لو سألت اي بنت إيه مواصفات فتي احلامك ؟؟

لو سألت اي بنت إيه مواصفات فتي احلامك ؟؟..
قبل ماتقولك طيب وحنين ووسيم وكل الصفات دي هتقولك عايزاه راجل بجد .....
قعدت افكر كتيييييير يعني ايه واحد راجل بجد ؟؟!! ووصلت لشوية اجابات ...:

-الراجل اللي بجد عمره مايضحك علي بنت او يستغلها ويوهمها انه بيحبها لمجرد انه بيسلي وقته


-الراجل اللي بجد تقدري تعتمدي عليه وتغمضي عينيكي وتمشي وراه ومتبقيش خايفة لأنك عارفة وواثقة انه عمره ماهيتخلي عنك

-الراجل اللي بجد عمره مايطلع سرك بينه وبين واحد صاحبه

-الراجل اللي بجد عمره مايتخلي عن مسؤلية او يتهرب منها

-الراجل اللي بجد عمره مايصاحب بنت ويروح يتكلم عليها مع اصحابه

-الراجل اللي بجد هو اللي اول ما الدنيا تقفل في وشك تلاقيه جمبك ضهرك وسندك

-الراجل اللي بجد ميبقاش فرحان بيكي وهو ماشي جمبك وامة لا اله الا الله بتتفرج عليكي

-الراجل اللي بجد عمره مايمد ايده علي واحدة لأنه مش محتاج يعمل كدة عشان يثة رجولته

-الراجل اللي بجد هو اللي يقول الحقيقة ولو علي رقبته

-الراجل اللي بجد عمره مايفرض نفسه علي واحدة رافضاه

-الراجل اللي بجد هو اللي هتحسي معاه إنك انثي ... عمرك ماهتقدري تعلي صوتك قدامه .... في شئ جواه هيجبرك انك تلتزمي الصمت

-الراجل اللي بجد هو اللي يقدر يستوعبك وقت ضعفك

-الراجل اللي بجد عمره مايستغل حب واحدة ليه عشان يضغط عليها

-الراجل اللي بجد ممكن ميجبلكيش كل حاجة بس وجوده جمبك هيخليكي حاسة انك ملكتي كل حاااااااااااجة

-الراجل اللي بجد مش شنب ولا عضلات ولا طول وعرض !!!!!

-الراجل اللي بجد مواقف وافعال .... حاجات كدة اكبر من انها تتوصف بكلاااااااااام

مشكوووووور ه والله يعطيكي الف عافيه

يسلموووو ع المرور الجمييييييل ..

الله يا اميرة دايما تميز بكل موضوع بيجنن يارب ماننحرم منك ابدا

يا اطيب اميرة تسلم ايديكي حبيبتي

اميرة خلينا نرجع لزمن سى السيد
اسمح لي ابدي اعجابي بقلمك وتميزك واسلوبك الراقي وتالقك

اجمل وارق بنات منوريييييييييييين ...
يسلموو ع المرور ^_^