وتنسينى ؟!
مع انى
زرعت الفرحه جواكى
وغنيتك
قصيدةشعر
مرويه بنبض القلب
ودموعى
وفجأه
قال عشان كلمه
طفيتى فرحىوشموعى
بنيتى جوا شريانى
معابد حزن
منين القسوة جبتيها ؟؟!!!
مع انك
أحن عليا م النسمه
وكنتى ارق م الهمسه
ودلوقتى
دبحتينى
وشايفه الجرح
بيغذغذ شرايينى
وحزن الدنيا متكوم
على عيونى
وبرضه لسه سكينك
على زورى بتكوينى
قتلتى الفرحه جوايا
وعايزانى كمان أنسى !!!
دانا لسه
يادوب الفرح هيعشعش
على جبينى
شوفيلك حل
أرجوكى
غيرالنسيان
أنا بصراحه مش هنسى
ولا فيه حاجه فى الدنيا
تنسينى
ولا واحده فى ايمانك
هاتهدينى
ماهو برضك
دا شئ واعر
عشان اقلع
جدور الحب
من داخل شرايينى
ولا الفرقه
ولا الايام
ولا حتى
دروب البعد
والاحلام
تخلينى
أكون ناسى
أنا يا أجمل الملكات
مانيش زيك
هكون قاسى
واحساسى
مايتغيرش مهما يكون
ولا يمكن هيتأثر
ولوجاتنى
نساء الكون
مفيش غيرك
قدر يدخل لوجدانى
وافكارى
واحزانى
مافيش زيك
ف اخلاصك
واحساسك
يا أجمل بدريهدينى
يا أحلى صوره ف عيونى
ياجمله تتحكى دايما
مافيش فيها
طريق للغش
ياشئ نادر بأيامنا
ياحدوته
ماتتكررش