الشوق تعب..!

الشوق تعب
وقت الغياب
عايز يلملم مشاعره لحد قلبك
يفرش رموشه طريق طويل
يوصل لضلعك
الشوق تعب رحال
بيتمنى اللقا
على وهج خصرك
والقلب عمال يشتكى
سنين غياب
وله ف القلب اكبر عتاب
متملكين فوق الجبين
لحظات بكا
ولحظات انين
الشوق تعب
وانا مستنى بامالى
وبشجونى
وبحياتى
وباهاتى
وبحنينى
لنظره حلوه من عنيكى
لكلمه احلى من شفايفك
بس شايفك
من بعيد
واخده موقف م الحياه
ال ف قربى
واخده حاله استحاله
تكونى حببتى لينا نجاه
الشوق تعب
وقت السكات ال بيوجعنى اوى
وقت الحنين للذكريات
ال بتحيينى اووى
وقت الغناوى والحكاوى
وقت همسه من شفايفك
وقت لمسه من نعومه تشد خصرك
جوا منى
الشوق تعب
وقت احسك مش معايا
وانتى فعلا ساكنه ياعمرى جوايا
رافضه كل محاولاتى
للحياه ال ف ايدكى
رافضه كل حروفى حتى
ال بقت يوماتى تنده عليكى
تموت عليكى
ده الشوق تعب
والقلب برضه كمان تعب
والحس رافض يرفضك
حتى المشاعر برضه شاعره
بغربتك
الكل هايم للقا ساعه عصارى
لاجل الغناوى
لاجل الحكاوى
لاجل اجمل وشوشات
عودى بقا وزينى طريق السهاد
عودى بقا وشتتى
وجع السكات
عودى بقا احمينى
من صمت الممات
الشوق تعب
الكل مستاء م السكات ال ف قلبك
الكل محتاجلك حببتى صدقينى
تكونى ليه
تكونى حتى رموش عنيه
تعب الشوق
وبقيت انا ويا شوقى ولهفتى
عايش ف صمتى
ويا صبرى
استنى لحظات الهنا
ال بشوفها ف طلتك
الشوق تعب
احتراماتى
عمده