دنيا المراجيييييح
امبارح فين
عدى وولى
واليوم ساعتين
يصبح شبهه
امبارح كنا ف اعلى مكان
واهو باقى العمر نكون غاطسين جوا الاحزان
دنيا غريبه
مرجحنى ياعم كمان حبه
خلينى اكون عالى شوى
طب نص شوى
طب ربع شوى
اخرص خالص
مكتوب تتمرمغ جوا الطين
ايعم حنون حبه عليا
اخرص خالص
صوتك م النوع المتعجرف
ايعم حرام حبه شويه
نفسى اشوف الدنيا هناك من اعلى مكان
اخرص خالص
امثالك عايزين الحرق
انا انسان
مين خدعك ياد خلاك انسان
بيقولو ياعم انى انا انسان
غلطان حيوان ومكانك جوا زرايب الخيل
حتى الخيل احسن منك
اصلك حيوان
ومكانك بين اساطير الليل
جوا الضلمه ولا تعرف نور
ايعم حرام ارحم ضعفى
برضك انسان زيك يعنى
اخرص خالص...
ولا عمرك تتخيل حتى
انك انسان
ومكانك جوا الطين مدفون
مجنون
واهى عالم تايه ف كل مكان
وبتقول احلام
وتعيش اوهام
فوق المراجيح
مراجيح مولد
نزلنى ياعم مانيش لاعب
اصلا خواف...
مراجيح
عماد
|