احلي بلد بلدي
واحلي ولد ولدي
يا وطني يا امي
يا بدر يا قمري
يا زهري يا فلي
يا كلي يا مصر
يا اللي اسمك بيناديني
ليه نداني وليه داعني
ياللي شوقك فاق حنيني
مهما غبت رجعلك تاني
راجعين لك راجعين
يا أغلي من نور العين
راجعين وقلوبنا فداكي
والأيد سابقه العين
راجعين وأحنا أولادك
بعد غربة سنين
يا مصر
والنيل اللي طول عمره أشرب منه
وأبني من طماه بيت وعروسه
وصياد فارد شباكه ساعة عصريه
ومراكب هنا وهناك بالفرحة بتزغرد
ونسمة هوا لا هيه شارده ولا هيه بتبرد
وإن مره شربت منه لابد من تاني تعود
وعلي البعد شفت مأذنه طاله
رافعه أذان الصلاه لعباد الله
في كل وقت وحين تلاقيهم بيصلوا
لا يفتر لهم جهد ولا هم بيكلوا
راحت عنيه تدور هنا وهناك
لقيتها وري ستاره طاله من الشباك
علي وشها يشمك وملفوفه بعبايه
والقرط مسدول خلي من شكلها آيه
وقفت مكاني أكني متسمر
مستني بنت البلد تطل من الشباك
وراحت عنيه في كل مكان تدور
لقيتها زي القمر سبحان من صور