حبيبي لو تهاجرني تظل بخافقي عنوان..غيابك يابعد كلي ترا بالحيل مشقيني
ثواني جيّتك عندي تساوي مهجة الاوطان.. وزولك لاخفا تختل من بعدك موازيني
غناتي دايمن قلبي هو المشتاق لك هيمان..غيابك ياهوى روحي
يشتتني يبكيني
فديتك يا دوا جْروحي فديتك يادوا الضميان..عسى الايام تجمعنا اسليك وتسليني
مناتي ياحياة الروح انادايم إلك شفقان.. وجودك ياهوا بالي يفرحني يهنيني
تناظرني ولا تقدر تبرر دمعةالشفقان..تذكر حبك المخفي تغلغل في شرايني
رجيتك لا تخليني اموت بحسرتي ولهان..ترى شوفك منى عيني وروحك غاية سنيني
حبيبي لك مكان ٍبالحنايا ما ملكْه انسان.. ترى محدن سكن قلبي سواك من الملايني
تضيق بدنيتي روحي ليا شفتك علي زعلان..ترى قربك بيسعدني وبعدك دوم يشقيني
تمنيتك قريب مني تداوي خافقي الشقيان..غلاك بخافقـي زايد وزولك دايم بعيني
حياتي فدوة عْيونك تنام انته واناسهران..فـديتك ياهنى عمري رضاك اليوم يكفيني
[flash=http://up.1sw1r.com/upswf12/xm282199.swf]WIDTH=0 HEIGHT=0[/flash]
التعديل الأخير تم بواسطة ♛ الہحضوور الملكہيے ♛ ; 04-24-2015 الساعة 11:11 PM
|