بحكي لكم قصة وفيها خفايا !!

ويمكن معانيها أكبر عندي ..

ومن له في الخفايا عرفها !

تفكروا فيها وإن قدرتوا تحلون ..

بسمع لكم لو تستمرون شهور !

قصتي عن وردة بيضاء..

وخدودها حمراء من زود حسنها..

ومتوشحة بتلات بلون خيوط الشمس !

تلمع مع الغروب وتتوهج مع الشروق !

والكل يحسدها على ما كساها ,,

تتغنج في اليوم مليون مرة ـ.ـ

وتهز هالبتلات يمين وشمالي..

وكل مازاد طولها قصت شوية !

تقول جمالي يوم يخف طولهاا,,

وفي يوم ! ماحسبت حسابه ..

ذبلت هالوردة ومالت شوية ..

والحمرة اللي كاسيتها تبدلت !

واصفرت الوجنة .. من زود تعبهاا..!

نامت ثلاث أيام في حضن همهاا !


والكل يقلبها على كيف كيفه..

وبعد الثلاث أيام ارتفعت شوي ..!


بس ياخسارة مالقت أكبر حسنها ؟


بتلاتها اللي كانت فيها تماري !

تقطعت من جذرها بفعل فاعل ؟

بكت هالوردة وانخدش كبريائها !


وضاع الشموخ مع قطع بتلاتهااا !!؟

__________________