كلمة احبك لاتكفى حبيبتى ر

كلمة أحبك وأعشقك وأموت فيك
لا.. ماتعبّر عن مشاعر مغرمه
لأن الغلا لك كثر حب أمك وأبيك
يصعب وصوفه لو بدعتك ملحمه
كل القصايد بالجزاله تحتويك
يافاتنه ياراقيه ياملهمه
نبض المشاعر دايم تنادي تبيك
لو غبتي ليله (خالد) الله يرحمه
أنتي غلا العاشق وروحه في يديك
دنياه في غيبت جنابك مظلمه
حبك ملكني لو طلبتي بفتديك
غلاك وسط القلب زايد بأسهمه
إى والله أنك غير يرضى لي عليك
بالزين روعه والمشاعر مفعمه
عرش الجمال العالمي يرجع إليك
بالحسن زينك قلّدوه الأوسمه
الخد وردي مثل بستان المليك
فيه الزهور ألوان تلمس مبسمه
حرير ناعم ملمسه مغرور فيك
من شاهده من هول زينه يصدمه
وإلاالعيون السود يرحم والديك
نظره تشافيني و نظره مجرمه
سود المحاجر ليل صيف ن معتليك
الشوق فيها كل لحظه ترسمه
لا سلهمن موتي على الدنيا وشيك
بعيونك سهوم المنايا مؤلمه
وأعذب كلام الحب عانق شفّتيك
شفايفك سكّر نباتي مطعمه
كل الحروف الأبجديه تحتريك
لامن حكيتي كل حرفٍ تنظمه
أبيع كل الناس لأجلك وأشتريك
ياعل زولك ياالغلا مانعدمه
تفداك روح ن كل ساعه ترتجيك
حياتها فى روض حبك منعمه
هذا الصحيح اللى مع النسمه يجيك..!

[frame="2 50"]
لروعه الكلمات رونق خاص
ونزف للمشاعر راقني واسعدني
شي جديد وجميل
تحيات وتشكرات

عشوقه
[/frame]

اسمح لي ابدي اعجابي بقلمك وتميزك واسلوبك الراقي وتالقك