منتديات العاشق ~ عشقا بلا حدود - صرخة طفل فلسطينىبسم الله الرحمن الرحيم صرخة طفل فلسطينى

بسم الله الرحمن الرحيم

صرخة طفل فلسطينى
http://t2.gstatic.com/images?q=tbn:A...u0Dtws0op25Wrw

صرختى التالية سطورها أبكت الكثير والكثير ممن قرأوها خلال اليوم فى الصباح قبل نزولها على شبكة الأنترنت لذا من يحب بألا تتساقط من عيونه دموع فلا داعى لقراءة سطورى التالية ومن يحب بأن تتساقط دموع من عيونه فليتفضل بالقراءة فالدموع ليست مقياس ولكن الأساس هو الأحساس بتلك الصرخ

حلم حياتى حلم بسيط أبتديت أحلمه وأنا عندى 5 سنين
أبتديت أفهم يعنى أيه حلم الواحد منا يحلمه ويعيشه ويتقنه
ولقيت أن الموضوع صعب فوق ما كنت أتصور وده المتوقع
قولت يمكن علشان أنا صغير فالحلم كحلم أكبر منى بكتيررر
أعتقد جائز هذا الشعور لكن من حقى أحلم ولازم أعيش وأحلم
لأنى نفسى أحلم ومن غير اللائق بأنى أحرم نفسى من شئ ما
فلن يكون حلمى أثناء نومى ولكن حلمى سيكون وأنا مستيقظا
فالأحلام عند النوم تتبخر وتختفى فى أقصى أعماق المحيطات
والواقع أمل ليس بعيدا طالما رافع راية التفائل ويكفينى بأنى مسلم
مسلم وفلسطينى عايش فى أرض طاهرة مغتصبة منذ سنين
وحلمى حق وحقى أنى أعيش حر فى بلدى وهوا ده كل حلمى
مش طالب عز ولا جاه ولا طالب أكون رئيس أو ملك أو أمير
مش عايز ألقاب كفاية عليا شرفى ووطنيتى وكرامتى وعزتى
وكفاية أنى مسلم بخاف ربى وبحمده على كل حال وفى كل حال
بس من حقى أحلم أعيش حر زى أطفال كتير عايشة ومتهنية
ولا هوا مكتوب عليا أعيش وأتعذب ومشفش الهنا بعنيا
وممكن كمان أموت وفى أى وقت وبالغدر بس هموت شهيد
أنا مش جى هنا أعترض على حكم الله بالعكس ده شرف ليا أكون شهيد
بس أنا بحلم وفى حلمى صرختى بيعلى صوتها ومين سامعنى الله أعلم
بس لازم أصرخ وأقول أعملوا حاجة يا مسلمين
ولا خلاص بقا مكتوب على أطفال المسلمين فى فلسطين يعيشوا متعذبين
ومكتوب على أطفال الصومال يموتوا جعانين
وأنتم يا اللى شايفين كلامى تعيشوا متهنين حتى ولو فى بلادكم ثورات
فأنتم أرحم لأن ثورتكم حاجة جديدة عليكم بس أحنا فيها من قبل ما تتولدوا
وكفاية كده عليكم الظاهر وجعت قلوبكم بمشكلتى بس مش أنا لوحدى
فى مليون طفل بيصرخوا وذنبنا هيفضل فى رقبتكم يا مسلمين ليوم الدين
وفى أطفال غيرنا فى الصومال ربنا يرحمهم برحمته ويرحمنا جميعا
والسلام عليكم ورحمة الله وبركاته

ومعذرة لمن تسببت فى أنزال دموعهم فتلك الدموع غالية وتستحق
كلنا فداك يا فلسطين راجعين ليكى وهنفديكى بدمنا وهنتمنى على أرضك الشهادة
وأشهد أن لا إله إلا الله أشهد أن سيدنا محمد رسول الله
اللهم أحسن خواتمنا فى الدنيا وأجعلها يا الله حسنات فى الأخرة
اللهم أمين يارب العالمين