اخر قصيدة يا قلب...
 

موجوع يا قلب العطشانين للحب
مهموم وعايش جوا سجنك

مغروس ف ضلعك الف هم وكرب
الأمنيات منزوعة منك

جواك حروب وكروب وغم
يا مين يشيل الهم عنك

معذور يا قلب
مغدور يا حب

مشقوق كما الهلال
نصين تقال
وباقي أحلامك سرقوها منك

يا قلب
يا قلب كان أخضر ربيعي
وكان كما النيل اللى البعيد
أخضر ونيلى
صبحت ليه بالهم مصحوبه دقاتك

يا قلب دايب في الوجع
كفياك وجع
ملعون أبوه
ال يفكر يخدعك

يا قلب متكفن بروح تلك البنيه
الفين تحيه للقلب اللي صابر
المعافر
الكافر باى بنت
غير ست البريه

يا قلب
يا موجوع
يا قلب
يا اللى مش مسموع
مسنود على ذكرى غبيه
متهان وعايش ذل ذكريات
تلك الصبية

يا قلب
يا متعشم في الرجوع
كفياك خنوع
كفياك ركوع
انزع ضوافر نهشت النبضه السخيه

يا قلبها الجبار
يا نبضها المكار
يا حس كان يلمضنى ساعه مغربية

اااه يا وجع القلوب
يا نبض مات وسط الغيوم
يا بنت كانت ك عادتها بهية.....

15/4/2023
بقلمي
عماد رشدي