إرحم أبونا يا ال دقنك
غطت هدومك م الغبار
والسبحة فالصو بس
قال ايه يتبعونك بإنتصار
وفي شرع مين
تقتل عساكر مسلمين
وفي شرع مين
دم الغلابة يصير عفار
فرفش وهيص
يا ال رشحت الديابة
من زمان يبقوا كبار
يا ال رفعت الأربعه
ليهم شعار
وكتبت لا للدم
لالا للعنف يا ثوار
دلوقت ليه بتحب
ريحة الدم
دلوقت ليه حللت موت الأم
وحرقت ليه كل الديار
إرحم أبونا يا ال دينك مستعار
مين ال قال إن
العبادة في الدقون
وإن السلام بالقتل
حتما كي يكون
مين ال قال تفجير
ولادنا ده حلال
إنتم وجودك في الحياة
اصلا حرام
فإرحم أبونا يا خسيس
لله هندعي بالإنتقام
|