هــل يرضـــــــــيك

.***********************.
يرضيك يرضيك تجرح قلبي بإيديك
وتدّور ع اللي باعك وتأهمل في اللي ليك
وفي لحظه تسيب متاعك والقلب اللي يراعيك
والقاك عايش صراعك وشيطانك بيناديك
حتىَ الحلو في حياتك سبتهُ ومين يشتريك
..
يرضيك يرضيك تقتل كُل اللي فيك
وتشوف الشوك قصادك تمشي مغمّض عينيك
وتزيد حتىَ في عِنادك والهمّ يبان عليك
خليك ايه اللي جابك الماضي أولىَ بيك
ماهو من أصلهُ عذابك واللهِ بيلعب بيك
..
يرضيك يرضيك ماتروح للي يجافيك
وتقف ع الباب قصادهُ ولاحتىَ يبُص ليك
ليه بتستعطف حنانهُ وبيستعجب عليك
وكأن بطفل جالهُ للعِب وبيراضيك
ويحدد فيك ميعادهُ ويوصّلني لإيديك
..
يرضيك يرضيك قلبي بيأسف عليك
وحسابهُ كرامه غاليه ليه بيدوسها اللي فيك
وسنين راحت في ثانيه راجع ولافايده فيك
لو حتىَ الدنيا خاليه غير قلبي مين يداريك
خليك خليك أحسن ويّاه خليك