انت هــــــكـــــر طيب ممكن تدخل هنا ثوانــــــى

انت هكر طيب ممكن تدخل هنا ثوانى


ايوه انا بكلمك انت وعاوزه أسألك بتستفيد ايه لما تحط روابط او برامج فيها ملفات تجسس او فيرس


ايه نوع المتعه والسعاده اللى بتشعر بيها لما تخترق جهاز وتشوفه وتقعد عليه كأنه بتاعك ؟؟


ياترى نيتك انك تثبت لنفسك انك قوى وقادر تسيطر على اللى حوليك
ولا نيتك تأذى غيرك وتهددهم او تسرق صورهم وتجرح فى أعراضهم ؟؟



دى كلها اسئله جوايا بسألهالك مش لانى عايزه اجابه لا لانى خايفه عليك ايوه مستغرب ليه .. انت اكيد انسان زينا وعارف ربنا كويس
ممكن تكون بتغلط يمكن شايف الحكايه لعبه او تسليه ويمكن بتحاول تثبت وجودك بشكل او بآخر .. لكن هل انت عارف انك بترتكب
اكتر من جريمه وذنب مش فى حق غيرك ولا فى حق الناس اللى بتهكر عليهم لالا فى حقك نفسك كأنسان وبنى آدم ربنا كرمك وارشدك
على طريق الخير وطريق الشر ياترى انت اخترت انهى لنفسك ياترى ناوى تمشى فانهى طريق منهم ؟؟



تعرف كام ذنب اخدته


كدب

وخيانه

وتجسس

وايذاء للغير

وهتك للاعراض

وسرقه

ايــــــــــوه اوعى تستغرب كل دى ذنوب انت بتاخدها وانت مش حاسس مش مصدقنى طب تعالى كده لما اوريك



كدب

لما بتدخل منتدى وتعمل عنوان يشد ويجذب عشان البنات تدخل وتحمل رابط وبكده تهكر على اجهزتهم مش ده كدب بردوا ؟؟

واوعى تقولى كذب ابيض لانه مافيش الوان خيانه بتخون الامانه وناس وثقت فيك وصدقتك

تجسس

لما تحط لينك عشان تخترق جهاز حد وتشوف صوره واسراره
انت مش عارف ان ده تجسس !! وربنا عزوجل قال ولا تجسسوا

ايذاء للغير

بتعرض الناس اللى بتخترق حساباتهم واجهزتهم للخوف والقلقولانهم ممكن يكونوا
ظروفهم صعبه ومش معاهم فلوس كل شويه ينزلو ويندوز ويفرمتوا اجهزه

هتك للاعراض

ممكن بنت تكون متصوره بملابس خاصه او بدون حجاب وده عرضها وانت بتدخل بكل بساطه
تتفرج وتسرق الصور وممكن اوى تعرضها على النت كمان

سرقه

بتسرق صور وملفات وايميلات وربنا حرم السرقه وجرمها



طيب تعالى كده شوف كلام واحاديث نبويه تحرم افعالك دى
وتشيلك ذنب ادام ربنا ويوم الدين


الكذب

ما أخرجه الشيخان من حديث عبد الله بن مسعود عن النبي صلى الله عليه وسلم قال: "عليكم بالصدق فإن الصدق يهدي إلى البر ،
وإن البر يهدي إلى الجنة ، ومايزال الرجل يصدق ويتحرى الصدق حتى يكتب عند الله صديقا ، وإياكم والكذب فإن الكذب يهدي إلى الفجور ،
وإن الفجور يهدي إلى النار ، ومايزال الرجل يكذب ويتحرى الكذب حتى يكتب عند الله كذابا"([1])
صحيح البخاري , رقم 6094 , كتاب الأدب (10/507) ؛ صحيح مسلم , رقم 2607 , كتاب البر (ص2012

الخيانه

عن عبد الله ابن عمر ’ عن النبى _صلى الله عليه وسلم _قال ,, ان الغادر ينصب له
لواء يوم القيامه فيقال,, هذه غدرة فلان ابن فلان,,, متفق عليه

التجسس

الحجرات 12 يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلا تَجَسَّسُوا وَلا يَغْتَبْ بَعْضُكُمْ بَعْضًا
أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ

السرقه

أنه صلى الله عليه وسلم أخبر أن المؤمن الصادق القوي في إيمانه لا يجرؤ على السرقة:
" لا يزني الزاني حين يزني وهو مؤمن ، ولا يشرب الخمر حين يشرب
وهو مؤمن ، ولا يسرق حين يسرق وهو مؤمن..." (رواه البخاري ومسلم
{وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالاً مِنَ اللَّهِ وَاللَّهُ عَزِيزٌ حَكِيمٌ} <المائدة>.
يااااااا شــــــايف كلام ربنا ورسولنا الكريم


ياترى مش خايف من عقاب ربنا ؟؟ ياترى مش حاسس انك بتعمل حاجه غلط وربنا مش راضى عنها
ولا يمكن ماتعرفش وشايف ان تصرفك مجرد لعبه او هزار !!



طيب تعرف انك لما بتخترق او تسرق حساب حد بيدعى عليك !! وبيقول حسبى الله ونعم الوكيل
معقول مش خايف من دعوة المظلوم طب تعالى شوف الكلام ده

اتق دعوة المظلوم ، فإنها ليس بينها وبين الله حجاب

أيها الظالم : لا تظلمن إذا ما كنت مقتدراً ******* فالظلم آخره يفضي إلى الندم
تنام عيناك والمظلوم منتبه ******* يدعو عليك وعين الله لم تنم

وقد حذر الإسلام من الظلم أشد التحذير ، وبين آثاره المشينة ، وعواقبه الوخيمةونتائجه المدمرة ، على الفرد والمجتمع .

* فقال سبحانه وتعالى ( وسيعلم الذين ظلموا أي منقلب ينقلبون ) [ الشعراء 227 ]

* وقال: ( إِنَّ اللَّهَ لَا يَهْدِي الْقَوْمَ الظَّالِمِينَ ) [ القصص 50 ]

* وقال عز وجل : ( إنه لا يفلح الظالمون ) [ الأنعام 21 ]

* وقال تبارك وتعالى ( إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي * الْأَرْضِ بِغَيْرِالْحَقِّ أُوْلَئِكَ لَهُمْ عَذَابٌ أَلِيمٌ ) [ الشورى 42 ]

* وقال( وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ) [ ابراهيم 42 ]

* وقال سبحانه وتعالى ( وَأَنذِرْهُمْ يَوْمَ الْآزِفَةِ إِذْ الْقُلُوبُ لَدَى الْحَنَاجِرِ كَاظِمِينَ مَا لِلظَّالِمِينَ مِنْ حَمِيمٍ وَلَا شَفِيعٍ يُطَاعُ ) [ غافر 18 ]

* وعن أبي ذر الغفاري رضي الله تعالى عنه عن النبي صلى الله عليه وسلم
فيما روي عن الله تبارك وتعالى أنه قال ( يا عبادي إني حرمت الظلم على نفسي ،
وجعلته بينكم محرما ، فلا تظالموا …الحديث )

فعن أبي هريرة رضي الله تعالى عنه ، قال قال رسول الله صلى الله عليه وسلم :
( ثلاثة لا ترد دعوتهم الصائم حتى يفطر ، والإمام العادل ، ودعوة المظلوم

يرفعها الله فوق الغمام ويفتح لها أبواب السماء ، ويقول الرب : وعزتي لأنصرنك ولو بعد حين )



ها لسه بعد كل الكلام ده مش عايز تبطل وتتوب توبه نصوحه وترجع لربنا ؟؟

باب التوبه دايما مفتوح ولسه فى وقت ادامك لو عايز تتسلى ممكن تدور على شغل او على خدمه تقدمها لمجتمعك ودينك

ووقتها هتحس قد ايه انت انسان ناجح وهيكون ليك جزاء ودعاء بدل مايكون ليك عقاب او تظلم حد برئ ويدعى عليك انت

انسان ربنا فضلك عن غيره بالعقل والذكاء اللى قدرت من خلاله تتعلم وتزود معلوماتك وخبرتك فى الكمبيوتر

ليه مش بتستغل العلم دة فى حاجة تطور بها بلدك او تعمل حاجة مفيدة تكتبلك فى ميزان حسناتك

شوف باب التوبه مفتوح ازاى

عَنْ أَنَسٍ أَنَّ النَّبِىَّ -صلى الله عليه وسلم- قَالَ « كُلُّ ابْنِ آدَمَ خَطَّاءٌ وَخَيْرُ الْخَطَّائِينَ التَّوَّابُونَ ». سنن الترمذي

عَنْ أَبِى مُوسَى عَنِ النَّبِىِّ -صلى الله عليه وسلم- قَالَ « إِنَّ اللَّهَ عَزَّ وَجَلَّ يَبْسُطُ يَدَهُ بِاللَّيْلِ
لِيَتُوبَ مُسِىءُ النَّهَارِ وَيَبْسُطُ يَدَهُ بِالنَّهَارِ لِيَتُوبَ مُسِىءُ اللَّيْلِ حَتَّى تَطْلُعَ الشَّمْسُ مِنْ مَغْرِبِهَا ». صحيح مسلم

عَنْ أَبِى بُرْدَةَ قَالَ سَمِعْتُ الأَغَرَّ وَكَانَ مِنْ أَصْحَابِ النَّبِىِّ -صلى الله عليه وسلم- يُحَدِّثُ ابْنَ عُمَرَ قَالَ
قَالَ رَسُولُ اللَّهِ -صلى الله عليه وسلم- « يَا أَيُّهَا النَّاسُ تُوبُوا إِلَى اللَّهِ فَإِنِّى أَتُوبُ
فِى الْيَوْمِ إِلَيْهِ مِائَةَ مَرَّةٍ ». صحيح مسلم



انا عارفه انه جايز اوى كلامى ده مايفرقش معاك كتير وجايز بردوا يأثر فيك ويغيرك
وتبدأ صفحه جديده مع ربنا ومع نفسك ومع الناس

ولازم تعرف ان اللى بتعمله فى الناس هيتعمل فى اهل بيتك وكما تدين تدان
وزى مافضحت وكشفت اسرار ناس كل ده هيتعمل فى اعز ناس ليك وربنا زى ما هو ارحم الراحمين
وزى ما هوغفور رحيم فهو ايضا منتقم جبار وشديد العقاب



وفى نهاية كلامى هقولك انك لو دخلت الموضوع ده واستفدت منه
وعملت بيه يبقى ربنا آراد انك تشوفه وتقرأه عشان تتغير

ولو فضلت مصمم على موقفك يبقى حتى بعد ماشوفت الموضوع ده يبقى
ربنا آراد انك تشوفه عشان يكون حجه عليك
يوم الحساب والعقاب