عينيكي فيها ايه
مبقتش مطمناني
وايدك خايفة ليه
برعشة مخوفاني !
اقولك حاجة..حاسس
كأنك حد تاني !
بغيب مبتسأليش
وبرجع..مش ف بالك
حبيبتي متزعليش
قوليلي ايه جرالك
خلاص متدمعيش
بقولك بس مالك
يومين هبعد واسيبك
عشان مقدرش اشوفك
غريبة قصاد حبيبك
بيتعب قلبي خوفك
حقيقي هتوحشيني
ويوحشني كسوفك
يومين هبعد لأني
قصاد عينك بدمع
عينيكي هروبها مني
اكيد احساس بيوجع
ولو سألوكي عني
قوليلهم بكره يرجع
هسيبك متخافيش
عشان خايف عليكي
ولو موحشتكيش
دي حاجة راجعة ليكي
يا عالم مين يعيش
لحد ما اشوف عنيكي !
"مينا مجدي"
|