ودى طبعا قصيده غزل حلوه قوى{هههههههههههههههههه}

وهى اسمها{ غزل فى زوجتى النكدي}ه

بحب فيكي طولة اللسان

وعقلك إللي طالع فيه

عرق الجنان
عليكي قرصة
وعضة سنان
تموت أسود
وتقتل حيتان

ولما تثوري

صوتك جهوري
يهد الحيطان
يسد الودان

وتفكيرك سوي

وضربك قوي

يهد في جسمي
ونكدك لذيذ
كلامك يغيظ
ينسيني اسمي

ما بتندهيني إلا
بكلمة يا شحطي
يفور مني دمي
ويعلي عندي ضغطي
وأنفخ وأقول
حسرة يا بختي

أرد أقولك نعم يا حياتي

تقولي ليا خلصت حياتك

وقلت ساعاتك في الدنيا ديا
سمعني سكاتك
يا شحط مراتك
ومتردش عليا

وجوه نفسي بدعي عليها

تعبان وعقرب يعضوا فيها

أو نسر أحول يعمي عينيها
أفرح كتير وأتشفي فيها

وأسكت وطاطي

علشان ولادي

وأدعي في سجودي
يا رب خدها
يا رب خدها

يارب تكون عجبتكم زى ماعجبتنى اوووى