انسى الدنيا

احضن نفسك وانت لوحدك
قوم واتعكز بس عليك
ولو الدنيا فى غمضه عين
بلا اسباب فضيت حواليك
خليك صاحبك
يعنى اتكلم واسمع ليك
خليك واقف جنبك واثبت
قلبك مش هيعيش غير بيك
ومفيش عين ممكن هتدمع
على شئ وجعك الا عنيك
وان ملقتش لحضنك حضن
طبطب على جرحك بايديك
واحلم بالفجر اللى هيجى
حتى فى عز ضلام لياليك
وانت بتحلم
شب وطول السما متخفش
وانت بتعشق بحبال دايبه متتعلقش
وانت مسافر
خلى فى شنطة قلبك ذكرى
فارق لكن متودعش
وانت بتضحك اضحك اكتر
طمن قلبك ومتقلقش
وانت بتبكى ابكى براحتك
وان حسيت ان انت ضعيف متصدقش
صدق قلبك خليك جامد
وانت بتضحك متدمعش
دى الضربه اللى متموتش
طب صدقنى هتقويك
والايد اللى متقوكش
ميصحش فى يوم تحميك
والخضه اللى متخوقش
موئكد ولا هتئزيك
واللى يروح ومبيرجعش
يبقا مكنش اصلآ ليك
واضحك على الايام وسايسها
على قد ما تقدر حسسها
انها مبتفرقش معاك
انساها هتفتكرك هى
اصلك لما تفكر فيها
تلاقها معانده ونسياك
شوفها بعينك بمبا مسخسخ
لو بيقولو عليها بلاك
رخم على جرحك واستهبل
غيظها وطلع ليها لسانك
لو كانت مره معانداك
اعمل نيو لوك لايامك
واتقل عالافراح تلاقيها
جايه فى وقتها تجرى وراك
اتعلق فى الحلم وعافر
عمر الحلم ما يستناك
احتراااااااااامى
عمـــــــــــــده