بحق الاه والدمعه
بحق الحسره والشهقه
بحق الله
لا يوم هضعف وتخزلنى
لا يوم الدمعه تكسرنى
لا يوم اتعشم بشئ منك
ولا حتى كمان حضنك
مانيش عاوزه
ولا قادر اكون جواه
كما الاشواك بيجرحنى
كما الاموات بحس الصرخه تهزمنى
هاعود تانى كما السابق
عنيد القلب ومكابر
وحيد العيشه ومثابر
وليد الفجعه والوحده
غريب ف الدنيا ومساافر
بحق الاه
بحق ما كنت بتمناكى ف احلامى
بحق ما كنت برسملك سمايا خضار
وكنت احلم اعيشلك دار
لقيتنى لوحدى جوا الزار
وحوليا عجايز يشبهو الموميات
بحق ما كنت بزرعلك وريدى ورود
وكنت ابكى ولا ابين
وكنت اصرخ بصوت مكتوم ولا ابين
بحق الله وجبروته
هكون قادر
وهفضل م اللى باقى ف عمرى اعافر
بحق سنينى وسط هموم
بحق الدمعه بتزل قلب صعيدى شفته ف يوم
ولد قادر
سماره اللون ومتعافى
بحق الحسره والوحده
يمين الله
ل عيش ليا ولا غيرى
اعيش جواى وضميرى
يكون مرتاح
مانيش هو الجدع السمر
مانيش هو اللى كان قادر ومتعافى
بحق الله.........