حكايه حب............!!!
حكايه حب
حكايه حب عشناها
وعايشين بالحنين فيها
ودقناها
شربنا الشهد من ايديها
روينا ارضنا البور
ونبتت ورده فرحانه
وعاشت جوا شوك وانين
وقاست كل فكر حزين
ومالت ف الهوا السارح
ورجعت بالندى البدرى
ف مطلع فجر جاى يجرى
بنور الشمس بيدفى
ضفاير حور
حكايه حب
بتقرب لجوا القلب
تتسرب
بين الشرايين
وبهتهف ك نسمه صيف
وبتدفى كـ شمس الفجر ف صبح عليل
حكايه حب للحلوه اللى زى النيل
محنيه كفوف ايدها باحلى ورود
يا كحل حببتى يا سايح ف ننى العين
امانه عليك تبوس ايدها ف ساعه حب
يا روج احمر بيحض شفايف خمرى بالفطره
امانه عليك يا روج يا احمر
تدوق الشهد من ريقها
وتلمس كل ثانيه الشفه والخدين
حكايه حب
للسمرا اللى ماكله القلب ف غيابها
السمرا اللى ساكنه وريد
حببتى ياسمرا يا ام القويا واللفه
وساعه الرقص ف الزفه
ووغنا المواويل
حكايه حب
اسرانى
وملكانى
وعشقانى
وحاضنه الايد ف حضن الايد
حكايه حب....
عمده
التعديل الأخير تم بواسطة احساس شاعر ; 12-25-2015 الساعة 06:48 PM
|