فى غربتى انعى وحدتى
فى غربتى انادى عليك
وما اشوفك
وما تسمع لصوت جرحى
ولا تحس نواح دمعى
فى غربتى اشوف الهم
شخص كئيب
واشوف النور بعين واحده
وعينى التانيه مخفيه
تدور على شعاع النور
وما تلاقى سوى ظلمات
فى غربتى
ادواى الجرح بسكوتى
واضحك ضحكه مهزومه
ورا شباكى وستايره
اشوف قمرى كده مخنوق وبيعانى
اشوف نجمى بعيد عنى
كتير مسافات
ادور لروحى على بسمه
تكون تايه مابين الناس
وترجى روحى مجروحه
مفيش ضحكه مابين الناس
عشان الناس مخنوقه
فى غربتى
اعيش الحلم
الف كابوس
اعيش الحب
وهم كبير
فى غربتى
اعانى سكرات موتى
واشرب كاس المر وحدانى
اشوف النور بعين واحده
وعينى التانيه مخفيه
فى غربتى
عمــــــــــده