منتديات العاشق ~ عشقا بلا حدود

http://www14.0zz0.com/2015/09/09/15/609621641.jpg
سوق العمال
الوشوش مليانه خوف
خايفه من قهر الظروف
متحمسه ليوم عمل
ليوم يكون فيه الامل
مفتااح ظروف
قرب يا فندى
قرب يابيه
نجار يا فندى
حداد يابيه
سباك لزوم المعمعه
وطوبرجى متمكن يابيه
قرب يافندى
كناس زباله حضرتك
مين حضرتك
واحد يتيم ضمن الغلابه المطحونين
بينضفك
ويلمعك
ويعمل كمان خده مداس لحضرتك
مين حضرتك
واحد حزين تايه بعيد عن الوطن
اه ياوطن
بايع شبابك ف المحن
عايشين على لقمه مهانه متغمسه بالزل
بايع رجال متاصله داخل مهن
قرب يا فندى
قرب يابيه
عامل بحاجه لكام ملطوش من حضرتك
يجرى علي عيله كبيره
عيله محرومه الامان
متهانه من بطش الزمان
قرب يا بيه
هو فى ايه
الناس كتير ليه
عمال كتير
ونجارين على حدادين
على كناسين على مساحين
على سوء ظروف
ياكل عمال الوطن
عيشو كما النسر الجسور
لا تتكسر
خليك كما الاسد الغيور
لا تنهزم
سيبك من المتعنطزين
عايشين ورق
واحد افندى والتانى بيه
ومليانين فشخره على عنطزه
على نظره استهزاء وبطش
يا كل عمال الحياه انتو الامل
انتو السواعد القويه ف العمل
ومتسمحوش للخوف يملك قلبك
الرزق على الخالق
واللقمه مقسومه
لو ف سابع ارض
الرزق على الفتاح
واللقمه مضمونه
لو فى بطن الاسد
الوشوش مليانه خوف
عايشه قهر م الظروف
متالمه ف سكوت
متامله ف الموت نجاه
يا كل عمال الحياه
انتو النجاه
لكل وطن....
من واقع تجربه مريره
شاهدها بام عينى
صباح هذا اليوم
عن عمال غلابه متمرطين
ومتهانين فى بحور الغربه
عمده