عرض مشاركة واحدة
  #2  
قديم 01-25-2010, 06:26 AM
 
المشاركات: n/a
افتراضي

_ هل انت تفعل ما تقوله هنا بالمنتدى ؟
انتي عرفاني كويس على طبيعتي دايما ومش بتصنع بحاجة ولبقلبي على طرف لساني حتى لو هزعل الناس مني المهم مش اكون منافقة زي بعض ناس ولا ايه ياحبي ههههههه

2_ اعتذار تريد ان تقدمه لمن؟
محدش يستاهل اني اعتزرله غير قلبي لاني تعبته معايا اووي عشان ناس مش تستاهل

3_ ما ردة فعلك عندما يقول لك حبيبك : أحبك نعم أتزوجك لا ؟
مع الف سلامة ميلزمنيش يروح يشوف حد تاني يحبه غيري

4_ اذا اردت ان تبكي الان , فعلى من تبكي؟
على نفسي بس عشان زعلتها مني كتير وخنقتها معايا عشان ناس ولا تسوى

5_ من ستختار ليمسح دموعك ؟
متعودتش استنى حد يمسحلي دموعي امسحها لوحدي احسن عشان مخليش حد يعايرني بيها بيوم من الايام

6_لو خيروك بين حبيبك وبين اعز صديق فمن تختار ؟
صديقي طبعا ده لو كان يستاهل هو التاني كمان اصل الايام دي لا في صداقة ولا في حب
في ترمس وسوداني ههههههههههه

7_ماهو تقييمك لهذا المنتدى بصراحه ؟
بصراحة بصراحة منتدى جميل اوووي واجمل حاجة فيه حساها بصراحة ان مفيهوش نفاق اصل بقت عندي عقدة ياختي والله هههههههههههه ربنا يوفقنا يارب كلنا ونخليه احسن منتدى

8_ من يسكن قلبك؟
بنتي ثم بنتي ثم بنتي محدش يستاهله غيرها ولا هيكون لحد غيرها
وممكن احجزلك بيع غرفة صغننة هههههههه اه والبت نونا حبيبة قلبي كومان كفاية انتوا 3

9_ هل تعتقد ان حظك سيئ؟
اممممممم مش حكاية حظ سيء بس هي الدنيا ملطشة معايا شوية بسب قلبي الطيب ده بس الحمد لله على كل شيء والقلب الطيب مات بقى قنبلة نووية هههههههههه

10_ هل هزمك حزنك في يوما من الايام؟
هع هع هع ال هزمني ال مرتين افتكر او تلاتة كانوا اصعب لحظات عمري عشان اتنازلت عن كرامتي لناس مش تستاهل وحزني على بعدهم خلوني ارجعلهم فيومها اقدر اقولك انه فعلا كسرني بس دلوقتي الحمد لله لا ومستحيل انكسر تاني باذن الله

11_ ((مستحيل انساك)) لمن تقولها ؟
صدقيني ليقولك ان في حد ممكن يقولها لحد سوري هيبقى كدابوش ربنا انعم علينا بنعمة النسيان
ومن رأيي انا للاسف مقابلتش حد يستاهل اقوله الكلمة دي

12_ (( اللي راح راح وماتفيد كلمة ياريت )) إذا أردت ان توجه هذه العباره لنفسك, فماذا
تقصد بها ؟
على كل لحظة ضيعتها برضو مع ناس مش تستاهل اني اعرفها اصلا بس خلاص لراح راح فعلا وانا ليا بالنهارده
ومليش بامبارح لانها صفحة وطويتها وحرقتها كمان من حياتي

13_ (( انت كل شيء بحياتي )) لمن تقولها ؟
بنتي بس وبندم اني قولتلها لحد غيرها بيوم من الايام وسمعيني اغنية ندم عمري وعجبي ههههههههه

14_هل لديك الجرأه ان تقول عمرك أمامنا ؟
اه ياختي ومقولش ليه هو انا عكوزة للدرجادي انا ياقطتي عمري 24 سنة ونص واوعي تنسي النص اهم حاجة
ومستنياكي بشهر 6 بقى والهدية تكون قبلك يابت بلاش اعورك ههههههه

15_هل انت راضي عن نفسك ؟
الحمد لله وبتمنى ربنا يهدينا كمان وكمان واكون احسن من كده

16_بماذا تقر وتعترف أمامنا الان ؟
اقر واعترف ال اقر واعترف ال والنبي بلاش اجاوب ما انتي عارفة التهييس بتاعي مع الوسوس هتبقى مصيبة
وهقول كل حاجة خليني ساكتة احسن
بس لقدر اقوله باختصار اني دلوقتي اقدر اقول ان سمر رجعت للحياة من تاني حياة صادقة من غير غش وكدب ونفاق وخيانة وغدر ارتاحت من كل ده ورجعت ضحكتها تنور وشها من تاني الحمد لله شوفتي انا شاطرة ازاي مش نطقت بحاجة تاني خالص هههههههه

17_هل تؤيد الزواج العاطفي ام الزواج التقليدي ؟ ولماذا ؟
ولا ده ولا ده الجوز افشل من بعض ومش تقوليلي جواز تاني ربنا يسترك روحي اتجوزي لوحدك ياختي

18_ايهما اهم شهادتك الجامعيه أم الزواج ممن تحب ؟
شهادتي طبعا

19_هل تعترف بشيء اسمه الصداقه بين الرجل والمرأة ؟
اه اعترف ياختي ومعترفش ليه بشرط واحد انها مش تتحول لحب بيوم من الايام لان الحب هيدمر كل حاجة
وياريت الراجل مش يقعد يسبل للبت عشان تحبه خليه بنفسه احسن نصيحة مني يابنانيت لو اتعرفتوا على شاب واعتبرتوه صديق وجالك بيوم قلك بحبك قوليله غور بداهية ههههههههههه

20_هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
بصراحة اه دمرت حياة شخص من الناحية العاطفية يعني ومكنش يستاهل لعملته فيه بس ربنا مش سابني وانتقم مني فعلا وبعتلي بلي العن مني هههههههههههههه

21_هل انت مدمن تفكير؟في ماذا؟
يووووووه متسأليش كتير اووي ده وانا نايمة بفكر يابنتي انتي بتقولي ايه اومال الوسوس بتاعي هيظبط نفسه ازاي بجى بجى

22_هل تكره شخص بشده في حياتك ؟
عمري ما كرهت حد ولا اعرف اكره بس للاسف في شخص وصلني للمرحلة دي اني بقيت اكره اسمع اسمه مش بس اكره

23_هل ملابس الشخص امامك تؤثر فيك لتأخذ عنه انطباع ؟؟
بصراحة لا في ناس كتير محجبة واخلاقها وحشة وفي ناس كتير بتلبس لبس عادي وبتفضل محافظة على نفسها
المهم الجوهر ياحبيتي مش الشكل الخارجي

24_ماالذي يلفت انتباهك بسرعه في الشخص لكي تعجب به ؟
طيبته وصدقه وتفكيره بالدنيا عامل ازاي

25_ حكمة تؤمن بها جدا؟؟
لولا الأمل لما عاش المظلوم حتى اليوم

26_ عاده تفعلها دائما تتمنى ان تتركها ؟
بفضل حاطة صوباعي ببوقي هههههههههه دي عادة ولو تقصدي صفة فياريت ام العصبية دي تبعد عني وتريحني

27_ هل انت من لديهم رغبة حب التملك واذا تملك الشيء اصابه الملل منه ؟
بصراحة اه جدااا كمان بحب اتملك الشيء لو حبيته بس بعد فترة بزهق منه بس ده اكيد مش بتعاملي مع الناس
اوعي تفهميني صح هههههههههه

28_ مارأيك في هذا الموضوع بصراحه؟
موضوع جميل اوووي وصاحبته اجمل واجمل
ويارب اكون قدرت اجاوب بصراحة عشان تجبيلي حاكة حوة
ولو نصبتي عليا ياويلك ياسواد ليلك يا بت يا زلزبيلة
يلا اجري كفاية رغي ههههههههههههه
رد مع اقتباس