فى البدء والمبتدأ

منتدى الشريعـة الاسلاميـة
فى البدء والمبتدأ
صلوا على المصطفى
انا لما قلت يا حب
قلبى لقيته اتنفى
وبرغم ان الحب
يخلق فرح فـ القلب
انا لما قلت يا حب
فرحى لقيته اختفى

هحكى حكاية بنت
قتلتنى بسهامها
مات بين ايديها الحلم
وسرقتنى ايامها

ياللى طلبت الوصف
حاضر راح اوصفلك
عارف عينيها السود
اذا مرة بصتلك
تصبح لها عاشق
جرب .. هتثبتلك

روحها كما طفلة
تكبر ومبتكبرش
اذا يوم تفرحها
تضحك ومتبطلش
واذا مرة تجرحها
عينيها فَضاحة
تفضّح ومبتسترش

واذا مرة تتخانقوا
تسهر عينيك ما تنام
ولو عينيك غفلوا
هتشوفها فـ الاحلام
تفتح عينيك مشتاق
وتبدأ معاها كلام !

احلام بقالى سنين
عايش وبحلمهم
وغيرى وفـ لحظة
يجى ويهدمهم
ازرع بايدى ورود
وبروحى اسقيهم
وغيرى عالجاهز
يجى يلاقيهم !

كلامى فى المنتهى
صلوا على نبينا
ليه اللى بنحبهم
بيبقوا مش لينا ؟!
الدنيا حالها كده
تاخد .. ماتدينا !