وكفايه اوهام تجرح المجروح
مانيش نبى
ولا نيش امير
ولا حتى انسان من نور
خاطى انا والقلب مليان بالشرور
ولانيش حكيم او رسول
انا حد مجروح من قديم الازل
انا حد متهمش كمان جوا المحن
انا حد نكره ومانيش قديس
انا باختصار اتعس تعيس
انا كنت محروم م الامان
بكتب رتوش
توصف حالاتى
وحالة الملايين
مصلوب على وتر االانين
انا كنت عايش جوا حاله من عدم
عيشتى عدم
وكل ايامى ندم
ندمى ع ال معشتهوش
محروم من العطف الابوى
محروم م الحنان الاموى
ده حتى عطف الاخ راح منى كمان
انا كنت عايش مرحله
تصعب على الكافر حياتى المؤلمه
كانت ساعات الدمعه
كانت ساعات الدمعه من عينى تطير
ايوه تطير
توصل لقلب من الاحساس فقير
بينكر الاحساس
بيكتم الانفاس بحجه الخجل
ياكل خجلان انتفض
كفياك خجل
اعطف على القلب الصبى
عيش كما الاحباب صبى
قلبك صبى
وعقلك صبى
حتى تفكيرك فى وقت الانصراف
خليه وفى
انا كنت عايش وسط حاله من زحام
وسط انقاض الجسد
ومعايا بركان من ركام
مهموم ياقلب زمان كتير
مركون على رف الحنين
مستنى نظره من عنيها الطيبين
بتمنى لمسه من ايديها الدفاينين
بردان انا
ناقصنى حضن يدفى قلبى من برودة الشتا
ناقصنى ايد تراعنى وقت المقصله
مستنى منك لمسه تجتاح البرود
مستنى منك همسه تكسر الجمود....
عمده