الآم ومهما كتب الحبر

الأم
مهما كتب الحبر معانى
مهما قلت احلى اغانى
مهما كتب الشعر كلام
عمره ما يوصف فضل الأم
إيد الأم ماسحه دموعى
شالت كل ألام الهم
اللى ساكنه جوة ضلوعى
أمى شجرة ليها ضليله
فاردة فروعها لكل العيله
فرع محبه وفرع حنان
بين أحضانها اللحظه جميله
نفسى تفهم يا إنسان
تحت ٌقدمها تكون الجنه
وجانا الوعد من القران
أمك أمك يا إنسان
رد جميلها بالإحسان
تضمن كدة بيتك فى الجنه
وصدق الوعد من الرحمن
مهما كل الدنيا تسيبنى
مهما القسوة راح تغلبنى
كف الأم يقعد يواسينى
كف الأم يقعد يلاعبنى
مهما طالت بيه أيامى
مهما كبرت سنين وسنين
فى حضن الغاليه بنسى ألامى
وأنسى إنى كنت حزين
لو راح ألم غناوى الليل
وأعمل شاعر بالمواويل
عمرى ما ح أوصف فضل الأم
دمى وعمرى ليها قليل
وأحلى وردة منى يا ليل
أحلى هديه لمليون أم