انتى مين.....؟!!!
 

انتى مين !؟
انتى غصه ف قلب عاشق
انتى جرح ف ليل تعيس
انتى ليل وويل مخانق
فكرينى انتى مين؟
المرايه
الحكايه
الدوايه ولا دمى
ولا شعرى المستباح
انتى مين!!!؟
الحكاوى
الغناوى
ولا جرح ف قلبى شاخ
انتى مين
انتى امى
ولا عمرى
ولا ضمه ف كل شعرى
ولا نهد
ولا شفه
انتى خد وايد ونظره
انتى همسه وشوق ولهفه
انتى تنهيده وقت همسه
انتى مين!؟؟؟
انتى سحر ف ليل مفارق
انتى فجر بشوق معاند
انتى بحر ونيل ومرسى
انتى اه وويل وشهقه
انتى دمعه ف وقت لهفه
انتى بسمه ف بحر عاتى
يعنى م الاخر حببتى
انتى عندى كل حاجه
كل ضمه وكل حلم وكل لمه
كل دمعه وشوق وبسمه
ف ليل وحيد
انتى كل حياه بعيشها
انتى كل خيال
سارقه حلمى
وسارقه قلبى
وناهبه كل حروف دفاترى
لصه يعنى ....!!!
انتى مين....!!؟؟؟

انتى مين......؟!!!
فكرينى انتى مين
جنسك ايه
ملتك ف الخلق اييييه
جن ولا انس يعنى ولا كوكتيل منهم
ناسى اسمك
ناسى رسمك
ناسى حتى رتوش ملامحك
ناسى حتى الذكريات الى ما بينا
ناسى دينى وناااسى ديننا
انتى مين..........!!!!
وقت تقسى
تبقى جلاد من حجر
وقت تحكى تبقى زينا طبعك بشر
وقت غضبك زى طوفان من تتار
زى فارس يحكم العالم بكلمه
وقت فرحك زى نيل ساعه عصارى
حيرتى دايما مكتبالى ويا غضبك
انتتتتى مين.....
رجعينى زى ماضى كان جميل دايماا معاكى
لو قدرتى..............