يزيد المجروحين واحد ولا ترديش
وبين الميتين قلبين ؟
بيسكر فيهم النبضين
ثمالة دقة مكبوتة بتتخبط علي الجنبين
ولا تحسيش!!
يزيد المحرومين حبة
واجري عليكي واتخبي
تصدي كفوفي ببراءة عيون حالفين
بإن التوبة جواكي دا إثم كبير
وإن الجرح بإيديكي صلاة وذكاة!
وصوت المذنبين ألحان بتطربنا
في بارات الخير!
غناكي يشبه الضحكة في شفايف الطير!
وقلبك دقته بتطلع لكن للغير
أبات مكسور علي بابك
وأقوم مصلوب علي اعتابك
واسافر بين سحاباتك لوحدي حزين
وذنبي إني حبيتك
عشقتك
عمري ما نسيتك
ووقت الطوف بباب الجنة في عيونك
قفلتي الباب
نديتك
قولتي ما سمعتيش!!
الى عنيده