هاسيب نفسى!!!!

منتدى همسـات القلـوب
هاسيب بصمة أمل واضحة
ف دواويني
و هانحت فوق جبال الصبر بالألوان
عناويني
هاسيب بعدي قلم نابض
ورق ناضج
و كلمة من بحور الشعر
تحكيلكم مواويلي
هاسيب كلمه ف حدوته
ف قلب جميل مدفونه
ف حس رقيق مكنونه
هاسيب
دمعايا فوق خدى سنين عايشه
وهقفل عينى جوا تابوت
سنينه كتااار
هاسيب جوايا جرح كبير
دموع فيضان على الخدين
وجرح بيدمى اشواقى
وكلمه ف الضلوع مكتومه
هاسيب اصحابى
وكل حبايبى
عشان نعشى
بينده بعلو الصوت
تعالى جوا احضانى
وعيش عمرك
ف قضبانى
ف سجن الروح
منين ما بروح
حنين السجن مالكنى
وشرب المر مكتفنى
ومالكنى حنين للصمت
برغم الثرثره جواى
برغم حنينى لحببتى
هاسيب نفسى على بابها
هاسيب قلبى
على دروبها
هاسيب الروح
وامشى وحيد
عشان تتحامى ف حنينها
عشان تتدفى ف امانها
هاسيب نفسى
وامشى بعيد
عشان هى
متتعبشى