غيابِك ساب خلل ف الكون
كإن الشمس مابتطلعش غير منِّك
كإن الليل ولد مكسور عشان أنِّك
كإن الميه مابتصفاش
كإن هدومى مش طيقانى ألبسها
عشان عينك مابصتهاش
فكيف كونى يكون غيرِك
وأكون دونك رفيق للظل
وكيف طيرك ماطيرنيش على حدودك
وساب ريشى هشيش مختل
وكيف الورد مش طالع
وانا موشوم ف وش التيه
مانيش عارف بحبك ليه
مانيش عارف بخافك ليه
ولا عارف عيونك ليه بتسحرنى
وتسجنى ف خلااياكى
موانى البحر مفتوحه
وانا واقف ف مرساكى
وحيد أعزل
رمانى الموج على ضفافك
فضافك بين ضلوعى رمال
بشوفك وعد بين الصبر والترحال ...