اناما كنت أنا احبك .. أنا كنت أعشقك و اختال

اناما كنت أنا احبك .. أنا كنت أعشقك و اختال
أنا كنت اشربك و اضماك و ارجع اشرب ادلالك


أنا كنت بزوايا الكون اشوفك عالم الآمال
و اشوفك كل هالدنيا بعيني أنت بالحالك



تذكر يوم نتخيل كبرنا و صار عندي عيال
و قلت آسمي بأسمك إذا ماكان وا عيالك


تذكر يوم كان العمر يغنينا فرح موال
وادوزن خطوتي بسكه توصلني على جالك


هناك المدرسه و السور و بيت محمد الرحال
جدار و بيدك الفحمه تكتب به و يحلالك


بأخر هذي اللفه بقالة مطلق البتال
و دايم منها ناخذ حلاوة تشبة هبالك


تجنن وانت تاكلها وتعطي منها الجهال
وتحكي هذي من "فطوم" جابتها وانا قبالك


كبرنا وصارت وعودك مابين العم و الاخوال
ودايم حجتي حصه لانها بس مرة خالك


تهندم لي على كيفي .. و تلبس لي شمغ و عقال
و اموووت ان شفت من زولك وطرف هالثوب و عقالك


ويوم اللي خطبني زيد ... غرت وصار حالك حال
و قلت الليل ه الليل ه انا مهلوك او هالك


لعينك اركب امواج الخطر مااسأل عن الاهوال
بعد قلبي صبر ع الشوق و زود العشق و اهوالك


بعد هذا تقابلنا و جيت بيد ك السلسال
تلفه فوق عنقي لف كأنك توثق حبالك


تقولي لا حضر موتي امانه اقطعي بالحال
شهقت وقلت من قلبي فال الله و لا فالك


سألتك ليه يا روحي بوجهك باين الغربال
ترى الاحزان ياعمري ماخلقت لك و امثالك


و جاوب هالدمع عنك بعد شفته بخدك سال
عرفت انك نويت البعد عازم فيه ترحالك


صبرت و قلت ابي اصبر و لو هذا البعد قتال
سنين ارتب آمالي .. و ازينها بآمالك


بعد خمسه سنين ترد .. و ألمح في يديك اطفال
و أسأل .. منهم اطفاله ..؟ يقولون لي هم اطفالك


كأنه شئ يكسرني , يحطمني , كذا و لازال
كأنه شئ ينحرني و يرميني على رمالك


تبسم و انت تسألني : كيفك ؟ هاه ؟ عال العال ؟
الين اليوم مهبوله ؟ و لسه عايشه اخبالك ؟



و جاوبتك و انا همي على كتفي يهد جبال
انا ما كنت اظن بيوم تركن فوقي اجبالك


إذا كان الوفي مهبول ..! ألا يا لعنة العقال
امااانه لا تكثره ا .. و بيدك شد سلسالك



مما راق لي