ارجع ياريس عشان نقول( عيد مبارك )
 

عفوأأأأ احبائى هذه المقال اعجبت بها كثيرأأأ اردت ان تقرؤها على سبيل خفه دم مصريه فنقلتها لكم وجهة نظر ........... ارجع يا ريس عشان نقول "عيد مبارك"
فاجأنا الرئيس السابق مبارك بقرار التنحى، ولم نلتفت إلى خطورة ذلك إلا مع اقتراب قدوم شهر رمضان، فكيف نقول "عيد مبارك" ومبارك غير موجود؟ رحل مبارك وترك محطة رمسيس فى المترو بدون اسم.. عُد يا ريس نسيت نور الصالون مفتوح داخل القصر.. عُد يا ريس فكيف تلتقى مع جمال عبد الناصر والسادات بعد ذلك؟ وكيف يكون منظرك إذا سألوك عن الطريقة التى خرجت بها من الحكم؟ وإن لم تكن هذه أسباب كافية لعودتك، فلقد وحشنا جمال ابنك.. طيب ارجع عشان ننزل للتحرير مرة تانية، وحشنا الكنتاكى.. طيب سيبك مننا إحنا مقدور علينا يا ريس وإنما الإخوة الإسرائيليين يعيشون الأمرين ويطهون الأكل على الفحم، فالغاز الطبيعى لم يصل إليهم بعدك.. لو كنت يا ريس زعلان على اللى اتفرم فى مبانى أمن الدولة، فاللى اتفرم يتصلح.

عُد يا ريس "شارع صلاح سالم" منذ 25 يناير بطَّل يقف بسبب عدم مرور موكب سيادتك.. طيب سيبك من صلاح سالم يرضيك أن أبناءك أطباء الضغط والسكر والقلب يقعدوا فى البيت ينشوا الطير مش لاقيين مرضى، خلاص ما فيش حد جاى له ضغط ولا قلب بعد ما مشيت مش لاقيين شغل.. طيب يا ريس والمدارس والمستشفيات والكبارى من اللى هيحفر عليها اسمه، وصورة سيادتك يا أبو علاء وأنت رافع إيدك فى الميادين والشوارع وحشتنا.

ارجع يا ريس، فبعد ما مشيت رغيف العيش كبر، يرضيك إن ده يحصل وأنا عامل "دايت" ارجع يا ريس ده الوزراء من بعدك اتبهدلوا الشعب بغير فيهم براحته.. ولا الإخوان اللى كنت راعبهم بأمن الدولة وبتجبر الصحف القومية تقول عليهم "الجماعة المحظورة" بقوا دلوقتى بيطلعوا فى التليفزيون الحكومى، ولا "خوخة وتفاحة" بتوع عالم سمسم .. وحشتهم "ماما سوزان"، وهى بتقرأ ليهم كتاب فى مكتبة القراءة للجميع.. ارجع يا ريس قبل رمضان بالله عليك فمين اللى هيحضر الدورة الرمضانية بدل علاء وجمال؟"ههههههههههههع.........يوميات رجل مهزوم .............عماااااااااااد:0016::0016::0016::0039 :