ولحد امتى
يا البدويه
هتفضلى
معذبانى
ومغلبانى
ومجننانى
ومدوبانى
جوا منها
ومكتفه الحس الجميل
وملجمه القلب الحنون
ولحد امتى تعبت انا
وكرهت ضعفى
والحنين
كرهت صوتى
والانين
كتير بدادى
وانده وانادى
وهى برضه
ملهاش ياعمرى
غير السكات
غير السهاد
__________
اصبر يا ولدى
خليك قوى
بعرف حقيقه موقفك
بعرف صراحه كلمته
وجملتك
ومحبتك
بس البنيه مكركبه
ومتلخبطه
عيزاك صحيح
لكنها خايفه االالم
خايفه الفراق
خايفه ساعات
الانتظار المحتمل
_____
اصبر انا
دا الصبر حالف
ما يفارقنى
وانا ليه مين
غيره هنا
هو نصيبى
ف دنيتى
وصبرت ياما
لكن حقيقى
ياخاله والله
تعبت منها
ومن سكاتها
ومن حنينها
متخبى دايما
ف ننى عينها
انا نفسى مره
ابص فيهم
اشوفنى عايش
ما بين جفونهم
مبسوط وراكن
على رموشهم
ونفسى فعلا
امسح ماضيها
واعيش معاها
بدنيا تانيه
دنيا المحبه
دنيا االامان
دنيا السلامه
والامل
بحبها والله ياخاله
لكنها شى م استحاله
تنطق بكلمه
حروفها داله
ع ال ف ضلوعها
لالا ولالالا
__________
حساك ياولدى
وعرفاك ياولدى
وجعك ياولدى
فاضح مشاعرك
فاضحك حنانك
تعبت منها
لاجل انى اخد
لو حتى كلمه
تكون مرادها
وتكون حروفها
بتحكى عندك
عنيده يابنى
وقويه يابنى
وضعيفه برضه
حقيقى يابنى
عشقانه هى
دفا ايديك
عشقانه والله
ودايبه فيك
اصبر شوى
هتيجى هى
وتميل عليك
وتبقا يومها
عايش معاها
بشوق و لهفه
وحب عمرك هيكون معاها
____________-
امتى يا خاله
مليت حقيقى
ف كل لحظه
بشوف وريدى
يجرى عليها
يلمس جبينها
ويتحنى بيها
اصبر كمان
حاضر يا خاله
اكتر ماكان
عشان حقيقى
بحن ليها
وبحس بيها
جواها اجمل
كلام يهنى
قلبى وسنينى
احتراماتى
....
يتبع مع
اسحار البدويه
قارئه الفنجان
احتراماتى وودى
عمده