زمان كان الوجع عفريت
بيسكن في القليب يسابق الدقات
ولا يبان ع الوشوش علاماتنا
وكنا نداري ونخبي عشان خايفين علي الأحباب
وعادي كنا بنعايش وجع طارح وننسي الأهة والدمعات
زمان كنا كتير أقوي
ونقطة ضعفنا قوة
ورغم الحرقة والتوهة بنقدر بردو نتقوي
لكن دلوقت
نحس الجرح فنعيط
وجع نابت بيطرح غيط
ومابنقدرش نتخبي ولا نداري
يبان الحزن في عيونا
وجعنا خلاص ماهوش عفريت
ضعفنا بجد مش قادرين علي همومنا
عشان بنخاف
بقينا ضعاف.....