميلاقيش كلام يقوله لحد فيهم فيسكت
http://www.vb.fll2.com/storeimg/img_1352593857_745.gif
فارس بيفتكر حزن مايا اللى استمر بعد وفاة حمزة
وانها كانت دايما بتطلع تقعد ف السطح لوحدها
ولما يقابلها فوق كل كلامها يكون على حمزة
فارس بيسأل نفسه
"ليه يامايا مقلتليش... ليه بعد السنين دى تخلينى اكره حمزة... اقرب حد ليا ف حياتى اكتشف
بعد موته بسنين انه اكتر حد أذانى... ليه وافقتى تتجوزينى لو لسه بتحبيه... ولو نسيتيه
وحبيتينى زى ما كنت فاكر مصارحتينيش ليه بالحقيقة"
حس فارس ان دماغه مليانة افكار واسئلة بتتعبه طول ماهو مش لاقى لها اجابات
دخل له باباه
"ايه يافارس...هتفضل قاعد ف اوضتك كتير كده"
"معلش يابابا كده احسن"
"انت هترجع شغلك امتى"
"كنت اخد اجازة اسبوعين...هستنى لما تخلص واروح...لو قطعتها ورجعت الشغل الناس هتفضل
تسألنى وانا مش عايز حد يفتح معايا الموضوع ده"
"واللى هيسألك هتقول ايه"
"هقول حصلت بيننا مشكلة وف لحظة غضب اتطلقنا"
"وده كلام مقنع"
"اللى يقتنع يقتنع واللى ميقتنعش ان شالله عنه ما اقتنع"
http://www.vb.fll2.com/storeimg/img_1352593857_745.gif
ايمان ف المطبخ...جرس الباب يرن
تروح تفتح... تلاقى فؤاد
"اهلا يافؤاد...ادخل"
"عاملين ايه"
"الحمدلله"
"مايا فين"
"اديتها الدوا من شوية...هشوفها نامت ولا لسه"
وقبل ما تدخل...وقفها فؤاد بسؤاله
"متكلمتش برضه"
"كل اللى قدرت اعرفه ان حمزة مالوش علاقة بالموضوع ده زى ما الكل فاكر"
"اشمعنى حمزة ياايمان... دول كانوا متربيين مع بعض"
"حمزة كان هيخطب مايا ف نفس السنة اللى مات فيها...ابوه قاله انه مش هيكلمك ف حاجة غير
لما يشتغل...وملحقش"
سكت فؤاد وهو بدأ يفهم ان احساسه ان حمزة ومايا قريبين من بعض اكتر من اللازم كان صح وانهم
كانوا بيحبوا بعض...وكمل
"معرفتيش حاجة تانية؟"
"لا... متضغطش عليها يا فؤاد الله يخليك"
"مش هتكلم ف حاجة انا عايز اطمن عليها بس"
http://www.vb.fll2.com/storeimg/img_1352593857_745.gif
دخلت ايمان الاوضة...شافتها لقيتها صاحية
"مايا ...فؤاد عايز يطمن عليكى"
نظرة خوف ف عين مايا
"متخافيش يا مايا هو عايز يطمن عليكى بس... يافؤاااااد"
دخل فؤاد الاوضة...راح على مايا باس راسها
وقعد قصادها على السرير وهو ماسك ايديها
"عاملة ايه النهاردة"
عيطت مايا وهى بتبص له باعتذار
فتح دراعه وحضنها...حضنته وهى بتعيط
"متزعليش منى ...انا خرجت عن شعورى غصب عنى... انا عمرى ما كديت ايدى عليكى بس اللى
حصل فوق طاقة اى حد... انا هتجنن واعرف ايه اللى حصل"
زاد عياط مايا
ايمان"خلاص يا فؤاد...لما تخف هتحكى لنا كل حاجة... صح يا مايا"
مايا بتهز راسها موافقة على الكلام
http://www.vb.fll2.com/storeimg/img_1352593857_745.gif
حياة قاعدة ف بيتها...جرس الباب رن
قامت فتحت
"اهلا ياماما اتفضلى"
"ازيك ياحياة... مبتنزليش ليه"
قعدوا مع بعض
"مش عايزة اشوف مايا ولا فؤاد وحتى ايمان علشان اللى عمله ابنها"
"الواد بين ايادى الله... واحنا لسه متأكدناش"
"هيكون مين غيره.. هى لاكانت بتروح ف حتة ولا بتعرف حد... مكنش حد لازق لها الا حمزة"
"انتوا اخوات ياحياة ...متقاطعيش اخواتك"
"اخواتى هما السبب ف كسرة قلب ابنى... انتى مش عارفة فارس اتبدل وبقى ازاى ياماما"
"يا بنتى هى مصيبة علينا كلنا مش على ابنك لوحدك... من امتى كنا بنتقسم ونتكلم كأننا اعداء"
"هما اللى عملوا كده مش انا"
"وفارس فين"
"قافل على نفسه لا بياكل ولا بيشرب"
"انا هقوم ادخل له واتطمن عليه"
"اتفضلى ياماما"
"وانتى ابقى انزلى"
"لا معلش ياماما...خلينا كده احسن"
http://www.vb.fll2.com/storeimg/img_1352593857_745.gif
بعد يومين
نسرين قاعدة مع مامتها
"وقلتى ايه لممدوح علشان يسيبك تيجى"
"انا من ساعة ما انتى قلتيلى اللى حصل وانا هتجنن ومكنتش قادرة اقعد...قلتله انى محتاجة اقعد
عندك شوية وسألنى على مايا مجبتلوش سيرة"
"احسن ... ع الاقل يفوت شهر ولا حاجة نبقى نقول اتطلقوا"
"هى نايمة ولاايه"
"الدوا اللى بتاخده بينيمها كتير... وبينى وبينك تنام احسن...دى طول ما هى صاحية بتعيط وحكاية قلة
الكلام دى صعبة اوى ربنا يشفيها"
"وفارس؟"
"اخدين جنب وقافلين عليهم من ساعة اللى حصل"
"انا طالعة له"
http://www.vb.fll2.com/storeimg/img_1352593857_745.gif
نسرين داخلة اوضة فارس
"خالتى قالت انك صاحى"
"تعالى يا نسرين حمدالله ع السلامة"
"الله يسلمك يافارس...انت عامل ايه"
"انتى شايفة واحد ف موقفى هيبقى عامل ايه"
"اتسرعت اوى يافارس"
"انتى لو راجل كنتى حسيتى باللى انا فيه"
"مسألتهاش ليه؟"
"مقالتش حاجة...بس الجواب باين من عنوانه وانا مكنش المفروض انسى"
"انا لسه طالعة من عند ماما... ومايا قالت لها انه مش حمزة"
ضحك بسخرية
"صدقتوها"
http://www.vb.fll2.com/storeimg/img_1352593857_745.gif
"هتكذب ليه...على الاقل كانت قالت لماما لو هو فعلا حمزة"
"عذر اقبح من ذنب... ان مكنش حمزة يبقى مين؟"
"انت مش مثقف ومتعلم وعارف ان فيه حالات بتبقى كده"
"عارف... بس هى لو كانت شريفة ومغلطتش مكنتش اتوترت وارتبكت كده بعد ما سألتها... وكل شوية
افتكر انها يوم الفرح كانت كل شوية تقول عايزانى ف موضوع مهم... حتى لو كانت عايزة تعترف لى
بحاجة مكنش المفروض انها تسيبنى لاخر وقت كده"
"احنا لسه برضه منعرفش اللى حصلها علشان نحكم عليها"
"انا ليا اللى شفته... ان مراتى ضحكت عليا ومطلعتش بنت"
"هو ده الحب... مش اللى بيحب بيسامح"
"اللى تفرط ف نفسها مرة تفرط ف نفسها 100 مرة"
"وافرض طلعت مظلومة"
"ياريت تطلع مظلومة...بس ازاى.. انا هتجنن من التفكير مش عارف اكرهها يا نسرين... مصدوم فيها
اوى ومش عارف اكرهها"
http://www.vb.fll2.com/storeimg/img_1352593857_745.gif
نسرين داخلة لمايا الاوضة... بتبص عليها صاحية ولا نايمة
مايا حست بيها...قامت
"ازيك يامايا... سلامتك ياحبيبتى"
قربت منها وسلمت عليها وحضنتها
"انا جيت مخصوص علشان اطمن عليكى... شدى حيلك كده"
هزت مايا راسها
"ايه اللى حصل يا مايا... ليه محكتيليش... من امتى بتخبى عليا حاجة"
http://www.vb.fll2.com/storeimg/img_1352593857_745.gif
مايا بتعيط... ونسرين بتكمل
"طول عمرنا سرنا واحد... ايه اللى حصل ...انا هتجنن من ساعة ما ماما حكت لى... ليه محكتيليش
وكنت هساعدك ايا كان اللى حصلك"
ردت مايا بلسان تقيل وكلام بطئ
"مكنش فيه حد جنبى خالص بعد ما اتجوزتى وسافرتى"
فرحت نسرين ان مايا اتكلمت
"الحمدلله انك اتكلمتى... احكى لى يامايا... ايه اللى حصل؟؟ ومين اللى عمل كده...جاسر؟؟"
فى نفس اللحظة اللى دخلت فيها ايمان وسمعت الجملة الاخيرة
ايمان باستغراب
"مين جاسر؟؟"
بصت مايا وايمان لبعض
ايمان"وانا اللى فاكرة انى اعرف عنكم كل حاجة...مين جاسر يا مايا؟ مين جاسر يا نسرين"
مايا بلسان تقيل
"هحكيلك يا عمتى... هحكيلكم كل حاجة حصلت من بعد موت حمزة"
nabila
01-24-2015, 05:36 PM
يؤ هي فيها كمان جآسر ههههههه
دي باين حنشوف مفاجآت كتير
ايام عمري
01-25-2015, 03:04 PM
فيها جاسر ومدحت وفوزي وووووو
هههههههههههه بلبل
استني عليها شوي وهنشوف مين هو جاسر
وايه علاقتو ب مايا
يلا نتابع احداث حلقة جديدة
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-25-2015, 03:09 PM
ليست عذراء... الحلقة 7
http://www.vb.fll2.com/storeimg/img_1352593330_304.gif (http://forums.fll2.com/hsb76523)
فرحت نسرين ان مايا اتكلمت
"الحمدلله انك اتكلمتى... احكى لى يامايا... ايه اللى حصل؟؟
ومين اللى عمل كده...جاسر؟؟"
فى نفس اللحظة اللى دخلت فيها ايمان وسمعت الجملة الاخيرة
ايمان باستغراب
"مين جاسر؟؟"
بصت مايا وايمان لبعض
ايمان"وانا اللى فاكرة انى اعرف عنكم كل حاجة...مين جاسر يا مايا؟
مين جاسر يا نسرين"
مايا بلسان تقيل
"هحكيلك يا عمتى... هحكيلكم كل حاجة حصلت من بعد موت حمزة"
قعدت ايمان تسمع الحكاية...وسرحت مايا بخيالها
http://www.vb.fll2.com/storeimg/img_1352593330_304.gif (http://forums.fll2.com/hsb76523)
فلاش باك
مايا ونسرين وفارس وحياة وتوفيق ومصطفى والجدة كلهم قاعدين مع
بعض ف بيت الجدة
الستات لابسين اسود وقاعدين كلهم بيتكلموا ويضحكوا
صوت مايا
"بعد موت حمزة كنا بنقرب كلنا لبعض اكتر... كنا زى مانكون بنخفف عن بعض
الحزن اللى دخل حياتنا فجأة... كل ده كان اول 3 شهور بس... انما بعد كده"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا ونسرين راجعين من الجامعة وداخلين البيت
مايا بتدخل بيت الجدة... نسرين بتطلع بيتها
فارس بيرجع من الجامعة ومايا قاعدة بتتغدا والباب مفتوح
يشاور لها ويطلع بيته
صوت مايا
"لما الدراسة بدأت ... كل واحد فينا بقى عنده اللى يشغله... بقينا نشوف
بعض بالصدفة او لما نروح نسأل على بعض...فارس كانت اخر سنة ليه
ف الكلية وطبعا زى كل السنين اللى فاتت كان مهتم بدراسته اكتر من
اى حاجة تانية وبالتالى مامته وباباه علشان ميسيبهوش كانوا بينزلوا قليل
اوى ... انا ونسرين كل واحدة فينا ف كلية مختلفة وسنة مختلفة وبالتالى
عندنا اللى يشغلنا عن بعض
وعدت اول سنة بعد موت حمزة وبدأنا نتعود على غيابه... لحد ما رجعنا
للصفر من تانى"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
ايمان قاعدة ف اوضة حمزة... لابسة الاسود ورابطة راسها بايشارب اسود...
عينيها باين عليها العياط الكتير
الباب مقفول عليها
مامتها بتخبط وهى مبتفتحش
نسرين بتعيط ف حضن مايا...ومايا كمان بتعيط
صوت مايا
"لما عمو مصطفى مات فجأة... اتصدمنا كلنا... وكأن موته رجع حزننا من اول
وجديد ورجع جو الحزن من تانى ... وبقينا حاسين ان كل حاجة اتغيرت.. اسعد
بيت ف العيلة بقى اتعس بيت بعد ما مات 2 فيه... وبالتالى بقي الحزن
جوانا على اللى ماتوا واللى لسه عايشين... ومع الوقت... بقينا نحاول
نتعلق بأى فرحة علشان نخرج من الحزن اللى احنا فيه... وكانت اول فرحة"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
فارس داخل بيت الجدة...وراح لخالته ايمان ووشوشها
وسط كل الموجودين... قامت ايمان حضنته بفرحة
صوت مايا
"اول فرحة كانت لما جه فارس واول واحدة قالها على خبر نجاحه بتقدير
عالى هو انتى ياعمتى... واتمسكنا بالفرحة دى وبقينا كلنا نفكر ف فارس
وهيتعين ف الكلية ولا لأ وهيعمل ايه لو متعينش... كنا بنشغل نفسنا
علشان منفكرش ف الحزن اللى تعبنا منه"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
ايمان ونسرين قاعدين بيسمعوا باقى الحكاية
سكتت مايا تشرب وترتاح من الكلام
ايمان"كل ده مقلتيش مين جاسر"
نسرين"جاسر كان فتى الجامعة الاول...حاجة كده زى فتى احلام كل بنت"
ايمان"وايه علاقة مايا بيه"
نسرين"ماهى مايا كمان لما دخلت الجامعة...كانت فتاة احلام كل شاب...
كانوا البنات مبيحبوش يكلموها ولا يمشوا معاها علشان بيحسوا انها اجمل
منهم ولو مشيوا معاها هيبان الفرق بينهم ف الجمال...وكل الشباب بيتمنوا
يكلموها ويتعرفوا عليها"
ايمان"وهى؟؟ مكنش ليها صحاب"
نسرين"كل ما تتصاحب على بنات...تدريجيا كده يبعدوا لسبب اللى قلتهولك
ده...فبقينا نتقابل ف الجامعة بين محاضراتنا وبنروح ونيجى مع بعض فمكنش
لمايا اصحاب غيرى"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا بدأت تكمل
"وبدأت مأساتى بعد ما اتخرجت نسرين... جاسر زى ما قالت نسرين كان حلم
كل بنت ف الجامعة ومع ذلك عمرى ما اعجبت بيه ولا اهتميت وكده...كان
شعلة نشاط والجامعة كلها تعرفه وتحبه...يعرف ناس من كل كلية..
.موظفين الجامعة اصحابه...دكاترة الجامعة يعرفوه ... هو كان اكبر منى لانه كان
بيعيد وبياخد السنة ف اتنين...ولحظى اتقابلنا ف سنة تالتة وكان دفعتى"
فلاش باك
مايا ف المحاضرة... وجاسر قاعد ف الصف اللى قدامها على اليمين شوية...
كل شوية يلتفت ويبص لها
صوت مايا
"كان بيحضر كل المحاضرات اللى بحضرها...ويقعد ف مكان يخليه يقدر
يشوفنى...ملاحقته ليا بالنظرات لفتت نظرى"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا رايحة المحاضرة...وقبل الباب بخطوات ترجع وتقرر متحضرش
وتشوف جاسر واقف ع الباب ولما يشوفها رجعت يخرج من القاعة
صوت مايا
"شغلنى اذا كان بيحضر علشانى ولا صدفة...وف يوم قررت محضرش واشوف
هيعمل ايه...لقيته خرج ومحضرش هو كمان"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا بتكمل الحكاية وايمان ونسرين قاعدين
ايمان"هااا وبعدين"
مايا"قعدنا ع الحال ده الترم الاول من تالتة"
ايمان"وبعدين ايه اللى حصل"
مايا"لا قبل وبعدين...لازم احكى لك عن حال البيت ايامها"
ايمان بتحاول تفتكر
"كان ايه الحال"
مايا"وقتها فارس جاله شغل السعودية وسافر...ونسرين اتخطبت وانشغلت شوية"
نسرين"انا انشغلت عنك يامايا؟"
مايا"انا مش بلومك يانسرين.. بس انتى وقتها كنتى مثلا بتخرجى مع ممدوح
لما ييجى... بتكلميه ف التليفون... بييجى يزورك هو واهله..كده يعنى بقى
ليكى اهتمامات تانية غصب عنك"
ايمان"كملى وبعدين"
مايا"ساعتها زاد احساسى اوى بالوحدة... اخواتى اللى كانوا بيهونوا
عليا حياتى مبقوش موجودين... صحبتنا ولمتنا اختفت... احساس الوحدة
ده وحش اوى "
ايمان"كل ده انتى وجاسر متكلمتوش"
مايا" لا اتكلمنا ف اخر يوم امتحان الترم الاول من سنة تالتة"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
فلاش باك
مايا خارجة من الامتحان قرب عليها جاسر
توقعت زى كل مرة انهم هيتبادلوا النظرات
واتفاجئت بيه بيكلمها
"خرجتى بدرى ليه"
"خلصت"
"وعملتى ايه حليتى كويس"
"الحمدلله"
"ماتيجى نشرب حاجة ف اى مكان"
"لا شكرا...بعد اذنك"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مشيت مايا خطوات
"مايااا"
سبقها ووقف قدامها
"نعم"
"احنا اخر يوم امتحانات النهاردة"
"ما انا عارفة"
"يعنى مش هشوفك طول الاجازة"
وارتبكت مايا ومعرفتش ترد
"بصى لو مش عايزة نقعد مع بعض هاتى رقمك ابقى اكلمك"
لحظات سكوت وتردد
"مش عايزة تجيبى رقم تليفونك ليه...احنا مش زملا"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا بتكمل الحكاية
"واتكلمنا ف الاجازة... ولقيت الاهتمام اللى مفتقداه والحب اللى اى بنت
تتمناه... من اول مكالمة فهمته انى لا بخرج لوحدى ولا انا بتاعة مقابلات
وخروجات والكلام ده... مطلبش منى فعلا اننا نتقابل...كنا مكتفيين بالتليفون...
حسيت اننا مع بعض لحظة بلحظة صارحنى بحبه لقيت نفسى بقوله وانا كمان...
وحكيت له عن حمزة وانا خايفة انه يغير او يتغير معايا"
ايمان"وبعدين؟؟"
مايا"قالى ان احساسى ناحية حمزة كان طبيعى وخصوصا انى كنت صغيرة
وكان هو قريب منى اوى علشان كده حسيت بالحب...وان سنى الصغير
هيخلينى انسى الحب ده بسرعة... كلامه اقنعنى جدا وده اللى خلانى
اعرف اعيش بعد كده من غير ما احس بتأنيب ضمير ناحية حمزة...حتى
لما حبيت فارس كنت بفتكر كلام جاسر واقول ان مشاعرى ناحية حمزة
كانت حب مراهقة وده اللى اكدتهولى نسرين بعد كده وانتى
كمان ياعمتى"
نسرين"لما مايا جت تحكيلى عن علاقتها بجاسر بعد ماحكت له عن
حمزة...شجعتها"
ايمان"مقولتوليش ليه"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا"خفت تزعلى ياعمتى...واكدت على نسرين انها متقولش"
ايمان"كملى وبعدين"
مايا"عشنا الترم التانى وسنة رابعة ف سعادة واجمل قصة حب بيتضرب
بيها المثل... كل يوم مع بعض ف الكلية... وانا ف البيت بيكلمنى طول الوقت"
ايمان"وايه اللى حصل"
مايا"بعد ما اتخرجت كان هو لسه هيدخل سنة رابعة لاول مرة يعنى
ياعالم هيخلص امتى"
ايمان"نسيت اسألك...هو كان ايه ظروف عيلته يعنى واحد كل ده ف الجامعة
اهله بيصرفوا عليه ولا بيشتغل ولا ايه"
ابتسمت مايا بمرارة
"من غبائى انى مسألتش نفسى السؤال ده دول الفترة اللى
كنا فيها مع بعض"
ايمان"ليه؟؟ ليه بتقولى من غبائى"
مايا"سميها غباء..سميها قلة خبرة ...المهم ان القفلة اللى كنتم قافلينها
عليا دى خلتنى مش بفهم الناس"
ايمان"مش فاهمة"
مايا"هحكيلك"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
فلاش باك
مايا بتتكلم ف التليفون مع جاسر ف التليفون
"جاسر بابا جاى الاسبوع الجاى وهيقعد اسبوعين وبعدين نسافر لندن"
"هتوحشينى يا حبيبتى"
"وانت كمان اكيد هتوحشنى.... بس انت ناوى تكلم بابا امتى"
"اكلم بابا اقوله ايه"
"قوله انك عايز تخطبنى"
"هو انا لسه خلصت كلية"
"يعنى ايه"
"يعنى مينفعش"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
"ازاى مينفعش...قوله وتعالى اخطبنى وبعدين نبقى نتجوز بعدين لما تخلص"
"يا بنتى انتى مش عايشة ف الدنيا... هو فيه خطوبة من غير شبكة
وشقة وتجهيز جواز"
"مش مستعجلين نبقى نعمل كل ده على مهلنا...مش هنفضل كده طول
الوقت مستخبيين واللى بيننا تليفونات وبس"
"ما انتى اللى مش عايزة تخرجى معايا ولا اشوفك خالص"
"ايوه...اخاف حد يشوفنا وعلشان كده بقولك تعالى اتقدملى"
"ظروفى متسمحش دلوقتى"
"متسمحش ليه"
"معييش فلوس"
"اسلفك"
"لا"
"ليه...ماهى مش اول مرة"
"انت بتعايرينى انك بتسلفينى"
"والله ما اقصد...انا اقصد بس انى ممكن اسلفك حق الدبل وهقنع بابا واعمل
كل حاجة تسهل اننا نتخطب"
"لما تبقى تفهمى الكلام وتعرفى تتكلمى كويس هبقى ارد عليكى"
واتقفلت السكة ف وش مايا وهى بتتكلم ومش مصدقة طريقته
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا سكتت وايمان ونسرين قاعدين
ايمان"هو انتى كنتى بتديله فلوس؟"
مايا"اه... مع انه مكنش بيطلب بصراحة...كان مثلا يقولى محتاج اجيب كذا
وخلصت مصروفى...يقولى فلوسى اتسرقت...حاجات من دى...بس ساعات
كنت الاقيه بيصرف كتير اوى"
ايمان"منين كل ده"
مايا"معرفش ... طريقة صرفه كانت مريبة ومفكرتش فيها الا بعد ما سبنا بعض"
ايمان"وسبتوا بعض امتى؟"
مايا"من وقت المكالمة اللى حكيت لك عليها"
ايمان"حتتة مكالمة عادية كده تسيبوا بعض بسببها"
http://www.vb.fll2.com/storeimg/img_1352593330_304.gif (http://forums.fll2.com/hsb76523)
مايا"اتصلت كتير بعدها مبقاش يرد عليا... وبطلت اتصل احتراما لنفسى وعلشان
مقللش من نفسى اكتر من كده"
ايمان"وبعدين"
مايا"وقتها كانت نسرين قربت تتجوز فبقيت اشغل نفسى معاكم ف جهازها
وفرش البيت وكل ده...وبجد دى اكتر فترة حسيت فيها انى مشغولة ومش
متضايقة...كنت فرحانة اوى لنسرين ومكنتش اعرف اللى مستخبى
لى بعدها"
نسرين"ايه اللى حصل بعدها...انا من ساعة ما اتجوزت وانا حسيت اننا مبقناش
قريبين لبعض زى الاول"
مايا"علشان بعيد وكنتى بتيجى زيارات متباعدة فاكيد مش هنبقى زى الاول"
ايمان"يعنى يا مايا مش جاسر اللى عمل كده؟"
مايا"لا.. انا مشفتش جاسر بعد المكالمة اللى قلتلك عليها"
ايمان"اومال ايه اللى جاب سيرة جاسر"
مايا"انا بحكى لك علشان تعرفى كل حاجة مريت بيها حتى مشاعرى
بحكيها دلوقتى "
ايمان"يعنى ضعفتى بعد كده"
عيطت مايا
http://www.vb.fll2.com/storeimg/img_1352593330_304.gif (http://forums.fll2.com/hsb76523)
"متظلمنيش ياعمتى زى ما كل الناس ظلمتنى"
ايمان"طب كملى ايه اللى حصل"
مايا"انا تعبت من الكلام... ممكن اخد الدوا وارتاح شوية ونبقى نكمل"
نسرين"كفاية عليها كده ياماما... احنا هنروح من بعض فين... تستريح
شوية وترجع تحكى لنا"
nabila
01-25-2015, 03:53 PM
هههههههههههه يآآآآه دا شكلو مسلسل تركي
بدنا نخلص اوام اوام و نعرف مين هو
يلا سالي خليها تشد حيلها
ايام عمري
01-26-2015, 10:40 AM
ال اوام اوام
مهو مسلسل فعلا تركي ومن اجزاء كتيررررر
ههههههههه
يلا نشوف جزء جديد وحلقة جديدة
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-26-2015, 10:46 AM
ليست عذراء... الحلقة 8
http://www.vb.fll2.com/storeimg/img_1352593330_508.gif (http://forums.fll2.com/hsb76523)
خرجت ايمان ونسرين من الاوضة بعد ما سابوا مايا
"كل ده حصل وانا مش عارفة حاجة... كلام مايا حسسنى انى قصرت معاها اوى"
"ليه ياماما... انتى كنتى هتعملى ايه بس...وليه بتحملى نفسك فوق طاقتك...
مش انتى المسئولة عنها لوحدك"
"انا من يوم ما جت وقلت بينى وبين نفسى انى هكون مكان امها...
اه ماما وحياة مقصروش معاها بس انا حسيتها مسئولة منى"
"وانتى قصرتى ف ايه بس"
"انى مكنتش حاسة بيها"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
رن موبايل نسرين
"ده ممدوح"
وردت عليه
"الو...ازيك يا ممدوح...كويسة الحمدلله...انت هتبات عند مامتك ولا ف البيت...
ابقى اقفل محبس المياه قبل ما تنزل... لا انا عند ماما"
وارتبكت وهى بتتكلم وبصت لايمان
"مايا...لا لسه مروحتش لمايا... هبقى اسلملك عليهم ان شاءالله... مع السلامة"
قفلت مع ممدوح ...سألتها ايمان
"ايه اللى جاب سيرة مايا"
"بيسأل عليها هى وفارس فاكرنى روحت لهم"
"كويس انك رديتى كده...يوه كنت هنسى"
"ايه؟"
"لازم انزل اعرف فؤاد ان مايا اتكلمت...هيفرح اوى"
"وهتحكى له؟"
"مش عارفة...انتى ايه رأيك"
"مش عارفة"
"انا هقوله اللى حصل انها اتكلمت بس لسه منعرفش حاجة"
"ماشى"
"هتنزلى معايا"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
ايمان داخلة بيت مامتها... لقيت فؤاد قاعد
دخلت قعدت
"ماما فين؟"
"نامت من شوية...اخبار مايا ايه"
"اتكلمت الحمدلله"
فؤاد بفرحة
"بجد؟؟ وحكت ايه اللى حصل ومين اللى عمل كده"
"لسه يا فؤاد... هى قعدت تتكلم معانا شوية لحد ما تعبت...بكرة ان شاءالله
نبقى نعرف"
"الحمدلله انها اتكلمت... زعلانة منى؟"
"مجبتش سيرة والله...بس يعنى اللى مرت بيه مش سهل برضه"
"وانا؟؟ الصدمة اللى اتصدمتها مش سهلة ابدا"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
فؤاد ومامته بيخبطوا على باب ايمان الصبح
فتحت لهم نسرين
فؤاد"صباح الخير يانسرين"
الجدة"صحيتوا ولا لسه نايمين"
نسرين"صباح النور ياخالو... صحينا يا نينة"
دخلوا وقعدوا وسألها فؤاد
"مايا فين"
"ف الحمام وماما بتعمل الفطار"
جت ايمان تسلم عليهم
وخرجت مايا م الحمام...شافت باباها
راحت حضنته وهى بتعيط
وبتتكلم احسن من اليوم السابق
"انا اسفة يابابا انى حطيتك ف الموقف ده... انا غلطانة"
فؤاد وهو بيحاول يتحكم ف دموعه وحزنه
"ليه يامايا عملتى فينا كده"
"والله ما عملت حاجة... كل غلطتى انى سكت كل ده"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
كلهم منتبهين لكل كلمة بتقولها مايا
ايمان"احكى لنا يامايا ... قصدك ايه"
قعدت مايا جنب باباها
مايا"هحكى لكم بس اوعدونى كلكم وعد مش عايزة غيره مهما كان رأيكم
فيا او لومكم عليا"
نسرين"وعد ايه"
مايا وهى بتمسح دموعها وبنبرة تحدى
"فارس ومامته وباباه ميعرفوش حاجة من اللى هقولها دى"
بصوا كلهم لبعض...ردت مايا
"زى ما اتهمنى الاول قبل ما يسمعنى ...وحكم عليا انى مذنبة... مش لازم
يعرف انى بريئة ومليش ذنب"
فؤاد"طب احكى"
مايا"وعد محدش يقولهم حاجة"
ردوا كلهم
"حاضر...نوعدك"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
فلاش باك
فرح نسرين وممدوح وكلهم موجودين ماعدا فارس
صوت مايا
"الفترة اللى بعد ما سبت جاسر كانت قليلة اوى وانشغلت فيها ...ونسرين
اتجوزت وسافرت مع بابا لندن"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
فؤاد وهو بيسأل
"مين جاسر"
ايمان بتلحقها "زميلها من الجامعة وكان عايز يتقدم لها بس ظروفه مكنتش مناسبة"
فؤاد"وايه علاقته باللى حصل"
مايا بتكمل"علاقته غير مباشرة لانه أثر فيا اوى"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
فلاش باك
مايا قاعدة لوحدها ف بيت مامتها
بتقلب ف التليفزيون بملل ...بتمسك المجلات الموجودة بملل اكتر
صوت مايا
"روحت عند ماما... والمرة دى كنت رايحة وبفكر انى اقعد عندها شوية زيادة
بما ان مبقاش ورايا دراسة وفاضية...بس انشغالها اكتر الوقت ووجودى لوحدى
خلانى مستنية اليوم اللى ارجع فيه مصر تانى... مكنتش اعرف انها اخر
مرة هشوف ماما"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا قاعدة ف بيت جدتها... بتتكلم ف التليفون ودموعها نازلة
صوت مايا
"وبعد ما بابا جه وصلنى ورجع لندن تانى... اتصل بيا وقالى على وفاة ماما...
واتفاجئت انى كنت بحبها اوى وموتها اثر فيا اكتر ما كنت اتخيل او بمعنى اصح
مكنتش فكرت ف الموقف ده قبل كده"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا قاعدة ف اوضتها بتعيط... جنبها جدتها بتطبطب عليها
وعلامات السهر والارق على وشها
صوت مايا
"ورجع موتها يجر عليا الاحزان من اول وجديد... كل اللى بحبهم بيبعدوا عنى
واحد ورا التانى... عيلتنا اتفرقت... قاعدة ف البيت على طول ومعنديش اصحاب
حتى اتكلم معاهم"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا قاعدة بتحكى وكلهم منتبهين
"اسوأ فترة عشتها ف حياتى كانت بعد وفاة ماما اللى جه بعد جواز نسرين
بشوية... تخيلوا قاعدة طول الليل والنهار افتكر الاوقات القليلة اللى قضيتها
مع ماما ...والاوقات القليلة اللى قضيتها مع حمزة واعيط..حسيت انى مش مكتوب
لى افرح... حياتى فاضية محدش معايا...نسرين اتجوزت وفارس مسافر ودول
الوحيدين اللى كان ممكن اخرج معاهم لو عايزة اتفسح... مفيش حد مهتم
بيا...اه نينة وعماتى بيهتموا بأكلت...نمت... عايزة حاجة نفسى فيها...انما
برضه احساس الوحدة صعب... بقيت احن اوى لاهتمام جاسر بيا ومكالماته
واتصالاته...فكرت كتير انى اكلمه تانى... ترددت اوى... وبعدين اتصلت بيه...
قفل وبعتلى مسدج مختصرة...متتصليش بيا تانى... جرحنى ومفكرتش حتى
انى اسأله ليه... بس حالتى زادت سوء...عياط على طول... مفيش نوم ..
.مليش نفس آكل... وطبعا كانوا نينة وعماتى حاسين"
الجدة"ايوه فعلا... انا كنت بتقطع عليكى... وقلت مش معقول موت امها اللى
مقعدتش معاها يعمل فيها كده"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
ايمان"انا ايامها كنت بسافر لنسرين كتير لما عرفت انها حامل"
مايا"فاكرة بقى ياعمتى لما نسرين اجهضت وروحتى قعدتى معاها شهر...
وقتها حصلت المصيبة"
وانتبهوا كلهم
"ايه اللى حصل"
فلاش باك
مايا فى اوضتها قاعدة لوحدها كالعادة
حياة قاعدة مع مامتها بره
"ماما هى مايا لسه على حالها برضه"
"لسه يا حياة"
"البت دى محسودة...على جمالها ده ومحدش اتقدم لها خالص واهى
داخلة على 22 سنة"
"معاكى حق صحيح"
"ولا تكون ياماما حد عملها حاجة"
"حد مين...هى عمرها اذت حد علشان حد يأذيها"
"الناس الوحشة كتير...نضمن منين"
"ونعمل ايه"
"معرفش انا بقولك يمكن يكون ده السبب"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
الجدة بتتكلم بعد ما افتكرت اللى حصل
"اه صحيح... وطلعت حياة معاها حق"
فؤاد"معاها حق ازاى؟"
الجدة"قعدت اسأل الجيران والمعارف على حد كويس بيفهم ف فك السحر
علشان يشوف البت معمولها عمل بصحيح ولا لأ... ودلونى ع الشيخ خضر"
مايا بتمسح دموعها بسرعة علشان تقدر تكمل الحكاية
فؤاد بضيق"وده اسمه كلام ياماما تصدقى التخاريف دى"
الجدة"تخاريف ؟؟!! متقولش كده...بنتك كان معمولها عمل صحيح وربنا
جاب الشفا على ايده"
مايا بوجع"جالى الشقا كله على ايده"
وانتبهوا لها باستغراب
http://www.vb.fll2.com/storeimg/img_1352593330_508.gif (http://forums.fll2.com/hsb76523)
فلاش باك
الجدة وحياة قاعدين
"لا ياماما مش هقدر اجى معاكى...توفيق لو عرف حاجة زى كده تبقى مصيبة"
"وهو مين بس اللى هيقوله"
"وانا بعد العمر ده كله هخرج من وراه ومن غير ما اقول رايحة فين"
"وانتى خارجة مع حد غريب...مش مع امك"
"لا ياماما ...مش عايزة مشاكل...عايزة تاخديها وتروحى روحى"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا وجدتها قاعدين ف انتريه قديم وناس تانية قاعدين
وفيه واحدة ست ف الاربعينات بعباية سودة بتدخل وتخرج من عند الشيخ
وتنظم مواعيده ومقابلاته
صوت مايا
"روحنا للشيخ خضر... البيت من اول ما دخلته وانا قلبى اتقبض... الست
اللى زى سكرتيرة او مساعدته دى مريبة... نظراتها وضحكتها تخوف... وكلامها
ف موضوعات غريبة... ومبتسألش اى حد عن سبب زيارته زى
ما بنشوف ف الافلام"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا وجدتها داخلين اوضة الشيخ وفيها
ترابيزة صغير وقاعد وراها الشيخ و4 كراسى
محطوطين كل كرسيين جنب بعض
وكرسى تانى ف اخر الاوضة لوحده وضهره يبقى للناس
صوت مايا
"دخلنا للشيخ خضر...راجل ف الخمسينات ... اتقبضت منه اكتر من قبضتى
من الست اللى شفتها بره...قعدت جنب نينة ع الكرسى اللى لازم فيها
وانا ماسكة ف دراعها وخايفة اسيبها...قعدت تحكى له وقال انه لازم يرقينى
الاول...وقالى اقعد على الكرسى اللى ف اخر الاوضة"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا قاعدة على الكرسى ف اخر الاوضة....ضهرها لجدتها
والشيخ حاطط ايده على راسها وبيقرا كلام مش مسموع
صوت مايا
"نظرات الشيخ ليا كانت غريبة... مرعبة... حيوانية... لما قال هيرقينى خفت
يلمسنى بحجة الرقية... بس ساعتها حط ايده على راسى وهو بيقرا لحد
ما خلص وقالى قومى وراح قعد مكانه"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
الشيخ قاعد على كرسيه...ومايا وجدتها قصاده
"بنتك يا حاجة مش معمول لها عمل ولا حاجة...دى محسودة من عين
مصلتش ع النبى"
"يا خبر... منهم لله اللى بيحسدوا الناس...وبعدين؟"
" كل اللى اقدر اعملهولها انى احصنها ...وده هيحتاج جلستين تلاتة يمكن اكتر"
"ازاى الجلسات دى"
"ده شغلى بقى يا حاجة... وعلشان تعرفى انى مش نصاب ولا دجال انا قلتلك
الحقيقة ...كان ممكن اقولك معمولها عمل وعايز يتفك انما انا جيت معاكى صريح"
"ربنا يكرمك يا شيخ خضر... ده انت صيتك سابقك"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا قاعدة بتحكى
"ورجعنا قولت لنينة بلاش نروح تانى وانى مرتاحتش للناس دول وشكلهم
نصابين...مسمعتش كلامى وقالت انى مش فاهمة حاجة وصممت اننا
نروح معاد الجلسة اللى حددها"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا داخلة مع جدتها اوضة الشيخ
بيتكلم معاهم الشيخ...وتقوم الجدة تخرج من الاوضة
مايا بتقوم تقعد على الكرسى ف اخر الاوضة
صوت مايا
"روحنا معاد الجلسة ونفس احساسى متغيرش...خايفة من الناس دول
ومش عارفة ليه... اتكلم الشيخ مع نينة وقالها الجلسة لازم اكون لوحدى..
.وخرجت فعلا...وبعدها قالى اقعد على الكرسى اللى ف اخر الاوضة"
http://www.vb.fll2.com/storeimg/img_1352593330_508.gif (http://forums.fll2.com/hsb76523)
مايا بتفتح عينيها ف سرير ف اوضة مفيهاش غير السرير وشماعة وكرسى
متغطية وهدومها جنبها على الكرسى
والشيخ واقف بيكمل لبسه من ع الشماعة
كلم مايا وخرج من باب ف الاوضة
صوت مايا بنشيج عالى
"بعد ما خرجت نينة من من الاوضة وورحت قعدت ف المكان بتاع المرة اللى
فاتت ..فوقت لقيت نفسى ف سرير...معرفش نيمنى امتى وازاى...كل اللى
فهمته انى خلاص مستقبلى ضاع واتدمرت... كان واقف ع باب الاوضة وبيهددنى...
بصوت بشع وشكل ابشع
- لو اتكلمتى هتلاقى cd باللى حصل ف كل حتة ومستنيكى الجلسة الجاية"
يخرب بيت المشعوذين
القصه صارت اروووووووع
موفقه ايام عمرى
ايام عمري
01-27-2015, 10:18 AM
اكيد يا شهد وبصراحة القصة صايرة كتيرر منها اكيد
للاسف انه لسا في ناس كتير بتأمن بلسحر والشعوذة
بلرغم من اختبارات كتير ناس قدامها
نورتيني شهد ويلا نتابع حلقة جديدة مع بطلتنا مايا
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-27-2015, 10:21 AM
ليست عذراء... الحلقة 9
http://www.vb.fll2.com/storeimg/img_1352594125_976.gif
مايا بتفتح عينيها ف سرير ف اوضة مفيهاش غير السرير وشماعة وكرسى
متغطية وهدومها جنبها على الكرسى
والشيخ واقف بيكمل لبسه من ع الشماعة
كلم مايا وخرج من باب ف الاوضة
http://www.vb.fll2.com/storeimg/img_1352594125_976.gif
صوت مايا بنشيج عالى
"بعد ما خرجت نينة من الاوضة وورحت قعدت ف المكان بتاع المرة اللى فاتت ..
فوقت لقيت نفسى ف سرير...معرفش نيمنى امتى وازاى...كل اللى فهمته
انى خلاص مستقبلى ضاع واتدمرت... كان واقف ع باب الاوضة وبيهددنى...
بصوت بشع وشكل ابشع
- لو اتكلمتى هتلاقى cd باللى حصل ف كل حتة ومستنيكى الجلسة الجاية"
انهارت مايا وهى بتفتكر...محاولاتها التماسك علشان تكمل باءت كلها
بالفشل...كل الموجودين بيعيطوا حتى فؤاد
الجدة بتعيط وبتخبط على رجليها وهى قاعدة وكأنها بتضرب نفسها
"يا حبيبتى يا بنتى... قطيعة تقطعنى انا السبب"
ايمان اخدة مايا ف حضنها بتحاول تخفف عنها
نسرين بتعيط بصوت عالى...فؤاد دموعه نازلة بصمت
ايمان"اهدى ياماما... السكر هيعلى عليكى"
الجدة"انا اللى اخدتها ووديتها... مقلتيش ليه ...مقلتليش ليه يامايا... حرام
عليكى تعملى فينا كده"
مايا"قلتلك مش عايزة اروح تانى... كنتى مقتنعة بيه ومش راضية تسمعينى"
الجدة بتعيط مش عارفة ترد... فكرت لحظات
"بس انتى خفيتى لما روحنا له"
فؤاد بتماسك
"كملى يامايا...لما قالك مستنيكى الجلسة الجاية...روحتى؟"
مايا بتمسح دموعها ...وكانت نسرين قامت جابت لها مياه
http://www.vb.fll2.com/storeimg/img_1352594125_976.gif
شربت مياه وبدأت تهدا وتكمل
"لما خرجت من الاوضة طلع الباب بيودينى على الاوضة بتاعة الشيخ اللى
كنا فيها ... قعدت ونادى على الست اللى عنده دى وقالها تدخل نينة...
دخلت نينة وقالها انه خلص الجلسة والجلسة الجاية بعد اسبوع ولازم
اكمل الجلسات كلها... رد فعلى وقتها انى كنت ساكتة خالص مش بتكلم...
مش قادرة ولا ليا نفس اتكلم ولا ارد...وطول الطريق واحنا راجعين نينة تكلمنى
وانا مبردش عليها كل اللى بفكر فيه انى مش هروح له تانى ...
لحد ما جينا البيت"
http://www.vb.fll2.com/storeimg/img_1352594125_976.gif
فلاش باك
الجدة بتفتح باب البيت م بره
بتشوف شقتها مفتوحة
صوت مايا
"دخلنا البيت كانت عمتى حياة وعمو توفيق قاعدين مستنيينا
واول ما دخلنا عمتى حياة لحقتنا بالكلام"
حياة"ايه ياماما اتأخرتوا ليه؟؟؟كل ده بتشوفى بلوزة لمايا"
الجدة"ملقيناش حاجة عجبتنا ...انتوا قاعدين مستنيينا ليه"
توفيق"اصل فؤاد بعت الحوالة وكنت جايبهالك"
الجدة بتاخد منه الفلوس"شكرا"
مايا داخلة اوضتها
توفيق"مايا استنى"
وقفت مايا
توفيق"لبسك عامل كده ليه"
بصت مايا برعب على هدومها وهى بتلمها
توفيق"مش قلنا بلاش لبس البناطيل دى"
الجدة"ماله البنطلون يا توفيق...ما البنات كلها بتلبس كده"
توفيق"بنات مش مظبوطة وعايزة تلتفت النظر"
مايا واقفة ...شافت الكلام بقى بينهم انسحبت ودخلت اوضتها
http://www.vb.fll2.com/storeimg/img_1352594125_976.gif
مايا بتعيط وبتحكى
"دخلت وقفلت على نفسى وانا مش عارفة اتصرف ولا اتكلم... نينة بتاخدنى
هناك من غير ما تقول علشان عمتى حياة خايفة من عمو توفيق... عمتى
ايمان عند نسرين... نينة مقتنعة بالشيخ ومصدقاه...ومفيش حد ممكن
احكيله ويسمعنى...وغير كل ده اتكسفت اقول ولا اتكلم... مكنتش عايزة
حد يقول عليا حاجة وحشة... بقى كل تفكيرى ازاى ده ميتكررش تانى"
كلهم بيعيطوا... وفؤاد بيسألها بترجى
"وعملتى ايه؟"
"قلت ف نفسى هو ميعرفش بيتنا ولا تليفوننا ولا حاجة غير اسمى...
يعنى مش ممكن ييجى مثلا او يبعت لنا حد يهددنا... ده كان كل اللى
بفكر فيه وقلت لازم ابين انى بقيت كويسة علشان نينة متودنيش تانى..
. وفعلا بقيت اقعد واتكلم وامثل انى مبسوطة وانا بتقطع ولما نينة تنام
ادخل اقفل على نفسى وافضل اعيط لحد ما انام...حتى لما بنام كنت احلم
بالراجل البشع ده واقوم من النوم مرعوبة"
http://www.vb.fll2.com/storeimg/img_1352594125_976.gif
ايمان"ليه سكتى...ليه يامايا متكلمتيش"
مايا"هقول ايه ولمين... مفيش حد جنبى اقوله حاجة زى دى...خوفت"
فؤاد"والزفت ده انا مش هسكت له"
مايا"ارجوك يابابا بلاش فضايح...كفاية اوى لحد كده ... انا مش هستحمل
حد تانى يعرف واتفضح...كفاية اللى انا فيه"
ايمان"فارس لازم يعرف يمكن يرُدِك والحكاية تتلم"
صرخت فيها مايا
"اوعى ياعمتى حد يقوله...اوعوا حد يقوله... مين قال انى عايزة ارجع له بعد
اللى عمله فيا...اوعوا حد يقوله"
عيطت مايا بهيستريا...حضنتها ايمان
"خلاص مش هقول حاجة ...خلاص اهدى"
http://www.vb.fll2.com/storeimg/img_1352594125_976.gif
فارس لابس ورايح ع الباب
توفيق"رايح فين؟"
فارس"نازل شوية"
توفيق"لو حد سألك من الشارع هتقول ايه"
فارس"اى حد يابابا..مش هفضل محبوس ف البيت...اتخنقت"
حياة"امانة عليك يافارس ماتقول حاجة لحد... انت تطلقها من سكات...علشان
خاطر خالك يا خويا"
فارس"متقلقيش ياماما... مش هفضح نفسى"
توفيق"اوعى تطلقها من نفسك كده"
فارس"مش فاهم"
توفيق"لو طلقتها غيابى هتبقى عايزة منك كل حقوقها لو رفعت قضية وطالبت بيهم"
حياة"واحنا برضه هندخل بعض المحاكم"
فارس"اطمن يابابا ...مالهاش عين تطالب بحاجة"
توفيق"اسمع الكلام انت بس...انت مش عارف حاجة... لازم تتنازل عن كل
حاجة واجيبلك اللى صرفته كمان"
فارس باستسلام"ماشى ...انا نازل"
http://www.vb.fll2.com/storeimg/img_1352594125_976.gif
فؤاد قاعد مع مامته هو سرحان وهى قاعدة تتفرج على التليفزيون
"ماما"
"نعم"
"هو الراجل النصاب ده عنوانه ايه"
الام بفزع"وانت عايز عنوانه ليه؟"
فؤاد"عايز اروح له"
الام"تروح له تعمل ايه...متوديش نفسك ف داهية يابنى ولا تفضح بنتك"
فؤاد"متخافيش ...مش هعمل حاجة...بس عايز اروح له ع الاقل ابلغ عنه بسبب
النصب والدجل"
http://www.vb.fll2.com/storeimg/img_1352594125_976.gif
نسرين بتحضر شنطتها ومايا معاها ف الاوضة
"عايزة اقعد معاكى اكتر من كده بس ممدوح عمال يزن عليا ارجع ومش
عارفة اقوله ايه"
"ارجعى يا حبيبتى لبيتك ربنا يسعدك"
"مايا.. اوعى تزعلى انى بعدت عنك"
"ازعل ايه بس... انتى بعدتى بمزاجك...دى سنة الحياة وانا خلاص هبقى كويسة"
"قوليلى صحيح"
"نعم"
"ليه مقلتيش لفارس قبل الجواز"
"خفت"
"ومخفتيش انك تتحطى ف الموقف اللى اتحطيتى فيه ده"
"متخيلتش ان فارس اللى متربى معايا وعارفنى كويس اوى ممكن يشك فيا...
ومع ذلك فكرت كتير انى اقوله... قبل الخطوبة وخلال الخطوبة وكنت كل مرة
أأجل الكلام على اخر لحظة"
"ليه"
http://www.vb.fll2.com/storeimg/img_1352594125_976.gif
"الكلام كان بيقف يانسرين ومبقدرش اطلعه ابدا...لحد ما حددنا الفرح...
فضلت الاسبوع الاخرانى ده مبنمش ومش عارفة هقوله ازاى...
وقلت لازم اقوله قبل كتب الكتاب...بس يوم الفرح وقبل كتب الكتاب مكنش
فيه وقت ولقيت نفسى معاه وانا مش عارفة اتكلم"
"ماهى اكيد مكنتش حاجة سهلة عليه يا مايا"
"يعنى كل اللى شفته ده ومريت بيه كان سهل عليا... يا نسرين انا مفرحتش
ابدا...الفرحة ف حياتى قليلة اوى"
"معلش ربنا يعوضك خير... لو فيه اى حاجة كلمينى... متخبيش عليا
حاجة تانى"
"حاضر"
http://www.vb.fll2.com/storeimg/img_1352594125_976.gif
اخدت نسرين شنطتها...اخدتها منها مايا
"هاتى انتى مش قادرة تشيلى"
"شكرا يامايا...ماما سبقتنا على تحت؟؟"
"اه نزلت...بابا هيوصلك تركبى وابقى طمنينا عليكى لما توصلى"
"حاضر... خليكى مع ماما يامايا
"لا كفاية كده...انا هرجع اقعد تحت مع نينة تانى"
http://www.vb.fll2.com/storeimg/img_1352594125_976.gif
نسرين بتسلم على جدتها ومامتها
الجدة"سلمتى على خالتك؟"
نسرين بتبص لمايا ...خايفة تزعلها
الجدة"زى ما مايا بنت خالك وزعلانة عليها...مينفعش تقاطعى خالتك وابن خالتك"
نسرين"حاضر يا نينة هطلع لها"
http://www.vb.fll2.com/storeimg/img_1352594125_976.gif
نسرين بتسلم على حياة وتوفيق وفارس
بتسلم بسرعة علشان محدش يسألها على حاجة
فارس عينيه كلها اسئلة ومش عارف يسأل
توفيق"انتى حاجزة يا نسرين؟"
نسرين"لا ياعمو"
توفيق"طب انا نازل معاكى علشان عايز خالك"
http://www.vb.fll2.com/storeimg/img_1352594125_976.gif
مايا قاعدة مع فؤاد وايمان وجدتها
مستنيين نسرين تنزل ...نزلت نسرين ومعاها توفيق
اول ما شاف مايا بص لها باحتقار
قامت مايا دخلت اوضتها ودخلت وراها نسرين
توفيق"السلام عليكم"
ردوا كلهم السلام بعد ما لاحظوا نظرته لمايا
توفيق"عايز اتكلم معاك كلمتين"
فؤاد"خير"
قعدوا وايمان والجدة معاهم
توفيق"عايزين نروح للمأذون ونخلص وتيجى تبريه"
فؤاد"ونروح ليه...مايطلقها وخلاص... مش عايزها تحضر"
توفيق وهو بيبص لفؤاد باحتقار انه ساكت على عار بنته وخايف عليها
"لا لازم تيجى تبريه عند المأذون.... وانت كنت قلت هتدفع المصاريف اللى دفعها...
متآخذنيش ابنى صرف اللى وراه واللى قدامه على انها جوازة العمر...بس عملة
بنتك بقى منها لله"
شخط فيه فؤاد
"خلاااااص يا توفيق...اللى عايزه هياخده من سكات"
http://www.vb.fll2.com/storeimg/img_1352594125_976.gif
مايا قاعدة ف الاوضة وسامعة كل كلمة بيقولها توفيق
كلامه بيجرح فيها... دموعها نازلة ف صمت
ولما حست ان توفيق بيعاير باباها
مسحت دموعها وخرجت م الاوضة... ونسرين بتشدها علشان متخرجش
مايا على باب الاوضة...بتتصنع القوة
"بابا... اى وقت عايزنى نروح للمأذون انا جاهزة"
ايمان والجدة ساكتين مرغمين...وبيتابعوا الموقف
توفيق بضحكة سخرية وهو خارج
"صحيح ياما تحت الساهى دواهى"
فؤاد"النهاردة بالليل نروح للمأذون"
توفيق"خليها تجيب الشبكة وانت حضر 20 الف جنيه حق الفرح... علشان
نعمل بيهم فرح يليق بعروسة بنت بنوت"
خرج من البيت وكلهم بيبصوا لبعض ومتغاظين منه
التفت فؤاد لمايا
http://www.vb.fll2.com/storeimg/img_1352594125_976.gif
"متزعليش... انا أجلت سفرى بسبب الظروف دى... ايه رأيك ترجعى تعيشى
معايا بعيد خالص عن هنا"
مايا "اعيش هناك؟؟ مبحبش هناك خالص يابابا...يمكن لو كانت ماما عايشة
كنت جيت وقعدت شوية معاك وشوية معاها"
نسرين"ما تجربى تروحى شوية تغيرى جو وتهدى اعصابك ولو ارتاحتى اقعدى
مرتاحتيش ارجعى"
مايا بتفكير"هفكر"
فؤاد"يالا احنا يانسرين"
http://www.vb.fll2.com/storeimg/img_1352594125_976.gif
فؤاد نازل من تاكسى ف منطقة شعبية
بيبص حواليه...شاف قهوة
راح قعد عليها
القهوجى بيبص على فؤاد
راح وشوش صاحب القهوة بشك
شاور له صاحب القهوة انه يروح
راح لفؤاد
"اؤمر يا باشا"
"شاى لو سمحت"
"تحت امر سعادتك"
"بقولك ايه"
"اؤمرنى"
"هو الشيخ خضر فى انهى بيت هنا؟؟"
ياريت يبلغ عنه او يقتله
يسلمووووووووو ايام عمرى
ايام عمري
01-28-2015, 10:58 AM
الله يسلمك حبيبتي
هههههههههههه شهد
هنشوف شو رح يصير مع هلدجال
اكيد بحلقة اليوم
تابعوني
http://www.sheekh-3arb.net/islam/Library/img/3ater/div/132.gif (http://www.crezeman.com/vb/t119477.html)
ايام عمري
01-28-2015, 11:05 AM
ليست عذراء... الحلقة 10
http://www.vb.fll2.com/storeimg/img_1352595177_142.gif
فؤاد نازل من تاكسى ف منطقة شعبية
بيبص حواليه...شاف قهوة
راح قعد عليها
القهوجى بيبص على فؤاد
راح وشوش صاحب القهوة بشك
شاور له صاحب القهوة انه يروح له
راح لفؤاد
"اؤمر يا باشا"
"شاى لو سمحت"
"تحت امر سعادتك"
"بقولك ايه"
"اؤمرنى"
"هو الشيخ خضر فى انهى بيت هنا؟؟"
وطلع فؤاد 50 جنيه من جيبه ناولهم للقهوجى
اخدهم القهوجى ف جيبه بسرعة وهو بيستغرب
"الشيخ خضر !!!"
"ايوه...الشيخ خضر... مالك مستغرب ليه"
"هو سعادتك جاى له ليه؟"
"عندى مشكلة كده وعايزُه فيها وناس دلونى عليه"
"بس اكيد الناس دول مجوش من زمان"
"من سنتين تقريبا"
"الشيخ اتقتل السنة اللى فاتت"
"اتقتل؟!"...مين اللى قتله"
"واحد وسلم نفسه ومحدش يعرف ليه"
"والقاتل ده مقالش قتله ليه"
"اللى بسمعه من الناس انه مقالش سبب"
ونادى واحد من الموجودين على القهوجى
"تؤمرنى لحاجة تانية سعادتك"
"شكرا"
http://www.vb.fll2.com/storeimg/img_1352595177_142.gif
فؤاد داخل على مايا اوضتها
"بتعملى ايه؟"
"مفيش"
قعد على طرف السرير قصادها
"انا مكنتش هسكت على حقك...انا اه مكنتش هبلغ عن الاغتصاب زى ما طلبتى بس كنت هبلغ عنه كنصاب ودجال"
مايا ساكتة بتسمع
"روحت وسألت عليه...عرفت انه اتقتل"
ظهرت الراحة والفرحة والشماتة على وش مايا
"يستاهل"
"اكيد يستاهل...واضح يا مايا انك مكنتيش لوحدك ضحيته"
"ده حيوان بشع"
"اللى يعمل كده طبعا حيوان واهو اخد جزاؤه ولسه جزاؤه عند ربنا"
"ربنا ينتقم منه"
طبطب على ايديها وهو بيكمل
"انا بقول نقول لفارس النهاردة اللى حصل"
ردت باصرار
"لأ"
http://www.vb.fll2.com/storeimg/img_1352595177_142.gif
"ليه بس... انتى عايزة تفضلى ف نظر توفيق يعنى.."
"ارجوك يابابا ... مش عايزاه يعرف علشان ميفتكرنيش بلتمس اعذار ولا بستدر عطفه... يابابا شوف الفرق بينك وبينه...انت ضربتنى اه بس سمعتنى بعدها... حسيت بحنيتك عليا وخوفك عليا... فارس شك فيا على طول وخوفى وارتباكى فسره بمزاجه هو وصدق تفسيره...انا شفت معاه ليلة من اسوأ ايام حياتى...ده فضل يضرب فيا كام مرة وبقسوة... ولما نمت م التعب والوجع اللى انا فيه صحانى يضربنى... فارس مبقاش فارق معايا ولا هو ولا عمو توفيق"
"فكرتى كويس يعنى"
http://www.vb.fll2.com/storeimg/img_1352595177_142.gif
"مفيهاش تفكير...انا اللى عايزة اتطلق منه ...انا كنت مرعوبة منه مكنتش فاكرة ان فارس ممكن يبقى بالقسوة دى... ده انا حسيت ان ربنا بعتهولى بعد اللى حصل لى ده علشان يكون جنبى...انت متعرفش كان بيقول لى ايه يابابا عن سعادته وحبه ليا... كل ده راح ف لحظة ... فارس المتعلم مفكرش للحظة انى ممكن اكون طبيعية واتهمنى ...فارس خلاص بره حساباتى... وانا مستعدة للطلاق"
http://www.vb.fll2.com/storeimg/img_1352595177_142.gif
ف بيت الجدة... المأذون موجود وقاعد معاه فؤاد
ايمان والجدة مع مايا ف الاوضة
الجدة"يا بنتى انا غلبت معاكى ليه مش عايزانى اقولهم... كفاية انى السبب"
مايا"يا نينة كفاية الله يخليكى... خلاص مش عايزة افكر ف اللى فات...ساعدونى انسى"
ايمان"خلاص ياماما سيبيها براحتها"
الجدة"مكنتيش عِندية كده"
قامت الجدة وخرجت من الاوضة
http://www.vb.fll2.com/storeimg/img_1352595177_142.gif
راحت لفؤاد
"هما فين"
"كلمتهم وزمانهم نازلين"
دقايق ودخلت حياة وتوفيق وفارس
قعدوا بعد ما القوا التحية
توفيق بيبص لفؤاد
فؤاد حط قدامه ظرف الفلوس
المأذون"نبتدى الاجراءات...فين الزوجة"
قامت الجدة نادت على ايمان ومايا
جت مايا ...ماشية جنب ايمان وبتتجنب النظر لفارس
فارس لما شاف مايا... مقدرش يمع عينه م انه يتابعها لحد ما قعدت جنب فؤاد
http://www.vb.fll2.com/storeimg/img_1352595177_142.gif
المأذون بيتكلم
فارس بيبص لمايا بعتاب ولوم وحزن
مايا بتبص ف لاشئ وهى متماسكة وبتحاول تشغل تفكيرها بعيد تماما عن الموقف علشان متتأثرش
خلص المأذون اجراءاته ف اتمام الطلاق
ناولها الدفتر تمضى...مضت وقامت بسرعة على اوضتها
قامت ايمان وراها
فارس مضى ف الدفتر...لم المأذون اوراقه وقام
قام فارس بخطوات تقيلة من الحزن
قامت حياة وتوفيق
الموقف صعب على كل الموجودين
وفَضلوا كلهم الصمت
http://www.vb.fll2.com/storeimg/img_1352595177_142.gif
ايمان مع مايا ف الاوضة
مايا بتعيط ف حضن ايمان
"ما انتى اللى صممتى يا مايا"
"مش ندمانة... انا مدبوحة"
http://www.vb.fll2.com/storeimg/img_1352595177_142.gif
فارس ع السلم
"انا نازل"
توفيق"رايح فين... الحمدلله انك خلصت منها"
حياة"متزعلش نفسك يافارس ربنا يعوضك خير"
فارس مردش ونزل خرج من البيت خالص
http://www.vb.fll2.com/storeimg/img_1352595177_142.gif
فارس خرج...وفضل ماشى وهو سرحان وبيفكر
"ايه الصلابة اللى كنتى فيها دى يا مايا... ازاى كلهم ساكتين عليكى كده وكأنى انا المُلام... بيداروا علشان حمزة...طول عمرهم بيحبوه ... الله يسامحك يامايا... وجعتى قلبى وكسرتى فرحتى ... نفسى اكرهك مش قادر"
http://www.vb.fll2.com/storeimg/img_1352595177_142.gif
فؤاد مع مايا والجدة بيتغدوا
فؤاد"مايا هتعملى ايه؟؟ هتيجى معايا...انا لازم اسافر علشان شغلى"
مايا"لا يابابا ...مش عايزة اسافر...انا معرفش حد هناك على الاقل انا هنا مع نينة وعمتو ايمان...هناك صعب اوى"
فؤاد"طيب مش عايزة حاجة قبل ما اسافر"
مايا"شكرا"
فؤاد"مش عايزة تشتغلى... لو عايزة انا موافق"
مايا"بجد يابابا... يعنى ممكن توافق انى اشتغل"
فؤاد"ايوه...انتى كبرتى ولازم تواجهى الدنيا"
الجدة"وايه لازمة الشغل بس"
فؤاد"وليه لأ"
الجدة"احنا ناقصين ...اللى ما اشتغلت وهى بنت هتشتغل وهى متطلقة"
مايا بابتسامة تصنع اللامبالاة
"يعنى القفلة عليا حمتنى !!"
http://www.vb.fll2.com/storeimg/img_1352595177_142.gif
مايا بتتكلم ف الموبايل
"ازيك يا عمتو... منزلتيش ليه النهاردة... انا مستنياكى... لا انزلى انتى... مش عايزة اطلع يكون حد م فوق نازل ولا حاجة... لا مفيش جديد ...ما تيجى نخرج شوية طيب... بقالى شهر وزيادة مخرجتش واتنخقت اوى من البيت... بجد...طيب هلبس لحد ماتنزلى"
http://www.vb.fll2.com/storeimg/img_1352595177_142.gif
ايمان لابسة وقاعدة مع مامتها
"ماتيجى معانا ياماما"
"هتروحى فين الساعة دى"
"اهو نروح اى حتة نشم هوا"
"لا انا مش قادرة...متتأخروش بالليل"
خرجت مايا من اوضتها
"انا جاهزة ياعمتو"
الجدة"ابقى افتحى الباب بالمفتاح انا داخلة انام"
http://www.vb.fll2.com/storeimg/img_1352595177_142.gif
خرجوا ايمان ومايا... وهما بيقفلوا الباب الخارجى
نزل فارس من تاكسى قدام البيت
ايمان"وقفه يا فارس والنبى"
فارس للتاكسى"ثوانى لو سمحت"
قرب فارس عليهم...وهو بيبص لمايا
"ازيك يا خالتى"
وقبل ما ترد عليه...سبقتها مايا وركبت التاكسى وهى متجاهلاه تماما
ايمان بترد على فارس
"ازيك يا فارس...سأله عليك يا حبيبى حياة قالت لى انك بقيت بتقعد ف الشغل اوفر تايم وبتيجى متأخر"
"الله يخليكى ياخالتى... اعمل ايه مبقاش ورايا غير شغلى يمكن ينسينى اللى حصل"
حاولت تتجاهل تلميحه
"طيب هروح انا علشان منوقفش الراجل اكتر من كده"
وسألها بعفوية
"رايحين فين"
"خارجين شوية كده...مع السلامة"
وقف فارس وايمان بتركب... وهو بيتابع التاكسى لحد ما مشيوا
http://www.vb.fll2.com/storeimg/img_1352595177_142.gif
فارس ف اوضته... دخل له باباه
"عايزك ف كلمتين يا فارس"
"اتفضل يابابا"
"انت مش هتشوف حالك بقى"
"اشوف حالى ازاى"
"تشوف عروسة بنت حلال وتخطبها وتتجوز...انت شقتك جاهزة من مجاميعه"
"لا مبفكرش ف الجواز"
"يعنى ايه مبتفكرش...حتى لو مبتفكرش ..فكر"
"لا مش عايز اتجوز"
"انت هتخلى واحدة منحلة تعقدك... انت الف واحدة تتمناك"
"على الاقل مش دلوقتى يا بابا"
"لا انت لازم تتجوز... لازم البت اللى تحت دى تعرف غلطتها وتندم عمرها كله على اللى عملته"
وف محاولة للانهاء الكلام بهدوء
"ربنا يسهل يابابا...لما ابقى الاقى واحدة مناسبة"
http://www.vb.fll2.com/storeimg/img_1352595177_142.gif
الجدة داخلة بشوربة اوضة مايا
ايمان قاعدة جنبها ع السرير
الجدة"انتوا اكلتوا ايه بره عمل ف البت كده"
ايمان"اتعشينا بس"
الجدة"ادى اكل بره...البت مبتثبتش حاجة ف معدتها... تلاقى الاكل بايظ"
ايمان"ما انا اكلت معاها محصليش حاجة"
قامت مايا راحت ع الحمام
الجدة"نجيب لها دكتور ولا ايه"
ايمان" انا اديتها دوا كده يهدى معدتها شوية... لو معملش حاجة نوديها لدكتور"
رن موبايل ايمان
"الو... ازيك يا حبيبتى"
رجعت مايا م الحمام قعدت ف السرير تانى وعليها اثر الهبوط
ايمان بتكمل كلامها مع نسرين
"وبعدين قالك ايه؟؟ ما تيجى انتى يا نسرين... طيب هشوف واكلمك...قولتيله على طلاقهم.. طيب كويس ...مع السلامة"
الجدة"خير مالها"
ايمان"كانت عند الدكتور وبيقولها احتمال كبير يولدها ف الاسبوع الاولانى من التاسع"
الجدة"ليه"
ايمان"ضغطها بيعلى والدكتور خايف يسيبها"
الجدة"هى هتولد فين هنا ولا هناك"
ايمان"الدكتور اللى متابعة معاه هناك وعايزانى اروح لها"
http://www.vb.fll2.com/storeimg/img_1352595177_142.gif
الجدة"اه طبعا روحى لبنتك ماتسيبيهاش... هى قالت لجوزها ايه على مايا"
ايمان"قالت اتخانقوا وف لحظة شيطان رمى عليها يمين الطلاق"
ايمان بتبص لمايا
"هتيجى معايا... ولا مش عايزة تكونى اول من يشيل ابن نسرين"
مايا"هاجى ان شاءالله بس اخف م اللى انا فيه"
http://www.vb.fll2.com/storeimg/img_1352595177_142.gif
فى المستشفى...وقدام اوضة العمليات
ممدوح ومايا وايمان قاعدين مستنيين
خرجت الممرضة بالمولود وادته لايمان
"مبروك"
مايا"وهى؟"
الممرضة"شوية وهتخرج"
ايمان بتبص للمولود وبتوريه لممدوح
راحت مايا تبص عليه... ناولتهولها ايمان
مسكته وقربته منها تبوسه
"ماشاءالله جميل اوى"
وفجأة حست مايا بدوخة
ايمان شافتها وهى بتدوخ...مسكت المولود بسرعة
ايمان"الحقنى يا ممدوح"
http://www.vb.fll2.com/storeimg/img_1352595177_142.gif
مايا بتفتح عيينها وهى ف سرير ف المستشفى
ايمان"خضيتينى عليكى"
ممدوح بضحك"يعنى اول ما تمسكى ابنى كنتى هتوقعيه كده"
مايا"حصل له حاجة"
ايمان"لا يا حبيبتى انا مسكته منك على طول"
ممدوح"انا هروح اقف عند العمليات...سلامتك يا مايا"
مايا بتقوم"روحى يا عمتى اطمنى على نسرين"
ايمان"خليكى... خلى البيبى جنبك هروح ابص عليها واجى"
دخلت ممرضة"سلامتك...دراعك لو سمحتى"
مايا"ليه"
ايمان"الممرضة اللى فوقتك كتر خيرها قالت لازم عمل تحاليل ونشوف سبب الاغماءة"
http://www.vb.fll2.com/storeimg/img_1352595177_142.gif
ف اوضة المستشفى
نسرين على السرير قاعدة وممدوح جنبها
مايا قاعدة على السرير التانى ...وايمان على طرف السرير والمولود ف حجرها
دخلت الممرضة
"نتيجة التحاليل طلعت يا مدام... واضح انك هتشرفينا قريب"
ايمان بعدم فهم
"خير؟"
الممرضة"خير ... الاغماء كان من الحمل...مبروك"
ايام عمري
01-29-2015, 09:58 AM
ليست عذراء... الحلقة 11
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
ف اوضة المستشفى
نسرين على السرير قاعدة وممدوح جنبها
مايا قاعدة على السرير التانى ...وايمان على طرف السرير والمولود ف حجرها
دخلت الممرضة
"نتيجة التحاليل طلعت يا مدام... واضح انك هتشرفينا قريب"
ايمان بعدم فهم
"خير؟"
الممرضة"خير ... الاغماء كان من الحمل...مبروك"
نسرين وايمان ومايا اتصدموا من اللى سمعوه
بيتبادلوا نظرات الصدمة... نزلت دموع صامتة من عيون مايا
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
ممدوح بيبص لهم باستغراب
"ايه ياجماعة... مالكم المفروض تفرحوا... حاجة زى دى هتخلى المياه ترجع
لمجاريها بين فارس ومايا...مبروك يامايا"
مايا بتحاول ترد مبتقدرش
محدش فيهم عارف يتكلم ف وجود ممدوح
مايا مسحت دموعها وهى بتفكر
"هتصرف ازاى"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
حياة قاعدة مع مامتها ...
"هو انتى معنتيش هتنزلى تقعدى معايا طول ما مايا هنا ولا ايه"
"متزعليش منى ياماما ... انا بقيت مش مسحتملة اشوفها بعد اللى حصل"
"متظليمهاش يا حياة...دى بنت اخوكى وانتى مربياها وعارفة انها متعملش الغلط"
"واللى حصل ده ايه"
"اللى حصل ده كان بسببى"
"بسببك ازاى يعنى"
"الشيخ النيلة ربنا ينتقم منه مطرح ماراها...الهى ما يورد على جنة"
"شيخ مين؟؟ مش فاهمة"
"فاكرة بعد ما امها ماتت كانت بتعيط على طول ازاى وبعدين خفنا تكون محسودة
ولا معمول لها عمل وروحنا للزفت يشوفها وقال هيعملها جلسات"
"ايوه ايوه افتكرت"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
"منه لله قالى لازم الجلسة تبقى لوحدها وبعد ما خرجت نيمها وعمل اللى عمله
والبت فضلت ساكتة كل ده وخافت تتكلم"
حياة وهى مش مستوعبة الكلام من صدمتها
"يعنى ايه... البت مظلومة"
"مظلومة يا حياة... وصممت فارس ميعرفش بعد اللى عمله فيها"
"يا عينى عليكى يا حبيبتى...ظلمناكى كلنا... بس اعمل ايه...ما انا لو قلت
لتوفيق وفارس مش هيصدقوا"
"متقوليش حاجة ...هى مش عايزاهم يعرفوا حاجة وحلفتنا على كده"
"انا موقفى بقى صعب اوى...هى صعبانة عليا وابنى صعبان عليا وكلامى
مش هيغير حاجة"
"اللى فيه الخير يقدمه ربنا...خليكى ساكتة وخلاص"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
ايمان داخلة الاوضة اللى فيها مايا ف بيت نسرين
"انتى لسه منمتيش"
"لسه...بفكر ف اللى بيحصلى ده ومش عارفة اعمل ايه"
"مفيهاش عمايل يا مايا... لازم فارس يعرف كل حاجة"
"لا"
"لا ايه... انتى قلتى لا ع الموضوع التانى ووافقناكى... انما دى حاجة متستخباش
يا مايا... دى كلها كام شهر وهتتعرف...يمكن لما يعرف ينسى اللى
فات وترجعوا لبعض"
"رجوع مش راجعة له يا عمتى... بعد اللى حصل منه مش عايزاه تانى
ابدا وقلت قبل كده"
"واللى ف بطنك؟"
"معرفش"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
"اوعى تفكرى تنزليه ده حتى.."
مايا تقاطعها بسرعة
"لالالا... نزول لا طبعا... انا طول عمرى لوحدى وده اللى هيكون ونسى وسندى
ف الدنيا... اقولك سر ياعمتى"
"قولى يا حبيبتى"
مايا وهى مبتسمة وبتمسك بطنها
"لما عرفت انى حامل... اتصدمت ف الاول شوية بس فرحت بعد كده...بعيدا
عن فارس خالص وايا كان رد فعله...اللى ف بطنى ابنى وربنا عوضنى
بيه عن كل الى شفته ف حياتى... مستنياه ييجى من دلوقتى"
"ربنا يكملك على خير يا حبيبتى... انا مقلتش لماما وعايزاكى تفرحيها"
"لما نرجع نبقى نقولها...احنا هنرجع امتى"
"بعد السبوع بيومين كده تكون نسرين شدت حيلها شوية بس"
"انا هتصل ببابا اقول له"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
حياة بتحط صينية الشاى قدام توفيق وبتقعد
حياة"الشااااااى يا فارس"
جه فارس وقعد معاهم
توفيق"بقولك ايه يافارس... انا كلمت شكرى صاحبى هنبقى نروح نزورهم
الاسبوع الجاى ...يناسبك يوم ايه علشان نروح لهم؟"
حياة بتبص لفارس ...مترددة تتكلم وتحكى لا تسكت...خوفها من توفيق خلاها تسكت
فارس"نزروهم ليه؟؟ مش شكرى ده صاحبك يا بابا"
توفيق"بنته الصغيرة حلوة ومؤدبة وانا كلمته اننا عايزين نخطبها"
فارس بنرفزة"ليه كده يابابا... انا قلت مش عايز لا اخطب ولا اتجوز"
حياة بتبص لهم بقلة حيلة ومش قادرة تقول رأى
توفيق"انا خلاص اتكلمت مع الراجل... انت عايز تصغرنى... شوف لما مشيت
بدماغك ايه اللى حصل"
فارس"خلاص بقى يابابا مش كل شوية تفكرنى باللى حصل"
توفيق"لازم تتجوز واحدة احسن منها...انت هتفضل قاعد كده ولا تكون فاكر انك
هترجع لبنت خالك"
فارس وهو داخل اوضته
"مش عايز اتجوز لا بنت شكرى وبنت خالى"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
فى سبوع المولود... بعد كل الناس ما مشيوا
مامة ممدوح وخالته قاعدين... مع ايمان ونسرين ومايا وممدوح
ام ممدوح"عقبالك يا مايا ربنا يكملك على خير"
مايا"شكرا يا طنط"
مامة ممدوح"ربنا بيحبك اهو رزقك بالحمل علشان ترجعى لجوزك"
خالة ممدوح"ترجع لجوزها؟؟؟ هو فيه حد يسيب القمر ده"
ام ممدوح"دى عروسة يا حبة عينى والشيطان دخل ما بينهم اتطلقوا
قبل ما يكملوا شهر"
حست ايمان ان الكلام ده ممكن يضايق مايا...فغيرت الموضوع
ايمان"قوليلى يا فاطمة صحتك اخبارها ايه"
خالة ممدوح"اهو الحمدلله على كل حال...رايحة اعمل عملية كمان
اسبوعين ف مصر"
ايمان"جاية امتى...امانة عليكى تكلمينى علشان اجيلك"
ام ممدوح"انا جاية معاها ان شاءالله...والمفروض نروح قبل العملية بيومين"
ايمان"خلاص ... هستناكوا تيجوا تقعدوا عندى ...لحد ما تخف وتقوم بالسلامة"
ام ممدوح"ربنا يخليكى يا ايمان... مش عايزين نتعبك"
ايمان"تتعبونى ايه... ده انتوا هتونسونى"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
ايمان ومايا داخلين بيسلموا على الجدة
الجدة"طمنونى نسرين عاملة ايه... ابنها حلو؟؟؟ شبه مين"
مايا"استنى يا نينة هوريهولك"
وطلعت مايا موبايلها..وجابت صورة المولود
مايا"اهو ...صورتهولك كام صورة علشان تشوفيه براحتك"
الجدة بتتفرج على الصور
"يا حبيبى...عسل وسكر ربنا يبارك فيه ويخليهولها"
ايمان"يارب يا ماما...خلاص كبرنا وبقيت جدة"
الجدة"يا ختى يا ايمان... ده اعز الولد ولد والولد"
ايمان وهى بتبص لمايا
"وفؤاد كمان هيبقى جد قريب...هو وحياة"
الجدة بتبص لمايا وايمان بعد فهم
"بتقولى ايه؟"
ايمان"مايا حامل ياماما"
الجدة"والنبى؟؟ يا الف بركة...ربنا يهديك يافارس ويهدى سركم يارب"
مايا "هو ليه كل الناس فاكرة ان الحمل ده هيرجعنى لفارس...مين قال اصلا
انى عايزة ارجعله... ومش لازم يعرف كمان"
ايمان"تانى...مش قلنا دى حاجة متستخباش"
مايا وهى داخلة اوضتها بتعيط
"لو عرف هيفتكرنى بقول كده علشان عايزة استعطفه"
ايمان ومامتها قاعدين بعد مايا ما دخلت اوضتها
الجدة"وبعدين يا ايمان"
ايمان"مفيهاش بعدين... لو خبت دلوقتى هنعمل ايه لما بطنها تبان"
الجدة"انا حكيت لاختك اللى حصل"
ايمان"وبعدين"
الجدة"سكتت...خافت تحكى لهم....بقولك ايه... انا طالعة اقولهم واللى يحصل
يحصل...انا شايفة فارس طالع من شوية وكلهم فوق"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
الجدة بتخبط على باب حياة...حياة بتفتح لها
"اهلا ياماما ...اتفضلى"
"ازيك ياحياة.. فارس صاحى ولا نايم"
"لسه متغدى ودخل يريح شوية"
الجدة"يافااااااااااااااااارس"
حياة"خير ياماما"
جه توفيق على صوتها
"اهلا يا حاجة اتفضلى"
خرج لها فارس
"ازيك يانينة"
قعدت "الله يسلمك... مايا حامل يا فارس وانا جيت اعرفك علشان
مينفعش نخبى عليك"
توفيق بزعيق"ايه ايه ايه... حامل ازاى يعنى"
الجدة وهى بتبص له بحدة
"واحدة وواحد اتجوزوا وهى حملت... هيبقى ازاى"
توفيق"هو حصل حاجة بينهم علشان تحمل؟"
الجدة"ايه يافارس... حصل حاجة بينكم ولا محصلش"
فارس واقف من ساعة ما سمع الخبر ساكت ومصدوم
لما اتسأل معرفش يرد
توفيق"روحى اسأليها الحمل ده منين...ولا تسأليها ليه انا نازل لها اشوف
هتفضل مستغفلانا لامتى؟"
واندفع توفيق ناحية الباب...ووراه حياة
"استنى يا توفيق... استهدى بالله"
ووراه فارس والجدة"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
مايا ف اوضتها بتطلع هدومها من الشنطة تحطها ف الدولاب
سمعت صوت توفيق بيصرخ
"ماياااااااااااااااااااااااا"
واصوات ايمان وحياة
ايمان"فى ايه"
حياة"اهدا يا توفيق"
خرجت مايا من الاوضة
اول ما شافها
"ايه اللى بيقولوه ده"
مايا بتبص لجدتها وايمان باستغراب مش عارفة انهم قالوا
ايمان"ايه ياتوفيق...بنقول مايا حامل"
توفيق"من مين ان شاءالله"
وصرخت فيه مايا
"من مين يعنى ايه... انا استحملت منكم كتير اوى... حامل من فارس"
توفيق"ازاى ومحصلش بينكم حاجة"
مايا"اسأله"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
توفيق بيبص لفارس اللى واقف ساكت تماما
فارس"مرة واحدة بس...بس مش معقول يكون حصل حمل... قولى الحقيقة
يا مايا...الحمل ده من مين؟؟"
مايا بتصرخ"منك... بس هيبقى ابنى لوحدى يافارس...اوعى تفتكر بالحمل
ده انى عايزاك ولا عايزة ارجعلك"
توفيق"واحنا مش مصدقين انه من ابننا... احنا نعرف منين طول الفترة اللى فاتت
دى بتعملى ايه... مين يصدق ان انتى يطلع منك كل ده"
ايمان"كفاية بقى ظلم ف البت... فارس... مايا اغتصبت من سنتين ومقدرتش
تقول ولا تتكلم وانت نفسك مديتهاش فرصة تسمع"
مايا بتصرخ"بس ياعمتى... بس بقى كفاية حرام عليكم"
راحت جدتها اخدتها ف حضنها
"حرام تظلموها انت وابوك... انت عارف كويس اوى يا توفيق انها لاكانت بتخرج
ولا بتروح ف اى حتة لوحدها... ومن ساعة ما اتخطبت لفارس مكنتش
بتروح ف حتة من غيره"
مايا وهى ف حضن جدتها وبتمسح دموعها
"انا حامل ف ابنى... ومش هياخد منك غير اسمك وبس"
توفيق"ولا اسمه حتى"
مايا بتحدى"بينى وبينك ال dna يابشمهندس"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
دخلت مايا اوضتها ...والجدة وايمان واقفين
ايمان"ايه يافارس...مالك ساكت كده؟؟ انت لسه بتشك فيها"
فارس"انا مبقتش فاهم حاجة يا خالتى... اغتصاب ايه ومن مين وازاى وامتى"
فارس ف اوضته... واقف شوية ويقعد شوية
محتار ومش قادر ياخد قرار
دخلت له حياة
"ايه فارس... مالك"
"كل اللى سمعته النهاردة مبرجلنى...مخلينى مش قادر استوعب كل اللى حصل ده"
"مايا مظلومة يا فارس... اتسرعنا ف الحكم عليها"
"يعنى ممكن يكون الحمل ده منى صحيح؟"
"ليه لأ؟"
http://www.vb.fll2.com/storeimg/img_1352595461_607.gifhttp://www.vb.fll2.com/storeimg/img_1352595461_607.gif
"من يوم واحد جواز؟...مش مقتنع"
"هو ايه البتاع الانجليزى اللى قالت لك عليه"
"قصدك dna ؟"
"انا عارفة..باين "
"ده تحليل يتعمل يأكد اذا كان ابنى ولا لأ"
"بدل هى واثقة اوى كده...تبقى هى صح"
دخل عليهم توفيق
"مالكم بتتوشوشوا على ايه"
حياة"ولا حاجة بنتكلم... الواد اكيد ابن فارس يا توفيق"
توفيق"حتى لو ابنه هنعمل ايه يعنى"
فارس بمشاعر مختلفة ...حنين لحلمه القديم ف انه يكمل حياته مع
مايا ويكونوا اسرة
"ابنى"
توفيق"بقولك ايه... انت ايش دراك ان كلامهم حقيقى ومبيداروش عليها"
فارس"احنا مخطوبين سنة وقبلها 6 شهور رجعت فيهم من السفر كانت
مايا قدامى ومبتخرجش الا معايا او مع نينة او خالتى"
توفيق"لما تبقى تخلف نبقى نشوف التحليل هيقول ايه.... وف كل الاحوال
انا قلت لشكرى خلاص اننا رايحين لهم يوم الجمعة"
فارس"بس يابابا"
توفيق"اييييه.... هتصغرنى وتطلعنى عيل قدام الراجل ولا ايه؟"
فارس"لا العفو يا بابا...مقدرش اصغرك"
ايام عمري
01-30-2015, 09:43 PM
ليست عذراء... الحلقة 12
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فارس قاعد فى اوضته
"مايا... معقول... والكلام اللى قالوه ده صحيح... معنى كده ان حمزة برئ
ومفيش بينها وبين حمزة غير اللى كنا شايفينه كلنا... خوفها يوم الفرح
ده كان ليه لو هى فعلا مظلومة... ليه سكتت لحد ما كل ده حصل...
بس صحيح كلام خالتى صح...هى لا بتروح ولا بتيجى لوحدها...
انا ظلمتها لما شكيت فيها... مش معقول تكون كانت بتخدعنى كل ده...
مايا اللى متربية قدام عينى متعملش كده... والحمل..ليه لأ...
لو مكنتش متأكدة مكنتش اتكلمت بالثقة دى...هو ينفع؟؟"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فارس راجع من شغله... واقف ف مدخل عمارة
بيقرا لافتات كتير... وبيطلع لعيادة دكتور امراض نساء وتوليد
فارس قاعد محرج ف العيادة اللى كلها ستات
ييجى عليه الدور...يدخل للدكتور
الدكتور"اهلا وسهلا... اتفضل"
فارس بارتباك"شكرا... انا جاى بس استفسر عن حاجة لو ممكن"
الدكتور"اتفضل"
فارس بيحاول يجمع الكلام
"انا اتجوزت من شهر ونص... تانى يوم حصلت ظروف ف العيلة واضطريت اسافر ...
لما رجعت عرفت ان مراتى حامل.... انا بس عايز استفسر هو ده ممكن"
"ممكن من ناحية ايه؟؟ قصدك انكم قضيتوا مع بعض يوم واحد يعنى"
"بالظبط كده"
"مش كانت فيه علاقة زوجية"
"ايوه كان فيه مرة... انا عايز اتأكد ده ممكن يحصل؟"
"اه طبعا ممكن يحصل... وممكن يحصل حمل من علاقة خارجية ...
هى الحاجات دى قليلة بس بتحصل ومش مستحيلة"
فارس بارتياح"شكرا جدا يا دكتور"
الدكتور"العفو... ان شاءالله تبقى تجيب المدام نطمن على صحتها"
فارس"ان شاءالله"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا قاعدة مع جدتها وايمان
ايمان"مكلتيش حلو النهاردة يا مايا"
مايا"والله ما ليا نفس...لما اجوع هاكل"
الجدة"يا بت ده انتى المفروض تاكلى الطاق طاقين"
مايا بتضحك"ليه يعنى يا نينة حامل ف وحش"
الباب بيخبط...تقوم ايمان
الجدة"مين اللى قفل الباب بس "
مايا"انا قفلته من شوية"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
تفتح ايمان...تلاقى فارس
"ازيك يا خالتى"
اول مايا ما تسمع صوته وتشوفه...تقوم
يدخل فارس
"استنى يا مايا... انا جاى لك"
وقفت مايا
"وجاى ليه.... كلامنا خلاص خلص...جاى تشكك فيا تانى"
دخل فارس وقف قدامها
ايمان والجدة بيتابعوا كلامهم بترقب
"انا جاى اتكلم معاكى يا مايا... انا مبشككش ان اللى ف بطنك ده ابنى"
ايمان"اسمعيه يامايا...اتكلموا"
مايا بعصبية"وهو ليه مسمعنيش الاول.... تحب وانت بتقولى اسمعينى
انزل فيك ضرب اخليك مش عارف ولا قادر تتكلم... تحب وانت بتقولى
اسمعينى ارمى عليك كل الاتهامات البشعة اللى ممكن تتخيلها"
فارس "اهدى يا مايا... مش كويس عليكى العصبية دى...
لو سمحتى نتكلم بهدوء"
ايمان"تعالى ياماما اما نعملهم عصير ولا حاجة... فارس انت اكيد متغديتش...
اجيبلك تاكل"
فارس وهو بيقعد بعد مايا ما قعدت
"لا يا خالتى شكرا"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
راحوا ايمان والجدة المطبخ
الجدة"ربنا يهدى سرهم يارب"
ايمان"يارب ياماما...يمكن لما يتعاتبوا يتصالحوا
مايا قاعدة وفارس قاعد قدامها
هى بتتجنب تبص له وهو بيبص لها
"ليه محكتيليش... سنتين ساكتة ليه"
"اتهام برضه مفيش فايدة"
"مش اتهام والله...انا عايز افهم...ليه تسكتى كل ده"
"اقول لمين؟؟ مكنش حد جنبى خالص... تفتكر لو كنت روحت قلت لباباك
حصلى كده كان هيعمل ايه"
"حصلك كده من مين وازاى"
"مش عايزة افتكر...الله يخليك سيبنى ف حالى"
"اسيبك ايه يامايا... انتى حبيبتى وام ابنى"
واتنرفزت مايا
"اوعى تفتكر انى ممكن انسى اللى عملته فيا"
"اتسرعت يا مايا... غلطت وانتى غلطتى"
"بتحملنى مسئولية حاجة مليش ذنب فيها... انت متعرفش انا مريت بإيه
من ساعة اللى حصلى... لا من قبل ما يحصلى... انت متعرفش حاجة خالص..
. كل اللى فكرت فيه انى وحشة وبس"
كانت بتتكلم وعى بتعيط
قرب منها ...قامت بسرعة
"انت عايز منى ايه يا فارس...مش خلاص عرفت كل حاجة... سيبنى بقى"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فجأة دخل توفيق ...والباب كان مفتوح
توفيق"انت بتعمل ايه هنا؟"
جت ايمان ومامتها على صوت توفيق
الجدة"ايه يا توفيق هتمنعه ييجى عندى"
توفيق"لا انا خايف تضحك عليه تانى... كفاية اللى حصلنا من تحت راسها"
فارس"بابا... مايا ام ابنى وبنت خالى ومهما حصل مش هقاطعها"
توفيق"يعنى ايه"
فارس"يعنى انا غلطت لما اتسرعت ...اللى حصلها ده مش بايدها"
توفيق"نسيت انها ضحكت عليك"
مايا بتعيط...
"اضحكى عليه بدمعتين... اوعى تفتكرى انه ممكن يرجعلك...فارس خلاص هيخطب "
مايا بعصبية"يخطب ولا يعمل اللى هو عايزه...انا مالى بيه"
فارس"لا يا مايا مش هخطب... مش هتجوز يا بابا... انا محبتش ف حياتى غير مايا"
مايا"وانا مش ممكن ارجعلك يافارس بعد اللى حصل منك"
توفيق"ماتبوس رجلها احسن...طول ما هى شايفاك كده لازم تتفرعن اكتر واكتر"
مايا حست بهبوط... والدنيا كلها بتلف بيها
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا بتفتح عينيها
ايمان جنبها ع السرير ...فارس والجدة واقفين
ايمان"الحمدلله فاقت"
فارس"اجيب دكتور يا خالتى"
مايا بتعيط"قوليله يمشى ياعمتى... ومش عايزة اشوفه...خليه ملوش دعوة بيا"
الجدة"جرى ايه بس يامايا... متزوديهاش بقى"
ايمان قامت من جنبها...اخدت فارس من دراعه وخرجت
"اطلع انت يافارس دلوقتى...كفاية "
"هى بتعاقبنى على ايه... انا اول ما فكرت بعقلى بعد ما هديت جيت اعتذر لها...
ليه بتعمل معايا كده"
"اللى حصلها مش شوية برضه...وابوك كل ما بيشوفك هنا بيتعفرت ويقول
كل زى السم... انا هبقى اطمنك عليها"
"انا هطلع...بس فهميها ان علاقتنا لا يمكن تنتهى... اللى بيننا مكنتش
ورقة جواز انتهت بورقة طلاق...فهميها ان اللى بيننا اكبر بكتير من اى حاجة....
لو هتنسى كل اللى فات مش ممكن تنسى ان هيبقى بيننا ابن لا يمكن
يستغنى عن حد فينا"
ايمان وهى متأثرة بكلامه...بتطبطب على كتفه
"حاضر يا حبيبى...حاضر"
"وفهميها انى لا هخطب ولا اتجوز ولا اقدر احب غيرها"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فارس داخل البيت.... حياة راحت له
"مايا عاملة ايه"
"فاقت بس مرضتش تخلينى اجيب دكتور"
"ابوك ع اللى عامله... ومخلانيش انزلها"
توفيق ييجى من جوه
"خلاص...عملت حركتين سهوكة علشان تبلفك"
"يا بابا اطمن...مايا مش طايقة حتى تشوفنى"
"هى بتتأمر على ايه... هتعرف مقامها كويس لما تلاقيك اتجوزت احسن منها"
"بابا...حضرتك مش عايز تفهمنى ليه... انا قلت هاجى معاك بس مش هخطب حد"
"يعنى بتضحك عليا"
"لا...من اول ما فاتحتنى ف الموضوع ده وانا قلتلك لأ..حضرتك اخدت معاد...
ماشى ممكن اجى وكل حاجة علشان الاحراج...انما مفيش حاجة هتتم...
ولو اضطريت انى اقول الكلام ده لصاحبة الشأن هقوله"
"يعنى كنت ناوى تحرجنى"
"انا مغيرتش موقفى... انا امبارح كنت ف حالة مش طبيعية من صدمتى
من خبر الحمل...اخر حاجة كنت اتوقعها... وكملت صدمتى بمعرفة
حقيقة اللى حصل لمايا... حتى لو مرجعناش لبعض انا مش عايز اتجوز"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
دخل فارس اوضته
توفيق واقف متغاظ
"شايفة ابنك... بغيظنى"
"دلوقتى انا عايزة افهم...ايه اللى مسربعك كده على انه يتجوز"
"مش عايزه يرجع لها"
"وهو قالك مش عايزة ترجع له...سيبه بقى"
سكت توفيق...وكملت حياة
"هنزل لماما"
"انا مش قلت لأ"
"يا غلبى من اللى انا فيه"
"انتى هتندبى لى...انزلى"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا ف اوضتها...اتفتح الباب...دخل فؤاد
مايا بتقوم بفرحة
"بابااااا"
فؤاد"خليكى مرتاحة.... عاملة ايه يامايا"
فؤاد بيحضنها وهى على السرير ويقعد جنبها
"حمدالله ع السلامة...ايه المفاجئة الحلوة دى"
"حبيت افاجئك مفاجأة كبيرة غير كل مرة"
"فزورة دى ولا ايه"
"مش فزورة ولا حاجة... المرة دى مجيتى مختلفة شوية"
"ازاى"
"المرة دى راجع على طول"
مايا بفرحة"بجد يابابا"
فؤاد"اه بجد طبعا... انا من ساعة ما سافرت وانا كنت اخد القرار...
انا صفيت كل شغلى هناك ولما عرفت بحكاية حملك دى اتأكدت ان
ده القرار المناسب... هنفضل مع بعض على طول ان شاءالله ...
ومش هتبقى لوحدك تانى"
فرحت مايا ...فرحتها كبيرة ...حضنت باباها
"احسن حاجة يابابا انك هتبقى جنبى على طول"
"ومحتاجك تبقى جنبى انتى كمان"
"ما انا معاك اهو"
"مش كفاية... بعد ما صفيت شغلى هناك لازم ابتدى هنا شغل جديد
ومحتاجك معايا كتف بكتف"
مايا وهى بتمسك بطنها
"بس دلوقتى يعنى"
"لما تقومى بالسلامة ان شاءالله... ولو قدرتى تتابعى حتى كل فترة كده ياريت"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
مايا ف بيت ايمان... ومعاها نسرين وابنها
"احلى حاجة عملتيها انك جيتى مع حماتك"
"اسكتى ده انا قعدت اقول لممدوح مامتك وخالتك هيتكسفوا يروحوا
عند ماما لوحدهم لازم اكون معاهم...وقلت لحماتى انى عايزة اجى
معاهم...وطبعا ممدوح عنده شغل ومش عايزنى اسيبه واسافر بس
مامته اقنعته وسابنى اجى"
"كويس انك جيتى ...عارفة يا نسرين...حاسة ان كل حاجة هتبتدى تتصلح"
نسرين وهى بتغير لابنها
"ازاى"
"بابا اللى طول عمرى محرومة منه جه يعيش معايا... الخوف اللى
كنت فيه خلاص قدرت اتخلص منها... ثقة بابا فيا انه عايزنى اشتغل
معاه ادتنى ثقة ف نفسى... واحلى حاجة هى ابنى اللى بيتكون جوايا"
"وفارس يا مايا؟"
"ماله فارس"
"مجبتيش سيرته مع انه اعتذرلك"
"واجيب سيرته ف ايه"
"مش ناوية تسامحيه زى ما سامحك"
"ربنا يسامحنا كلنا"
"يعنى ايه"
"يعنى خلاص اللى حصل حصل وانا مبقتش عايزة احب ولا اتحب ولا حاجة من دى"
"ليه...انتى محبتيش فارس؟"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
"حبيته اوى يا نسرين...وعلشان حبيته كنت حاطة امل وراسمة
ف خيالى صورة معينة ليه... تخيلت انى لما هحكيله هيطبطب
عليا ويهون عليا اللى حصلى ... اتفاجئت بواحد تانى معرفوش..
وَحش يا نسرين معرفوش... انا اخاف يتقفل علينا باب تانى ابدا...
معنديش ثقة فيه خلاص واستحالة افكر ف رجوعى ليه"
"وابنكم"
"انا بقعد اقوله ابنى لوحدى والكلام ده بس انا اكيد مش هحرمه من
ابنه ولا احرم ابنى منه...انا اتربيت مفارقة وعارفة كويس اوى الحرمان
من الام او الاب بيعمل ايه"
"ربنا يهدى...هو صحيح هيخطب...ماما قالت عمو توفيق قال كده"
"عمو توفيق ...طول عمرى عارفة ان شديد بس عمرى ماتخيلت انه
قاسى كده... معرفش بيعاملنى كده ليه...كل ما يشوفنى يرمينى بكلام
زى الزفت...وده سبب تانى يخلينى اخاف واقول استحالة ارجع لفارس...
اما حكاية يخطب ولا ميخطبش...هو حر بقى"
"شكلك زعلتى"
"سيبك من السيرة دى ... كلميهم وشوفى عملوا ايه"
http://www.vb.fll2.com/storeimg/img_1352593330_915.gif (http://forums.fll2.com/hsb76523)
فى المستشفى... خالة ممدوح على السرير
وايمان وحماة نسرين معاها ف الاوضة
بره الاوضة...قاعد فؤاد مع نادر "ابن الخالة"
"تعبناكم معانا النهاردة...متشكر اوى"
"لا متقولش كده يانادر احنا عيلة واحدة"
خرجت ايمان من الاوضة... وقعدت معاهم
فؤاد"ايه يالا؟؟"
ايمان"اه...وهاجى لهم الصبح ان شاءالله"
نادر"طيب اتفضلوا اوصلكم قبل ما اروح الاوتيل"
فؤاد"اه صحيح مكملناش كلامنا... انت تيجى تتعشا معانا ونتكلم شوية ايه رايك"
نادر"مفيش مانع... انا كمان عندى كلام عايز اخد رأيك فيه"
ايام عمري
01-31-2015, 02:41 PM
ليست عذراء... الحلقة 13
http://www.vb.fll2.com/storeimg/img_1352593330_803.gif (http://forums.fll2.com/hsb76523)
فؤاد بيفتح الباب الخارجى
ومعاه ايمان ونادر
ايمان"اتفضلوا عندى فوق"
ايمان سابقاهم...فؤاد هيقف عند شقة مامته
فؤاد"لا احنا هنتعشا هنا... زمان ماما نامت تعالى اعمليلنا العشا يا ايمان"
ايمان"حاضر"
فؤاد بيفتح شقة مامته
"اتفضل يانادر"
يدخلوا ويسيبوا الباب مفتوح
تدخل ايمان ع المطبخ...تتصل من موبايلها
"الو...انزلى لى يامايا انتى ونسرين بسرعة...يالا متتأخروش"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
نسرين نزلت شايلة ابنها ومعاها مايا
دخلوا
نسرين"نادر!!اهلا وسهلا...طنط عاملة ايه"
نادر بيقوم يسلم"اهلا يا نسرين ازيك...الحمدلله انا مشيت وكانت لسه
خارجة من العمليات...بس الدكتور طمنى"
نادر واقف...خلص كلامه مع نسرين
مايا واقفة فهمت من الكلام يبقى مين
فؤاد"تعالى اقعدى يامايا...مايا بنتى"
مايا"اهلا وسهلا"
نادر وهو بيسلم عليها
"تشرفنا"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
فارس داخل البيت... مستغرب العربية اللى واقفة قدام الباب
فتح الباب الخارجى ودخل
وهو طالع ع السلم...شاف الباب مفتوح
وشاف مايا وفؤاد ونسرين قاعدين مع شخص غريب
اللى لفت انتباهه هو متابعة مايا باهتمام للشخص اللى بيتكلم
وواضح ان كلامه بيتوجه ليها
استغرب...وقف لحظات...اتضايق من وقوفه كده
كمل طلوع للبيت وهو بيفكر
"مين اللى قاعد مع مايا وخالى ده"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
مايا وهى قاعدة بتسمع نادر
"الموضوع اللى كنت عايزك فيه يا استاذ فؤاد...هو انى بفكر افتح فرع
للشركة هنا..انا بشتغل مع مراتى ف شركة السياحة بتاعتها ف تركيا...
وكنت بفكر افتح فرع ليا هنا...بس بصراحة لقيت التكلفة عالية عليا لوحدى
وبما انك كنت بتفكر تعمل بزنس هنا فانا بعرض عليك الشراكة"
فؤاد بتردد"مفيش مانع...ايه رأيك يامايا"
مايا بتفكر"مش عارفة يابابا...رأيك اهم"
فؤاد"انتى هتبقى معايا ولازم رأيك"
نادر بيبص ف الساعة
"الوقت اتأخر... انا متشكر ع العشا وحضرتك فكر براحتك يا استاذ
فؤاد ورد عليا... استأذن"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
فارس داخل البيت وهو سرحان
"مين ده اللى قاعد معاهم تحت"
قعد على اقرب كنبة من غير ما يفتح النور
ماسك ميدالية المفاتيح باديه الاتنين وبيشد فيها بعصبية
سمع صوت عربية بتدور...قام بسرعة يبص من الشباك
شاف العربية اللى واقفة قدام البيت وهى بتتحرك
وايد اللى بيسوقها بيشاور لحد جوه البيت
قفل الشباك بعصبية ووراح ع الباب...وخرج
http://www.vb.fll2.com/storeimg/img_1352593330_803.gif (http://forums.fll2.com/hsb76523)
فؤاد راجع بعد ما وصل نادر
دخل قعد معاهم
"ايه رأيك يامايا ف اللكلام اللى قاله نادر"
مايا"لازم نفكر كويس الاول يابابا ومنتسرعش... ونطمن برضه على شغله
هناك ...ماشى كويس وصادق ولا كداب...سورى يا نسرين بس مبقاش
عندى ثقة ف حد"
نسرين"الحق ميزعلش وانا اعرفه عادى بس معرفش طريقة شغله...
فكروا بعيد عن قرابته لممدوح"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
دخل فارس فجأة... بيحاول يهدى عصبيته
ايمان"فارس...تعالى مالك؟؟"
مايا شافته ...قامت تدخل اوضتها
وقبل ما تدخل
"مايا...مين ده اللى كان هنا"
التفتت له مايا...وهى بتبص لباباها
فؤاد"فى ايه يافارس"
فارس بيحاول يتحكم ف عصبيته وبيوطى صوته
"مفيش ياخالى...بسأل بس مين ده اللى كان هنا"
مايا"وبتسألنى انا ليه؟"
ارتبك فارس...بص للموجودين كلهم
فارس"بسألك يامايا....مين ده"
نسرين"ده ابن خالة ممدوح"
فارس مستغرب
"وابن خالة ممدوح ايه علاقته بمايا"
مايا"مايا مايا...مالك ومال مايا"
فارس"علشان شفت اهتمامك بيه...وكلامه اللى بيتوجه لك...
وتوصيلك ليه وهو ماشى"
مايا"توصيلى ليه!!... حتى لو كنت انت مالك ومالى...فوق يافارس
انت طلقتنى خلاص ومبقاش لك حكم عليا"
زعق لها فارس وهو بيقرب منها...وف حركة لا ارادية حطت ايدها
على وشها وكأنه هيضربها
حركتها اللا ارادية وقفته مكانه من غير ما يقرب منها
ووقفت الكلام على لسانه
فؤاد بيشخط فيه"فااااااارس ...انا عايش وموجود مع بنتى.... محدش
خالص بقى له حكم عليها من هنا ورايح"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
مايا وكل ذكرياتها السيئة مع فارس ف الليلة المشئومة
بقت قدام عينيها... عيطت
"ابعد عن حياتى خالص يا فارس... كفاية اللى حصل لى منك
ومن غيرك... انا كل ما احس انى اتقدمت خطوة وبقيت كويسة
تيجى انت ترجعنى 100 خطوة لورا... سيبنى ف حالى بقى"
تقعد وهى بتعيط... ايمان تقعد جنبها وتحضنها
"بس يامايا...محصلش حاجة لده كله.. مش كويسة
العصبية دى علشانك"
فارس بيحاول يدافع عن نفسه
"انا عملتلك ايه يامايا... انتى بتحملينى ذنب اللى حصل ليا لوحدى ليه...
وانتوا كلكم حاسين بيها ومحدش حاسس بيا ليه... انت نفسك
ياخالى لحظة ما اتصدمت اتصرفت ازاى...بتلومونى لوحدى ليه"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
محدش بيرد عليه... مايا بتعيط... فارس صوته مخنوق
كمل كلامه
"خلاص ... خلاص كده... استريحى اوى يا مايا... اعملى اللى يريحك...
دوسى عليا اوى علشان غلطة غلطتها مش عايزة تسامحينى عليها...
رغم ان غلطتك انا سامحتك عليها وجيت اراضيكى"
مايا وهى بتعيط"وهى دى المشكلة اللى بيننا...انك بتحملنى
غلطة معملتهاش"
فارس"غلطتك انك خبيتى عليا وفاجئتينى... وانا فعلا غلطان
انى سامحتك عليها"
خرج فارس من البيت..
طلع السلم وهو متضايق... وصل للسلم اللى بين شقتهم وشقة ايمان...
قعد على السلم...ومسح دموعه اللى نزلت من كتر حبه وغيرته على مايا...
اللى بتقابلهم بكل قسوة
http://www.vb.fll2.com/storeimg/img_1352593330_803.gif (http://forums.fll2.com/hsb76523)
خلال الشهرين التاليين
فاتت الايام على مايا... وهى بتشغل نفسها بالتفكير ف المشروع الجديد...
كانت اغلب المقابلات بين فؤاد ونادر بره وكلام عام عن المشروع
لقصر فترة الاجازة اللى جاى فيها...ومكنتش بتحضرها مايا لتعبها
ف شهور الحمل الاولى
نسرين ترجع بيتها مع حماتها وخالة ممدوح بعد ما يتم علاجها
حياة علاقتها مازالت متوترة ببيت مامتها
ومش عارفة تراضى مامتها ولا توفيق وبتحاول تكون ع الحياد
http://www.vb.fll2.com/storeimg/img_1352593330_803.gif (http://forums.fll2.com/hsb76523)
توفيق مخاصم فارس من بعد ما رفض انه يخطب...ومستنكر ضعف
شخصيته - من وجهه نظره – قصاد مايا
فارس ومن بعد اخر مرة اتكلم فيها مع مايا... وهو حس انه بيقلل من كرامته
بحبه ليها... ندم على محاولته ارضائها وقرر انه هيتجنبها تماما...
شعوره بالندم مع خصام باباه ليه...حسسه انه مبقاش مرتاح لوجوده قريب منهم
http://www.vb.fll2.com/storeimg/img_1352593330_803.gif (http://forums.fll2.com/hsb76523)
فؤاد داخل من بره بيتكلم ف التليفون
مايا قاعدة مع جدتها
"هقولك يا نادر واشوف هينفع ولا لأ... لازم نسأل الدكتور الاول..
. اه مايا اهى معاك"
وشاور لمايا
"نادر عايز يكلمك"
اخدت مايا التليفون من فؤاد
"الو... الحمدلله... اه كويس وبابا بدأ يدور على مكان مناسب... نيجى؟؟..
اه عندى ايميل بس من زمان مفتحتوش ونسيت الباسوورد...
اه ممكن اعمل واحد جديد... طيب ابعته ف مسدج على تليفون بابا...
ان شاءالله ...مع السلامة"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
قفلت مع نادر..وبصت لباباها وهى بتديله التليفون
"بيقولى هتيجوا؟"
"اه مصمم اننا نروح له تركيا فانا قلت له لازم نسأل الدكتور الاول"
"هو عايزنا ليه"
"بيقول نشوف الشركة هناك ونظام الشغل"
ورن الموبايل بنغمة رسالة
"اكيد بيبعت ايميله... بيقولى عايز ايميلى علشان يكون اسهل ف الشغل"
"طيب... وايه رايك ف السفر"
"لو الدكتور قال اسافر نسافر...لو قال لا سافر انت يابابا ولما تيجى
تبقى تقولى عملت ايه "
"طيب ...ابقى قولى لعمتك تروح معاكى للدكتور علشان تسأليه ع السفر"
"انا كده كده معادى معاه بكرة ورايحين له"
"انتى وصلتى للكام"
"ف اول الخامس"
"والدكتور بيقولك ايه على التعب اللى انتى فيه ده"
"بيقول عادى"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
فارس خارج من اوضته قعد مع باباه ومامته
توفيق اول ما شافه...قام
"بابا لو سمحت عايز اتكلم معاك"
توفيق"نعم"
فارس"ياريت متزعلش منى... مكنتش اقدر اروح اخطب واحدة وانا مش
عايزها...حرام اظلمها معايا"
توفيق"واللى انت عايزها مينفعش ترجع لها"
حياة"استغفر الله العظيم يارب...احنا ايه اللى جرالنا بس"
فارس"اطمن يا بابا...انا خلاص عارف ان مبقاش ينفع ارجع لها"
توفيق"وهتفضل كده"
فارس"انا مسافر بكرة"
حياة بفزع"مسافر فين... كفاية سفر بقى انا تعبت من بعدك عنى"
فارس"متقلقيش ياماما..ده فرع الشركة هنا جوه مصر مش بره"
توفيق"فين"
"ف السويس"
توفيق"ليه"
"هبقى مرتاح اكتر"
توفيق"كله منها... هى السبب ف كل المصايب اللى بتحصل لنا"
فارس وهو قايم يدخل اوضته
"انا مسافر بكرة بالليل ان شاءالله...بعد اذنكم"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
ايمان ومايا ف التاكسى
ايمان"نزلنى هنا لو سمحت"
ايمان بتميل على مايا
"هجيب حاجة من السوبر ماركت واحصلك"
نزلت ايمان وكملت مايا ف التاكسى
وقف التاكسى ورا عربية واقفة قدام البيت
نزلت مايا من التاكسى وهى بتبص على العربية الغريبة اللى واقفة
قدام البيت بالظبط ...وشنطة العربية مفتوحة وفيها شنظة سفر كبير
قربت من الباب...شافته مفتوح
دخلت... وطلعت السلالم الاولى ...وقبل ما توصل لشقة الجدة
شافت فارس نازل بشنطة سفر صغيرة
http://www.vb.fll2.com/storeimg/img_1352593330_803.gif (http://forums.fll2.com/hsb76523)
فارس اتفاجئ بمايا قدامه وهو نازل
لفت نظره شكل بطنها اللى اول مرة يشوفها بعد ما بان
عليها اثر الحمل
لحظات نفس التفكير بيدور ف خيال الاتنين
يتجاهلوا بعض ولا يسلموا على بعض
اول مرة يتقابلوا بعد ما كل واحد فيهم قطع اى صدفة ممكن تجمعهم
وقطع فارس افكاره
"ازيك يامايا"
"الحمدلله"
وكملت وهى بتبص للشنطة
"انت مسافر"
فارس بوجع قلب
"مش مرتاح ف بيتى ولا وسط عيلتى ولا مع اللى بحبهم...يبقى اقعد ليه"
"السعودية برضه"
"لا... السويس... تبع الشركة...طمنينى على صحتك"
"الحمدلله"
"خلى بالك من نفسك ومن ابننا"
فتحت مايا شنطتها وطلعت صورة صغيرة للسونار
ناولتها لفارس وهى بتحاول تبتسم
"شوف صورتها"
مسك فارس الصورة...بص لشكل الجنين وهو بيبتسم
"بنت؟"
"اه"
http://www.vb.fll2.com/storeimg/img_1352593330_803.gif (http://forums.fll2.com/hsb76523)
باس الصورة اللى مفيهاش غير جنين ابيض واسود
ناولها الصورة تانى
"خلى بالك منها... ومتزعليش منى ف اى حاجة فاتت او اى
كلمة زعلتك فيها"
شافت لمعة دموع متحجرة ف عينيه... حست ان دموعها ممكن
تنزل... اتكلمت بسرعة
"خلاص يا فارس... انت ابن عمتى وان كنا فشلنا ف جوازنا مش
عايزين نفشل كأم واب ...خلى الصورة معاك لو عايز"
حط الصورة ف جيبه
"شكرا...بس احنا مفشلناش كزوجين...احنا ملحقناش"
وقاطعته مايا
"يالا انا طالعة...توصل بالسلامة ان شاءالله"
طلعت مايا وفتحت باب الشقة بالمفتاح....ونزل فارس ركب العربية
اللى كانت مستنياه
http://www.vb.fll2.com/storeimg/img_1352593330_803.gif (http://forums.fll2.com/hsb76523)
مايا اول ما دخلت وقفلت الباب وراها...باباها سألها
"ايه يامايا...عملتى ايه...نادر كلمنى وسألنى هينفع تسافرى ولا لأ؟؟"
ايام عمري
02-02-2015, 03:23 PM
ليست عذراء... الحلقة 14
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
مايا اول ما دخلت وقفلت الباب وراها...باباها سألها
"ايه يامايا...عملتى ايه...نادر كلمنى وسألنى هينفع تسافرى ولا لأ؟؟"
"لا قالى بلاش سفر ولا حركة كتير"
"طب وبعدين"
"سافر يابابا وهنبقى مع بعض ع التليفون"
"طيب هقوم اتصل بنادر واقوله انى هروح خلال الاسبوع الجاى"
"وانا من هنا هبقى اشوف اعلانات الشقق والمكاتب واشوف لو فيه حاجة
مكانها وسعرها مناسب هبقى اقولك...هتطول؟"
"لا هشوف بس الشغل ازاى هناك واشوف عايزنى ليه واجى"
"ماشى"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
قام فؤاد دخل الاوضة يتكلم... مايا بتقعد
خبط الباب...قامت تفتح
"تعالى ياعمتى"
"قفلتى الباب ليه"
مايا بتقعد
"انا عارفة... اقعدى"
"لا انا طالعة احط الحاجة ف التلاجة...هو مفيش حد هنا"
"بابا جوه بيكلم نادر ونينة مشفتهاش اكيد نايمة"
"طيب ...تصبحى على خير"
راحت ايمان ناحية الباب
سألتها مايا
"شفتى فارس"
التفتت لها ايمان وردت بتلقائية
"لأ..بتسألى ليه؟"
"فارس سافر"
رجعت لها ايمان وقعدت قدامها
"ايه..سافر فين؟"
"فرع الشركة ف السويس"
"اخص عليه مسلمش عليا...بس انتى عرفتى منين"
"وانا جاية قابلته ع السلم...يعنى كده كده مكنش هيقول لولا انى قابلته بالصدفة"
"وبعدين"
مايا بتتصنع عدم التأثر
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
"مفيش... اتكلمنا عادى ووريته صورة السونار وقلت له انها بنت"
"هااا"
مايا بتبص لها
"بصى ياعمتى انا هقولك اللى حسيته بس متعلقيش على اللى هقولهولك...
بمعنى اصح متمسكيش عليه يعنى"
"قولى"
"قلبى وجعنى وحسيت ان فارس صعب عليا"
"وليه طيب العِند بقى"
مايا واحساس بالندم انها اتكلمت
"شفتى بقى...انا غلطانة انى قلتلك اللى حسيته... انا مش بعاند والله"
"اومال ايه"
مايا سكتت مترددة...بتحاول توصف اللى جواها
"انا ... انا خايفة من فارس...بقيت بخاف منه ياعمتى ...علشان كده بقولك زى
ما قلتله ان كنا فشلنا كزوجين مش عايزة نفشل نبقى ام واب كويسين"
"فارس بيحبك"
"عارفة...بس الحب ده مشفعليش عنده ولا قدر يرحمنى "
وكملت كلامها وذكريات الليلة المشئومة قصادها
"فارس وجعنى اوى... وجعنى بقسوة... يمكن ألم جسمى خف انما
ألم قلبى وكرامتى مخفش ..موجوعة اوى ياعمتى...اوووووى"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
فارس ف العربية على طريق السفر
سرحان ف الطريق الممتد قدامه
غمض عينيه.... وتخيل
تانى يوم الفرح... الاهل عندهم بيهنوهم وفارس ومايا كل اللى بينهم
نظرات حب وسعادة
فارس مع مايا بيحضروا الفطار مع بعض
فارس نايم وجنبه مايا بيبص لها بحب وهو صاحى
فارس مع مايا عند الدكتور واول خبر للحمل بيسمعوه مع بعض
فتح فارس عينيه من خياله على صوت فرقعة عالية
"ايه يا اسطى...حصل حاجة"
السواق وهو بيهدى
"الحمدلله...الكاوتش فرقع بس ربنا ستر...حالا هغيره"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
مايا بتتكلم ف التليفون
"حمدالله ع السلامة يابابا... انا كويسة الحمدلله... لا ملقيتش حاجة مناسبة...
انت فين دلوقتى... يعنى نادر وصلك الاوتيل ومشى... ماشى ابقى
عرفنى عملت ايه...مع السلامة"
قفلت مايا مع فؤاد... مسكت بطنها وهى بتمدد على السرير وبتحط
اللاب جنبها وبتفتحه
دخلت على مواقع العقارات بتتفرج
اتفتح قدامها رسالة من نادر
"صباح الخير يامايا"
"صباح النور"
"ايه عاملة ايه"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
"الحمدلله... لسه بابا مكلمنى وقال انك استقبلته ف المطار ووصلته"
"اه فعلا لسه سايبة من شوية... كنت اتمنى انك تيجى معاه"
"معلش ظروف"
"انا ممكن اسألك سؤال احرجت انى اسأله"
وقفت مايا لحظات مش عارفة ترد بعد ما حست بالسؤال
"لو مش عايزانى اسألك بلاش"
"عايز تسألنى على ايه"
"الاول قوليلى...متضايقة اننا بنتكلم"
"لأ..اتضايق ليه"
"يعنى علشان كل كلامنا قبل كده كان قليل اوى وفين وفين لما اعرف اكلمك"
"كل الحكاية انى مبقدرش اقعد ع النت كتير"
"صحتك عاملة ايه"
"الحمدلله"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
"سؤالى... انتى ايه حكايتك"
"حكايتى؟"
"اه... كل اللى اعرفه انك مطلقة من اول شهر جواز...صحيح؟"
"صحيح"
"مش غريبة"
"النصيب بقى"
"انا اسف واضح انك اتضايقتى"
"مش موضوع اتضايقت...بس فيه حاجات ممكن تحصل تكون غريبة بس اهى بتحصل "
"معاكى حق... وياترى ابو البيبى عارف انك حامل"
"اه طبعا...ابو البيبى يبقى ابن عمتى"
"والله؟؟ مكنتش اعرف"
وقصدت مايا تغير الموضوع
"انا بدور حاليا على مكان مناسب للشركة"
"تمام ربنا يوفقك ...انتى هتولدى امتى"
"لسه 4 شهور"
"عايزين نكون بدأنا شغل"
"ربنا ييسر الامور ان شاءالله"
"هتقعدى تانى امتى...ابقى خليكى اون لاين لما تكونى موجودة"
"لما اكون قاعدة"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
دخلت ايمان على مايا الاوضة
"بعد اذنك يا نادر...هقفل دلوقتى"
"اوك... سلام"
قفلت مايا مع نادر... وقفلت اللاب كله
"ايه بتعملى ايه"
"مفيش"
"مالك"
"حاسة الايام بتعيد نفسها"
"ازاى"
"فاكرة بعد ما خلصت الدراسة وكله انشغل بابا سافر ونسرين اتجوزت وانا
بقيت لوحدى... حاسة بنفس الاحساس تانى"
ايمان بقلق
"قصدك ايه"
حست مايا بقلقها فاتكلمت بنبرة متفائلة الى حد ما
"مفيش... انا دلوقتى احسن كتير... على الاقل مشغولة ببنوتى..مش
هننزل نجيب لها الهدوم"
"اى وقت يا حبيبتى نزل نجيب لها الهدوم"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
مايا وايمان مع الجدة ف البيت
بتتفرج على الهدوم اللى اشتروها
مايا بتوريها كل حاجة بفرحة
فارس قاعد ف اوضة بسيطة
ممدد على السرير وبيبص على صورة السونار بابتسامة
مايا ف اوضتها... على السرير
سرير الاطفال الجديد جنب سريرها
بتفتح اللاب...بتلاقى رسايل كتير من نادر
بتدخل اون لاين وترد عليه... ويكون مستنيها
وتبدأ محادثة بينهم
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
فارس بيقلب ف صور مايا اللى على موبايله
صور كتير ليها لوحدها وليهم مع بعض بعد الخطوبة
وصور قليلة ليهم ف الفرح
فارس يخرج من الصور... ويقلب ف الاسماء
يقف عند اسم مايا بتردد... صباعه ما بين زر الاتصال او زر الخروج... حيرة وحنين
يحسم حيرته رنة الموبايل ف ايديه...ويرد
"الو.. ازيك يا ماما...لا صاحى..الحمدلله كويس...باكل متقلقيش... اه والله
كويس... لا لسه مش دلوقتى...هبقى انزل اسبوع كل شهرين...
مش بعيد ولا حاجة يفوتوا بسرعة... ماما... بتسألى على مايا؟؟ ابقى
اسألى عليها وطمنينى... خليكى قريبة منهم ... مع السلامة"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
خلال الشهرين التاليين
بعد فؤاد ما رجع...عرضت عليه مايا الاماكن اللى شافتهم مناسبين
وكانت طول الفترة اللى فاتت بتتكلم يوميا مع نادر وبتبعت له كل حاجة
تختارها ويتناقشوا فيها
اختاروا شقة كبيرة ف عمارة ف وسط البلد
بدأوا توضيبها... وكان نادر معاهم على التليفون دايما
سواء فؤاد...او مايا
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
مايا قاعدة مع ايمان وحياة والجدة
حياة"ابقى خلى بالك يامايا ومتتتعبيش نفسك"
مايا"انا تقلت تقل ياعمتى... بقيت لوعايزة اروح الشركة افضل يومين اقول
هروح كمان شوية هروح كمان شوية وفين وفين لما اقدر انزل..ربنا يهون
خلينى اخلص بقى"
ايمان"هانت اهو"
توفيق طالع ع السلم...بص جوه الشقة بتكشيرة
"سلامو عليكو"
وطلع من غير ما يستنى رد
قامت حياة بعد ما شافته
"اما اطلع احضر له الغدا... فارس بعد ما قال جاى بكرة قال جاى بعد
3 ايام...الولا وحشنى"
الجدة"ده معندوش دم...الولا يسافر من غير ما يقولى"
حياة"والله ياماما ما قالنا الا ليلتها...يالا ربنا يجيبه بالسلامة"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
تقوم حياة تطلع ورا توفيق
مايا"هو احنا مش اتغدينا من شوية... انا جعانة كده ليه"
الجدة"ياختى كلى بالف هنا"
ايمان وهى بتضحك قامت دخلت المطبخ
رن الموبايل وهو جنب مايا...
"رقم غريب!!"
ردت"الو"
ركزت تتحقق من الصوت
"مين...نادر؟... ازيك عامل ايه...الحمدلله كويسة... لا بابا ف الشركة مش موجود...
بتقول ايه؟؟ جيت امتى؟؟ مقلتليش يعنى... لا اكيد مفاجئة حلوة...حمدالله
على سلامتك... روح لبابا هتلاقيه هناك...قاعد لحد بالليل... هقولك العنوان...
مش لازم يعنى... طيب ساعة كده بالكتير ...مع السلامة"
ايمان بترجع من المطبخ وتحط صينية اكل قدام مايا
"ايه هو نادر جه ولا ايه"
"اه...وبيقولى عايز يروح الشركة وهييجى ياخدنى"
الجدة"وانتى قادرة تروحى"
مايا"ولا قادرة ولا حاجة وقلت له اوصفلك العنوان مرضيش... هاكل واقوم ألبس"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
نادر قاعد ف العربية مستنى مايا
مايا بتخرج م البيت...بتركب معاه
بيسلم عليها وهو بيضحك بعد ما تركب
"ازيك يامايا"
"حمدالله ع السلامة...بتضحك على ايه"
"شكلك متغير خالص هههههه"
ابتسمت وهى بتبص لبطنها
"يتغير...خدنا ايه من الجمال يعنى"
"لا معلش حاسبى ... زى القمر برضه"
سكتت مايا ومردتش عليه
"بابا عارف انك جيت ولا لا"
"لا مكلمتوش ...كلمتك انتى بس"
مايا اتكلمت بجدية
"هى مراتك مبتجيش معاك"
"ليه"
"ابدا...هى وراها شغلها هناك مينفعش تسيبه"
"انت كنت قلتلى انها عارفة انك هتفتح فرع هنا"
"اه عارفة... ومعندهاش مشكلة.. مراتى عقلانية اوى ...اوى يعنى لدرجة الغاء المشاعر"
"متهيألى ممكن نعمل الافتتاح قريب...انت قاعد قد ايه"
"قاعد معاكم شوية"
"كويس نبقى نعمل الافتتاح ونبدأ شغل ان شاءالله...احنا قربنا الشركة
هتلاقيها على الناصية الجاية"
"المكان حلو اوى"
"اه والمكان كبير من جوه...هتعجبك اكيد"
http://www.vb.fll2.com/storeimg/img_1352593330_988.gif (http://forums.fll2.com/hsb76523)http://www.vb.fll2.com/storeimg/img_1352593330_988.gif (http://forums.fll2.com/hsb76523)
مايا قاعدة ف اوضتها..دخلت لها ايمان
"حبيبتى صاحية"
"اه ياعمتى...نزلتى امتى مش طلعتى تنامى"
"بصى بقى... بعد ماخلاص طلعت ع السرير وهنام...حسيت انى عايزة اتكلم
معاكى ولو استنيت للصبح ماما بتبقى قاعدة معانا وساعات حياة بتنزل
مش هعرف اتكلم معاكى"
"ايه ياعمتى...فيه سر ولا ايه"
"انا ملاحظة كده كلام كتير بينك وبين نادر...تليفونات ونت واول ماجه انتى
اول واحدة كلمك...ده حتى مراحش لامه"
"عادى ...شغل"
"عليا يا مايا... قوليلى ايه الحكاية"
"بصى...هو النهاردة لما جه اخدنى"
"هااا...ايه؟"
prutoos
02-02-2015, 03:38 PM
يبدو انها قصه رائعه وجميله واتاسف باني لم اكن
من قبل لا اتابعها ان شاء الله في قصتك القدمه ساتابع
شكرا الك
ايام عمري
02-02-2015, 05:26 PM
http://up.3dlat.com/uploads/3dlat.com_13899306591.gif
العفو كنت بتمنى تتابع معنا هلقصة
prutoos (http://al3shek.com/vb/member.php?u=3511) بشكرك على مرورك اكيد
http://up.3dlat.com/uploads/3dlat.com_13899306591.gif
ايام عمرى
شوقتينااا للنهايه
كم باقى حبيبتى
يسلمووووووووو ايدك
ايام عمري
02-03-2015, 02:29 PM
http://up.3dlat.com/uploads/3dlat.com_13899306591.gif
الله يسلمك يارب شهد
اكيد موعدنا بكره مع الحلقة الاخيرة لقصتنا
وهنتابع اليوم احداث ماقبل الاخيرة
هنشوف مايا ممكن تتزوج نادر او تتوقعو ترجع لفارس
http://up.3dlat.com/uploads/3dlat.com_13899306591.gif
ايام عمري
02-03-2015, 02:39 PM
ليست عذراء... الحلقة 15
http://www.vb.fll2.com/storeimg/img_1352593982_625.gif
مايا قاعدة ف اوضتها..دخلت لها ايمان
"حبيبتى صاحية"
"اه ياعمتى...نزلتى امتى مش طلعتى تنامى"
"بصى بقى... بعد ماخلاص طلعت ع السرير وهنام...حسيت انى عايزة
اتكلم معاكى ولو استنيت للصبح ماما بتبقى قاعدة معانا وساعات حياة
بتنزل مش هعرف اتكلم معاكى"
"ايه ياعمتى...فيه سر ولا ايه"
"انا ملاحظة كده كلام كتير بينك وبين نادر...تليفونات ونت واول ماجه انتى
اول واحدة كلمك...ده حتى مراحش لامه"
"عادى ...شغل"
"عليا يا مايا... قوليلى ايه الحكاية"
"بصى...هو النهاردة لما جه اخدنى"
"هااا...ايه؟"
"كلامه وتلميحاته كانت زيادة عن كل مرة"
"زيادة؟"
"اه...دايما لما بيكلمنى ع النت او التليفون يقعد يحكى لى عن حياته
وعن عيشته وانه مش مرتاح وكده"
"وانتى ؟"
http://www.vb.fll2.com/storeimg/img_1352593982_625.gif
"انا بحكى عادى... ماهو اكتر واحد بيسأل عليا بعدك ياعمتى"
"وبعدين"
"بس النهاردة لما قعد يلمح بقيت اغير الموضوع واجيب سيرة حاجة تانية"
"بصى يا مايا... انتى لسه صغيرة يعنى كده كده لازم هتتجوزى...بس
انا بقول فارس اولى علشان بنتكم"
"ياعمتى لا فارس ولا نادر ولا اى راجل خلاص كفاية"
"كفاية ايه هتقعدى كده"
"اه... هربى بنتى واشتغل مع بابا وعندى طموح كبير اوى انى
انجح ف شغلى الجديد"
"والجواز والاسرة"
"الاسرة ربنا يخليكوا ليا...انما الجواز... بصى ياعمتى... مبقتش متقبلة
اى راجل ف حياتى"
"بس هتحتاجى وجود راجل ف حياتك"
"لما ابقى احتاج ابقى افكر...انا دلوقتى كل اللى بفكر فيه بنتى اللى
مستنياها وشغلى اللى مستنينى"
"ربنا يقدم اللى فيه الخير"
http://www.vb.fll2.com/storeimg/img_1352593982_625.gif
تانى يوم... مايا قامت م النوم على صوت التليفون
"الو... صباح النور... لا صحيت خلاص... لا مش قادرة اجى الشركة
النهاردة...انت روحت بدرى كده...وبابا معاك؟... لا عايزة ارتاح النهاردة...
ربنا يسهل بكرة ...مع السلامة"
قامت مايا بتثاقل...خرجت م الاوضة
شافت ايمان وجدتها ف المطبخ
مايا"صباح الخير"
الجدة"مساء النور ياختى"
ايمان"صباح النور يامايا... هحضرلك الفطار لحد ما تخلصى الحمام"
http://www.vb.fll2.com/storeimg/img_1352593982_625.gif
مايا قاعدة بتفطر... نزلت حياة وقعدت جنبها ومدخلتش المطبخ
"ازيك يا مايا"
"الحمدلله ياعمتى"
"الا قوليلى...انتى امبارح نزلتى مع مين"
"مع مين ازاى؟"
"حد جالك بعربية؟"
مايا بتسيب الاكل اللى ف ايدها
"اه ياعمتى...نادر شريكنا ف الشركة كان جاى م السفر وعلى فكرة بابا
عارف لانى كنت رايحة له"
حياة بقلة حيلة
"بلاش يا مايا تخلى حد يتكلم عليكى وعلينا...توفيق شافكم امبارح وكان
منظركم وحش...متنسيش انك متطلقة"
مايا وهى بتقوم بعد ما اتضايقت من كلام عمتها
"مش ناسية"
http://www.vb.fll2.com/storeimg/img_1352593982_625.gif
مايا ف اوضتها...بتدخل عليها ايمان
"قومى يامايا...ابوكى ونادر هنا"
"نادر؟"
"اه...قومى لحد ما نحضر الغدا"
خرجت ايمان من الاوضة...قامت مايا غيرت هدومها وخرجت
سلمت على نادر وقعدت معاهم هو وباباها
فؤاد"احنا اتفقنا اننا نعمل الافتتاح يوم الجمعة بعد الجاى...ايه رايك"
مايا"كويس"
فؤاد"هنسافر انا ونادر شرم والغردقة بعد بكرة كام يوم ونرجع...لو كنتى
تقدرى تيجى معانا كنتى جيتى"
مايا"لا لما اولد ابقى براحتى"
نادر"طيب ع الاقل تعالى الشركة بكرة فيه حاجات عايزك تعرفيها"
مايا"حاضر"
صوت ايمان
"يالا...الغدا جاهز"
http://www.vb.fll2.com/storeimg/img_1352593982_625.gif
فارس راجع بعد الاجازة وكله اشتياق لمايا اكتر من اى حد تانى
اول ما نزل من العربية اللى جاى بيها\
نزل الشنط ... فتح الباب الخارجى
طلع السلم بسرعة لحد بيت الجدة...ودخل
ايمان قاعدة مع الجدة
ايمان"فارس...حمدالله ع السلامة"
راح سلم عليها وبعدين على جدته
فارس"الله يسلمكم"
http://www.vb.fll2.com/storeimg/img_1352593982_625.gif
الجدة"كده ياولا ولا تسلم عليا قبل ماتسافر"
فارس"معلش يانينة كنت مستعجل وكنا بالليل"
فارس بيدور بعنيه على مايا...وسأل عليها
"هى مايا نايمة ولا ايه؟"
ايمان"مايا ف الشركة... اصل هيفتتحوها قريب"
فارس بخيبة امل
"وصحتها عاملة ايه؟"
ايمان"اهى شوية تعبانة وشوية كويسة...ربنا يهون بالشهرين الفاضلين"
فارس"ربنا يهون...اما اطلع زمان ماما مستنيانى"
ايمان"اه ياعينى مستنياك بقالها كام يوم...اطلع لها بسرعة"
http://www.vb.fll2.com/storeimg/img_1352593982_625.gif
فارس داخل البيت...اول ما سمعت حياة صوت الباب
قامت تهرول ناحيته
"ياحبيبى يا ابنى...وحشتنى يا ضنايا"
تحضنه حياة بكل حب وحنان
"وحشتينى ياماما...عاملة ايه"
وييجى توفيق بلهفة على صوت حياة
"حمدالله ع السلامة يا فارس"
يسلم عليه فارس ويحضنه
"وحشتنى يا بابا...ازى صحتك"
حياة"انا عاملالك كل الاكل اللى بتحبه... ثوانى الاكل يكون جاهز...شهرين
كتير اوى يافارس... بلاش كل الغيبة دى"
يبتسم لها فارس من غير ما يرد...وتكون هى راحت ع المطبخ
http://www.vb.fll2.com/storeimg/img_1352593982_625.gif
مايا وفؤاد راجعين بالليل ونادر بيوصلهم
مايا نزلت م العربية... وفؤاد من جنب نادر
نادر"7 الصبح هعدى عليك...تمام"
فؤاد"تمام...هكون جاهز... مع السلامة"
تمسك مايا ف ايد فؤاد وهما داخلين البيت
اول ما تدخل تفوجئ بفارس قاعد مع ايمان
http://www.vb.fll2.com/storeimg/img_1352593982_625.gif
فارس يقوم اول ما يشوفهم...يسلم على فؤاد وعينيه على مايا
مايا واقفة مكانها...بعد ما سلم فارس على فؤاد...سلم عليها
"ازيك يامايا...وازى صحتك"
"الحمدلله...انت عامل ايه؟"
"كويس"
ايمان"مالك وشك مصفر ليه كده يا مايا"
مايا وهى بتقعد بتقل
"مفيش حاسة بهبوط بس"
فارس بلهفة
"من ايه؟؟ وليه ساكتة طيب مرحتيش للدكتور ليه"
مايا بتضحك
"انا لو روحت للدكتور كل ما احس بحاجة مش همشى من عنده"
فارس وهو بيقعد
http://www.vb.fll2.com/storeimg/img_1352593982_625.gif
"انتى تعبانة للدرجة دى"
ايمان"هو الضنا بييجى بالساهل يا ابنى"
فؤاد وهو قاعد...بص ف الساعة
"طب هقوم انام شوية...معلش يافارس عايز اقعد معاك بس مسافر الصبح"
فارس"لا براحتك ياخالى...انا قايم"
ايمان"تلاقى حياة نايمة ...استنى لما تتعشى مع مايا وفؤاد"
فؤاد"لا متعمليش حسابى انا تعبان ونفسى انام...تصبحوا على خير"
http://www.vb.fll2.com/storeimg/img_1352593982_625.gif
دخل فؤاد اوضته... ودخلت ايمان المطبخ
فارس ومايا قاعدين مع بعض... مايا قاعدة ساندة ضهرها وراسها على
الكنبة وحاطة ايدها على بطنها
فارس بيبص لها بحب
"وحشتينى يا مايا"
مايا معرفتش ترد... ترد باحساسها ولا بعقلها
"وانت كمان يافارس"
فارس بفرحة
"بجد؟؟ وحشتك"
"انت ليه مش مصدق انك غالى اوى عندى"
"غالى؟؟ بس انا بحبك"
لحظات تردد ...ودمعت مايا
"وانا حبيتك يافارس... وكنت كل ما ليا ف الدنيا وقلت ربنا عوضنى
عن كل احساس افتقدته ...علشان كده صدمتى فيك كانت على
قد حبى ليك واكتر"
"احنا فيها... نرجع يامايا"
"مينفعش"
"ليه"
http://www.vb.fll2.com/storeimg/img_1352593982_625.gif
"مبقتش آآمن على نفسى معاك"
"انا؟؟"
"للاسف ايوه... انت نسيت انت عملت فيا ايه"
"مش عايزة تنسى ابدا"
"عايزة انسى...بس مش قادرة..والله ماقادرة"
"انتى عارفانى كويس... انا عمرى كنت وحش معاكى"
مايا بتمسح دموعها
http://www.vb.fll2.com/storeimg/img_1352593982_625.gif
"لآ... وده اللى صدمنى اكتر...حسيت ان كتب الكتاب حولك واحد تانى
الكام ساعة اللى كنت فيهم على ذمتك كنت واحد تانى معرفوش...
واضح ان مالناش نصيب مع بعض يافارس ...خلينا كده محافظين على عشرة
زمان علشان مستقبل بنتنا...مش اكتر من كده"
"مفيش فايدة؟"
"غصب عنى... مش قادرة انسى الضرب ولا تشكيكك فيا ولا فضيحتك ليا"
"مش عايزة تسامحينى ليه...انا قدرت اللى حصلك ومبتكلمش فيه"
"متفكرنيش الله يخليك...مش عايزة افتكر"
ايمان بتحط العشا
"يالا ياولاد"
بصت عليهم شافت مايا بتعيط...قربت منهم
"فى ايه؟"
فارس وهو بيقوم"مفيش ياخالتى...مفيش فايدة"
http://www.vb.fll2.com/storeimg/img_1352593982_625.gif
فارس داخل البيت...النور مطفى...دخل على اوضته
قعد على طرف السرير...متضايق
دخل له توفيق...فتح النور وجاب كرسى وقعد قصاده
"مالك يافارس"
"مفيش يابابا"
"قابلت بنت خالك؟"
"اه؟"
"وكان معاها شريكهم برضه؟؟"
بص له فارس باستغراب
"شريكهم؟"
"اومال ايه اللى مضايقك كده؟"
"فهمنى بس يابابا ايه حكاية شريكهم دى"
"قريب ممدوح اللى مشاركهم ف الشركة اللى بيفتحوها...على طول قاعد
عندهم تحت يا اما مايا خارجة داخلة معاه وفكرت اتكلم بس مسكت
نفسى بالعافية وقلت مليش دعوة اهى ف حكم ابوها"
"داخلة خارجة معاه؟؟ ليه؟"
"معرفش... بس طريقتهم ملفتة اوى ... انا مش عايزك تفضل حابس
نفسك ف اللى فات...مين عارف يمكن مستنيها تولد ويتجوزوا"
"لا مش معقول"
"مش معقول ليه؟ وهى هتفضل يعنى طول حياتها عزبة؟...لازم تفكر انت
كمان ف حياتك وانسى اللى حصل"
http://www.vb.fll2.com/storeimg/img_1352593982_625.gif
تانى يوم...طول اليوم وفارس قاعد ف البيت مش بيخرج وبيفكر ف كلام
باباه وبيقارنه بردود مايا عليه
مايا طول اليوم تعبانة ومش قادرة تقوم م السرير
وكل شوية نادر يكلمها ويطمن عليها
http://www.vb.fll2.com/storeimg/img_1352593982_625.gif
نادر وهو قاعد مع فؤاد بيتعشوا ف الاوتيل اللى نازلين فيه
"استاذ فؤاد كنت عايز اكلمك ف موضوع شخصى"
"خير"
"انت جيت تركيا وشفت حياتى ومراتى هناك... ايه رايك او استنتاجك
عن حياتى"
فؤاد بارتباك
"دى حياتك وانا معرفش حاجة عنها"
"انا ومراتى مختلفين تماما لاختلاف الطباع والتفكير والبيئة وكل حاجة...
ومن زمان ماما كانت بتقولى نفسها اجى واستقر واتجوز هنا... مش
هطول عليك انا محسيتش بانى فعلا عايز اتجوز واستقر هنا غير لما شفت
مايا...انا عارف انه طلب سابق لاوانه بس انا حبيت اعرفك انى عايز
اتجوزها على سنة الله ورسوله"
فؤاد بارتباك اكتر
"هى رأيها ايه"
"انا مصارحتهاش...انا كنت بلمح بس ولما لقيت فرصة واحنا بندردش مع
بعض قلت اخد رأيك"
"والله يانادر القرار قرارها هى لو قالت آه يبقى خير لو قالت لأ هى حرة انا
مقدرش افرض عليها رأى"
"لما نرجع ان شاءالله هصارحها برغبتى دى واشوف رأيها"
http://www.vb.fll2.com/storeimg/img_1352593982_625.gif
مايا وهى على السرير...حست بمغص خفيف
حاولت تنام...حست المغص بيزيد
فتحت نور الاباجورة اللى جنبها...واتعدلت تقعد وهى بتمسك بطنها
بتحاول تستحمل المغص اللى بيزيد
نادت على جدتها...صوتها طلع ضعيف ميتسمعش
مسكت الموبايل اللى جنبها واتصلت بايمان...وبصوت مرتعش
"الو...عمتى انا تعبانة اوى انزليلى بسرعة"
http://www.vb.fll2.com/storeimg/img_1352593982_625.gif
دقايق ولقت ايمان بتدخل عليها الاوضة وهى بتعيط من الالم
"مالك يامايا"
"بطنى هتموتنى وحاسة بهبوط...وعايزة ادخل الحمام ومش قادرة من الدوخة"
"طب اتسندى عليا"
وسندتها ايمان وهى بتقوم..واول ما وقفت
مايا برعب"ايه المياه دى كلها"
ايمان بفزع"يا مصيبتى... دى باينها ولادة"
مايا بتصوت من الالم ...ايمان اخدت موبايل مايا واتصلت بفارس
"الو... الحقنى يافارس...مايا بتولد"
وقبل ما تكمل كلامها...مايا داخت وقعدت ع السرير واغمى عليها ف حضن ايمان
ايمان بتصوت وبتحاول تفوقها
"بسرعة يافارس...دى اغمى عليها...اتصل بالاسعاف"
http://www.vb.fll2.com/storeimg/img_1352593982_625.gif
فى المستشفى...فارس وايمان وحياة وتوفيق والجدة قدام اوضة العمليات...
خرجت ممرضة تجرى من الاوضة... ورجعت تانى
دقايق وخرجت ممرضة تانية
فارس"فى ايه؟؟"
الممرضة"الام جالها نزيف شديد والجنين مش مكتمل"
ايمان"يعنى ايه... المهم الكبيرة"
الممرضة "الاتنين حالتهم خطر ...ادعولهم"
http://www.vb.fll2.com/storeimg/img_1352593982_625.gif
انتظرواااااااا الحلقة الاخيرة
http://www.vb.fll2.com/storeimg/img_1352593982_625.gif
ايام عمري
02-04-2015, 04:08 PM
ليست عذراء...الحلقة 16 والاخيرة
http://www.vb.fll2.com/storeimg/img_1352593982_171.gif
فى المستشفى...فارس وايمان وحياة وتوفيق والجدة قدام اوضة العمليات...
خرجت ممرضة تجرى من الاوضة... ورجعت تانى
دقايق وخرجت ممرضة تانية
فارس"فى ايه؟؟"
الممرضة"الام جالها نزيف شديد والجنين مش مكتمل"
ايمان"يعنى ايه... المهم الكبيرة"
الممرضة "الاتنين حالتهم خطر ...ادعولهم"
مشيت الممرضة وفارس واقف وكلهم متوترين
رجعت الممرضة بعض دقايق
"محتاجين دم ضرورى للأم... المستشفى فيها كيس واحد من نفس
فصيلتها ومحتاجين 3 كمان"
ايمان"انا o وممكن اديها"
الممرضة"طيب اتفضلى معانا..لسه محتاجين كيسين كمان"
فارس"وانا ...انا اكملها"
الممرضة"لسه هنحتاج كمان"
بصوا حياة والجدة وتوفيق لبعض
توفيق"طب هنزل اروح اشوف فين؟؟ فين بنك الدم"
الممرضة"احنا محتاجين الدم بسرعة"
فارس"كملوا منى"
الممرضة"كتير كيسين"
فارس"لا مش كتير ولاحاجة...المهم تبقى كويسة"
ايمان وفارس قاعدين مع الممرضة ف اوضة...بتسحب منهم الدم
"ممكن تستريحوا هنا شوية...واتفضلوا العصير ده"
http://www.vb.fll2.com/storeimg/img_1352593982_171.gif
ممرضات خارجين بمايا من اوضة العمليات
كلهم راحوا وراها... توفيق مش موجود معاهم
الممرضات بيحطوا مايا على السرير وهى فاقدة الوعى
الدكتور دخل لهم
الجدة"حالتها ايه يادكتور الله يخليك قولى"
الدكتور"الحمدلله...هى هتبقى بخير"
حياة"والبنت؟"
الدكتور"بين ايادى الله ...الولادة مبكرة والرئة مش مكتملة...هى اخدت
حقنة للرئة وف الحضانة... ومحدش يقدر يجزم هيحصل ايه"
فارس بصوت مخنوق
"المهم مايا تبقى بخير"
http://www.vb.fll2.com/storeimg/img_1352593982_171.gif
توفيق واقف قدام الحضانة...بيبص على الطفلة وسط الاطفال الموجودين
قلبه بيدعى وعينيه مدمعة
"يارب يشفيكى ... يارب تبقى كويسة واشيلك واخدك ف حضنى"
تيجى حياة جنبه
"انت هنا يا توفيق؟"
"بصى صغيرة اوى ازاى... شكلها حلو"
"يارب يشفيها ويخليها... يالا ياتوفيق"
"تفتكرى لو مكنتش بنت فارس قلبى كان هيحن لها اوى كده"
"انت بعد كل اللى عرفته ده لسه تانى هتقول الكلام ده"
"استغفر الله العظيم...استغفر الله العظيم"
"يالا ياتوفيق ماما مستنيانا...الممرضات مشونا وقالوا ممنوع نبقى موجودين"
http://www.vb.fll2.com/storeimg/img_1352593982_171.gif
فارس واقف ف شباك اوضة مايا
وراه مايا نايمة ع السرير...بيبص للسما وبيقول ف سره
"يارب...انا طمعان ف رحمتك... خليهوملى الاتنين... يارب"
ايمان تخبط على كتفه
"تعالى ارتاح ع السرير شوية وانا هقعد ع الكرسى"
يلتفت لها والدموع ف عنيه...تتفاجئ
"ايه يافارس...وحدالله هيبقوا كويسين"
"يارب ياخالتى"
http://www.vb.fll2.com/storeimg/img_1352593982_171.gif
مايا بتفوق... قبل ما تفتح عينيها ...بدأت تسمع...سمعت فارس وهو
بيكمل كلامه مع ايمان
"عارفة ياخالتى...انا خايف ع الاتنين زى بعض...خايف على مايا علشان
مش متخيل حياتى من غيرها وخايف على بنتى علشان هى الوحيدة اللى
ممكن تربطنى بمايا طول العمر حتى لو مرجعناش لبعض"
http://www.vb.fll2.com/storeimg/img_1352593982_171.gif
صوت مايا بتتألم...يلتفتوا لها الاتنين... يقربوا منها
ايمان تمسك ايديها
"سامعانى يامايا"
مايا تضغط ضغطة خفيفة على ايد ايمان
فارس"حمدالله على سلامتك"
مايا"انا ولدت؟؟"
ايمان"اه ياحبيبتى الحمدلله"
مايا"هى فين؟ هاتيهالى ياعمتى"
فارس"هى ف الحضانة كام يوم كده بس وهتبقى كويسة"
مايا"عايزة اشوفها"
ايمان"لما الدكتور يقولك تتحركى ابقى روحى لها"
فارس بيبص لها بحب... عينيها بتغمض من اثر الالم والبنج
http://www.vb.fll2.com/storeimg/img_1352593982_171.gif
الصبح ...جه الدكتور يكشف على مايا
خرج فارس من الاوضة
ايمان"ايه الاخبار"
الدكتور"تمام... الخوف كله كان من النزيف اللى جالها امبارح بس النهاردة
الحالة استقرت...ساعتين وتحاولوا تخليها تمشى شوية"
مايا"وبنتى؟"
الدكتور"لسه بدرى لحد ما نقدر نحدد حالتها...حمدالله على سلامتك"
يخرج الدكتور من الاوضة... ييجى فارس بعدها
فارس"الدكتور طمنى ...حمدالله على سلامتك يامايا"
مايا"الله يسلمك... شفت البنت؟"
فارس"اه وكنت بجيبهالك تشوفيها"
جاب صورتها على الموبايل... ووراها لمايا
ايمان"صورتها ازاى"
فارس"واحدة من الممرضات قلتلها وصورتهالى"
مايا بتبص للصورة...وبتبتسم
"حبيبتى"
فارس"هااا هتسميها ايه علشان اروح اعمل شهادة الميلاد"
ردت مايا بتلقائية
"انا مفكرتش...ايه رايك انت؟؟"
فارس بفرحة"ايه رأيك نسميها مريم...بحب الاسم ده وقريب من اسمك"
مايا"حلو اوى يا فارس...خلاص مريم"
سمعوا صوت دوشة ف الطرقة...وصوت حد بيعيط
وشافوا ظابط وامين شرطة معديين
ايمان"هو فيه ايه؟؟"
مايا"حد مات ولا ايه؟"
فارس راح وقف على باب الاوضة... شوية وجت ممرضة لمايا
الممرضة"الحقنة يامدام"
ايمان"هى ايه الدوشة والضابط اللى دخل الاوضة اللى جنبنا دى"
الممرضة"دى بنت بتاعة 17 سنة جت من ساعة مع مامتها عندها نزيف...
طلع جوز مامتها مغتصبها"
اتنفضت مايا مع الكلمة... عينيها جت ف عنين فارس اللى حس بوقع
الكلمة عليها... خرجت الممرضة بعد ما مايا اخدت الحقنة
http://www.vb.fll2.com/storeimg/img_1352593982_171.gif
دقايق...وجه فؤاد ومعاه نادر
فؤاد داخل بلهفة"مايا حبيبتى...حمدالله على سلامتك"
فارس بيبص لنادر...وافتكره
نادر سلم على ايمان...وعلى فارس...وراح لمايا
"حمدالله على سلامتك... كده تخضينا عليكى"
فارس حس الدم بيغلى ف عروقه...حست بيه مايا...ارتبكت ومعرفتش ترد على نادر
فارس"انا رايح الحضانة اطمن على مريم"
فؤاد بفرحة"سميتوها مريم...هى فين..عايز اشوفها"
قام فؤاد مع فارس راحوا عند الحضانة
فارس بتردد"خالى... هو شريكك ده ايه اللى جابه معاك هنا...وايه علاقته
بمايا بالظبط... انا من اول مرة شفته فيها وشايفه مهتم بيها زيادة...ايه الحكاية"
فؤاد"نادر عايز يتجوز مايا"
فارس بصدمة حاول يتقبلها
"وهى رأيها ايه؟"
"هى لسه متعرفش... متهيألى ده حقها"
فارس بانهزام"حقها"
http://www.vb.fll2.com/storeimg/img_1352593982_171.gif
مايا بتدخل اوضتها وايمان مسنداها
بتنيمها على السرير
"مرتاحة كده؟"
"اه الحمدلله"
"هو فارس فين؟"
"معرفش بره ولا طلع فوق"
فؤاد دخل لمايا
"خدى يا مايا ...شهادة الميلاد بتاعة مريم"
"هو فارس طلع ؟"
"اه... نادر جاى يسأل عليكى كمان شوية... وخلى بالك قبل ماتولدى بيوم
كان بيكلمنى انه عايز يتقدم لك "
مايا باستغراب
"يتقدم لى ؟؟ هو ده وقته؟"
"اكيد مش وقته ومكنش يعرف انك هتولدى ف نفس الليلة... بس احتمال
يسألك عن رأيك"
ايمان"انتى ايه رأيك؟"
مايا"كل اللى بفكر فيه دلوقتى بنتى ...ان ربنا يشفيها ويخليهالى"
http://www.vb.fll2.com/storeimg/img_1352593982_171.gif
فارس قاعد فى اوضته...ماسك صورة السونار وصورة مريم ع الموبايل
وهى ف الحضانة... يرن الموبايل ف ايده ويستغرب
"الو... ازيك يا مايا... عاملة ايه النهاردة... اه روحت اطمنت عليها... هتقدرى
تنزلى؟؟ حاضر هاخدك تشوفيها بكرة...هكلمك الصبح قبل ماانزل
علشان تجهزى...مع السلامة"
http://www.vb.fll2.com/storeimg/img_1352593982_171.gif
فارس ومايا واقفين قدام الحضانة بيطمنوا على مريم
خلصوا... وخرجوا من المستشفى
"هتقدرى تمشى لحد باب المستشفى ولا اطلع اجيبلك تاكسى"
"لا هقدر...المفروض امشى عادى وبعدين انا بقالى 10 ايام والدة"
سكت فارس...ومشى وهى ماشية جنبه
"انا اجازتى هتخلص بكرة ومسافر"
"انت مش كنت مديتها"
"اه...وخلصت...خلى بالك من مريم ولو مش هتتضايقى ابقى اكلمك
اطمن عليها...ولو كلامى معاكى هيسببلك مشاكل هبقى اكلم خالتى"
"ايه يافارس...انت بتتكلم بالطريقة دى ليه؟؟ ومشاكل ايه اللى هتسببهالى"
"يعنى...عرفت ان شريككم طلب يتقدم لك... حقك يا مايا طبعا"
"هو حقى ايوه....ومن حقى انى ارفض برضه"
فارس التفت لها بفرحة
"انتى رفضتيه؟"
"ايوه"
"واحنا؟"
"احنا ايه؟"
"انا عارف انك مبقتيش تحبينى زى الاول بس انا والله بحبك زى الاول واكتر"
سكتت مايا ...ومقدرتش ترد...وفهم فارس انها بتتهرب من الاجابة...
سكت هو كمان لحد ما خرجوا ووقف تاكسى وراحوا البيت
http://www.vb.fll2.com/storeimg/img_1352593982_171.gif
مايا داخلة عيادة دكتورة نفسية...بتسلم عليها
"ها عاملة ايه يامايا"
"الحمدلله"
"ومريم"
"الحمدلله... كانت تعبانة اليومين اللى فاتوا بسبب تطعيم ال9 شهور"
"سلامتها كل الاطفال كده"
"ماهى عمتى طمنتنى الحمدلله"
"واخبار شغلك"
"ماشى كويس اوى... وبقيت بسوق كويس بعد ما كنت خايفة من
السواقة بس بابا صمم ان العربية تبقى معايا"
"جميل ...واخبار فارس ايه"
"نازل اجازة قريب"
"كويس... المرة اللى فاتت مكملتيش تفاصيل بعد ما ولدتى
ورفضتى الرجوع لفارس"
"بعدها...سافر من غير حتى ما يسلم عليا... هو كان فاكرنى بطلت
احبه ودى مش الحقيقة طبعا... وكنت واضحة مع نادر ف رفضى
وان علاقتنا تبقى شغل وبس...خصوصا انى بعد ما سمعت حكاية اغتصاب
البنت ف المستشفى وانا قلت استحالة ممكن اتجوز واعرض بنتى
لموقف زى ده... بعدها بقيت افكر انى اتعود على الحياة لوحدى...
بس لقيت نفسى بتيجى عليا اوقات محتاجة لفارس...كنت بتصل بيه
وبيتصل بيا كان كل كلامنا على مريم... كان لما بييجى اجازة ببقى
مش عايزاه يسيبنى ويطلع البيت..اكتر من مرة فكرت انى اقوله
نرجع لبعض..كنت بخاف وارجع افتكر ضربه ليا"
http://www.vb.fll2.com/storeimg/img_1352593982_171.gif
"بس من كلامك يامايا ان فارس عمره ما كان قاسى عليكى"
"ايوه...الا المرة دى بس"
"بس حبك ليه واحتياجك لوجوده جنبك مش اقوى"
"مبقتش افكر كتير ف اليوم ده وبقيت بلتمس له العذر"
"مقلتليش صحيح...ابو فارس لسه بيضايقك"
"لا خالص... ده رجع يبقى عندنا على طول... ومبيقدرش يعدى نص
يوم من غير ما يشوف مريم"
"انتى كده مبقتيش محتاجالى يامايا"
"حضرتك ساعدتينى كتير ...انا فعلا حسيت انى واحدة تانية مقبلة
على الحياة ومتفائلة غير الاول خالص"
"الحمدلله"
"ايه رأيك اقول لفارس يرجع شغله هنا تانى"
"انتى عايزاه يرجع"
"اه...بيوحشنى اوى طول ماهو مسافر"
"خلاص يامايا...قوليله كل اللى بتحسيه ناحيته من غير قلق او خوف"
http://www.vb.fll2.com/storeimg/img_1352593982_171.gif
مايا قاعدة ف بيت جدتها مع حياة وايمان والجدة ...كل شوية تبص
ف الساعة ف انتظار فارس
اول ما تسمع صوت الباب الخارجى...تحس ان قلبها هيطير ناحية
فارس... تقوم بسرعة
الجدة"رايحة فين"
مايا"متهيألى سمعت صوت ع السلم"
تخرج من الباب...تنزل بلهفة على السلم
فارس يكون بيقفل الباب الخارجى
يتقابلوا على السلم... والحب واللهفة ف عيونهم
يمد ايده يسلم عليها... تسلم عليه وتقوله وايدها ف ايده
"حمدالله ع السلامة يافارس"
"الله يسلمك...وحشتينى انتى ومريم"
"وانت وحشتنا اكتر"
نظرات حب صامتة بينهم...نظراتهم متقابلة...ايديهم ف ايد بعض
مايا بتستجمع جرأتها
"فارس...متسيبناش وتسافر تانى..ارجع شغلك هنا وخليك جنبنا"
"جنبكم... انا نفسى نبقى مع بعض"
"ارجع ومتسيبناش تانى "
قالتها وعينيها مليانة دموع حب وشوق
حضنها فارس... وحست بالامان ف حضنه
http://www.vb.fll2.com/storeimg/img_1352593982_171.gif
النهاااااااااااااااااااية
http://www.vb.fll2.com/storeimg/img_1352593982_171.gif
حلووووووة النهايه سعيدة
وانتصر الحب
يسلمووووووو ايدك حبيبتى
https://encrypted-tbn2.gstatic.com/images?q=tbn:ANd9GcQo1RKvxqiEWOKrjSODByAKAa8Hi4OgR UnW7vYc2l3yIQPDiuDSww
ايام عمري
02-05-2015, 02:49 PM
http://up.3dlat.com/uploads/3dlat.com_13899306591.gif
انه الحمدلله في نهاية سعيدة بلقصص يا شهد
مش شبه الواقع الي منتمنى فعلا
نهاية قصصنا تنتهي نهايات سعيدة
نورتي القصة ونورتيني حبيبتي
http://up.3dlat.com/uploads/3dlat.com_13899306591.gif
ايام عمري
03-30-2015, 05:20 PM
القصر الهادى (الجزء الاول)
لدينا عماد
http://images1.vefblog.net/vefblog.net/i/s/isabellisa/photos_gros/2008/12/ISABELLISA122866351372_gros.gif
وصل منير بيته حوالى الساعة 10 بالليل
بناته مريم وملك بيتفرجوا على التليفزيون
مريم وملك توأم 20 سنة وطالبات فى كلية تجارة
زوجته فاطمة موظفة باحد البنوك... معاه
"بابا... حمدالله ع السلامة"
"الله يسلمكم... ماما فين"
فاطمة جاية من المطبخ
"انا هنا يامنير... كنت بحضر غدا بكرة"
منير"تعالى عايزك"
قعدت فاطمة قدام منير... جنب البنات
وكمل منير
"سعد ابن عمى اتصل بيا من البلد وبيقول عمى عايزنى ضرورى لانه
عبان وبيموت"
"عايزك ليه"
"معرفش سعد أكد عليا انه بقاله يومين بيقولهم عايز اشوف منير وولاده"
"مش انت مقاطعه من زمان من ساعة ما ضحك عليك انت واخواتك
فى تمن الارض بتاعتكم"
"خلاص يافاطمة عفا الله عما سلف.... الراجل بيموت وانا مسامحه"
"انت حر احنا الحمدلله مش محتاجين"
"احنا هنروح لهم بكرة ان شاءالله"
وسكتت فاطمة وهى بتبص له باستغراب... واتكلمت بتردد
"لاااا... انا وبناتى مش هنروح هناك"
انتبهوا البنات للمناقشة اللى بين مامتهم وباباهم
ووطوا التليفزيون
ملك"ليه ياماما منروحش نشوف البلد اللى بابا منها"
بصت فاطمة لمنير... اللى دور وشه
مريم"هو انتى زعلانة من حد هناك"
منير رد بعد ما حس ان بناته مساندينه "عندك سبب مقنع يا فاطمة"
فاطمة"انت عارف انى بخاف اروح البلد هناك"
وضحكوا البنات
ملك"بتخافى من ايه ياماما"
فاطمة"البلد هناك تقيلة اوى وتخلى الجسم يقشعر م الرعب"
منير"رعب ايه بس يافاطمة انتى علشان لما روحنا هناك اول مااتجوزنا
خفتى شوية يبقى البلد مخيفة"
فاطمة"ايوه انا مخفتش شوية... انا اترعبت وانت عارف كويس ان مش
انا لوحدى اللى بخاف"
منير بيحاول ينفى كلامها
"الكلام ده من اكتر من 20 سنة الدنيا دلوقتى اتغيرت وطبيعى من 20 سنة
كان الهدوء مع الارض والضلمة يخوفوا... وعموما انا بقول نروح صد
رد ونرجع على طول فى نفس اليوم"
مريم وملك
"اه والنبى ياماما ...نروح وفرصة احنا فى اجازة نص السنة ومفيش ورانا جامعة"
فاطمة"بشرط...نرجع بالنهار يعنى نروح بدرى ونرجع بدرى"
منير"حاضر...هروح الشغل بس ساعة وارجع تكونوا جاهزين"
وافقت فاطمة على مضض وقامت تكمل اللى كانت بتعمله فى
المطبخ وقام منير دخل اوضته يغير هدومه
والبنات كملوا الفيلم الاجنبى اللى كانوا بيشوفوه
لما علوا صوت التليفزيون فجأة... علا الصوت اوى
وكان مشهد لست بتصرخ فى فيلم رعب
جت فاطمة تجرى من المطبخ على الصوت
"ايه.... حصل ايه"
البنات بيضحكوا
"ههههههه مفيش ياماما ده الفيلم"
قعدت الام تاخد نفسها
"يخربيت الافلام الرعب اللى بتشوفوها دى... انا مُت من الخضة"
مريم"هجيبلك كوباية مياه...اطفى التليفزيون يا ملك"
طفت ملك التليفزيون... ودقيقة كانت مريم جابت المياه
مريم"قوليلى بقى ياماما... انتى بجد مش عايزة تروحى البلد ليه"
فاطمة"بس والنبى ربنا يستر ويعدى اليوم على خير"
ملك"انتى مزوداها اوى ياماما...فيه حد يخاف بطريقتك دى
حتى من افلام الرعب"
فاطمة"انتوا اللى قلبكوا جامد"
مريم"طيب قوليلنا اللى مخوفك ايه ومتقلقيش احنا مش بنخاف"
فاطمة"زمان قبل ماتتولدوا كنت لسه متجوزة بقالى كام شهر روحت
مع باباكم البلد علشان اتعرف على اهله وعمه وكده... روحنا فى
البيت الكبير اللى هو يبقى بيت جد باباكم وهو كبير البلد لانه اكتر
واحد عنده ارض فى البلد يعنى تقدروا تقولوا الارض كلها بتاعته
الا حتت قليلة اوى... يومها لقيتهم بيدخلوا بيوتهم من قبل المغرب...
وبيولعوا بخور كتير فى البيت... ودخلونى الاوضة اللى هنام فيها
وكان هى كمان فيها بخور... فقلت لهم ان الدخان بيتعبنى علشان
عندى حساسية فى صدرى قالوا لازم علشان الناموس ميجيش...
سكتت ولما خرجوا من الاوضة وخلاص هنام طفيت البخور...
باباكوا نام قبلى... لسه هنام سمعت صوت طفل صغير بيعيط...
الصوت كان متواصل وانا عارفة ان الطفل اللى عندهم ابن سعد
كان عنده حوالى 3 او 4 سنين انما ده صوت رضيع... بصيت من الشباك
كان ضلمة كحل ومشفتش اى حاجة ... بقرب وشى من القزاز بتاع
الشباك علشان اشوف كويس لان اللى جه فى دماغى ان يمكن
يكون حد ساب عيل صغير زى الافلام ... لقيت فى وشى ورا القزاز
شكل واحدة ست مرعبة صرخت .... قام باباكم من النوم وكل البيت
جه على صرختى... اول حاجة عملتها مرات سعد انها ولعت البخور
بسرعة وسألونى حصل ايه حكيت اللى حصل واللى شفته وسمعته
وطبعا حاولوا يقنعونى ان مفيش حاجة من دى سمعوها وانى بيتهيألى"
مريم وملك كانوا مركزين مع حكايتها اوى
مريم"وهو ده اللى مخوفك ياماما"
ملك"اه طبعا يامريم لها حق تخاف...كملى ياماما حصل ايه بعد كده"
فاطمة"مفيش انا فضلت صاحية للصبح اقرا فى قران وعيونى مغمضوش
واول ما النهار طلع رجعنا على طول ومن ساعتها مروحتش هناك
تانى لان بعد كده حصل مشاكل بين باباكم وعمه وحصلت
مقاطعة بينهم لحد اللى سمعتوه النهاردة"
مريم"حلو اوى جو الاكشن ده"
ملك"اكشن ايه وهباب ايه انا اخرى اتفرج على mbc2 ولا بانوراما
اكشن مش اروح بيت رعب"
مريم"يعنى هيطلع لنا عفريت هناك...يبقى يورينى نفسه"
زعقت فاطمة
"بسم الله الرحمن الرحيم... اللهم احفظنا محدش يجيب السيرة دى كده ..
اقروا قران وان شاءالله نيجى بالنهار لان الليل هو اللى مرعب هناك"
ملك"مابلاش"
فاطمة"ماهو ده اللى بقوله"
مريم"لالالا نروح هيحصل ايه يعنى ما قرايب بابا عايشين هناك طول
عمرهم اهو ومحصلش حاجة"
فاطمة"ربنا يستر"
http://images1.vefblog.net/vefblog.net/i/s/isabellisa/photos_gros/2008/12/ISABELLISA122866351372_gros.gif
2-
تانى يوم الصبح بدأت فاطمة تستعد وتصحى البنات
لحد ما يرجع منير من الشغل بعد ساعة زى مااتفقوا
فاتت ساعتين ومنير لسه مرجعش والبنات بدأوا يزهقوا بعد مالبسوا
وفاطمة اللى شاغلها ان التأخير ده هيعطلعهم فى الرجوع
اتصلت بيه فاطمة
"الو... ايه يامنير انت فين... احنا لابسين من بدرى... الساعة بقت 11
هنلحق نروح ونرجع قبل الليل... ما نأجلها لبكرة ونروح من بدرى شوية...
خلاص خلاص يالا بقى متتأخرش... لو اتأخرت والله ما انا رايحة فى حتة...
النهار قصير والمغرب بتبقى الساعة 5 وانا مش هبات هناك... طيب...
ماشى هنبقى ننزل ..سلام"
ملك"ايه ياماما لسه هيتأخر"
فاطمة"بيقول قدامه نص ساعة بالكتير"
مريم"وفيها ايه يعنى حتى لو رجعنا بالليل ماهو احنا هنمشى
من عندهم قبل الليل"
فاطمة"يابنتى من قبل المغرب محدش بيمشى فى البلد خالص
يعنى لو جت علينا المغربية هناك هنبقى اتحبسنا فى البيت للصبح"
ملك"بابا قالك ايه لما قلتيله نأجلها لبكرة"
فاطمة"زعق لى"
مريم"مكبرين الموضوع اوى"
قامت مريم وهى متعجبة من موقف مامتها واختها
بعد نص ساعة... وصل منير بعربيته تحت
ونزلوا له... راح محطة البنزين... فوِل العربية
وخرجوا من القاهرة حوالى الساعة 12 الضهر
http://images1.vefblog.net/vefblog.net/i/s/isabellisa/photos_gros/2008/12/ISABELLISA122866351372_gros.gif
3-
طول الطريق وفاطمة مشغلة قرآن فى العربية
وبتمتم فى سرها... وملك كمان بتمتم فى سرها بقراية القرآن
منير ومريم يبصوا لبعض فى المراية ويشاوروا على فاطمة وملك ويضحكوا
فى سرهم على الرعب اللى هما فيه
وصل منير البلد حوالى الساعة 2 الضهر
اتصل بسعد على موبايله علشان يعرفه انهم وصلوا
وبعد عدة محاولات
"الشبكة وحشة اوى هنا"
فاطمة"مفيش شبكة؟"
منير"تقريبا مفيش"
فاطمة"وبعدين"
منير"عادى يافاطمة اى واحد هنسأله هيدلنا مش كيميا يعنى"
وشاف فلاح معدى... سأله عن بيت الحاج سعد
وبعد الوصف... مشى منير بالعربية حسب الوصف
لحد ما وصلوا عند البيت
بصت فاطمة للبيت وافتكرت اسوأ ليلة عدت عليها فى حياتها
البيت متغيرش كتير نفس البيت الكبير القديم المكون من دورين
نزلوا من العربية... والبنات بيبصوا حواليهم للجو الفلاحى وهما
مبتسمين فرحانين بالجو الفلاحى المحيط
نزل منير من العربية... خبط ع الباب ووراه فاطمة ووراها البنات
فتحت الباب فتاة شابة... حامل
"يا اهلا وسهلا يا اهلا وسهلا... عمى منير..اتفضل"
ابتسم لها منير وهو مش عارف مين دى
فهمت البنت
"اتفضل يا عمى انا سامية"
سلم عليها منير
"الله الله ماشاءالله كبرتى... انا مشفتكيش بس عارف انك
بنت سعد الصغيرة"
"صح ياعمى...اتفضل"
منير"تعالوا يابنات...فاطمة مراتى وبناتى مريم وملك"
سامية"اهلا وسهلا... البلد كلها نورت"
البنت سلمت عليهم كلهم وبترحاب شديد
دخلوا...البيت من جوه غير من بره خالص
البيت مفروش من جوه زى اى بيت فى اى مدينة
وواضح ان البيت متوضب ومفروش جديد مش من زمان
سامية"امى فوق هطلع انادى لها"
ظهرت الام من على طرف السلم من فوق
"اهلا وسهلا... نورتونا"
نزلت الام وسلمت عليهم بكل ترحاب
قعدوا مع بعض
الام"حمدالله ع السلامة... ده احنا مستنيينكم من بدرى"
منير"الله يسلمك... اومال سعد وعمى فين"
الام"عمك ربنا يتولاه برحمته فوق فى سريره وسعد هنتصل بيه
حالا...قومى ياسامية اتصلى بأبوكى"
قامت سامية اتصلت من تليفون ارضى.. ورجعت بعد دقيقة
سامية"جاى حالا"
الام"منورين والله... لحد ما سعد ييجى اكون جهزت الغدا"
فاطمة"مالوش لزوم نتعبك"
الام"تعب ايه بس تعبكم راحة...ده انتوا منورين والله"
منير"فين الحمام يا ام سامى"
الام"تعالى اتفضل"
مشيت الام ومشى وراها منير...سامية بترحب بيهم
"منورين"
فاطمة"بنورك ياحبيبتى... ربنا يكملك على خير انتى قربتى ولا ايه"
سامية وهى بتبص على بطنها
"لسه فى التامن"
فاطمة "انتى شكلك صغيرة اوى... انتى عندك كام سنة"
سامية"انا عندى 19 سنة... لسه مكملتهمش"
واتفاجئوا مريم وملك
"انتى مش بتدرسى"
"ما انا خلصت الدبلوم واتجوزت على طول"
فاطمة"هما عوايدهم كده يابنات بيتجوزوا بدرى"
قطع كلامهم صوت الباب بيتفتح
دخل راجل كبير سنه مقارب لسن منير...ووراه شاب فى العشرينات
سعد"يا مرحب يا مرحب... نورتونا"
فاطمة والبنات قاموا يسلموا عليه.. وكان منير رجع من الحمام
بعد السلامات ولما عرفهم على ابنه الكبير سامى
سعد"تعالى نطلع تسلم على الحاج لحد ام سامى ما تحضر الغدا"
وطلع منير وسعد وسامى للدور العلوى
ودخلت ام سامى المطبخ ومعاها سامية
http://images1.vefblog.net/vefblog.net/i/s/isabellisa/photos_gros/2008/12/ISABELLISA122866351372_gros.gif
4-
لما طلع منير لعمه... العم كان نايم
سعد"يا حاج ... يا حاج منير جه يشوفك"
منير"سيبه نايم ياسعد متقلقوش"
فتح العم عينه وغمضها تانى
سعد"اهو شبه غايب كده عن الوعى بيقوم يكلمنا ويروح تانى...
هو طلب يشوفك وقال ان ليك 100 الف جنيه فرق فلوس الارض
دى حقك انت واخواتك... وهو وصانى بيهم وانا تحت امرك
بس تسامحه"
منير"ومن غير حاجة خالص انا واخواتى مسامحين ..ده عمنا والضفر
ميطلعش م اللحم"
خبط سعد على كتف منير
"ده العشم برضه... بص ياسامى روح حضر 100 الف جنيه لعمك
ياخدهم قبل مايمشى"
سامى"بس يا حاج...."
سعد"ايه فى ايه"
سامى"مفيش فلوس تكمل المبلغ انما ممكن بكرة الصبح احوله
المبلغ كله ع البنك"
منير"مفيش مشكلة الدار امان ... وبالبنك احسن مش معقول
همشى بالفلوس كده"
سعد"اللى تشوفه"
منير"طيب ننزل احنا علشان منزعجش الحاج"
قاموا كلهم... ومال منير على عمه النايم وباس راسه وايده قبل
ما يمشى من الاوضة
نزلوا كانت السفرة جاهزة بما لذ وطاب
من جميع الاصناف والاشكال
اتغدوا كلهم وهما قاعدين مع بعض
وام سامى بتعزم وتأكل للتعبير عن الكرم والترحيب
لما خلصوا الغدا...
وبيغسلوا ايديهم واحد ورا التانى
راحت فاطمة جنب منير ومكنش حد قاعد
"هنمشى امتى"
منير"كمان شوية...احنا هنعمل زى الضيف المجنون ياكل ويقوم...
عيب نمشى على طول كده نستنى شوية"
"الساعة عدت 3 كفاية كده"
رجع سعد ... وبعده البنات ومعاهم سامية وسامى
تبادلوا كلهم موضوعات عامة
سعد"ايه يابنات تحبوا تتفرجوا على الارض والمزارع بتاعتنا"
ردوا البنتين
"اه ياريت.. اه طبعا"
فاطمة"معلش احنا لازم نقوم علشان بس منير مش بيحب
يسوق بالليل"
سعد"احنا فين والليل فين... لسه مش اقل من ساعتين على المغربية"
مريم لمامتها"نتفرج شوية ونيجى نمشى على طول"
سعد"قوم يا سامى خد بنات عمك اتمشوا شوية ومتتأخروش"
قام سامى وهو بيبتسم وفرحان وبيبص لمريم
"اتفضلوا"
قاموا البنات معاه... وخرجوا
ودخلت سامية مع مامتها المطبخ وجابت شاى وفاكهه ورجعوا
وقعدوا كلهم مع بعض... يتكلموا ويفتكروا ايام الطفولة والشباب
وبعد حوالى ربع ساعة.. قامت سامية
"بابا انا رايحة بيتى اجيب حاجات قبل الليل وراجعة على طول"
سعد"طيب متتأخريش"
سامية"حاضر"
ايام عمري يبدو انها قصه رائعه
ومشوقه ولكن لظرووووف ما وان عدت اليكم سووف اتابع قصتك
لاني فعلا لا اجد الا ما كل هو مفيد واقع من الحياه
تشكراتي وتحياتي لا شخصك الكريم\ا
العاشق حمام من القلب
29/3/2015
ايام عمري
03-30-2015, 09:21 PM
لا هي قصة رعب يا حمام
ههههههههههه
بس كنت بتمنى فعلا تقراها
واشوف رأيك
ايام عمري
03-31-2015, 03:40 PM
القصر الهادى (الجزء الثانى)
http://files2.fatakat.com/2012/5/13359001541551.gif
5-
خرج سامى مع مريم وملك
"تحبوا نتمشى بالعربية ولا على رِجلينا"
ملك ماسكة فى ايد مريم
ملك"بالعربية"
مريم"لا طبعا عربية ايه خلينا نستمتع بالمنظر الطبيعى ده ونمشى على رِجلنا"
سامى انا كمان من رأى مريم
مريم بصت له باستغراب
"برافو عليك عرفت الفرق بينى وبين ملك مع ان مش اى حد يفرق
بيننا"
ملك"برافو على ايه... تلاقيه عرفنا من لبسنا"
سامى"لا طبعا مش من لبسكم... اقولك انا عرفتكم بلون العين مريم عينيها
عسلى وانتى عنيكى سودا"
ملك"ده انت ركزت بقى"
ضحكت ملك وابتسمت ملك... سامى ارتبك وغير الموضوع
"عمركم شفتوا عجل لسه مولود"
ردوا الاتنين"لاااء"
سامى"طيب تعالى النهاردة كان عندنا حالة ولادة ...تعالوا اتفرجوا"
اخدهم سامى لركن فى الزريبة
اتفرجوا مريم وملك وهما فرحانين بالحدث اللى اول مرة يشوفوه
سامى بيراقب رد فعلهم فى صمت وهو عارف انها بالنسبة لهم حاجة غريبة
مش متعودين عليها زى اهل البلد
وسمعوا صوت طفل رضيع بيعيط
ظهر الرعب على ملك
"ايه الصوت ده"
سامى"صوت طفل بيعيط"
ملك"يالااااا بينا بسرعة من هنا... يبقى ده الصوت اللى ماما قالت عليه"
سامى"متخافيش ياملك"
ملك جريت بعيد... ومريم وسامى وراها
مريم"جرى ايه ياملك صوت بيبى عادى انتى مالك خايفة كده ليه"
سامى"احنا هنا الفلاحات هتلاقيهم فى كل حتة اللى شايلة عيل واللى
ماسكة عيل يعنى طبيعى اوى الصوت ده... واستنى اما اشوف الصوت
جاى منين واتأكد لك"
ملك"خلاص مش مهم... انا هروح البيت هتيجوا معايا"
مردش سامى وبص لمريم مستنى رأيها
"لا انا عايزة اتفرج على البلد"
ابتسم سامى بعد ما سمع رد مريم...ووجه كلامه لملك
"هنوصلك البيت ونكمل احنا"
وظهرت فلاحة كانت ماشية من جنبهم...من نفس اتجاه صوت بكاء الطفل...
وكانت معاها طفل رضيع
شورت عليها مريم
"اهو... كان فيه حد فعلا قريب مننا.. تعالى نكمل بقى بلاش غلاسة"
ملك"لالا كفاية انا اتخضيت وخلاص مش هقدر امشى... انا هعرف ارجع لوحدى...
متتاخروش بس علشان ماما متتضايقش"
مشيت ملك فى اتجاه ومريم وسامى فى عكس الاتجاه
قعدوا يتمشوا وسامى بيشرح لمريم كتير عن الحياة فى الفلاحين
ونظام حياتهم وهى بتتفرج ومبسطوظة بالمناظر الطبيعية
"معرفش ان البلد هنا بالجمال ده"
"كل مكان وله جماله فيه ناس كتير سابت هنا علشان مبهورة بالعيشة
فى المدينة فباعوا ارضهم واتنقلوا من هنا"
"وانت مش بتحب المدينة"
"بحب ارضى وشغلى اكتر انا بشتغل مع بابا من وانا لسه فى الاعدادية
باعتبار يعنى انى ابنه الوحيد علشان كده مبعدتش بدراستى عن الارض
دخلت كلية الزراعة واتخرجت منها وانا برضه بشتغل فى الارض وعلى
فكرة انا بروح مصر كتير اوى لان شغلنا برضه مش منفصل عن القاهرة...
انتى تعرفى انى مبسوط اوى بزيارة النهاردة"
وابتسمت مريم ابتسامة خجولة
"ليه"
"لاسباب كتير اولهم ان بابا وعمى منير رجعوا يتكلموا بعد مقاطعة سنين
وطبعا احنا مش هنتكلم فى اسباب المهم انهم رجعوا يبقى بينهم
مودة تانى اصل صلة الرحم دى مهمة اوى عارفة بتدي احساس كده ان
الواحد مسنود وانه مش لوحده فى الدنيا حتى لو احساس معنوى بس
احساس حلو اوى انك تحسى ان ليكى ضهر وسند مثلا كبنت وانا
كراجل برضه محتاج صلة احس الاحساس ده ان ليا قرايب واهل
وعزوة... رغيت كتير صح"
"بالعكس... انا بسمعك وكلامك حلو اوى "
"هتبقوا تكرروا الزيارة"
"ان شاءالله"
"طيب ممكن رقم تليفونك ابقى اطمن عليكى.. عليكم يعنى لو ميضايقكيش"
"لا ابدا ايه اللى يضايقنى...هات اسجلهولك"
واخدت مريم تليفون سامى وسجلت عليه رقمها
"انا عايزة اسألك على حاجة"
"اتفضلى"
"هى البلد هنا فيها حاجة مش طبيعية"
"مش طبيعية ازاى يعنى"
وحكت مريم لسامى الحكاية اللى حصلت لمامتها زمان والبخور اللى بيولعوه
من المغرب والصوت اللى سمعته والشكل اللى شافته
سكت سامى شوية...
"ايييييه؟؟ روحت فين"
"معاكى... انا بس بفتكر"
"بتفتكر ايه"
"بتخافى؟؟"
"لأ... احكى"
"بصى يا ستى من يوم ما وعيت ع الدنيا واحنا هنا فى البلد لازم كل
واحد يقفل بابه عليه من قبل المغرب والبخور يبقى فى كل بيت لما بدأت
افهم سألت امى عن السبب كانت بتخاف وتفضل تقولى يجعل كلامنا
خفيف متتكلمش فى الحاجات وتصدنى ومتجاوبنيش بابا لما كانت اسأله
كان يتهرب من الاجابة مع إلحاحى حكى لى"
"حكى ايه ..هو ده اللى عايزة افهمه"
"حكى ان من سنين طويلة كان فيه اسرة فلاحين غلابة الراجل اتعرف على
واحد من اللى بيقولوا انهم بيفهموا فى الجن والكلام ده وقاله ان بيته تحته
آثار ولو لقوها حاله هيتبدل ويبقى اغنى واحد وطبعا الفلاح الغلبان عينه
زغللت ع الفلوس ووافق الراجل وبقى كل يوم يحفروا تحت البيت
ومحدش حاسس بحاجة"
"ولقوا الاثار ؟؟"
"لا ملقوش حاجة بس الراجل قاله ان الجن بيدلوه على مكان تانى قبل البلد
بشوية وهو ده اللى فيه الاثار"
"وبعدين عملوا ايه"
"قبل عملوا ايه الراجل ده كان عينه على مرات الفلاح وعلشان كده بيضحك
عليهم علشان يفضل معاهم طول الوقت"
"وهى كانت موافقة على كده"
"اللى كانوا يعرفوها بيقولوا انها اكيد كانت بتصده والا مكنش حصل اللى حصل"
"ايه اللى حصل"
"لما اخدوا المكان التانى بره البلد عملوا هناك عشة صغيرة وبقوا يحفروا
جواها علشان محدش يشوفهم... كانوا الرجالة بيروحوا بالليل ويرجعوا الصبح...
الفلاحة وولادها مسابتش البلد... وفى يوم رجع الراجل من غير جوزها وقالها
انه مات هى اتصدمت وراحت تجرى على هناك شافت جوزها مدبوح والتانى
اعتدى عليها رجعت البيت لقيت ابنها الرضيع وقع فى الحفرة اللى كانوا
فاكرين فيها اثار... والراجل كان راجع وراها برضه متحملتش كل الصدمات
دى حرقت البيت وهما جواه"
"ماتوا"
"اه كلهم هى والراجل صاحب جوزها وبنتها الكبيرة وابنها كان ميت قبل الحريق"
"ايه الحكاية الغريبة دى... وعلاقتها ايه باللى بيحصل فى البلد"
"قصدك اللى كان بيحصل... بيقولوا بقى ان ارواحهم بتطلع بالليل بتبقى
بين بيتهم اللى فى البلد هنا وبين مكان ما باباهم اتقتل"
"وده اللى بيفسر صوت الطفل؟؟"
"اه بيقولوا الطفل بيعيط لانه كان بيستنجد لما وقع فى الحفرة و روح مامته
بتلف فى البلد ورا الصوت لاحساسها بالذنب"
"يعنى اللى ماما شافته ده كان حقيقى"
"تقريبا اه"
"والبخور"
"البخور بيمنع الارواح الشريرة من الدخول للبيت علشان كده بيولعوا بخور كتير
علشان الارواح دى تفضل بره ومتدخلش البيت"
"انا خفت"
"متخافيش الكلام ده انتهى خلاص"
"انتهى ازاى يعنى"
"انا نسيت اقولك ان كل ده مكنش حد لقى جثة الاب اللى كانت جزأين لان القاتل
دبحه وفصل راسه عن جسمه ولما لقوهم بقى كل الحاجات دى اختفت"
"ازاى يعنى... ايه التفسير المنطقى لكده"
"تفسير منطقى معنديش انما انا عشت الاحداث دى واقدر ااكد لك ان كل
ده حصل بجد"
"احداث الحريق والقتل"
"لالالا دول حصلوا قبل مااتولد انا بتكلم عن الارواح اللى كانت بتلف طول الليل
فى البلد... بس كل ده خلص من حوالى 10 سنين وبقينا عادى وبخرج بالليل
والناس بتسهر فى بيوتها وبره بيوتها عادى جدا"
"ماما ليها حق تخاف بجد"
"خفتى؟؟"
"بعد اللى انت قلته ده كله عايزنى مخافش"
"انا آسف بس انا سألتك الاول"
"ولا يهمك"
بصت مريم فى ساعتها
"يااااااه فات ساعة بسرعة كده...يالا بقى نرجع علشان منتأخرش"
"لما انزل القاهرة ممكن ابقى اشوفك"
ردت مريم بابتسامة خجولة
"ان شاءالله"
http://files2.fatakat.com/2012/5/13359001541551.gif
6-
رجعوا مريم وسامى للبيت متأخروش كتير فى الرجوع
اول ما دخلوا البيت
فاطمة"فين ملك"
وارتبكوا سامى ومريم من السؤال... بصوا لبعض بقلق
سامى"هى مرضيتش تيجى معانا... ورجعت"
مريم"رجعت من بدرى"
وصرخت فاطمة
"بنننننننننننننننننننننننتى"
وساد جو من التوتر والقلق والرعب والفزع
سعد"وانت ازاى تسيبها ترجع لوحدها"
سامى"والله قلتلها اوصلك وهى قالت هتعرف لوحدها"
مريم"كنا قريبيبن من البيت"
منير"انا هروح ادور عليها يمكن تاهت"
ام سامى"حتى لو تاهت الف مين هيدلها ع البيت لو سألت... متخافوش"
سامى قال وهو خارج"انا رايح ادور عليها بالعربية"
منير"انا جاى معاك"
خرجوا وخرج سعد معاهم
فاطمة بتعيط بانهيار ومريم هى كمان بتعيط
تفكير مريم وفاطمة فى نفس الاتجاه
حصلها حاجة من الحاجات الغريبة اللى فى البلد
فات حوالى 10 دقايق فاتوا كأنهم 10 ساعات
لقوا الباب بيتفتح... وداخلة سامية
ومعاها ملك
مريم"ملك... ملك اهى ياماما"
ملك وسامية مستغربين من الاستقبال ده
والخضة والتوتر اللى كل الموجودين فيها
وسألوا الاتنين
"فى ايه"
فاطمة"كنتى فين حرام عليكى... انا كنت هموت"
ملك"بعد الشر عليكى ياماما.. انا كنت راجعة قابلت سامية خارجة من البيت
قالت انها رايحة بيتها تجيب حاجات وراجعة على طول فروحت معاها...
هو احنا اتأخرنا؟؟"
مريم"مش موضوع تأخير... احنا قلقنا "
ملك"انا فعلا نسيت اتصل بيكم اعرفكم... انا اسفة"
ام سامى"وانتى مش المفروض تقولى قبل ما تاخديها"
سامية"ياماما والله مااعرف انهم هيقلقوا كده... حقك عليا يا مرات عمى"
راحت سامية ناحية فاطمة وباست راسها
فاطمة"الحمدلله انها رجعت بالسلامة... كلمى باباكى يامريم يرجع"
واتصلت مريم بمنير
"الشبكة وحشة برضه ياماما"
سامية"تعالى نطلع فوق الشبكة بتبقى كويسة ساعات من شباك اوضة سامى"
فاطمة"اطلعى يامريم طمنيهم"
طلعت مريم مع سامية... وفتحت اوضة سامى
دخلت مريم الاوضة... لفتت نظرها انها اوضة متبانش انها فى قرية فى الفلاحين
اوضة شيك ... فيها مكتب وعليه لاب توب ومكتبة كبيرة منظمة وفيها كتب فى كل الفروع
ده اللى لمحته من تقسيم المكتبة المكتوب على رفوفها
وقفت مريم عند الشباك... واتصلت بمنير
"الو... ايوه يابابا ملك رجعت... كويسة والله ... لما رجعت قابلت سامية
وهى خارجة راحت معاها ورجعوا... مع السلامة"
خلصت مريم... وخرجت من الاوضة مع سامية
بعد ما حست ان وجودها فى اوضة سامى قربها منه
وهما خارجين... سمعوا صوت من اوضة تانية
"ده جدى صحا ... هروح اشوفه وكويس انه صحا وانتوا هنا علشان كان
عايز يشوف عمى منير"
بصت مريم فى ساعتها...كانت 4وربع
سرحت ... ياترى لسه قد ايه ويمشوا من البلد قبل المغرب
"انا هنزل لماما"
"طيب"
نزلت مريم لمامتها... ودخلت سامية لجدها
بعد 5 دقايق وصل منير وسامى وسعد
سامية قالت لسعد ان جدها صاحى وواعى وبيسأل عليهم
طلع سعد ومنير للجد... وبعد شوية نادوا على فاطمة والبنات
الوقت بيمر بسرعة... والتوتر بيزيد
فاطمة وبناتها خايفين ييجى الليل وهما لسه فى البلد
لما وصلت الساعة 5الا ربع... قامت فاطمة تسلم على كل الموجودين وده
كان بمثابة قرار انها بتنهى الزيارة فى الوقت ده بالظبط وتحاول تنقذ ما يمكن
انقاذه بالخروج من البلد قبل المغرب ودخول الليل
وبعد محاولات فاشلة من سعد ومراته بدعوتهم للمبيت
خرجوا فاطمة ومنير وملك ومريم من البيت وركبوا عربيتهم
والكل بيودعهم من على باب البيت
http://files2.fatakat.com/2012/5/13359001541551.gif
7-
خرجوا من البلد قبل المغرب ب 5 دقايق
اخدت فاطمة نفسها وهى مرتاحة انهم مشيوا من البلد
مريم سرحانة فى كلام سامى عن الحكاية
ملك رجعت راسها لورا ... استعدادا للنوم
فاطمة"الحمدلله اننا مشينا ده انا كنت حاطة ايدى على قلبى"
مريم"بس سامى بيقول ان البلد بقت عادية ومفيش حاجة"
فاطمة"ماهما طول عمرهم بيقولوا مفيش حاجة انما عمرى ما هكدب عينيا ابداااا"
سكتت مريم... كانت مرهقة لانها صاحية من بدرى
رجعت راسها لورا وبصت لملك اللى كانت نايمة
غمضت عينيها هى كمان... ونامت
هزة فى العربية... صحت مريم وملك
فاطمة"فى ايه يامنير... وقفت كده ليه"
منير"مش عارف ... العربية وقفت فجأة"
نزل منير يشوف العربية... زقها على جنب فى الطريق
محاولات فاشلة اخدت منه نص ساعة فى ان العربية تدور
فاطمة"وبعدين هتعمل ايه دلوقتى"
منير"مفيش غير انى اتصل بسعد يبعت لنا سامى ونرجع البلد تانى والصبح
يبقى ربنا يحلها اكون لقيت حد يصلحها"
فاطمة"ابداااااا والله العظيم ما يحصل انى ابات هناك ابداا"
منير بيزعق"وانتى يعنى عندك حل للزفت اللى احنا فيه ده"
فاطمة"اهو نستنى ونشوف اى عربية ممكن نركب فيها وندفع اى فلوس
المهم مرجعش البلد تانى"
منير"وعربية ايه اللى هتعدى وتاخدنا احنا الاربعة"
فاطمة"هنصبر ونشوف"
قعدوا الاربعة جوا العربية ... ومفيش عربيات بتعدى
غير عربية واحدة بعد ربع ساعة عدت وكانت نص نقل محمِلة خضار
منير"هااا هنتصرف ازاى"
فاطمة"نستنى وهو يعنى مفيش عربيات هتعدى"
منير"ماانتى شايفة مفيش غير عربية واحدة وياعالم امتى هتعدى عربية تانى"
ملك"انا خايفة الطريق شكله مرعب والدنيا ليل كده"
مريم قلبها بيدق من الخوف... وبتحاول تتماسك ردت بصوت متقطع على اختها
"متخافيش"
سكوت تام مش بيقطعه غير صوت الهوا... وصوت قطرات مطر خفيف بدأ يتساقط
منير"مبدهاش بقى انا هتصل بسعد مش هنفضل واقفين هنا"
ومستناش منير فاطمة ترد مسك تليفونه
"ايه ده... التليفون فاصل... حد يجيب موبايله"
وكل واحدة طلعت موبايلها... وردوا كلهم
"الموبايل فاصل"
منير"انا تليفونى كان مشحون كويس... فصل ازاى كده"
فاطمة"وانا تليفونى كان مشحون قبل ماننزل الصبح"
ملك ومريم ردوا فى نفس الوقت
"واحنا "
زاد المطر... وصوت البرق كان بيقطع سكوتهم
وضوء البرق كان بيقطع الظلام اللى زاد مع دخول الليل
كلهم فى العربية التوتر والخوف مسيطر عليهم
ومفيش مجال لاى كلام... ولا اى تصرف
حاول منير يخفف التوتر ... فتح الراديو على اذاعة القرآن
رغم انه كان الصوت بيقطع احيانا او بيشوش احيانا
الا ان صوت القران كان احسن ونس ليهم فى موقف زى ده
بدأ المطر يخف تدريجيا.... وان كان شدة الهوا وتحريكها لفروع الشجر
بيزيد الجو العام خوف
فجأة قالت فاطمة
"منييييير... بص هناك كده"
وشاورت على مكان على يمينها... على مسافة مش بعيدة عن الطريق...
نظراتهم كلهم راحت مكان ما شاورت
منير"ايه ده"
فاطمة"يمكن بيت يمكن ريست ... اى حاجة المهم مكان ممكن يكون فيه
تليفون نتصل بحد من اخواتنا يبعتلنا عربية تاخدنا"
منير"مفيش قدامنا الا كده... يالا بينا"
ونزلوا من العربية وقفلها منير... ومشيوا كلهم فى اتجاه المكان
ملك ماسكة فى دراع مامتها وماشيين
ومريم فى دراع باباها ووراهم بخطوتين
لما قربوا شافوا يافطة مكتوب عليها
"القصر الهادى"
المبنى قديم مكون من 3ادوار
اضواء خافتة فى الدور الارضى.. والدور التانى بعض اجزاء منه مضاءة بضوء
خافت والدور التالت مظلم تماما
بيقربوا بخطوات متباطئة مترددة
صوت الرياح الشديدة مع حفيف الاشجار مخيف
صوت انفجار دوى بشدة... مسكوا الاربعة فى بعض
قبل ما يكتشفوا انه هزيم الرعد... تلاه امطار شديدة
مع شدة المطر.. جروا كلهم بسرعة.... لمدخل القصر الهادى
http://files2.fatakat.com/2012/5/13359001541551.gif
8-
اول ما فتحوا الباب الموارب... ودخلوا
شافوا مكان كبير واااااسع.... وشبه فاضى
بيبصوا حواليهم... مفيش حد خالص
منير بصوت هادى
"السلام عليكم ... فى حد هنا"
وسمعوا صوت اقدام جاية من جنب مظلم
الشكل مش واضح... الاقدام بتقرب
"اهلا وسهلا... اتفضلوا"
ظهرت شابة فى نهاية العشرينات... لابسة جلابية فلاحى سودا
ورابطة راسها بطرحة سودة
ملامحها رغم الفقر اللى باين عليها... جميلة
منير"فيه تليفون لو سمحتى... اصل احنا عربيتنا عطلت بره ع الطريق
وشفنا النور قلنا يمكن نلاقى تليفون"
الفلاحة"لا والله مفيش تليفون...بس تقدروا تطلعوا تناموا وترتاحوا"
بص منير لفاطمة ... هزت فاطمة راسها ايجابا
منير"ماشى"
مشيت الفلاحة الشابة ووراها منير وفاطمة والبنات
طلعت الدورت التانى... مشيت طُرقة طويلة ضيقة
على جوانبها اوض مقفولة... ومضلمة
وصلت لاوضة فتحتها
"اتفضلوا... انا اخترت لكم الاوضة دى علشان قريبة من الحمام... الحمام اهو"
شاورت على الحمام اللى كان على بُعد اوضتين تانيين
منير"شكرا"
دخلوا الاوضة... وقفلوا عليهم
الاوضة فيها سريرين حديد صغيرين
وترابيزة صغيرة و2 كرسى
فاطمة"ايه القرف ده... الملايات زى الزفت"
منير"اهى اوضة مقفولة علينا لحد الصبح هنعمل ايه يعنى"
ملك"بابا... المكان هنا يخوف اوى"
منير"متخافيش انا معاكم اهو"
وسمعوا صوت بكاء طفل رضيع
نطت ملك مسكت فى فاطمة اللى صوتها مطلعش لما حاولت تتكلم
مريم كل اللى قدرت تعمله انها فضلت واقفة مكانها لان رجليها مقدروش
يتحركوا من مكانهم
منير"جرى ايه مالكم... اكيد حد من الموجودين معاه طفل"
مريم"الصوت جاى من فوق واحنا لما كنا بره الدور الاخير كان مضلم خالص"
منير"حتى انتى كمان يامريم هتعملى زيهم انا اللى بقول عليكى جريئة ومبتخافيش"
سكتت مريم... والصوت بدأ يقل تدريجى لحد ما اختفى
منير"هتفضلوا واقفين كده... وانتى ياملك هتفضلى ماسكة فى ايد مامتك كده...
مفيش حاجة متكبروش المواضيع"
وقعد منير على طرف سرير من الاتنين... وراحت مريم قعدت جنبه
فاطمة"تعالى ياملك بقى مش هنفضل واقفين"
ملك"انا قرفانة"
فاطمة"هنقعد بس مش هننام"
وراحت ملك قعدت جنب مامتها... بعد ما قعدت تنفض بايدها فى مكان ماهتقعد
صوت تكتكات متتالية سريعة... هى صوت المطر على القزاز
ضوء البرق بيخطف يزيد ضوء الاوضة الخافت
قامت فاطمة تبص من الشباك
مسحت مكان بخار نَفَسها وقربت وشها من القزاز علشان تشوف بره
شهقت فاطمة وصرخت وهى بترجع لورا برعب
قام منير بسرعة يبص مكان ماكانت واقفة وهو بيقول
"فى ايه"
فاطمة بتعيط
"نفس الست اللى شفتها زمان لقيتها ورا القزاز... شكلها غريب بعين واحدة
وبوء من عينيها لحد دقنها"
منير وهو بيبص من ورا القزاز
"مفيش اى حاجة يافاطمة"
قامت مريم تبص من باب الفضول... مشافتش حاجة غير ضلمة
فاطمة وهى لسه خايفة
"تعالى نمشى من هنا يامنير"
منير وهو بيجز على اسنانه من الغيظ وبيتكلم بصوت واطى
"نمشى نروح فين... نقعد فى الشارع...على الاقل احنا هنا فى اوضة مقفولة
علينا...أأمن من الشارع"
مريم"مفيش حاجة ياماما والله... يمكن خيال بس من الشجر واتهيألك"
ملك ساكتة ماسكة بس فى مامتها وبتطبطب عليها وتحاول تهديها
منير"انا هروح الحمام... واشوف عندهم اى حاجة تتاكل"
فاطمة"استنى انا كمان عايزة اروح الحمام"
منير"طيب قومى"
مريم"هنستناكم هنا"
ملك هزت راسها موافقة على كلام مريم
nabila
04-01-2015, 01:24 PM
http://www.hamasatdamad.com/upload/uploads/13582779155.gif
قصة غايه بالروعه..
من معروف اعتدنا على تميزك...
سلمت.. أنــآآملكـ..ع..الطرح..الرائع
دامت..صفحاتكـ..بهذا..الرُقي
بانتظــآآر.. قـآآدمك الاجمل
تصيغ لنا من الأبداع سطور تُبهر كل من ينظر إليها ..
دائمآانتي متألقه
لاعدمناك
ولك احترامي وتقديري
كــــــل ..الـــوود..بعبق.. الــووردك..
http://img.el-wlid.com/imgcache/2013/12/752470.gif
http://www.hamasatdamad.com/upload/uploads/13582779155.gif
ايام عمرى
الله الله رعب اصلى
نزلى الحلقات بسرعه مش بقرئهم بالليل بيوقف قلبى هههههههههههه
يسلمووووووو ايدك حبيبتى
ايام عمري
04-01-2015, 03:20 PM
بتشكرك بلبل على متابعتك حبيبتي
فلولاكم اكيد مارح يكون في مواضيع
نورتيني ياقمر
ايام عمري
04-01-2015, 03:21 PM
هههههههههههههه شهد
هو فعلا رعب والقصة قصيرة هلمره
وهنزل الجزء الاخير حالا
خوفا عليكي قبل ما يجي المسا يعني
هههههههههههه
موووووووووووواه
ايام عمري
04-01-2015, 03:29 PM
القصر الهادى (الجزء الثالث)
http://www.vb.fll2.com/storeimg/img_1352593982_171.gif
خرج منير وفاطمة من الاوضة...
الطرقة مضلمة اوى ومفيش اى ضوء غير بعيد
مشيت فاطمة ماسكة فى ايد منير لحد ما وصلوا للحمام
فتحوا باب الحمام... لقوا طرقة مربعة ومنها اتنين حمام قصاد بعض
"هو مفيش نور هنا يا منير"
"اكيد فيه"
واتحسس منير الحيطة اللى جنب الباب
"اهو...لقيت مفتاح النور"
فتح النور... نور مهزوز متقطع بيروح وييجى
"ايه ده ...هو النور ماله بيعمل كده ليه"
"اكيد اللمبة بايظة علشان كده كانوا طفينها... انا هدخل الحمام ده وادخلى انتى هنا"
ودخل كل واحد فيهم حمام
فاطمة... الحمام كبير وواسع ومدور وله 3 ابواب
وفيه حوض واحد
وجواه 3 ابواب صغيرين ...
فتحت فاطمة بحذر واحد من الابواب الصغيرة... لقيت اخيرا الحمام
بعد ماخلصت... طلعت تغسل ايديها
الضوء بيروح وبييجى... هى بتغسل ايديها بسرعة
خلصت... بصت حواليها
"ياترى اخرج من اى باب فيهم؟؟"
احتارت وهى مش عارفة تخرج من اى باب من الابواب ال3
فكرت انها تفتح كل باب وتشوف لو لقت الباب قدامه حمام تانى يبقى هو ده اللى دخلت منه
فتحت اول باب بحذر وبطء... الباب بيزيَق وصوته بيقطع الصمت
شافت باب الحمام التانى قصادها... اطمنت ان هو ده الباب اللى دخلت منه
خرجت... ووقفت فى الطرقة الصغيرة اللى بين البابين تستنى منير
استنت ... هو مش متعود يتأخر كده فى الحمام
استنت تانى... اتأخر ... قلقت
خبطت على الباب بصوت يتناسب مع الصمت
"منير... منييييير"
مفيش رد ولا صوت مياه يدل انه لسه جوه
"كده يامنير تسيبنى وترجع"
قالت لنفسها كده...وقررت انها ترجع الاوضة تانى
دى المسافة يدوب على بُعد اوضتين
لما خرجت من الباب... الخارجى لل 2حمام
بصت لقت منظر تانى خاااالص غير الطرقة اللى فيها الاوضة بتاعتهم
رجعت تانى علشان تخرج من باب تانى من الابواب ال3 للحمام
الباب مش بيتفتح... الباب مقفول
التفتت تانى للمكان اللى اصبحت فيه...مُجبرة
لقيت نفسها فى اوضة مربعة مساحتها لا تتجاوز 20 متر
ولها باب واحد... راحت بسرعة على الباب الوحيد اللى هيخرجها من المكان المغلق اللى هى فيه
فتحت الباب... وبمجرد ما فتح الباب
شافت نفس الشكل اللى بتشوفه كل مرة
بس المرة دى معاها سيف طويل
وبحركة سريعة افقية على رقبتها
كانت الاوضة وحوائطها كلها.... دم
http://www.vb.fll2.com/storeimg/img_1352593982_171.gif
10-
منير دخل من باب الحمام...
وهو عبارة عن حوض و2 حمام
بعد ما خلص... غسل ايده وخرج
وهو واقف يستنى فاطمة
شاف بنت صغيرة من ضهرها ... بتعيط وماشية لوحدها فى الطرقة المضلمة
قرب منها... وكل ما يقرب منها... تبعد عنه
"مالك يا شاطرة"
البنت بتعيط وبتفرك فى عينيها... وبتقول بصوت واطى
"مامااا... ماماااا"
منير ماشى وراها زى المسحور
طلعت سلم ضيق ... طلع وراها
بتطلع.. وهو بيطلع
سلالم كتير...كتير
لحد ما وصلوا للقصر من فوق
فوقه السما.... ليل مظلم رغم توقف المطر
البنت مشيت لحد سور السطح... طلعت وقفت على السور
جرى منير عليها
"استنى هنا... هتقعى"
التفتت البنت لمنير... شاف الشكل المرعب اللى وصفته فاطمة
وش بعين واحدة وبوء كبير مفتوح من عينها لدقنها
رجع منير لورا ووقع من الخضة... قام بسرعة وهوبيقول
"فاطمة"
افتكر فاطمة والبنات... خاف عليهم
نزل يجرى... نزل الدور التالت... وكمان دور لحد ماوصل الدور التانى
بيجرى ناحية الحمام والاوضة اللى فيها البنات
مع سرعته... اهتز جزء من الارض الخشبيةالمهترئة
ووقع منير.. مكان مظلم والضوء الوحيد هو الضوء الخافت الظاهر من الفتحة اللى وقع منها
قام يحاول الخروج من المكان اللى هو فيه
مش باين اى حاجة... مشى على جنب وايده على الحيطة يتلمسها
وصلت ايده لمقبض باب... وبدون تردد فتحه
لقى نفسه فى المدخل الرئيسى للمكان اللى دخل منه
كل شئ يبدو طبيعى وهادى
اتجه للسلم.. طلع للدور التانى
مشى الطرقة الطويلة وقبل ما يوصل للاوضة
سمع صوت انين واهات
مشى ناحية الصوت... الصوت خارج من اوضة مقفولة
قرب ببطء... فتح الباب فجأة
شاف راس فاطمة متعلقة فى نص الاوضة لوحدها
والاوضة كلها ملطخة بالدم
خاف... لف بسرعة علشان يخرج
كان فيه سيف اسرع منه بيفصل رقبته عن جسمه
http://www.vb.fll2.com/storeimg/img_1352593982_171.gif
11-
فى الاوضة
"ماما وبابا اتأخروا اوى يا مريم"
"فعلا ... يكونوا راحوا فين كل ده"
"انا خايفة"
"طيب استنى هنا واروح كده ابص عليهم واجى"
"لالالا متسيبينيش انا خايفة"
"طيب تعالى ندور عليهم مع بعض"
وخرجوا مريم وملك من الاوضة
الطرقة ضوءها خافت...الاتنين ماسكين فى بعض
وصلوا للحمام... خبطوا على الباب
مفيش صوت نهائى لدرجة انهم نادوا على باباهم ومامتهم بصوت اشبه بالهمس
"شكلهم مش جوه"
قالتها ملك بقلق...ردت مريم
"تعالى نسأل الست اللى هنا يمكن شافتهم"
مشيوا وهما بيتلفتوا حواليهم
هدوء تام... وضلمة نسبية
نزلوا على السلم... دور واتنين
مش هو ده المكان اللى دخلوا فيه اول ما وصلوا
ده برضه طرقة طويلة فيها اوض
"مريم مش احنا نزلنا دورين"
"اه"
"بس ده دور شبه اللى كنا فيه"
"يمكن واحنا طالعين اتلخبطنا فى عد الادوار... لسه السلم مكمل لتحت"
ونزلوا لتحت... دور واتنين والسلم مبيخلصش
بصوا لبعض... شبكوا ايديهم فى ايد بعض
وطلعوا على السلم تانى بسرعة وبدون كلام
طلعوا 4 ادوار... الاتنين انفاسهم بتتلاحق من الجرى والخوف
ملك وهى بتنهج"ايه ده يا مريم... لا فيه حد ولا فيه باب و ل..."
وقاطعتها مريم... حطت صباعها على بؤها فى اشارة للسكوت
وبايدها التانية شاورت على ودنها بمعنى اسمعى
وشاورت على واحدة من الاوض الموجودين
قربوا البنتين من باب الاوضة اللى كان فيها صوت هادى
وسمعوا حوار رغم ان الاوضة مش باين اى ضوء منها
" – اسمع كلامى بس دى حاجة سهلة اوى
- وافرض ملقيناش حاجة زى ما طلع الحفر هنا ع الفاضى
- مين قالك بقى... المرة دى متأكد
- بس فين المكان ده
- قبل البلد بشوية ومتقلقش احنا هنروح بالليل ومحدش هياخد باله ولا يعرف حاجة ولما نلاقى المصلحة وتبقى من اصحاب الملايين شوف بقى حياتك وحياة ولادك هتبقى ازاى
- (صوت نسائى) الشاى
- تسلم ايدك يا ام كامل... احضرينا ياستى وشوفى جوزك ده
- (الصوت النسائى) اللى يشوفه ابو كامل"
مريم سرحت وافتكرت وهى قاعدة مع سامى وبيحكى لها
شدت مريم ملك بعد اللى سمعته... وجروا بعيد
"بتجرى ليه مش يمكن الناس دول يساعدونا"
"يساعدوا ايه بس... انتى مش فاهمة حاجة"
"فهمينى طيب"
"مش هينف...."
وقاطعتها ملك... وقالت بصوت هامس وهما بعيد عن الاوضة الاولانية
"سامعة الاوضة دى كمان باين عليها فيها حد"
وقربوا البنتين من باب الاوضة... وسمعوا
المرة دى كان الصوت اعلى شوية
"- انت جيت لوحدك ليه فين جوزى
- ا ا اصل الحكاية
- اصل ايه وفصل ايه ..جوزى فين
- شدى حيلك
- اشد حيلى يعنى ايه؟؟؟ انا عايزة اشوفه
- قضاء وقدر وقع عليه الفاس واحنا بنحفر
- وهو فين
- هناك بره البلد تعالى معايا"
"يالا يا ملك احنا لازم نخرج من هنا"
"نخرج منين ولا ازاى... وانتى ليه خايفة كده بدل ما تطمنى من ان فيه ناس معانا هنا"
شدتها مريم وجريت على السلم
مريم نازلة تجرى وبالتبعية ملك فى ايدها
"استنى يا مريم... مش لما نشوف ماما وبابا فين"
"احنا هنا فى مكان مش طبيعى ابدا يا ملك ولازم نخرج منه"
"وهو احنا لاقيين اى مخرَج"
"ان شاءالله هنلاقى"
مع كل دور ينزلوه يدوروا على اى مخرج منه مش لاقيين
سمعوا صوت صراخ جاى من اوضة
ولاول مرة اوضة مفتوحة
بصوا لبعض بخوف... مفيش قدامهم اى اختيار تانى
غير يشوفوا مصدر الصوت ده ايه
قربوا من الاوضة المفتوحة ومن على بُعد
شافوا جثة فى الارض لرجل مفصول راسه عن جسمه
وست بتصوت وتلطم... وراجل تاتى بيشدها وبيتهجم عليها
ملك ومريم خافوا اكتر راحوا ناحية السلم
نزلوا بسرعة واخيرا شافوا الباب اللى دخلوا منه بس كان بعيد شوية
قبل ما يوصلوا للباب
شافوا نفس الست اللى كانت فوق بتعيط على جوزها
شايلة جثة طفل وبتعيط... وجنبها نفس الراجل اللى كان معاها
قاعد بيولع سيجارة وبهدوء وبرود اعصاب
حطت الست جثة الطفل على الارض ... وراحت لركن فيه وابور جاز... فضت الجاز على الراجل اللى اشتعل بسرعة لان السيجارة كانت فى ايده
والباقى على هدومها... وامتدت ليها النار
النار بتزيد... وبسرعة البرق وصلوا مريم وملك للباب
واول ما فتحوه... شافوا قصادهم الشكل المرعب اللى وصفته فاطمة
ست بعين واحدة وبوء كبير من عينيها لدقنها
وف ايدها سيف.... رفعته وبحركة افقية قطع السيف رقبة ...
http://www.vb.fll2.com/storeimg/img_1352593982_171.gif
12- النهاية
صوت قريب
"مريم ... مريم "
فتحت مريم عينيها ببطء
وحست بألم شديد فى رقبتها
مسكت رقبتها قبل ما تتبين مين بيكلمها
"ماما؟؟؟"
"ايوه... انتى نعسانة للدرجة دى ..قومى وصلنا"
بصت مريم حواليها... هى لسه فى عربية باباها
بصت شمالها شافت ملك واقفة بره العربية
ومامتها بعد ما صحتها سابت الباب اليمين مفتوح علشان تنزل
وبتاخد شنطتها من على الكرسى اللى قدام
باباها واقف بيكلم بواب العمارة
ملك بتشارولها "يالا انزلى"
نزلت مريم من العربية... وراحت على ملك
"ايه مالك يا بنتى مسهمة كده ليه"
"رقبتى بتوجعنى اوى"
"اصل انتى طول الطريق نايمة وهى معووجة اكيد اتلوحت"
سكتت مريم بعد ما فهمت ان كل اللى مر بيهم ده ... كابوس
اول ما دخلوا شقتهم
فاطمة ومنير دخلوا اوضتهم يغيروا هدومهم
مريم وملك دخلوا اوضتهم يغيروا هدومهم
رن موبايل مريم... ردت مريم على التليفون بابتسامة
"الو... الحمدلله...اه لسه واصلين... لا مش هنام... اوك ابعت الايميل فى مسدج... ساعة كده ان شاءالله...سلام"
قفلت مريم الموبايل ومازالت مبتسمة
"اييييييييه"
"ايه ياملك خضتينى"
"ايه النحنحة دى يابت... كنتى بتكلمى مين"
"سامى"
"سامى؟؟ سامى اللى هو سامى اللى لسه عارفينه النهاردة"
"ايوه"
"وموبايلات وايميلات وحركات... اااااه كده فهمت ابن الاروبة ده اخد باله من لون عينينا ازاى... الاخ معجب"
ضحكت مريم وراحت على دولابها اخدت فوطة وهدوم
"رايحة فين"
"محتاجة دُش علشان النهاردة كان يوم غير عادى"
"طبعا طبعا"
قالتها ملك وهى بتمسك قلبها..
ابتسمت مريم وهى بتخبطها بحنية بالفوطة
"لا ياختى مش علشان كده"
"اومال ليه"
"بصى هاخد دُش واجى اترمى فى حضن سريرى واحكيلك كل حاجة بما فيها القصر الهادى"
"ايه القصر الهادى ده... فيلم رعب"
"لا وانتى الصادقة ده حلم رعب"
الفتى الفدائي
04-01-2015, 04:15 PM
مشكوووووورة والله يعطيكي الف عافيه
nabila
04-01-2015, 05:14 PM
هههههههههههههه جتك نيلة بوزتي اعصابنا
هو في حد مسلطك علينا :icon1366::icon1366:
و ربي قلبي حاسس انو بيطلع حلم في اخير
زي الي قبليه بطلي رعب يا بنتي
يسلمو دياتك يارب بجد كانت حلوة و ممتعة جداا
بانتظار جديدك دايما
ودي و تقديري لسموك:icon26::icon26:
ايام عمري
04-02-2015, 11:09 AM
ههههههههههههههههههههه بلبل
مش احسن ما يطلع حقيقة وتتخضي بجد
.
والله يسلمك يارب
اكيد نورتي قصة الرعب
وقريبا هنلتقي مع قصة جديدة
بس مو رعب اكيد
نورتيني بلبل
هههههههههههه ايام عمرى
نشف دمى هههههههههههه
يسلمووووو حبيبتى على هالقصه
ننتظر القادم
https://encrypted-tbn1.gstatic.com/images?q=tbn:ANd9GcT7oz36WsEvGzbFcJzMWvaSGhXk-aG_uvp_w9M4kz407jn5WF0D
ايام عمري
04-10-2015, 09:47 PM
هههههههههههه شهد
وانا هيك صار فيني قبلك
اكيد رح نتابع قصتنا الجديدة قريبا
نورتيني حبيبتي
ايام عمري
06-04-2015, 09:52 AM
ترقبونا مع يوميات حماة في الجزء الثاني
قريبا في رمضان
تتمة ل احداث جديدة من الجزء الاول
الموجودة في مدونة قصص دينا عماد
لكم تحياتي
وكل عام وانتم بألف خير
ايام عمري
06-05-2015, 08:26 AM
احداث جديدة هتكون بلجزء الجديد يا بلبل
بتمنى فعلا تتابعوني وتكونو معي
متل ما عودتوني
بتشكرك بلبل على التعليق وعلى مرورك
نورتيني ورمضان كريم
http://www.google.de/url?source=imgres&ct=tbn&q=http://forum.hwaml.com/imgcache2/hwaml.com_1350763488_337.gif&sa=X&ei=tltxVfW6E-a9ygP9v4LICQ&ved=0CAUQ8wc4Fg&usg=AFQjCNGQNpVONhSsFHANi3uU4ov3hIVqSQ
ايام عمري ليس بغريب عل متالقه مثلك
ان تقدم اجمل واروع القصص وخاصه
في الايام المقبله
وان شاء الله ان كانت ظروفي تسمح سوف
اقوم بمتابعه الفصه لاني تابعت القليل من الجزء الاول
تحياتي ولروحك باقات الجووري
العاااشق حمام من القلب
5/6/2015
ايام عمري
06-08-2015, 02:27 PM
بتمنى فعلا ان تكون متابع معنا
بلجزء الثاني من القصة يا حمام
وان ارى تفاعلاتكم وتعليقاتكم
وكل الشكر لحضورك هنا
منورني دائما
http://www.google.de/url?source=imgres&ct=tbn&q=http://forum.hwaml.com/imgcache2/hwaml.com_1350763488_337.gif&sa=X&ei=tltxVfW6E-a9ygP9v4LICQ&ved=0CAUQ8wc4Fg&usg=AFQjCNGQNpVONhSsFHANi3uU4ov3hIVqSQ
ايام عمري
06-18-2015, 06:59 AM
يوميات حماة الجزء التانى الحلقة 1
http://forum.hwaml.com/imgcache2/hwaml.com_1415669233_711.gif
الحلقة 1
بعد ما خرجنا من كتب كتاب اسماء وهشام
ركبوا مع بعض وراحوا على شقتهم
وانا كنت متفقة مع نادية انها تيجى تقعد معانا اسبوع
علشان اساعدها فى رعاية جنى لحد ما ترجع بيتها تانى
احمد ومى واقفين بعيد عننا شوية
مى من ساعة ما جت وهى لاوية بوزها وزى ماتكون عايزة تعيط
واحمد كل شوية يتكلم معاها وهى ترد عليه وهى مبوزة
مش عارفة فى ايه؟
بس هى بتتدلع عليه ولا ايه؟؟
وانا واقفة بسلم على الناس اللى بتباركلى
جه احمد وهى وراه
"احنا هنمشى ياماما مش عايزة حاجة"
"لا ياحبيبى ربنا يخليك"
مى وهى بتسلم عليا وتبوسنى
"مبروك ياماما"
"الله يبارك فيكى... مالك شكلك متغيرة كده ليه"
"مفيش.... مع السلامة"
البت قطمت الكلام بسرعة وبعدت
جه يوسف
"يالا ياايمان"
ركبت ومعانا نادية وجنى طول الطريق بقول لنفسى البنت لسه
بقالها شهر متجوزة وهتبتدى تعكنن على ابنى
http://forum.hwaml.com/imgcache2/hwaml.com_1415669233_711.gif
اول ما وصلنا البيت وقبل ما اغير هدومى روحت على التليفون
كانت نادية بتنيم حنى فى اوضة اسماء
يوسف"هتكلمى مين دلوقتى"
ايمان"هتصل باحمد"
يوسف "ليه"
ايمان"مشفتش مى كانت قاعدة طول كتب الكتاب ازاى"
يوسف"قاعدة عادى ياايمان متاخديش فى بالك"
ايمان"لا انا نفسى اعرف قاعدة مغلولة كده ليه اومال لو كنا
عملنا فرح كبير لاسماء كانت عملت ايه"
ومستنيتش رد واتصلت باحمد واول ما سمع صوتى
"ماما؟؟ مالك انتى كويسة"
"انا كويسة انا عايزة اعرف مراتك مالها"
"مالها ياماما مفيش حاجة"
"انتو متخانقين"
"هنتخانق ليه هو احنا لحقنا"
"اومال ليه من ساعة ما جيتو وهى ضاربة بوز وكل ما تكلمها
ترد عليك بسرعة وتسكت"
"مفيش حاجة ياماما متقلقيش ...مش عايزة حاجة"
"لا .. هتيجوا تتغدوا معانا بكرة"
"مش عارف"
"مش عارف ليه هتستأذنها الاول"
"خلاص ياماما جايين ان شاءالله"
"ماشى... مع السلامة"
جت نادية فى اواخر المكالمة... وكان يوسف دخل يغير هدومه
مطلعش... شكله نام
"ايه ياايمان بتتصلى باحمد ليه دلوقتى"
"البت مى دى مش مريحانى"
"ياستى كبرى دماغك يمكن تعبانة ولا حاجة مضايقاها"
"وايه اللى يضايقها هى كانت تحلم بجوازة زى دى"
"هترجعى تانى ياايمان لنفس الطريقة... انتى نسيتى وقفتها جنبكم
فى الظروف اللى فاتت"
"انا عارفة بقى... جنى نامت"
"اه نامت... قومى قومى غيرى هدومك كده وافرحى النهارد
ة فرح ولادنا يا شيخة"
"ياااااا يا نادية لو كانوا هشام واسماء اتجوزوا من الاول مكنش
حصل كل اللى حصل ده"
"خلاص بقى اللى فات مات وسيبك من اللى راح...واهو نصيب
جنى تيجى فى الدنيا وتنور حياتنا"
"عقبال ولاد اسماء يارب"
"ان شاءالله"
http://forum.hwaml.com/imgcache2/hwaml.com_1415669233_711.gif
فى بيت احمد وبعد ما قفل مع ايمان
مى قاعدة تعيط وهى لسه بهدومها
"اهى ماما اخدت بالها انك متغيرة"
"غصب عنى يااحمد انا كنت قاعدة وانا هموت من القهر"
"ياحبيبتى اهدى بس ومتعمليش فى نفسك كده"
"يعنى شبكتى تتسرق من بيتى وافضل قاعدة ساكتة"
"انتى بس مين قالك انها اتسرقت يمكن انتى حطيتيها فى مكان
تانى ونسيتى... احنا مدورناش كويس"
"ادور فين ... انا بلبسها فى المناسبات المهمة وارجع اعينها
فى العلبة تانى فى نفس المكان جيت البسها واحنا رايحين
كتب الكتاب ملقيتهاش يبقى ده له تفسير تانى غير السرقة"
"طيب اختفت امتى"
"معرفش اخر مرة فتحت العلبة من 3 ايام"
"يا مى مفيش غيرنا انا وانتى هنا فى البيت ومش هكون
سرقتها يعنى"
"انت بتقول ايه بس انا ناقصة كلامك ده"
"انا بحاول اهديكى وانا كمان متضايق بس حاسس انها ضايعة
وهنلاقيها احنا محدش غريب دخل البيت عندنا ولو حرامى دخل
واحنا مش موجودين هياخد حاجات ويسيب باقى الدهب ماكان
اخد العلبة على بعضها"
وفجأة بطلت مى عياط... وسرحت وهى بتقول لنفسها
"هو محدش غريب دخل... معقول يكون ..."
http://forum.hwaml.com/imgcache2/hwaml.com_1415669233_711.gif
تانى يوم صحيت اسماء من نومها
اول ما فتحت عينيها ملقيتش هشام جنبها
قامت تدور عليه لقيته بيحضر السفرة وحاطط ورد
"صباح الخير"
"صباح الخير على احلى عروسة"
ردت اسماء وهى بتضحك
"انت بتعمل ايه"
"بحضرلك الفطار طبعا"
"اساعدك"
"لا ... انا عايز ادلعك"
"وبعدين هاخد على الدلع"
"براحتك انا عايزك تبقى على طول مبسوطة"
وسرحت اسماء.... وافتكرت اشرف وهو بيضربها اخر مرة
قامت وحضنت هشام
"انت ازاى كده"
"ازاى ايه"
"ازاى حنين كده "
اخد ايدها وباسها
"علشان بحبك"
"بتحبنى بجد ولا اتجوزتنى علشان جنى"
"وهما الاتنين يتعارضوا مع بعض"
"انا بسألك"
"انتى عارفة انى كنت عايز اخطبك من الاول ولما رفضتى انا
احترمت رغبتك وبعدت بس النصيب جمعنا تانى"
"وهناء"
"بصى يااسماء هناء كانت واقع فى حياتى واشرف كان واقع
فى حياتك بس مرحلة وعدت والله يرحم الجميع... سيرتهم
ممكن تضايقنا يبقى نتعامل مع بعض كاننا لسه اول مرة بنحب
ونتجوز علشان كل واحد فينا يحترم مشاعر التانى... اتفقنا"
هزت اسماء راسها موافقة وهى مبتسمة
ورن موبايل هشام... راح يشوف مين
"ده بابا اكيد بيبارك لنا علشان معرفش يحضر"
http://forum.hwaml.com/imgcache2/hwaml.com_1415669233_711.gif
انا ونادية قاعدين فى المطبخ
جنى ماسكة علبة عصير وقاعدة على كرسى
"قومى يانادية نطلع نقعد بره انا خلصت كل حاجة"
"هى مى هتيجى مع احمد ولا لوحدها"
"معرفش بس احمد بيخلص شغله متاخر وهى بتخلص قبله بكتير...
هتصل بيه اسأله"
وخرجنا كلنا من المطبخ واتصلت باحمد
"ايوه ياحبيبى ازيك... هى مى هتيجى امتى؟؟ وانت؟؟طيب
ياحبيبى متتأخرش"
"قالك ايه ياايمان"
"بيقول الصبح قالها تيجى هى على هنا بعد الشغل وهو لما يخلص هييجى"
قعدنا نستنى المفروض ان مى بتخلص شغلها الساعة 2
الساعة 3 وصل يوسف وهى لسه مجتش
قعدنا نستنى ل 3ونص مجتش
يوسف"هى مى اتاخرت اوى كده ليه... انا قلقت"
ايمان"وهتقلقنى ليه هيكون ايه؟؟تكون مش عايزة تيجى "
نادية"وهى مش هتعوز تيجى ليه"
ايمان"مشفتيش شكلها امبارح كان ازاى...انا هتصل باحمد"
يوسف"لا استنى علشان ميقلقش... احنا نتصل بيها هى"
ايمان"هتصل اشوفها"
واتصلت بيها ردت عليا بعد بعد كذا رنة
"الو... ايوه يامى انتى فين؟؟ عند مامتك؟؟ ازاى عند مامتك مش فيه ناس هنا مستنيينك ولازم تحترميهم... هتيجى ولا لا... خليكى عندك انتى حرة"
قفلت معاها بسرعة وانا بغلى
يوسف"عند مامتها وسايبانا هنا قلقانين"
ايمان"شوف قلة الذوق"
نادية"مش يمكن يكون فيه اى ظرف... اهدى كده بس ياايمان"
ايمان"شكلنا تانى مقلب ناخده واهى اللى كنا بنقول عليها
كويسة طلعت بتتمسكن لحد ما اتمكنت... والله لو احمد
سكت لها على الحركة دى لابهدله"
نادية"واحمد ذنبه ايه تبهدليه...اهدى لما نبقى نعرف السبب"
http://forum.hwaml.com/imgcache2/hwaml.com_1415669233_711.gif
مى بعد ماقفلت مع ايمان
قاعدة عند مامتها وعينيها وارمة من العياط
"انا من امبارح ساكتة ومش عارفة اتكلم ياماما ومش
مصدقة اللى استنتجته"
"مش معقول يامى... اكيد انتى غلطانة"
"مفيش حد غيره يا ماما.... انا متأكدة انه هو... "
ايام عمري
06-19-2015, 06:31 AM
يوميات حماة الجزء التانى الحلقة 2
http://forum.hwaml.com/imgcache2/hwaml.com_1415669233_658.gif
الحلقة 2
انا قاعدة دمى محروق وبغلى من قلة احترام مى لينا
يوسف قال نقوم نتغدا مقدرتش قبل ما افش غلى
واتصلت باحمد
"انت مفيش فايدة فيك ابدا "
"ايه ياماما حصل ايه"
"مراتك اللى سايبانا مستنيين حضرتها وف الاخر نتصل بيها تقول عند امها"
"يمكن حصل حاجة هكلمها افهم منها"
"هيكون حصل ايه يعنى وهى لو فيه حاجة مش كان زمانك عرفت"
"خلاص ياماما متزعليش واهدى بس كده"
"انت ايه البرود اللى انت فيه ده ...انت مش فاهم ان الحركة
دى معناها انها لابتحترمك ولا بتحترمنا... مش هتبطل تبقى
ضعيف الشخصية كده مع اى واحدة تحبها"
"مامااااااا دى مش اى واحدة بحبها دى مراتى"
"حصل لنا الرعب ...المفروض اخاف بقى واحط لسانى
فى بؤى علشان هى مرات حضرتك... يالا ما هو انا اربى
واجوِز وتاخدك ع الجاهز"
http://forum.hwaml.com/imgcache2/hwaml.com_1415669233_658.gif
مقدرتش اكمل كلام اكتر من كده...قفلت ف وشه التليفون
نادية ويوسف ساكتين حاسة كده انهم عايزين يتكلموا ويعارضونى
"اييييييييه مالكم... غلطونى بقى"
يوسف"ياستى احنا خايفين عليكى من العصبية دى"
نادية"بقولك ايه يا ايمان اللى عايز ييجى ييجى واللى مش عايز هو حر"
يوسف"يسلم لسانك يانادية والله... هى حرة"
ايمان"انتوا مش فاهمين هى بتعمل كده ليه... هى من امبارح
قالبة وشها عليه ولما قلت ييجوا النهاردة مجتش البت بتدبحله
القطة من اولها علشان يعيش معاها طول عمره دلدول ويخاف منها"
نادية"مش معقول يعنى ... يمكن بيتهيألك"
ايمان"فسرى طيب اللى حصل"
يوسف"هنتغدا ولا هنفضل فى سيرة الست مى... انا مبتأخرش
كده فى الغدا مش قادر بقى"
ايمان"حاضر معلش يايوسف كله منها"
نادية"بس احمد قالك ايه بعد ده كله"
ايمان"هيقول ايه اهو هتلاقيه هيغلطنى طبعا"
http://forum.hwaml.com/imgcache2/hwaml.com_1415669233_658.gif
مى ومامتها قاعدين
"احكى لى اللى حصل وخلاكى تشكى فى مصطفى"
"امبارح بعد مارجعت م الشغل جه عندى وقعد شوية صغيرين
ونزل كان بيقول انه كان عند واحد صاحبه قريب وقال يطلع
يشوفنى...انا مش عارفة انا يدوب دخلت الحمام 5دقايق
وهو موجود ...معقول اخويا يعمل فيا كده وياخد شبكتى
ياريته اخد دهبى انا انما شبكتى"
"يامى يمكن انتى غلطانة اخوكى مش ممكن يسرقك ابدا"
"محدش جالى ولا دخل بيتى خالص من اسبوع الا هو امبارح"
"هنتصرف ازاى ابوكى لو عرف هيحصله حاجة"
"لازم يعرف ونشوف سرق ليه اصلا ماهو اللى عمل مرة
ممكن يكررها انا اللى مصيبتى مصيبة هقول لاحمد ايه اخويا حرامى"
"اوعى تقوليله انتى عايزة تفضحينا"
ووصل مصطفى.... اول مافتح الباب وشاف مى ارتبك
"مى... انتى هنا... ازيك انا عديت عليكى من شوية ملقيتش حد"
مى قامت وقفت "كنت جاى تاخد ايه المرة دى"
مصطفى بيزعق"اخد ايه يعنى ايه... انتى بتقولى ايه"
الام"كنت عند اختك امبارح ليه"
مصطفى بيزعق "مالكم فى ايه؟؟ وبتكلمونى كده ليه"
الاب وصل وبيفتح الباب وهو داخل
"انتوا بتزعقوا كده ليه"
http://forum.hwaml.com/imgcache2/hwaml.com_1415669233_658.gif
مصطفى"مش عارف انا لسه داخل وهما بيقولوا كلام غريب"
الام"مى شبكتها اتسرقت من بيتها... وبتقول محدش راح لها غير مصطفى"
بص الاب لمصطفى نظرة شك واتهام... وحسرة
مصطفى زعق بصوت اعلى
"محصلش... كذابة"
ودخل بسرعة على اوضته ولمحت مى الدموع فى عينه
مى"انا هتكلم معاه شوية يابابا... خليكم معلش"
دخلت مى وراه الاوضة... لقيته قاعد على طرف سريره وبيعيط
راحت من سكات وقعدت جنبه وهى بتمسح دموعه
"ليه عملت كده يامصطفى"
"معملتش حاجة"
"متنكرش يا مصطفى مفيش غيرك دخل عندى... ياحبيبى لو عندك
مشكلة قولى ده انت اخويا الصغير اللى بحبه واخاف عليه"
مصطفى بيعيط زيادة... طبطبت عليه مى واخدته فى حضنها
"كده يا مصطفى عايز تفضحنى قدام جوزى واهله انت لو محتاج
فلوس هو بابا وماما بيبخلوا عليك فى حاجة"
قام مصطفى وقف وفتح زرار قميصه اللى عند البطن
وخرج كيس بلاستيك صغير ملفوف كان حاطه فى هدومه
"خدى يا مى والله العظيم لسه جاى من عندك كنت هرجعها تانى"
الكيس كان فيه الشبكة...اخدتها مى
"ليه يا مصطفى... اخدتها ليه"
http://forum.hwaml.com/imgcache2/hwaml.com_1415669233_658.gif
"كنت عايز فلوس ودى اللى جت على بالى بس خفت عليكى
ومقدرتش اتصرف فيها ومبعتش منها حاجة والله"
"انا عايزة افهم ليه... انت من ساعة مادخلت الجامعة وانت اتغيرت
السنة اللى فاتت دى كلها كنت ملاحظة انك متغير بس قلت اهو
خرج من جو ثانوية عامة وعايز يحس بجو الجامعة والحرية...
متخبيش عليا وقولى انت بتشرب حاجة"
دور وشه بعيد عنها "حاجة؟؟ حاجة ايه لا طبعا"
"يا مصطفى متخبيش عليا ومتضيعش مستقبلك انت لسه صغير
ولو بتشرب حاجة ممكن تتعالج وتتلحق ... علشان خاطرى وخاطر
ماما وبابا متضيعش مستقبلك بايدك... متخافش هنساعدك بس صارحنى"
وعيط مصطفى بانهيار... انهياره كان كافى لمى انها تفهم انه
بيعترف وندمان... سهِل عليها كتير
http://forum.hwaml.com/imgcache2/hwaml.com_1415669233_658.gif
"مش هسيبك يا مصطفى والله وكلنا هنقف جنبك لحد ماترجع
طبيعى تانى بس قولى بتشرب ايه ومن امتى وعايز تتعالج ولا لا"
"عايز اتعالج ونفسى ابطل مش قادر وامبارح طول الليل منمتش
من احساسى بالذنب والندم انى سرقت وقلت كده خلاص
مستقبلى ضاع علشان كده قررت مظلمكيش معايا وارجعلك حاجتك"
"يعنى عايز تتعالج"
"ياريت... انا مكنش عندى الشجاعة انى اقول لماما وبابا
وف نفس الوقت مش قادر ابطل"
"انت بتشرب ايه ومن امتى"
"من بعد الثانوية العامة بالظبط يوم النتيجة... وبدات
ببانجو ووصلت للماكس"
"يعنى بقالك سنة بالظبط... وازاى كل التطور ده يحصل
وتوصل للحقن يا مصطفى"
"ابوس ايدك يامى مش ناقص لوم انا بلوم نفسى كفاية"
سمعوا صوت جرس الباب... والام بتقول اهلا يااحمد
بصت مى فى ساعتها... مش معاده
"ادخل اغسل وشك... وانا اللى هتكلم مع بابا وماما بس لوحدنا"
http://forum.hwaml.com/imgcache2/hwaml.com_1415669233_658.gif
خرجت مى من اوضة مصطفى
الجو العام مكهرب الاب والام مصدومين فى ابنهم الوحيد
ومش متوقع ان احمد ييجى فى الوقت ده
مى"اهلا يااحمد...خير ايه اللى جابك دلوقتى"
وانفجر فيها احمد
"شوفى تليفونك فيه كام ميسد وانتى هتعرفى ايه اللى
جابنى...مبترديش على تليفونك ليه"
الاب اتفاجئ باحمد بيزعق... والام ساكتة مش عارفة تكلم مين
مى ارتبكت وجريت على شنطتها وشافت الموبايل
"ايه ده؟؟ 20 ميسد ليه... اااااه ياربى كنت عاملاه فيبريشن"
"وتعمليه ليه زفت وافضل انا مش عارف انتى فين ولا حصلك ايه"
الاب"اهدا يااحمد ووطى صوتك شوية ميصحش كده"
احمد"انا اسف ياعمى بس اعصابى باظت خالص... يالا يامى"
مى"يالا فين"
احمد"احنا مش كنا متفقين انك هترجعى من الشغل على ماما ...
هما هناك مستنييك وانتى جيتى هنا من غير ماتقوليلى"
الاب"وهى هنا عند حد غريب"
احمد"وهو يصح من غير مااعرف واهلى مستنيينها"
الاب"حصل خير"
"لقيتى الشبكة"
"اه كانت فى شنطتى وانا اللى نسيت مكانها"
احمد ل مى" طيب يالا"
مى"معلش يااحمد انا هستنى شوية هنا وهبقى ارجع البيت بالليل"
احمد"ليه ان شاءالله"
مى"اصل ماما تعبانة وهروح معاها للدكتور"
الام والاب بصوا لبعض مش فاهمين حاجة
احمد"طيب تعالى نروح لماما الاول وبعدين ارجعى على مامتك
وروحى معاها... او لو ممكن مصطفى ولا عمى يروح معاها "
مى"لازم انا ... معلش يااحمد"
احمد بنرفزة"خليكى بقى براحتك وانا رايح عند ماما ولما تبقى
تخلصى برامجك اللى بتحطيها من غير اى اعتبار لوجودى ابقى ارجع"
وراح احمد ع الباب وفتح الباب ونزل وكلهم بينادوا عليه
http://forum.hwaml.com/imgcache2/hwaml.com_1415669233_658.gif
الاب"انتى غلطانة غلطانة ومش عارف انتى ازاى بتتصرفى كده"
الام"يابنتى انتى بقالك شهر متجوزة الناس تقول ايه مش
بتعمر فى جواز اكتر من شهر"
الاب"ايه الكلام ده وهو احمد زى الزفت الاولانى"
الام"مش شايف داخل يزعق ازاى"
الاب"وبنتك مش غلطانة انها تيجى من غير مايعرف ... والمصيبة
التانية اللى احنا فيها اخوكى سرقك صحيح"
مى"انا عايزاكم تهدوا وهحكيلكم على كل حاجة"
http://forum.hwaml.com/imgcache2/hwaml.com_1415669233_658.gif
انا لسه يدوب بقعد بعد ما اتغدينا وكانت نادية بتنيم جنى
ويوسف نايم ... لقيت احمد بيفتح وداخل
فرحت طبعا انه جه بس مبينتش
دخل وقعد جنبى... حط ايده على كتفى وباسنى
"متزعليش ياماما"
"يابنى انا خايفة عليك ... انا مش عايزة تبقى راجل منظر
بس كده ومراتك هى اللى ممشياك"
"معاكى حق ياماما وانا مسكتلهاش علشانك"
فرحت اكتر ان ابنى بيعملى حساب
"عملت ايه"
"روحت بيت ابوها وشدينا شوية مع بعض وسيبتها وجيت
هقعد هنا كام يوم"
"تستاهل خليها تعرف قيمتك... شكلك جعان هقوم احضرلك الغدا"
"مليش نفس والله ياماما"
"ولا تضايق نفسك ... عارف انت كده بتحط حدود من اول
حياتكم وهى كده بقى يا تتعدل يا بناقص من اللى مش هتريحك"
ايام عمري
06-19-2015, 11:05 PM
يوميات حماة الجزء الثانى الحلقة 3
http://forum.hwaml.com/imgcache2/hwaml.com_1409503284_591.gif
الحلقة 3
فى بيت اهل مى
الاب"معقول ابنى يطلع منه كل ده"
الام بتعيط بس...مى جنبها بتطبطب عليها
مى"اهم حاجة يابابا انه عايز يتعالج ودى خطوة مهمة..
شوفوا بقالنا قد ايه بنتكلم وهو مخرجش من اوضته علشان
حاسس بالذنب... احنا لازم نقف جنبه ونساعده مش نلومه
ونسيبه يرجع للى كان فيه"
الاب"طبعا طبعا والحمدلله اننا فى اجازة يعنى مش
هيأثر على دراسته"
مى"حتى يابابا لو كنا فىدراسة وتضيع منه سنة ارحم
مايضيع مستقبله كله... مصطفى ان شاءالله هيبقى كويس"
الام"وهتعملى ايه مع احمد"
مى "مش عارفة"
الاب"احنا اتلبخنا بحكاية مصطفى ... بس برضه انتى غلطانة"
الام"غلطانة ايه انت كنت عايزها تقوله وتفضحنا"
مى"مينفعش اقوله حاجة يابابا... احمد ممكن يقول لمامته
ومامته هتقول لباباه وهيقولوا لاخته وتبقى اسرارنا كده على الملأ"
الام"طيب باباكى يكلمه"
مى"انا مش شايفة داعى انه يكبر المواضيع كده احنا كعيلة من
حقنا يبقى لينا اسرارنا وخصوصياتنا... هتصل بيه"
وقامت مى تتصل بأحمد
http://forum.hwaml.com/imgcache2/hwaml.com_1409503284_591.gif
انا قاعدة مع احمد وهو بيتغدا
وبفتكر لما كنت بأكله وهو صغير
ماشاءالله بقى راجل زى الفل
انا فرحانة اوى انه هيقعد معانا وخصوصا ان اسماء كمان مشيت
من البيت وانا مش متعودة يبقى ولادى الاتنين مش موجوين
لما احمد كان مسافر اسماء كانت معايا
ولما اسماء كانت متجوزة كان احمد فى البيت معايا
رن موبايل احمد
"خليك انت كمل اكلك وانا هجيبهولك"
قمت اجيب الموبايل لاحمد... بصيت لقيت مكتوب حبيبتى
حبيبة ايه وزفتة ايه... ما يكتب اسمها على طول هو لازم السهوكة
دى... روحت اديله التليفون
"خد تلاقيها عايزة تضحك عليك بكلمتين... خليك راجل وناشف معاها"
الواد اخد منى التليفون بلهفة كأنه ما صدق انها اتصلت
"الو... نعم... هنا عند ماما ... لا هبات هنا"
الكلام مفهوم طبعا شكلها بتصالحه ايوه كده اهى اتقرصت...
وابنى جدع بيقولها انه قاعد هنا... ايه ده الواد اتلخبط كده ليه؟؟
ابن الايه قام يتكلم فى البلكونة علشان مسمعش
انا هموت واعرف بتقوله ايه؟ وانا عارفة احمد مش هيحكى لى
اعمل ايه... اروح اسمع بيقولوا ايه؟؟
لالالا عيب ياايمان بعد العمر ده هتتصنتى
الغسييييل... لازم ألم الغسيل اللى ع الحبل...
وبالمرة اعرف بيقولها ايه؟
دخلت البلكونة ألم الغسيل.... الواد بيضحك
بيضحك على خيبته التقيلة ... البت ضحكت عليه بكلمتين
"ماشى ... اتفقنا... سلام"
"ادخل كمل اكلك"
"حاضر"
"ايه قالتلك ايه"
http://forum.hwaml.com/imgcache2/hwaml.com_1409503284_591.gif
قالتلى ان مامتها تعبت فجأة ومفكرتش غير انها تروح لمامتها
وهى جاية كمان شوية علشان تعتذرلك انتى وبابا...
ماما علشان خاطرى عديها"
"وانا يعنى هعملها ايه... هطردها"
"لا انا عارف انك مش هتطرديها بس بلاش انفعالك اللى كلنا
عارفينه... هى حست بغلطها وخلاص"
"علشان خاطرك بس"
احمد فرحان اخد ايدى باسها... وكان تليفون البيت بيرن
رد احمد
"اسماء حبيبتى... اخبارك ايه؟؟ وهشام اخباره ايه؟... احنا كويسين
وجنى وطنط نادية نايمين ... خدى ماما معاكى اهى"
اخدت منه التليفون وكلمت اسماء ... واضح انها فرحانة وهشام
كويس معاها... اتصلوا سألوا على جنى علشان وحشتهم
وقلت لهم لما نادية تصحى هتتصل بيهم
http://forum.hwaml.com/imgcache2/hwaml.com_1409503284_591.gif
الاسبوع اللى كانت نادية هنا فيه جرى بسرعة اوى
دلوقتى مفيش غير انا ويوسف بس
يااااه البيت وحش اوى من غير ولادى
انا لازم اخليهم ييجوا كل اسبوع علشان محسش بالفراغ ده
يوسف كمان اتغير ... بقى بينام كتير اوى
يا نايم يااما بره وانا زهقت... ده انا بقيت باكل لوحدى
http://forum.hwaml.com/imgcache2/hwaml.com_1409503284_591.gif
الايام والشهور بتعدى بسرعة فات 3 شهور على جواز اسماء
افففف الزهق ده وحش اوى... اقوم اصحى يوسف ننزل نجيب
حاجات من اللى ناقصة فى البيت... عمر البيت ماكان بيبقى
فاضى زى الايام دى من قلة نزول يوسف... دخلت اصحيه
"يوسف... يوووووووسف"
مبيردش ليه
"يا يووووووووووووووووسف"
رد بصوت نايم
"ايه ياايمان "
"قوم يايوسف البيت مفيهوش حاجة وعايزة اجيب اكل "
"مش قادر اقوم عايز انام"
"انت مزهقتش نوم"
ملحقتش اكمل... نام تانى
مفيش غير احمد... اتصلت باحمد
"ازيك يااحمد... انت فين دلوقتى... عايزة انزل اجيب شوية
حاجات للبيت... لا باباك نايم وانا مش قادرة امشى كنت
عايزاك تيجى تاخدنى بالعربية... امتى؟؟ طيب هكون جاهزة الساعة 12"
http://forum.hwaml.com/imgcache2/hwaml.com_1409503284_591.gif
فى بيت نادية
"مالك يااسماء من امبارح وانتى مش طبيعية شكلك تعبانة"
"اه ياطنط تعبانة اوى"
"مالك حاسة بايه"
"حاسة انى دايخة وعايزة انام... مش قادرة ارفع دماغى"
وابتسمت نادية
"يمكن حمل يااسماء"
ابتسمت اسماء بفرحة
"يارب"
"طيب قومى نروح المعمل اللى فى الشارع اللى ورانا وتحللى ونشوف"
"خايف اقع من طولى ياطنط ... مش قادرة اقوم"
"نستنى هشام لما ييجى واقعد انا بجنى وتروحوا انتوا"
"ماشى ياطنط"
http://forum.hwaml.com/imgcache2/hwaml.com_1409503284_591.gif
احمد جه اخدنى وروحنا نشترى حاجات مع بعض
انا بشترى للبيت وهو بيشترى لبيته
خلصنا كل اللى احنا عايزينه ... وهو بيوصلنى
رن موبايله
"الو... ايوه يامى... هتتأخرى لحد امتى يعنى.. انا كنت جاى
بدرى النهاردة بس بدل هتتأخرى هعطل نفسى لحد ماترجعى ... سلام"
"ايه مراتك رايحة فين المرة دى كمان"
"مفيش ياماما بتقول مشوار وهترجع ع البيت"
"طيب تعالى اطلع اتغدا معايا"
"ده انا ناسى انى جايب حاجات للبيت معايا انا هروح على
البيت بالعربية وابقى اجيبهالكم بالليل"
"ولا حتى متجيبهاش هو يعنى ابوك بينزل ولا بيقوم من النوم"
"مبيقومش من النوم يعنى ايه"
"على طول نايم وبقاله فترة لا بياكل ولا بيشرب "
"ايه ده ياماما وساكتة ليه وسايباه... لازم يكشف ليكون تعبان"
"بعد الشر"
"ماهو علشان نطمن يبقى يكشف"
"طيب هقوله"
وصلنى احمد لحد باب الشقة ونزل... دخلت على يوسف
لقيته لسه نايم زى ماهو
http://forum.hwaml.com/imgcache2/hwaml.com_1409503284_591.gif
احمد وصل البيت وبدأ يحط الحاجات اللى جايبها فى المطبخ
دخل الحمام وغير هدومه ومدد ع السرير بيحاول ينام
كان نايم صاحى لما سمع صوت الباب بيتفتح ومى بتدخل
مى كانت بتتكلم... صوتها بتتكلم فى الموبايل
قام بهدوء يقابلها... سمعها بتقول
"وحشتنى اوى ... هشوفك ان شاءالله طبعا بس بلاش تتصل
بيا غير قبل الساعة 2 علشان احمد ميلاحظش حاجة... ايوه
انت رن عليا وانا لو فيه فرصة هتصل بيك على طول...
مع السلامة ياحبيبى"
رجع احمد تانى بسرعة قبل ماتشوفه... عمل نفسه نايم
دخلت مى الاوضة اتفاجئت بوجود احمد... وبصت عليه تتأكد
انه نايم ومسمعهاش
غيرت هدومها ودخلت الحمام
قام احمد يتسحب مسك موبايلها... شاف رقم مكرر كتير كله فى
الاتصال الصادر... كل يوم او كل يومين والمواعيد كلها يااما الصبح
قبل 2 يااما فى اول الليل لما بيكون لسه احمد فى الشغل
http://forum.hwaml.com/imgcache2/hwaml.com_1409503284_591.gif
سمع صوت الدش... فكر بسرعة
اتصل بالرقم من موبايله
"الو... اسامة معايا"
"الو.. اسامة مين النمرة غلط"
"غلط ازاى اسامة مدينى الرقم ده من يومين"
"مفيش اسامة ياسيدى الرقم ده بتاعى من سنين وانا اسمى
يحيى مش اسامة"
"انا اسف يمكن غلطت وانا بتصل"
"حصل خير..شكرا"
وقف احمد مش مصدق... مى بتكلم مين
ده حد غريب لا من قرايبها ولا من قرايبه
معقول تكون بتخونى؟؟
خرجت مى من الحمام...شافت احمد
"احمد حبيبى"
قربت منه تحضنه...حس احمد انها بتزود الحنان علشان خيانتها
"كنتى فين"
"كنت بتأكد علشان اعملك مفاجأة... انا حامل يااحمد"
ايام عمري
06-20-2015, 01:33 PM
فعلا في تطورات كثيرة هتكون بلقصة
اكيد رح نتعرف عليها من خلال الحلقات الجديدة
نورتيني بلبل
ههههههههههه
الحماة شكلها زى نبيله
يسلموووو ايدك ايام عمرى
ايام عمري
06-21-2015, 11:20 AM
هههههههههههه شهد
الله يسلمك يارب
خلتيني اتخيل نبيلة البطلة
ههههههههههههه
منورة يا قمر
ايام عمري
06-21-2015, 11:26 AM
يوميات حماة الجزء التانى الحلقة 4
http://investigate-islam.com/fwasel/15.gif (http://www.shatharat.net/vb/showthread.php?t=12227)
الحلقة 4
احمد واقف مكانه ومفيش اى رد فعل على وشه
"احمد يا حبيبى انت مش فرحان"
احمد مكشر"انتى كنتى بتكلمى مين وانتى داخلة"
مى بترد بتلقائية"كنت بكلم مصطفى"
صرخ فيها"كذاااابة"
اتصدمت مى من رد فعله
"وهكذب ليه... انا فعلا كنت بكلم مصطفى"
هجم على موبايلها وجاب اخر رقم
"ده مش رقم مصطفى انا اتصلت ولقيته واحد تانى"
مى بتعيط
"انا مش مصدقة... انت بتشك فيا"
"بقولك ايه اوعى تكونى فاكرة هتأثر بدموعك دى"
"يعنى ايه"
http://investigate-islam.com/fwasel/15.gif (http://www.shatharat.net/vb/showthread.php?t=12227)
"يعنى قوليلى بتعرفى فين وتكلميه من ورايا"
مى افتكرت كل احداث اخر ليلة فى جوازها السابق
لما جالها مكالمة على الموبايل وكان الرقم غلط ساعتها جوزها
مصدقهاش وقالها انتى تعرفى حد وقعد يضرب فيها وهى لما
فاض بيها وردت عليه وقالتله انه مريض نفسى قام جن جنونه
وجاب حبل الغسيل وربطها على الكرسى طول الليل وكل شوية
يكب عليها مياه ويقولها قولى انتى تعرفى مين وهو كل اعتقاده
انها تعرف حد فعلا وطول الليل على ده الحال لحد الصبح
كل الاحداث دى بتمر قصاد عين مى... ومش سامعة احمد
اللى واقف يزعق... شافت خيال احمد
قبل ما يغمى عليها
http://investigate-islam.com/fwasel/15.gif (http://www.shatharat.net/vb/showthread.php?t=12227)
لما هشام رجع من شغله
نادية"قبل ماتغير هدومك ياهشام اسماء تعبانة وخدها تحلل حمل"
هشام بفرحة"حمل؟"
نادية"ان شاءالله بس نتأكد... انا كنت هاخدها بس هى مقدرتش
تنزل معايا فقلنا نستناك"
دخل لها هشام... ساعدها وهى بتلبس وسندت عليه لانها كل
ما بتقف بتدوخ وراحوا للمعمل
النتيجة كانت بعد نص ساعة وقعدوا يستنوها
http://investigate-islam.com/fwasel/15.gif (http://www.shatharat.net/vb/showthread.php?t=12227)
لما رجعت ع البيت كان يوسف لسه نايم
دخلت الحاجة على المطبخ وروحت ليوسف
فتحت الشباك على الاخر وصرخت فيه
"قوم بقى يا يووووووسف مش معقول كده انا طول اليوم لوحدى"
فتح يوسف عينيه ببطء
"مالك ياايمان ...الساعة كام"
"الساعة داخلة على 4 العصر وانت لسه نايم"
"جسمى مكسر"
"قوم كده وبلاش كسل...حتى علشان تقعد معايا شوية انا خلاص
هكلم الحيطان"
"حاضر حاضر... متزعقيش بس والنبى لاحسن مصدع"
انا فعلا كنت بزعق... مخدتش بالى...يوسف شكله تعبان فعلا ده
طول عمره كان نشيط ومش بيحب قعدة البيت... صعب عليا
روحت اساعده يقوم
"انت تعبان يايوسف"
"شوية بس متقلقيش"
http://investigate-islam.com/fwasel/15.gif (http://www.shatharat.net/vb/showthread.php?t=12227)
"مقلقش ازاى... قوم اغسل وشك كده وانا هعملك لقمة سريعة انا
"مش قادر اكل ياايمان والله شبعان"
"لا كده مينفعش بقى احنا لازم نروح لدكتور... انا هتصل باحمد يبقى
يعدى علينا بالليل علشان العربية معاه "
"مش مهم النهاردة خليها اى يوم تانى"
"لا انت تعبان ومش هنستنى"
"طيب اللى يريحك"
رن موبايلى... روحت اشوف مين لقيت اسماء
"ازيك ياحبيبتى... متصلتيش ع البيت ليه... بتقولى ايه ؟ بجد...
الف الف مبروك ربنا يكملك على خير... بقولك ايه خلى بالك
من صحتك ولا اقولك تعالى اقعدى معايا يومين... لا مش قلقانة
انا عارفة ان نادية معاكى بس عايزة اطمن عليكى اكتر... هجيلك
طبعا بس باباكى تعبان شوية وهتصل باحمد يودينا للدكتور
بالليل... لو خلصنا بدرى هجيلكم... مع السلامة ...سلمى
على هشام وباركيله"
جريت على يوسف وهو خارج من الحمام
"يوسف... اسماء حامل"
"بجد ...ع البركة"
"ياااه تصدق فرحة تانية خالص غير المرة اللى فاتت ربنا يكملها على خير"
"يارب"
"هتصل باحمد بقى اقوله ييجي ياخدنا"
http://investigate-islam.com/fwasel/15.gif (http://www.shatharat.net/vb/showthread.php?t=12227)
احمد لما شاف مى اغمى عليها... خاف عليها بجد
حاول يفوقها .... لما ما فاقتش اتصل بالاسعاف
فى المستشفى ... كان اتصل بمامتها وباباها اللى وصلوا بسرعة
الاب"مالها مى ايه اللى حصل"
احمد"مفيش كنا بنتكلم وفجأة وقعت مغمى عليها"
الام"وهى فين دلوقتى"
احمد"بيكشفوا عليها وبيعملوا سونار علشان يطمنوا على الجنين"
الام والاب بصوا لاحمد باستغراب
"هى حامل؟؟"
احمد"كانت لسه راجعة من الشغل وقالت انها لسه عارفة
من شوية... هو مصطفى مجاش معاكم ليه"
ارتبكوا الاتنين... وحاولوا ميردوش
احمد"هو رقمه اتغير؟؟...انا حاولت اكلمه تليفونه مقفول"
الاب"هو تعبان شوية وبيتعالج"
احمد"تعبان ماله؟؟؟وبيتعالج فين"
الاب"مفيش عنده بس ازمة نفسية ودخل مصحة وهيخرج الاسبوع
الجاى ان شاءالله"
احمد"هو بيتصل بيكم او بتكلموه يعنى"
الام"انت سايبنا مش فاهمين حاجة من اللى حصلت لمى وبتسأل
على مصطفى ليه"
احمد"معلش ياطنط ريحيونى بس بيتصل بيكم؟"
الاب"ايوه يااحمد بيرن علينا من تليفون اى حد واحنا نتصل بيه
حسب الوقت اللى يناسبه هناك"
http://investigate-islam.com/fwasel/15.gif (http://www.shatharat.net/vb/showthread.php?t=12227)
فهم احمد ان مى مكذبتش... ومى مش بتخونه
اكيد يحيي ده حد فى المصحة ...
خرجت مى من اوضة الكشف... على رجليها بس كانت فيه ممرضة ماسكاها
جرى مامتها وباباها عليها سندوها لحد الاوضة اللى شاورت عليها الممرضة
اول ما عينها جت فى عين احمد ..نزلت دموعها
احمد اول حاجة عملها دخل للدكتور وسأله عن الجنين
"متقلقش الجنين بخير بس هى انفعلت شوية ودى اغماءة بسيطة
يعنى شوية وتاخدها بعد المحلول ما يخلص"
راح احمد على الاوضة اللى فيها مى...شاف الممرضة بتعلق لها
محلول...ومامتها وباباها ساكتين وهى ساكتة بس دموعها نازلة
خرج احمد بهدوء... واتصل على رقم يحيى
"الو.. لو سمحت الرقم ده رن عليا من شوية"
"مش انت اللى اتصلت بيا من شوية وقلتلك النمرة غلط"
"معلش هو انا بس قريت الاسم غلط مش انت يحيى اللى بتشتغل ف..."
وسكت احمد علشان يحيي يرد
"فى مستشفى الدكتور فارس"
"ايوه ايوه افتكرت... شكرا شكرا"
"حضرتك عايز ايه؟؟"
وقفل احمد تليفونه بسرعة لانه معندوش كلام تانى يقوله
رن موبايله فكر انه اكيد يحيي بيسأل تانى عايز منه ايه
بقى الاتصال من ايمان
"الو..."
"ازيك يااحمد"
"الحمدلله ياماما... مالك"
http://investigate-islam.com/fwasel/15.gif (http://www.shatharat.net/vb/showthread.php?t=12227)
"لا ياحبيبى مفيش بس كنت عايزاك تيجى تاخدنا انا وباباك
النهاردة تودينا للدكتور"
"خير مالك"
"مش انت اللى قلتلى لازم نطمن على يوسف"
"ايوه ايوه بس معلش ياماما خليها بكرة"
"ليه بقى ان شاءالله"
"اصل انا دلوقتى فى المستشفى مع مى"
"وهى مى اهم من ابوك"
"الاتنين مهمين ياماما بس مى تعبانة وفى المستشفى ومش
هينفع اسيبها... شوفى اسماء طيب تروح معاكى وهشام يوصلكم"
"اسماء حامل ومش عايزة اتعبها"
"بجد... ومى كمان حامل"
"طيب مبروك بس هى يعنى علشان حامل لازم تقعد جنبها"
"ماما معلش انا بجد مش قادر للجدال ده والله فيا اللى مكفينى"
"فيك ايه ياحبيبى مالك"
"مفيش بس يعنى القلق والمستشفى وكده "
"بقولك ايه تلاقيها شافتك ملهوف عليها عملت شويتين علشان
بس تهتم بيها ماتخافش كل الستات بتحمل وتولد عادى مش
اول واحدة يعنى"
"ماشى ياماما مش هقلق عليها"
"وهتيجى تاخدنا"
"ربنا يسهل...معلش ياماما الدكتور عايزنى هقفل
معاكى دلوقتى"
قفل احمد مع ايمان علشان يدخل ل مى اللى من ساعة ما اغمى
عليها وهما متكلموش خالص
http://investigate-islam.com/fwasel/15.gif (http://www.shatharat.net/vb/showthread.php?t=12227)
وهو لسه داخل الاوضة...قابل باباها خارج وسحبه من دراعه بهدوء على بره
"ايه اللى حصل يااحمد... قولى الحقيقة"
"ماانا قلت الحقيقة وكل اللى حصل"
"انتو اتخانقتوا"
"لا كنا بنتكلم بس"
"متخبيش عليا"
"مش بخبى وهخبى ايه وليه"
"طيب انت مديت ايدك عليها"
"انا؟؟لأ طبعا...هى قالت كده"
"هى كل اللى بتقوله انها عايزة ترجع معانا ومش عايزة
ترجع البيت معاك تانى"
"ليه كل ده"
"معرفش ...هى بتعيط وبتقول لنا لو خايفين عليا وبتحبونى
خدونى معاكم ومش عايزة اشوف احمد"
http://investigate-islam.com/fwasel/15.gif (http://www.shatharat.net/vb/showthread.php?t=12227)
اسماء وهشام بعد ما رجعوا البيت
نادية مستنياهم...واول ما عرفت ان اسماء حامل فرحت اوى
واخدتهم فى حضنها وباركت لهم
نادية"يالا بقى تعالوا اتغدوا وكمان شوية نبقى نروح للدكتور
اللى هتتابعى عنده"
اسماء"ماشى ... انا هقوم ادخل الحمام الاول"
قامت اسماء ...وهى لسه بتدخل الحمام
سمعوها بتصرخ
"هشااااااااااااااااااااام"
جرى هشام ونادية عليها
شافوها واقفة بتصرخ... ودم على الارض
وبتقول بهيستريا وهى بتعيط
"انا بنززززززف"
ايام عمرى
حرمت اتجوز يااختى
شو هالمصايب هههههههههههههه
ايام عمري
06-22-2015, 12:31 PM
ههههههههههههه شهد
ولسا يا قلبي الي جاي اكتر
يلا نشوف حلقة اليوم شو فيها شي جديد
نورتيني شهد
ايام عمري
06-22-2015, 12:34 PM
يوميات حماة الجزء التانى الحلقة 5
.
.
http://forum.hwaml.com/imgcache2/hwaml.com_1415669234_464.gif
الحلقة 5
اسماء بتصرخ وبتعيط
حاول هشام ونادية يهدوها علشان يعرفوا يتصرفوا
هى مش بتهدا وهما اخدوها على المستشفى
http://forum.hwaml.com/imgcache2/hwaml.com_1415669234_464.gif
فى المستشفى واثناء الكشف اتصلت نادية بايمان
هشام واقف قلقان
"متقلقش ياهشام خير ان شاءالله"
"انتى مش متخيلة واحنا راجعين كانت فرحانة بالحمل قد ايه...
كانت هتطير من الفرحة وبتقول ان ربنا عوضها عن المرة اللى فاتت"
"ان شاءالله ميكونش حصل حاجة"
"ازاى ياماما مشفتيش كانت بتنزف ازاى"
"ربنا يستر"
خرجت الممرضة...
سألوها على اسماء
"هتدخل العمليات علشان الدكتور يعملها تنضيف بعد الاجهاض"
هشام اخد الكلمة... وسكت
فهمت نادية انه زعل... قربت عليه طبطبت على كتفه
"متزعلش يا هشام ربنا يعوضكم خير"
فى نفس اللحظة اللى وصلت فيها ايمان ويوسف
http://forum.hwaml.com/imgcache2/hwaml.com_1415669234_464.gif
وصلت المستشفى انا ويوسف بعد ماكلمة هشام بحاجة بسيطة
اول ما وصلت... شفت نادية بتطبطب على هشام وبيتكلموا
بنتى فين؟؟ هما سايبينها تعبانة وواقفين يتكلموا
وبعدين نادية اللى فاكراها بتخاف على اسماء كأنها انا
واقفة تطبطب على ابنها اللى واقف سليم وبنتى اللى تعبانة سايبينها
"فين اسماء"
نادية"هيدخلوها العمليات"
دخلت بسرعة على بنتى وهما ويوسف ورايا
اسماء بتعيط
"شفتى ياماما... ملحقتش افرح"
شكلها اتغير بسرعة كده لونها مخطوف ووشها اصفر
قلبى وجعنى على بنتى ... يارب نجيها
"معلش ياحبيبتى المهم انك تقومى بالسلامة"
يوسف"معلش يااسماء كل اللى ربنا يجيبه خير"
هشام"متزعليش يااسماء... ربنا يعوضنا ان شاءالله"
بصيت لهشام وانا متغاظة منه... هو ماسك بنته فى ايده
ويقول لاسماء ربنا يعوضنا... طبعا هو مخلف قبل كده هيعرف
منين احساس اسماء اللى تانى مرة بتسقط
دخلت اسماء العمليات...ولانها كانت فى الاول مطولتش كتير
واحنا قاعدين فى الاوضة وهى نايمة
يوسف وهشام نزلوا... يوسف مش قادر يقعد وهشام راح يوصله
ويجيب ادوية لاسماء
http://forum.hwaml.com/imgcache2/hwaml.com_1415669234_464.gif
لقيت نادية عمالة تجيب فى عصير لجنى وتكلمها وتهزر معاها
وقال ايه بتسألنى مالك قالبة وشك ليه.. رديت بسرعة مفيش
"هو انا معرفكيش ياايمان...شكلك باين حد مزعلك"
"انتى مش شايفة ان بنتى نايمة فى مستشفى قدامى"
"بس الحمدلله هى كويسة والدكتور طمنا وقال هتخرج كمان
وشوية وممكن بكرة تبقى كويسة وتقوم وتبقى طبيعية"
"صحيح ماهى لو بنتك مكنتيش قلتى كده"
"اخص عليكى ياايمان وهى اسماء مش بنتى"
"انتى لو خايفة عليها صحيح مكنتيش تقفى تتكلمى مع ابنك
وتطبطبى عليه وسايبة بنتى لوحدها فى اوضة الكشف... مع
ان ابنك معاه بنته ربنا يخليهاله انما بنتى مبتلحقش تفرح"
قامت نادية
"انا عارفة انك متوترة واعصابك تعبانة علشان اسماء بس مكنتش
اتصور انك تعاملينى زى الغُرب وتفضلى تقولى بنتى وابنك"
واخدت جنى وخرجت
هى زعلانة ليه ... علشان صارحتها باللى شفته
وبعدين مين اللى المفروض يزعل انا علشان مهتمتش باسماء
ولا هى علشان كلمتين قلتهم... وهو انا بتجنى عليها مش دى الحقيقة
واحمد ده كمان مش ييجى يشوف اخته وهو قاعد جنب مراته كده
هتصل بيه ييجى بدل ماانا لوحدى
http://forum.hwaml.com/imgcache2/hwaml.com_1415669234_464.gif
احمد استغرب من كلام حماه
"تيجى معاكم ليه؟؟ هو حصل ايه علشان كده"
"انا اعرف منين "
"لا طبعا انا مينفعش اسيبها تروح معاكم وهى زعلانة منى هى
ترجع على بيتها معززة مكرمة"
وراح احمد على اوضة مى... وباباها وراه
شافها لسه بتعيط وبتدور وشها لما شافته
راح جنبها... ومسك ايدها وهو بيبوس راسها
"الحمدلله انك بقيتى كويسة... هنتكلم مع لعض لما نروح بيتنا"
بصت له مى ...نظراتها كلها لوم وعتاب
"متزعليش منى ... لما نروح هنتكلم وهتفهمينى"
ابتسم لها وهو مستنى منها موافقتها انها تروح معاه
هزت راسها موافقة
الام"هتروحى وانتى تعبانة كده"
الاب"سيبيهم يروحوا بيتهم ولو مى تعبانة ابقى روحيلها بكرة"
احمد"تنورينا ياطنط... بس مى فى عينيا وانا هاخد اجازة بكرة
واقعد معاها"
رن موبايل احمد... شاف رقم مامته..قلق
"الو... ايه؟؟ مستشفى... احنا كمان لسه فى المستشفى..
واسماء عاملة ايه دلوقتى... هحاول اجى اشوفها طبعا... مع السلامة"
بصت مى لاحمد
"مالها اسماء"
http://forum.hwaml.com/imgcache2/hwaml.com_1415669234_464.gif
"ماما كلمتنى من شوية وقالت ان اسماء حامل... سقطت دلوقتى"
ام مى"الف سلامة عليها ربنا يقومها بالسلامة"
احمد"طنط معلش ترجعى معانا علشان بس اعدى اطمن على
اسماء وابقى ارجع لمى بسرعة"
مى"انا بقيت احسن الحمدلله وجاية معاك"
احمد"لا ارتاحى انتى"
مى"والله بقيت احسن... والمحلول قرب يخلص اهو وانت معاك
العربية يعنى مفيش تعب ولا حاجة"
فرح احمد ان مى بقت طبيعية معاه...هو عارفها كويس قلبها
ابيض وبتحبه...حس بالذنب من شكه فيها وعاهد نفسه ان
عمره ما هيزعلها تانى
http://forum.hwaml.com/imgcache2/hwaml.com_1415669234_464.gif
لما رجع هشام شاف نادية قاعدة بجنى بره الاوضة... وانا قاعدة
مع اسماء... هشام ملاحظ ان نادية مش عايزة تدخل
"هو فيه ايه يا طنط"
"مفيش... خليك مع اسماء وانا رايحة لنادية"
روحت لنادية وهى عملت نفسها مش مهتمة انى جيت جنبها
"انتى دلوقتى زعلانة منى ليه"
"شوفى كلامك ياايمان وهتعرفى انا ليا حق ازعل ولا لا"
"وانا يعنى مش معذورة فى خضتى على اسماء"
"لا ملكيش حق تغلطى فيا وتتهمينى انى مقصرة مع اسماء"
"هو انا ليا غيرك لما هتزعلى منى"
"انا مبقدرش ازعل منك وانتى عارفة بس كلامك ضايقنى
فوق ماتتصورى"
"خلاص بقى يانادية متسوقيش فيها"
"لولا انى عارفة ان قلبك ابيض وان لسانك هو اللى بيسبق
تفكيرك كنت زعلت منك ومكلمتكيش تانى"
"الله يسامحك"
http://forum.hwaml.com/imgcache2/hwaml.com_1415669234_464.gif
ضحكت معاها اصل انا فعلا لسانى بيسبق تفكيرى وانا عارفة
ويمكن اكون زودت الحكاية شوية
بس انا عارفة نادية عارفانى وفاهمانى كويس واكيد عارفة انى
مقصدش ازعلها
خرج هشام من الاوضة
"انتوا قاعدين هنا ليه... اسماء بتسأل عليكى ياطنط"
قمنا دخلنا... اسماء مبتكلمش حد الا انا
ياترى ليه؟؟يكون حصل حاجة انا معرفهاش
دى حتى بتتجنب تبص لهم
وانا بفكر كده... سمعت صوت حبيبى
"السلام عليكم... الف سلامة عليكى يا اسماء"
احمد جه ومعاه مى... البنت شكلها متغير وباين عليها التعب فعلا
احمد سلم على الموجودين... ومى سلمت عليا وباستنى الاول
قبل ماتسلم على كل الموجودين
مى"سلامتك يااسماء.. ربنا يعوضك خير ان شاءالله"
ايمان"الله يسلمك ياحبيبتى... وربنا يكملك على خير يارب"
انا بدعى لها من قلبى... انا فعلا فرحانة بحملها
وانا فى ده اليوم اللى هيجيلى فيه اول حفيد
لقيت اسماء بتسأل
"هى مى حامل"
http://forum.hwaml.com/imgcache2/hwaml.com_1415669234_464.gif
احمد"اه ياحبيبتى عقبالك"
هشام ونادية"مبروك يااحمد...مبروك يا مى"
ايمان"مالك يامى وشك اصفر ليه كده وكنتى فى المستشفى ليه"
مى"بصت لاحمد ودمعت"مفيش ياماما... تعبت بس شوية... فين الحمام؟؟"
قامت مى تروح الحمام بعد ما وصفته لها نادية
احمد قاعد بس انا حاسة انه مشغول
ناديت عليه"قوم يااحمد عايزاك "
واخدته وطلعنا بره"مالك انت ومى "
"مفيش ياماما"
"لا شكلها باين وبعدين فهمنى كنتم فى المستشفى ليه لما
هى كويسة اهى"
"يعنى شدينا فى الكلام كده هى انفعلت وافتكرت اللى حصل
لها واغمى عليها وفى المستشفى طمنونى وبقت كويسة"
"وشديتوا ليه؟؟ايه اللى حصل علشان توصل لانها تنفعل كده
وهى حامل والتوتر والانفعال خطر عليها"
"اصل... اصل انا ... يعنى..."
"اصل ايه ماتتكلم على طول"
"شكيت فيها... كانت بتكلم اخوها وانا اتهمتها انها بتكلم حد تانى"
"تصدق انت معندكش دم... وهو انت معندكش ثقة فى نفسك
ولا فى مراتك علشان تشك فيها"
"ايه ياماما انتى بتشتمينى علشان مى؟؟"
"اه اشتمك واضربك بالجزمة كمان علشان مبقطيقش الراجل الشكاك"
"مش شك ياماما ...غصب عنى"
"ليه انت اتأكدت انها مش كويسة"
"لا طبعا كويسة"
http://forum.hwaml.com/imgcache2/hwaml.com_1415669234_464.gif
"تبقى شكاك ومتخلف...انت لو معندكش ثقة فيها مكنتش
اتجوزتها من الاول واديتها اسمك"
"ماما...انتى بتدافعى عن مى وبتهاجمينى؟؟ مش مصدق"
"انا بهاجمك ليه مش علشان غلطان ...الا الشك... فاهم"
"حاضر وخلاص بقى علشان مى جاية"
"جيبتها معاك ليه وهى تعبانة"
"هى اللى صممت والله ياماما"
بصيت عليها وهى جاية... كل مرة كده بتوقع منها حاجة بتفاجئى
بتصرف كويس منها... قربت عليا
"واقفين ليه هنا"
"بصى يامى انتى شكلك تعبانة روحى دلوقتى وارتاحى وانا
هكلمك اطمن عليكى لما نروح... واوعى تزعلى نفسك من
اى حاجة لو الواد ده ضايقك اتصلى بيا بس وانا اديله على دماغى"
لقيتها بتضحك ومبسوطة... شكلها مستغربة كلامى
بس انا اكتشفت حاجة مهمة... تقريبا كده يعنى بحبها
حضتنى وباستنى وهى بتقولى "ربنا يخليكى ياماما"
"ربنا يقويكى ويكملك على خير...يالا يااحمد خدها ومع السلامة"
دخلوا يسلموا على اسماء قبل ما يمشوا
هشام بيدى لاسماء عصير مرضيتش تاخده منه
http://forum.hwaml.com/imgcache2/hwaml.com_1415669234_464.gif
"ماما انا عايزة امشى بقى من المستشفى"
هشام"الدكتور قال اول ما تقدرى تقومى ممكن نروح"
اسماء بحدة"انا هروح عند ماما "
نادية"ليه تعالى على بيتك وانا معاكى"
اسماء"لأأأ .. انا هرجع على بيت ماما"
هشام"طيب يااسماء براحتك"
vBulletin® v3.8.10 Beta 1, Copyright ©2000-2025, vBulletin Solutions, Inc Trans by mbcbaba