كونيلى.......!!؟
 

كونيلى الشط والمرسى
كونيلى الكلمه والمعنى
كونيلى الشعر والقافيه
كونيلى سحر ايامى
سنينى وكل احلامى
كونيلى الحكمه والانصاف
كونيلى الفرحه والبسمه
ف دنيا الحزن والحرمان
كونيلى طوق نجا قلبى
ف بحر ماليش رجا فيه
كونيلى حلم يتحقق
اكونلك دنيا من افراح
كونيلى بنت عشقانه
صبيه ب قلب كله بياض
عفيفه وطاهره النيه
اكونلك حارس الانفاس
كونيلى اميره فوق عرشى
سبيه لحرفى ولشعرى
اكونلك شاعر الكلمه
اكونلك فارس الفرسان
كونيلى ايد تشجعنى
تطبطب وقت اكون جنبك
تحادى عليا م النسمه
وتسحرنى بنعومتها
كونيلى ليل وقمرايا
كونيلى ليل وسهرايا
كونيلى كل عالم حى
بعيد عن دنيا امواتى
كونيلى الشط والمرسا
كونيلى الموجه والمركب
كونيلى شراع بينقذنى
ف وقت اللجه والغرقه
كونيلى جناح لطير جارح
كونيلى برمشك السارح
سحابه صيف تدارينى
كونيلى ضلى ف للعتمه
وضمينى
وزودى الضمه
كونيلى ف شعاع النور
امل وحيااه
كونيلى ياللى انفاسى
بتسكن صدرك الفتان
كونيلى ......
عمده