منتديات العاشق ~ عشقا بلا حدود - كافر انا...............!!!!!!

ارضى باالنصيب...
يلعن ابوك يا نصيب
يلعن شرورك والقدر
يلعن سنين ملاكانى وقت الضيق
يلعن بحور مافيها غير المر
هتقولو كافر ياجدع
راح اعترف
كااافر انا....
كافر بحال اليأس فيا
كافر بظلم الليل وامواجه العتيه
كافر بحب بيزرع الدمع ف عيونى
كافر بهجر الحلوه ساعه مغربيه
كافر انا
كافر بوجع الاه والتنهيد
كافر بصرخه جوا الساكت بتموت
كافر بافكار تجرح المهموم
كافر بعجز الايد
كافر انا....
بنصيب غبى ملعون
بضمير بيظلم قلبى وقت النوح
بقلب ملكى وناسى همس البوح
ببنت حلوه رمز العفاف والطهر
ونظره عابره تواسى قهر الظلم
بسنين عجاف بتكوى قلب الحر
كافر بظلمك وقت غضبك م الحوار ف عز دين القهر
كافر بناس ملهاش امل ولا بر
مشتاق انا...
لنبضه عاشقه ساعه سمر
لهمسه رايقه تشفى نار الهجر
للمسه منها تمحى كل القهر
لكلمه طايره فوق شواشى النخل
ملعون انا ف كل ساعه حظر
متهان وعايش ك المدفونين ف القبر
وانين بيشكى الليل لرب البشر
وليل عنيد قاسى كفعل الصخر
وصخر ميت فى عميق البحر
وبحر عاتى وموجه عامل ضجر
كافر انا...
بسنين كتااار
بهموم وعالم شر
هتقولو كافر ياجدع
كافر انا
بوقت حوجه لضلها ف الحر
بلحظه دافيه ف عز دين البرد
كافر بلهفه تنادى دون السمع
بشوق عنيها مخنوق وعامل عادى
كافر وشايف ف السنين علامات
ولاحد دارى وللفراق علامات
وحدى حزين وف غربتى علامات
ان نهايه العمر ف غيابها
واننى شريد الفكر والتركيز
يارب رجعها لباب بيتها
الباب مواب والالم موجوع
كافر انا
للحظه صمت ف وجودها
والكلام موجود
كاافر انا......
عمده