تسمحيلى ياخاله مره والنبى
تعباان اووى
مهموووم اوووى
نفسى اسند راسى فوق كتفك
واصرخ بالاهات المعلنه
نفسى اتنهد ف حضنك 1000اااااه وقليله
تسمحيلى يا خاله ولو لاخر مره المسك
تسمحيلى توصفيلى وصفه منك تشفى جرحى
طب تسمحيلى
توصفيلى كلمه منك تطفى نارى
او حتى فنجان من سكات ف حضرتك
او شربه ميه تبل ريق ابنك يا خاله
طب اندهى بصوتك عليا مره واحده
طب حتى اخر مره اسمع اسمى منك
برضه قاسيه
طب حتى حرف حزين يكون منك عليا
طب حتى همسه
خلاص بلاش
يكفينى نظره
برضك بلاش
بتمنى لمحه
سكات وحيره
مصممه
لاخر نفس بتمنى منك كلمه واحده
مصممه
سكات وحيره
وخوف ورعب م اللى اتى
خاله يا خاله
نسيتى ابنك
نسيتى لما كنتى دايما بتنادينى
وتنصحينى
وتعزمينى جوا منك بالساعات
صعيدى ابنك
نسيتى برضك
نسيتى لما جيت ف حلمك
نسيتى لما بايدى انا شلت همك
اه
طب فاكره لما مره جتلك كلى غيره
طب فاكره برضك لما جتلك كلى حيره
اه
نسيتى برضك
طب فاكره لما كنت احكيلك عليها
البت السمرا
فكراها ياخاله
ايوه هى "افتكرتى"
برضه لسا
مش فاكره ابنك
برضه جاحده
مش فاكره قلبك وقت يصحى
نسيتى عينك وقت تضحك
نسيتى احساس الامان وقت حكايته
برضه ناسيه
طيب يا خاله
راح تفضلى ف القلب متشاله
وجوا ضى العين يا خاله خياله
خليكى ناسيه واستكترى فرحتى
خليكى جاحده واستنكرى لدينى
حاضر يا خاله....
التعديل الأخير تم بواسطة احساس شاعر ; 11-10-2015 الساعة 08:34 AM
|