شق البحر يارب قصادي
وإنجد ابنك من فرعون
وانده إسمي كأني لعازر
ردلي روحي ولو مدفون
والمس نعشي بطرف إيديك
عشمان فيك
قوم قلبي من الأموات
هاتلي النبله عشان جليات
شيلني قوام من بطن الحوت
واحضن قلبي ف وسط النار
علمني مفرطش ف حبك
لو قابلتني مرات فوطيفار
واطلع فوق الشجره واشوفك
واجري واروحلك عند البير
واسند راسي كأني يوحنا
علي كتفك .. واصبح علي خير
ما انا لو سبتك او ايه حاشني
بوحش قلبك وبتوحشني
وبتزعل وعليا تغير !
"مينا مجدي"
|