منتديات العاشق ~ عشقا بلا حدود

أردوغان لا تحكي هيك..............هالعالم فهمانة عليك
بدّك تعمل حالك بيك.................وأنت ما حقك متليك
والتركي مو راضي عليك................ومنه أنت مطموز
..................أردوغان سكّر هالبوز................
وعلينا كنت تحاضر...................ومصدّق حالك شاطر
وشكلك كالضبع الكاسر.............ومن منظرك يا ساتر
وع شعبك صرت فاجر..................وصعبة تأييده تحوز
..................أردوغان سكّر هالبوز................
عامل حالك صاحب دين..........وعم تنصح بالسوريين
وشو وضعك بهالحين...........وشو رح تعمل يامسكين
روح تخبّا بين الطين...................صرت للهيبة بتعوز
..................أردوغان سكّر هالبوز................
التركي حمل القضية.................وعمّا ينادي بحرية
وبترفض المرأة التركية..............تصير متل الخليجية
تعيش بفتوى وهابية..............وبتحريم الخيار والموز
..................أردوغان سكّر هالبوز................
شعبك نزل مظاهرات..............وعم يرفع الشعارات
من حكمك شاف الويلات..........وبدّوا رحيلك بالذات
وحلمك تبقى هيهات..............والفهم عندك منبوذ
..................أردوغان سكّر هالبوز................
والتركي قال بصراحة..............برحيلك عنه الراحة
و(تقسيم) رمز الساحة............وحكمك بدّو إطاحة
وأنت رايح سياحة.................والأمن عندك مهزوز
..................أردوغان سكّر هالبوز................
أردوغان ما منك خير...........ومنك مافي غير الضير
و بيكفّي علينا تنظير.........بتركيا شوف الـ ما يصير
وشعبك بدّوا التغيير..................وأكيد رح إنه يفوز
..................أردوغان سكّر هالبوز................
بكرا ع أمريكا بتعود..............ورح تبقى مع اليهود

وبكرا إن غضبت الأسود.........غير الخيبة ما بتّحوز
..................أردوغان سكّر هالبوز................
وحلّك أردوغان حلّك.................تترك فوراً محلك
قريباً التركي يوصلّك................والشعب رح يذلّك
وكلمة وحدة منقلّك...............أردوغان أنت كركوز
..................أردوغان سكّر هالبوز................

بقلم مدين خضور