زعـلان لكن عـارف شلـون اراضيــك
ماحد غيـــري يعرف بطبع خلــــي




اعـرفك لي منـك تضايقـت واشفيك
ماعـاش مـن زعـل حبيبـي وكلــي



من نظرتك من هيئتــك وتغليــك
اقـــرأ ملامــح ضيقتـــك لا تقلــي



ادري علي زعـلان لكـن اوريـــــــك
شلــون ترضى يا بع،د كل من لـي



ملـح الحيـاة انـي اضمك واخليـك
وش هي الحياة بـدون جـد وتسلي



ساعات لي خاطــر اجيبــك ووديـك
وارفـــع حــرارة حبنــا بالتغلــي



اقول ماحبك وما ابيـــك مابيــك
عشان اغيضك بس وافشــي غلـي



ودي احطك وسط عيني واغطيـك
عشـان ماتبعـد عن العيــن ملـي



لي غاب حسك نبض قلبي يناديك
بشتاق لك بالحيــل يابعـــد كلي



اقعد أنا والشوق دايم بطاريـــــك
افكارنــا مابيــن ربــط وحلـــــي



زعلان مني كل كلـي يراضيـــك
ماحد غيـــري عارف بطبع خلـي



يالله تبسم يالله ذبحني تغليـــك
يكفي حبيبي مد بــوز وتغلـــي

راااقت لي

__________________