""مجرد من الإحساس"""
والله مافي القلب غير الإهتمام
غير حب أكبر مما تتخيلي
ومافيش في صوتي غير كلام
ومافيش في شعري ولا قصايدي
أي معني للملام
أنا أصلي عايش حالة أصعب مما تتصوري
وكنت محتاجلك أوي
واما نديتك رد قلبك
رد صعب ومفتري
حسيت كإني حد تاني انا ما اعرفوش
حسيت كإن الدقة جوة القلب خارجة ما طيقاهوش
وإن اللي بينا راح فاشوش
وبقيت لوحدي صحيح وعايش بس عيشتي ما ترضهوش
ما تصدقيش كل الهواجز اللي لو سكنت في تفكيرك ثواني ما تقلقوش
إن قالوا في غيابي ما حسيتكيش
لو لاحظوا في كلامي إن مضرب ع الحياة ما تصدقيش
أنا بس عايش حالة من وجع الفؤاد
حاسس بإني في توهة ابعد م البعاد
وقت الدموع والجرح والقهر الأوي
مديت كفوفي جوة نيلك لأجل روحي ما ترتوي
رجعت كفوفي جافة من كتر العناد
وأنا لسة حي ما تزعليش
بس الحياة اللي في الواقع ما تلزمنيش
ما إنتي الحياة
وإنتي اللي قربتي
وإنتي اللي بعدتي
وإنتي اللي حددتي إقامتي جوة روحك من سنين
فما تسأليش مالي هنا
ما تعيطيش لو غبت عنك كام سنة
إن كان وجودي ماعدش يفرق يا أنا
يبقي السؤال عندي أنا؟
لساكي فاكرة الوعد ولا ما تعرفيش؟
كل اللي كان بينا
حقيقي؟
ولا فعلا كان مافيش....!!؟