سرحت

اخدتنى افكارى سرحت
وروحت لزمنك واتخيلت
لو كنت عايش جنبك انت
ياترى يا اللهى هبقا مين
كنت هكون اعمى وفتحتو
ولا كسيح من عجزه رحمتو
ولا احسنلى اكون متفرج
اسجل واحكى كلام متقلش
مهو مش كله مكتوب عنك
لسا كتير وازاى معرفش
لكن انا متاكد جدأأ تفصيلك
مش ممكن تخلص
ده اللى يعيش بيسجل خيرك
ولا عواطفك كل كلامه هيفضل يحكى
وهو هيخلص
ليه محكوش عن نظره عينك
دى لوحدها محتاجه سنين
تتغزل وتحب وتعشق
وتتوه بين عينيك الاتنين
كانت عينك بتقول ايه
لعيون مبتعرفش تبص
طب لو غمضت بتشوف ايه
بتسرح فين انا نفسى احس
نفسى اصغر واكون دمعايا
تدخل مجرى عيونك ديا
واجرى ما بين جفنك واتمرجح
وايا النظره الرايحه الجايه
نفسى اشوف الدنيا بعينك
اكيد نقيه بسيطه يارب
عمر عينيك دى ماجرحت حد
حتى ان عارفه اثيم القلب
متهيائلى لما بترمش جفنك
تقفل رمشك
كنت بتستر عريان بيه
واما بترجع تفتحه تانى
علشان يخرج نور يداويه
كل همسه يارب محيط
كل لمسه يارب طوفان
محيط يطهر من اللعنات
ولمسه محتاجها التعبان

كفوف ايدك دى بتعمل ايه
طب كانت ريحتك رييحه ايه
انا عارف ريحتك وحافظها
ريحتك خير ودفا وعبير
ريحتك رحمه ونور وضمير
ريحتك انت يعنى امان
يعنى سلام يدخل فى القلب
فجرحه ينام
ريحتك انت يارب الكون
يعنى زهور الكون ووروده
وامل وامان ولا يعرف يوصفها كلام
لما كنت تعدى تهفهف
بتلون العيشه الضلمه
كانت حياتهم قاسيه وصعبه
بس انت كنت النور فى العتمه
وارجع تانى واتوه فى كفوفك
وادفع عمرى يارب واشوفك
واسمع منك على اللى عملته
بايديك دى من غير مانشوفك
فهمنى دا انا تهت فى حسنك
وانا بشتهى لو كان ده مصيرى
احترامى
عمـــــــــــــــــده