حالى من بعدك

حالى من بعدك
كما التسابيح

بتذكرنى فى اركانك

كما شمعة طفتها الريح

وضوءها كان بأمكانك

وبشرح لك مع التوضيح

وهحط نفسى فى مكانك

مانيش خاينة لمشاعرنا

ومانيش صاينة لشىء بينا

ومش واحدة فى سكانك

بتحسبنى انا النجمة؟

تنور ليلك الحالك

وبتقولى انا الظالمة

ومنى قهر ومهالك

وكنت انا فيين

بعت لك شوق وحنين

ولو جالك

مكنتش تظلم الباقى

لاشواقى

وهى اجابتى لسؤالك

وادى حالى من بعدك

ولو رافضة

ولو ترضى

انى اكون

او انى اهون

يكون سفرى

فى ترحالك

خلاص نبعد ودا قرارنا

زرعنا يامة ماحصدنا

ولو زمنا غيرنا

راح اسكن يوم

فى احوالك

وتلقانى

سلام فى ايدين مع

حبيبتك

او بيت مرة سكن

شعرك

او حتى وداع بيتحرك

فووق الارض

ومليون رفض

وسكنى فى يوم سيرتك

واناجى الروح و

فى حضنك

اقولك

سبنى ذكرى تكون وردة فوق قبرى

واكون نبضك فى

اشلائك