يجى طيفك

يجي طيفك على بالي يساهرني
ويسرق نومي من عيني ويسالني عن أحولي
وياخذني لمكان بعيد وزمان بعيد
زمان الحزن والتنهيد زمان كنا فيه أحباب
قلب لقلب .. وإيد بإيد وفي غرفتي
أفتح نوافذ شرفتي ودي أبدد وحدتي
وأجلس على كرسي خشب كلي ألم ..كلي تعب
والدمع باطراف الهدب وأرفع عيوني للسما
وألقى السحاب غطى النجوم
وغطى القمر مثل الهموم
اللي حجبت أغلى البشر ياطيفها
هي وينها ! أرجوك تكفى قل لها
إني أنا أحبها والله أنا أحبها
وإني أبد ما قلتها إلا لها ولا أحس بطعمها
إلا وأنا في قربها هي وينها !
ياطيفها رح خلني بطفي شموع الحنين
وأجلس لحالي فالظلام وأتلحف أحزان السنين
وأتوسد أحلامي وأنام مابي يصحيني أحد..