يا هل تري لو
غبت عنكم واتداريت؟
وقفلت علي قلمي بيبانه وخلوته
ودعت بحر الشعر خالص واختفيت
هافرق معاكم ولا عادي
ووقتها
كم سين سؤال جوة الرسايل وانتهيت
يا هل تري
إحساسكوا بيا وقتها راح يبقي ايه؟
شكل الاجابة علي سؤالي طعمه ايه؟
أنا بس حبيت استشيركم كلكم
لو عاوز اغيب عن ضلكم يوم او يومين
يمكن ساعتها ارجعلكم أحسن أوي
من وحدتي المهمومة وانا بينكم سنين
يا هل تري ؟
هاقدر اغيب؟
ولا الحنين للوحدة بينكم يبقي احسن
م المغيب؟
ولا الحنين للوحده يبقى احسن
م المغيب..؟
اجيبو بكل صدق...؟
عمده