حبيت

اخيرا يا دنيا انا حبيت

وفوقت ليكى خلاص و صحيت

الحب ده طلع شئ بسيط

مش محتاج لحد وسيط

و اللى يخاصمه يبقى عبيط

ده انا مش حبطل جرى و تنطيط

ده انا من فرحى حمشى على الحيط

فينك يا حب ده من زمان

كنت بدور عليك فى كل مكان

من غيرك كنت تعبان حيران

فعلا كنت مسكين اوى و غلبان

كنت قرفان زهقان تعبان

الحمد لله لانك جيتلى بسرعه

لان منك كنت محتاج لجرعه

علشانك دخلت اقوى مصارعه

مين اللى قال ان الحب ده فجور

وفى الاخر بيتحول لكره و فتور

ده انا بسببه بقيت طير مسرور

بقيت قلم بكتب بلهفه على السطور

بقيت بيت مليان بالسعاده معمور

بجد انا فرحان اوى و سعيد

ده انا بقيت واحد جديد

اكتبونى فى قائمه المواليد

اصل حبى حب فريد

مستعد علشانه اموت شهيد

هو حبى لبلادى بعد التغيير بالتاكيد