مجرد مشاعر

و بتسألني ..

ح تضل ؟

ح تفل ؟

ح تحبني ؟

ح تتركني ؟

ح تنسيني الجروح ؟

ح تقسى وبتروح ؟

وبتسألني .. مية ألف سؤال

ولما تخاف من جوابي ..

تقلي خلص .. ما تجاوب

إنسى ..

وهيي يلي ما ح تنام قبل ما طمنها وجاوب

بتقلي إنسى .. ما بدي تجاوب

و شو نفع الجواب ؟!

أكيد ما ح تقلي .. ح اجرحك

أكيد ما ح تقلي .. ح خونك

أكيد ما ح .. ( بقاطعها )

بجاوب عن عمري .. يلي نطرتك تعيشي فيه ؟

بجاوب عن قهري .. يلي نطرتك تجي و تخفيه ؟

بجاوبك وبقلك .. ماني متل كل الشباب ؟

لا .. أنا متلن

و لما يلي متلك .. بيتعرف ع يلي متلن

يتوب هو .. و يردد تحية العلم قدام وجودك

وحياة الي ميّز وجودك ..

ح تكوني إنتي حضن الوطن .. يلي أعلن تسوية الوضع

و الوضع عندي .. تعبان .. كتير تعبان

سجلي عندك .. ع أول صفحة جنان

إن قبلتي .. تكوني وطني ..