ويــن ياسين يا بهــية

(( فين بهية ؟؟))
البطالة هىّ هىّ
ايه حكايتك يابهية؟
ياحبيبتى الفقر زاد
والوجع غطى البلاد
بصى مرة فى عيونى
الفساد سهر جفونى
انت ليه قاسية علية؟
قالوا ثورة قلنا يالاّ
نكسر الصنم اللى تبت
فوق قلوبنا وكان رزية
واللى قال ياأهلى
انت حبى ونور عنيا
واللى صدق قلبه هايص
واللى غرقان جوه طينه
ولسة لاايص
والهموم كترت عليا
ايه حكايتك يابهية؟
واللى قال : طلعوا براءة
شلة العفن الغبية
دول حسابهم عند قادر
عينه مابتغفل شوية
أنت ليه بتعاندى فيّة ؟
يعنى عاجبك توهتى ديّه ؟
طمنينى لو بكلمة
بلّى ريقى
عرفينى سكتى
من فين طريقة؟
الولاد طفشوا وراحوا
للبلاد الاجنبية
والبنات القطر فاتها
وداس عليها والعلاج
ف العباسية
يابهية فين ياسينك؟
ياياسين فين بهية؟؟؟؟