كل شهيد سوري يقول
سقّي الأكل يا امي من دموعي
... و ابدوا كلو و لا تنطروا رجوعي
و لا تهكلي همّي اذا تأخرت
و لا تسهري حتى اجي و توعي
و اغفرلي يا بيي طريقي اخترت
هيدا قراري و هيك مشروعي
يمكن أنا بغربتي بكّرت
و طفيت آخر خيط بشموعي
دمي على أرض الوطن قطّرت
عطشان... لكن كفو ينبوعي
بردان هوّي و بترابه صرت
بركي بيدفا بلهبة ضلوعي
هيكي أنا اسمي كبر و كبرت
ما دام بترابه أنا ولوعي
يا امي الغدا رح يبرد و ما حضرت...
صبّي الأكل و اترحمي و صلّي
بغير الصلا ما بينتهي جوعي

لكل شهيد سوري رح تبقو احلى ذكرى

والرحمة لارواحكن الطاهرة

__________________