فجأة لقيت الباب بيخبّط
جايلي جواب ..
خير اللهم اجعله خير
جايز واحد م الأحباب ..
شكل الطابع مش معروف
إسم الراسل ناقصُه حروف
قلت أما أفتح علشان أشوف
مين فـ الدنيا لِسَّه فاكرني
و إيه خلّاه يبعتلي جواب ..
..
"بعد الترحيب و السلامات
أما بعد ..
جايز إحنا بعيد عن بعض ..
لكن قُلت أنا لازم أدِلّك
خليك واعي و صاحي لـضلّك
أقرب ناسك فيهم واحد
طَلّع سِرَّك بَرّه البير ..
خليك صاحي و فَتّح عينك
و إوعي تآمن غدر الغير" ..
..
التوقيع
من فاعل خير ..
|