دموع مواطن؟
ومتحلميش انى
هكونلك للابد
خادم امين
ومتحلميش انى
هقلل من كرامتى
ف يوم حزين
ما انا اصل ياما
شربت مرك
وكتير اوى
سفيت ترابك
وساعات كتيره
هدرتى دمى
فوق الطرق
وعلى النواصى
و ف غربتى
قطعتى جسمى
فمتزعليش لما
ابيعك بالرخيص
متدمعيش لما
اسيبلك كل همك
واهرب لتانيه تكون
حنونه يا امى عنك
واهرب لام تداوى
جرحى من كتر شرك
ومتحلميش انى راح ابكى
ف يوم عليكى
دانتى ال شربتينى مرك
وانتى ال شيلتينى همك
وانتى ال شمتى العدو
فى جروح ابنك
انتى مش امى ولا اعرفك
ولا ممكن انى اشرفك
هتخلى عنك
عن جحودك
عن جمودك
هتخلى عن ام الهزيمه والانكسار
واستنى ام التقدم
والانبهار
فمتزعليش منى يا مصر
عمــــــــــــــده
|